मैथिली समाचार

वामदेव ओली क्याम्प छोडलन्हि, सचिवालयमे नया समिकरण

काठमाण्डू २१ गते ।लम्बा समयसँ प्रधानमन्त्री एवं पार्टी अध्यक्ष केपी शर्मा ओलीकेँ साथ देने नेकपा नेता वामदेव गौतम संस्थापन पक्ष छोडलन्हि अछि । ओली अपनाकेँ देने वचन पुरा नहि कएने कहैत गौतम ओली समूह छोड्ने घोषणा कएलन्हि अछि । गौतम पार्टीके आठम महाधिवेशनमे ओली आ झलनाथ खनाल अध्यक्षमे चुनाव लड्लापर खनालकेँ जिताबएमे महत्वपूर्ण भूमिका निर्वाह कएने रहथि । पार्टीके नवम महाधिवेशनमे सेहो अध्यक्षमे माधव नेपालसँगक प्रतिस्पर्धामे ओलीकेँ जिताबए महत्वपूर्ण भूमिका निर्वाह कएने छलथि ।
अपन माँग विषयमे जानकारी कराबए २१ केन्द्रीय सदस्य गत सप्ताह गौतमकेँ भेंट कएने छलथि । गौतम घुमौवा भाषामे अपने ओलीसँ पीडित रहल उपराग कएने एक नेता बतओलन्हि । गौतम केन्द्रीय सदस्यसभसँगक भेंटमे अपने आब ओलीसँग नहि रहल संकेत कएने छलथि । २१ केन्द्रीय सदस्यसभ पार्टी विधि आ पद्धतिसँ चलए पडत कहैत महासचिव विष्णु पौडेलमार्फत अध्यक्षद्वयकेँ ६ बुँदे माँग रखने छलथि । गौतम २१ केन्द्रीय सदस्यके माँगमे अपन साथ रहबाक कहैत आश्वास्त कएने छलथि ।
गौतमकेँ निर्वाचन लडा कऽ प्रतिनिधिसभामे लएबाक कहैत देशभरिक करिब एक दर्जन चुनाव क्षेत्रमे प्रयास भेल छल । मुदा, पछिला चरणमे ओली आ प्रचण्ड दुनु एहि बातमे असहमति जनओला बाद गौतम रुष्ट भेल छल । ई प्रयास असफल भेला बाद शक्तिशाली विकास निर्माण प्राधिकरण गठन क।बाक आ ओहिके प्रमुख अपनाकेँ बनाबए गौतम ओली समक्ष प्रस्ताव कएने छलथि । मुदा, गौतमके प्रस्ताव अध्यक्षद्वय प्रचण्ड आ ओली दुनु अस्वीकार कएने छलथि । ओहिके बाद गौतम आओर रुष्ट बनल छलथि ।

गौतम संस्थापन पक्ष छोडला बाद सचिवालयके बैठकमे ओलीसहित संस्थापन पक्षक ५ आ संस्थापनसँ बाहर पक्षक ४ होएत । संस्थापन पक्षक एक सदस्य अनुपस्थित रहल समय मतदानसँ निर्णय नहि होबए सकबाक अवस्था सृजना होएत । एक नेताके अनुसार एहिसँ अगिला बैठकमे गौतम संस्थापन पक्षसँग भिडएबला पहिल नम्बरमे छलथि । मुदा ओ संस्थापन पक्ष छोडला बाद ओली प्रचण्डकेँ निर्णय करबामे ओतेक सहज नहि होएत ।
अपनाकेँ शक्तिशाली विकास प्राधिकरण गठन कऽ कऽ ओहिके प्रमुखमे नियुक्त करबालेल अध्यक्षद्वय अस्वीकार कएला बाद ओ एहिके विकल्प खोजबाक घोषणा कएलन्हि अछि । ओ निजी क्षेत्रसँ भेला बादो ओहन प्रधिकरण गठन कऽ कऽ अपने अभियानकेँ आगा बढएबाक निकट नेतासभ बतओलन्हि अछि ।

Read More »

प्रधानमन्त्री ’हाकिम’ बनला बाद ६ अर्ब राजस्व छली

काठमाण्डू २१ गते ।केपी शर्मा ओली प्रधानमन्त्री भेला बाद विगत ९ महिना अवधिमे विभिन्न कम्पनी तथा उद्योगसँ करिब छ अर्ब रुपैयाँ राजस्व छली भेल तथ्य बाहर आएल अछि । विभिन्न कम्पनी, उद्योग, फर्मल सहित बिगो जरिबाना, ब्याज नहि तिरलासँ अतेक पैघ परिमाणमे राजस्व छली भेल राजस्व अनुसन्धान विभाग जनओलक अछि । गत फागुनमे प्रधानमन्त्री होबए लगले ओली अर्थ मन्त्रालयअन्तर्गतक सम्पत्ति शुद्धीकरण अनुसन्धान विभाग आ राजस्व अनुसन्धान विभाग तथा गृह मन्त्रालयअन्तर्गतक राष्ट्रिय अनुसन्धान विभाग प्रधानमन्त्री कार्यालय मातहत लओने छल ।
विभागक निर्देशक शेखर पौडेल विभाग प्रधानमन्त्री कार्यालय मातहतमे आएल एम्हर करिब ६ अर्ब रुपैयाँ राजस्व चुहावट भेल जानकारी देलन्हि । हुनका अनुसार विभाग अनुसन्धान आ छानबिन कऽ चुहावट भेल राजस्व संकलन करबालेल माँग दाबीसहित विभिन्न जिल्ला अदालतमे मुद्दा दायर कएलक अछि ।विभाग प्रधानमन्त्री मातहत आबएसँ आगा राजस्व छली कएन्हिारकेँ भन्सार ऐन आ राजस्व ऐनअन्तर्गत कार्यान्वयन होइत छल । एखन विभाग राजस्व चुहावट (अनुसन्धान तथा नियन्त्रण ऐन ०५२), विदेशी विनिमय नियमित करएबला ऐन, ०१९ अन्तर्गत तय कएलगेल कार्य सम्पन्न करबाक जिम्मेवारी पओने अछि । ई ऐन कार्यान्वयन कएलापर राजस्व संकलन प्रभावकारी होइत गेल हुनकर कहब छलन्हि । ओ कहलन्हि, ’विगतसँ एखन कानुनी व्यवस्था कडा रहलासँ कोनो उद्योगी व्यापारी राजस्व नहि छलि सकैत अछि ।’

राजस्व छली भेला बाद बिगोसहित तिरए पडत । ओ कहलन्हि, ’केऊ १० हजार राजस्व छली करैत अछि तऽ ओ बिगो आ जरिबानासहित ३० हजार रुपैयाँ तिरए पडत ।’ विभागअन्तर्गत चारिटा क्षेत्रीय एकाइ कार्यालय (पूर्वाञ्चलके इटहरी, मध्यमाञ्चलके पथलैया, पश्चिमाञ्चलके बुटवल आ मध्य तथा सुदूरपश्चिमाञ्चलके कोहलपुर) रहल अछि । २०५० सालमे स्थापित विभाग देशभरि राजस्व चुहावट आ आर्थिक अपराध नियन्त्रण करैत अछि । गैरकर राजस्व अुनसन्धान, तहकिकात आ कारबाही विदेशी विनिमय अपचलन रोकथाम आ नियन्त्रण तथा समग्र राजस्व चुहावट एवम् नियन्त्रण करबाक जिम्मा विभागके भेटल अछि ।
एखन राजस्व चुहावट आ आर्थिक अपराध नियन्त्रण सहितक महत्त्वपूर्ण जिम्मेवारी अर्थ मन्त्रालयसँ प्रधानमन्त्री कार्यालय मातहत आएल अछि । प्रधानमन्त्री कार्यालय मातहतमे आबएसँ पहिनेके तुलनामे विभाग प्रभावकारी बनैत गेल कर्मचारीसभक दावा अछि । सरकार चालू आव ०७५÷७६ मे ९ खर्ब ४५ अर्ब ५५ करोड रुपैयाँ राजस्व उठाबएके लक्ष्य रखने अछि । महालेखा नियन्त्रक कार्यालयके अनुसार १६ अगहन धरि ४४.८६ प्रतिशत अर्थात् ४ खर्ब २४ अर्ब २१ करोड रुपैयाँ संकलन भेल अछि । निजी क्षेत्र सरकार राजस्वमुखी भऽ रहल दावा कऽ रहल समय सरकारी अधिकारी पछिल्लो समय राजस्व चुहावट कडाइ कऽ रहल बतबैत छथि ।

Read More »

सिके राउत जेल चलान

चन्द्रपुर २१ गते । स्वतन्त्र मधेसके माँग करैत आबि रहल डा. सिके राउत जेल चलान भेल छथि । जिल्ला अदालत रौतहटके आदेशमे पुर्पक्षक लेल डा. राउतकेँ जेल चलान कएलगेल अछि । वृहस्पतिदिन जिल्ला न्यायाधीश अम्बिकाप्रसाद निरौलाके इजलाससँ डा. राउतकेँ पुर्पक्षक लेल जेल चलान करबालेल आदेश देने छल । अदालतक आदेशक बाद राउतकेँ थुनामे राखि थप अनुसन्धान कएल जएबाक जिल्ला अदालत रौतहटके श्रेस्तेदार गुणराज पराजुली जानकारी देलन्हि ।प्रहरी राउत जिल्ला अदालत रौतहटसँ घुरि रहल समय गत आसिन २१ गते नियन्त्रणमे लेलगेल छल । प्रहरी राउतविरुद्ध राज्यविरुद्धक सांगठनिक अपराध कसुर अन्र्तगत नियन्त्रणमे लऽ मुद्दा चलाओलगेल छल । प्रहरी म्याद बढाबए लेल वृहस्पतिदिन अदालतमे उपस्थित करओने छल ।

Read More »

फागुन भितर रेल चलत ः मन्त्री महासेठ

जनकपुरधाम २१ गते । भौतिक पूर्वाधार तथा यातायात मन्त्री रघुबीर महासेठ अगामी माघ फागुन भितर नेपालमे रेल चलत बतओलन्हि अछि । जयनगर–जनकपुरक कुर्था धरि ३५ किलामिटरके काज करिब करिब सम्पन्न भऽ चुकल कहैत माघ फागुन भितर रेल चलत दावा कएलन्हि । वृहस्पतिदिन राष्ट्रियसभाके राष्ट्रिय सरोकार तथा समन्वय समितिमे राष्ट्रिय गौरवके आयोजनासभक विषयमे भेल छलफलमे मन्त्री महासेठ कहलन्हि, ‘माघ–फागुन धरि रेल सञ्चालन भऽ जाएत, हमसभ जल्दि सञ्चालनमे लाबएजँका काज कऽ रहल छी ।’
जयनगर–जनकपुर रेल सेवा याह अगहन भितर सञ्चालन करबाक कहलगेल छल । मुदा, रेल भाडामे लेबाक या सरकार अपने किन कऽ चलएबाक विषयमे अनिश्तिता देखलगेल छल । भारतक सरकारी निकायसँग रेल भाडामे लऽ कऽ रेल चलाबएके प्रक्रिया अपनाओलगेल प्रति रेलके गुणस्तर आ लागत सेहो अधिक पडत कहि देखला बाद सरकार रेल खरिद कऽ कऽ चलाबएके निर्णय भेल छल ।
भाडामे लऽ कऽ डिसेम्बर भितर रेल सञ्चालन करबालेल एहिसँ आगा ५० करोड बजेट विनियोजन कएलगेल जाहिमे यातायात मन्त्रालय आ रेल्वे विभाग रेल किनए लेल आओर पैसा रकम माँग कएने छल । माँग अनुसार ५० करोड थप बजेट निकासा करबालेल अर्थ मन्त्रालय तैयार भेल यातायात मन्त्रालय स्रोत जनओलक अछि । भाडामे लेलापर आ अपने किनलापर बराबरीजँका देखलगेला बाद मन्त्रालय आ विभाग रेल खरिद करबाक निर्णयमे पहूँचल छल । एखनुक लेल ७२ गोटे धरि अट्ए सकबाक १० डब्बाके रेल किनएके सरकारक योजना अछि । मुदा, नयाँ रेल किन कऽ लाबएमे समय लागलासँ तत्कालकेँ भाडामे लऽ कऽ फागुन भितर जनकपुर–जयनगर रेल सञ्चालन करबाक मन्त्री महासेठके कहब छन्हि ।

Read More »

माय कएलक बेटीके हत्या

जनकपुरधाम २१ गते ।जनकपुरमे एकटा माय अपन बेटीके हत्या कएने आरोप लागल अछि । जनकपुरधाम उपमहानगरपालिका–२४ सोनापाडा रहन्हिार ४० वर्षीया राजकुमारी मण्डल अपन १६ वर्षीया बेटी सोनी मण्डलके हत्या कएने आरोप लागल अछि ।बेटीक हत्याके आरोपमे प्रहरी माय राजकुमारीसहित अन्य चारि गोटेके नियन्त्रणमे लऽ कऽ अनुसन्धान शुरु कएलक अछि । राजकुमारी आ बेटी सोनीबीच बेरबेर विवाद आ झैं–झगडा होइत आबि रहल छल ।
दुनु गोटेबीचक झगडाके कारण बेटी सोनी खाना सेहो अलग बना कऽ रहैत आएल प्रहरी जनओलक अछि । बुधदिन सेहो बनाओलगेल तरुवाके विषयमे माय आ बेटीबीच झगडा भेल छल ।
झगडाके क्रममे बेटी सोनी केबारमे लगाबएबला बिलैया प्रहार कऽ मायक गर्दन सेहो दाबि देने छल । प्रतिकारमे माय राजकुमारी सेहो बेटी सोनीके गर्दन दाबि देने छल । माय गर्दन दबलाक किछुदेर बाद सोनी बेहोस भेल छल ।
एहिसँ पहिने सेहो झगडाक क्रममे बेहोस हएबाक नाटक करैत आबि रहलाक कारण एहिबेर सेहो नाटक कएने राजकुमारीके बुझाएल छल । मुदा बादमे देखलासँ सोनीके मृत्यु भऽ चुकल राजकुमारीके बुझबामे आएल ।
भुँइयामे रहल सोनीकेँ अन्य दुटा महिलाके सहयोगमे चौकी पर रखने माय राजकुमारी प्रहरीसमक्ष वयान देने धनुषाक डीएसपी दिपेन्द्र शाही जानकारी देलन्हि ।
फर्निचर व्यवसाय करैत आबि रहल रामवरण मण्डलक बेटी सोनी अपने घरमे मृत देखलगेल सूचनाके आधार पर प्रहरी तत्काल अनुसन्धान प्रक्रिया आगु बढओलाक बाद हत्या भेल रहस्य बाहर आएल जिल्ला प्रहरी कार्यालय धनुषा जनओलक अछि ।

Read More »

जालसाजी आरोपमे गिरफ्तार महन्थ ‘बैकुण्ठ’ सार्वजनिक

जनकपुरधाम २१ गते । जनकपुरस्थित जनक हजारी विद्यापीठक जमीन जालसाजी कएने आरोपमे गिरफ्तार रत्नसागर मन्दिरक महन्थ बैकुण्ठ दास वैष्णवके प्रहरी सार्वजनिक कएलक अछि । बुधदिन साँझ काठमाण्डुक बागबजारस्थित तिरुपती होटलसँ पकराएल महन्थ दासके जिल्ला प्रहरी कार्यालय धनुषा वृहस्पतिदिन पत्रकार सम्मेलन कऽ सार्वजनिक कएलक अछि ।
जमिन जालसाजी कएने आरोपमे दासविरुद्ध जिल्ला अदालत धनुषामे मुद्दा दायर भेल छल । अदालत गिरफ्तार करबालेल आदेश जारी कएलाक बाद फरार भेल महन्थ दासकेँ प्रहरी काठमाण्डुसँ नियन्त्रणमे लेबामे सफल भेल छल ।
जनकपुरधाम उपमहानगरपालिका–८ स्थित विद्यापीठक भोग करैत आबि रहल गुठी संस्थानक नाममे दर्ता रहल सिट नम्बर १३५४–१४ किता नं.६२ के क्षेत्रफल ०–२–११ आ सिट नं. १३५४–१५ किता नं. २८ के क्षेत्रफल २–८–१४ जमीनक नक्कली लालपूर्जा बनओने दालसके जालजासी मुद्दामे गिरफ्तार कएलगेल धनुषाक एसपी गोविन्द थपलिया जानकारी देलन्हि ।
जनकपुरधाम–८ स्थित करोडौं मूल्य बराबरके विद्यापीठक नाम पर रहल जमीन महन्थ दास आ हुनकर सहयोगी अशोक शर्मा जालसाजी कएने आरोप अछि । दासक सहयोगी शर्माकेँ प्रहरी एहिसँ पहिने गिरफ्तार कऽ चुकल अछि ।
अढाई अर्बसँ अधिक मूल्य बराबरके विद्यापीठ अधिनस्त ओहि जमीनक संरक्षक दास अपने आ मोही शर्माके बनओने छथि । हजारी जनक विद्यापीठ भोग करैत आबि रहल अढाई विघा जमीन महन्थ दास नक्कली लालपूर्जा बना कऽ हडपने कहैत प्राचार्य विजय चौधरी अदालतमे मुद्दा दायर कएने रहथि ।

Read More »

विवाह पञ्चमीके तयारी तिव्र, पुष्पवृष्टीके तैयारी

जनकपुरधाम २१ गते ।अगहन २६ गते मनाओल जा रहल रामजानकी विवाहोत्सवक तैयारी अन्तिम चरणमे पहुँचल अछि । सप्ताहव्यापी कार्यक्रमके साथ मनाओल जा रहल रामजानकी विवाहोत्सव शुक्रदिनसँ शुरु होबए जा रहल अछि । विवाहोत्वस कार्यक्रमके पहिलदिन शुक्रदिन जनकपुर नगर दर्शन कार्यक्रम रहल जानकी मन्दिरक छोटे महन्त रामरोशन दास जानकारी देलन्हि ।
त्रेता युगमे वैवाहिक कार्यक्रमपूर्व भगवान राम आ सीताकेँ जनकपुर नगर परिक्रमा करा कऽ सर्वसाधारणक दर्शन कराओलगेल मान्यता अनुसार नगर दर्शन कार्यक्रम होइत आएल अछि ।
विवाहोत्वसके तैयारीक विषयमे जानकारी देबएलेल वृहस्पतिदिन जानकी मन्दिरमे पत्रकार सम्मेलनके आयोजना कऽ छोटे महन्त दास तैयारी अन्तिम चरणमे पहुँचल जानकारी करओलन्हि । विगतके वर्षक तुलनामे एहि वर्ष भव्य तरिकासँ विवाहोत्सवके तैयारी कएलगेल जानकारी दैत दास १० लाखसँ अधिक तिर्थालु सहभागी हएबाक अनुमान रहल बतओलन्हि ।
राम जानकी विवाहोत्सवमे भारत उत्तर प्रदेशक मुख्यमन्त्री योगी आदित्यनाथ बरियात बनि कऽ जनकपुर आबि रहलाक कारण सेहो भव्यता देल जा रहल हुनकर कहब छलन्हि । मुख्यमन्त्री योगी जानकी मन्दिरमे पूजाअर्चना पश्चात रंगभूमि मैदानमे आयोजना होबएबला स्वयंभर कार्यक्रममे सहभागी होएताह ओ बतओलन्हि ।
स्वयंभर अवलोकन करबालेल योगीके लेल २२५ वर्ग फिट क्षेत्रफलके पण्डाल निर्माण कएल जा रहल आ स्वयंभरके क्रममे हेलिकप्टरसँ पुष्पवृष्टीके तैयारी चलि रहल ओ जानकारी देलन्हि ।
मुख्यमन्त्री योगीके संगहि विवाहोत्सवमे सहभागी होबएलेल अयोध्यासँ पाँच सयके संख्यामे विशिष्ट साधुसन्तसभ बरियात बनि कऽ जनकपुर आबि रहल दास बतओलन्हि । ओ कहलन्हि,‘विवाहोत्सवमे हरेक वर्ष हजारौंके सख्यामे बरियात अबैत छथि । मुदा एहि वर्ष विशिष्ट बरियातक संख्यामात्र पाँच सय रहत ।’
अयोध्यासँ किछु बरियात घोडा, उँट आ हाथीसँ जनकपुर आबि रहल ओ जानकारी देलन्हि । भारतक अयोध्यासँ धनुषाक जटही नाका होइत आबि रहल कहैत महन्त दास नाका पर पहुँच कऽ बरियातक स्वागत करबालेल आग्रह कएलन्हि अछि ।
विवाह पञ्चमी उत्सव सम्पन्न करबालेल अढाई करोड रुपैयाँ खर्च हएबाक अनुमान रहल बतबैत छोटे महन्थ दास प्रदेश सरकारक तर्फसँ ५० लाख बाहेक अन्य कोनो प्रकारक सहयोग प्राप्त नहि भेल जानकारी देलन्हि । एहि पैघ आयोजनमे प्रदेश सरकारद्धारा कएलगेल सहयोग पर्याप्त नहि रहल हुनकर कहब छलन्हि ।
विवाहोत्सवमे सहभागी होबएबला तिर्थालुसभक लेल वास आ भोजनक व्यवस्थाके सेहो जानकी मन्दिर जोडतोडके साथ आगु बढओने अछि । विवाहोत्सवमे सहभागी होबए आबएबला तिर्थालु तथा बरियातकेँ स्वागत करबालेल मिठाई तथा मिष्ठान तैयार करबाक काज शुरु भऽ चुकल अछि । छोटे महन्त दासक अनुसार तिर्थालु तथा बरियातसभके लेल एक लाख लिटर दुधक रसवरी तैयार कएल जा रहल अछि । एहिके संगहि अन्य मिष्ठान सामग्री तैयार करबाक काज सेहो शुरु भऽ चुकल ओ जानकारी देलन्हि ।
विवाहोत्सव नजदिक आबि रहल समय मन्दिरसहित स्वयंभरस्थल रंगभूमि मैदानकेँ सजएबाक काज सेहो शुरु भऽ चुकल अछि । एहि वर्ष विवाहोत्सवमे जानकी मन्दिरकेँ विभिन्न प्रकारक विद्युतीय बल्बके संगहि फूलसँ सेहो सजएबाक काज कएलगेल अछि । जानकी मन्दिरकेँ विशेष प्रकारक फूल प्रयोग कऽ सजएबाक आ एहिके लेल भारतक कोलकत्तासँ फूल आयात कएलगेल बताओलगेल अछि । छोटे महन्थ दासक अनुसार मन्दिर सजाबएलेल करिब ७ लाख मूल्य बराबरके फूल आयात कएलगेल अछि ।
एहिबीच विवाह पञ्चमीके मध्यनजर करैत अगहन २३ गतेँ २७ गते धरि जनकपुर नगर क्षेत्रभितर मदिरा बेचबिखन बन्द करबाक निर्णय कएलगेल अछि । विवाह पञ्चमीके मौका देख कऽ होबएबला आपराधिक क्रियाकलाप नियन्त्रण करबाक उद्देश्यसँ ई निर्णय कएलगेल अछि । जनप्रतिनिधि, स्थानीय संघसंस्थाक प्रतिनिधि, सुरक्षा निकायसहितक सरोकारबलासभक संयुक्त बैठक विवाह पञ्चमीकेँ भव्य बनबैत एहि अवधिभरि मांस मदिरा बेचबिखन बन्द करबाक निर्णय कएलगेल अछि ।

Read More »

निर्मला हत्यामे शंकास्पद व्यक्ति नियन्त्रणमे

काठमाण्डू २० गते ।कञ्चनपुरमे बलात्कारक बाद हत्या कएलगेल १३ वर्षीया बालिका निर्मला पन्तके घटना उपर अनुसन्धान कऽ रहल टोली एक गोटे शंकास्पद व्यक्तिकेँ काठमाण्डूसँ नियन्त्रणमे लेने अछि । कञ्चनपुरक एक युवककेँ अनुसन्धानक लेल नियन्त्रणमे लेलगेल बुझबामे आएल अछि । हाल ओकर नाम गोप्य राखलगेल अछि । पकराएल व्यक्ति लागूऔषध दुर्व्यसनी अछि । विभिन्न समिति घटना उपर अनुसन्धान करबाक क्रममे ओकरा सेहो शंकास्पदके सूचीमे रखने छल । यद्यपि, ओ भारत गेल परिवार दावा कएने छल । मुदा, पछिला समय ओ काठमाण्डूमे देखलगेला बाद पुछताछक लेल नियन्त्रणमे लेलगेल स्रोत जनओलक अछि । ओकर डीएनए परीक्षण कएल जएबाक प्रहरीके भनाइ अछि । एम्हर घटनाके अनुसन्धान कऽ रहल केन्द्रीय अनुसन्धान ब्यूरो (सीआईबी) के निर्देशक प्रहरी नायब महानिरीक्षक (डीआईजी) निरज शाही घटनाके अनुसन्धान जारी रहलासँ शंकास्पद व्यक्तिकेँ नियन्त्रणमे लेबाक, पुछताछ करबाक आ छोड्बाक क्रम चलि रहल बतआलन्हि ।
‘अनुसन्धानक लेल एक गोटे मात्र नहि, बहुत आदमीके हमसभ नियन्त्रणमे लेने छी’, ओ कहलन्हि, ‘मुदा, एखनो अपनेसभकेँ देबएबला कोनो उपलब्धिमूलक सूचना नहि अछि ।’ ओ घटना उपर गम्भीरतापूर्वक अनुसन्धान भऽ रहल दावा कएलन्हि ।

Read More »

कांग्रेसके आर्थिक नीति ः ६५ वर्षक बाद बृद्धभत्ता, कमसँकम एक गिलास दूध

काठमाण्डू २० गते । नेपाली कांग्रेसक केन्द्रीय समिति बैठकमे पार्टीके समग्र आर्थिक नीति सम्बन्धी प्रस्ताव प्रस्तुत भेल अछि । समिति संयोजक डा. प्रकाशशरण महत बुधदिन केन्द्रीय समितिमे पार्टीके प्रस्तावित आर्थिक नीति पेस कएलन्हि अछि । गत भादव ८ गते पार्टीके सह–महामन्त्री महतके संयोजकत्वमे १० सदस्यीय ‘समग्र आर्थिक नीति प्रस्ताव समिति’ गठन भेल छल । पार्टीके आगामी आर्थिक नीति केहन होएत एहि सन्दर्भमे जिल्ला आ प्रदेश तहमे, उद्योगी ब्यावसायी आ भातृसंस्थाहरुसँग सेहो मिल कऽ छलफल कऽ समग्र आर्थिक नीति सम्बन्धी प्रस्ताव तैयार कएलगेल संयोजक महत जानकारी देलन्हि ।
तत्कालीन शेरबहादुर देउवा नेतृत्वक सरकार ६५ वर्ष पार कऽ चुकल ज्येष्ठ नागरिकसभकेँ वृद्ध भत्ता देबाक घोषणा कएने छल । कांग्रेसक प्रस्तावित नयाँ आर्थिक नीतिमे ई विषय उल्लेख कएलगेल अछि । जटिल प्रकारक रोगीसभकेँ इलाज भत्ता देबाक नीति सेहो आगा बढएबाक, वर्षमे १२० दिनक रोजगारी सुनिश्चित करबाक सँगहि युवा उद्यमीसभकेँ सहुलियतपूर्ण ऋण देबाक सहितक विषयकेँ सेहो प्राथमिकतामे राखलगेल अछि । तहिना, सभकेँ कमसँकम एक एक गिलास दूध देबाक सहितक नारा दऽ कऽ आर्थिक नीति प्रस्ताव कएलगेल अछि । ‘बी.पी. कोइराला कहने जँका ‘एक एक थोपा दूध नहि, कमसँकम एक–एक गिलास दूध’ सहितक अवधारणा अनुरुप उत्पादन वृद्धि आ न्यायोचित वितरण लक्षित समुदाय एवं पाछा परल वर्ग आ समूहमे पहूँचाबएके लक्ष्यतर्फ कांग्रेसके नीतिसभ उन्मुख होएत ‘ महत कहलन्हि ।
तहिना, स्वास्थ्य आ शिक्षाके गुणस्तरीय विस्तारक लेल ‘सभक लेल गुणस्तरीय स्वास्थ्य आ सभक लेल गुणस्तरीय शिक्षा’ के अवधारणाकेँ कार्यान्वयन करबाक सहितक विषय सेहो कांग्रेसक प्रस्तावित अहार्थिक नीतिमे उल्लेख अछि । केन्द्रीय समितिमे पेस भेल कांग्रेसक प्रस्तावित आर्थिक नीतिसँ उच्च उत्पादकत्वमे आधारित दिर्घकालीन आ पैघ आर्थिक वृद्धि कहने अछि ।
समतामुलक लोककल्याणकारी राज्य, रोजगारमुखी युवा केन्द्रित उद्यमशीलता, सार्थक वित्तीय संघीयता आ सदाचारयुक्त आर्थिक सुशासनकेँ प्रथमिकतामे राखि कऽ आर्थिक नीति तय कएलगेल संयोजक महत बतओलन्हि । मुदा संयोजक महत सरकारी आर्थिक नीतिके आलोचना कएने अछि । ‘वर्तमान सरकारक आर्थिक नीति आ क्रियाकलाप कानुनी प्रक्रियासभकेँ लत्यबैत नियन्त्रण, निषेध आ संस्थागत भ्रष्टाचारक रस्तामे आगा बढल अछि,’ महत कहलन्हि, ‘लगानीकर्तासभ असुरक्षित महसुस कऽ वैदेशिक लगानीमे ७५ प्रतिशत घटल, आन्तरिक लगानी बढ्ए नहि सकल आ पूँजी पलायनके संकेत देखलगेल अछि ।’
संयोजक महत बढ्ैतगेल व्यापार घाटा, अकासिंक व्याजदर आ उच्च करके मारसँ लगानी निरुत्साहित भेल उल्लेख करैत सरकार कहने समृद्ध नेपाल आ सुखी नेपालीके लक्ष्य कागजमे सिमित रहबाक निश्चित रहल उल्लेख कएलन्हि । वर्तमान सरकार प्रस्तुत कएने स्वेत–पत्र सत्य तथ्यकेँ तोडमरोड कएने आरोप लगबैत संयोजक महत कांग्रेस आब उच्च उत्पादकत्वमे आधारित दिर्घकालीन आ पैघ आर्थिक वृद्धिके लेल व्यापक स्वदेशी आ विदेशी लगानी लगएबाक बतओलन्हि । ओहिके लेल लगानी प्रक्रियाकेँ जिम्मेवारी सहितक विकेन्द्रीकृत एकद्वार प्रणाली लागू करबाक आ आयात प्रतिस्थापन करबाक उद्योग व्यवसायसभ संरक्षण करबाक नीति अख्तियार कएल जएबाक हुनकर कहब छन्हि ।
व्यापार घाटा कम कऽ स्वदेशी जलविद्युतके उपभोग बढाबए २०३० सँ पेट्रोलियम पदार्थमे आधारित यातायातक साधनके प्रयोग पूर्ण अन्त करैत घरायसी प्रयोजनमे विद्युत उपभोग बढाबएके नीति अख्तियार करबाक कांग्रेसक प्रस्तावित आर्थिक नीतिमे उल्लेख कएलगेल अछि । उर्जा क्षेत्रमे स्वदेशी विदेशी लगानी आकर्षित कऽ राष्ट्रिय आवश्यकता पूर्तिके सँगहि निर्यात बजारके विविधकरणसँ पाँच वर्ष भितर नेपालक सम्पूर्ण क्षेत्रमे विद्युतिकरण पूरा कएल जएबाक जनाओलगेल अछि ।

Read More »

‘पप्पु कन्स्ट्रक्सन’ केँ कारी सूचीमे नहि रखबालेल आदेश

नेपालगंज २० गते । उच्च अदालत तुलसीपुर नेपालगन्ज इजलास पप्पु कन्स्ट्रक्सनकेँ कारीेसूचीमे नहि रखबालेल आदेश देलक अछि । नेपालगन्ज इजलासक न्यायाधीश विष्णुदेव पौडेल आ ऋषि अधिकारीके संयुक्त इजलास ओ आदेश देलक अछि । अदालत धरौटीके लेल ठेकेदार रखने रकम सेहो नहि लेबए सरकारक नाममे आदेश देलक अछि । ठेक्का लेलापर कम्पनी ७ करोड बैंक धरौटी रखने छल । पप्पु कन्स्ट्रक्सनके सुनित रौनियार उच्च अदालतमे रिट दायर कएने छल । ओ सिक्टा सिँचाइ आयोजना कम्पनीकेँ कारीसूचीमे राखि कऽ बैंक धरौटी निकालएके प्रयास कएने दाबीसहित सिक्टा आ ओतके अधिकारीकेँ विपक्षी बनओने छल । अदालत तत्काल कारीसूचीमे नहि रखबालेल आ बैंक धरौटी स्वरुपक रकम नहि आदेश देलक अछि ।
बहुचर्चित सिक्टा सिँचाइ आयोजनाके डुडुवा नहर निर्माणक काज निर्धारित समयमे सम्पन्न नहि कएला बाद पप्पु कन्स्ट्रक्सनसँग ठेक्का तोडलगेल छल । ठेक्काके समयावधि सम्पन्न भेला बाद सात प्रतिशत मात्र काज सम्पन्न भेल छल । पप्पुके स्थानमे दोसर पैघ आयोजना बाँकेके नौबास्तामे खुला कारागार निर्माणक काज एखनो अनिश्चितामे अछि । तहिना पप्पु निर्माण कएने राँझा–जमुनाहा ११ किलोमिटर चासर लेन सडक हस्तान्तरण नहि होइत टुटि गेल अछि ।

Read More »
1 36 37 38 39 40 63