News

जनकपुरमे पहिलबेर खाद्य मेला

जनकपुरधाम चैत १८ गते ।जनकपुरमे पहिलबेर खाद्य मेलाके आयोजना होबए जा रहल अछि । संघीय सरकारक कृषि तथा पशुपंक्षी विकास मन्त्रालय अन्तर्गतके खाद्य प्रविधि तथा गुण नियन्त्रण कार्यालयक आयोजनामे तीन दिवसीय खाद्य मेलाक आयोजना होबए जा रहल छैक ।
‘परम्परागत, पोषणयुक्त एवं स्थानीय खाद्य पदार्थक प्रवद्र्धन करी, असल पोषणके लेल खानपीनमे सुधार करी’ नाराके सँग चैत २२ गतेसँ २४ गतेधरि खाद्य मेलाक आयोजना होबए जा रहल कार्यालयक प्रमुख ज्ञानेन्द्रकुमार मण्डल जानकारी देलन्हि । ओ अन्य प्रदेशसभमे एहि प्रकारक मेलाक आयोजन भऽ गेलाक बादो प्रदेश २ मे पहिलबेर होबए जा रहल बतओलन्हि ।
प्रमुख मण्डल अल्प प्रचलनमे रहल खाद्य पदार्थ एवं ओकर पौष्टिक महत्वके विषयमे जनचेतना अभिवृद्धि करबाक संगहि खाद्य उद्यमीसभकेँ बजारसँ सम्बन्ध स्थापित करएबाक उद्देश्यसँ मेलाक आयोजना कएलगेल बतओलन्हि अछि ।
खाद्य मेलामे आधुनिक नहि भऽ कऽ हिमाल, पहाड आ तराईक परम्परागत भोजन सामाग्री प्रदर्शनीमे रहल मण्डलके कहब छलन्हि । मण्डलक अनुसार मेलामे ७७ जिल्ला खाद्य उद्यमी तथा होटल व्यवसायीसभक सहभागी रहत ।
जनकपुरक तिरहुतिया गाछीमे तीन दिनधरि चलएबला मेलाक सम्पूर्ण तैयारी पुरा भऽ चुकल जानकारी दैत निःशुल्क प्रवेश आ निःशुल्क स्टलके व्यवस्था कएलगेल ओ बतओलन्हि ।
मेलामे स्थानीय स्तरमे अल्प प्रचलनमे रहल खाद्य पदार्थक विविधिकरण तथा पौष्टिक महत्व, विभित्र जातिसँ सम्बन्धित परम्परागत पोषणयुक्त खाद्य पदार्थ, अपन संस्कृति देखाबएबला खानपानसहितके होमस्टे, होटल, खाद्य व्यवसायीसहितक प्रदर्शनीके व्यवस्था कएलगेल खाद्य प्रविधि तथा गुण नियन्त्रण कार्यालयक प्रमुख मण्डल बतओलन्हि । होटल व्यवसायीसहित कूल ५० टा स्टल रहएबला मेलामे इलान इभेन्ट म्यानेजमेन्ट विभित्र स्थानीय कालाकारक सहयोगसँ मनोरञ्जनात्मक सांस्कृतिक कार्यक्रम सेहो प्रस्तुत करत बताओलगेल अछि ।

Read More »

एसइई स्थगित भेलाक बाद करिब १ करोडक आर्थिक घाटा

जनकपुरधाम चैत १८ गते ।माध्यमिक शिक्षा परीक्षा (एसइई) स्थगित भेलासँ प्रदेश २ क सरकारकेँ पेघ आर्थिक क्षति भेल अछि । शिक्षामे राज्यक लगानी पर्याप्त नहि रहल शिकायत आबि रहल समय एहि क्षतिके पूर्ति करबाक विषयमे शिक्षा मन्त्रालय आ प्रदेश सरकार गृहकार्यमे जुटल अछि ।
चैत १० गतेसँ शुरु भेल एसइई चारि दिन चललाक बाद प्रदेश २ मे स्थगित भेल । एक दिन परीक्षा शुरु भऽ गेलाकबाद प्रश्नपत्र आउट भेल जानकारी अओलाक बाद स्थगित कएलगेल । दोसर दिन परीक्षा शुरु हएबासँ पहिने प्रश्नपत्र आउट भेलाक बाद स्थगित कएलगेल । ई घटना छल गत वृहस्पति आ शुक्रदिनके ।
शनिदिन सेहो परीक्षासँ पहिने प्रश्नपत्र बजारमे आएल पुष्टि भेलाक बाद प्रदेश सरकारक सामाजिक विकास मन्त्री नवलकिशोर साहक अनुरोधसँ प्रदेश २ मे संघीय सरकार परीक्षा स्थगित कऽ देने अछि ।
एहि निर्णयके बाद प्रदेश २ मे पैघ तनाव उत्पत्र भेल अछि । विद्यार्थी न्याय चाही कहैत सडकमे विरोध कएलक । कतेको स्थानमे तोडफोड आ आगिजनीक घटना देखलगेल । प्रदेश २ मे कूल २ सय ६३ परीक्षा केन्द्र अछि । एहि सभ केन्द्रमे ओहि संख्यामे केन्द्राध्यक्ष छथि ।
सभ केन्द्रमे केन्द्राध्यक्षसहित कर्मचारी खटल अछि । कर्मचारी खटिचुकलाक कारण परीक्षा स्थगित भेलाक बादो दैनिक भत्ता देबए परैत अछि । केन्द्राध्यक्षके दैनिक ८ सय रुपैयाँ भत्ता देल जाइत अछि । एहि हिसाबसँ हुनकासभक भत्ता शीर्षकमे एक दिनमे राज्यके दु लाख १० हजार ६० रुपैयाँ फोकट खर्च अछि ।
एहि सभ केन्द्रके लेल ३ सय ४५ सहायक केन्द्राध्यक्ष खटल छथि । हुनकासभकेँ दैनिक पाँच सय रुपैयाँ भत्ता देबाक सरकारी नियम अछि । एहि हिसाबसँ हुनकासभक दैनिक भत्ता १ लाख ७२ हजार ५ सय रुपैयाँ होइत अछि ।
दोसरतर्फ ३ हजार ४ सय ४६ परीक्षा निरीक्षक एहि प्रदेशमे खटल छलथि । हुनकासभक दैनिक भत्ता ३ सय रुपैयाँ अछि । परीक्षा निरीक्षकके दैनिक भत्तामे १२ लाख २ हजार ६ सयँ रुपैयाँ खर्च होइत अछि । एहि प्रदेशमे खटल ५ सय ८६ परीक्षा सहायककेँ दैनिक ३ सय भत्ताके हिसाबसँ १५ लाख २५ हजार ८ सय रुपैयाँ खर्च होइत अछि ।
१ हजार २८१ कार्यालय सहायक आ १ लाख ५५ हजार २ सय ६३ सुरक्षाकर्मी परीक्षाक सुरक्षार्थ खटल छथि । एहिसभ कर्मचारीकेँ दैनिक १५० रुपैयाँ भत्ता देबए परैत अछि । एहिके लेल ७ लाख ८३ हजार ९ सय रुपैयाँ दैनिक खर्च होइत अछि ।
ई सभ हिसाब कएलासँ एक दिनमे ३८ लाख ९५ हजार २ सय रुपैयाँ खर्च भेल अछि ।
दु दिनके लेल ई सभ खर्च ७७ लाख ९० हजार ४ सय रुपैयाँ अछि । दुनु दिन परीक्षा स्थगित भेलाक बादो सभ कर्मचारी कार्यक्षेत्रमे खटल रहथि । कक्षा १० क परीक्षा नियन्त्रक विष्णु अधिकारीकेअ अनुसार एकटा प्रश्नपत्र छपाबएमे तीन रुपैयाँ ५५ पैसा खर्च होइत अछि । एहि प्रदेशमे रहल ७० हजार ५ सय परीक्षार्थीके तथ्यांक जोडि कऽ हिसाब कएलासँ १ दिन परीक्षा रद्द भेलासँ २ लाख ५० हजार ७५ रुपैयाँ प्रश्नपत्रके लेल मात्र खर्च भेल अछि ।
प्रदेश २ मे रद्द भेल दुटा परीक्षा आ बाँकी सम्पत्र करबाक तीनसहित पाँचदिनक प्रश्नपत्रलेल सरकारक १२ लाख ५१ हजार ३७५ रुपैयाँ बिना काजक खर्च भेल अछि । दैनिक भत्ता आ प्रश्नपत्रके लेल मात्र दु दिनक खर्च ८२ लाख ९० हजार ९५० रुपैयाँ होइत अछि । एहि बाहेक परीक्षार्थीके वितरण कएलगेल उत्तर पुस्तिकाक रकम, उत्तरपुस्तिका आ प्रश्नपत्र ढुवानीकेले अतिरिक्त खर्च होइत अछि ।
ओहि बाहेक पाँच दिनक परीक्षा रद्द भेलासँ परीक्षा हएबाक बाँकी विषयक परीक्षा लेल सेहो दोसर प्रश्नपत्र छपाओत । ई सभ हिसाब कएलासँ प्रदेश २ क परीक्षा रद्द भेलासँ करिब १ करोडक आर्थिक क्षति सरकारके भेल देखबामे अबैत अछि ।

Read More »

डाक्टर पतिके पिटाइसँ मृत्यु भेल सुनिताके अन्तेष्टि

वीरगंज चैत १८ गते ।‘घर परिवारक सदस्यसँ असुरक्षित छी’ कहैत शान्ति सुरक्षाक माँग करैत १३ वर्ष ९ महिना १३ दिन पहिने जिल्ला प्रशासन कार्यालय पर्सामे निवेदन देने सुनिता यादवक अन्ततः पति आ परिवारक सदस्यक निर्मम पिटाइके कारण शुक्रदिन निधन भेल अछि । नारायणी अस्पताल वीरगंजक डा.सचिदानन्द यादव आ परिवारक सदस्यके निर्मम पिटाइके बाद वीरगंजमे इलाज सम्भव नहि भेलाक बाद काठमाण्डुक शिक्षण अस्पतालक सघन उपचार कक्षमे इलाज करा रहल सुनिताके शुक्रदिन साँझ निधन भेल छल । हुनकर रविदिन बाराके दुधौरा नदीमे हिन्दु परम्पराअनुसार डाहसंस्कार कएलगेल अछि ।
डाक्टर यादव आ परिवार लोहा गर्म कऽ शरीरमे सटाएब, करेन्ट लगाएब आ निर्मत ढंगसँ मारिपिट करैत स्वास निकलबाक मात्र बाँकी रहल अवस्थामे नैहर पक्ष इलाजके लेल लऽ गेलाक बादो सुनिता नहि बाँचि सकलीह नैहर पक्षक दावा अछि । पर्सा प्रहरीके नियन्त्रणमे नारायणी अस्पताल वीरगंजमे कार्यरत मधुमेह तथा थाइराइड रोग विशेषज्ञ पति डा.यादव सुनिताक इलाजक क्रममे इन्कारी बयान देलाक बादो प्रहरी समक्ष किटानी जाहेरी अओलाक बाद नियन्त्रणमे रहल ओ सुनिताक मृत्युबाद कसुर कएने खुजि रहल प्रहरीके कहब अछि ।
डा.यादवक बाबु नागेन्द्र प्रसाद यादवसहित घर परिवारक अन्य सदस्य फरार रहल जिल्ला प्रहरी कार्यालय पर्साक प्रहरी नायब उपरीक्षक अनन्तराम शर्मा बतओलन्हि । १३ वर्ष पहिने सेहो मट्टितेल छिट कऽ मारएके प्रयास पति आ परिवारक सदस्य कएने प्रहरी जनओलक अछि ।
डा.यादवक जेठ पत्नी सुनिता १३ वर्ष ९ महिना १३ दिन पहिने जिल्ला प्रशासन कार्यालयमे शान्ति सुरक्षाके माँग करैत दर्ता कएने निवेदनमे सेहो पति, ससुर, साउस आशादेवी आ देवर अचुता यादवकेँ विपक्षी बनओने पत्र बरामद भेल अछि । ओहि पत्रमे डा.यादव एकटा मारुती गाडी आ वीरगंजमे एकटा घर पुनः दहेज स्वरुप माँग कएने आ नैहर पक्ष देबएलेल तैयार नहि भेलाक बाद सुनिताकेँ मानसिक आ शारीरि यातना देलगेल उल्लेख अछि ।
ओहि यातनाक क्रममे २०६२ साल जेठ २१ गते वीरगंजसँ पर्साक हरपतगञ्जस्थित गामक घरमे यातना दैत गाडी आ जमीन नहि लओने कहैत मट्टितेल छिट कऽ जरएबाक प्रयास कएलाक बादो भागएमे सफल भेल प्राप्त पत्रमे उल्लेख अछि । जानके खतरा रहल उल्लेखति पत्रके बोधार्थ तत्कालीन अञ्चल प्रशासक कार्यालय पथलैया, क्षेत्रीय प्रशासकके कार्यालय हेटौंडा आ महिला आयोगमे सेहो पठाओलगेल छल । ओहि पत्रके आधारमे २०६२ सालमे जिल्ला प्रशासन कार्यालय पर्सामे पञ्चयतीके क्रममे आइन्दा ऐना नहि करबाक सहमति भेलाक बाद पुनः ओहि घरमे पठओने मृतक सुनिताक सम्बन्धीत डा.भगवान यादव बतओलन्हि ।
वीरगंज महानगरपालिका–२० हरतपगंजमे रहल सुनिताकेँ गत चैत ६ गते रातिक समय डा.यादवसहित परिवारक सदस्य निर्घात मारिपिट कऽ अचेत अवस्थामे छोडने समय नैहर पक्ष वीरगंजक गण्डक अस्पतालमे भर्ना करअनेो भैया जयप्रकाश यादव बतओलन्हि । स्थानीय घटनाक विषयमे जानकारी देलाक बाद ओतह पहुँचल समय अचेत अवस्थामे रहल सुनिताकेँ पहिने गण्डक अस्पताल आ बादमे काठमाण्डुक शिक्षण अस्पतालमे इलाजके लेल भर्ना करओने सुनिताक भैया जयप्रकाश बतओलन्हि ।

Read More »

बार निर्वाचन सम्पत्र, १९ गतेसँ मतगणना

जनकपुरधाम १७ गते ।कानून व्यवसायीसभक छाता संगठन नेपाल बार एशोसिएसनक नयाँ नेतृत्व चयन करबालेल शनिदिन निर्वाचन सम्पत्र भेल अछि । २५ अम केन्द्रीय कार्यसमितिके लेल देशभरिके ३५ टा मतदान केन्द्रमे निर्वाचन सम्पत्र भेल निर्वाचन अधिकृत दामोदर खड्का जानकारी देलन्हि ।
शनिदिन भिन्सर ८ बजेसँ बेरिया ४ बजेधरि निर्वाचन भेल छल । बारके २५ अम कार्यसमितिके लेल ६३ गोटे उम्मेदवारी देने छथि । नयाँ नेतृत्वके लेल बृहत् लोकतान्त्रिक समूह, प्रगतिशील, पेशागत तथा समावेशी समूहबीच प्रतिस्पर्धा अछि ।अध्यक्षमे लोकतान्त्रिक समूहसँ सुनिलकुमार पोखरेल आ प्रगतिशील समूहसँ चण्डेश्वर श्रेष्ठ उम्मेदवार छथि । निर्वाचनसँ तीन वर्षक कार्यकालके लेल एक अध्यक्ष, एक महासचिव, एक कोषाध्यक्ष, महिला उपाध्यक्ष एक आ सातु प्रदेशसँ एक÷एक सहित आठटा उपाध्यक्ष आ १४ केन्द्रीय सदस्य निर्वाचित करत ।प्रमुख निर्वाचन अधिकृत खड्काके अनुसार सर्वोच्च अदालतक मतदान केन्द्रमे ४ हजार ८४३ मत खसल छल । हुनक अनुसार सर्वोच्च बारमे ६४४, उच्चबारमे १ हजार ६८८, काठमाण्डुमे एक हजार ५८० आ ललितपुर बारमे ५०२ आ भक्तपुर बारमे ४२९ मत खसल अछि । देशभरिके मतपेटिका संकलन भऽ गेलाक बाद एहि १९ गतेसँ काठमाण्डुमे मतगणना होएत ओ जानकारी देलन्हि । देशभरिके बारमे १० हजार ३१३ मतदाता छथि ।

Read More »

प्रजिअके दावाःसप्तरीसँ प्रश्नपत्र लिक नहि भेल अछि

सप्तरी चैत १७ गते । एसइई समन्वय समिति सप्तरीक पदाधिकारीसभ जिल्लासँ प्रश्नपत्र नहि बहराएल दावा कएलन्हि अछि । परीक्षा समन्वय समिति संयोजक सेहो रहल प्रमुख जिल्ला अधिकारी सुरेन्द्र पौडेल प्रश्नपत्र एक दिन पहिने देखलगेलाक बादो सप्तरीसँ लिक नहि भेल बतओलन्हि अछि ।
‘विज्ञान विषयक प्रश्नपत्र परीक्षा शुरु हएबासँ पहिने बाहर देखलगेल,’ ओ कहलन्हि,‘सामाजिक विषयक प्रश्नपत्र एकदिन पहिने बाहर अओलाक बादो सप्तरीसँ ई काज नहि भेल अछि ।’
पत्रकार सम्मेलनमे जिल्लाक प्रहरी प्रमुख राजेन्द्र विष्ट, सशस्त्र प्रहरी उपरीक्षक खेमबहादुर थापा, शिक्षा विकास तथा समन्वय विकास इकाईक प्रमुख शंकर लुइँटेलसहित परीक्षा केन्द्रक अध्यक्षसभ उपस्थित छलथि ।
अनुसन्धानक क्रममे एतुका प्रहरी, शिक्षा विकास समन्वय इकाईक कर्मचारी, केन्द्राध्यक्षसहित कोनो निकायसँ प्रश्नपत्र लिक भेल नहि देखलगेल प्रमुख जिल्ला अधिकारी पौडेल बतओलन्हि । ओ कहलन्हि,‘सप्तरीसँ लिक नहि भेल अछि, अन्य जिल्लासँ भऽ सकैत अछि ।’
‘विज्ञान विषयक प्रश्नपत्र परीक्षासँ पहिने बाहर देखलगेलाक बाद परीक्षा रद्द करबालेल हमसभ सिफारिस कएने छी,’ ओ कहलन्हि,‘एकर अर्थ सप्तरीएसँ प्रश्नपत्र लिक भेल से नहि अछि ।’
प्रश्नपत्र बहराएल विषयमे नेपाल प्रहरीक केन्द्रीय अनुसन्धान ब्यूरो (सीआइबी) सप्तरीसँ अनुसन्धान शुरु कएने अछि ।
जिल्ला प्रहरी प्रमुख एसपी विष्टके अनुसार प्रश्नपत्र सामाजिक सञ्जालसँ आदान प्रदान भेल देखबामे आएल अछि । प्रश्नपत्र आदान प्रदान करएबला दु गोटेके नियन्त्रणमे लऽ कऽ अनुसन्धान शुरु कएलगेल ओ बतओलन्हि ।

Read More »

‘प्रदेशक नाम मिथिला–भोजपुरा’

जनकपुरधाम चैत १७ गते ।नेपाली कांग्रेसक उपसभापति विमलेन्द्र निधि प्रदेश २ क नामाकरणसम्बन्धी प्रस्ताव प्रदेश सरकार एखनिधरि नहि लाबि सकलप्रति आपत्ति जनओलन्हि अछि ।प्रदेश सरकार कार्यान्वयमे अओलाह एक वर्षसँ अधिक भऽ गेलाक बादो नामाकरण, भाषा आ राजधानीसम्बन्धी प्रस्ताव नहि आएब दुर्भाग्यपूर्ण रहल निधि बतओलन्हि ।जनकपुरमे हलुवाइ समाजक दोसर केन्द्रीय महाधिवेशनक उद्घाटन कार्यक्रममे बजैत उपसभापति निधि प्रदेश २ क नामाकरण मिथिला–भोजपुरा रखबाक धारणा रखलन्हि अछि ।
निधि प्रदेश २ क आठ जिल्ला मिथिलाकेँ प्रतिनिधित्व कएने आ वीरगंज भोजपुरी भाषाभाषीके बाहुल्य क्षेत्र रहलाक कारण नामाकरणक सवाल पर मिथिला–भोजपुरा उपयुक्त विकल्प रहल स्पष्ट कएलन्हि ।
अपने पार्टीक नामसँ मधेश शब्द हटाचुकल मधेश केन्द्रीत दलकेँ मधेश प्रदेशक अडान रखबाक औचित्य नहि रहल हुनकर कहब छलन्हि । ‘मधेश केन्द्रीत दल राजपा आ फोरम अपन पार्टीक नामसँ मधेश हटाचुकल अछि । पार्टीक नामसँ मधेश हटा लेनेसभकेँ नामाकरणक लेल मधेशक अडान किया राखए परल ?,’ निधिके प्रश्न छल ।
‘हम मधेशके छी, हमरा गर्व अछि । प्राचिन मिथिलावासी रहलासँ आओर गोरभान्वित महसुस करैत छी,’ निधि कहलन्हि,‘मधेश पूर्व झापासँ पश्चिम कञ्चनपुर धरिके भूभाग अछि । एतेक पैघ भूभागकेँ आठ जिल्लामे सीमित नहि करबाक चाही ।’ प्रदेश २ क आठ जिल्ला मिथिलाक प्राचिन संस्कृति, सभ्यताके प्रतिनिधित्व करैत अछि आ रौतहटसँ पर्साधरि भोजपुरी भाषाभाषी रहलाक कारण नामाकरण मिथिला–भोजपुरा आ भाषा मैथिली–भोजपुरी रहबाक चाही निधि बतओलन्हि ।

Read More »

राज्यमन्त्रीक गाडीमे तोडफोड

जनकपुरधाम चैत १७ गते । माध्यमिक शिक्षा परीक्षा (एसइई) स्थगित कएलगेल विरोधमे प्रदेश २ क विभित्र जिल्लासभमे प्रदर्शन भेल अछि । प्रदर्शनमे उतरल विद्यार्थीसभ प्रदेशक राजधानी जनकपुरसहित विभित्र स्थानमे टायर बारि कऽ विरोध करबाक संगहि सवारी साधनमे तोडफेड सेहो कएलक अछि ।
परीक्षा स्थगित भेल विरोधमे प्रदर्शनमे उतरल विद्यार्थीसभ धनुषाक सपहीमे प्रदेश सरकारक एक राज्यमन्त्रीके गाडीमे रोडाबाजी कएलक अछि । प्रदेश २ क भूमि व्यवस्था, कृषि तथा सहकारी राज्यमन्त्री योगेन्द्रराय यादव चढल गाडीमे रोडाबाजी भेल अछि ।
प्रदर्शनकारीसभक रोडबाजीसँ राज्यमन्त्री यादव चढल गाडीक सिसा फुटल डीआइजी हरिबहादुर पाल बतओलन्हि अछि । आन्दोलनरत विद्यार्थीसभ सडक अवरुद्ध कऽ कऽ प्रदर्शन कऽ रहलाक कारण यात्रा नहि करबालेल आग्रह कएलाक बादो जर्बजस्ती गेलाक बाद गाडीउपर आक्रमण भेल ओ बतओलन्हि ।
एम्हर जिल्ला प्रशासन कार्यालय धनुषा प्रश्नपत्र बाहर आएल घटनाक सम्बन्धमे आवश्यक अनुसन्धान भऽ रहल कहैत प्रदर्शनमे नहि उतरएलेल विद्यार्थीसभसँ आग्रह कएलक अछि । जिल्ला प्रशासन कार्यालय शनिदिन सार्वजनिक सूचना जारी कऽ घटनाक सम्बन्धमे नेपाल प्रहरीक केन्द्रीय अनुसन्धान ब्यूरो (सीआइबी) आ प्रदेश शिक्षा निर्देशनालयक निर्देशक रमाकान्त शर्मा संयोजकत्वक टोली छानबिन कऽ रहल कहैत बन्द हड्ताल, चक्काजाम, तोडफोडसहितक उत्छृंखल गतिविधि नहि करबालेल विद्यार्थीसभसँ आग्रह कएने अछि ।
तहिना सप्तरीमे आक्रोशित विद्यार्थीसभ परीक्षा स्थगनके विरोधमे चक्काजाम कऽ प्रदर्शन कएलक अछि । पूर्वपश्चिम राजमार्गअन्तर्गत जिल्लाक खड्ग नगरपालिकास्थित कल्याणपुर आ खचुहियामे चक्काजाम कऽ विद्यार्थीसभ प्रदर्शन कएने छल । आक्रोशित विद्यार्थीसभ सप्तरी सदरमुकाम राजविराजमे संघीय शिक्षा मन्त्री गिरिराजमणि पोखरेलक पुतला जरओलक अछि । शिक्षा मन्त्रीकेँ राजीनामाक माँग करैत ओसभ पुतला जरओने छल ।
एसइई स्थगित भेलाक बाद बाराक विद्यार्थीसभ सेहो आन्दोलनमे उतरल अछि । आन्दोलनमे उतरल विद्यार्थीसभ तोडफोडमे उतरलाक बाद प्रहरीसँग झडप भेल छल । झडपमे एक प्रहरी आ किछु विद्यार्थी घायल भेल अछि ।
बाराक जीतपुरसिमरा नगरपालिका–७ जीतपुरमे एसइई देबएबला विद्यार्थी आ प्रहरीबीच झडप भेल छल । झडपमे प्रहरी जवान निरु श्रेष्ठ आ किछु विद्यार्थी घालय भेल अछि । आन्दोलित विद्यार्थीसभ किछु सवारी साधनमे आगिजनी आ तोडफोड सेहो कएलक अछि । ओसभ प्रहरीके ना १ झ ७१२ नम्बरक गाडीमे आगिजनी कएने छल ।
परीक्षा स्थगित भेल विरोधमे विद्यार्थीसभ वीरगंज पथलैया सडक अवरुद्ध करबाक प्रयास कएलाक बाद प्रहरी सामान्य बल प्रयोग कएने प्रदेश प्रहरी कार्यालयक प्रवक्ता एवं डीएसपी दानबहादुर थापा बतओलन्हि । प्रहरी उपर रोडाबाजी भेलाकबाद प्रहरी किछु सेल अश्रुग्यास प्रहार कएने ओ जानकारी देलन्हि ।

Read More »

‘प्रतिपक्षकेँ विश्वासमे नहि लेलौंह तऽ प्रत्युत्पादक’

जनकपुरधाम चैत १५ गते ।प्रदेश २ क प्रदेशसभाक तेसर अधिवेशन वृहस्पतिदिनसँ शुरु भेल अछि । तेसर अधिवेशनक बैठकमे शुभकामना दैत प्रतिपक्षी दलक सांसदसभ सरकारक कामकारबाहीके आलोचना कएलन्हि अछि । सरकार विपक्षीके बाइपास कऽ एकलौटी ढंगसँ आगु बढि रहल प्रतिपक्षी दलक सांसदसभक आरोप अछि ।
बैठकमे बजैत नेपाली कांग्रेस संसदीय दलक नेता रामसरोज यादव विपक्षी दलके विश्वासमे नहि लऽ एकलौटी ढंगसँ आगु बढल अवस्थामे सरकारके लेल प्रत्युत्पादक होएत चेतावनी देलन्हि । नेता यादव एखनधरि ओसभ कएलगेल सहयोगकेँ सरकार दुरुपयोग करैत आबि रहल आरोप लगओलन्हि ।
‘तेसर अधिवेन तक सरकार १६ टा विधेयक लओने अछि । हमसभ सभ विधेयक पारित करबामे सरकारकेँ सहयोग कएने छी,’ संसदीय दलक नेता यादव कहलन्हि,‘रोष्टममे ठाढ भऽ कऽ विधेयकमे संशोधन कएल जाएत मन्त्रीसभ प्रतिवद्धता कएने छथि । मुदा एखनधरि कोनो संशोधन नहि भेल अछि । ई असहयोग नहि तऽ आओर की अछि ?’
प्रदेश सरकारक एहि प्रकारक रवैया रहल तऽ एखनधरि आँखि बन्द कऽ कऽ सहयोग करबाक अवस्था समाप्त भऽ जाएत यादव चेतावनी देलन्हि । संसदीय दलक नेता यादव प्रदेश सरकारक बेटी पढाऊ, बेटी बचाऊ कार्यक्रमकेँ भारतक नक्कलके संज्ञा दैत कहलन्हि,‘बेटी बचत तखनि मात्र पढत । पहिने बेटी बचओनाइ जरुरी अछि ।’ प्रदेश सरकार पैघ प्रचारबाजी करैत आबि रहल एहि कार्यक्रमक कार्यविधीके विषयमे सदनके एखनधरि जानकारी नहि कराओलगेल कहैत खर्च करबाक विधिके विषयमे स्पष्ट करबालेल सरकारसँ माँग कएलन्हि ।
तहिना नेकपाक सांसद सत्यनारायण मण्डल प्रदेश सरकारकेँ रचनात्मक सहयोग करैत आबि रहलाक बादो सरकार विश्वासमे नहि लऽ एकलौटी रुपेँ आगु बढि रहल आरोप लगओलन्हि । ‘ताली दुनु हाथसँ बजैत अछि,’ मण्डल कहलन्हि,‘हमसभ सहयोग करैत आबि रहल छी तऽ सरकारके सेहो हमरासभकेँ विश्वासमे लऽ कऽ आगु बढबाक आवश्यक्ता अछि ।’ सत्तापक्ष आ प्रतिपक्षक परम्परा निर्वाह करबालेल ओ सरकारसँ आग्रह कएलन्हि ।
राजपाका प्रमुख सचेतक परमेश्वर साह १६ टा विधेयक पारित होएब दोसर अधिवेशनक सफलता रहल बतओलन्हि । विकासक गति आगु बढबाक समयमे कर्मचारी समायोजनके कारण पैघ समस्या उत्पत्र भेल साह बतओलन्हि । प्रहरी विधेयक पारित भेला ३÷४ महिना भऽ गेलाक बादो भर्ना प्रक्रिया शुरु नहि भऽ सकब दुखद रहल बतओलन्हि । शान्ति सुरक्षा कायम करबालेल अपन प्रहरी प्रशासन आवश्यक रहल कहैत प्रहरी भर्ना प्रक्रिया आरम्भ करबालेल ओ सरकारसँ आग्रह कएलन्हि ।
संघीय समाजवादी फोरमक सांसद पारसप्रसाद साह संघीय सरकार आ प्रशासनिक निकायसँ प्रदेश सरकारकेँ सहयोग नहि भेटसकल बतओलन्हि । संघीय सरकारक विकास निर्माणक योजनासभमे व्यापक त्रुटी देखल जा रहल हुनकर कहब छलन्हि ।

Read More »

राम युवा कमिटी कार्यालय संरक्षक समितिक जिम्मामे

जनकपुरधाम चैत १५ गते ।लम्बा समयसँ विवाद चलैत आबि रहल जनकपुरक राम युवा कमिटी कार्यालय संरक्षक समिति अपन जिम्मामे लेलक अछि । कमिटीक अध्यक्ष उपेन्द्र ठाकुरविरुद्धक अविश्वासके प्रस्ताव पारित भेलाक बाद पूर्वअध्यक्षसभक बैठक कार्यकारी अधिकारी संरक्षक समितिकेँ देबाक निर्णय कएने छल । संगहि माघ २७ गते सम्पत्र पूर्वअध्यक्षसभक बैसार पूर्वअध्यक्ष सोहन ठाकुरकेँ संयोजकत्वमे तीन सदस्यीय संरक्षक समिति गठन कएने छल ।
संरक्षक समितिक संयोजक ठाकुर सहित समितिक सदस्यसभ वृहस्पतिदिन कार्यालयमे लगाओलगेल ताला तोडि कऽ अपन जिम्मामे कार्यालय लेलन्हि अछि ।संरक्षक समितिक जिम्मामे कार्यकारी अधिकारी अधिकार अओलाक बाद महासचिव, कोषाध्यक्षसहितक पदाधिकारी बरबुझारत कएलाक बादो अध्यक्ष ठाकुर तैयार नहि भेलाक बाद कार्यालय अपन जिम्मामे लेलगेल संयोजक ठाकुर वृहस्पतिदिन पत्रकार सम्मेलन कऽ जानकारी देलन्हि ।
कार्यालय जिम्मामे लेबाक संगहि संरक्षक समिति कमिटीक देबालमे लिखलगेल वर्तमान कार्यसमितिक नामसभ सेहो मेटा देलक अछि । कार्यकारी अधिकारके संगहि कार्यालय संरक्षक समितिक जिम्मामे आबि गेलाक कारण कमिटीसँ सम्बन्धीत सम्पूर्ण काम कारबाही संरक्षक समिति मार्फत करबालेल संयोजक ठाकुर आग्रह कएलन्हि अछि ।
संगहि संरक्षक समितिद्धारा कार्यालयमे लगाओलगेल ताला कोनो पदाधिकारी जर्बजस्ती खोलने अवस्थामे कारबाहीके भागी स्वयं होबए परत संयोजक ठाकुर चेतावनी देलन्हि । चैती दशमी सम्पत्र भेलाक तुरन्तबाद कमिटीक नयाँ कार्यसमिति चयन करबालेल निर्वाचनक घोषणा कएल जाएत ओ जानकारी देलन्हि । कमिटीक विधानअनुसार संरक्षक समितिके तीन महिनाभितर निर्वाचन करबाक अछि ।
अध्यक्ष ठाकुर आ महासचिव, सचिव तथा कोषाध्यक्षसहितक पदाधिकारीबीचक विवादक अदालत धरि सेहो पहुँचल छल ।

Read More »

‘राजनीतिक संरक्षणमे भ्रष्टाचार’

जनकपुरधाम चैत १५ गते ।नेपाली कांग्रेसक वरिष्ठ नेता रामचन्द्र पौडेल पैघ नेतासभक संरक्षणमे भ्रष्टाचार होइत आएल दावा कएलन्हि अछि । भ्रष्टाचारक कारण देश दलदलमे फँसि रहलाक बादो अख्तियार दुरुपयोग अनुसन्धान किछु नहि कऽ सकब दुखद रहल पौडेल बतओलन्हि अछि ।
नेपाल प्रेस युनियन धनुषा वृहस्पतिदिन जनकपुरमे आयोजना कएने पत्रकार सम्मेलनमे नेता पौडेल राजनीति संरक्षणबिना पैघ काण्डसभ सम्भव नहि रहल दावा कएलन्हि ।
वाइडबडी खरिदमे सेहो पैघ नेतासभक संलग्नतामे भ्रष्टाचार भेल कहैत पौडेल दोषीके कारबाहीके दायरामे लाबएलेल अख्तियार प्रभावकारी भूमिका नहि खेल सकल आरोप लगओलन्हि ।
‘अख्तियार छोटछिन घटनामे मात्र ओझराएल अछि, पैघ घटनासँ डरा रहल छैक,’ पौडेल कहलन्हि,‘पैघ काण्डसभ अख्तियार कियाक नहि देखए सकि रहल अछि ?’
केपी ओली नेतृत्वक वर्तमान सरकार अख्तियारसहित संवैधानिक निकायसभकेँ कब्जामे लऽ कऽ अपना अनुकूल चलाबए चाहि रहल हुनकर आरोप छलन्हि । संवैधानिक तथा न्यायालय सन निकायकेँ पंगु बना कऽ सरकार संघीयता आ लोकतन्त्र समाप्त करए चाहि रहल हुनकर कहब छलन्हि ।
पौडेल दु तिहाइक दम्भमे मातल सरकार जनइच्छाअनुसार काज नहि कऽ सकल आरोप लगबैत पैसा बाँटि कऽ रोजगारीके सिर्जना नहि भऽ सकत दावा कएलन्हि ।
‘सरकार पैसा बाँटि कऽ रोजगारी देबाक बात कएने अछि,’ ओ कहलन्हि,‘रोजगारीक वातावरण बनाबए परत । कार्यकर्ताके पैसा बाँटि कऽ रोजगारी नहि आबि सकैत अछि ।’ रोजगारीके वातावरण बनाबएलेल सरकार आधारभूत काज सेहो नहि कऽ सकल हुनकर कहब छलन्हि ।
नेपालमे होबए जा रहल लगानी सम्मेलन हुए अपनासभक इच्छा रहलाक बादो लगानीक सुनिश्चितताक वातावरण तैयार करबाक दायित्व सरकारके रहल पौडेल बतओलन्हि ।
नेता पौडेल मधेशवादी दलसभ जनताकेँ भ्रममे रखने आरोप लगओलन्हि । मधेशक विरोध करएबला आ संविधान संशोधन नहि चाहएबला केपी ओली सरकारकेँ समर्थन दऽ कऽ दु तिहाइ पहुँचएबाक काज मधेशवादी दल कएने हुनकर कहब छलन्हि । मधेशवादी दलसभ जनताक सेन्टिमेन्टकेँ ब्ल्याकमेल कऽ कऽ सत्तामे पहुँचबाक काजमात्र कएने हुनकर आरोप अछि ।

Read More »
1 21 22 23 24 25 85