Breaking-News

मूल्यवृद्धि फिर्ताके माँग करैत तरुणदल बुझओलक ज्ञापन

Please follow and like us:

जनकपुरधाम १८ । नेपाली काँग्रेसक युवा संगठन नेपाल तरुण दल मूल्यवृद्धिसहित विभिन्न माँग आगु बढबैत धनुषासहित देश भरिके जिल्ला प्रशासन कार्यालयमार्फत सरकारकेँ ज्ञापनपत्र बुझओलक अछि ।
दशैंके नजदिक आबि कऽ पेट्रोलियम पदार्थसहित दैनिक उपभोग्य सामग्रीमे कएलगेल मूल्यवृद्धि तत्काल फिर्ता लेबाक माँग करैत तरुणदल प्रमुख जिल्ला अधिकारीमार्फत सरकारकेँ सोमदिन ज्ञापनपत्र बुझओने अछि ।
कालाबजारी आ तस्करी नियन्त्रण, पावनि तिहारक समयमे आवश्यक दैनिक उपभोग्य वस्तु सहज तरिकासँ उपलब्ध करबाले सुपथ मूल्य दोकानक व्यवस्था, शान्ति सुरक्षाके उचित व्यवस्था करबालेल ज्ञापनपत्रमे माँग कएलगेल अछि । तहिना बलात्कार कऽ हत्या कएलगेल निर्मला पन्तक हत्याराके यथाशीघ्र कारबाही करबाले तरुण दल माँग कएने अछि ।
तरुण दल धनुषाक अध्यक्ष संजय लाभ कर्णक नेतृत्वमे उपाध्यक्ष राकेश विक्रम साह, कपलेश्वर महतो, सचिव श्यामसुन्दर साह, कोषाध्यक्ष अन्जनी झा, नेवि संघक जिल्ला अध्यक्ष सुजित मिश्र, तरुण दलक नगर उपाध्यक्ष सुभाष पाठक, जितेन्द्र कर्ण, रमेशकुमार यादवसहितक व्यक्तिसभक टोली प्रमुख जिल्ला अधिकारी प्रेम लामिछानेके ज्ञापनपत्र बुझओने छल ।

Have your say