मैथिली समाचार

मैथिली लघु फिल्म ‘इजोत’ के सार्वजनिकीकरण

जनकपुरधाम माघ २६ गते ।मैथिली लघु फिल्म ‘इजोत’ के सार्वजनिकीकरण भेल अछि । आफन्त नेपाल नामक संस्थाक सहयोगसँ निर्माण कएलगेल महिला सश्क्तिकरण पर आधारित लघु फिल्म ‘इजोत’ शुक्रदिन जनकपुरमे आयोजित एक कार्यक्रमक बीच सार्वजनीककरण कएलगेल अछि ।
करिब ३४ मिनेट लम्बा एहि फिल्मक कथा, पटकथा, संवाद आ गीत अशोक दत्त लिखने छथि । सूर्यनारायण साहक निर्देशनमे तैयार कएलगेल फिल्मक गीतके संजय यादव संगीतवद्ध कएने छथि ।
राकेश यादव, अम्बिका मण्डल, ज्योति मण्डल, नेहा साह, जयप्रकाश मण्डल, प्रदीप मरवैतासहितक स्थानीय कालाकार अभिनित चलचित्रमे संजय यादव, शिवानी भगत, सार्थी लामासहितक कलाकार स्वर देने छथि ।
फिल्मक सार्वजनिकीकरण कार्यक्रममे प्रदेश २ क अर्थ मन्त्री विजय यादव, प्रदेशसभा सदस्य रामअशिष यादवसहितक व्यक्तिसभक उपस्थिति छलन्हि । महिला सशक्तिकरणक विषयमे चित्रण कएलगेल लघु फिल्म ‘इजोत’ सभक मन जितबामे सफल होएत ओसभ प्रतिक्रिया देलन्हि अछि ।
चलचित्रमे बेटीके शिक्षित करबा पर जोड देबाक संगहि दहेजक नाकारात्मक असरके विषयमे सन्देश देबाक प्रयास कएलगेल अछि । संगहि एहि ‘इजोत’ फिल्ममे वैदेशिक रोजगारक कारण समाजमे देखल जा रहल विकृतिसभक विषयमे सेहो देखएबाक प्रयास कएलगेल अछि ।

Read More »

अख्तियार शुरु कएलक उद्यम कार्यक्रमके अनुसन्धान

जनकपुरधाम माघ २६ गते ।गरिबी निवारणके लेल प्रदेश २ मे सञ्चालन होबएबला लखु उद्यम विकास कार्यक्रममे आर्थिक अनियमितता भेल कहैत अख्यितार छानबिन शुरु कएलक अछि । प्रदेश २ सरकारमार्फत कार्यक्रम सञ्चालन करबालेल चयन कएलगेल संस्थासभक फाइल मँगा कऽ अख्तियार दुरुपयोग अनुसन्धान आयोगक बर्दिवास कार्यालय छानबिन शुरु कएलक अछि ।
एहि कार्यक्रम सञ्चालनक सम्बन्धमे सिफारिस कएने गैर सरकारी संस्थाके चयन नहि कएलगेल कहैत प्रदेश २ क अर्थमन्त्री विजय यादव सचिव विद्यानाथ झाकेँ मारिपिट कएने आरोप अछि । आर्थिक चलखेलके कारण मन्त्री सचिवके मारिपिट कएने कहैत अख्तियारमे उजुरी परल छल । उद्यम कार्यक्रमक सभ कागजपत्र पठाबएलेल अख्तियार माघ १६ गते पत्राचार कएने छल ।
गैरसरकारी संस्थामार्फत प्रदेश २ क आठ जिल्लामे आठ करोडक उद्यम कार्यक्रम सञ्चालन करबाक तैयारी छल । उद्योग, वन तथा वातावरण मन्त्रालय आशयपत्र बुझाबएलेल सूचना प्रकाशित कएने छल । जाहिमे १ सय ९३ गैरसरकरी संस्था दरखास्त देने छल । मापदण्ड पुरा कएने ४६ टा गैरसरकारी संस्था चयन सूचीमे परल छल ।
मन्त्री यादव सिफारिस कएने सिरहाक लहानस्थित सगरमाथा स्रोत विकास केन्द्र चयन सूचीमे नहि परलाकबाद सचिव झाविरुद्ध आक्रोशमे आएल रहथि । मन्त्री यादव कमिशन लऽ कऽ गैरसरकारी संस्थाके चयन करा देबाक आश्वासन देने रहथि । घटनाके बाद मुख्यमन्त्री तथा मन्त्रिपरिषद कार्यालय उद्यम कार्यक्रमक सभ प्रक्रिया स्थगति करबाक निर्णय कएने छल ।
संघीय सरकारक शसर्त अनुदानमे गरिबी निवारणके लेल उद्यम कार्यक्रम सञ्चालन करबालेल प्रदेश २ क उद्योग, पर्यटन, वन तथा वातावरण मन्त्रालय आशयपत्र आह्वान कएने छल ।

Read More »

उपमहानगरपालिकाक वार्ड नम्बर ११ कार्यालयमे राजश्व घोटाला

जनकपुरधाम माघ २६ गते ।जनकपुरधाम उपमहानगरपालिकाक एक वार्ड अध्यक्ष आ वार्ड सचिव मिलिभगत कऽ सरकारी रकम हजम कएने खुलासा भेल अछि । वार्ड नम्बर ११ क वार्ड अध्यक्ष रामचन्द्र साह आ वार्ड सचिव गौरीशंकर साह मिलिभगत कऽ सरकारी राजश्वस अनियमितता कएने खुलासा भेल अछि ।
सेवाग्रहीसँ उपमहानगरपालिका तय कएने अनुसार राजश्व असुल कएलाक बादो रसिद नहि दऽ दुनुगोटे मिलिभगत कऽ रकम अनियमितता कएने रहस्य सार्वजनिक भेल अछि ।
यद्यपी वार्ड अध्यक्ष रामचन्द्र एहि कार्यमे हुनक कोनो संलग्नता नहि रहल दावा कएलन्हि अछि । वार्ड सचिवक त्रुटीके कारण एहि प्रकारक काज भेल वार्ड अध्यक्ष रामचन्द्र यादव बतओलन्हि अछि ।
उपमहानगरपालिकाक उपमेयर रिताकुमारी मिश्रसहितक टोली शुक्रदिन आकस्मिक रुपेँ कएने अनुगनमक क्रममे वार्ड कार्यालय राजश्व रकम छली करैत आबि रहल देखबामे आएल अछि । वार्ड कार्यालय सेवाग्रहीसँ लेबएबला दस्तुर आ दर्ता चलानीक तथ्यांक मिलान नहि भेलाकबाद राजश्व छली होइत आएल पुष्टी भेल अछि ।
पछिलाबेर माघ १५ गते कार्यालय एक सेवाग्रहीसँ घररास्ता प्रमाणित कराबएलेल १ हजार १० रुपैयाँ राजश्व लेने छल । मुदा, वार्ड कार्यालय सेवाग्रहीसँ राजश्व लेलाक बादो रसिद नहि देने छल । सेवाग्रहीक शिकायतके आधार पर उपमेयर मिश्र, निमित्त प्रशासकीय अधिकृत प्रदीप साहसहितक टोली वार्ड कार्यालयमे अनुगमन करबालेल पहुँचल छल । आ, अनुगमनक क्रममे अन्य सेवाग्रहीसँ राजश्व बुझलाक बादो रसिद नहि देने देखबामे आएल अछि । अनुगनम टोली १ सय २४ टा सेवाग्रहीक नाम दर्ता चलानी कएलाक बादो २७ टा राजश्व रसिदमात्र काटलगेल अनुगमनक क्रममे देखलगेल जनओलक अछि ।
वार्ड सचिव राजश्वके रसिद काटब आ सिफारिसमे वार्ड अध्यक्ष हस्ताक्षर करैत आएलाक कारण दुनुगोटेक मिलिभिगतसँ राजश्व रकम अनियमितता कएलगेल स्थानीयके आरोप अछि । वार्ड नम्बर ११ मे घर रहल वार्ड सचिव गौरीशंकरके राजपासँ निर्वाचित वार्ड अध्यक्ष रामचन्द्र उपमहानगरपालिकामे दबाब दऽ कऽ अपन वार्डमे बजओने स्रोत जनओलक अछि ।
प्रशासकीय अधिकृत प्रदीप पुछताछक क्रममे वार्ड कार्यालयक सचिव गौरीशंकर त्रुटी भेल स्वीकार कएने जानकारी देलन्हि । सम्पूर्ण कागजपत्र कार्यालयमे लाबि कऽ छानबिनके बाद आवश्यक कारबाही आगु बढाओल जाएत ओ बतओलन्हि ।
एम्हर वार्ड अध्यक्ष रामचन्द्र राजश्व अनियमिततासम्बन्धी काजमे अपन कोनो संलग्नता नहि रहल दावा कएलन्हि अछि । ओ सचिव उपर विश्वास कऽ कऽ सिफारिसमे हस्ताक्षर कएने हुनकर कहब अछि । धरफरीमे रहलाक कारण राजश्वसम्बन्धी जानकारी नहि लऽ सिफारिसमे हस्ताक्षर कएने पुछताछक क्रममे वार्ड अध्यक्ष रामचन्द्र बतओने छलथि ।
उपमेयर मिश्र वार्ड सचिवकेँ सोमदिनधरि सम्पूर्ण कागजपत्र लऽ कऽ उपमहानगरपालिका कार्यालयमे उपस्थित होबएलेल निर्देशन देलगेल जानकारी देलीह अछि ।
एहिबीच वार्डक निर्वाचित सदस्यसभ घटनाके छानबिन करबाक माँग कएलन्हि अछि । राजश्व रकम अनियमितता कएन्हिार व्यक्तिकेँ उपमहानगरपालिका कारबाही नहि कएलक तऽ अख्तियारमे उजुरी देबाक ओसभ चेतावनी देलन्हि अछि ।

Read More »

राजदूत नियुक्ति समावेशी बनाओल जाएत ः मन्त्री ज्ञवाली

काठमाण्डू माघ २५ गते ।परराष्ट्रमन्त्री प्रदीपकुमार ज्ञवाली राजदूत नियुक्ति समावेशी बनएबाक बतओलन्हि अछि । वृहस्पतिदिन संसदीय सुनुवाइ विशेष समितिमे ओ विगतमे राजदूत नियुक्ति कएलापर समावेशी नहि भेला बादो आब संविधानअनुसार समावेशी बनाओल जएबाक बतओलन्हि । ‘आब नियुक्ति कएलापर संविधानके मर्मअनुसार होएत’ ओ कहलन्हि । परराष्ट्र मन्त्रालय अन्य देशसभसँग केहन सम्बन्ध अछि कोन देशसँग कि अपेक्षा अछि एहि विषयमे अध्ययन कऽ कऽ प्रोफाइल बना रहल मन्त्री ज्ञवाली जानकारी देलन्हि । एना तैयार कएलगेल प्रोफाइल सम्बन्धित देशक राजदूतकेँ पठएबाक ओ बतओलन्हि ।
मन्त्री ज्ञवाली ५ देशमे नेपालके राजदूत खाली रहल संसदीय समितिमे जानकारी देलन्हि । हाल २८ देश तथा नियोगमे नेपाली राजदूतसभ रहल अछि । बंगलादेश, स्पेन, दक्षिण कोरिया, दक्षिण अफ्रिकासहित ५ देशमे राजदूत नहि अछि ।

Read More »

किसानद्धारा रामनगर चिनी मिल बन्द

जनकपुरधाम माघ २५ गते ।उँखि आपूर्ति पूर्जी (चलान) क माँग करैत महोत्तरीक किसानसभ गौशालाक रामनगरस्थित एभेरेष्ट सुगर एण्ड केमिकल इण्डष्ट्रिज मिल बन्द करओलक अछि ।
स्थानीय किसानसभ समयमे चलानक माँग करैत वृहस्पति दिन दुपहर २ बजेसँ मिल बन्द करओलक अछि । स्थानीय किसान देवकुमार महतोक अनुसार उँखिक मूल्य निर्धारणसम्बन्धी विवादक कारण गत वर्षक तुलनामे एक महिना देरसँ शुरु भेल अछि । माघ महिना बित रहल समयमे उद्योग चलान नहि नहि देलाक बाद उँखिक तौल घटबाक संगहि गर्मीके समयमे उँखिक कटानके लेल समस्या भेलाक कारण किसानसभ समय पर चलानक माँग कएलन्हि अछि ।
चलानक सम्बन्धमे ठोस निर्णय नहि होबए धरि मिल बन्द रहत किसानसभ बतओलन्हि अछि । उद्योग एखनधरि ७ लाख ७४ हजार क्विन्टल उँखि क्रसिङ कएने मिलक प्रशासन शाखा जनओलक अछि ।

Read More »

व्हील चेयर वितरण

जनकपुरधाम माघ २५ गते ।धनुषाक नगराईन नगरपालिकामे कुष्ठ रोग प्रभावित एक गोटेके व्हील चेयर प्रदान कएलगेल अछि । वृहस्पतिदिन नगरपालिकाक फुलगामामे आयोजित एक कार्यक्रमकबीच नगर प्रमुख परमेश्वर यादव स्थानीय विजन यादवके व्हील चेयर प्रदान कएलन्हि अछि ।
नगराईन नगरपालिकामे चलि रहल कुष्ठ रोग खोजपड्ताल अभियान अन्तर्गत फुलगामा हेल्थ पोष्टमे आयोजित कार्यक्रममे नगर प्रमुख यादव व्हील चेयर प्रदान कएलन्हि अछि ।
नगराईन नगरपालिकाक प्रमुख यादव कुष्ठ रोग निवारणके लेल होबएबला हरेक प्रकारक सहयोग करबालेल तैयार रहल बतओने छलथि । कुष्ठ रोगक निवारणलेल सचेतनामूलक कार्यक्रम सञ्चालन करबा पर ओ जोड देने छलथि ।
कार्यक्रममे बजैत लालगढ कुष्ठ रोग अस्पतालक निर्देशक डम्बरबहादुर आले एखन धरि कुष्ठ रोगक नयाँ बिमार देखाइ देब समस्या रहल बतओलन्हि । तराईक २२ जिल्लामेसँ १४ जिल्ला एखनो कुष्ठ रोगसँ अधिक प्रभावित देखलगेल ओ बतओलन्हि ।
जिल्ला जनस्वास्थ्य कार्यालयक क्षयकुष्ठ रोग अधिकृत रामगुलाम कर्ण विशषज्ञसभ रहलाक बाबजुद कुष्ठ रोग प्रभावित व्यक्ति भेटब चिन्ताके विषय रहल बतओने छलथि । गत वर्ष फुलगामामे १७ टा आ एखन जारी अभियानक क्रममे १० टा नयाँ कुष्ठ रोग प्रभावित व्यक्ति देखलगेल ओ जानकारी देलन्हि ।
वार्ड अध्यक्ष पल्टु साहक अध्यक्षतामे सम्पत्र कार्यक्रममे नगराईन नगरपालिकाक स्वास्थ्य संयोजक दुष्यन्त मिश्र, जुगेश्वर साहसहित स्थानीयवासीसभक उपस्थिति छलन्हि ।

Read More »

उपेन्द्र यादवक विदेश भ्रमणमे साढे २५ लाख खर्च

जनकपुरधाम माघ २५ गते । उपप्रधान एवं स्वास्थ्यमन्त्री जनसंख्यामन्त्री उपेन्द्र यादवक विदेश भ्रमणमे मात्र राज्यकोषसँ साढे २५ लाख रुपैयाँ खर्च भेल अछि ।
मन्त्री यादव भादव, आशिन आ कार्तिक महिनामे ५ देशक विभिन्न कार्यक्रममे सहभागी भेल छथि । ओहि क्रममे मन्त्री यादव राज्यकोषसँ २५ लाख ४८ हजार रुपैयाँ खर्च कएने अर्थ मन्त्रालय सार्वजनिक कएने विवरणमे उल्लेख अछि ।
अर्थ मन्त्रालयके अनुसार मन्त्री यादव कार्तिक ८ आ ९ गते काजिकस्तानक अगस्तानामे आयोजित कार्यक्रममे सहभागी भेल रहथि । ओहिके बाद ओ ओतहसँ स्वीट्जरल्याण्डक जेनेभामे आयोजित कार्यक्रममे सहभागी भेल रहथि । मन्त्री यादव एहि दुनु कार्यक्रममे सहभागी भेल समय १३ लाख ६३ हजार २ सय ६२ रुपैयाँ खर्च भेल अर्थ मन्त्रालय जनओलक अछि ।
तहिना भादव १६ आ १७ गते भारत दिल्लीमे आयोजित कार्यक्रममे सहभागी हएबाक क्रममे मन्त्री यादव ४ लाख २० हजार ५ सय ३० रुपैयाँ खर्च कएने छथि । आशिन २३ आ २४ गते वेलायतक लण्डनमे आयोजित कार्यक्रममे सहभागी भेल समय मन्त्री यादव नेतृत्वक टोली ५ लाख ४ हजार ३ सय ११ रुपैयाँ खर्च कएने अर्थ मन्त्रालय जनओलक अछि ।
तहिना आशिन १० आ ११ गते अमेरिकाक न्यूयोर्कमे आयोजित कार्यक्रममे २ लाख ६० हजार ७ सय ६२ रुपैयाँ खर्च भेल अर्थ मन्त्रालय सार्वजनिक कएने विवरणमे उल्लेख अछि ।

Read More »

सरस्वतीक मूर्ति तैयार करबामे व्यस्त मूर्तिकार

जनकपुरधाम माघ २५ गते । विद्यालय एवम कलेजमे अध्ययनरत छात्रछात्रा श्रद्धापूर्वक मनाबएबला सरस्वती पूजा आबएमे आब दु दिनमात्र बाँकी अछि । माघ शुक्ल पञ्चमीक दिन अर्थात माघ २७ गते एहि वर्ष सरस्वती पूजा मनाओल जा रहल अछि ।
पूजा हएबाक किछु दिनमात्र बाँकी रहल समय मूर्तिकारसभकेँ व्यस्तता बढल अछि एखन । जनकपुरक दर्जनौैं स्थानमे सरस्वतीक मूर्ति बनाबएलेल मूर्तिकारसभ व्यस्त देखल जा रहल छथि । दिन राति लागि कऽ माटिक कलात्मक मूर्ति तैयार करबाक काजमे ओसभ जुटल छथि ।
धनुषाक शहीद नगरपालिकाक ननुपट्टीसँ मूर्ति तैयार करबालेल जनकपुर आएल छथि मूर्तिकार श्यामकुमार पंडित । जनकपुरधाम उपमहानगरपालिका–४ मुरली चौकसँ पूर्व सरस्वतीक मूर्ति तैयार कऽ रहल हुनकर व्यस्तता देखबाक जोगर अछि ।
माघ २७ गते होबएबला सरस्वती पूजाके लेल श्याम पुष महिनासँ मूर्ति बनएबाक काजमे जुटल छथि । ‘सरस्वती पूजाक समय नजदिक आबि रहल अछि, अर्डर अनुसारके मूर्ति तैयार करबाक चाप बढल अछि,’ श्याम बतओलन्हि ।
सरस्वती पूजाके लेल मूर्ति बनएबाक काज एक महिना पहिने शुरु कएने बतबैत श्याम कहलन्हि,‘एक महिना पहिने काज शुरु नहि करब तऽ समय पर मूर्ति तैयार करब संभव नहि अछि ।’
पहिने कलात्मक मूर्तिसभमे हाथसँ रंग भरल जाइत छल मुदा एखन मूर्तिकारसभ प्रविधिके भरपुर प्रयोग कऽ रहल छथि । माटिसँ तैयार कएलगेल मूर्तिसभमे मूर्तिकार ‘स्प्रे’ प्रयोग करैत रंगरोगन करैत आबि रहल छथि । ‘हाथसँ रंग भरैतकाल अधिक समय लगैत अछि । ओहि कारण आब स्प्रे प्रयोग कऽ कऽ रंग भरबाक काज कऽ रहल छी,’ श्याम बतओलन्हि ।
एसएलसी उतीर्ण कएने श्याम २१ वर्षसँ एहि पेशामे आवद्ध छथि । विगतके दिनमे धर्म संस्कृतिमे आधुनिकताक प्रभाव बढैतगेलाक बादो सरस्वती पूजा करबालेल एखनो माटिक मूर्ति पहिल प्राथमिकता रहल श्याम अपन अनुभव सुनओलन्हि । मूर्ति तयार करबालेल अर्डर देबएबलासभक संख्या अधिक रहलाक बादो ओ २५ टा मूर्तिक जिम्मा मात्र लेने बतओलन्हि ।
माटिक मूर्ति बनाबएबला विशेष कऽ कुम्हार समुदायक व्यक्तिसभ अछि । माटिक मूर्ति, भाडावर्तनसहितक सामग्री बनाएब कुम्हार समुदयाक पारम्परिक पेशा मानल जाइत अछि ।
बदलि रहल समयक्रम अनुसार कुम्हार जातिक पारम्परिक पेशा शंकटमे रहल चर्चा चलि रहलाक बादो श्याम एहिकेँ अस्वीकार करैत छथि । समय आ अवसरअनुसार एखनो माटिक मूर्ति, भाडावर्तनके माँग यथावत रहल ओ कहैत छथि,‘विभिन्न धार्मिक आयोजनसभमे माटिक मूर्ति, भाडावर्तनके माँग होइत आएल अछि । पेशे शंकटमे आबि चुकल अवस्था नहि अछि ।’
श्यामे जँका सरस्वतीके मूर्ति तैयार करबाक धरफरी अछि प्रभात पंडितकेँ । धनुषाक विदेह नगरपालिकासँ मुर्ति बनाबएलेल प्रभात जनकपुर पहुँचल छथि । जनकपुरधाम–४ कदम चौक पर मूर्ति बना रहल हुनका माघ २७ गते धरि १५० मुर्ति तैयार करबाक अछि ।
मुरली चौक आ कदम चौक जँका जनकपुरक २० सँ अधिक स्थानमे मूर्तिकारसभ सरस्वतीक मूर्ति बनाबएमे व्यस्त छथि । श्याम चौक, भैरव चौक, मिल्स एरियासहितक स्थानमे मूर्तिकारसभ सरस्वतीके मूर्ति बना रहल छथि ।
सरस्वती पूजामे एक हजारसँ अधिक मूर्तिके माँग रहल जकपुरमे मात्र एक करोडसँ अधिकके कारोबार हएबाक अनुमान कएलगेल अछि । सरस्वतीक एक मूर्ति न्यूनतम तीन हजारसँ २५ हजार रुपैयाँमे बिक्री होइत आबि रहल एक मूर्तिकार बतओलन्हि ।
एहिके आलावा ग्रामीण क्षेत्रमे सेहो सरस्वती पूजाक अवसर पर माटिक मूर्तिके व्यापक माँग अछि । विद्यालय कलेज बाहेक जनकपुरसहित तराईक विद्यार्थीसभ स्वतन्त्र रुपेँ चौक चौक पर सरस्वती पूजा करैत आबि रहल छथि ।
सरस्वती पूजा आबि रहल समय विद्यालय आ विद्यार्थीसभ पूजाक तैयारीमे जुटल अछि । पूजाक खर्चक व्यवस्था करबालेल विद्यालय तथा कलेजसभ विद्यार्थीसभसँ शुल्क लऽ रहल अछि तऽ स्वतन्त्र रुपेँ पूजा करएबला विद्यार्थीसभ चन्दा संकलन करबामे व्यस्त अछि ।
पूजाक तैयारीमे जुटल विद्यार्थीसभ यातायातक साधन, विभिन्न दोकान तथा घरघर पहुँच कऽ चन्दा संकलन कार्यमे जुटल अछि । ग्रामीण क्षेत्रक कतेको स्थानमे पूजा करएलासभ ढाट लगा कऽ चन्दा उठा रहलाक कारण पूजाक नाममे चन्दा आतंक मचाओलगेल सर्वसाधारणसभक कहब अछि ।

Read More »

नेपाली काँग्रेस जनकपुरके फागुुन ५ गते नगर सम्मेलन

जनकपुरधाम माघ २४ गते । नेपाली कांग्रेस जनकपुरधाम नगर समिति आगामी फागुन ५ गते नगर सम्मेलन करए जा रहल अछि । बुधदिन बैसल नगर समितिके बैठक फागुन ५ गते नगर सम्मेलन करबाक निर्णय कएलक अछि । नेपाली कांग्रेस जनकपुरधाम नगर समितिक सभापति मनोज साहके अध्यक्षतामे बैसल बैठक जनकपुरधाम उपमहानगरपालिकाक सभ वार्डक क्रियाशिल सदस्यसभकेँ सभामे उपस्थित होबए लेल आग्रह कएलक अछि । सभामे नेपाली कांग्रेसक उपसभापति बिमलेन्द्र निधी प्रमुख अतिथि रहबाक बताओलगेल अछि ।
बैठकमे नेपाली कांग्रेस प्रदेश नं. २ संसदीय दलक नेता रामसरोज यादव , प्रफुल्ल राज घिमिरे , कन्हैया कर्ण , धिरेन्द्रमोहन झा सहितक नेपाली काँग्रेसक नेता कार्यकर्तासभक उपस्थिति छल ।

Read More »

शुक्रदिन सेहो ४ बजे धरि विद्यालय सञ्चलन करबालेल आग्रह

जनकपुरधाम माघ २४ गते । शिक्षा विकास निर्देशनालय प्रदेश २ शुक्रदिन सेहो भिन्सर १० सँ बेरिया ४ बजे धरि अनिवार्य रुपेँ विद्यालय सञ्चालन करबालेल सामुदायिक विद्यालयसभकेँ पत्र पठओलक अछि । विद्यार्थीके सिकाई उपलब्धि वृद्धि करबालेल तय कएलगेल समयकेँ पुर्ण सदुपयोग कऽ बाँकी समयमे सेहो सिकाइ कार्य करबाक आवश्यक्ता रहलासँ विद्यालयलाकेँ समुदायमे रहल विभिन्न क्षेत्रक प्रतिभा अनुभवी आ विज्ञसभ सहितक सहयोग लेबए निर्देशनालय अनुरोध कएलक अछि । शुक्रदिन सेहो विद्यार्थीके सहभागीतामे सहक्रियाकलापसभ सञ्चालन करबालेल समाजिक विकास मन्त्रालय, प्रदेश २ क सभ पालिका आ शिक्षा विकास तथा समन्वय इकाइकेँ पत्र कार्यन्वयनमे सहयोग, समन्वय आ अनुगमन कऽ देबए लेल निर्देशनालय आग्रह कएलक अछि ।
शिक्षा विकास निर्देशनालय प्रदेश २ क निर्देशक रामाकान्त शर्मा पाठ्यक्रममे भिन्सर १० बजेसँ बेरिया ४ बजेधरि कक्षा सञ्चालन करबाक पाठ्यभार रहला बादो प्रदेशक किछु विद्यालयके अनुगमन कएलापर विद्यालयमे कक्षा १०ः३० सँ मात्र पठनपाठन शुरु कएल जा रहल देखलगेल पत्रमे उल्लेख कएने छथि ।
‘विद्यालयमे विद्यार्थी पौने दशमे उपस्थित हएबाक चाही, ९ ः ४५ मे पहिल घण्टी लगा कऽ छिरयाएल विद्यार्थीकेँ लाइनमा लागए लेल ९ ः ५० मे घण्टी लगा कऽ लाइनमा लगा पिटी, राष्ट्रिय गीत गाबएके, सूचना सम्प्रेशन करबाक सहितक कार्य सम्पन्न कऽ ठिक १० बजे कक्षामे शिक्षक आ विद्यार्थी उपस्थित भऽ शिक्षण शिकाइके कार्य शुरुवात करबालेल अनुरोध अछि ।’, पत्रमे कहलगेल अछि ।
एना कक्षा शुरु करब सम्भव नहि भेल तऽ सावा दश बजे धरि अनिवार्य रुपेँ कक्षासभ शुरुवात करएजँका समय व्यवस्थापन करबालेल निर्देशनालय अनुरोध कएने अछि । अपन बालबालिकाकेँ पौने दश बजे विद्यालयमे पहुँचएजँका पठा देबए आ समय व्यवस्थापनमे सहयोग कऽ देबए लेल अभिभावक तथा सम्पुर्ण सरोकारवालासभसँग सेहो निर्देशनालय आग्रह कएलक अछि ।

Read More »