नेपाल–चीन संयन्त्र बैसार सम्पन्न, तीन मुख्य सम्झौता

काठमाण्डू भादव २४ गते ।विदेशमन्त्री स्तरीय नेपाल–चीन संयन्त्र बैसार सम्पन्न भेल अछि ।बैसारमे भेल बृहत छलफलक बाद चीन नेपालकेँ आपतकालिन अवस्थाक तैयारी स्वरुप ५ हजार टा पाल देबाक, नेपालमे चिनियाँ भाषा पढाबए लेल स्वयंसेवक शिक्षक पठेवाक आ लगभग ३५ करोड नेपाली रुपैयाँक खर्चमे मनाङमे अस्पताल बनेबाक सहमति भेल अछि ।
सोमदिन राजधानीक याक एण्ड यति होटलमे चिनियाँ विदेशमन्त्री वाङ यीकेँ नेपाली समकक्षी प्रदीप ज्ञवाली सहित अर्थमन्त्री डा. युवराज खतिवडा, चीनक लेल नेपाली राजदूत लिलामणी पौडेल, परराष्ट्र सचिव शंखर वैरागी, मन्त्रालयमे चीन मामिला देखएबला सहसचिव काली पोखरेल सहितक उच्च पदस्थ अधिकारी बीच बैसार बैसल छल ।
चिनियाँ विदेशमन्त्री वाङ यी रविदिन काठमाण्डू पहुँचल अछि ।
विदेशमन्त्री यी सोमदिन संयन्त्र बैसारक बाद राष्ट्रपति विद्यादेवी भण्डारी आ प्रधानमन्त्री केपी शर्मा ओली सँ सेहो भेटवार्ता कएलन्हि अछि ।
तहिना नेपाल सरकारक किछु विभागीय मन्त्री तथा पूर्व प्रधानमन्त्रीसभ सँ सेहो विदेशमन्त्री भेटलन्हि अछि ।

Leave a Reply

Your email address will not be published. Required fields are marked *