पत्रकार महासङ्घको २५औँ महाधिवेशन आजदेखि सुरु

Nepal journalist -e1482949047630

काठमाडौँ,  भदौ ४ गते । नेपाली पत्रकारको छाता सङ्गठन नेपाल पत्रकार महासङ्घको २५औँ महाधिवेशन आइतबार काठमाडौँमा सुरु हुँदैछ । महाधिवेशनमा भाग लिन देशभरका पार्षद् तथा अन्य पत्रकार काठमाडौंँमा भेला भएका छन् । कमलादीस्थित नेपाल प्रज्ञाप्रतिष्ठानको सभाहलमा आइतबार बिहान सुरु हुने महासङ्घको उद्घाटन प्रधानमन्त्री शेरबहादुर देउवाले गर्नुहुने महासङ्घले जनाएको छ । महाधिवेशनले महासङ्घको आगामी तीन वर्षका लागि ४७ सदस्यीय नयाँ कार्यसमिति निर्वाचित गर्नेछ । व्यावसायिक पत्रकारहरूको संस्था महासङ्घको नयाँ कार्यसमितिको नेतृत्वका लागि नेपाल प्रेस युनियन, प्रेस चौतारी नेपाल, प्रेस सेन्टर लगायतका पत्रकारसम्बद्ध सङ्गठन क्रियाशील रहेका छन् । ती तीनै संस्था भने मुलुकका मुख्य दल नेपाली काँग्रेस, नेकपा (एमाले) र नेकपा (माओवादी केन्द्र)का शुभेच्छुक हुन् ।

Read more: पत्रकार महासङ्घको २५औँ महाधिवेशन आजदेखि सुरु

नेपाली सेनाद्वारा एकहजार बाढीपीडितलाई निःशुल्क भोज

राजविराज, २ भदौ । खाँडो नदीबाट प्रभावित सप्तरीको राजविराज–१५ स्थित देउरी भरुवाका बाढीपीडितलाई नेपाली सेनाले बिहीबार निःशुल्क भोजको आयोजना ग¥यो ।ल्ला रेडक्रस सोसाइटी, सप्तरीको सहयोगमा आयोजना गरिएको सो भोज कार्यक्रममा देउरी भरुवाका करिब एकहजार बाढीपीडितलाई भात, दाल र तरकारीसहित खाना खुवाएको नेपाली सेनाले जनाएको छ ।कृष्णदल गण राजविराजबाट गएको नेपाली सेनाको टोलीले त्यहाँ रहेका बाढीपीडितलाई खाना खुवाएका हुन् । यस्तै, सोही ठाउँमा नेपाली सेनाले निःशुल्क स्वास्थ्य शिविरको आयोजनासमेत गरेका छन् ।१८ नं वाहिनी अड्डा सिए गुल्म, उदयपुरबाट आएका चिकित्सकद्वारा करिब ४१० जना स्थानीय बाढीपीडितलाई निःशुल्क उपचार गराइएको कृष्णदल गणका नेपाली सेनाका सेनानी सुरेन्द्रदेव बोगटीले बताउनुभयो ।जिल्ला जनस्वास्थ्य कार्यालयको सहयोगमा आयोजित सो स्वास्थ्य शिविरमा एकजना एमबिबिएस डाक्टरससहित छजना डाक्टरको टोलीले ती बाढीपीडितलाई उपचार गराई निःशुल्क औषधिसमेत वितरण गरेको सेनानी बोगटीले जानकारी दिनुभयो ।यसैबीच, राजविराज–१० स्थित बिरोलमा खाँडो नदीबाट क्षति भएको बाँधलाई समेत नेपाली सेनाले मर्मत एवं पुनःनिर्माणमा जुटेको नेपाली सेनाले जनाएको छ ।

निर्वाचन विधेयकको दफावार छलफल रोकियो

काठमाडौँ, भदौ २ गते । सैद्धान्तिक छलफल सकिएको १० दिनभन्दा बढी भए पनि प्रतिनिधिसभा तथा प्रदेशसभा सदस्य निर्वाचन विधेयकको दफावार छलफल सुरु भएको छैन । नैतिक पतन देखिने फौजदारी कसुरमा अदालतबाट सजाय पाएको कति समयपछि उम्मेदवार बन्न पाउने वा नपाउने, महिलामात्र प्रतिनिधित्व हुने गरी चक्रीय रूपमा कति निर्वाचन क्षेत्र छुट्याउने लगायतका विषयमा दलीय सहमतिपछि विधेयकको प्रक्रिया अघि बढाउने तयारी छ ।

Read more: निर्वाचन विधेयकको दफावार छलफल रोकियो

बाढीप्रभावितलाई राहत वितरण, महामारी फैलने सम्भावना

गौशाला, २ भदौ । बाढीबाट अतिप्रभावित महोत्तरी जिल्लाका बाढीपीडितलाई राहत वितरण गरिएको छ ।जिल्ला दैवीप्रकोप उद्धार समिति, महोत्तरीका अनुसार बलवा गाउँपालिका–४ बदियाबन्चौरीका १४५ घर परिवार, पिपरा गाउँपालिका २, ३ र ४ का २५८ घर परिवार, मटिहानी गाउँपालिकाका २०० घर परिवार, जलेश्वर कारागारका ३८२ कैदी र जलेश्वर नगरपालिका–१० का १२५ घर परिवारलाई राहत वितरण गरिएको छ ।उनीहरुलाई चिउरा, भुजा, चाउचाउ, दालमोठ, भुजिया, त्रिपाल र मेट्रेसलगायतका सामग्री विहीबार वितरण गरिएको जिल्ला दैवी प्रकोप उद्धार समितिका प्रमुख एवं जिल्ला अधिकारी बाबुराम श्रेष्ठले बताउनुभयो ।बाढीपीडितलाई नेपाल रेडक्रश सोसाइटी, एक्शन वर्क नेपाल, सेभ द चिल्ड्रेन, नेकपा (एमाले), नेपाली काँग्रेस, नेकपा (माओवादी केन्द्र)लगायतका पार्टीले जिल्ला प्रशासन कार्यालय महोत्तरीको समन्वयमा राहत सामग्री वितरण गरेको प्रजिअ श्रेष्ठले बताउनुभयो ।यसैबीच, जिल्ला दैवी प्रकोप उद्धार समितिको जलेश्वरमा बसेको बैठकले राहतका लागि आएका खाद्यान्न सामग्री लोहारपट्टी, कोल्हुवाबगेया, गौशाला, सोनमा, सम्सी, भंगहा, पिपरा, बलवा, मटिहानीमा तत्काल वितरण गर्ने निर्णय गरेको छ ।त्यस्तै, बैठकले राहत सामग्री दाताले आफूखुशी वितरण नगरी जिल्ला दैवी प्रकोप उद्धार समितिसँग समन्वय गरी वितरण गर्ने निर्णय गरेको छ । जिल्लाको जंघा, रातु, अंकुशी, मरहा, विग्हीलगायतका नदीमा आएको बाढीबाट ४० हजार घरपरिवार प्रभावित भएका छन् भने आठ हजार घर परिवार विस्थापित भएका छन् ।त्यसैगरी, पाँचजनाको मृत्यु र एकजना बेपत्ता भएको जिल्ला प्रशासन कार्यालय महोत्तरीले जनाएको छ ।

Read more: बाढीप्रभावितलाई राहत वितरण, महामारी फैलने सम्भावना

प्रदेश र प्रतिनिधिसभा चुनाव मङ्सिर ४ र २१ को मिति प्रस्ताव

Election-Commission-Nepal-768x411

काठमाडौँ, भदौ २ गते । व्यवस्थापिका संसद्का प्रमुख तीन राजनीतिक दलका शीर्ष नेता र निर्वाचन आयोगका पदाधिकारी प्रदेशसभा र प्रतिनिधिसभाको निर्वाचन सँगै गर्न सहमत हुनुभएको छ । प्रधानमन्त्री निवास बालुवाटारमा शुक्रबार साँझ बसेको शीर्ष नेताको बैठकमा दुईवटा मतपत्रबाट निर्वाचन गराउने सैद्धान्तिक सहमतिसमेत भएको छ । प्रधानमन्त्री एवं नेपाली काँग्रेसका सभापति शेरबहादुर देउवा, नेकपा (एमाले)का अध्यक्ष केपी शर्मा ओली, नेकपा माओवादी (केन्द्र)का अध्यक्ष पुष्पकमल दाहाल ‘प्रचण्ड’ तथा प्रमुख निर्वाचन आयुक्त डा. अयोधीप्रसाद यादवसहितका नेता एवं आयुक्तको बैठकमा निर्वाचनको मिति भदौ ३ गते घोषणा गर्ने सहमतिसमेत भएको छ ।

Read more: प्रदेश र प्रतिनिधिसभा चुनाव मङ्सिर ४ र २१ को मिति प्रस्ताव