News

श्रीकृष्ण जन्माष्टमी आज

krishna janmashtami

भदौ १७ गते । भदौ कृष्ण अष्टमीका दिन आइतबार(आज) भगवान् श्रीकृष्णको आराधना गरी श्रीकृष्ण जन्मोत्सव मनाइँदैछ । द्वापर युगमा पिता वासुदेव र माता देवकीको कोखबाट भगवान् विष्णुको अवतारको रूपमा यसै दिन उहाँको जन्म भएको मानिन्छ । कर्म गर फलको आशा नगर भन्ने कृष्णवाणी मनन योग्य छ । सूर्य योगमा भगवान् रामको जन्म भएको मानिए जस्तै चन्द्र योगमा भगवान् कृष्णको जन्म भएको शास्त्रमा वर्णन गरिएको छ । चन्द्र योगको उत्तम वस्तु दुग्ध पदार्थ रहेकाले भगवान् श्रीकृष्णमा दही मखन रुचाउने स्वभाव रहेको ज्योतिषी डा. सुनिल सिटौला बताउनुहुन्छ । दही मखन चढाउँदा श्रीकृष्ण प्रशन्न हुनुहुन्छ भन्ने मान्यता छ । आफैँमा रसरङ र गोपिनीसँगको राशलिलासँग जोडिएको उहाँका अनेकौँ घतलाग्दा रोमाञ्चकारी प्रसङ्ग पुराणहरूमा पाइन्छ ।
ज्ञान कर्म र भक्तियोगका प्रणेताका रूपमा उहाँलाई पुजिन्छ । पाटनको कृष्ण मन्दिर, पशुपति मन्दिर परिसरको स्वेतवर्ण कृष्ण, गोठाटारको कृष्ण मन्दिर, हनुमानढोकाको कृष्ण मन्दिर लगायत सवै कृष्ण मन्दिरमा यो दिन मेला लाग्छ । कृष्ण प्रणामी र इस्कोन समुदायले बुढानीलकण्ठमा यसै अवसरमा उत्सव राखेका छन् । डिल्लीबजारको रामचन्द्र बहालमा टोलवासीले भगवान् श्रीकृष्णका चरित्र झल्कने तस्विर प्रदर्शन गर्दैछन् । गुह्येश्वरीका पुजारी हरिकृष्ण कर्माचार्यले पितापुर्खाले चलाइ आएको श्रीकृष्ण खटयात्रालाई कुमारीगाल र गुह्येश्वरीमा निरन्तरता दिँदै हुनुहुन्छ । धेरै वर्षदेखि रोकिएको यो यात्रा विगत केही वर्षयता निरन्तर चलिरहेको छ । यसै सिलसिलामा पाटन कृष्ण मन्दिरमा भक्तजनको सुविधाका लागि आवश्यक तयारी गरिएको छ । गुठी संस्थान पाटन शाखा कार्यालय प्रमुख शैलेन्द्र पौडेलका अनुसार श्रीकृष्णको मूर्ति र खराउमा भक्तजनले अर्चना गर्न सक्नेछन् ।

Read More »

चिकित्सकको एकहप्ते आन्दोलनका कार्यक्रम

काठमाडौँ, भदौ १७ गते । मुलुकी अपराध (संहिता)ले चिकित्सा पेशालाई अपराधीकरण गरेको भन्दै नेपाल चिकित्सक सङ्घले एकहप्ते आन्दोलनका कार्यक्रम सार्वजनिक गरेको छ ।विद्यमान अवस्थामा स्वास्थ्य सेवा सञ्चालन गर्न नसक्ने ठहर गर्दै सङ्घले आइतबार साङ्केतिक हड्ताल स्वरुप देशैभरिका सम्पूर्ण स्वास्थ्य संस्थामा आकस्मिक सेवा बाहेकका सम्पूर्ण स्वास्थ्य सेवा बन्द गर्ने निर्णय गरेको छ ।सङ्घका वरिष्ठ उपाध्यक्ष डा. ढुण्डीराज पौडेलले वर्तमान अवस्थामा चिकित्सकले स्वास्थ्य उपचार दिन नसक्ने भन्दै आन्दोलनको विकल्प नभएको जानकारी दिनुभयो ।सप्ताह व्यापी विरोधका कार्यक्रम सार्वजनिक गरेको भन्दै उहाँले सोमबारदेखि दिनहँु आन्दोलनका कार्यक्रम राखिएको बताउनुभयो ।यता नेपाल कम्युनिस्ट पार्टीका संसदीय दलका उपनेता सुवासचन्द्र नेम्वाङले आफू सङ्घको नेतृत्वसँग सम्पर्कमा रहेको जानकारी दिदै चिकित्सकका मागमा सरकार गम्भीर रहेको जानकारी दिनुभयो ।
शुक्रबारमात्र सङ्घका पदाधिकारीसँग मेरो भेटघाट भएको थियो, नेता नेम्वाङले भन्नुभयो, “मैले तत्काललाई आन्दोलन रोक्नुस्, म यो कुरा प्रधानमन्त्रीसँग पनि राख्छु भनेको छु ।”चिकित्सकका मागका विषयमा आफूले प्रधानमन्त्रीलाई जानकारी गराइसकेको बताउँदै उहाँले सरकार पनि यो विषयमा गम्भीर रहेको जानकारी दिनुभयो । चिकित्सकले उठाएका विषयलाई कसरी मिलाउन सकिन्छ भन्ने विषय प्रमुख रहेको भन्दै नेम्वाङले संसद्मा चारवर्षसम्म छलफल भएको विषयमा त्यो बेला यो विषय उठाइएको भए त्यही समय हल भइसक्थ्यो भन्नुभयो ।त्यो बेला चिकित्सकहरू पनि चुपचाप लाग्नुभएको स्मरण गराउँदै उहाँले थप्नुभयो, “सरकार यो विषयमा गम्भीर भएकोले अहिलेलाई चिकित्सक सङ्घले आन्दोलन रोक्नुपर्दछ ।”यता सङ्घले घोषणा गरेका आन्दोलनका कार्यक्रमहरुमा सोमबार देशभरका स्वास्थ्य संस्थाका प्रशासनिक कामहरू बन्द गर्ने, मङगलबार आकस्मिक बाहेकका अन्य अन्तरङग सेवामा विरामी भर्ना गर्ने कार्य बन्द गर्ने, बुधबारदेखि आकस्मिक सेवा बाहेकका अन्य शल्यक्रिया बन्द गर्ने घोषणा गरेको छ ।सङघका महासचिव डा. लोचन कार्कीले मुलुकी अपराध संहितालाई संशोधन गर्नका लागि १५ दिनको समयसिमा दिँदासमेत सरकारले बेवास्ता गरेको कारण आन्दोलन गर्नुपरेको प्रष्ट्याउनुभयो । डा. कार्कीले एकहप्ते कार्यक्रम अन्र्तगत विहीबारदेखि आकस्मिक सेवा बाहेकका ल्याव तथा रेडियोलोजी सेवाहरू बन्द गर्ने र शुक्रबारदेखि आकस्मिक बाहेकका ओपिडी लगायत सम्पूर्ण स्वास्थ्य सेवा बन्द गर्ने जानकारी दिनुभयो ।आइतबार मध्यान्ह १२ बजे एप्रोन सहित सम्पूर्ण चिकित्सकहरू जिल्ला प्रशासन कार्यालय काठमाडौँमा पुगेर विरोध गर्ने जानकारी दिइएको छ । महासविच डा. कार्कीले कानुन, न्याय तथा संसदीय मामिला मन्त्रालयले विवादित दफा तथा उपदफाहरूमा संशोधन तयार गरी संसद्मा पठाउने प्रतिबद्धता जारी गरे तापनि हालसम्म त्यसको सुनुवाई नगरेकोले आन्दोलन गरेको बताउनुभयो ।

Read More »

तीन बर्षपछि कृष्णमन्दिरमा दर्शन गर्न खुला

ललितपुर, भदौ १७ गते । पाटनको प्रसिद्ध कृष्ण मन्दिरमा आज बिहानैबाट भक्तजनको घुइँचो लागेको छ । श्रीकृष्ण जन्माष्ठमीका अवसरमा काठमाडाँै उपत्यकाका अधिकांश स्थान र उपत्यका नजिकका जिल्लाबाट दर्शनार्थी यहाँ आउन थालेका छन् ।विसं २०७२ को भूकम्पपछि यो वर्ष मात्रै दर्शनार्थीले मन्दिरभित्र गएर माथिल्लो तलामा रहेको कृष्णको मन्दिरमा दर्शन गर्न पाएका हुन् । भूकम्पबाट क्षति पुगेपछि तीन वर्षसम्म मन्दिरमा पूजारीले पूजा गर्नेबाहेक सर्वसाधारणले भित्र गएर दर्शन गर्न नपाएको पाटन स्मारक संरक्षण तथा दरबार हेरचाह कार्यालयका प्रमुख काजीमान प्याकुरेलले बताउनुभयो । उहाँले भन्नुभयो, “हामीले कृष्णाष्ठमीमा खुल्ला गर्नका लागि केही दिन पहिले मात्रै निर्माण सम्पन्न गरेका थियौँ ।’कृष्णाष्ठमीका दिनमा वर्षेनी राष्ट्रप्रमुख दर्शनका लागि यहाँ आउने गर्नुभएको छ । राष्ट्रपति विद्यादेवी भण्डारी आज दिउँसो २।३० बजे यहाँ आउनु हुने कार्यक्रम तय भएको छ । मन्दिरमा दर्शनका लागि आउने विशिष्ठ पाहुना र दर्शनार्थीको भीडलाई हेरेर सुरक्षा व्यवस्था मजबुत बनाइएको महानगरीय प्रहरी परिसर ललितपुरका प्रवक्ता प्रहरी नायब उपरीक्षक नरेन्द्र चन्दले बताउनुभयो ।बिहान २÷३ बजेबाट नै दशनार्थी मन्दिर आइपुगेका थिए । बिहानीपखबाट भीड बढ्दै गएको चन्दले बताउनुभयो । एक पटकमा ८÷१० जनासम्म दर्शनार्थीभित्र जाने गरी व्यवस्था मिलाइएको छ । उहाँले भन्नुभयो, “बिहानसम्म एक÷दुई घण्टामा फर्कन मिल्ने थियो, भीड बढ्दै जाँदा दर्शन गर्न बढी समय लाग्ला ।” गाबहालदेखि सुन्धारासम्म सवारी साधन चल्न दिइएको छैन ।नेपाल प्रहरीसँगै नेपाल स्काउट र विभिन्न सङ्घ–संस्थाका स्वयंसेवक दशनार्थीको सहयोगका लागि खटिएका छन् । दर्शनार्थीलाई स्वास्थ्य समस्या आउँदा तत्काल उपचारका लागि स्वास्थ्य संस्था यस क्षेत्रमा खटिएका छन् ।
मन्दिर पुनःनिर्माणको क्रममा धेरै निर्माण सामग्री पुरानै प्रयोग भएको दरबार हेरचाह कार्यालयका प्रमुख प्याकुरेलले बताउनुभयो । यहाँ भएका फुटेर वा मक्किएर प्रयोग गर्न नमिल्ने अवस्थामा भएका सामग्रीबाहेक अरुलाई मर्मत गरेर प्रयोगमा ल्याइएको छ ।
विश्व सम्पदा सूचीमा सूचीकृत पाटन दरबार क्षेत्रमा रहेका स्मारकमध्ये कृष्ण मन्दिरलाई महत्वपूर्ण मानिन्छ । ढुङ्गै–ढुङ्गाले बनेको कृष्ण मन्दिरलाई शिखर शैलीको उत्कृष्ट नमूनाका रूपमा मानिन्छ । मन्दिरमा २१ गजुर रहेका छन् ।१७औँ शताब्दीमा पाटनका राजा सिद्धिनरसिंह मल्लले यो मन्दिरको निर्माण गर्न लगाएका थिए । उनले कृष्ण मन्दिर बनाउनेसँगै कृष्ण लीलामा आधारित नाच सञ्चालन गरेका थिए । जसलाई कात्तिक नाच पनि भनिन्छ । कृष्ण मन्दिर तीन तला रहेको छ । बीचको तलामा कृष्णको मूर्ति रहेको छ । मूर्तिको वरिपरि बिष्णुका १० अवतार मूर्ति छन् । मन्दिरका थामहरुमा विभिन्न देवी–देवताको मूर्ति कुँदिएको छ ।

Read More »

शीर्ष नेताको उद्घाटन मन्तव्यः भाषाको समस्यादेखि चुनावी भाषणसम्म

bimstec sammelan P M addresing_bikash dware

काठमाडौं, भदौ १५ गते । विहीबारबाट शुरु भएको बिमस्टेक चौथो शिखर सम्मेलनका क्रममा भाषाका कारण सञ्चारकर्मीले समस्या भोग्नु प¥यो ।
सम्मेलनको उद्घाटन सत्रमा बंगलादेशकी प्रधानमन्त्री शेख हसिना वाजेद , प्रधानमन्त्री के.पी. शर्मा ओली र भूटानको अन्तरिम सरकारका प्रमुख सल्लाहकार छिरिङ्ग वानचुकले अंग्रेजीमा सम्बोधन गर्नु भएको थियो भने अन्य सरकार प्रमुख तथा राष्ट्र प्रमुखले आआफ्नो राष्ट्रिय भाषामा सम्बोधन गर्नुभएको थियो ।
सम्मेलनको सभाहल भित्र दोभाषेको प्रयोग गरिएको भए पनि मिडिया सेन्टरमा बसेका पत्रकार तथा प्रत्यक्ष प्रशारण हेरि रहेका दर्शकलाई भने भाषाले निकै समस्या बनायो ।
परराष्ट्र मन्त्रालयले पनि सम्बन्धित देशका प्रतिनिधिसँग उहाँहरूको मन्तव्यको अंग्रेजी अनुवाद माग्दा पछि उपलब्ध गराउने जानकारी गराएको मन्त्रालयका सहप्रवक्ता रामबाबु ढकालले जानकारी दिनुभयो ।

सार्कलाई धेरैले सम्झिएनन्
विमस्टेकको शिखर सम्मेलन भई रहेका बेला अर्को क्षेत्रीय संगठन दक्षिण एशियाली क्षेत्रीय सहयोग संगठन (सार्क) को कसैले स्मरण गरेनन् । तर प्रधानमन्त्री के.पी शर्मा ओलीले भने सार्कको स्मरण गर्नुभयो । शिखर सम्मेलनलाई सम्बोधन गर्दै प्रधानमन्त्री ओलीले भन्नुभयो, “विमस्टेक सार्कको विकल्प होइन यो पर्याय बन्न सक्छ ।”

शेख हसिनाको चुनावी भाषण
विमस्टेक शिखर सम्मेलनमा मन्तव्यको क्रममा बंगलादेशकी प्रधानमन्त्री शेख हसिना वाजेदले मन्तव्यमा विमस्टेकसँग सम्बन्धि विषयवस्तु निकै कम थियो ।
उहाँले अधिकांश समय बंगलादेशमा के भई रहेको छ र के गर्ने सोच छ भन्ने कुरामा बिताउनुभयो ।
मन्तव्यको शुरुमा उहाँले शिखर सम्मेलन अगष्ट महिनामा परेको र १९७५ को अगस्टमा पितासहित परिवारका १७ जनाको हत्या भएको स्मरण गर्दै निकै भावुक हुनुभयो ।
साथै मन्तव्यका क्रममा आफूहले बंगलादेशमा समाजिक सुरक्षाको रकम छुट्याएको कुरादेखि देशभर इन्टरनेको पहुँच वितारको चर्चा गर्नुभयो । बंगालदेशमा हुन लागेको निर्वाचनका कारण पनि उहाँको भाषण आन्तरिक विषयमा केन्द्रित भएको अनुमान गर्न सकिन्थ्यो ।

मोदीका अफरै अफर
शिखर सम्मेलनका क्रममा भारतीय प्रधानमन्त्री नरेन्द्र मोदीले विमस्टेकसँग जोडेर आगमी दिनमा भारतले गर्न लागेका झण्डै एक दर्जन कार्यक्रमको सूची प्रस्तुत गर्दै ती कार्यक्रममा सहभागी हुन सबैलाई निमन्त्रणा गर्नुभयो ।
बिमस्टेकका युवा पुस्तालाई प्रोत्साहन गर्न बिमस्टेक युवा सम्मेलन, बौद्ध धर्मलम्वीको अन्तर्राष्ट्रिय सम्मेलन, बिमस्टेक वाटर स्र्पोटदेखिे खाडी क्षेत्रको कला, संस्कृति कानुनका विषयमा अध्ययन अनुसन्धान गर्न भारतमा सेन्टर फर बे अफ बंगाल स्टडिज स्थापना गरिने जानकारी दिनुभयो । त्यस्तै उहाँले यस क्षेत्रका महिला सांसदहरूको भेला पनि आयोजना गर्ने योजना सुनाउनुभयो ।
वानचुकले बाजपेयीलाई सम्झिए
शिखर सम्मेलनलाई सम्बोधन गर्दै भूटनी अन्तरिम सरकारका प्रमुख सल्लाहाकार छिरिङ्ग वानचुकले भारतका पूर्व प्रधानमन्त्री अटल विहारी वाजपेयीको स्मरण गर्नुभयो । उहाँले भन्नुभयो, ‘हामी शिखर सम्मेलन गरिरहँदा भारतका महान नेता तथा यस क्षेत्रका उच्च राजनेता अटल विहारी बाजपेयीजीको निधन भएको छ ।’ ‘उहाँले आफ्नो देशको सेवाका साथै यस क्षेत्रमा मित्रता र सहयोग अभिवृद्धिमा योगदान दिनु भएको थियो ।’

Read More »

बिम्स्टेक शिखर सम्मेलन आज

काठमाडौँ-  बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को चौथो शिखर सम्मेलन आज अपराह्न एक विशेष समारोहका बीच राजधानी आरम्भ हुँदैछ ।
प्रधानमन्त्री एवं बिम्स्टेकका अध्यक्ष केपी शर्मा ओलीले सम्मेलन उद्घाटन गर्नुहुने कार्यक्रम छ । सम्मेलनमा बङ्गलादेशका प्रधानमन्त्री शेख हसिना, भुटानको अन्तरिम सरकारका प्रमुख सल्लाहकार एवं प्रधानन्यायाधीश ल्योन्पो छिरिङ वाङचुकले भाग लिँदै हुनुहुन्छ । सम्मेलनमा भारतका प्रधानमन्त्री नरेन्द्र मोदी, म्यान्माका राष्ट्रपति विन मिन्त, श्रीलङकाका राष्ट्रपति मैत्रीपाला सिरिसेना र थाइल्याण्डका प्रधानमन्त्री प्रयुत चान ओ चाले भाग लिनुहुने छ ।
शिखर बैठकको प्रारम्भसँगै अध्यक्ष ओलीपछि सदस्य देशका राष्ट्राध्यक्ष एवं सरकार प्रमुखले वर्णानुक्रमअनुसार सम्बोधन गर्नुहुने छ । सम्मेलनमा भाग लिन थाइल्याण्ड र बङ्गलादेशका प्रधानमन्त्रीबाहेक अन्य देशका विशिष्ट अतिथि काठमाडौँ आइसक्नु भएको छ । उहाँहरू केही घण्टाभित्रै राजधानी आइपुग्ने कार्यक्रम रहेको परराष्ट्र मन्त्रालयले जनाएको छ । काठमाडौँ घोषणापत्र जारी गर्दै भोलि अपराह्न शिखर सम्मेलन समापन हुनेछ । सम्मेलन समाप्तिसँगै बिम्स्टेकको अध्यक्षता श्रीलङ्काले गर्ने छ ।
Read More »

बिम्स्टेक मन्त्रीस्तरीय बैठक बस्दै

PRO_KTM_BIMSTEC

काठमाडौँ, भदौ  १३ गते ।  बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को १६औँ मन्त्रीस्तरीय बैठक आज बिहान बस्दैछ । परराष्ट्रमन्त्री प्रदीपकुमार ज्ञवालीको अध्यक्षतामा हुने उक्त बैठकमा सदस्य देशका परराष्ट्र/बाह्य मामिला/विदेशमन्त्रीले सम्बोधन गर्नुहुने कार्यक्रम छ । परराष्ट्र मन्त्रालयका अनुसार बैठकमा बिम्स्टेकका महासचिवको प्रतिवेदन भोलिदेखि शुरु हुने शिखर सम्मेलनको तयारी, मङ्गलबार सम्पन्न बिम्स्टेकका वरिष्ठ पदाधिकारीको १९औँ बैठक तथा विशेष बैठकका प्रतिवेदन पेश हुनेछन् ।त्यसैगरी बिम्स्टेक सम्मेलन तथा समझदारीपत्रको तयारी, चौथो शिखर सम्मेलन र काठमाडौँ घोषणापत्रको मस्यौदालाई अन्तिम रूप दिने, बैठकका कार्यसूची पारित गर्ने र मन्त्रीस्तरीय बैठकको अध्यक्षता हस्तान्तरण आजैको बैठकमा हुनेछ ।बैठकमा बङ्गलादेशको नेतृत्व त्यहाँका विदेशमन्त्री अबुल हसन महमुद अलि, भारतको प्रतिनिधित्व त्यहाँका बाह्य मामिला राज्यमन्त्री भि. के सिंहले गर्नुहुनेछ ।यसैगरी म्यान्माका अन्तर्राष्ट्रिय सहयोगसम्बन्धी सङ्घीय मन्त्री क्याव तिन, श्रीलङ्काका विदेश राज्यमन्त्री बसन्ता सेनानायके, थाइल्याण्डका विदेशमन्त्री दोन प्रमुदविनय नेतृत्वको प्रतिनिधिमण्डलले बैठकमा भाग लिनेछ ।बैठकमा भुटानका विदेश सचिव सोनाम छोङले आफ्नो मुलुकको प्रतिनिधित्व गर्नुहुनेछ । भुटानमा आम निर्वाचन घोषणा भएकाले अन्तरिम व्यवस्थामा सचिव छोङलाई मन्त्रीस्तरीय बैठकमा सहभागिताको अख्तियारी प्रदान गरिएको हो ।

Read More »

करको भ्रम चिर्नुस्– प्रधानमन्त्री

pmm

काठमाडौँ,भदौ १२ गते । प्रधानमन्त्री केपी शर्मा ओलीले स्थानीय तहमा करको विषयमा फैलाइएको भ्रम चिर्न जनप्रतिनिधिलाई आग्रह गर्नुभएको छ । प्रधानमन्त्रीले भन्नुभयो, “हामीले ठूलो त्याग र बलिदान गरेर स्थापना गरेको सङ्घीय लोकतान्त्रिक प्रणाली स्थापना गरेका हो । नयाँ अभ्यास गर्दा केही कमी कमजोरी हुन सक्छ । त्यसलाई सच्याएर लैजानु पर्दछ । गलत हल्ला र प्रचारको पछाडि नलागौँ ।”नेपाल नगरपालिका सङ्घको छैटाँै राष्ट्रिय अधिवेशनलाई आज यहाँ सम्बोधन गर्दै प्रधानमन्त्रीले करको विषयमा जनस्तरमा अनेक प्रकारका हुने नहुने भ्रम फैलाइएकाले त्यसलाई चिरेर जनतालाई सेवा दिन आग्रह गर्नुभयो । करको विषयमा रहेको बुझाइका कारण भ्रम उत्पन्न गराउन खोजिएकाले जनतालाई बुझाएर साथैमा लिएर जाने वातावरण बनाउनुपर्नेमा प्रधानमन्त्रीले जोड दिनुभयो ।केही स्थानीय तहले नबुझी लागू गरेको करका कारण सङ्घीय सरकार र प्रदेश सरकारलाई समेत अपजस आएकाले त्यसलाई सच्याउनुपर्ने बताउनुभयो । स्थानीय सरकारलाई साधन स्रोत, सशक्त र प्रभावकारी बनाउन केन्द्रीय सरकार प्रतिबद्ध रहेको स्पष्ट पार्दै प्रधानमन्त्रीले जनप्रतिनिधिलाई एकताबद्ध भएर काम गर्नुपर्नेमा जोड दिनुभयो ।जनतासँग प्रत्यक्ष जोडिने सरकार भएकाले स्थानीय तहको जिम्मेवारी महत्वपूर्ण रहेको प्रधानमन्त्रीको भनाइ थियो । स्थानीय तहका जनप्रतिनिधिको वरियताका विषयमा रहेको समस्या केही दिनभित्रै टुङ्गो लगाइने र त्यसको तयारीमा सरकार रहेको जानकारी दिनुभयो ।

प्रधानमन्त्रीले दुई छिमेकी देशबीच सम्पर्क सञ्जाल विस्तारमा महत्वपूर्ण सहमति भएको र त्यसको कार्यान्वयन प्रक्रियासमेत शुरु भइसकेको जानकारी दिनुभयो । “चीन र भारत दुवै देशबाट रेल सञ्जाल निर्माण प्रक्रियामा ठूलो प्रगति भएको छ । यस्तै समुन्द्रसम्मको पहुँचका लागि जलमार्गसमेत सञ्चालनमा ल्याउने तयारी गरिएको छ” प्रधानमन्त्रीले भन्नुभयो, “हामीले नेपाल भूपरिवेष्ठित देश भन्दै आएका थियौँ अब ती दिन सकिएका छन् ।”

नदीबाट हामी समुन्द्रसँग जोडिने भएका छौँ । भारतले जुनसुकै बन्दरगाह प्रयोग गर्नसमेत दिने भएको छ । चीनतर्फ पनि सम्पर्क सञ्जाल विस्तार भएको छ” उहाँले भन्नुभयो । यही भदौ १४ र १५ गते हुने बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) को चौथो शिखर सम्मेलनमा क्षेत्रीय सहयोग र पारस्परिक हितका १६ वटा विषय अगाडि बढाउन लागिएको प्रधानमन्त्रीको भनाइ थियो ।

सम्पर्क सञ्जालको विस्तार, जनस्तरको सम्बन्धमा विकास, सडक यातायात, ऊर्जा, दिगो विकास लक्ष्य हासिल गर्ने गरी सरकारले समृद्ध नेपाल, सुखी नेपालीको सङ्कल्प अगाडि सारेको उल्लेख गर्दै प्रधानमन्त्रीले नीति, कार्यक्रम र योजनासमेत बनाएको प्रधानमन्त्रीले उल्लेख गर्नुभयो ।

नेपाल सरकारले अगाडि सारेको समृद्धिको लक्ष्यलाई छिमेकी देशका सरकार, जनता एवं नेपालप्रति सद्भाव राख्नेले समेत मन पराएको र सहयोगको बचन दिएको उहाँले स्पष्ट पार्नुभयो ।

सो अवसरमा प्रदेश नं ३ का मुख्यमन्त्री डोरमणि पौडेलले स्थानीय तहलाई अधिकार सम्पन्न नबनाएसम्म जनताले विकासको अनुभूति गर्न नसक्ने भएकाले स्थानीय र प्रदेश सरकारको कानूनी शीघ्र निर्माण गर्न सङ्घीय सरकारलाई आग्रह गर्नुभयो । “ऐन कानूनको अभावमा हामीले धेरै अप्ठ्यारा भोगिरहेका छौँ । परिणाम दिने गरी काम गर्न सकिएको छैन । सङ्घीय लोकतान्त्रिक गणतन्त्रलाई संस्थागत गर्न स्थानीय तहको भूमिका महत्वपूर्ण रहन्छ” मुख्यमन्त्री पौडेलले भन्नुभयो ।

प्रदेश नं २ का भौतिक योजना तथा पूर्वाधारमन्त्री जीतेन्द्र सोनलले स्थानीय सरकारलाई अधिकार सम्पन्न नबनाएसम्म सङ्घीय प्रणालीको अभ्यास सार्थक नहुने बताउनुभयो । प्रदेश सरकारलाई सामान्य कर्मचारीले समेत नटेर्ने अवस्था आएको भन्दै उहाँले ऐन कानून तयार गरेर स्थानीय र प्रदेश सरकारलाई हस्तान्तरण गरी अधिकार सम्पन्न बनाउनुपर्ने उहाँको भनाइ थियो ।

नेपाली काँग्रेसका उपसभापति विमलेन्द्र निधिले नयाँ प्रणाली अवलम्बन गरिएकाले यसलाई सफल बनाउन स्थानीय जनप्रतिनिधि नै लाग्नुपर्ने बताउनुभयो । स्थानीय तहलाई साधन स्रोत सम्पन्न बनाउन प्राकृतिक स्रोत तथा वित्त आयोग स्थापना गर्नुपर्ने भन्दै उहाँले कर वृद्धिभन्दा पनि दायरा फराकिलो बनाउन आग्रह गर्नुभयो ।

काठमाडौँ महानगरपालिकाका प्रमुख विद्यासुन्दर शाक्यले कर वृद्धि गरिएको विषयमा सामाजिक सञ्जालमा अनावश्यक हल्ला चलाएर सङ्घीय प्रणालीमाथि नै प्रश्न चिह्न उठाउन खोजिएकाले त्यसमा सचेत हुनुपर्ने बताउनुभयो ।

जिल्ला समन्वय समिति महासङ्घका संयोजक शान्ति सुन्दास, गाउँपालिका महासङ्घका अध्यक्ष होमनारायण श्रेष्ठले सङ्घीय प्रणालीलाई संस्थागत गर्न स्थानीय तह नै महत्वपूर्ण भएकाले सबैले समन्वयात्मक तवरले काम गर्नुपर्नेमा जोड दिनुभयो ।

बुधबारसम्म चल्ने सम्मेलनले नेपाल नगरपालिका सङ्घको नयाँ नेतृत्व चयन गर्ने छ । सो अवसरमा सङ्घले प्रदेश नं ३ का मुख्यमन्त्री पौडेल र वीरगञ्ज महानगरपालिकाका उपप्रमुख शान्ति कार्कीलाई सम्मान गरिएको थियो ।

Read More »

प्रस्तावित प्रधानन्यायाधीश मिश्रविरुद्ध उजुरी आह्वान

Om-Prakash-Mishra

काठमाडौँ, भदौ ११ गते । संसदीय सुनुवाइ समितिले प्रस्तावित प्रधानन्यायाधीश ओमप्रकाश मिश्रविरुद्ध उजुरी आह्वान गरेको छ । समितिको आइतबारको बैठकले संवैधानिक परिषद्को पत्राचार अनुसार मिश्रको सुनुवाइका लागि सर्वसाधरण तथा सरोकारवालासँग उजुरी माग गरेको हो ।भदौ ११ गतेदेखि २० गतेसम्म दश दिनको समयसीमाभित्र उजुरी दर्ता गरिसक्न समितिले आह्वान गरेको हो । संघीय संसद् सचिवालयका सह–सचिव ध्रुवप्रसाद घिमिरेले प्रस्तावित प्रधानन्यायाधीश मिश्रका सम्बन्धमा उजुरी भएमा दिनसक्ने गरी सार्वजनिक रूपमा आह्वान गर्ने निर्णय भएको बताउनुभयो । Read More »

Read More »

महेन्द्रनगर आज पनि अशान्त

७ भदौ, महेन्द्रनगर । निर्मला पन्त हत्याको विरोधमा आज पनि प्रदर्शन जारी रहेपछि कञ्चनपुर अशान्त छ । बिहीबार बिहानैदेखि प्रदर्शनकारीले प्रदर्शन गरिरहेका छन् । टायर बालेर सडक अबरुद्ध पारिएको छ ।  पन्तको बलात्कारपछि हत्या भएको र स्थानीय प्रशासनले वास्तविक हत्यारालाई उम्काउन खोजेको दाबीसहित स्थानीयबासीले आन्दोलन गर्दै आएका छन् ।बुधबारको प्रदर्शन उग्र भएपछि प्रहरीले बल प्रयोग गर्नु परेको थियो । प्रहरीले अश्रुग्यास प्रहार गर्नुका साथै केहीलाई नियन्त्रणमा पनि लिएको थियो ।प्रदर्शनकारीले बल प्रयोगको आदेश दिने प्रमुख जिल्ला अधिकारी र प्रहरी प्रमुखको सरुवाको माग गरेका छन् । उनीहरुले जिल्ला प्रशासन कार्यालय अगाडि, ट्राफिक चोक लगायतका स्थानमा विरोध प्रदर्शन गरिरहेका छन् । प्रदर्शनको क्रममा अपि्रय घटना हुन नदिन सुरक्षा तैनाथी बढाइएको छ ।भीमदत्त नगरपालिकाकी १३ वर्षीया निर्मलाको शव गत साउनमा उखुबारीमा भेटिएको थियो । उनको बलात्कारपछि हत्या भएको भन्दै परिवारका सदस्यले साउन १० गते प्रहरीमा उजुरी दिएका थिए ।जिल्ला प्रहरी कार्यालयले भदौ ५ गते निर्मलाको हत्यामा संलग्न भएको भन्दै भीमदत्त नगरपालिका-१९ बागफाँटाका ४१ वर्षीय दिलीपसिंह विष्टलाई सार्वजनिक गरेको थियो ।बागफाँटाका विष्ट मानसिक अवस्था ठीक नभएका व्यक्ति भएको र वास्तविक हत्यारालाई प्रहरीले सार्वजनिक गर्न नसकेको स्थानीयवासीको आरोप छ ।प्रदर्शन नरोकिएपछि प्रदेश ७ प्रहरीले अनुगमनका लागि एसएसपी बिक्रम चन्दलार्इ महेन्द्रनगर पठाएको छ ।

Read More »

चितवनमा २८ जना स्वाइन फ्लुका बिरामी

भरतपुर, भदौ ७ गते । चितवनमा इन्फ्लुयन्जा ए (एच वान एन वान) अर्थात् स्वाइन फ्लुका बिरामी भेटिएका छन् । चितवन मेडिकल कलेजमा उपचार गराउन आएका विरामीमध्ये एकै महिनामा २८ जना स्वाइन फ्लुका बिरामी भेटिएका हुन् । “गत साउन १ गतेबाट भदौ ४ गतेसम्म कलेजमा गरिएको १०२ नमूना परीक्षणमा २८ जनामा स्वाइन फ्लुको किटाणु देखियो”, कलेजका प्रयोगशाला प्रमुख डा. सन्जय यादवले भन्नुभयो । यो रोग लागेपछि रुघा, खोकी, ज्वरो, शरीर दुख्ने जस्ता लक्षण बिरामीमा देखिन्छन् । बिरामीको सामान्य अवस्थामा त केही हँुदैन तर पनि कतिपयलाई जटिल अवस्था भएमा निमोनिया हँुदै ‘मल्टि अर्गान फेलर’ अर्थात् शरीरका अङ्गले काम नगरेर मानिस मर्नेसम्म हुन्छ । तर चितवनमा यो रोगले मानिसको ज्यान लिएको छ वा छैन भन्ने कुराको यकिन तथ्याङ्क कतै भेटिँदैन । चितवन मेडिकल कलेजमा अहिले पनि यो रोगबाट जटिल अवस्था भएका सात ÷आठ जना बिरामीले आईसीयूमा उपचार गराइरहेका छन् । swine-flu
जिल्लाको एक मात्रै सरकारी अस्पताल भरतपुर अस्पतालमा यो रोगका लागि परीक्षण गर्न विशेष युनिट नै स्थापना भएको छ । अस्पतालका रिसर्च टेक्नोलोजिष्ट जेसी राना मेडिकल कलेजका विरामी योे सूचीमा नआएको बताउनुहुन्छ ।
“सरकारी अस्पतालमा भदौको पहिलो पाँच दिनमै ५२ वटा गरिएको नमुना परीक्षणमा इन्फ्लूयन्जा ए का बिरामी १३ जनामा देखिएको छ”, रानाले भन्नुभयो ।
इन्फ्लूयन्जा ए भित्र एच वान एन वान पनि पर्छ । यसको आधिकारिक पुष्ट्याइ भने काठमाडाँैमा थप परीक्षण पछि मात्रै भन्न सकिने रानाले बताउनुभयो ।
“थप परीक्षण गरी एच वान एन वान हो वा होइन भनेर स्पष्ट गर्न काठमाडौँ पठाइएको छ । यसको केही दिनमा रिपोर्ट आएपछि मात्रै यसै भन्न सकिन्छ”, उहाँले भन्नुभयो ।
अहिले चितवनमा चितवन मेडिकल कलेजले रगतको माध्यमबाट गरिने परीक्षण ‘आईजीएम इलाइजा’वाट र भरतपुर अस्पतालमा नाक र मुख भित्रको र्याल र सिँगानको परीक्षण गरी स्वाइन फ्लुका किटाणु पहिचान गरिन्छ ।
भरतपुर अस्पतालका फिजिसियन डा. राजु वानिया इन्फ्लुयन्जा ए (एच वान एन वान) बाट सर्तक रहनुपर्ने धारणा राख्नुहुन्छ ।
“अहिले नै महामारी भयो भनेर डराउनु पर्दैन तर पनि सर्तक भने रहनुपर्छ ”, उहाँले भन्नुभयो । चितवन मेडिकल कलेजका चिकित्सकहरू भने इन्फ्लुयन्जा ए (एच वान एन वान)को सङ्क्रमण चितवनमा जटिल वन्दै गएको जिकिर गर्नुहुन्छ ।
“रुघा खोकी मात्रै लाग्यो भनेर बस्नेहरूको अवस्था त परीक्षण सम्म आइपुगेकै छैनन् । जटिल अवस्थाका बिरामीहरुको परिक्षण गर्दा मात्रै पनि यतिका धेरै बिरामी भेटिनु जटिल अवस्था हो”, एक चिकित्सकले भन्नुभयो ।
स्वास्थ्य सेवा विभागमा सरुवा तथा महामारी रोग हेर्ने जनस्वास्थ्य अधिकृत रेशम लामिछाने चितवन इन्फ्लुयन्जा ए (एच वान एन वान) को जोखिम जिल्लामै रहेको वताउनुहुन्छ ।
“चितवन इन्फ्लुयन्जा ए (एच वान एन वान) को जोखिम जिल्ला हो । यस रोगको सङ्क्रमणबाट बृद्धबद्धा, बालबालिका र दीर्घरोगीलाई बढी जोखिम हुन्छ”, उहाँले भन्नुभयो ।
“यो रोग बिरामीबाट अरुलाई नसरोस् भन्न बिरामीले खोक्दा, हाच्छुँउ गर्दा मुख छोप्नुपर्छ । भीडभाड भएको ठाउँमा जानुहँुदैन”, उहाँले जानकारी दिनुभयो । जनचेतना विस्तारका लागि जिल्ला जनस्वास्थ कार्यालयसँग समेत बजेट नभएको अहिलेको अवस्थामा स्थानीय तहहरूले रोग नियन्त्रणका लागि जनचेतना जागाउनु नै उत्तम हुने उहाँको सुझाव छ ।

Read More »
1 33 34 35 36 37 41