Breaking-News

वृद्धभत्ता ६५ वर्षमे देबाक कांग्रेसक माँग

Please follow and like us:

काठमाण्डु जेठ २४ गते ।नेपाली कांग्रेस ६५ वर्ष उमेर पुरा भेलसभकेँ वृद्धभत्ता देबाक माँग कएलक अछि । वृहस्पतिदिन प्रतिनिधिसभाक बैठकमे कांग्रेस कोषाध्यक्ष तथा सांसद सीतादेवी यादव वृद्धभत्ता देबाक उमेर ६५ वर्ष कायम करबाक माँग कएलीह ।तहिना ओ पूर्ववर्ती सरकार घोषणा कएने गम्भीर प्रकारक चारि प्रकारक बिमारीकेँ पाँच हजार भत्ता देबाक घोषणा कार्यान्वयन करबाक माँग सेहो कएलीह अछि ।
कांग्रेस नेता गगन थापा स्वास्थ्यमन्त्री रहल समय सरकार किडनी, क्यान्सर आ स्पाइनल इञ्ज्युरीक कारण प्यारालाइसिस भे बिमारीकेँ मासिक ५ हजार भत्ता देबाक निर्णय कएने अछि । मुदा ओ लागु नहि भेल अछि ।
एहिबीच कांग्रेसद्धारा उठाओलगे प्रश्नके जबाब दैत अर्थमन्त्री युवराज खतिवडा वृद्धभत्ता पएबाक उमेर ६५ वर्ष तय करब उपयुक्त नहि रहल बतओलन्हि अछि । वृद्धभत्ताके लेल ६५ वर्षक उमेर उपयुक्त नहि रहल बतओन्हि ।
२०५१ सालमे ७५ वर्ष उमेर पहुँचल जेष्ठ नागरिकककेँ मासिक १ सय रुपैयाँ भत्ता देबाक शुरु कएलगेल स्मरण करबैत ओ ओहि समय औसत आयु ५९ वर्ष रहल मुदा एखन बढि कऽ ७१ वर्ष पहुँचलाक कारण वृद्ध भत्ताक उमेर घटाएब उपयुक्त नहि रहल खतिवडा प्रष्टिकरण देलन्हि ।

Have your say