Breaking-News

लोकसेवा आयोगक कार्यालय घेराव

Please follow and like us:

जनकपुरधाम जेठ २४ गते ।लोकसेवा आयोग स्थानीय तहमे आव्हान कएने विज्ञापन संविधानविपरित रहल कहैत विद्यार्थीसभ महोत्तरी सदरमुकाम जलेश्वरस्थित लोकसेवा कार्यालय घेराव कएलक अछि ।विज्ञापनमे संविधान सुरक्षित कएने आरक्षणक प्रावधानके उल्लंघन कएलगेल कहैत राजपा समर्थीत विद्यार्थी संगठन राष्ट्रिय विद्यार्थी संघ वृहस्पतिदिन लोकसेवा आयोगक कार्यालय घेराव कएलक अछि । विद्यार्थी संघक केन्द्रीय अध्यक्ष ज्ञानेन्द्र झाक अगुवाईमे विद्यार्थीसभ कार्यालय घेराव कऽ एक घन्टा धर्ना पर बैसल छल ।
लोकसेव आयोग आव्हान कएने विज्ञापनमे मधेशी, आदीवासी, जनजातिसहितक आरक्षित कोटा काटलगेल कहैत विद्यार्थीसभ विरोधस्वरुप कार्यालय घेराव कऽ धर्ना देने छल ।
एहिसँ पहिने विज्ञापनक विरोधमे विद्यार्थीसभ जनकपुरमे सामान्य प्रशासन मन्त्री लालाबाबु पण्डित आ लोकसेवा आयोगक अध्यक्षके पुतला जरा कऽ विरोध प्रदर्शन कएने छल ।

Have your say