Breaking-News

जालसाजी आरोपमे गिरफ्तार महन्थ ‘बैकुण्ठ’ सार्वजनिक

Please follow and like us:

जनकपुरधाम २१ गते । जनकपुरस्थित जनक हजारी विद्यापीठक जमीन जालसाजी कएने आरोपमे गिरफ्तार रत्नसागर मन्दिरक महन्थ बैकुण्ठ दास वैष्णवके प्रहरी सार्वजनिक कएलक अछि । बुधदिन साँझ काठमाण्डुक बागबजारस्थित तिरुपती होटलसँ पकराएल महन्थ दासके जिल्ला प्रहरी कार्यालय धनुषा वृहस्पतिदिन पत्रकार सम्मेलन कऽ सार्वजनिक कएलक अछि ।
जमिन जालसाजी कएने आरोपमे दासविरुद्ध जिल्ला अदालत धनुषामे मुद्दा दायर भेल छल । अदालत गिरफ्तार करबालेल आदेश जारी कएलाक बाद फरार भेल महन्थ दासकेँ प्रहरी काठमाण्डुसँ नियन्त्रणमे लेबामे सफल भेल छल ।
जनकपुरधाम उपमहानगरपालिका–८ स्थित विद्यापीठक भोग करैत आबि रहल गुठी संस्थानक नाममे दर्ता रहल सिट नम्बर १३५४–१४ किता नं.६२ के क्षेत्रफल ०–२–११ आ सिट नं. १३५४–१५ किता नं. २८ के क्षेत्रफल २–८–१४ जमीनक नक्कली लालपूर्जा बनओने दालसके जालजासी मुद्दामे गिरफ्तार कएलगेल धनुषाक एसपी गोविन्द थपलिया जानकारी देलन्हि ।
जनकपुरधाम–८ स्थित करोडौं मूल्य बराबरके विद्यापीठक नाम पर रहल जमीन महन्थ दास आ हुनकर सहयोगी अशोक शर्मा जालसाजी कएने आरोप अछि । दासक सहयोगी शर्माकेँ प्रहरी एहिसँ पहिने गिरफ्तार कऽ चुकल अछि ।
अढाई अर्बसँ अधिक मूल्य बराबरके विद्यापीठ अधिनस्त ओहि जमीनक संरक्षक दास अपने आ मोही शर्माके बनओने छथि । हजारी जनक विद्यापीठ भोग करैत आबि रहल अढाई विघा जमीन महन्थ दास नक्कली लालपूर्जा बना कऽ हडपने कहैत प्राचार्य विजय चौधरी अदालतमे मुद्दा दायर कएने रहथि ।

Have your say