मैथिली समाचार

पूर्वराजा ज्ञानेन्द्र जनकपुरमे

जनकपुरधाम फागुन ३० गते । मधेशक राजनीतिक पेचिला भऽ रहल समय पूर्वराजा ज्ञानेन्द्र शाह मधेश भ्रमणमे निकलि रहल छथि । अपन मधेश भ्रमणके क्रममे पूर्वराजा शाह बुधदिन साँझ जनकपुर पहुँचल छथि । झापाक दमकसँ मधेश भ्रमण शुरु कएने शाह सडक यात्रा करैत जनकपुर पहुँचल छथि ।
रेशम चौधरीकेँ जन्मकैद, राजपाद्धारा सरकारसँ समर्थन फिर्ता, सिके राउतक रिहाइ आ ओहिके बाद ११ सुत्रीय सहमतिसहितक राजनीतिक गोलचक्करमे मधेशक राजनीति घुमि रहल समय पूर्व राजा शाहक भ्रमणकेँ अर्थपूर्ण रुपेँ देखलगेल अछि ।
शाहक मधेश भ्रमण एखन पाँच दिनके लेल तय भेल अछि । हुनकर स्वकीय सचिव सागर तिमल्सिनाक अनुसार हुनकर वृहस्पतिदिन सर्लाहीक मलंगवा जएबाक कार्यक्रम अछि । मलंगवामे हुनकर दुर्गा मन्दिरमे पूजापाठ करबाक कार्यक्रम अछि ।
ओतहसँ फेर ओ जनकपुर घुरताह । तहिना चैत १ गते हुनकर जानकी मन्दिरमे पूजापाठ करबाक कार्यक्रम रहल जनाओलगेल अछि । जनकपुरसँ हुनकर चैत २ गते उदयपुरक गाइघाट जएबाक कार्यक्रम अछि । गाइघाटमे राधाकृष्ण मन्दिरमे पूजापाठ करबाक कार्यक्रम रहल पूर्वराजा शाह ३ गते सप्तरीक सखडा भगवती दर्शन कऽ झापा जएताह हुनकर सचिवायल स्रोत जनओलक अछि ।
एहिसँ पहिने फागुन २२ गतेसँ मधेश भ्रमण करबाक कार्यक्रम रहलाक बादो माय रत्नक स्वास्थ्यमे समस्या अओलाक बाद स्थगन कएलगेल छल । ओहि कार्यक्रमअनुसार सेहो शाहके जनकपुर केन्द्र बना कऽ धनुषा, सर्लाही, उदयपुर आ सप्तरीसहितक जिल्लासभमे अवस्थित देवी देवताक मठ मन्दिर तथा शक्तिपीठके दर्शन करबाक कार्यक्रम तय भेल छल ।
पूर्वराजा शाहक मधेश भ्रमणके धार्मिक कहलगेलाक बादो हुनकर जनमत बुझबाक अभिप्राय सेहो रहल बुझबामे आएल अछि । अनपेक्षित रुपेँ राजनीतिक अवस्था परिवर्तन भऽ रहल समय ओहिप्रति ओ मधेशी जनताक धारणा बुझबाक मनसायके महत्वके साथ देखलगेल अछि ।
मधेशमे हुनकर विभित्र व्यक्तिसभसँ भेटघाट करबाक कार्यक्रम रहल बतओलगेल अछि । सर्लाहीमे हुनकर स्वागतके लेल पूर्वगृह राज्यमन्त्री सोनेलाल यादव जुटल छथि ।
ओ जनकपुरमे सेहो विभित्र राजनीतिक दलक नेता तथा व्यक्तित्वसभसँ भेट करबालेल आन्तरिक तैयारी कऽ रहल बुझबामे आएल अछि
पूर्वराजा एहिसँ पहिने सेहो बेरबेर मधेशक विभित्र जिल्लाक भ्रमण करैत अपन समर्थसभसँ भेटघाट करैत आबि रहल छलथि ।

Read More »

सिके राउतके राजनीतिक मूलधारमे लाबएके नाममे राष्ट्रघाती सम्झौता कएने देउवाक आरोप

पोखरा, फागुन २९ । नेपाली कांग्रेसक सभापति एवं पूर्वप्रधानमन्त्री शेरबहादुर देउवा सिके राउतके राजनीतिक मूलधारमे लाबएके नाममे राष्ट्रघाती सम्झौता कएने आरोप लगौलन्हि अछि ।
नेपाल प्रेस युनियन कास्की पोखरामे मंगलदिन आयोजना कएने पत्रकार सम्मेलनमे बजैत ओ देश विभाजन करएके गतिविधिसहित जनमत संग्रह मँगैत चलनाई कांग्रेसके लेल सहनिय नहि रहल बतौलन्हि । सम्झौतामे रहल बुँदा राष्ट्रघाति रहल हुनक टिप्पणी छलन्हि ।
‘सिके राउत जनमत संग्रह करएके आ देश विभाजीत करएके बात करत तऽ हमसभ एकरा कोना स्वीकार करए सकब ?’ देउवा कहलन्हि, ‘एहि विषयमे ने प्रधानमन्त्रीक खण्डन आओत , जनकपुरमे जनमत संग्रहके नारा गुञ्जत ।’
फौजदारी संहिताक नाममे देशके कन्ट्रोल करएके आ प्रेसके नियन्त्रणमे लैत अधिनायकवाददिस सरकार उन्मुख रहल ओ बतौलन्ह । ओ कहलन्हि , ‘प्रजातन्त्रमे प्रेस स्वतन्त्रता नहि भेल तऽ अधिनायकवाददिस जाएत ।’ अपना समयमे अध्यादेशमार्फत लाओलगेल चिकित्सा विधेयकके सरकार तोडमोड कएलासँ चिकित्सा क्षेत्रमे अराजकता बढल टिप्पणी सेहो ओ कएलन्हि ।
‘सरकार विभिन्न नाममे संघीयताके असफल बनाबए लागि रहल अछि । ई कांग्रेसक लेल मान्य नहि हएत,’ ओ कहलन्हि । विप्लव माओवादीक गतिविधिक विषयमे पुुछलगेल प्रश्नमे ओ देशमे हत्या हिंसा अराजकता बढलासँ एहिके नियन्त्रण कएनाई सरकारक कर्तव्य रहल बतौलन्हि ।
संसदमे प्रतिपक्षक भूमिका कमजोर देखलगेल विषयमे पत्रकारक जिज्ञासामे ओ ‘संसद् आ देश भरि सरकारक विरुद्ध बजने छि , एतेक भेलाबादो सरकार नहि सुनैत अछि । भोट देबएके समयमे एमालेके भोट देबएके एखन प्रतिपक्षक भूमिका ताकब ?’ कहि प्रतिप्रश्न कएलन्हि ।
म्याग्दीक तातोपानीमे कांग्रेसक वरिष्ठ नेता रामचन्द्र पौडेलसँग नहा कऽ एकता हएत कहि अपने नहि कहने ओ प्रष्ट कएलन्हि ।

Read More »

सीके राउतके कारवाहि करए राप्रपा अध्यक्ष कमल थापाक माँग

रुपन्देहि, फागुन २९ । राष्ट्रिय प्रजातन्त्र पार्टिक अध्यक्ष कमल थापा सीके राउतके कारवाहि करए माँग कएलन्हि अछि । बुटवलमे आयोजित पत्रकार सम्मेलनमे बजैत ओ विखण्डनके नारा लगोलाबादो राउतके कारवाहि करए नहि सकनाई सरकारक लाचारिपन रहल बतौलन्हि । सीके राउतसँग भेल ११ बुदे सम्झौता विरोधाभाषपूर्ण, रहस्यमयी आ अमूर्त रहल हुनक कहब छन्हि । सीके राउत सामाजिक सञ्जालमे प्रचार करएबला विषय आ जनकपुरक प्रदर्शनसँ सम्झौता रहस्यमयि रहल पुष्टि भेल अध्यक्ष थापाक दाबि छन्हि । वाइडबडि प्रकरणमे सत्तापक्ष आ प्रतिपक्षी दुनूके संलग्नता रहल सेहो ओ आरोप लगौलन्हि । वाइडबडी जहाज प्रकरणमे कांग्रेसक सम्लग्नता नहि अछि तऽ किए ससक्त विरोध करए नहि सकल कहैत ओ प्रश्न कएलन्हि ।

Read More »

जानकि मन्दिरक जमिन अतिक्रमण कऽ सडक विस्तार कएने कहैत स्थानीयक आवरोध

जनकपुरधाम, फागुन २९ । जानकि मन्दिरक जमिन अतिक्रमण कऽ कऽ देबाल निर्माण कएने कहैत स्थानियसभ काज अवरुद्ध कएलक अछि । एडीबी परियोजना अन्तर्गत भऽ रहल सडक निर्माण क्रममे जानकि मन्दिर आगुके भागबला जमिन अतिक्रमण कएने कहैत स्थानियसभ काज अवरुद्ध कएने अछि ।
निजी जमिन बचाबए जनकपुरधाम उपमहानगरपालिकाक मिलीभगतमे ऐतिहासिक धार्मिक जानकी मन्दिरक जमिन अतिक्रमण कएने आरोप लगबैत स्थानीय युवा तथा राजपाक नेता कार्यकर्ता काज अवरोध कएने अछि । जानकि मन्दिरके विश्व सम्पदा सूचिमे सूचिकृत करएके तयारी भऽ रहल समय ठेकेदार एकलौटी रुपमे मन्दिर प्रांगण आगा रहल जमिन अतिक्रमण कऽ देबाल तोडि कऽ सडक निर्माण कऽ रहल स्थानीय युवा सुशील कर्णक आरोप छन्हि ।
ऐतिहासिक धार्मिक महत्वक जानकि मन्दिरके बचाबए विरोध कएने राजपाक केन्द्रीय सदस्य रामजी राय बतौलन्हि । विश्व सम्पदा सूचीमे सूचीकृतक लेल गृहकार्य भऽ रहल समय मन्दिरक जमिन अतिक्रमण कऽ छोट बनाबएके प्रयास भेल कहैत स्थानियसभ विरोधमे उतरल अछि ।

Read More »

मौन रहल सिकेद्धारा सरकारी सुरक्षा अस्वीकार

जनकपुरधाम फागुन २९ गते ।सरकारसँ ११ सुत्रीय सम्झौता कऽ कऽ जनकपुर घुरल स्वतन्त्र मधेश गठबन्धनके संयोजक सिके राउत एखन जनकपुरस्ति अपन घरमे छथि । रविदिन जनकपुर विमानस्थल पहुँचल समय राउत सञ्चारकर्मीसभकेँ कोनो प्रतिक्रिया नहि देलन्हि ।
विमानस्थलमे उपस्थित सञ्चारकर्मीसभ प्रतिक्रिया लेबए चाहलाक बाद उन्टे राउतक समर्थकसभ दुव्र्यवहार कएलक । जनकपुर पहुँचला तीन दिन भऽ गेलाक बादो राउत पत्रकारसभसँ भेँट नहि कएने छथि । पत्रकारमात्र नहि ओ अपन कार्यकर्तासभसँ सेहो भेँटघाँट नहि कएने बताओलगेल अछि ।
स्वास्थ्य ठिक नहि रहलाक कारण आराम कऽ रहलाक कारण तत्काल भेँटघाँटके लेल समय नहि देने हुनकर कार्यकर्तासभ बतबैत छथि । स्वास्थ्य ठिक भऽ गेलाक बाद केन्द्रीय समितिक बैठक कऽ सम्झौताक विषयमे आधिकारिक निर्णय सार्वजनिक करबाक तैयारी रहल बताओलगेल अछि ।
एम्हर सरकारसँ ११ सुत्रीय सम्झौता कऽ कऽ जनकपुर घुरल राउत मौन भेलाक बाद कतेको कार्यकर्तामे अजसन्जसता देखलगेल अछि । सम्झौता हएबासँ पूर्वे राउत अपन फेसबुक पेजमार्फत सरकरा जनमतसंग्रह करबालेल तैयार रहल उल्लेख कएने रहथि । ओहिके बाद सम्झौताक दोसर बुँदामे उल्लेख कएलगेल ‘जनअभिमत’ शब्दके हुनकर कार्यकर्तासभ जनमतसंग्रहके रुपमे अर्थ लगओने छल । मुदा प्रधानमन्त्री आ गृहमन्त्री जनमतसंग्रह करबाक कोनो सहमति नहि भेल प्रष्टिकरण देलाक बाद राउतक कार्यकतासभ आओर अनिश्चिततामे परल अछि । सरकारसँग भेल सम्झौताक विषयमे जानकारी लेबएलेल कार्यकर्तासभमे कौतुहलता रहलाक बादो राउत एखनधरि ककरोसँ भेँट नहि कएने छथि ।
जनकपुरधाम बलवाटोलस्थित अपन निजी निवासमे आराम कऽ रहल राउत सरकार उपलब्ध करओने सुरक्षाकर्मीसेहो फिर्ता कएने छथि । जनकपुर विमानस्थलमे उतरएसँ पहिने जिल्ला प्रहरी कार्यालय धनुषा पठओने असई आ प्रहरी जवानसहित दुनु सुरक्षाकर्मीके राउत रविएदिन फिर्ता पठा देने बताओलगेल अछि । हुनकर घरभितर सेहो प्रवेश नहि करए सकल दुनु सुरक्षाकर्मी एखन बलवाटोलस्थित प्रहरी चौकीमे रहि कऽ हुनकर निगारनी कऽ रहल अछि । सरकारी सुरक्षाकर्मी राउतक गतिविधिके निगरानी कऽ सकैत अछि सशंयके कारण घरभितर प्रवेश नहि देलगेल अनुमान कएलगेल अछि ।
धनुषाक एसपी शेखर खनाल राज्य खटओने सुरक्षाकर्मी राउतक घरमे नहि रहल स्वीकार कएलन्हि अछि । सरकारी सुरक्षाकर्मी हुनकर घर नजदिक रहल बलवा प्रहरी चौकीसँ निगरानी कऽ रहल हुनकर कहब छन्हि ।
सरकारी सुरक्षाकर्मी फिर्ता भेलाक बादो राउतक निजी सुरक्षा गार्ड सुरक्षा व्यवस्था देखैत आबि रहल बतओलगेल अछि । फागुन २६ गते जनकपुर पहुँचल समय विमानस्थलमे सेहो राउतक निजी सुरक्षा दस्ता परिचालन भेल छल । तहिना तीन मझिला घरक सभसँ उपर बाहरके गतिविधि निगरानी करबालेल सीसी टीभी क्यामरा जडान कएलगेल अछि ।

‘जनअभिमतके अर्थ जनमत संग्रह नहि अछि’
स्वतन्त्र मधेश गठबन्धनक प्रवक्ता चन्दन सिंह ११ सुत्रीय अपन प्रतिवद्धतामे शंका नहि करबालेल सभकेँ अपिल कएलक अछि । गठबन्धनक प्रवक्ता सिंह संविधानक परिपालना करबालेल गठबन्धन तैयार रहल ओहि अनुसार बुझबालेल आ अन्यथा अर्थ नहि लगाबएलेल अनुरोध कएलनिह अछि ।
‘११ बुँदमे सभ किछु लिखल अछि । नेपालीए भाषामे लिखलगेल अछि । समहमतिपत्रमे जे लिखलगेल अछि, ओहिप्रति हमसभ इमान्दार छी,’ ओ कहलन्हि ।
जनअभिमत व्यापक शब्द रहलाक कारण जनमतसंग्रक अर्थ सेहो लागि सकैत अछि । मुदा संविधानसँ अलग ओकर अर्थ नहि लगाओल जाएत हुनकर प्रष्टोक्ति छल । सिके राउत जनकपुर पहुँचल समय लागल स्वतन्त्र मधेशक नारा, अलग राज्यक माँगसहितके ब्यानरप्रति ओसभ संवेदनशील रहल स्वीकारैत कहलन्हि,‘हमरासभके हजारौं, लाखौं कार्यकर्ता अछि । सरकारसँगक सम्झौताक विषयमे सभकेँ जानकारी नहि अछि । हमसभ समझाएब आ संयमित बनाएब ।’

Read More »

जनकपुर अञ्चल अस्पतालक डाक्टरद्धारा मृतकके बेटाउपर हाथपात

जनकपुरधाम फागुन २९ गते । जनकपुर अञ्चल अस्पतालक चिकित्सकसहित स्वास्थ्यकर्मीसभ उपचारक क्रममे मृत्यु भेल एक गोटेक परिवारजन पर हाथपात कएने आरोप लागल अछि । इलाजक क्रममे मृत्यु भेल मिथिला नगरपालिका–६ क ५० वर्षीय रामनारयण मण्डलक बेटा रमेश मण्डल आ राजा मण्डलके चिकित्सक आकस्मिक कक्षभितर बन्द कऽ मारिपिट कएने पीडित जनओलक अछि ।
चिकित्सकसहित आकस्मिक कक्षमे उपस्थित अन्य स्वास्थ्यकर्मी मारिपिट करबाक संगहि ओसभ पहिरने सर्टसेहो फारिचिर देने अछि ।चिकित्सकके लापारबाहीसँ बाबुके मृत्यु भेल कहलाक बाद ओतह उपस्थित चिकित्सकके संगहि स्वास्थ्यकर्मीसभ सेहो मारिपिट कएने रमेश आ राजा बतओलन्हि अछि । घटना भेलसमय अस्पतालक आकस्मिक कक्षमे डा.सावन यादवक ड्युटी रहल बताओलगेल अछि ।
रामनारायणके अचानक हृदयघात भेलाक बाद परिवारजन एम्बुलेन्ससँ इलाजके लेल तत्काल जनकपुर अञ्चल अस्पताल लओने छल । मुदा आकस्मिक कक्षक डाक्टर एवं स्वास्थ्यकर्मीसभ टिकट कटओलाक बादो उपचार शुरु होएत बतओने छलथि । मुदा लम्बा लाइन रहलाक कारण टिकट कटाबएमे समय लागल छल ।्
बाबुके स्वास्थ्य अवस्था खराब होइत देखलाक बाद बेटा तथा परिवारक अन्य सदस्यसभ इलाजके लेल बाहर लऽ जाए परत की सल्लाह मँगलाक बादो चिकित्सक कोनो जबाब नहि देने पीडितसभक कहब अछि ।
टिकट कटाबएमे देर लगलाक कारण समय पर उपचार नहि भऽ सकलासँ रामनारायणक मृत्यु भेल परिवारक सदस्यसभक आरोप अछि । बाबुके मृत्यु भेलाक बाद बेटासभ इलाजमे संलग्न डाक्टरके नाम पुछने छल । मुदा ओतह उपस्थित केऊ नाम नहि बतओलाक बाद मोबाइलमे डाक्टरके फोटो लेबए लगलाक बाद अपनासभ उपर मारिपिट भेल रमेश बतओलन्हि अछि ।
चिकित्सकके लापारबाहीसँ बाबुके मृत्यु भेल कहैत इलाजमे संलग्न चिकित्सकके कारबाही करबालेल पीडित परिवार माँग कएलाक बाद अस्पतालक अवस्था किछुदेर तनावग्रस्त बनल छल ।

Read More »

उपभोक्ता र व्यवसायी सचेत हुनुपर्ने

बनेपा, फागुन २८ गते । बजारमा पाइने उपभोग्य वस्तुको उपभोग र त्यसलाई बजारीकरण गर्ने व्यवसायीबीचमा दुवै उत्तिकै सचेत हुनुपर्ने अवस्था रहेको राष्ट्रिय मानवअधिकार आयोगले जनाएको छ ।राष्ट्रिय मानवअधिकार आयोग प्रदेश नं ३ को आयोजना तथा नेपाल रेडक्रस सोसाइटी काभ्रेपलाञ्चोक शाखा र खरीबोट उपशाखा पनौतीको संयोजनमा सोमबार काभ्रेपलाञ्चोकको धुलिखेलमा आयोजित ‘उपभोक्ताको अधिकार र कार्यान्वयन अवस्था’ विषयक अन्तरक्रियामा आयोगका प्रदेश नं ३ का निर्देशक यज्ञप्रसाद अधिकारीले उपभोक्ताले उपभोग गरेको वस्तुबाट आफूमा नराम्रो असर पारेमा त्यसको क्षतिपूर्ति प्राप्त गर्न सकिने अधिकार सुनिश्चित भएको बताउनुभयो ।उहाँले पछिल्लो अवस्थामा उपभोक्ताको चेतनामा विकास, मौलिक हकमा उपभोक्ता अधिकारको व्यवस्था, सरकारले बजार अनुगमन र उपभोक्ता जागरण कार्यक्रमका लागि प्रत्येक जिल्लालाई बजेट विनियोजनको प्रक्रिया शुरु र अदालतबाट उपभोक्ताको पक्षमा हुने फैसलाका कारण नेपालमा उपभोक्ताको अधिकार संरक्षणको अवस्था रहेको बताउनुभयो ।उहाँले सुरक्षाको अधिकार, सूचित हुने अधिकार, छनोटको अधिकार र सुनुवाइको अधिकार उपभोक्ता अधिकारका चार खम्बाका रूपमा नेपालको संविधानले सुनिश्चित गरेको उल्लेख गर्दै अब त्यसका लागि दुवै पक्ष उत्तिकै जिम्मेवार रहेको बताउनुभयो । उहाँले बजार अनुगमनको जिम्मा स्थानीय सरकारलाई प्रदान गरेकाले अब उपभोग्य वस्तुमा दशैँ, तिहारमा अनुगमन गरेजस्तो मात्रै गर्ने देखावटी चलनको अन्त्य हुने अपेक्षा व्यक्त गर्नुभयो ।कार्यक्रममा धुलिखेल नगरपालिकाका प्रमुख अशोक ब्याञ्जुले बजार व्यवस्थापनको जिम्मा स्थानीय तहलाई दिएका कारण बजारको अनुगमन, नियमन र नयाँ नियम स्थापना गर्नेलगायतको अधिकार आइसकेकाले त्यसमा स्थानीय तह जिम्मेवार भएर उभिन आवश्यक रहेको बताउनुभयो । उहाँले मानव स्वास्थ्यका लागि महत्वपूर्ण वस्तु खरीदमा मूल्यअनुसारको वस्तुको गुणस्तर, बिक्री गर्दा सेवा सही ढङ्गले प्राप्त हुनुपर्छ भन्ने विश्वव्यापी मान्यतालाई अवलम्बन गर्न आवश्यक रहेको बताउनुभयो । अहिले भइरहेको बजारमा मूल्यअनुसारको वस्तुको गुणस्तर नहुने, भए पनि महँगो हुने र नेपालमा गुणस्तर पहिचान गर्ने मापदण्ड नै नभएको उल्लेख गर्दै त्यसको सुनिश्चिताका लागि राज्यले प्रक्रिया अगाडि बढाउनुपर्नेमा जोड दिनुभयो ।कार्यक्रममा नगर उपप्रमुख विमला शर्माले उत्पादन गरेको चिज गुणस्तर छ कि छैन भनेर जाँच गर्ने निकाय हुनुपर्नेमा जोड दिनुप¥यो । आम्दानीका लागि मात्रै सोच्नेभन्दा पनि खाना नहुने र प्रयोगमा ल्याउन नहुने चिज उत्पादन भएकालाई छुट्याउने काममा स्थानीय सरकार निरन्तर लागिरहने बताउनुभयो ।जिल्ला जनस्वास्थ्य कार्यालयका प्रमुख नवराज अवस्थीले अधिकारलाई मात्रै बढाइरहनु र कार्यान्वयनमा जोड नदिने हो भने अधिकारको मात्रालाई बढावा दिएर उपभोक्ता ढुक्क हुने अवस्था नरहेको बताउनुभयो । आधारभूत स्वास्थ्य सेवा निःशुल्क पाउनुपर्ने कुरालाई मौलिक हकको रूपमा राखे पनि अझैसम्म कुनकुन सेवा वा उपचार निःशुल्क पाउने भन्ने कुरा उपभोक्ताले थाहा पाइरहेको अवस्था नरहेको उहाँले बताउनुभयो । स्वास्थ्यमा समान पहुँचलगायतका विषयमा सेवाग्राही नै सचेत भएन भने सेवा प्रदायकले दिनुपर्ने गुणस्तरीय सेवाबाट वञ्चित हुने अवस्था रहनसक्नेतर्फ सचेत गराउनुभयो ।

Read More »

राजपाकेँ प्रधानमन्त्रीक सुझावः जातीय आ क्षेत्रीय राजनीति करबालेल मधेशमे स्थान नहि अछि

रौतहट फागुन २६ गते ।प्रधानमन्त्री सेहो रहल नेपाल कम्युनिस्ट पार्टीक अध्यक्ष केपी शर्मा ओली हालहि सरकारकेँ देने समर्थन फिर्ता लेने मधेश केन्द्रित राजनीतिक दल राष्ट्रिय जनता पार्टीकेँ ‘जनताके धोखा देबएबला जातिवादी एवं क्षेत्रीयतावादी राजनीति’ के युग समाप्त भेल बतओलन्हि अछि ।
शनिदिन रौतहटके गरुडामे आयोजित आमसभामे प्रधानमन्त्री ओली राजपाक नामे किटे कऽ आब विकासक राजनीति शुरु भेल आ जातिवादी आ क्षेत्रीय राजनीति कऽ कऽ भोट लेबाक युग समाप्त भऽ चुकल बतओलन्हि ।
राजपा किछुदिन पहिने मात्र सरकारकेँ देने समर्थन फिर्ता लऽ कऽ मधेशमे आन्दोलन करबाक धम्की दऽ रहल समय प्रधानमन्त्री ओली मधेशक केन्द्रमे आबि कऽ राजपाकेँ चेतावनी देलन्हि अछि । ओ एहि प्रकारेँ ‘छुद्र’ राजनीति करएबलाकेँ मधेशमे जगह नहि भेटत बतओलन्हि । ‘आधारहीन छुद्र राजनीतिकेँ मधेशमे स्थान नहि अछि,’ राजपाक नामे लऽ कऽ ओली कहलन्हि,‘राजपाकेँ हम कहए चाहैत छी, एक प्रदेशमे एकबेर जनताकेँ ठगि कऽ, धोखा दऽ कऽ कनिक अधिक भोट भेटल कहैत बेसी फूर्तीफार्ती नहि करु । सरकारविरुद्ध फेहरिस्त नहि बनाउ, सरकार पुरा देशक विकासमे लागल अछि ।’
एकतर्फ सरकार काम कऽ रहल आ जनताके लेल कऽ रहल कहैत राजपाके आलोचना कएने प्रधानमन्त्री दोसरतर्फ शुक्रदिनमात्र मधेशमे पृथकवादी अभियान त्यागक घोषणा कएने सिके राउतक उदाहरण देलन्हि ।
रेशम चौधरीके आजीवन कारावाससहितक कारणसँ सरकारकेँ देने समर्थन फिर्ता लेने समय प्रधानमन्त्री राजपाकेँ सम्झाबएलेल सिके राउतक उदाहरण देलन्हि । ओ स्वतन्त्र मधेशक नारा लगबैत आबि रहल राउतक नेतृत्व आब संविधान मानत, राष्ट्रि अखण्डता, सार्वभौमसत्ता आ जनअभिमत मानबाक रास्तामे आएल अछि मुदा राजपा उल्टा रास्ता पर चलए चाहि रहल कहैत जनताकेँ भ्रमित करबाक काजमे लागल कहैत ओली आलोचना कएलन्हि । सम्बोधनक शुरुएमे प्रधानमन्त्री जनताक उपस्थितिसँ नेकपाके मधेशमे देखबाक दृष्टिमे दोष अछि कहएबलासभके जबाब भेटल बतओलन्हि । ओ मैथिली भाषामे ई बात कहने छलथि ।
प्रधानमन्त्री ओली मधेशक विकासके लेल तराई मधेश विशेष पूर्वाधार कार्यक्रम अन्तर्गत ३५२ करोड रुपैयाँ विनियोजन कऽ कऽ काज आगु बढाओलगेल आ ओहिसँ जनताक जीवनस्तरमे परिवर्तन आओत दावा कएलन्हि ।
प्रदेश २ सरकारक ‘बेटी पढाउ, बेटी बचाउ’ कार्यक्रम निक रहल आ ओहिकेँ साथ देबाक वाचा करैत प्रधानमन्त्री ओली सरकार देशमे भऽ रहल निक काजकेँ समर्थन करत ओली बतओलन्हि ।
बक्स
आवश्यक्ता भेल तऽ सिके राउत मन्त्री बनि सकैत छथि
नेकपा अध्यक्ष सेहो रहल प्रधानमन्त्री केपी शर्मा ओली ओ कएने निर्णयके विषयमे पार्टी नेता भिम रावलसँ पुछबाक आवश्यक्ता नहि रहल बतओलन्हि । रौतहटमे आमसभामे भाग लेबए पहुँचल ओली किछु अगुवा कार्यकर्तासभसँ बातचितके क्रममे ई बात बतओलन्हि ।
सिके राउतसँग भेल सहमतिक विषयमे रावलसहितक किछु नेता असन्तुष्टि जना रहलप्रति रौतहटके स्थानीय नेता कार्यकर्तासँगक बातचितमे ओली कहलन्हि,‘हम प्रधानमन्त्री छी आ पार्टी अध्यक्ष सेहो । हमरा नहि लगैत अछि की रावल कामरेडसँ सभ सल्लाह करए परत ।’ हुनकर कहबकेँ उदृत करैत रौतहटके एक नेता ‘प्रधानमन्त्री ओली सिके राउत सन विद्वान आदमी सरकारमे सेहो आवश्यक्ता रहलाक कारण ओकर सेहो व्यवस्थापन तर्फ लागल’ बतओलन्हि अछि । मेजर विषयमे प्रचण्डक कामरेडसँ सल्लाह होइत आएल अछि प्रधानमन्त्रीके उदृत करैत ओ नेता ‘सरकार निर्णय कएलक तऽ कऽ लेलक आ सरकार देशेहितमे कोनो निर्णय करत’ बतओलन्हि ।

Read More »

मिथिला मध्यमा परिक्रमा आई जलेश्वर पहुँचत

जनकपुरधाम फागुन २६ गते ।नेपालक सभसँ लम्बा दुरीके १५ दिनक धार्मिक मिथिला मध्यमा परिक्रमा आई महोत्तरीक जलेश्वर पहुँच रहल अछि । आई जलेश्वरमे विश्राम कऽ सोमदिन मडईके लेल प्रस्थान करत ।
धनुषाक ठेरा कचुरी गामक मठसँ मिथिला विहारीक डोलासँग शुरु भेल परिक्रमा वृहस्पतिदिन जनकपुरक हनुमान नगरसँ शुरु भेल छल ।
फागुण शुक्ल परिवा तिथी अर्थात बुधदिन भिन्सर कचुरीसँ मिथिला बिहारीक डोलासँग शुरु भेल परिक्रमा दुपहरियामे जनकपुरक रत्नसागर मंदिरमे पहुँचल छल ।
परिक्रमा सहभागी तिर्थालुसभ रत्नसागर मंदिरमे दिनक भोजन पश्चात किछु देर विश्राम कऽ जानकी मंदिर दर्शन करैत विश्रामकेलेल हनुमाननगर पहुँचल छल । रातिमे हनुमाननगरमे विश्राम कऽ कलनाकेलेल प्रस्थान करैत अछि । तहिना जनकपुरक अग्नी कुण्डसँ किशोरीजीके डोला सेहो रातिमे हनुमान नगरमे विश्राम करैत अछि आ दुनु डोला एकहि साथ १५ दिनक परिक्रमा करैत अछि । मध्यमा परिक्रमा जनकपुरक हनुमानगढी, भारतक कल्यानेश्वर, गिरिजा स्थान, महोत्तरीक मठिहानी, जलेश्वर, मडई, ध्रुवकुण्ड, कञ्चनवन, पर्वता, धनुषाधाम, सतोषर, औरही, भारतक करुणा, विशौल सहितक धार्मिक स्थलमे एक राति विश्राम कऽ अन्तमे फेर जनकपुर पहुँचल करैत अछि । नेपाल आ भारत सहित कुल १ सय ३३ किलो मिटर लम्बा दुरीके पैदल यात्रा जनकपुरमे एक राति विश्राम कऽ होलीसँ एक दिन पहिने अन्तगृह परिक्रमा कऽ समापन होइत अछि । परिक्रमामे नेपाल तथा भारतक हजारौ श्रद्धालुसभ सहभागी रहैत छथि । १५ दिन धरि मिथिला विहारी आ किशोरीजीक डोलासँग परिक्रमा कएलासँ मनोवाञ्छित फल प्राप्त होइत अछि जनविश्वास रहल अछि ।

Read More »

जनकपुर साहित्यकला महोत्सवः मिथिला आ मैथिलीके लेल ऊर्जा

जनकपुरधाम फागुन २६ गते ।मैथिली विकास कोष आयोजना कएने जनकपुर साहित्य–कला तथा अन्तर्राष्ट्रिय नाट्य महोत्सव फागुन २३ गते समाप्त भऽ चुकल अछि । फागुन १८ गते शुरु भेल महोत्सवमे कला, संस्कृति, साहित्य, नाट्य कला, भाषासहितक विषयमे गम्भीरतापूर्वक विमर्श चलल । नेपाल तथा भारतक विद्धानसभ मैथिली भाषा, संस्कृति आ कलाक विषयमे खुलि कऽ चर्चा कएलन्हि । कलासंस्कृति, भाषा, साहित्यबाहेक महोत्सवमे काठमाण्डु केन्द्रित आ काठमाण्डुसँ बाहर जिल्ला तहमे कएल जा रहल पत्रकारिताक विषयक चर्चा सेहो स्थान पओलक ।
एहिके बाहेक अन्तर्राष्ट्रिय कलाकारसभ मञ्चन कएने नाटकके भाषा नहि बुझलाक बादो अभिनय कएन्हिारसभक भाव दर्शकदिर्घाकेँ मन्त्रमुग्ध तऽ बनओबे कएलक कतेको दर्शकके आँखि नम भेल दृष्य सेहो देखबा लायक छल । खास कऽ कऽ अफगानिस्तानसँ नाटक मञ्चन करबालेल एतह पहुँचल नाट्य समूहक कलाकारसभ प्रयोग कएने भाषा बिरले कोइ बुझिसकल । मुदा मन्त्रमुग्घ प्रायः सभ दर्शकके बनओलक, ओ नाटक ।
तहिना भारत असामक टोली प्रदर्शन कएने ‘हेलेन’ नामक नाटकके विषयवस्तु आ कालाकारसभक अभियनक प्रशंसा करबालेल बाध्य भेलथि जनकपुर उद्योग वाणिज्य संघक हलमे उपस्थित दर्शक । मैथिली नाट्य क्षेत्रक चर्चित व्यक्तित्व रमेश रञ्जन झा, सुनिल मिश्रसहितक व्यक्तिसभ ‘हलेन’ नाटक देखलाक बाद निक नाटक होबएलेल बेसी कलाकार आ सम्वाद रहल जरुरी नहि रहल प्रतिक्रिया देलन्हि । तहिना प्रदेश २ क आन्तरिक मामिला तथा कानुन मन्त्री ज्ञानेन्द्र यादव तऽ मञ्चेसँ आसामक कलाकारसभकेँ बजा कऽ प्रदेश २ क सभ विद्यालयमे नाटक मञ्चन करएबाक उद्घोष कऽ देलन्हि । तहिना कर्णाली प्रदेश, जनकपरक मिथिला नाट्यकला परिषद, रामानन्द युवा क्लब, पटनाक कलाकार मञ्चन कएने नाटक दर्शकसभक बीच प्रशंसा कमएबामे सफल भेल महोत्सवमे ।
६ दिनधरि चलल मैथिली साहित्य–कला तथा अन्तर्राष्ट्रिय महोत्सव आयोजककेँ मात्र नहि सहभागी एवं जनकपुरवासीके सेहो उत्साहित बनओने अछि, भाषा, साहित्य आ कलासंस्कृतिके संरक्षण एवं प्रवद्र्धनके लेल । खास कऽ कऽ प्रदेश २ क नामाकरण आ भाषासम्बन्धी विवाद चलि रहल समय महोत्स्व राजनीतिक दलसँ लऽ कऽ विभित्र विधामे पकर राखएबला विज्ञसभकेँ अपन बात रखबालेल पैघ मञ्च उपलब्ध करएबामे सफल भेल अछि । तहिना महोत्सवके माध्यमसँ मिथिलाक संस्कृतिके विषयमे कर्णाली प्रदेश, अफगानिस्तान, भारतक असाम, पटनाधरि चर्चा होएत तऽ ओम्हरक कलासंस्कृति, भेषभुषासहित महत्वपूर्ण चिज बुझबाक अवसर जनकपुरके भेटल अछि ।
प्रदेश २ क आन्तरिक मामिला तथा कानुनमन्त्री ज्ञानेन्द्र यादव संस्कृति आ सभ्यताक विषयमे जनचेतना जगएबालेल महोत्सव देश आ प्रदेशवासीके पैघ पाठ देने बतओलन्हि । प्रदेशक नामाकरणसम्बन्धमे मिथिला या मधेशक विवाद चलि रहल समय मन्त्री यादव राजनीतिक विषय अपन स्थानमे रहलाक बादो मिथिला आ मैथिली नहि छोडल जा सकैत अछि बतओलन्हि । ‘राजनीति अलग विषय छैक,’ यादव कहलन्हि,‘मुदा मिथिला आ मैथिलीके विषयमे कोनो राजनीति नहि भऽ सकैत अछि आ करबाक सेहो नहि चाही ।’
मिथिलाक भाषा आ संस्कृति पुरान, सभ्य आ परिस्कृत रहलाक कारण हरेक व्यक्तिकेँ सम्मान करैत आगु बढबाक चाही हुनकर कहब छलन्हि ।
मैथिली भाषा आ संस्कृति प्रदेश २ लेलमात्र नहि देशक लेल ऊर्जा आ शक्तिके केन्द्र रहलाक कारण एहि विषयमे कोनो विवाद नहि भऽ सकैत अछि मन्त्री यादव बतओलन्हि ।
प्रदेश २ मे एखन समस्याके रुपमे देखलगेल भाषा आ नामाकरण विवाद समाधान करबाक दिशामे महोत्सव पैघ डेग सावित भेल बतबैत छथि प्रज्ञा प्रष्ठिानक पूर्वप्राज्ञ रमेश रञ्जन झा । ‘महोत्सव एक दोसरकेँ स्वीकार करबाक आ सम्मान करबाक संस्कार देने अछि,’ झा कहलन्हि,‘अपनेसभ द्धन्द्ध बढाएब की अन्त करब, एक मञ्च पर आबि कऽ विमर्श आगु नहि बढाबएधरि समाधान सम्भव नहि अछि । जनकपुर साहित्य सम्मेलन विवाद समाधान करबाक साझा मञ्च तैयार कएने अछि ।’
तहिना प्रज्ञाप्रतिष्ठानक प्राज्ञ धिरेन्द्र प्रेमर्षी प्रदेश २ मे भाषा आ नामाकरणसम्बन्धी अधिक विवाद नहि रहल दावा कएलन्हि । ‘अढाई सय वर्षसँ राज्यसत्ता अपनासभक संस्कृतिके जडिएसँ फेकबाक काज कएने अछि,’ प्रेमर्षी कहलन्हि,‘अपनेसभ की छी, कतह छी बुझए नहि देलगेल अछि । एहि कारण विवादजँका देखबामे मात्र अछि ।’
अपन कलासंस्कृतिसँ अनभिज्ञ रहल समय महोत्सव अपन जडि, भाषा, संस् संकृति देखबाक आ प्रस्तुत करबाक अवसर प्रदान कएने हुनकर कहब छन्हि । ६ दिनधरि चलल महोत्सव अपनाभितर रहल अन्तरनिहीत विशिष्टताकेँ पुर्नताजगी करएबामे सफल साबित भेल प्राज्ञ प्रेमर्षी बतबैत छथि ।
‘अन्तर्राष्ट्रियस्तरके ख्यातिप्राप्त कलाकारद्धारा नाटक मञ्चन कलासंस्कृति आ रंगमञ्चक क्षेत्रमे आत्ममुग्धतासँ बाहर अएबामे मद्त कएने अछि,’ ओ कहलन्हि,‘महोत्सव आत्म पहिचानक संगहि उन्नयनके पैघ प्रतिष्ठान बनबामे सफल भेल अछि ।’
देश संघीयतामे गेलाकबाद पहिलबेर प्रदेश २ पहुँचल भारतक मुम्बईमे रहैत आबि रहल नेपालक चर्चित अभिनेता मुरलीधर मिजार महोत्सव विभित्र विधामे लागलसभकेँ ऊर्जावान बनएबामे सहयोग कएने विश्वास व्यक्त कएलन्हि । ‘भाषा, कलासंस्कृतिकेँ संवद्र्धन करबाक उद्देश्यसँ महोत्सवके आयोजना कएलगेल हमरा बुझि परैत अछि’ ओ कहलन्हि‘एहन विधामे लागलसभकेँ महोत्सव आओर प्रोत्साहित बनएबामे निश्चित रुपेँ सहयोग करत ।’ हरेक भाषाभाषीकेँ अपन अपन भाषाकेँ मजबुत बनाएब आवश्यक अछि कहैत मुरलीधर सभ प्रदेशकेँ जोडबाक हिसाबसँ प्रदेशक भाषा तय करबाक धारणा रखलन्हि ।
६ दिनधरि चलल जनकपुर कला–साहित्य तथा अन्तर्राष्ट्रिय नाट्य महोत्सव पूर्ण रुपेँ सफल रहल आयोजक मैथिली विकास कोषक अध्यक्ष जीवनाथ चौधरी बतबैत छथि ।
मिथिला कलासंस्कृति तथा साहित्यकेँ विश्वके सामने उजागर करबाक उद्देशयसँ महोत्सवके आयोजना कएलगेल आ एहिमे ओसभ पूर्ण रुपेँ सफलता प्राप्त कएने चौधरी बतओलन्हि ।
मैथिली प्राचिन भाषा रहलाक बादो देश संघीयतामे आबि गेलाक बाद प्रदेश २ मे किछु विवाद देखलगेल अछि अध्यक्ष चौधरी कहैत छथि,‘प्रदेशक नामाकरण आ भाषा विषयमे गम्भीरतापूर्वक विमर्श भेल अछि । महोत्सवके मञ्चसँ सभ राजनीतिक दल मैथिली भाषाक विषयमे विवाद नहि होएत बतओने छथि । प्रदेशक नामाकरणक विषयमे सेहो मिथिलापर विवाद नहि रहलाक बादो मधेशसेहो जोडबाक धारणासभ आएल अछि ।’
महोत्सवमे भाषा आ नामाकरणक विषयमे अभिव्यक्त विचारसभकेँ प्रदेश सरकार यथाशीघ्र प्रस्तावके रुपमे लाओत ओ विश्वास व्यक्त कएलन्हि अछि । महोत्सवके माध्यमसँ मिथिला चित्रकला, मिथिला संस्कृति, साहित्यसहितक महत्वपूर्ण विषय विश्वसमक्ष देखएबामे ओसभ सफल भेल अध्यक्ष चौधरी बतओलन्हि । महोत्सवमे सहभागी नेपाल तथा भारतक विभित्र १० देशक नाट्य समूहके आमन्त्रण कएलगेलाक बादो जनकपुरमे सुविधासम्पत्र हल नहि रहलाक कारण अएबालेल तैयार नहि भेल कहैत चौधरी स्तरीय सभागृह निर्माणतर्फ संघीय आ प्रदेश सरकारके ध्यान देबएलेल आग्रह कएलन्हि ।
महोत्सवमे मिथिला चित्रकला, ललितकला, मिथिला भोजन, भेषभुषासहितक प्रदर्शनी सेहो कएलगेल छल ।
पूर्वप्रधानमन्त्री एवं नेपाली कांग्रेसक सभापति शेरबहादुर देउवा फागुन १८ गते महोत्सवके उद्घाटन कएने छलथि । तहिना महोत्सवक समापन समारोहमे स्वयं प्रदेश २ क मुख्यमन्त्री लालबाबु राउत सहभागी भेलथि । पूर्वप्रधानमन्त्री देउवा, मुख्यमन्त्री राउतसहित कांग्रेस उपसभापति विमलेन्द्र निधि, नेकपाक स्थायी समिति सदस्य घनश्याम भुसाल, केन्द्रीय सदस्य रामचन्द्र झा, संघीय समाजवादी फोरमक महासचिव रामसहाय यादव, राजपाक उपाध्यक्ष वृषेशचन्द्र लालसहितक व्यक्तिसभक उपस्थिति महोत्सवके प्रमुखता स्पष्ट करैत अछि ।
एहिके आलावा भाषाविद् डा.रामावतर यादव, वरिष्ठ साहित्यकार डा.राजेन्द्र विमल, डा.संजीव उप्रेती, डा.वीरेन्द्र पाण्डेय, राजनीतिक विश्लेषक सीके लालसहितक व्यक्तिद्धारा साहित्य, कलासंस्कृतिसहित विभित्र विधाउपर कएलगेल गहन विमर्श महोत्सवके सफल बनाबएमे सहयोगी साबित भेल अछि ।

Read More »
1 36 37 38 39 40 98