Breaking-News

‘सरकार जनताक हितमे काज नहि कऽ सकल’

Please follow and like us:

जनकपुरधाम फागुन ०२ गते ।पूर्व प्रधानमन्त्री एवं नेकपाक वरिष्ठ नेता माधवकुमार नेपाल सरकर पर फेर कटाक्ष कएलन्हि अछि । सरकार विधिके शासनअनुसार सञ्चालन नहि भऽ सकल नेपालक आरोप छन्हि ।
जनकपुर विमानस्थल पर बुधदिन सञ्चारकर्मीसभसँ बातचित करैत नेता नेपाल एक वर्ष पुरा कऽ चुकल सरकारकेँ स्वयं मूल्यांकन करबाक समय आबि चुकल बतआलन्हि अछि । ‘सरकारक कामकार्यबाहीसँ जनता खुश नहि भऽ सकल अछि,’ नेपाल कहलन्हि,‘सरकारकेँ अपन काजक समीक्षा कऽ कऽ जनताक हितमे काज करब जरुरी अछि ।’
पार्टी सञ्चालनक तौरतरिका पर सेहो नेता नेपाल असन्तुष्ट देखलगेल छथि । ‘पार्टीके नीतिके हिसाबसँ चलबाक चाही,’ नेपाल कहलन्हि,‘पार्टी नीतिके हिसाबसँ सञ्चालन हएबाक चाही छल । मुदा व्यक्तिके हिसाबसँ चलि रहल अछि ।’ पार्टीकेँ व्यक्ति चला रहल कहैत विधिअनुसार सञ्चालन नहि भऽ सकल नेपाल आरोप लगओलन्हि ।
नेकपा बुधदिन जनयुद्ध दिवस मना रहल समय नेता नेपाल पार्टीकेँ जनयुद्ध दिवस मान्य नहि रहल बतओलन्हि अछि । जनयुद्ध दिवस मनएबाक निर्णय पार्टीके नहि भऽ कऽ कोनो व्यक्तिके रहल ओ बतओलन्हि । पार्टीक परिपाटीके अध्यक्ष नहि बुझि सकल ओ आरोप लगओलन्हि ।
एहिबीच नेता नेपाल जनकपुरस्थित अनाथ आश्रमक धियपुताकेँ कक्षा १२ धरि पढएबाक प्रतिवद्धता व्यक्त कएलन्हि अछि । सदगुरु कबिर अनाथ बालवत्सल्य आश्रममे रहिरहल धियापुताक अवस्थाक विषयमे जानकारी लेबए पहुँचल नेता नेपाल आश्रमक धियापुताक १२ कक्षा धरिके पढएबाक जिम्मेवारी लेलन्हि अछि ।

Have your say