मैथली समाचार

बिहारक मुख्यमन्त्री नितिशकेँ लक्षित कऽ चप्पल प्रहार

पटना २६ । बिहारक मुख्यमन्त्री नितिश कुमारकेँ लक्षित कऽ एक युवक चप्पल प्रहार कएलक अछि । अपने पार्टीके विद्यार्थी संगठनके कार्यक्रममे सहभागी होबए पटनास्थित सभाघर पहूँचल नितिशकेँ लक्षित कऽ चप्पल प्रहार कएलगेल अछि । चप्पल प्रहार कएन्हिार युवककेँ प्रहरी नियन्त्रणमे लेने अछि । नितिशके पार्टी जदयू आवद्ध विद्यार्थीसभक जमघट बजाओलगेल छल । ओहि जमघटमे बिहारके सभ जिल्लासँ पैघ संख्यामे विद्यार्थीसभ जम्मा भेल छल ।
कार्यक्रम चलि रहल समय एक युवक मञ्चमे बैसल मुख्यमन्त्री नितिशकेँ लक्षित कऽ चप्पल फेकने बताओलगेल अछि । यद्यपी युवक फेकने चप्पल नितिश धरि नहि पहुँच कऽ मञ्च निचा खसल भारतीय सञ्चार माध्यमसभ जनओलक अछि ।
नितिश उपर चप्पल फेकलगेल ई पहिल घटना नहि अछि । एहिसँ आगा सन् २०१६ मे बिहारके बख्तियारपुरमे कार्यक्रममे सहभागी होबए पहुँचल समय एक युवक नितिशकेँ लक्षित कऽ मञ्चमे जुत्ता प्रहार कएने छल । भारतक गुजरातमे बिहारसहित उत्तर भारतीयसभ उपर पछिला दिनमे आक्रमण होइत आएल अछि । गुजरातक स्थानीयसभ उत्तर भारतीयसभकेँ गुजरात छोड्बालेल उर्दी जारी कएने अछि । काज करबालेल गुजरात पहुँचल बिहारक नागरिक उपर निरन्तर आक्रमण भऽ रहला बादो मुख्यमन्त्री नितिश किछु नहि बाजए सकल कहैत बिहारमे हुनका विरुद्ध आक्रोश बढ्ैत गेल अछि । गुजरातमे भारतीय जनता पार्टीके सरकार अछि आ बिहारमे नितिशकेँ सेहो ओकर समर्थनमे सरकार अछि ।

Read More »

घुससहित उपसचिव गिरफ्तार

बीरगंज २६ । पर्सा जिल्लाक शिक्षा विकास तथा समन्वय इकार्यक प्रमुख उपसचिव लालबाबु साह घुससहित पकराएल छथि । साह ४० हजार घुससहित पकराएल अख्तियार दुरुपयोग अनुसन्धान आयोगक हेटौंडा कार्यालय जनओलक अछि । जगरनाथपुर गामपालिका अन्तर्गत वार्ड नम्बर ३ बिजवनियास्थित श्री नेपाल राष्ट्रिय माविक बैंक खाता फुकुवा करबालेल साह घुस मँगने रहथि । विद्यालय भवन निर्माणके लेल कार्यालय रकम पठओने छल । रकम पठओलाकबादो कार्यालय फुकुवा नहि कएने छल ।
रकम फुकुवा करबालेल साह निर्माण समितिक पदाधिकारीमार्फत ४० हजार घुस मँगने रहथि । घुस रकम लैतकाल बीरगंज चिनीमिल आवास क्षेत्रमे रहल क्वार्टरसँ साहके नियन्त्रणमे लेलगेल अख्तियार जनओलक अछि । साहके नियन्त्रणमे लऽ कऽ आवश्यक अनुसन्धान भऽ रहल जनाओलगेल अछि ।

Read More »

प्रदेश प्रहरी ऐन संघीयताके आत्मसात करत ः मुख्यमन्त्री राउत

जनकपुरधाम २६ । प्रदेश २ क मुख्यमन्त्री लालबाबु राउत प्रहरी सरकारके अभिन्न अंग रहलासँ प्रदेश प्रहरी ऐन संघीयताकेँ आत्मसात करबाक बतओलन्हि अछि । जनकपुरमे ६३ अम प्रहरी दिवसके अवसरमे आयोजित कार्यमकेँ सम्बोधन गर्दै मुख्यमन्त्री राउतले वर्तमान प्रहरी प्रणालीलाई पुनः संरचना गरी करैत देशमे सक्षम, सुदृढ र व्यवसायीक प्रहरी प्रहरी संगठनके रुपमे रुपान्तरण करब आजुक आवश्यकता रहल बतओलन्हि अछि । संविधान अनुरुप अपनेसभ प्रदेश प्रहरी गठन करए लागल बतबैत मुख्यमन्त्री राउत जल्दिए प्रदेशसभासँ प्रदेश प्रहरी ऐन पास हएबाक विश्वास व्यक्त कएलन्हि ।
प्रदेशमे शान्ति सुरक्षा कायम करबालेल सरकार प्रहरीसँग समायोजन, सहकार्य आ समन्वय करबो ओ बतओलन्हि । मुख्यमन्त्री राउत संविधानके मुल मर्म आ भावनाकेँ आत्मसात कऽ नेपाल प्रहरी संगठनकेँ संघीय प्रहरी आ सातु प्रदेश प्रहरी संगठनमे पुनः संरचना करए पडत उल्लेख कएलन्हि । तहिना, कार्यक्रममे आन्तरिक मामिला तथा कानुनमन्त्री ज्ञानेन्द्र कुमार यादव देशमे प्रहरीके गौरवमय ईतिहास रहल बतबैत उच्च मनोवल आ हौसलाके साथ अपन जानके प्रवाह नहि कऽ देशवासीके जनधनके रक्षा कएन्हिार प्रहरीके अपनेसभ सभदिन साथ रहबाक प्रतिबद्धता जनओलन्हि ।
६३ अम प्रहरी दिवसके अवसरमे महिला हिंसा नियुनिकरणमे प्रहरीके भुमिका विषयक प्रदेशस्तरीय निबन्ध प्रतियोगिताके सेहो आयोजना कएलगेल छल । ओहि प्रतियोगितामे महाविर उच्च माध्यमिक विद्यालय सर्लाहीके मनोज कुमार साह प्रथम, संकटमोचन उच्च माध्यमिक विद्यालय धनुषाक आँसु चौधरी द्धितीय आ एभेरेष्ट उच्च माध्यमिक विद्यालय लहानक सृष्टि थपा मगर तृतीय भेली अछि । विजेताकेँ प्रथम पुस्कार रु. २० हजार द्धतीय पुरस्कार रु १५ हजार आ तितृय पुरुस्कार रु. १० हजार सहित प्रमाण पत्र वितरण कएलगेल छल ।
कार्यक्रममे प्रदेश २ मे प्रहरी कार्यालय स्थापनक लेल आर्थिक तथा जमिन दान कऽ सहयोग कएन्हिारसभैँ प्रमान पत्र आ कदर पत्र सेहो प्रदान कएलगेल अछि ।

Read More »

मिस नेपाल पहिलबेर जनकपुरधाम आबि रहल

जनकपुरधाम २६ । मिस नेपाल निकिता चंडक पहिल बेर जनकपुर आबि रहल छथि । युवासभकेँ लक्षित कऽ होबए जा रहल संगम युवा त्योहार कार्यक्रममे सहभागी होबए ओ जनकपुर आबि रहल छथि । इलेन इभेन्ट मैनेजमेन्टके आयोजनमे कृषि, विज्ञान तथा कला प्रदर्शनीमे आधारित होेबए जा रहल ओहि कार्यक्रमे सरिक होबए चंडक शुक्रदिन जनकपुर आबि रहल छथि । अगामी आश्नि २७ गते होबए जा रहल संगम युवा त्योहार कार्यक्रममे प्रदेश २ क कृषि मन्त्री शैलेन्द्र साह सहित जनकपुरक स्थानीय मोडेलसभ सेहो सहभागी हएबाक बताओलगेल अछि । तराई उर्वर भूमी रहला बादो कृषि क्षेत्रमे उन्नती करए नहि सकल कहैत कृषि क्रान्तिके लेल ओहि कार्यक्रमे नया अवधारणा प्रस्तुत करए जा रहल आयोजक संस्थाक संयोजक रिती कर्ण जानकारी देली अछि ।
अपने देशमे रोजगारीके अवसर सृजना करबालेल जापान, न्युजिल्याण्ड आ भारतक केरला राज्यमे भऽ रहल वैज्ञानिक खेती विषयमे अध्ययन कऽ ओही तरिकासँ तराईमे सेहो खेती करए सकबाक खाका ओहि कार्यक्रममे प्रस्तुत करबाक संयोजक कर्णके कहब छन्हि ।
‘पाठ्यक्रममे अनिवार्य कृषि विषय समावेश कऽ विद्यार्थीकेँ पढाओलगेल तऽ हुनकासभकेँ कृषि विषयमे पर्याप्त ज्ञान भऽ सकैत अछि ।’ रिती कहलीह ‘कक्षा ७ सँ विद्यार्थीसभकेँ २ घण्टा खेतमे काज कराओलगेल तऽ ओसभ १० या १२ कक्षा धरि मात्र पढला बादो देशमे स्वराजगार भऽ सकैत अछि ।’
कार्यक्रममे फ्याशन शो, मिथिला पेन्टिङ, माटि कला, नाचगान, कला तथा विज्ञान प्रदर्शनी सेहो हएबाक आयोजक संस्था इलेन इभेन्ट मैनेजमेन्ट जनओलक अछि । जनकपुरक भैरवचौक स्थित मसाला कटेजमे दिनके २ बजेसँ साँझ ७ बजे धरि ओ कार्यक्रम हएबाक बताओलगेल अछि ।

Read More »

रंगशाला निर्माणके लेल जमीन उपलब्ध

जनकपुरधाम २६ । जनकपुरमे सुविधासम्पन्न रंगशाला निर्माण होबए जा रहल अछि । जमीनक उपलब्धताक समस्याके कारण प्रक्रिया आगु नहि बढि सकल छल । मुदा, रंगशाला निर्माणक लेल जनकपुरधाम–१४ रजौलमे जमीन उपलब्ध भेलाकबाद रंगशाला निर्माण करिबकरिब निश्चित भेल अछि ।
जनकपुरमे प्रस्तावित ‘श्री राम जानकी बहुउद्देशीय अन्तराष्ट्रिय रंगशाला’ निर्माणके लेल जनकपुर–१४ मे लक्ष्मण मन्दिर अधिनस्त १६ विघा १७ कठ्ठा १९ धुर १ कनमा जमीन चयन कएलगेल अछि ।
प्रदेश २ सरकार लक्ष्मण मन्दिर अधिनस्त ओ जमीन रंगशाला निर्माणके लेल चयन करबाक निर्णय करैत राष्ट्रिय खेलकुद परिषदके जानकारी करओलक अछि ।
संघीय सरकारक नीति तथा कार्यक्रम अनुसार राष्ट्रिय खेलकुद परिषद जमीन उपलब्ध करएबालेल प्रदेश सरकारके कहने छल । जाहि अनुसार प्रदेश सरकार ई जमीन उपलब्ध करओने श्री राम जानकी खेलकुद विकास संस्थाक अध्यक्ष दिनेश पुर्वे जानकारी देलन्हि ।

Read More »

सस्ता बजारमे अखाद्य वस्तु बेचएबला नियन्त्रणमे

जनकपुरधाम २६ । दशैंमे उपभोक्तासभक लेल जनकपुरमे सञ्चालन कएलगेल सस्ता बजारमे अखाद्य वस्तु भेटल अछि । सञ्चालन भेलाक दोसरे दिन अनगुमनक क्रममे सस्ता बजारमे अखाद्य वस्तु भेटल छैक ।
जनकपुर उद्योग वाणिज्य संघक पहलमे हरेक वर्ष दशैंमे लागएबला सस्ता बजारके राजपा नेपालक अध्यक्ष मण्डलक सदस्य राजेन्द्र महतो बुधदिन उद्घाटन कएने रहथि । सस्ता बजारमे अखाद्य पदार्थ बिक्रि वितरण कएन्हिार एक व्यापारीकेँ अनुगमन टोली नियन्त्रणमे लेलक अछि । जनकपुरक गोपाल धर्मशालामे लगाओलगेल सस्ता बजारमे अनुगमनक क्रममे आइसक्रिम विक्रेता विकास दासकेँ अनुगमन टोली नियन्त्रणमे लेलक अछि ।
अनुगमनक क्रममे आइसक्रिममे देखलगेल कारी पदार्थ कि अछि कहैत अनुगमन टोली प्रश्न कएलाकबाद विक्रेता दास बकरीके दिसा रहल कहैत अटेरी प्रतिक्रिया देलाकबाद नियन्त्रणमे लेलगेल अनुगमन टोलीमे सहभागी घरेलु तथा साना उद्योग कार्यालयक प्रतिनिधि जितेन्द्रप्रसाद सिंह बतओलन्हि अछि ।
जनकपुर उपमहानगरपालिका–८ स्थित मनोज चौधरी सञ्चालन कएने अमर आइसक्रिम उद्योगसँ उत्पादिन आइसक्रिममे म्याद सेहो उल्लेख नहि कएलगेल अनुगमन टोली जानकारी देलक अछि ।
जिल्ला प्रशासन कार्यालयक अधिकृत दिनेश साहक नेतृत्वमे कएलगेल अनुगमन टोलीमे नापतौल धनुषा विरेन्द्र उपाध्याय, जिल्ला प्रहरी कार्यालय धनुषा प्रहरी हवल्दार शंकर कटुवालसहितक व्यक्तिके सहभागिता छल ।
हिन्दुसभक पावनि दशमी, दिपावली आ छठिके मध्यनजर करैत जिल्ला प्रशासन कार्यालय पछिला किछु दिनसँ अनुगमनके तीव्रता देने अछि । पावनि तिहारक समयमे कालाबजारी, महँगी बढल जनशिकायत आधार पर अनुगनमनके तीव्रता देलगेल जिल्ला प्रशासन कार्यालय धनुषा जनओलक अछि ।

Read More »

‘व्यापारी वर्गमे उत्साहहीन दशमी’

जनकपुरधाम २६ । एहि वर्षक दशैं बुधदिनसँ शुरु भऽ चुकल अछि । दशैं शुरु हएबाक संगहि जनकपुरसहित देशभरि चलहपहलमे वृद्धि भेल अछि । जनकपुर बाहर रहल व्यक्तिसभ दशैं मनाबएले धमाधम घर घुुरि रहल छथि । अपन अपन घर आएल व्यक्तिसभ दशैं मनाबएलेल उत्साहित देखलगेल छथि ।
विभिन्न मन्दिरसभमे दशैं अवधिभरि होबएबला पूजा जनकपुरक रौनकता बढओने अछि । जनकपुरक राजदेवी मन्दिरसहित दर्जनौं स्थानमे दुर्गा पुजा भऽ रहल अछि । भिन्सर ४ बजेसँ मन्दिरसभमे पुजा करबाले श्रद्धालुसभक भिड रहल करैत अछि । आ, साँझमे सेहो मन्दिरसभमे श्रद्धालुसभक चहलपहल रौनकता बढओने अछि ।
जनकपुरमे चहलपहल बढलाकबादो एहि वर्षक दशैं एतुका व्यापारी व्यवसायीसभकेँ उत्साहित नहि बनओने अछि । बेरबेरके मधेश आन्दोलन आ गत वर्ष स्थानीय चुनवाक कारण प्रभावित भेलाकबादो एहि वर्ष दशैंमे निक व्यापार व्यवसायक आशा छल, एतुका व्यापारी वर्गमे । मुदा, विगतके वर्ष जँका एहुबेर ओतेक उत्साहित नहि छथि, स्थानीय व्यापारी ।
समय पर सडक निर्माण कार्य पुरा नहि भेलाकबाद दशैं शुरु भेलाकबादो बजारमे खरिददारसभक भिड नहि अछि । विगतमे दशैं शुरु होइते उपभोक्तासभक भिड रहल करैत छल मुदा एहि वर्ष सेहो दशैं शुरु भऽ चुकल अनुभूति नहि भऽ सकल स्थानीय जनक चौक पर रेडिमेड कपडाक दोकान सञ्चालन करैत आएल एक व्यापारी बतओलन्हि ।
दशैंमे जनकपुरक प्रमुख व्यापारिक केन्द्र रहैत अछि जानकी मन्दिर, जनक चौक आ सोनापट्टी । मुदा, एखन ई क्षेत्र अस्तव्यस्त अछि । तोडफोडक कारण दोकानसभ सञ्चालनमे नहि आबि सकल अछि तऽ पैदल चलफिर करबालेल सेहो रास्ता नहि अछि । दोकान आ रास्ता दुनु नहि रहलासँ एतुका व्यापारीबीच एहि वर्षक दशैं निरस बनल व्यापारीसभ बतबैत छथि ।
दशैंके नजदिक आबि कऽ बजार आ सडक अस्तव्यस्त भेलाक कारण व्यापारीसभमे उत्साह नहि देखलगेल जनकपुर उद्योग वाणिज्य संघक वरिष्ठ उपाध्यक्ष जीतेन्द्रप्रसाद साह बतबैत छथि । मन्दिर अगलबगल पुजा करएबलासभक भिड देखलगेलाकबादो बजार सुनसान रहल कहैत दशैंमे व्यापार व्यवसाय शुन्य रहल साह बतओलन्हि ।
‘दशैंके नजदिक मुख्य बजारक घरसभ तोडफोड कएलगेल अछि, चलफिर करबालेल रास्ता नहि अछि,’ वरिष्ठ उपाध्यक्ष साह कहलन्हि,‘रास्ता आ दोकान नहि रहल अवस्थामे सामान खरिद करबालेल के आओत ? सोनचाँदी बजारमे आदमी नहि अछि, व्यापार ध्वस्त भेल अछि ।’ सामान बिक्रि होएत कि नहि एहि डरसँ व्यापारीसभ सामान लओनाई सेहो छोडि देने हुनकर कहब छन्हि ।
तहिना धनुषा च्याम्बर अफ कमर्र्सक अध्यक्ष विजय साह सेहो दशैंमे जनकपुरक व्यवसाय शुन्य प्रायः रहल बतओलन्हि । दशमीके समयमे घरसभ तोडलगेलाक कारण बजारमे उपभोक्तासभ अओनाइ बन्द कऽ देने अध्यक्ष विजय बतओलन्हि ।
‘दशैं शुरु भऽ चुकल अछि मुदा राजदेवी मन्दिर आ जानकी मन्दिर जएबाक रास्ता नहि अछि,’ ओ कहलन्हि,‘मुख्य बजारमे रास्ता नहि रहल अवस्थामे सामान खरिद करबालेल के आओत ?’ निर्माण कार्यमे ढिलाइ व्यापारीसभक लेल एक प्रकारक जरिवाना रहल हुनकर कहब छलन्हि । सरकारक गलत नीतिके कारण महँगाई बढलासँ सेहो बजारमा अधिक उत्साह नहि देखलगेल ओ बतओलन्हि ।

Read More »

दशैंमे उपभोक्तासभक लेल सस्ता बजार

जनकपुरधाम २५ । उपभोक्तासभक सुविधाके ध्यानमे रखैत जनकपुरमे एहुबेर सस्ता बजार सञ्चालन कएलगेल अछि । जनकपुर उद्योग वाणिज्य संघक पहलमे विगत ४२ वर्षसँ दशमीक अवसर पर जनकपुरमे सस्ता बजार लगैत आबि रहल अछि । दशमीक अवसरमे लागएबाल सस्ता बजारके लेल सर्वसाधार प्रतिक्षामे रहल करैत अछि । बाहर बजारसँ सस्ता मूल्यमे दैनिक उपभोग्य सामग्रीसभ उपलब्ध रहलाक कारण पैघ संख्यामे उपभोक्तासभ सस्ता बजारमे पहुँचल करैत अछि । सस्ता बजारमे कपडा धोबएबला साबुन, सर्फ, अगरबत्ती, चिनी, प्लास्टिक भाडा वर्तन, चायपत्तिसहितक सामग्री उपभोक्तासभक आकर्षण रहल करैत अछि । स्थानीय गोपाल धर्मशाला परिसरमे लगाओल जाएबला सस्ता बजारमे सामान खरिद करबालेल अन्य वर्षजँका एहुबेर उपभोक्तासभक भिड रहत वाणिज्य संघ विश्वास लेने अछि । वाणिज्य संघक अध्यक्ष तथा सस्ता बजारक सदस्य सचिव ललितकुमार साह सर्वसाधारण उपभोक्ताक माँगके ध्यानमे रखैत अन्य वर्ष जँका एहुबेर सस्ता बजार लगाओलगेल जानकारी देलन्हि ।
सस्ता बजार व्यवस्थापन करबालेल गोपाल धर्मशाला भितर सयसँ अधिक स्टल निर्माण कएलगेल वाणिज्य संघ जनओलक अछि । सस्ता बजार व्यवस्थापन करबालेल धर्मशाला भितर ३४ आ बाहर ५५ टा स्टल निर्माण कएलगेल स्टल व्यवस्थापन संयोजक तथा जनकपुर उद्योग वाणिज्य संघक महासचिव जितेन्द्र महासेठ जानकारी देलन्हि । आशिन ३१ गते सञ्चालन होबएबला सस्ता बजारमे धर्मशालामे लगाओलगेल स्टलके लेल व्यापारीसभसँ प्रति स्टल ९ हजारसँ १५ हजार रुपैयाँ लेलगेल महासेठ बतओलन्हि ।

Read More »

बलात्कारके गलत रिपोर्ट देन्हिार डाक्टरके प्रमाणपत्र निलम्बन

जनकपुरधाम २५ । धनुषाक १२ वर्षीइ बलात्कृत बालिकाके शारीरिक जाँचक क्रममे बलात्कार नहि भेल प्रतिवेदन तैयार कएन्हिार डा. रम्भा गोइत आ डा. विजय कुमार सिंह उपर कडा कारबाही भेल अछि । नेपाल मेडिकल काउन्सिल ओसभ न्युनतम चिकित्सकिय आचरण तथा व्यवहार विपरीत मेडिकल रिपोर्ट देने ठहर करैत हुनकासभक व्यवसायिक प्रमाणपत्र निलम्बन करबाक आ चिकित्सकीय अभ्याससँ वञ्चित कराबएके निर्णय भेल अछि ।
भादव ८ गते धनुषाक जनकनन्दिनी गामपालिका २ क बलात्कृत बालिकाके नमुना परीक्षण बाद बलात्कार नहि भेल प्रतिवेदन देन्हिार जनकपुर अञ्चल अस्पतालक चिकित्सक डा. विजयकुमार सिंह आ डा. रम्भा गोइत कारबाहीमे पडल छन्हि । दु गोटे डाक्टर भादव ९ गते पीडित बालिकाके नमुना परीक्षण कएला बाद बलात्कार नहि भेल प्रतिवेदन देने छलथि । ओहिके बाद बालिकाके भादव २५ गते सिरहा अस्पतालमे डा. राकेशकुमार सिंह नमुना परीक्षण कएला बाद बलात्कार भेल प्रतिवेदन आएल छल । एहि विषयमे अध्ययन करबालल नेपाल मेडिकल काउन्सिल गठन कएने छानबिन समिति दु गोटे डाक्टरकेँ चिकित्सकीय अभ्याससँ वञ्चित कराबएके निर्णय कएलक अछि ।
जनकपुर आ सिरहामे बालिकाके नमुना परीक्षणके फरक फरक प्रतिवेदन अएला बाद मेडिकल काउन्सिल डा. कालुसिंह खत्रीके संयोजकत्वमे चारि सदस्यीय छानबिन समिति बनओने छल । समिति वयानक लेल बजओला बादो अटेर कऽ बैसल कहैत जिल्ला अस्पताल सिरहाके चिकित्सक सिंहकेँ सात दिनक म्याद दऽ कऽ स्पष्टिकरण पुछएके निर्णय सेहो कएने समितिक प्रवक्ता डा. कृष्णप्रसाद अधिकारी जानकारी देलन्हि ।

Read More »

‘विश्वविद्यालय सञ्चालन करबालेल प्रादेशिक सरकार सेहो गंभीर नहि अछि’

जनकपुरधाम २५ ।नेपाली काँग्रेसक उपसभापति विमलेन्द्र निधि जनकपुरमे स्थापना कएलगेल राजर्षि जनक विश्वविद्यालय सञ्चालन करबालेल प्रदेश सरकार सेहो गंभीर नहि देखलगेल आरोप लगओलन्हि अछि ।
बहुत परिश्रम आ प्रयासकेबाद जनकपुरमे विश्वविद्यालय स्थापना भेल अछि उल्लेख करैत उपसभापति निधि केन्द्र सरकारक संगहि प्रादेशिक सरकार सेहो सञ्चालनतर्फ उदासीन देखलगेल बतओलन्हि ।
नेपाल प्रेस युनियन धनुषा बुधदिन जनकपुरमे आयोजना कएने पत्रकार सम्मेलनमे निधि कहलन्हि,‘प्रदेशके मुख्यमन्त्री विश्वविद्यालयक सहकुलपति छथि । कमसँ कम ओहि हैसियतसँ हुनका एहितर्फ ध्यान देब जरुरी अछि । मुदा ओसभ गंभीर नहि छथि ।’
‘जनकपुरस्थित राराब क्याम्पसकेँ राजर्षि विश्वविद्यालयक आधार क्याम्पसके मान्यता सरकार दऽ चुकल अछि,’ ओ कहलन्हि,‘सरकारी स्तरसँ आधार क्याम्पसके मान्यता भेट चुकल छैक । राराबमे कार्यरत किछु कर्मचारी आ प्राध्यापक हस्तान्तरण करबालेल तैयार नहि छथि । मुदा सरकार एहिप्रति मौन अछि ।’
मधेशी जनताक हकहितक नारा दऽ कऽ सरकारमे पहुँचलाकबादो प्रदेश सरकारमे गेलाकबादो शिक्षा, स्वास्थ्यसहितक आधारभूत आवश्यक्तातर्फ ध्यान नहि दऽ सकल हुनकर कहब छलन्हि ।
देशमे संघीय संरचना कार्यान्वयनमे आबि गेलाकबादो प्रदेश सरकार अधिकार सम्पन्न नहि होबए धरि सफल हएबामे समस्या रहल निधि स्पष्ट कएलन्हि । संघीय सरकार प्रदेशके अधिकार देबएमे आनाकानी कऽ रहल आ प्रदेश सरकार अधिकार लेबएलेल अग्रसर नहि देखलगेल ओ उल्लेख कएलन्हि । प्रदेश २ मे मात्र नहि सातु प्रदेशमे करिब करिब एहि प्रकारक समस्या रहल हुनकर कहब छलन्हि ।
प्रदेशके अधिकार नहि दऽ कऽ केन्द्र सरकार संघीयता कमजोर करए चाहि रहल अछि आ ओहिके सहयोगी भूमिका प्रदेश सरकार खेल रहल अपनासभके शंका रहल निधि बतओलन्हि । प्रदेश सरकार अपन कानुन नहि बना सकल अछि आ कानुन निर्माणलेल केन्द्र सरकार पर दबाब सेहो नहि दऽ सकल हुनकर कहब छलन्हि ।
भारतीय प्रधानमन्त्री चन्द्रशेखर जनकपुर आएल समय जनकपुर–जयनगर रेलसेवा विस्तार करबाक चर्च शुरु भेल उल्लेख करैत उपसभापति निधि एखन प्रदेशमे चलि रहल विकास निर्माणक काजसभकेँ अनुगमन आ तिव्रता देबएलेल प्रदेश सरकारसँ आग्रह कएलन्हि । पत्रकार सम्मेलन नेपाल प्रेस युनियन धनुषाक अध्यक्ष शैलेन्द्र झाक अध्यक्षतामे सम्पन्न भेल छल ।
एहिसँ पहिने नगराईन नगरपालिकाक लगमामे बुधदिन नवनिर्मित दुर्गा मन्दिरके उद्घाटन करैत उपसभापति निधि कम्युनिस्ट नेतृत्वक वर्तमान सरकार हत्या, हिंसा आ महँगाईबाहेक जनताके आओर किछु नहि दऽ सकल बतओने छलथि । पछिला सात महिनाक अवधिमे देशमे महँगाई, हत्या, बलात्कार, महिला हिंसा तीव्र रुपेँ बढलाकबादो सरकार नियन्त्रण करबामे असफल देखलगेल ओ आरोप लगओलन्हि । देशमे बढि रहल हत्या हिंसासहितक घटनाके विषयमे सरकारमे सहभागी दलसभकेँ जबाब देबए परत हुनकर कहब छलन्हि ।
संविधान संशोधनके चुनावी नारा बना कऽ मधेश केन्द्रीत दलसभ एखन सत्तामे पहुँचलाकबाद संशोधनक बात बिसरि चुकल ओ उल्लेख कएलन्हि ।
‘मधेशवादी दलसभ संविधान संशोधनके मुद्दा बनओलक,’ निधि कहलन्हि,‘एखन प्रदेश २ मे मधेशवादी दलक सरकार अछि, केन्द्र सरकारमे सहभागी आ समर्थन कएने अछि, संविधान संशोधन कियाक नहि भऽ सकल अछि ?’ बिना संशोधन चुनावमे नहि जएबाक अडान पर रहल दलसभ एखन संशोधन भुलि चुकल हुनकर कहब छलन्हि ।
नेकपा आ मधेशवादी दल सम्मलित सरकार जनताक असह्य हएबाक हिसाबसँ कर बढओलाक कारण देशमे मूल्यवृद्धि भेल हुनकर कहब छलन्हि । दुर्गा मन्दिरक उद्घाटन कार्यक्रम वार्ड अध्यक्ष धनवीर मण्डलक अध्यक्षतामे सम्पन्न भेल छल ।

Read More »