मैथिली समाचार

‘सरकार जनताक हितमे काज नहि कऽ सकल’

जनकपुरधाम फागुन ०२ गते ।पूर्व प्रधानमन्त्री एवं नेकपाक वरिष्ठ नेता माधवकुमार नेपाल सरकर पर फेर कटाक्ष कएलन्हि अछि । सरकार विधिके शासनअनुसार सञ्चालन नहि भऽ सकल नेपालक आरोप छन्हि ।
जनकपुर विमानस्थल पर बुधदिन सञ्चारकर्मीसभसँ बातचित करैत नेता नेपाल एक वर्ष पुरा कऽ चुकल सरकारकेँ स्वयं मूल्यांकन करबाक समय आबि चुकल बतआलन्हि अछि । ‘सरकारक कामकार्यबाहीसँ जनता खुश नहि भऽ सकल अछि,’ नेपाल कहलन्हि,‘सरकारकेँ अपन काजक समीक्षा कऽ कऽ जनताक हितमे काज करब जरुरी अछि ।’
पार्टी सञ्चालनक तौरतरिका पर सेहो नेता नेपाल असन्तुष्ट देखलगेल छथि । ‘पार्टीके नीतिके हिसाबसँ चलबाक चाही,’ नेपाल कहलन्हि,‘पार्टी नीतिके हिसाबसँ सञ्चालन हएबाक चाही छल । मुदा व्यक्तिके हिसाबसँ चलि रहल अछि ।’ पार्टीकेँ व्यक्ति चला रहल कहैत विधिअनुसार सञ्चालन नहि भऽ सकल नेपाल आरोप लगओलन्हि ।
नेकपा बुधदिन जनयुद्ध दिवस मना रहल समय नेता नेपाल पार्टीकेँ जनयुद्ध दिवस मान्य नहि रहल बतओलन्हि अछि । जनयुद्ध दिवस मनएबाक निर्णय पार्टीके नहि भऽ कऽ कोनो व्यक्तिके रहल ओ बतओलन्हि । पार्टीक परिपाटीके अध्यक्ष नहि बुझि सकल ओ आरोप लगओलन्हि ।
एहिबीच नेता नेपाल जनकपुरस्थित अनाथ आश्रमक धियपुताकेँ कक्षा १२ धरि पढएबाक प्रतिवद्धता व्यक्त कएलन्हि अछि । सदगुरु कबिर अनाथ बालवत्सल्य आश्रममे रहिरहल धियापुताक अवस्थाक विषयमे जानकारी लेबए पहुँचल नेता नेपाल आश्रमक धियापुताक १२ कक्षा धरिके पढएबाक जिम्मेवारी लेलन्हि अछि ।

Read More »

जनकपुर नगर क्षेत्रभितरे डकैती

जनकपुरधाम फागुन ०२ गते ।प्रहरीक सुरक्षा व्यवस्थकेँ चुनौती दैत डाकुसभक एक समूह जनकपुर क्षेत्रभितरे डकैती कएलक अछि । जनकपुरधाम उपमहानगरपालिका–१३ पिडाडीस्थित कवर्डहल नजदिक सोभित राउतक घरमे मंगलदिन राति करिब एक बजे डकैत भेल अछि ।
करिब १० गोटेके समूहमे आएल लुटेरासभक समूह राउतक घरसँ ५ लाख ५७ हजार नगदसहित सोनके गरगहना सेहो लुटने अछि । घरेलु हाथहथियारसहित लुटपाटक मारिपिटसँ राउतक श्रीमती आ हुनक घरमे भाडा लऽ कऽ रहैत आएल विकास साहक श्रीमती घायल भेल छथि ।
घटनास्थल मुजेलिया प्रहरी चौकीसँ करिब एक डेढ किलोमिटरके दुरी पर रहलाक बादो प्रहरी पहुँचबामे ढिलाइ कएने पीडितसभक कहब अछि । लुटेरासभ प्रयोग कएने भाषा थारुजँका रहल राउत बतओलन्हि अछि ।
प्रहरी लुटपाटमे संलग्न रहल आशंकामे तीन गोटेके नियन्त्रणमे लेलक अछि । घटनाक विषयमे आवश्यक अनुसन्धान चलि रहल धनुषाक प्रवक्ता डीएसपी दीपेन्द्र शाही जानकारी देलन्हि ।

Read More »

महोत्तरीके सभ क्रसर उद्योग बन्द करबाक निर्णय

जनकपुरधाम फागुन ०२ गते । जिल्ला समन्वय समिति जिल्लाक सभ क्रसर उद्योग बन्द करबाक निर्णय कएलक अछि । समितिक बुधदिन सम्पन्न बैठक स्थलगत अनुगमनमे नदीजन्य पदार्थके अवैध दोहन आ उत्खनन भेल निष्कर्ष निकालैत सभ क्रसर उद्योग बन्द करबाक निर्णय कएने जिल्ला समन्वय समिति जनओलक अछि ।
एहिसँ पहिने जिल्ला अनगुमन समिति नदीजन्य पदार्थक ठेक्का बन्दोबस्त, राजश्व असुली आ क्रसर उद्योगसभक दर्ता नवीकरणसहितक विवरण स्थानीय तहसँ मँगने छल । मुदा कोनो स्थानीय तह विवरण नहि देने समिति जनओलक अछि ।
महोत्तरीमे एखन ५० सँ अधिक क्रसर उद्योग आ बाउल प्रशोधन उद्योग सञ्चालनमे रहल बताओलगेल अछि । मुदा समन्वय समितिक तथ्यांकअनुसार जिल्लामे ६ टा क्रसर उद्योगमात्र सञ्चालनमे देखलगेल अछि ।
चुरे क्षेत्रमे क्रसर उद्योगकेँ कडाइ कएलाक बादो क्रसर उद्योगसभ जिल्लाक दक्षिण क्षेत्रतर्फ सञ्चालन होइत आबि रहल अछि । महोत्तरीक बर्दिवास नगरपालिका –७ स्थित किसाननगर आ ९ मे रहल रातु नदी आ नदी उकास क्षेत्रसँ एक्साभेटर लोडर प्रयोग करैत सभसँ अधिक अवैध रुपेँ नदीजन्य सामग्री उत्खनन होइत आएल अछि ।
रातु नदी क्षेत्रसँ अवैध उत्खनन नहि भेल कहैत नगरपालिका एखन नदी उकास क्षेत्रसँ भऽ रहल अवैध उत्खननप्रत मौन अछि । गत आशिन २८ गते बर्दिवास नगरपालिका १८ टा क्रसर उद्योगकेँ गैरकानुनी उत्खनन बन्द करबालेल पत्र पठओलाक बादो अवैध उत्खनन नहि रुकल अछि ।
पूर्व–पश्चिम राजमार्गक रातु पुलसँ एक किलोमिटर दक्षिणमे रातु नदी आ नदीक उकास क्षेत्रमे निर्वाध रुपेँ २० फिट गँहिर खधिया खनि कऽ उत्खनन भऽ रहल अछि । रातु नदीक अवैज्ञानिक उत्खननसँ भूमिगत स्रोतसभ सुखलाक कारण पिबएबला पानिक समस्या सेहो उत्पत्र भेल अछि ।
रातु नदी आ नदि उकास क्षेत्रमे भऽ रहल अवैध उत्खननके जिल्ला समन्वय समितक सभापति, जिल्ला प्रशासन कार्यालयक प्रमुख, जिल्ला प्रहरी कार्यालय प्रमुख, बर्दिवास नगरपालिकाक प्रमुख सहितक टोली अनुगमन कएने छल ।

Read More »

मोटरसाइकल दुर्घटनामे युवकके मृत्यु

जनकपुरधाम फागुन ०२ गते । मोटरसाइकल दुर्घटनामे बुधदिन साँझ जनकपुरमे एक युवकके घटनास्थलमे मृत्यु भऽ गेल अछि । दुर्घटनामे धनुषाक धनौजी गामपालिका बहअर्वा रहिन्हार ३५ वर्षीय समिन अन्सारीके मृत्यु भेल अछि ।
ज ११ प ५०७७ नम्बरक मोटरसाइकलसँ एयरपोर्टतर्फ जा रहल अवस्थामे विपरित दिशासँ आबि रहल ज १ त ३७११ नम्बर ट्रयाक्टर ठोकर देलाक बाद कुवा बजार नजदिक दुर्घटना भेल जिल्ला ट्राफिक प्रहरी कार्यालय धनुषा जनओलक अछि ।
ठोकर देबएबला ट्रयाक्टरक चालक फरार भऽ गेल अछि तऽ ट्रयाक्टरके प्रहरी नियन्त्रणमे लेलक अछि ।

Read More »

सरकारद्धारा रोजगार कार्यक्रम घोषणा

काठमाण्डु फागुन ०२ गते ।सरकार बेरोजगार युवासभकेँ वर्षमा न्यूनतम सय दिन रोजगारी देबाक उद्देश्यसहित ‘प्रधानमन्त्री रोजगार कार्यक्रम’ घोषणा कएलक अछि ।
आब सरकार बेरोजगार नागरिककेँ न्यूनतम सय दिन रोजगारी देत । रोजगारी नहि दऽ सकल अवस्थामे निर्वाह भत्ता देत । सरकारक उद्देश्य रोजगारी देबाक रहलाक कारण निर्वाह भत्ता प्राप्त करबाक मापदण्ड कडा बनाओलगेल अछि । सरकार तय कएने मापदण्ड पुरा नहि करएबला व्यक्ति बेरोजगार रहलाक बादो निर्वाह भत्ता नहि भेटत ।
कार्यक्रम शुभारम्भ करैत प्रधानमन्त्री केपी शर्मा ओली नेपाल हरेक दिन एक कदम आगु बढि रहल दावी कएलन्हि । ओ कहलन्हि,‘नेपाली जनता देखए चाहने दिन यह्या छैक ।’
एखन देशभरि कतेक बेरोजगार अछि ई तथ्यांक सरकारलँग नहि अछि । वर्षमे नेपालमे कतेक शैक्षिक बेरोजगार बजारमे आओत आ बजारके माँगअनुसारके जनशक्ति आपूर्ति भऽ रहल अछि की नहि जानकारी सेहो नहि अछि ।
आब प्रधानमन्त्री रोजगार कार्यक्रम घोषणा हएबाक संगहि पहिल काज बेरोजगारसभक तथ्यांक संकलन कएल जाएत ।
संसदके वर्षा अधिवेशन ‘रोजगारी हकसम्बन्धी ऐन २०७५’ आ ओहिके नियमावली अनुसार ७५३ स्थानीय तहमे रोजगार संयोजक नियुक्त करबाक प्रक्रिया अन्तिम चरणमे पहुँचल श्रम, रोजगार तथा समाजिक सुरक्षा मन्त्रालय जनओलक अछि । रोजगार संयोजकके लेल २ हजार २५९ गोटेके सर्ट लिष्ट मन्त्रालय तैयार कएने अछि । मन्त्रालय ७५३ तहके लेल प्रति तह अधिकृत आ नासु ३ गोटेके हिसाबसँ २ हजार २ सय ५९ गोटेके नाम सर्टलिष्ट तैयार कएने अछि ।
हुनकासमेसँ ७५३ रोजगार संयोजक नियुक्त कऽ सभ स्थानीय तहमे पठाओल जाएत मन्त्रालय जनओलक अछि । रोजगार संयोजक नियुक्त हएबाक संगहि सरकार प्रत्येक स्थानीय तहमे ‘रोजगार सेवा केन्द्र’ स्थापना कएल जाएत ।
रोजगार सेवा केन्द्रसभक पहिल दायित्व अपन स्थानीय तहमे रहल बेरोजगारक सूची संकलन करत । चैत १ गतेसँ बेरोजगार व्यक्तिके दर्ता शुरु होएत ।
एहन अछि प्रक्रिया
सेवा केन्द्र स्थानीय तहभितरके बेरोजगार नागरिकक सूचीमे आवद्ध होबएलेल निश्चित समयसीमा दऽ कऽ आह्वान करत ।
ओहिके आधार पर बेरोजगार युवा सरकारकेँ ‘हम बेरोजगार छी’ सूचना देबए परत । स्वरोजगार नहि रहल १८ वर्षसँ ५९ वर्ष धरिके नागरिक समावेश होएत । रोजगार सेवा केन्द्र बेरोजगारक सूचीके संगहि अपन क्षेत्रमे रहल रोजगारदाता आ सरकारी स्तरके रोजगार सम्भाव्यता विकास आयोजनाक तथ्यांक सेहो संकलन करत ।
सरकारक खर्चसँ बनि रहल आयोजना आवश्यक जनशक्तिके विषयमे स्थानीय तहकेँ जानकारी देत । आयोजनासभ माँग कएने आधारमे रोजगार सेवा केन्द्र कामदार परिचालन करत ।
प्रधानमन्त्री रोजगार कार्यक्रमक निर्देशिकाअनुसार परिचालन कएलगेल स्थानमे जएबालेल तैयार नहि भेल अवस्थामे बेरोजगार सूचीसँ हटाओल जाएत । संगहि श्रमिकके पारिश्रमिक निर्धारण करबाक क्रममे सरकार तय कएने न्यूनतम या स्थानीय तह निर्धारण कएने मेसँ जे अधिक होएत, ओह्या निर्धारण होएत ।
संगहि स्थानीय तहक रोजगार संयोजक अषाढ १० गते भितर जेठ मसान्तधरि रोजगारी नहि भेटएबलासभक संख्या आ न्यूनतम सय दिन रोजगारी नहि पाबएबलासभक संख्या यकिन करत । रोजगारीक हकसम्बन्धी ऐनमे कमयसँ कम सय दिन काज देबाक व्यवस्था अछि । ओहि अनुसार एक आर्थिक वर्षमे न्यूनतम एक सय दिन रोजगारी देबाक योजना बनाओलगेल श्रममन्त्री गोकर्ण विष्ट जानकारी देलन्हि ।
कोनकोन क्षेत्रमे देल जाएत रोजगारी ?
प्रधानमन्त्री रोजगार कार्यक्रम कार्यान्वयनके लेल सरकार रोजगारीक किछु क्षेत्र पहिचान कएने अछि । कृषि, पर्यटन, सडक यातायात, उर्जा, वन तथा वातावरणसँ राष्ट्रिय गौरवके आयोजना, उद्योगसहितक १३ क्षेत्रमे रोजगारी सिर्जना कएल जा सकैत अछि सरकारक विश्वास अछि ।
सरकार न्यूनतम सय दिन काम नहि दऽ सकल अवस्थामे बेरोजगार नागरिककेँ निर्वाह भत्ता सेहो उपलब्ध कराओत । कमसँ कम ५० दिनक काज बराबर निर्वाह भत्ता देल जाएत । रोजगार सेवा केन्द्र अषाढ १५ भितर निर्वाह भत्ता भेटएबला योग्य परिवारक पहिचान करत । ओकरासभकेँ एकमुष्ट २५ हजार ८५० रुपैयाँ निर्वाह भत्ता उपलब्ध कराओल जाएत । मुदा, निर्वाह भत्ता प्राप्त करबाक मापदण्ड सरकार कडा बनओने अछि ।
एहि कार्यक्रमके उद्देश्य काम करबालेल इच्छुक युवासभकेँ देश भितरे काज करबाक वातावरण निर्माण करबाक रहल कहैत श्रममन्त्री विष्ट कहलन्हि,‘बिना काम सभ बेरोजगारकेँ भत्ता वितरण कदापि नहि भऽ सकैत अछि ।’

Read More »

जानकी आँखा अस्पतालक समस्या यथाशीघ्र समाधान होएत

जनकपुरधाम फागुन ०२ गते ।धनुषाक प्रमुख जिल्ला अधिकारी प्रदीपराज कणेल जनकपुरक जानकी आँखा अस्पतालभितर देखलगेल समस्याके समाधन यथाशीघ्र होएत बतओलन्हि अछि ।
विधानविपरित काज कऽ रहल कर्मचारीके बर्खास्तसहितक माँग लऽ कऽ ज्ञापन पत्र बुझाबएलगेल स्थानीयसभके प्रमुख जिल्ला अधिकारी कणेल आँखा अस्पतालमे देखलगेल समस्या यथाशीघ्र समाधान करबाक आश्वासन देलन्हि अछि ।
एहिसँ पहिने विधानविपरित राजनीतिमे सक्रिय कार्यकता कर्मचारीके रुपमे काज कऽ रहल, अस्पतालमे कार्यरत कर्मचारी नीजि क्लिनिक आ दोकान सञ्चालन करैत आबि रहल, युनियनके नाम पर कर्मचारीसभ राजनीति करैत आबि रहल कहैत स्थानीयसभ आँखा अस्पतालक प्रशासनिक शाखामे तालाबन्दी कएने छल ।
प्रमुख जिल्ला अधिकारी कणेल बुधदिन स्वयं अस्पताल पहुँच कऽ समस्याके विषयमे जानकारी लेलन्हि अछि । रेडक्रसद्धारा सञ्चालित जानकी आँखा अस्पतालक नियमन करएबला निकाय जिल्ला जनस्वास्थ्य कार्यालय रहलाक बादो जिल्ल प्रशासन कार्यालय मुकदर्शक बनि कऽ नहि रहलत बतओलन्हि अछि ।
आँखा अस्पतालमे उत्पत्र समस्याके विषयमे यथार्थ जानकारी देबएलेल जिल्ला जनस्वास्थ्य कार्यालयके निर्देशन दऽ चुकल आ एक दु दिनभितर प्रतिवेदन आबि जाएत ओ बतओलन्हि अछि ।
अस्पतालभितर अवकाश प्राप्त आ अवकाश प्राप्त नहि रहल कर्मचारी, राजनीतिक दलक सत्रिय सदस्य कर्मचारीके रुपमे काज करब, अस्पतालमे कार्यरत कर्मचारी नीजि क्लिनिक आ दोकान सञ्चालन करब एहि प्रकारक समस्या देखलगेल प्रमुख जिल्ला अधिकारी कणेल बतओलन्हि अछि ।
राम विनोद चौधरी, धिरेन्द्रबहादुर सिंह, सतिशचन्द्र लाल, राकेशविक्रम साह, नवनीत झा, अनिल सिंह, अखिल मधुकर्मी, त्रिदेव मिश्र, दिनेश सिंहसहितक व्यक्तिसभक टोली प्रमुख जिल्ला अधिकारी कणेलके ज्ञापन पत्र बुझओने छल ।

Read More »

८ किलो गाँजा सहित ३ गोटे नियन्त्रणमे

जनकपुरधाम फागुन ०१ गते । बाराके जितपुर सिमरा उप–महानगरपालिका–७ लालके पुल नजदिकसँ करिब ८ किलो अवैध लागूऔषध गाँजा सहित प्रहरी ३ गोटेके नियन्त्रणमे लेलक अछि । पकराएबलासभमे जिल्ला पर्सा, पर्सागढी नगरपालिका–८ क ३२ वर्षीय शिव कुमार महतो, जिल्ला मकवानपुर राक्सिरांग गामपालिका–३ क ३१ वर्षीय हिमालसगा रुम्बा आ ओही गामपालिका–३ क ३० वर्षीय श्रीराम स्यांग्तान रहल अछि । ईलाका प्रहरी कार्यालय सिमरासँ खटल प्रहरी गस्ति टोली शंकाके आधारमे चेकजाँच कएला बाद ओसभ सवार रहल ना. ६० प ५७६८ नम्बरके मोटरसाईकलमे झोरामे नुका कऽ रखने ओ लागुऔषध बरामद भेल प्रहरी जनओलक अछि । घटना सम्बन्धमे थप अनुसन्धान भऽ रहल प्रदेश प्रहरी कार्यालय जनकपुर जनओलक अछि ।
तहिना सिरहाके लक्ष्मिपुरपतारी गामपालिका वार्ड नं. १ सँ भन्सार छलिके विभिन्न सामानसभ प्रहरी बरामद कएने अछि । राजनिवास, चिनि, चायापत्त, पलास्टिकके झोरा कऽ करिव रु.६९ हजार मुल्य बरावरके सामान प्रहरी नियन्त्रणमे लेलक अछि । प्रदेश प्रहरी कार्यालय प्रदेश नं .२, जनकपुर आ इलाका प्रहरी कार्यालय महेशपुरपतार, सिरहासँ खटल संयुक्त प्रहरी टोली स. ४ प. ४३९ नम्बरके मोटर साईकलमे भन्सार छलि कऽ भारतसँ नेपाल तर्फ लाबि रहल अवस्थामे ओहि परिमाणक सामानसभ नियन्त्रणमे लेने अछि । समान लऽ कऽ आबि रहल व्यक्ति प्रहरी टोलीकेँ देख्ने लगले भागल आ एहि सम्बन्धमे प्रहरी आवश्यक अनुसन्धान कऽ रहल प्रदेश प्रहरी कार्यालय जनकपुरक प्रहरी प्रवक्ता डिएसपी दानबहादुर थापा जानकारी देलन्हि ।

Read More »

घुससहित पकराएल असई फरार

जनकपुरधाम फागुन ०१ गते ।  महोत्तरीमे घुससहित पकराएल एक गोटे प्रहरी सहायक निरीक्षक (सई) अख्तियारके फन्दासँ फरार भऽ गेल अछि । घुससहित पकराएल औरही प्रहरी चौकीमे कार्यरत असई रामनरेश साह अख्तियार दुरुपयोग अनुसन्धान आयोगक बर्दिवास कार्यालयके टोलीको नियन्त्रणसँ फरार भेल अछि । अख्तियारक टोली असई साहकेँ १० हजार घुस रकमसहित नियन्त्रणमे लेने छल । मंगलदिन अख्तियारक टोली औरहीस्थित नवदुर्गा सःमिलसँ नियन्त्रणमे लेने छल । मुदा, ओ अख्तियारक टोलीकेँ छलि कऽ ओ भागल बताओलगेल अछि । अख्तियारक टोली औरही पहुँचला बाद साह नजदिक रहल सःमिल पहुँचल छल । अख्तियारक टोली सःमिल पहुँच कऽ सञ्चालक दिनेश साह आ असई साहकेँ नियन्त्रणमे लेने छल । दुनु गोटेकेँ नियन्त्रणमे लऽ कऽ प्रहरी चौकीतर्फ लाबएके क्रममे स्थानीयसभ अवरोध कएने छलथि । स्थानीयसभ अवरोध कऽ रहल मौका देख कऽ दुनु गोटे फरार भेल बताओलगेल अछि ।
महोत्तरीके प्रमुख जिल्ला अधिकारी उमेश ढकाल फरार भेल असईके खोजी भऽ रहल बतओलन्हि । नेपाल प्रहरी आ सशस्त्र प्रहरीके टीम परिचालन कऽ कऽ असई साहके खोजी भऽ रहल ढकाल बतओलन्हि । ‘स्थानीयसभ अवरोध कएने मौका देख कऽ ओ भागएमे सफल भेल अछि,’ ढकाल कहलन्हि,‘विभित्र स्थानमे चेक प्वाइन्ट राखलगेल अछि । सीमावर्ती क्षेत्रक प्रहरीसँग सेहो हमसभ सम्पर्कमे छी । ओ जल्दिए पकराएत ।’

Read More »

जखनि आएल स्वास्थ्यमन्त्री यादवकेँ मनिषाक निधनके खबर

जनकपुरधाम फगुन ०१ गते । उपप्रधान तथा स्वास्थ्यमन्त्री उपेन्द्र यादव मंगलदिन जनकपुरेमे छलथि । मन्त्री यादवक धनुषामे स्वास्थ्य बीमा कार्यक्रम शुभराम्भ करबाक कार्यक्रम छल । दुपहर १ बजेके लेल तय कएलगेल कार्यक्रममे यादव करिब एक घण्टा देरसँ पहुँचल छलथि ।जनकपुरक मत्स्य तालिम केन्द्रक सभाहलमे प्रदेश २ क मुख्यमन्त्री लालबाबु राउत, जनकपुरक मेयर लालकिशोर साहसहितक व्यक्तिसभ यादवकेँ प्रतिक्षा कऽ रहल छलथि ।
उपप्रधान तथा स्वास्थ्यमन्त्री यादव सभाहलमे प्रवेश कएलाक तुरन्तबाद स्वास्थ्य बीमा बोर्ड आयोजना कएने कार्यक्रमक उद्घोषक कार्यक्रम आरम्भ कएलन्हि । उद्घोषक प्रमुख अतिथि यादवसहित ड्यासमे बैसल सभ अतिथिकेँ ब्याज लगा कऽ सम्मान करबालेल कहलन्हि ।
ओतबेमे स्वास्थ्यमन्त्री यादवक मोबाइल फोनक घण्टी बाजल । आ, प्रमुख अतिथिके ब्जाज सेहो नहि लगा कऽ ओ हलसँ बाहर निकलि गेलथि । स्वास्थ्यमन्त्री यादव करिब १० मिनेट धरि हलसँ बाहर फोनमे बात कएलन्हि । हुनकर सहयोगीसभ धरफरिमे देखल जा रहल छलथि । हलमे उपस्थित सहभागीसभ बीच कौतुहलता जागल छल, की भेलैक कहि कऽ?
हल बाहर गेल उपप्रधान एवम स्वास्थ्यमन्त्री पुनः हलभितर प्रवेश कऽ अपन सीट पर बसलथि । हुनकर मन भारी जँका लागि रहल छल । चेहरा उदास छल । कातमे बैसल मुख्यमन्त्री राउतसँ ओ अस्थिरसँ बात कएलन्हि ।
यादवकेँ अस्पतालमे उपचारार्थ भर्ना भेल २६ वर्षीया पुतहु मनिषा यादवक निधनक फोनमे खबर आएल छल । कार्यक्रमकेँ अन्तिम वक्ता रहल उपप्रधान एवम स्वास्थ्यमन्त्री यादव जनकपुर रहबाक मन रहलाक बादो जरुरी काज भेलाक कारण तत्काल काठमाण्डु घुरबाक अछि कहैत कार्यक्रमकेँ शुभारम्भ कएलन्हि । करिब १५ मिनेटधरि कार्यक्रममे सम्बोधन कएने यादव एहि दुखद घटनाक विषयमे किछु नहि बजलन्हि । आ, सम्बोधन समाप्त होइते तत्काल जहाजसँ काठमाडु घुरि गेलथि ।
यादवक पुतहु मनिषाकेँ भक्तपुरस्थित क्यान्सर अस्पतालमे निधन भऽ गेल छन्हि । मनिषाके हड्डीक क्यान्सर छल । संघीय समाजवादी फोरमक अध्यक्ष सेहो रहल उपप्रधानमन्त्री यादवक बेटा अमरेन्द्रसँ हुनकर विवाह भेल छल ।
विवाहक किछुए दिनबाद बिमार भेल मनिषाकेँ दिल्लीस्थित एम्स अस्पतालमे इलाजके लेल भर्ना कएलगेल छल । एम्समे करिब डेढ वर्षक इलाजके बाद हुनका आठ महिना पहिने नेपाल आनलगेल छल । घरमे रहैत आएल मनिषाकेँ ६ दिन पहिने भक्तपुरस्थित क्यान्सर अस्पतालमे भर्ना कएलगेल अछि । लम्बा समयसँ बिमार मनिषाके मंगलदिन इलाजक क्रममे भक्तपुर अस्पतालमे निधन भऽ गेल छन्हि । हुनकर दु वर्षक एक बेटी छन्हि ।

Read More »

धनुषामे स्वस्थय विमा कार्यक्रमके शुभारम्भ

जनकपुरधाम, फागुन ०१ गते ।नेपाल सरकार तथा स्वास्थ्य विमा बोर्डद्धारा सञ्चालित स्वास्थ्य विमा कार्यक्रम धनुषामे सेहो लागु भेल अछि । उपप्रधान तथा स्वस्थ्यमन्त्री उपेन्द्र यादव पुर्वस्वास्थ्य राज्यमन्त्री रामसिंह यादव आ जनकपुर उपमहानगरपालिकाक प्रमुख लाल किशोर साहकेँ स्वास्थय विमा कार्ड वितरण करैत स्वास्थ्य विमा कार्यक्रम शुभारम्भ कएलन्हि अछि । मंगलदिन जनकपुरधाममे स्वास्थय विमा कार्यक्रमकेँ सम्बोधन करैत मन्त्री यादव हाल सरकारी अस्पतालसँग विमा सम्झौता भेला बादो निजी अस्पतालसँग सेहो विमा सम्झौता करबाक तैयारी भऽ रहल बतओलन्हि अछि । विमा कार्यक्रम लागु करबालेल किछु निजी अस्पतालसभ सेहो जोड दैत आएल बतबैत ओ सरकार कोअपरेटिभ पार्टनरसीपके रुपेँ निजी अस्पतालसँग विमा सम्झौता कएल जएबाक बतओलन्हि ।
नेपालजँका अल्पविकसित देशमे सभ गोटेके स्वास्थ्य उपचार पाएब चुनौती रहल बतबैत मन्त्री यादव सरकार गरिब तथा विपन्न परिवारके स्थास्थय उपचारक लेल प्रतिद्ध रहल बतओलन्हि । ‘अत्यन्त पैघ संख्यामे रोग फैलैत गेल अछि मुदा, सभ गोटे उपचार कराबए सकब सम्भव नहि अछि ,’ मन्त्री यादव कहलन्हि, स्वास्थय विमा कार्यक्रम अति गरिब विपन्न सहित सभ गोटेके उपचारमे सहयोग पहुँचाओत ।’ गुणस्तरीय स्वास्थ्य सेवामे सभ नागरिकके समान पहुँच सुनिश्चित करबालेल स्वास्थय विमा कार्यक्रम अनिवार्य रुपेँ तिब्र गतिमे आगा बढाबए परबामे जोड देलन्हि ।
एहिसँ आगा ३६ जिल्लामे लागु भऽ चुकल विमा कार्यक्रम ३७ अम जिल्लाके रुपेँ धनुषामे लागु भेल स्वाथ्य विमा बोर्डक कार्यकारी प्रमुख रमेश कुमार पोखरेल बतओलन्हि । परिचयपत्रके आधारमे बीमा करा चुकल सदस्यसभ सरकार तय कएने अस्पतालसँ ५० हजार रुपैयाँ धरिक निःशुल्क स्वास्थ्य उपचार सेवा प्राप्त कऽ सकैत अछि । पाँच गोटेसँ अधिकके परिवारके लेल प्रतिव्यक्ति दश हजारके दरसँ क्षतिपूर्ति देबएके व्यवस्था रहल अछि । पाँच गोटेके परिवार बीमा शुल्क वापत प्रत्येक वर्ष २५ सय रुपैयाँके दरसँ शुल्क बुझाबए परैत अछि ।
अतिरिक्त सदस्य ४२५ रुपैयाँके दरसँ शुल्क बुझाबए पडत । बीमा रकम तिरए नहि सकएबला विपन्न वर्गके लेल सरकार बीमा रकम वापतके शुल्क तिर देबएके व्यवस्था रहल अछि । सरकार अति विपन्न नागरिककेँ शतप्रतिशत, विपन्नकेँ ७५ प्रतिशत तथा गरिबीके रेखासँ निचा रहल नागरिककेँ ५० प्रतिशतके दरसँ बीमा रकम बापतके शुल्क तिर देबएके व्यवस्था अछि । स्वास्थ्य विमा कार्यक्रम बीमा करओन्हिार कोनो व्यक्ति कोनो सरकारी अस्पतालसँ ओपीडी सेवा, इमर्जेन्सी, ल्याब उपचार, सामान्य अपरेशन सहितक उपचार करा सकैत अछि ।

Read More »