News

प्रचण्डके दाउमे फँसि रहल ओली

काठमाण्डू पुस २ गते ।दु तिहाइके दम्भ देखा कऽ सरकारमे रहल प्रधानमन्त्री केपी शर्मा ओली पार्टी भितर अल्पमतमे जाएके सम्भावना बढल अछि । दोसर अध्यक्ष प्रचण्ड पूर्व एमाले नेताकेँ प्रयोग कऽ कऽ ओलीकेँ अल्पमतमे बनाबए सक्रिय रहल नेकपा निकट स्रोत जानकारी देलक अछि । ओलीकेँ अल्पमतमे पारए प्रचण्ड नेतासभ झलनाथ खनाल आ वामदेव गौतमकेँ प्रयोग कऽ रहल अछि । प्रधानमन्त्री ओलीके सहयोगीसभ राणाकालीन चाकडीबाजके हैसियतमे रहलासँ एहन अवस्था आएल एक नेता बतओलन्हि । सरकारमे सामेल कतेको मन्त्रीसभ गैरजिम्मेवार अभिव्यक्ति आ गतिविधिसँ सेहो ओलीकेँ अल्पमतमे पहुँचाबएमे भूमिका निर्वाह कऽ रहल ओहि नेताके कहब छन्हि ।
सरकारक मन्त्रीमेसँ सञ्चारमन्त्री गोकुल बाँस्कोटा, गृहमन्त्री रामबहादुर थापा, भौतिक पूर्वाधार तथा यातायातमन्त्री रघुवीर महासेठ एखन सभसँ अधिक विवादास्पद भूमिकामे देखलगेल अछि । वाइड बडी खरिदमे विवादमे तानलगेल रवीन्द्र अधिकारी सेहो ओलीके साख गिराबएबला मन्त्री छथि । मन्त्रीसभक गैरजिम्मेवारी आ सल्लाहकारके संकीर्ण घेराके कारण ओलीविरुद्ध पार्टीभितर जनमत बनैत गेल अछि । याह कारण कोनो समय बहुत नजदिकी आ सहयोगी भेल सचिवालय सदस्य वामदेव गौतम ओलीके कित्तासँ बाहर भेल छथि । एम्हर, ओलीकेँ गलत काजमे सहयोग कएने कहैत प्रचण्डक सहयोगी मानलगेल नारायणकाजी श्रेष्ठ सेहो प्रचण्डसँ दुरी बनओने छथि ।
गत सप्ताह ओली आ प्रचण्डप्रति विमति जनबैत नेतासभ माधवकुमार नेपाल, झलनाथ खनाल, वामदेव गौतम आ नारायणकाजी श्रेष्ठ सचिवालय बैठक बहिष्कार कएने छलथि । ओसभ ओली पार्टी आ सरकार विधान आ विधिअनुसार सञ्चालन नहि कएने आरोप लगओने अछि । माधव नेपाल आ नारायणकाजीके सेहो असन्तुष्टि प्रयोग कऽ कऽ प्रचण्ड ओली शासन बिदाइके अभ्यास करए लागल नेकपाक एक नेता बतओलन्हि ।
नेकपा स्रोतक अनुसार ओलीकेँ अल्पमतमे रखबालेल अध्यक्ष प्रचण्ड भितरी रुपेँ लागल अछि । ओ ओलीके कार्यशैली आ सरकार सञ्चालनप्रति असन्तष्ट होइत आएल अछि । मुदा बाहर किछु प्रकट नहि कएला बादो स्थायी समितिमे ओलीकेँ अल्पमतमे राखि कऽ अपन पल्ला भारी बनाबएके कसरतमे छथि । माधव नेपाल आ नारायणकाजीके सेहो असन्तुष्टि प्रयोग कऽ कऽ प्रचण्ड ओली शासन बिदाइके अभ्यास करए लागल नेकपाक एक नेता बतओलन्हि ।
ओ नेपालसँग सेहो एहि विषयमे मोर्चाके प्रयास शुरु कएने अछि । ओलीकेँ बिदाइ कऽ कऽ माधव नेपाल आ प्रचण्ड पार्टी आ सत्ता बाँडफाँटके आन्तरिक प्रयास कएलन्हि अछि । एहिमे झलनाथ आ वामवदेव गौतमके सेहो साथ लेबएके प्रयास भऽ रहल अछि । वरिष्ठ नेता झलनाथ खनाल गत सप्ताह पूर्वमाओवादी निकट आधा दर्जन केन्द्रीय सदस्यसँग अपने निवास डल्लुमे करिब अढाइ घन्टा छलफल कएलन्हि अछि । ओलीके ज्यादती बढ्ैत गेल कहैत खनाल सहयोग करबालेल अनुरोध कएने बुझबामे आएल अछि ।
सचिवालय सदस्य गौतम सेहो प्रचण्डके हाथ मनबुत बनएबाक कहैत सहयोग करबालेल पूर्व माओवादीक स्थायी समिति सदस्यसँग छलफल तीव्र कएने छथि । ओ पूर्व माओवादी सदस्यसँगक सल्लाह अनुसार स्थायी समितिके बैठकमे अलगे १६ पेज प्रतिवेदन पेस कएलन्हि । ओहि प्रतिवेदनमे गौतम प्रधानमन्त्री आ पार्टी अध्यक्ष एकहि गोटे नहि हएबाक कहैत घुमौवा शैलीमे पार्टी सत्ताके नेतृत्व प्रचण्डकेँ देबए परबामे जोड देलन्हि अछि ।
ओ प्रतिवेदनके एक अंशमे कहने छथि ‘एखन धरिक अनुभवके आधारमे प्रधानमन्त्री पार्टी अध्यक्षके कार्यकारी भूमिका सफलतापूर्वक निर्वाह करबालेल अनुकूलता नहि देखलगेल । तसर्थ अध्यक्ष प्रधानमन्त्री प्रभावकारी रुपेँ सरकार सञ्चालन करबातर्फ ध्यान अधिक देबाक आ आ प्रधानमन्त्री नहि भेल अध्यक्ष प्रभावकारी रुपेँ पार्टी सञ्चालनमे अधिक ध्यान देबएके व्यवस्था करबाक अछि । कोनो कमिटीके अध्यक्षता करबालेल दुनु अध्यक्षक अनिवार्य उपस्थितिके व्यवस्था अन्त करबाक । आब दृढतापूर्वक सम्पूर्ण पार्टी कमसँकम एक व्यक्ति एक प्रमुख जिम्मेवारी लागू करबाक ।’

Read More »

मन्त्री महासेठकेँ स्थायी कमिटीसँ हटाबए नेकपा नेताके निवेदन

जनकपुरधाम पुस २ गते । भौतिक पूर्वाधार तथा मन्त्री रघुवीर महासेठकेँ विधान विपरीत नेकपाके स्थायी कमिटी सदस्य बनाओलगेल कहैत हुनका ओहि पदसँ हटाबएलेल निवेदन परल छैक । धनुषा क्षेत्र नम्बर ४ सँ निर्वाचित सांसद सेहो रहल महासेठक स्थायी कमिटी सदस्य पद बदर करबालेल धनुषा निवासी नेकपाक केन्द्रीय सदस्य श्रीप्रसाद साह केन्द्रीय कार्यालयमे निवेदन देलन्हि अछि । नेकपाके विधानअनुसार स्थायी कमिटी सदस्य होबए कमसँकम एक कार्यकाल पोलिटव्यूरो सदस्य रहल होबए परबामे महासेठ एखनधरि पोलिटव्यूरो सदस्य नहि बनलासँ हुनका स्थायी कमिटी सदस्य बनाएब विधान विपरीत रहल निवेदनमे उल्लेख अछि । पार्टी अध्यक्ष आ महासचिवकेँ सम्बोधन कऽ कऽ दर्ता कएलगेल निवेदनमे महासेठक स्थानमे मधेशसँ प्रतिनिधित्व कएन्हिार धर्मनाथ साह, नागेन्द्र चौधरी, बैजनाथ चौधरी, सत्रुघन महतो, लालबाबु पण्डित, योगनारायण यादव, बंशीधर मिश्रमेसँ स्थायी कमिटी सदस्य बनाबएलेल माँग कएलगेल अछि ।
निवेदनमे कहलगेल अछि ‘पार्टीके अन्तरिम विधान अनुसार अपेक्षित योग्यता नहि रहलासँ भूल आ असावधानीवश पार्टी स्थायी कमिटी सदस्य बनलप्रति हुनकर मनोनयन प्रारम्भसँ रद्द करए पडत ।’

Read More »

क्याम्पसके तालावन्दी खुजल, क्याम्पस प्रमुखकेँ कारिमसि पोतलगेल

जनकपुरधाम पुस २ गते ।महिनोसँ जनकपुरधामक रामस्वरुप रामसागर बहुमुखी क्याम्पसमे लागल तालाबन्दी प्रहरी खोललक अछि । महिनोधरि विद्यार्थीसभ ताला खोलए नहि मानला बाद प्रहरी ताला खोलए लगओने छल । एम्हर अपनेसभ ताला खोलए नहि मानला बाद प्रहरी बल प्रयोग कऽ कऽ ताला खोलने विद्यार्थीसभक कहब अछि । ताला खोलएके क्रममे विद्यार्थीसभ उपर प्रहरी हाथपात सेहो कएने हुनकर कहब छन्हि । नियमित पढाईके माँग करैत विद्यार्थीसभ किछु महिना आगा क्याम्पस प्रमुखके कार्यालयमे तालाबन्दी कएने छल । समस्या समाधान करबालेल सोमदिन प्रहरीके रोहबरमे वार्ता हएबाक बताओलगेल अछि ।
वार्तामे क्याम्पस प्रमुख विजयलाल दास, सहायक क्याम्पस प्रमुख रामनरेश ठाकुर सहितक पदाधिकारीसभ तथा विद्यार्थीसभक सहभागिता रहबाक राष्ट्रिय विद्यार्थी संघ राराव ईकाई कमिटीक अध्यक्ष दिनेश यादव बतओलन्हि । क्याम्पस प्रमुखकेँ कारिमसि राजपा निकट राष्ट्रिय विद्यार्थी संघक विद्यार्थीसभ जनकपुरधामस्थित रामस्वरुप रामसागर बहुमुखी क्याम्पसके प्रमुख विजयलाल दासकेँ कारिमसि पोतने छल । रविदिन राराब क्याम्पसके प्रमुख दासउपर कार्यकक्षमे रहल समय राष्ट्रिय विद्यार्थी संघक अगुवाईमे कारिमसि पोतने छल । संघ लम्बा समयसँ १९ सुत्रीय माँग रखैत पढाईके माँग करैत आन्दोलन करैत गेल अछि । क्याम्पस प्रमुख दास वास्ता नहि कएने कहैत आक्रोसित विद्यार्थीसभक समुह कार्यकक्षमे पसि कऽ कारिमसि पोतने विद्यार्थीसभ बतओलन्हि अछि ।

Read More »

स्थायी कमिटी बैठक विवादरहित बनाबए प्रचण्ड सक्रिय

काठमाण्डू २९ गते ।सत्तारुढ दल नेपाल कम्युनिष्ट पार्टी (नेकपा) क स्थायी कमिटी बैठक शनिदिन दुपहर १ बजे बैसए जा रहल अछि । बैठक पार्टी केन्द्रीय कार्यालय धुम्बराहीमे बैसत । ओहिसँ आगा प्रधानमन्त्री निवास बालुवाटारमे भिन्सर ११ बजेके लेल सचिवालय बैठक बजाओलगेल अछि । सचिवालय बैठक स्थायी कमिटीके एजेण्डा विषयमे अवधारणा तैयार करबाक जनाओलगेल अछि । अध्यक्ष केपी ओली खास कऽ सरकारक उपलब्धी, एकता बादक पार्टीके अवस्था आ आगामी कार्यभार सहितक विषयमे दस्तावेद लाबएके तैयारीमे अछि ।
ओहिकेँ आवश्यकताअनुसार परिमार्जन करबालेल आ सभकेँ स्वीकार्य बनाबए पहलमे प्रचण्ड जुटल छथि । किछु दिन आगाके बैठकमे बैठक बहिष्कार कएने ४ शीर्ष नेता उठओने माँग आ पार्टीकेँ विधिसम्मत ढंगसँ सञ्चालन कऽ कऽ कोना कऽ सुदृढ बनाबएके विषयमे दस्तावेज केन्द्रीत हएबाक बताओलगेल अछि ।
बैठक बहिष्कार कएन्हिार चारि गोटे शीर्ष नेता सरकारकेँ संस्थागत ढंगसँ कोना कऽ सञ्चालन कएल जा सकैत अछि सहितक एजेण्डा उठबैत आएल अछि । ओसभ सरकार आ पार्टी नेतृत्वबीच समन्वयके अभाव रहल कहैत पार्टीके निर्देशनमे सरकार चलए पडत अडान लैत आएल छथि । हुनकासभक एजेण्डामे अध्यक्ष प्रचण्ड सेहो सकारात्मक देखलगेल श्रोतक दाबा अछि ।

Read More »

नेपाल आ अमेरिकाबीच १७ वर्षक बाद उच्चस्तरीय भ्रमण

काठमाण्डू २९ गते ।नेपाल आ संयुक्त राज्य अमेरिकाबीच करीव १७ वर्षक बाद उच्चस्तरीय भ्रमण तय भेल अछि । अमेरिकी विदेश मन्त्री माइक पम्पिआके मैत्रीपूर्ण निमन्त्रणामे परराष्ट्रमन्त्री प्रदीप ज्ञवाली औपचारिक भ्रमणके लेल रविदिन वासिङ्टन डिसी प्रस्थान करए जा रहल छथि । नेपाल आ अमेरिकाबीच उच्चस्तरीय औपचारिक भ्रमण आदान प्रदान नहि भेल १७ वर्ष पहुँचल अछि । सन् २००२ मे तत्कालिन अमेरिकी विदेशमन्त्री कोलिन पावेल नेपाल भ्रमणमे आएल छलथि । ओहिसँ एम्हर दुनु देशक अधिकारीसभ े औपचारिक भ्रमण नहि भेल छल ।
यद्यपी केपी ओली प्रधानमन्त्री रहल समय परराष्ट्रमन्त्री कमल थापा तत्कालिन अमेरिकी विदेशमन्त्री जोन केरीसँग भेंटवार्ता कएने छलथि । एहि बेरक परराष्ट्रमन्त्री ज्ञवालीके भ्रमण करीव दु दशकके बीचमे सभसँ उच्चस्तरके औपचारिक कार्यक्रम रहल परराष्ट्र मन्त्रालयके अधिकारीसभ बतओलन्हि अछि । दुनु देशक विदेशमन्त्रीसभबीच डिसेम्बर १८ मे भेंटवार्ता तय भेल स्रोत जनओलक अछि । मन्त्रीस्तरीय वार्तामे क्षेत्रीय आ अन्तर्राष्ट्रिय सम्बन्धके सँगहि नेपालके चाखिके उपर सेहो छलफल हएबाक बताओलगेल अछि ।
भ्रमणके क्रममे नेपाल आ अमेरिकाबीचक ब्यापार सम्बन्ध आ पछिला समय भोगए परल समस्याके समाधानक विषयमे सेहो छलफल हएबाक स्रोत जनओने अछि । परराष्ट्रमन्त्री ज्ञवालीसँग,अर्थ,गृह सहित सम्बन्धित मन्त्रालयके सहसचिवसभ सेहो अमेरिका जा रहल छथि । स्रोतक अनुसार नेपाल आ अमेरिकाबीच द्धिपक्षीय परामर्श संयन्त्र (बीसीएम) के पहिल बैठक सेहो आयोजना होबए जा रहल अछि । बैठकके नेतृत्व परराष्ट्र सचिव शंकरदास बैरागी करताह । परराष्ट्रमन्त्रीके औपचारिक भ्रमण तालिकाके जानकारी मन्त्रालय नहि कराओेन अछि ।

Read More »

कांग्रेसमे पदाधिकारी विषयमे सहमति नहि जुटल

काठमाण्डू २९ गते ।नेपाली कांग्रेसमे महासमिति बैठकके पछिला दिन धरि पदाधिकारी विषयमे सहमति नहि जुटि सकल अछि । मुदा, केन्द्रीय कार्यसमितिके बैठक राजनीतिक, सांगठनिक आ आर्थिक प्रतिवेदन पास कएलक अछि । दुपहर २ बजे बजाओलगेल कार्यसमितिके बैठक सहमति प्रयास जारी रहल कहैत लम्बा समय धरि नहि बसि सकल । एक पदाधिकारी कहलन्हि, ‘काल्हि महासमिति बैठक उद्घाटन होएत । ओहिके बाद आओर छलफल सुरु करब । विधानक विषयमे सहमतिके प्रयास सेहो जारी राखब ।’
मुदा, पार्टी सभापति शेबहादुर देउवा, वरिष्ठ नेता रामचन्द्र पौडेल आ महामन्त्री शशांक कोइराला अपन अपन प्रस्तावमे अडल छथि । देउवा उसपभापति, महामन्त्री आ सहमहामन्त्री २÷२ बनएबाक तथा पौडेल ३÷३ बनाबए लेल प्रस्ताव रखने छथि । महामन्त्री शशांक कोइराला पिरामिड शैलीमे उपसभापति २, महामन्त्री ३ आ सहमहामन्त्री ४ प्रस्ताव कएलन्हि । अन्त धरि सहमतिके प्रयास जारी रखबाक आ नहि भेल तऽ अपन अपन प्रस्ताव लऽ जएबाक नेतासभ बतओलन्हि । बैठक उपसभापति विमलेन्द्र निधिके राजनीतिक प्रस्ताव संशोधनसहित पास कएने अछि तऽ महामन्त्री शशांक कोइरालाके सांठगनिक आ कोषाध्यक्ष सीतादेवी यादवके आर्थिक प्रतिवेदन पास कएने अछि ।
केन्द्रीय कार्यसमितिके बैठक उपसभापति विजयकुमार गच्छदार नेतृत्वक तत्कालीन फोरम लोकतान्त्रिककेँ २०० महासमिति सदस्य देबएके निर्णय कएलक अछि । सँगहि १५० पर्यवेक्षक होएत । गच्छदार आम चुनावक पूर्वसंख्यामे पार्टी कांग्रेसमे विलय करओने रहथि । ओहि समयके सहमति अनुसार ओ उपसभापति रहला बादो आओर नेतासभकेँ कांग्रेस जिम्मेवारी नहि लेने अछि ।

Read More »

धनुषाधामके विकास होबए परबामे मन्त्री यादवके जोड

जनकपुरधाम २९ गते । उद्योग वाणिज्य तथा आपूर्तिमन्त्री मातृका यादव ऐतिहासिक धार्मिक स्थल धनुषाधामको विकास आ संम्बर्द्धन होबए परबामे जोड देलन्हि अछि । वर्षो पुरान रामायणकालीन महत्व रहल धनुषाधामके विकास आ संरक्षण सम्बर्द्धन अपेक्षाकृत रूपेँ नहि भऽ सकलप्रति मन्त्री यादव दुःख व्यक्त कएलन्हि । वर्षोधरि धनुषाधामके विकास नहि भऽ सकला बादो आब धनुषाधामके विकास किनको रोकलापर नहि रुकत मन्त्री यादवके कहब छलन्हि । धनुषाधामके एकिकृत विकासक लेल सम्पूर्ण सहयोग करबालेल अपने तैयार रहल हुनकर कहब छलन्हि ।
धनुषाधाम उद्योग वाणिज्य संघ, धनुषाधामके कार्यालय उदघाटन करैत मन्त्री यादव धनुषाधामके विकासक लेल भाषण कऽ कऽ मात्र नहि भऽ कऽ विकास कऽ जनताके भावनाकेँ कदर करबाक समय आएल बतओलन्हि । जनताकेँ विकासके अनुभूति होबएके योजना लाबि कऽ काज करबाले सरकारक दिससँ होबएबला सम्पूर्ण सहयोगक लेल अपने तैयार रहल ओ बतओलन्हि । कार्यक्रममे नेकपाका प्रदेश–२ क सांसद रामचन्द्र मंडल धनुषाधाम धार्मिक, ऐतिहासिक पुरान स्थान रहल उल्लेख कएलन्हि । जनकपुरक बाद धनुषा जिल्लाक प्रमुख धार्मिक स्थल धनुषाधामके विकासक लेल प्रदेश सरकार गम्भीर रहल हुनकर कहब छलन्हि । कार्यक्रममे नेकपाक प्रदेश सांसद किशोरी साह (कमल) धनुषाधामके विकासक लेल एतुका जनप्रतिनिधीसभक सक्रियता आवश्यक रहल बतओलन्हि ।

Read More »

आगिलगीमे १३ घर जरि कऽ नष्ट, ४० लाख बराबरके क्षति

राजविराज २९ गते ।सप्तरीके तिलाठी कोइलाडी गामपालिका ७ स्थित बभनगामामे शुक्रदिन साँझक समयमे आगिलगी भेलासँ ७ परिवारक १३ टा घर जरि कऽ नष्ट भेल छैक । आगिलागीसँ ४० लाख रुपैयाँबरावरके क्षति भेल प्रारम्भिक अनुमान कएलगेल छैक । आगिलागीमे किछु पशुके सेहो मृत्यु भऽ गेल अछि ।
तिलाठी कोइलाडी ७ क बिन्देश्वर साफीके घरसँ अचानक शुरु भेल आगिलगीसँ हुनकर तीनटा घरसहित पडोसीसभ सिकी साफी, प्रसाद साफी, प्रयाग साफी आ हनुमानी रजकके दु–दुटा घर जरि कऽ नष्ट भेल छैक । तहिना साफी आ छोटे साफीके एक–एकटा घर जरि कऽ नष्ट भेल तिलाठी कोईलाडी गामपालिकाका अध्यक्ष सतिशकुमार सिंह जानकारी देलन्हि । आगिलागीमे बिन्देश्वर यादवके घरमे रहल एक लाख रुपैयाँ सेहो जरि कऽ नष्ट भेल अछि । बैदेशिक रोजगारीमे रहल बेटा किछु दिन आगा घर बनएबालेल ओ पैसा पठओने छल ।
तहिना आगलागीमे गरगहना, लत्ताकपडा, खाद्यान्न सहितक सामग्री जरलासँ ४० लाख रुपैयाँ बराबरके क्षति भेल प्रारम्भिक अनुमान कएलगेल अछि । खेतमे काटि कऽ राखलगेल धान लाबए लेल परिवारक सभ सदस्य खेतमे रहल समय आगिलगी भेलासँ घरके कोनो सरसामान पीडितसभ नहि निकालि सकल । राजविराज आ हनुमाननगर कंकालिनी नगरपालिकाके बारुणयन्त्र, सशस्त्र आ नेपाल प्रहरी तथा स्थानीय बासिन्दाके सहयोगमे २ घण्टा बाद आगि मुझाओलगेल छल ।

Read More »

नुवाकोट बस दुर्घटना ः ३० गोटेके मृत्यु १६ सँ अधिक घायल

काठमाण्डू २९ गते ।नुवाकोटमे भेल मिनिट्रक दुर्घटनामे ३० गोटेके मृत्यु भऽ गेल अछि । दुर्घघटनामे १६ गोटेसँ अधिक घायल भेल अछि । ४६ गोटे सवार मिनिट्रक दुर्घटना भेलासँ ३० गोटेसँ अधिकके मृत्यु भेल दुप्चेश्वर गामपालिकाक उपाध्यक्ष अञ्जु आचार्य जानकारी देली अछि । मृतकके ंसंख्या विषयमे पुष्टि होबए बाँकी अछि । दुप्चेश्वर गामपालिका १ मे शिखरबेसीसँ घ्याङफेदीतर्फ जा रहल बा ३ ख ३९१३ नंबरके मिनिट्रक दुर्घटना भेल जिल्ला प्रहरी कार्यालय नुवाकोट जानकारी देलक अछि ।
दुर्घटनामे मृत्यु भेल व्यक्तिसभक शव स्थानीय वासिन्दा सहितक टोली उद्धारमे खटल जिल्ला प्रहरी कार्यालय नुवाकोटके प्रहरी नायव उपरीक्षक भीमलाल भट्टराई जानकारी देलन्हि । रिजर्व कऽ कऽ गेल मिनिट्रक सडकसँ खसलाक कारणेँ दुर्घटना भेल छल । रिजर्ब कऽ कऽ तामाङ आ शेर्पा समुदायके घेवामे जा कऽ घुरएके क्रममे मिनी ट्रक दुर्घटना भेल प्रहरी सहायक निरीक्षक गेनालाल यादव जानकारी देलन्हि ।
ट्रक सडकसँ करिब ४०० मिटर निचा खसल बताओलगेल अछि । घटनामे उद्धार करबामे ठन्डा मौसमके कारण कठिनाई भेल प्रमुख जिल्ला अधिकारी उद्धवबहादुर थापा जानकारी देलन्हि । उद्धारमे कठिनाई भेला बाद जिल्ला प्रशासन कार्यालय नुवाकोट हेलिकोप्टर सेहो मँगओने छल । रातिक समय आ ठन्डा मौसमके कारण आई भिन्सर धरि उद्धार कार्य चलत प्रमुख जिल्ला अधिकारी उद्धवबहादुर थापा बतओलन्हि ।

Read More »

नकली नागरिकता बनाबएबला गिरोह पुलिसक नियन्त्रणमे

जनकपुरधाम २९ गते । झोरामे जिल्ला प्रशासन कार्यालय धनुषा सञ्चालन कऽ नकली नागरिकता बनाबएके कार्यमे सक्रिय रहल एक गिरोह पकराएल अछि । जिल्ला प्रशासन कार्यालयके एक कर्मचारीके सहयोगमे ४ गोटे विगत ०६३÷६४ सालमे सरकार वितरण कएने नेपाली नागरिकताके टोलीके छाप तथा प्रशासनके अभिलेखके सकली डायरीके किछु कागजात, दर्जनो नेपाली नागरिकता आ डेढ लाख रुपैयाँसहित प्रहरी नियन्त्रणमे लेलक अछि ।
जनकपुर उपमहानगरपालिका वार्ड नम्बर–२० स्थित देवपुरा रुपैठा रहन्हिार ३१ वर्षीय रोशनकुमार चौधरी, धनुषाक औरही गामपालिका वार्ड नम्बर–५ रहन्हिार ४९ वर्षीया गंगा साह, रौतहटके दुर्गा भगवती गामपालिका वार्ड नम्बर–४ रहन्हिार हेमन्त कुमार पाण्डे आ जिल्ला प्रशासन कार्यालय धनुषामे सहयोगी पदमे कार्यरत्त ४२ वर्षीय महाविर मण्डलकेँ प्रहरी पत्रकार सम्मेलन कऽ प्रमुख जिल्ला अधिकारी प्रदीपराज कँडेलके उपस्थितिमे सार्वजनिक कएलक अछि ।
पकराएलमेसँ रोशनकुमार चौधरीके जनकपुरस्थित डेरामे सुराकीके आधारमे पुलिस छापा मारला बाद हुनकर कोठलीसँ विभिन्न व्यक्तिके दर्जनो नकली नेपाली नागरिकता, विवाह दर्ता, जन्मदर्ता, मृत्युदर्ता, बसाईसराईको प्रमाणसहितक विभिन्न ठेली, सादा नाम नहि भरल नेपाली नागरिकता, नेपाली नागरिकतामे साटएबला हेलोग्रामके लोगो, जिल्ला प्रशासन कार्यालयके छाप, प्रशासकीय अधिकृतके छाप, स्थानीय पञ्जिकाधिकारीके छाप, टोली प्रमुखके छाप, नगरपालिकाके छाप, वार्डअध्यक्षके छाप, नेपाली नागरिकता प्रमाणपत्रमे साटएबला हेलोग्राम, नागरिकता विवरणके ठेली, मोबाईल १ थान, १ लाख ५३ हजार रुपैयाँ नगद सेहो बरामद भेल प्रहरी नायब उपरिक्षक दिपेन्द्र शाही जानकारी देलन्हि ।
शाही धनुषा जिल्ला अदालतसँ सरकारी दस्तखतके छाप किर्ते आ नागरिकता मुद्दामे म्याद बढा कऽ अनुसन्धान कार्य भऽ रहल जनओलन्हि । प्रमुख जिल्ला अधिकारी प्रदीपराज कँडेल २०६३ मुलुकी फौजदारी, ऐन अन्तर्गत कारवाही हएबाक तथा संगठित अपराध मुद्दामे अनुसन्धान कऽ कारवाही प्रक्रिया आगा बढाओल जएबाक बतओलन्हि । ओ प्रशासनके कतेको कर्मचारीके मिलिभगतमे रहल आशंका व्यक्त करैत कर्मचारीसभ उपर सेहो छानविन कऽ कारवाही प्रक्रिया शुरु कएल जएबाक सेहो स्पष्ट कएलन्हि ।

Read More »
1 46 47 48 49 50 73