मैथिली समाचार

‘आन्दोलन कएन्हिार कर्मचारीके कारबाही’

काठमाडू पुस १८ गते ।सरकार ‘कर्मचारी समायोजन अध्यादेश–२०७५’ अनुसार समायोजनमे नहि जा कऽ आन्दोलन कएन्हिार कर्मचारीकेँ कारवाही करए जा रहल अछि । सङ्घीय मामिला तथा सामान्य प्रशासन मन्त्रालय सरकार संघ, प्रदेश आ स्थानीय तहमे अध्यादेश अनुसार समायोजन नहि भऽ आन्दोलन कएन्हिार कर्मचारीकेँ कारवाही कएल जाएत मन्त्रालयक प्रवक्ता सुरेश अधिकारी बतओलन्हि ।
हुनका अनुसार आन्दोलन कएन्हिार कर्मचारीकेँ ‘निजामति सेवा ऐन–२०४९’ अनुसार आचरण आ अनुशासन पालना नहि कएने कहैत कारवाही करए जा रहल अछि । कर्मचारी समायोजन करबालेल लाओलगेल अध्यादेश अनुसार समायोजनमे नहि जा कऽ दैनिक सिंहदरबारभितर कर्मचारी सरकारविरुद्ध आन्दोलन करए लगला बाद मन्त्रालय कारवाहीके प्रक्रिया आगा बढओलक अछि । प्रवक्ता अधिकारी निजामति कर्मचारी ऐनअनुसार अचारण आ अनुशासन पालना नहि कएन्हिार कर्मचारीकेँ कारवाही कएल जाएत बतओलन्हि ।
हुनका अनुसार ऐनके परिच्छेद ७ अनुसार आचरण आ अनुशासन बेवास्ता करैत निजामति कर्मचारी सामाजिक सञ्जाल, पत्रपत्रिका तथा लेखरचनामे सरकार, सङ्घीय मामिला तथा सामान्य प्रशासनमन्त्री लालबाबु पण्डित, सचिव दिनेशकुमार थपलिया सहितक मन्त्रालयके आँच पहुँचएजँका अवाञ्छित, अनुचित, गैरजिम्मेवारी, अनुशासनहिन आ पेशागत मर्यादा विपरीत सामाजिक सञ्जालमे स्टाट्स, तस्बिर, विचार राखएबला अस्वभाविक क्रियाकलपप्रति ध्यानाकर्षण करबैत ओहन कर्मचारीकेँ पहिचान कऽ कारवाही कएल जाएत ।
ऐनमे उल्लेखित आचरण आ अनुशासन बेवास्ता कऽ अपने निजामती कर्मचारीके भूमिकामे सेहो नहि रहएजँका कऽ मन्त्री, सचिव सहितककेँ पद, वर्ण, जाति, समुदाय आ सम्प्रदायके सेहो जोडि कऽ सामाजिक सञ्जालमे गैरजिम्मेवारपूर्ण, अनुशासन आ आचरण विपरीत अभिव्यक्ति देबएबला राष्ट्रसेवक कर्मचारीके अभिलेख सेहो राखलगेल बताओलगेल अछि ।

Read More »

‘जहाज खरिदमे प्रधानमन्त्रीद्धारा ६ अर्ब गबन’

काठमाण्डु १८ गते ।नेपाली काँग्रेसक सांसद डा.अमरेशकुमार सिंह नेपाल एयरलाइन्सक दुटा वाइडबडी जहाज खरिदमे ६ अर्बसँ अधिकके भ्रष्टाचार भेल दावा कएलन्हि अछि ।मंगलदिन प्रतिनिधिसभाक बैठकमे विशेष समय लऽ कऽ बजैत सांसद सिंह दुटा वाइडबडी जहज खरिदमे भेल ६ अर्ब भ्रष्टाचारक पैसा नेकपा नेतृत्वक सरकार आ प्रधानमन्त्री केपी शर्मा ओली गबन कएने दावा कएलन्हि ।
‘एयरबससँ वाइडबडी लैतकाल खरिद ऐनके पालना नहि कएलगेल । जहाज सोझे एयरबस कम्पनीसँ खरिद नहि कऽ दोसरसँ किनलगेल,’ सिंह कहलन्हि,‘एक डलरके कम्पनीसँ जहाज खरिदके अन्तिम सम्झौता कएलगेल । भ्रष्टाचार करबालेल दर्ता नहि भेल एक डलरके कम्पनीसँ जहाज खरिदक सम्झौता कएलगेल ।’
सांसद सिंह ई दुनु जहाज सम्झौता अनुसारक तौलके सेहो नहि रहल उल्ले कएलन्हि । ‘खरिद सम्झौतामे २४२ टनके जहज खरिद कएल जाएत कहलगेल अछि । मुदा जहाज २३० टनके मात्र आएल,’ सिंह आक्रोशित स्वरमे कहलन्हि,‘एकटा जहाजके १२ टन घटलासँ कमसँकम ५० यात्री रखबाक क्षमता घटल अछि,’ ओ कहलन्हि,‘जहाज खरिदके टेण्डर करैतकाल तीन महिनामे जहाज चाही कहलगेल । कमिशनके लेल एक हजार घण्टा चलल जहाज चाही कहलगेल । मुदा जहाज नयाँ आएल अछि ।’
सिंह दुनु जहाज आउटडेटेड सिरिजके रहल दावा कएलन्हि । ‘दुनु जहाज आउटडेटेड सिरिजके आनलगेल अछि । आउटडेटेड जहाज लाबएलेल ६ अर्बसँ अधक खर्च नहि भेल अछि, मुदा हिसाब ११ अर्बसँ अधिकके देखाओलगेल अछि,’ ओ कहलन्हि,‘आउटडेटेड जहाज लाबि कऽ अर्बो भ्रष्टाचार भेल अछि ।’

Read More »

एसएमजीसहित एक गोटे गिरफ्तार

जनकपुरधाम पुस १८ गते ।प्रहरी आधुनिक हथियार एमएमजी बन्दुकसहित एक गोटेके सिरहासँ नियन्त्रणमे लेलक अछि । धनगढी नगरपालिका–११ छपराडीक ४६ वर्षीय चतुर नारायण चौधरी प्रहरी एमएमजी बन्दुकसहित पकराएल प्रहरी जनओलक अछि ।चौधरीकेँ प्रदेश प्रहरी कार्यालय, संघीय प्रहरी कार्यालय जनकपुर आ जिल्ला प्रहरी कार्यालय सिरहाक संयुक्त टोली विशेष सूचनाक आधार पर नियन्त्रणमे लेलक अछि ।
प्रहरीके संयुक्त टोली सवारी चेकजाँचक क्रममे पश्चिमसँ पूर्वतर्फ जा रहल अवस्थामे पूर्वपश्चिम राजमार्गक गोलबजार नगरपालिका–४ सँ चौधरीकेँ नियन्त्रणमे लेलगेल प्रहरी जनओलक अछि ।
स ५ प ३७४१ नम्बरक मोटरसाइकल पर सवार चौधरीके साथसँ झोरामे रहल अवस्थामे एसएमजी बन्दुक एकटा, म्याग्जिन दुटा, स्वतन्त्र तराई निर्माण सेना केन्द्रीय ब्युरो लिखल पर्चासहितक समान बरामद भेल जिल्ला प्रहरी कार्यालय सिरहाक डीएसपी माधवराज खरेल जानकारी देलन्हि ।
चौधरीके हिरसातमे राखि कऽ हाथहथियार खरखजाना ऐन अन्तर्गत आवश्यक अनुसन्धान चल रहल प्रहरी जनओलक अछि ।

Read More »

नयाँ वर्षमे भारतीय पर्यटकके भीडभाड

जनकपुरधाम पुस १८ गते । नयाँ वर्ष २०१९ मनाबएलेल जनकपुरमे भारतीय पर्यटकसभकेँ भीडभाड देखलगेल अछि । विगत किछु वर्षसँ नयाँ वर्ष मनाबएलेल भारतीय पर्यटकसभक बीच जनकपुर लोकप्रिय गन्तव्य बनैत आएल अछि ।
विगतके वर्षजँका एहुबेर पैघ संख्यामे भारतीय पर्यटक नयाँ वर्ष मनाबएलेल जनकपुर पहुँचल छल । विशेष कऽ जानकी मन्दिर, राम मन्दिरसहितक क्षेत्रमे भारतीय पर्यटकसभक अधिक भीडभाड देखलगेल छल ।
नयाँ वर्षक पहिल दिन जानकी मन्दिर आ राम मन्दिरमे पूजाअर्चना करबालेल पैघ संख्यामे भारतीय पर्यटकके भीडभाड देखलगेल । एहिके संगहि एतुका होटल आ रेस्टुराँसभमे सेहो भारतीय पर्यटकके दिनभरि भीड लागल छल । नयाँ वर्षक अवसर पर अधिकांश भारतक विहार राज्यसँ पर्यटकसभ जनकपुर आएल करैत अछि ।
भारतक प्रधानमन्त्री नरेन्द्र मोदी आ पछिलाबेर उत्तर प्रदेशक मुख्यमन्त्री योगी आदित्यनाथ भ्रमण कएलाक बाद जनकपुर पहुँचएबला भारतीय पर्यटकसभक संख्यामे उल्लेय वृद्धि भेल स्थानीय व्यवसायीसभ बतबैत छथि । एहिसँ पहिने सेहो नयाँ वर्षक अवसर पर भारतीय पर्यटकसभ जनकपुर अओलाक बादो मोदी आ योगीके भ्रमणके बाद एहि संख्यामे वृद्धि भेल स्थानीय एक होटल व्यवसायीके कहब अछि ।
नयाँ वर्ष मनाबएलेल एकदिन पहिने सेहो भारतीय पर्यटकसभ जनकपुर पहुँचल छल होटल व्यवसायीसभ बतबैत छथि । एकदिन पहिने पहुँचएबलासभमे अधिकांश युव पुस्ता रहल एक होटल व्यवसायी जनओलन्हि ।
भारतक विहार सरकार मदिरा सेवन आ बिक्रि वितरण पर प्रतिबन्ध लगओलाक बाद नयाँ वर्ष मनाबएलेल ओतुका युव पुस्ताके लेल जनकपुर आकर्षण गन्तव्य बनल अछि । मदिरा प्रतिबन्धित भेलाक बाद सीमावर्ती क्षेत्रके संगहि विहारक विभिन्न स्थानसँ आबएबला पर्यटकसभसँ नयाँ वर्षमे होटलसभमे भीडभाड देखलगेल ।
नयाँ वर्ष मनाबएलेल विहारक दरभंगा, सीतामढी, मधुबनी, मुजफ्फरपुरसहितक स्थानसँ भारतीय पर्यटक जनकपुर पहुँचल छलथि । जानकी आ राम मन्दिरमे पूजाअर्चना कऽ नयाँ वर्ष मनाबएलेल जनकपुर पहुँचल दरभंगासँ आएल सुमन मिश्र बतओलन्हि ।
विहारसँ जनकपुर पहुँचएबल ओसभ धनुषाक जटह आ महोत्तरीक जलेश्वर नाका प्रयोग कएल करैत छथि । नयाँ वर्ष मनाबएलेल पैघ संख्यामे गाडी लऽ कऽ भारतीय पर्यटक जनकपुर पहुँचल जटहीस्थित भन्सार कार्यालय जनओने अछि ।

Read More »

राजपाक आन्तरिक विवादक कारणेँ प्रदेशसभा बैठक अवरुद्ध

जनकपुरधाम पुस १८ गते । लम्बा समयसँ प्रदेश २ क प्रदेशसभा बैठक ठप्प अछि । अगहन १९ गतेबाद अवरुद्ध भेल सदनके कारबाही करिब १ महिना पहुँचए जा रहला बादो शुरु नहि भऽ सकल अछि । अनिश्चितकालक लेल स्थगित प्रदेशसभाके बैठक अवरुद्ध भेला बाद प्रदेश सरकारके बनाबएबला महत्वपुर्ण कानुनसभ नहि बनि सकल अछि । संघीय समाजवादी फोेरम आ राजपाके संयुक्त सरकार रहल प्रदेश २ मे राजपा भितरके आन्तरिक विवादक कारण प्रदेशसभाके बैठक नहि बसि सकल श्रोत जनओलक अछि ।
राजपा अध्यक्षमण्डक संयोजक महन्थ ठाकुरकेँ पदसँ हटा कऽ राजेन्द्र महतोकेँ अध्यक्ष बनओने कहैत राजपा भितरके आन्तरिक विवाद उत्कर्षमे पहुँचला बाद प्रदेशसभा बैठक नहि बसि सकल राजपाक एक सांसद बतओलन्हि ।
तहिना धनुषामे राजपाक देवकृष्ण मण्डलकेँ अध्यक्षमण्डलके सदस्यसँस् हटा कऽ ज्ञानेन्द्र झाकेँ अध्यक्ष मण्डलमे रखला बाद किछु दिन एम्हर राजपा भितरके आन्तरिक विवाद चरमउत्कर्षमे पहुँचल अछि । किछु दिन आगा प्रदेश २ क सचेतक परमेश्वर साहके नेतृत्वमे अध्यक्षमण्डलक संयोजक राजेन्द्र महतोके पुतला सेहो दहन कएलगेल छल । ‘पार्टीके आन्तरिक विवादसँ प्रदेशसभाके बैठक नहि बसि सकल अछि, आब पार्टीके विवाद साम्य भेलाबाद मात्र बैठक होएत’, सत्तारुढ राजपाक एक सांसद कहलन्हि ।
बजेट अधिवेशनके बाद सुरु भेल प्रदेश २ क दोस्रो अधिवेशन अन्त करबालेल कतेको सांसदसभ सरकारकेँ सुझाव सेहो देने अछि । कार्यव्यवस्था परामर्श समितिके बैठकमे सेहो कतेको सदस्यसभ सदनमे प्रस्तुत करबालेल विधेयक नहि रहलासँ अधिवेशन अन्तके घोषणा करबालेल सरकारकेँ सुझाव दऽ चुकल बताओलगेल अछि ।
एम्हर मन्त्रीसभ जिल्लामुखी भऽ कऽ प्रदेशके पेट्रोल आ भत्तामुखी रहलाक कारण प्रदेशसभा बैठक नहि बसि सकल नेकपा सांसद रामचन्द्र मण्डल आरोप लगओलन्हि । ओ कहलन्हि, ‘ जेना धनुषा आ महोत्तरीमे बजेटमे विभेद कएलगेल अछि । ओही प्रकारसँ मनमौजी रुपेँ सत्तापक्षके जहिया मन होइत अछि बैठक बजबैत अछि आ जहिया मन होइत अछि स्थगित करैत अछि याह परिपाटीके कारण प्रदेशसभा बैठक महिनो धरि स्थगित होइत अछि ।’

Read More »

विदा भऽ रहल २०१८ क किछु महत्वपूर्ण घटना

जनकपुरधाम पुस १७ गते । सन् २०१८ बहुतरास कारणसँ स्मरणीय वर्ष रहल । वर्षभरि विश्वके चकित करएबला घटनासभ होइत आएल । किम–ट्रम्प वार्ता, अमेरिका–चीन व्यापार युद्धसहित घटना विश्वके चकित कएलक । राजनीतिक प्रवृत्तिक हिसाबसँ एहि वर्षमे अधिक नयाँपन नहि देखलगेल । किछु वर्षसँ जारी दक्षिणपन्थीक लहर चलैत रहल ।
इटली, ब्राजिलमे दक्षिणपन्थीके उदय भेल । थाइल्यान्डमे १७ दिन गुफाभितर फसल १२ युवाक साहसिक उद्धार स्मरणीय घटना रहल । अमेरिकाक मध्यावधि निर्वाचनमे निचका सदनमे डेमोक्य्राटक पकड रहल तऽ उपरका सदन सिनेटमे रिपब्लिकनक । पछिला किछुदिन महँगीसहितक विषयमे फ्रान्समे पियर भेस्ट पहिरने प्रदर्शनकारी सडक गरमओलक ।
युरोपेली संघसँ बहरएबाक बेलायतक योजना एखनो जकथक अछि । प्रधानमन्त्री टेरिजा मे संकटमे छथि । राजकुमार ह्यारी अभिनेत्री मेगन मार्कलसँ विवाह कएने छथि, जे बेलायतक शाही परिवारक पहिल अश्वेत सदस्य बनल छथि । भारतमे पाँच राज्यमे भेल विधानसभा निर्वाचनमे सत्तारुढ भाजपा आ प्रधानमन्त्री नरेन्द्र मोदीके धक्का लागल अछि । एहिसँ ओ अपराजेय रहल भ्रम समाप्त भेल अछि । एहि वर्षक विश्वकप फुटबलमे फ्रान्स विजयी भेल अछि । एहिबाहेक सन् २०१८ क किछु आओर महत्वपूर्ण घटना एहि प्रकारेँ रहल ।
मानवीय संकट
एहि वर्ष यमनक युद्धके पैघ चर्चा भेल । ओतह युद्ध शुरु भेला चारि वर्ष बित चुकल अछि । एखन ओतह संसारके सभसँ पैघ मानवीय संकट उत्पन्न हएबाक चेतावनी विज्ञसभ दऽ रहल छथि । लडाइमे करिब १५ हजार यमनी मारलगेल अछि तऽ भुखमरीसँ करिब ६० हजारके मृत्यु भऽ गेल अछि । लाखौ बालबालिका कुपोषणग्रस्त अछि । ओकरासभक शरीर आ दिमागक विकासमे अवरोध उत्पन्न भेल अछि । इरानक समर्थन कहलगेल हुथी विद्रोहीक कब्जामे रहल देशक अधिकांश भूभाग अछि । अमेरिकाक समर्थनमे साउदी अरब नेतृत्वक गठबन्धन यमनमे नाकाबन्दी आ बमवर्षा करैत आबि रहल अछि । जकर नतिजास्वरुप हडुडी आ चमरामात्र रहल अनगिनित धियापुताक तस्बिर सामाजिक सञ्जाल आ अन्तर्राष्ट्रिय सञ्चारमाध्यममे सार्वजनिक होइत आएल अछि ।
त्हिना राष्ट्रपति निकोलस मदुरोक सत्तामे रहबाक महत्वाकांक्षा आ व्यवस्थापकीय अक्षमताके कारण भेनेजुएलामे सेहो संकट बढैत गेल अछि । मदुरो मे महिनामे पुनः निर्वाचित भेलथि । करिब २३ लाख आदमी देश छोडिचुकल अछि । आर्थिक संकटके संगहि मुद्रास्फीति व्यापक अछि ।
जलवायु परिवर्तनके खतरा
पृथ्वीक जलवायु परिवर्तन भऽ रहल अछि । एकर प्रमुख कारण अछि, आदमी । वैज्ञानिकसभ एहि विषयमे दशकोसँ चेतावनी दैत आबि रहल छथि । राष्ट्रसंघीय निकाय आईपीसी अक्टोबरमे जारी कएने एक चेतावनी अनुसार करिब १२ वर्षधरि यह्या प्रक्रिया जारी रहल तऽ फेरसँ घुरबाक विन्दु समाप्त भऽ जाएत । एहि वर्ष शक्तिशाली आँधी आएल, जंगलके आगि फैलल, तापक्रम एखनि धरिके उच्च रहल ।
डब्लुडब्लुएफ हालहि एक प्रतिवेदन जारी कएने अछि । जाहिअनुसार आदमीके कारण १९७० के बाद जीवजन्तु ७० प्रतिशत मरल अछि । समुद्रमे सेहो प्लास्टिक प्रदुषण होबए लागल अछि । नोभेम्वरमे इन्डोनेसियामे मृत भेटल एक ह्वेलक पेटमे करिब ६ किलोग्राम प्लास्टिक भेटल छल । एहि सभ तथ्यके देखैत मानवीय गतिविधिके कारण वातावरणीय क्षति बढि रहल अछि ।
इथियोपिया आ इरिट्रियाबीच शान्ति सम्झौता
इथियोपिया आ इरिट्रिया १२ वर्ष युद्ध कएलक । युद्ध सन् २००० मे समाप्त भेल । करिब ८० हजारके मृत्यु भेल । मुदा दुनु देशबीच औपचापरिक सम्झौता नहि भऽ सकल छल । ओहि कारण इथियोपियाक नवनिर्वाचित प्रधानमन्त्री अबिय अहमद जुन महिनामे ओ इरिट्रियासँ शान्ति सम्झौता करबालेल तैयार रहल बतओलाक बाद सभ चकित भेल छल ।
जुलाई महिनामे ओ इरिट्रिया गेलथि आ सम्झौता भेल । इरिट्रियाक राष्ट्रपति इसाया अफेर्की आ अहमद सम्झौता पर हस्ताक्षर कएलन्हि । ओहिके बादसँ शान्ति प्रयास मूर्तरुप लैत आबि रहल अछि ।
विश्वव्यापी ‘मी टु’ आन्दोलन
एक दशक पहिने बिजारोपण कएलगेल ‘मी टु’ आन्दोलन गत वर्ष अमेरिकामे तहलका मचओने छल । हलिउड निर्माता हार्भी वाइन्सिटन दर्जनौं महिलाकेँ यौन दुव्र्यवहार कएने आरोप लगलाक बाद एहि आन्दोलनके चर्चा शुरु भेल ।
सन् २०१८ मे ई विश्वभरि फैलल अछि । दशौ हजार अपन पीडा सामाजिक सञ्जाल आ सञ्चारमाध्यममे व्यक्त कएने अछि । स्पेन, इटली, फ्रान्स, अरब, भारतसहितक क्षेत्रमे ओतहिके भाषामे ‘मी टु’ अर्थ देबएबला ह्यासट्याग प्रचलित भेल अछि ।
इन्टरनेटमे ‘मी टु’ सम्बन्धी सर्च उच्च अछि । सन् २०१८ के नोबेल शान्ति पुरस्कार सेहो यौन हिंसा अन्त्यके लेल सक्रिय कंगोका डाक्टर डेनिस मुक्वेगे आ याजिदी महिला नादिया मुरादकेँ प्रदान कएलगेल ।
चीन, भारत होइत ई आन्दोलन नेपालधरि पहुँचल अछि । किछु महिला काठमाण्डुक पूर्वमेयर केशव स्थापितकेँ अनुचित व्यवहार कएने आरोप लगओलन्हि । त्रिभुवन विश्वविद्यालयक प्राध्यापक दुव्र्यवहार कएने दुटा विद्यार्थीके आरोप अछि ।
‘मी टु’ विश्वव्यापी बनैत गेल अवस्थामे एकर दीर्घकालीन प्रभाव केहन रहत ? की एहिसँ लम्बा समयके बादो यौन उत्पीडन, लैंगिक विभेद अन्त करबामे सहयोग करत ? एहि विषयमे बहस चलि रहल अछि ।
जमाल खसोग्गीक हत्या
अक्टोबर २ मे टर्कीक इस्तानबुलस्थित साउदी महावाणिज्यदूतावासमे पत्रकार जमाल खसोग्गीक हत्या भेल । साउदी अरबसँ आएल १५ गुप्तचरके टोली हुनकर हत्या कएलगेल शरीरकेँ टुक्राटुक्रा कऽ नष्ट कएने छल । एहि वर्ष अधिक चर्चामे रहल विभिन्न घटनासभमेसँ खसोग्गीक हत्या महत्वपूर्ण रहल ।
टर्की लगातार साउदी उपर हत्याक जिम्मेवारी लेबएलेल दबाब दैत रहल । करिब दु सप्ताह झुठ बजलाकबाद साउदी अरब हत्या भेल स्वीकार करबालेल बाध्य भेल । मुदा, पश्चिमके शक्तिराष्ट्र मजबुत अडान नहि लऽ सकलाक कारण खसोग्गी हत्या ओहिना सेराएके सम्भावना देखलगेल अछि ।
अमेरिकी गुप्तचर एजेन्सी सीआईए सेहो हत्यामे साउदी युवाराज मोहम्मद बिन सलमान सहभागी रहल निष्कर्ष निकाललाक बादो राष्ट्रपति डोनाल्ड ट्रम्प साउदीसँगक सम्बन्धमे कोनो असर नहि परत बतओने छथि ।
एहिसँ पहिने ओ साउदीसँग एक सय अर्ब डलरके हथियार बिक्री करबाक सम्झौता कऽ चुकल छथि । ई घटना विश्वभरिके पत्रकार तथा अभिव्यक्ति स्वतन्त्रताक पक्षधरसभ खतरामे रहल देखओने अछि । ओहि कारण एहि वर्ष टाइम म्यागजिन खसोग्गी आ मारलगेल अन्य पत्रकारकेँ वर्षव्यक्ति घोषित कएने अछि ।
सिरियामे असदके पकड
अप्रिल १४ मे सिरियाली सेना सरकारविरोधी सभ शक्तिकेँ पूर्वी गुटासँ भगओने घोषणा कएलक । दमास्क नजदिक रहल ओहि स्थानमे दु महिनाधरि भीषण लडाइ चलल छल । जाहिमे १७ सय आदमी मारलगेल छल । सन् २०११ के विद्रोहबाद फसर सिरियामे पुनः बसर अल असदके सरकार हाबी होइत गेल ।
इस्लामिक स्टेटसहित आतंकवादी संगठन पराजित होइगतेल अछि तऽ रुस अपन उपस्थितिके मजबुत बनओने अछि । टर्की, रुस, अमेरिका नेतृत्वक पश्चिमके गठबन्धन आदिके स्वार्थमे विभक्त अछि, सिरिया । किछु समय पहिने असद रसायनिक आक्रमण कएने दावा पश्चिमी देशसभ कएने छल । अमेरिका, बेलायत आ फ्रान्स सरकारी निशानामे हवाई आक्रमण सेहो कएलक ।
पाकिस्तानक कप्तान खान
पाकिस्तानक राजनीतिमे सन् २०१८ महत्वपूर्ण वर्ष रहल । लम्बा समय राजनीतिमे रहल नवाज सरिफक पतन भेल तऽ क्रिकेटमे सन्यास लेलाकबाद राजनीतिमे आएल इमरान खान प्रधानमन्त्री बनलथि । सरिफके अदालत भ्रष्टाचारी ठहर करैत चुनाव लडबालेल अयोग्य घोषणा करबाक संगहि खान पाकिस्तानी राजनीतिके नायक बनल छथि । ओ पाकिस्तानक २२ अम प्रधानमन्त्री बनलथि, मुदा हुनक आगु चुनौतीके पहाड सेहो कम नहि अछि ।
सैनिक अधिनायकत्व, आतंकवाद, भ्रष्टाचारसहित घरेलु समस्यासँ जुझि रहल अछि पाकिस्तान । ओहि बाहेक भारत, चीन आ अमेरिकासँगक सम्बन्ध सेहो ओतुका सरकारक प्रदर्शनके प्रभावित कऽ सकैत अछि । पाकिस्तान शीतयुद्धकालीन समयसँ भूरणनीतिक दावपेचक केन्द्रमे रहैत आएल अछि । पाकिस्तान आतंकवादसँ साँठगाँठ करैत आबि रहल भारत आरोप लगबैत आबि रहल अछि ।
अमेरिकामे ट्रम्पक उदयके संगहि पाकिस्तानके दैत आबि रहल सहयोग रोकि देने अछि । चीन पाकिस्तानमे पैघ रकम लगानी कएने अछि । मुदा देशभितर आ बाहरके शक्ति पाकिस्तानके बेरबेर ऋणक झमेलामे परत चेतावनी दैत आबि रहल अछि । देशक अर्थतन्त्र संकटमे अछि । विदेशी मुद्रा सञ्चिति घटलाक कारण खान संकटमे छथि । ओ हालहि साउदी अरब आ चीन भ्रमण कऽ सहयोगक याचना कएने छथि । मुदा हुनकर सोचल जँका नहि भऽ सकल अछि । आगामी किछु वर्षक प्रदर्शनसँ ६५ वर्षीय खान पाकिस्तानी राजनीतिके शिखरमे रहताह या नहि, देखबामे आओत ।
चारिम कार्यकालमे पुटिन
ई वर्ष रुसी राष्ट्रपति भ्लादिमिर पुटिनके लेल लाभदायी रहल । ओ चारिम कार्यकालकेलेल राष्ट्रपतिमे सहजि विजयी भेलाह । सन् २००० मे पहिलबेर राष्ट्रपति बनल ओ रुसके पुनः शक्तिराष्ट्रके रुपमे स्थापित करबामे सफल भेल छथि । ओहि कारण एहि वर्ष ओ ७६.७ प्रतिशत मत प्राप्त कऽ विजयी भेलथि । एहिके संगहि ओ स्टालिनके बाद रुसमे सभसँ लम्बा शासन करएबला व्यक्ति बनल छथि ।
भूराजनीतिक दावपेच आ घरेलु राजनीतिमे ओ सफल देखलगेल छथि । सिरियामे रुसके उपस्थिति मजबुत बना कऽ ओ नेटो गठबन्धनके चुनौती देने छथि क्रिमिया विलयके बाद हुनकर छविमे आओर सुधार आएल अछि । हुनकर एकहि चिन्ताके विषय अछि अर्थतन्त्र ।
प्यालेस्टाइनक निराशा
मार्च ३० मे गाजा स्ट्रिपमे ६ सप्ताह लम्बा प्रदर्शनके आयोजना कएलगेल छल । अमेरिका तेल अभिभसँ दूतावास जेरुसुलम लऽ जएबाक निर्णयके विरोधमे आन्दोलन चलि रहल छल । मुदा इजरायल निर्दयतापूर्वक प्रदर्शनकारी उपर गोलीके वर्षा कएलक ।
३० मार्चसँ १५ मे धरि कमसँ कम १ सय १० आदमीके मृत्यु भेल । १३ हजारसँ अधिक प्यालेस्टाइनी घायल भेल । १४ सयसँ अधिकके गोली लागल । एतेक पैघ प्रदर्शनमे एकटामात्र इजरायली सैनिक समान्य घायल भेल । राष्ट्रसंघक महासभामे इजरायली बलप्रयोगके भत्र्सना भेल । अमेरिका इजरायलक प्रतिरक्षामे छोट देशसभकेँ सहयोग रोकबाक धम्की सेहो देने छल ।

Read More »

ओली सरकार तानाशाही भऽ गेल ः देउवा

काठमाण्डू पुस १७ गते ।प्रमुख प्रतिपक्षी दल नेपाली कांग्रेसक सभापति शेरबहादुर देउवा दु तिहाई बहुमत भेटल केपी शर्मा ओली नेतृत्वक सरकार तानाशाही बनल आरोप लगओलन्हि अछि । राष्ट्रिय एकता तथा मेलमिलाप दिवसके अवसरमे कांग्रेस काठमाण्डू सोमदिन काठमाण्डूमे आयोजना कएने कार्यक्रमकेँ सम्बोधन करैत सभापति देउवा सरकार तानाशाही बनैत गेल स्वेच्छाचारी ढंगसँ आगा बढि रहल आरोप लगओलन्हि अछि । ‘ सरकार कर्मचारी उपर हस्तक्षेप कऽ रहल अछि । काल्हि प्रहरी, सेना , न्यायालय होइत जनता उपर हस्तक्षेप कऽ कऽ आगा बढि सकैत अछि,’ ओ कहलन्हि ,‘तहिना हमसभ आन्दोलित होबएके समय आबि सकैत अछि । अपनेसभ तैयार भऽ कऽ रहू ।’ सरकार हरेक क्षेत्रमे हस्तक्षेप करबाक प्रयास कऽ रहल कहैत देउवा ओहिके खिलापमे कांग्रेससहित सभ जनताके उठएके समय आएल बतओलन्हि ।
देउवा कांग्रेस मेलमिलाप आ एकताके पक्षमे रहला बादो कम्युनिष्ट सरकार नहि चाहि रहल आरोप लगओलन्हि । ओ कहलन्हि ,‘ सरकार लोकतन्त्रविरोधी काज कऽ रहल अछि । हमसभ एखनो मेलमिलापके पक्षमे छी । मेलमिलाप नीतिमे कांग्रेस काल्हि सेहो छल, आइ सेहो अछि आ काल्हि सेहो रहत । हमसभ मेलमिलाप चाहैत छी, सरकार नहि चाही, तानाशाही बनएके प्रयास कऽ रहल छी ।’ देउवा कांग्रेसक पहिल सर्त प्रजातन्त्र रहल बतओलन्हि । ‘ई सरकार आ ओहिके नेतृत्व करबाक दल नेकपा तानाशाही बनैत गेल अछि । ओहिके विरुद्ध हमसभ लड्ब ।
प्रजातन्त्र खतरामे परल समय हमसभ हुनका विरुद्ध अन्तिम लडाइ लड्एके आबि सकैत अछि । ओहिके लेल तैयार होबए पडत,’ ओ कहलन्हि ।
देउवा सरकार जनताके अधिकारसँ वञ्चित कऽ रहल आरोप लगओलन्हि । ‘जनता दु तिहाई बहुमत देने दल नेकपा सरकारमे अछि । मुदा, वहए सरकार जनताके अधिकार छिनए लागल अछि,’ ओ कहलन्हि ,‘कांग्रेस जनतासँग एकता आ मेलमिलाप करए चाहैत छी । छिनल जा रहल जनताके अधिकारके रक्षा करबालेल अधिनायकवादी दल आ सरकारविरुद्ध लड्ए चाहैत अछि ।’
ओ कांग्रेस महिला, आदिवासी जनजाति, दलित, उत्पीडित क्षेत्र, थारु समुदायकेँ पैघ स्थान दऽ कऽ समावेशी पार्टी बनल बतओलन्हि । देउवा पार्टी देने जिम्मेवारी आ भूमिका अनुसार आब महिला, दलित, आदिवासी जनजाति, थारु सहितक सदस्यता पार्टीमे बढाबए निर्देशन देलन्हि । कार्यक्रममे युवा नेता गगनकुमार थापा सत्तापक्ष दलक दु अध्यक्षमेसँ एककेँ संघीयता आ दोसरकेँ लोकतन्त्र नहि निक लागि रहल आरोप लगओलन्हि । ‘नेकपाक दु अध्यक्षकेँ एककेँ संघीयता आ दोसरकेँ लोकतन्त्र नहि निक लागि रहल अछि । एहन अवस्थामे संविधान खतरामे परि सकैत अछि । ताहिसँ संविधान कार्यान्वन कऽ संविधानक उपलब्धिके रक्षा करब हमर जिम्मेवारी अछि,’थापा कहलन्हि ।
सभापति देउवा आ वरिष्ठ नेता पौडेलबीच डिप लभ रहल प्रसंग उठबैत थापा पार्टी प्रेमसँ मात्र नहि चलत बतओलन्हि । ‘पार्टी भितर नेतासभबीच प्रेम रहलापर पार्टीक कार्यकर्तामे उत्साह बढल अछि ,’ओ कहलन्हि ,‘मुदा, पार्टी चलाबए प्रेमसँग पद्धती सेहो आवश्यक अछि ।’ ओ पार्टीकेँ विधान अनुसार चलाबएबला पद्धती चलाबए परबामे जोड देलन्हि । कार्यक्रमकेँ कांग्रेस पूर्वमहामन्त्री तारानाथ रानाभाट, नेतासभ नरहरि आचार्य सहितक नेतासभ सम्बोधन कएने छलथि ।

Read More »

दैनिक साढे ४ अर्बक विदेशी वस्तु उपभोग, २५ करोड मात्र निर्यात

काठमाण्डू पुस १७ गते ।नेपालमे दैनिक करिब साढे चारि अर्वक विदेशी सामान आयात भऽ रहल तथ्याङ्क सार्वजनिक भेल अछि । व्यापार निकासी प्रवर्द्धन केन्द्र सोमदिन सार्वजनिक कएने चालू आर्थिक वर्षक पाँच महिना धरिक वैदेशिक व्यापारके तथ्याङ्क दैनिक ४ अर्ब ४६ करोड रुपैयाँ बराबरके सामान आयात होएत देखओलक अछि । पाँच महिनामे (साउन सँ अगहन धरि ) ६ खर्ब ७ अर्ब रुपैयाँके सामान आयात भेल अछि ।
एहि हिसाबसँ देखलापर पाँच महिना अर्थात १५० दिनकेँ औसत दिन मानलगेल तऽ एक दिनके वस्तु आयात करिब साढे चारि अर्ब रुपैयाँ पहुँचत देखलगेल अछि । गत वर्षक याह अवधिके तुलनामे वस्तु आयात ३३.८ प्रतिशतसँ बढल अछि । एम्हर, देशकेँ पैघ परिणामक विदेशी सामान नेपाल अनलापर नेपालसँ विदेश निर्यात होबएबला सामानके अवस्था नाजुक अछि ।
नेपालसँ दैनिक २५ करोड रुपैयाँ बराबरके सामान मात्र विदेशि निर्यात होइत अछि । पाँच महिनामे ३७ अर्ब ५० करोड रुपैयाँके वस्तु तथा सामान निर्यात भेल अछि । एहि वर्ष गत वर्षक तुलनामे १२.३ प्रतिशतसँ वृद्धि भेल व्यापार निकासी प्रवर्द्धन केन्द्र जनओलक अछि ।
देशक लेल अति आवाश्यक वस्तुसभ पेट्रोलियम पदार्थ (८७ अर्ब ९९ करोड १६ लाख ९५ हजारके आयात) , विकास निर्माणक लेल आवश्यक लोहा तथा स्टिलक उत्पादनसभ (७३ अर्ब २३ करोड ७७ लाख रुपैयाँके आयात) , मसिनरी आ पार्टस (४८ अर्ब ३६ करोड ४४ लाख ३० हजारके आयात), तथा नहि भऽ नहि होबएबला यातायातके साधन (४४ अर्ब १२ करोड ६८ हजारके आायत), विद्युतजन्य उपकरण ( २३ अर्ब २३ करोड ६७ लाख १८ हजारके आयात), हवाइ जहाजका पार्टसमे ( १८ अर्ब २६ करोड ९५ लाख ८१ हजारके आयात) भेल बृद्धिके कारण वस्तु आयातमे भारी वृद्धि भेल अछि ।
यद्यपि, सभसँ अधिक आयात होइत आएल पेट्रोलियम पदार्थक आयातसँ पुँजी निर्माण कतेक भऽ सकल अछि एहि विषयकेँ देखए पडत प्रवर्द्धन केन्द्रक कार्यकारी निर्देशक शरद विक्रम राणा बतओलन्हि । ओ अत्यधिक आयात भेल पेट्रोलियम पदार्थ पुँजी निर्माण कएलासँ आगामी दिनमे व्यापारघाटा कम करबाक तर्क देलन्हि । नेपाल कृषि प्रधान देश रहल विषयसँ विगत कतेको वर्षसँ स्थान प्राप्त करैत आएल अछि । मुदा याह कृषिजन्य सामानके आयातमे १४ प्रतिशतसँ वृद्धि भेल अछि । एहिके अतिरिक्त सोन चाँदी सतिक वस्तुसभक आयातके हिस्सा सेहो नेपालके कुल व्यापारके लगभग ४ प्रतिशत रहल अछि । चालू आर्थिक वर्षक पाँच महिनामे नेपालके वैदेशिक व्यापार ६ खर्ब ४४ अर्ब ५० करोड रुपैयाँ भेल अछि । नेपालसँ निर्यात होबएबला मुख्य वस्तुसभमे यार्न, ऊनके कार्पेट, तैयारी गार्मेन्ट, जुस, चायपति टेक्सटाइल सहितक रहल अछि । रररररर

Read More »

कनिष्ट आ विवादस्पद एसपीकेँ बढुवामे मन्त्रालयमे चलखेल

काठमाण्डू पुस १७ गते ।गृह मन्त्रालय प्रहरी नियमावली संशोधन कऽ कऽ किछु कनिष्ट आ विवादास्पद प्रहरी उपरीक्षक (एसपी) केँ वरिष्ठ प्रहरी उपरीक्षक (एसएसपी) मे बढुवा करए जा रहल अछि । प्रहरी नियमावलीमे श्रेणीगत बढुवाके लेल कोनो पदमे कमसँकम चारि वर्ष सेवा अवधि पूरा कएने होबएके प्रावधान अछि । एहन प्रावधान सिपाहीसँ एसपी धरि लागु होएत । गृहमन्त्री रामबहादुर थापा किछु कनिष्ट तथा विवादास्पद एसपीके बढुवा करबालेल ओ नियमावली संशोधन करबालेल सोमदिन मन्त्रिपरिषद्मे प्रस्ताव लऽ जाए लागल अछि । नेकपा अध्यक्ष तथा प्रधानमन्त्री केपी शर्मा ओली, दोसर अध्यक्ष प्रचण्ड आ गृहमन्त्री थापाकेँ प्रलोभन दऽ कऽ किछु कनिष्ट तथा विवादास्पद एसपी प्रहरी नियमावलीमे परिवर्तन कऽ कऽ बढुवा करबाक लबिङमे अछि ।
नियामावलीके संशोधित प्रस्तावमे प्रहरीके बढुवा नियमावलीमे रहल चारि वर्षक प्रावधान हटा कऽ तीन वर्षमे लाबएके व्यवस्था कएलगेल अछि । नियमावली संशोधनक ओ प्रस्ताव गृहमन्त्री थापा सोमदिन बैसएबला मन्त्रिपरिषद् बैठकमे पारित करएजँका पेस करए लागल दादाबी उच्च स्रोत कएलक अछि । बढुवासम्बन्धी तीनवर्षक नयाँ नियमावलीमे प्रधानमन्त्री एवम् नेकपा अध्यक्ष ओली, दोसर अध्यक्ष प्रचण्ड, गृहमन्त्री थापा, गृह सचिव प्रेमकुमार राईबीच सहमति भऽ गेल अछि । आइजिपी सर्वेन्द्र खनाल चारि वर्षक प्रावधान हटओलापर कनिष्ट एसपीके चलखेल बढ्लासँ ओ प्रावधान हटाबएके पक्षमे नहि छलथि ।
उच्च तहमे नियमावली संशोधन करबाक सहमति भेला बाद खनाल ओहिके प्रतिवाद करबाक अवस्थामे नहि अछि । आइजिपी खनाल आगामी फागुन धरि बढुवा खुलाबएके पक्षमे नहि छलथि । मुदा,.ग गृह मन्त्रालय आ उपरका निकायसँ नियमावली संशोधन करबक तैयारी भेला बाद ओ निरीह बनल उच्च स्रोत जनओलक अछि । गृहमन्त्री रामबहादुर थापा किछु कनिष्ट तथा विवादास्पद एसपीकेँ बढुवा करबालेल प्रहरी नियमावली संशोधन करबालेल सोमदिन मन्त्रिपरिषद्मे प्रस्ताव लऽ जाए लागल अछि ।
गृह मन्त्रालय गत आसिन २१ गते ११ गोटे एसएसपीकेँ डिआइजीमे बढुवा सिफारिस कएने छल । जेठमे चारि गोटे एसएसपी अनिवार्य अवकाश प्राप् कएला बाद एखन १५ गोटे एसएसपीके पद रिक्त अछि । नेपाल प्रहरीके प्रवक्ता उत्तम सुवेदीके अनुसार बढुवासम्बन्धी चारि वर्षक नियमावलीके कारण लम्बा समय पद रिक्त रहलासँ निचका तहमे कार्यरत प्रहरी धरिक बढुवा रोकलगेलासँ नियमावली परिवर्तन करए जा रहल अछि ।
नियमावली बाधक बनल कहैत प्रहरी प्रधान कार्यालय एसएसपी बढुवाके सिफारिस नहि कएने छल । बढुवाके सूचीमे रहल अधिकांश एसपीके चारि वर्ष सेवा अवधि पहुँचल नहि अछि । बढुवामे चलखेल नहि भेल वरिष्ठताक आधारमे श्याम जवाल, सन्दीप भण्डारी, गणेश रेग्मी, टेकप्रसाद राई, बुद्धि गुरुङ, उमेश जोशी, रामदत्त जोशी, नरेन्द्र उप्रेती, मीरा चौधरी, किरण बज्राचार्य, पोषराज पोखरेल, नवराज भट्ट, कुवेर कडायत, उमेश जोशी आ रवीन्द्र रेग्मी एसएसपीमे बढुवा होएत ।
बढुवामे किछु कनिष्ट एसपी नेकपा उच्च नेता, गृहमन्त्री थापा आ हुनका निकटके व्यक्तिसँग नजदिकी बढाबए लगला बाद प्रहरी मुख्यालय सेहो हच्कल अछि । नियमावली संशोधन भेला बाद तस्करीमे संलग्न, गुन्डा नाइकेसँग रहैत आएल आ शक्तिकेन्द्रक गेट तोडएबला एसपीसभकेँ बढुवा होबएके रास्ता खुजत । नेपाल प्रहरीके सरुवाबढुवा प्रहरी प्रधान कार्यालयसँ होएबाक चाही । पछिला समय सामान्य सरुवाबढुवा तथा प्रहरीसँग सम्बन्धित अन्य महत्त्वपूूर्ण काजमे गृह मन्त्रालय आ गृहमन्त्री नजदिकक व्यक्तिके चलखेल बढला बाद प्रहरीके चेनअफ कमान्ड कमजोर बनैत गेल अछि ।

Read More »

पत्रकार उपर अपशब्द प्रयोग कएने मन्त्री साहके स्वीकारोक्ति

जनकपुरधाम पुस १७ गते । अपन पदीय मर्यादाकेँ ख्याल नहि कऽ देशक चारिम अंगके रुपेँ रहल पत्रकारकेँ जुत्तासँ मारए पडत कहि निकृष्ट अभिव्यक्ति देन्हिार प्रदेश २ क सामाजिक विकास मन्त्री नवलकिशोर साह अपन गल्ती स्वीकार कएलन्हि अछि । राजपा नेपालसँ मन्त्री बनल साह पत्रकारकेँ जुत्तासँ मारए पडत कहि देने अभिव्यक्तिप्रति गल्ती स्वीकार कएला बादो माफी नहि माँगि कऽ उन्टे पत्रकारकेँ धम्की देने छथि ।
रविनि गृहजिल्ला सप्तरी पहूँचल मन्त्री साहकेँ स्थानीय पत्रकार प्रदेश २ क राजधानीमे घर रहल किछु प्रदेश सांसद घरभाडा लेने विषयमे जिज्ञासा रखला बाद मन्त्री साह पत्रकारकेँ जुत्तासँ मारए पडत कहि निकृष्ट अभिव्यक्ति देने छलथि । मन्त्री साहके अभिव्यक्ति बाद व्यापक आलोचना होबए लगला बाद ओ सोमदिन एक प्रेश विज्ञप्ती जारी करैत गल्ती स्वीकार कएलन्हि अछि । मुदा माफी सेहो नहि माँगि कऽ उन्टे पत्रकारकेँ घुमौवा शैलीमे धम्की देलन्हि अछि ।
मन्त्री साह जारी कएने विज्ञप्तिमे कहलगेल अछि “पत्रकारकेँ हमर अपशब्दके प्रयोगसँ संचारकर्मी मित्रसभ तथा संचारमाध्यमसभके मर्यादामे ठेंस पहूँचलाक कारणेँ हम अपन शब्द जहिनाके तहिना फिर्ता लैत छी ।”
विज्ञप्तीमे उल्लेख अछि ‘हमर मनसाय कोनो संचारकर्मी मित्र तथा संचार माध्यमके भावनामे ठेंस पहुँचाबएके नहि रहल स्पष्ट करए चाहैत छी ।’ सँगहि आब उपरान्त सञ्चारकर्मी मित्रसभ सेहो किनको चरित्रहत्या होबएके किसीमक तथा भागवनामे ठेंस पहुँचाबएजँका समाचार सम्प्रेशन नहि करबालेल आग्रह कएलन्हि अछि । अतेक बात उल्लेख कऽ कऽ पत्रकारकेँ उपदेश देला बादो मन्त्री साह ‘पत्रकारकेँ जुत्तासँ मारए पडत ’ घोर आपत्तिजनक शब्द उच्चारण कएलापर एक शब्दमे सेहो माफी माँगए नहि चाहैत छथि ।

Read More »
1 11 12 13 14 15 45