News

समायोजन भेल कर्मचारीकेँ अनिवार्य हाजिर करएबाक निर्देशन

काठमाण्डु वैशाख ९ गते ।संघीय मामिला तथा सामान्य प्रशासन मन्त्रालय समायोजन भेल कर्मचारीसभकेँ अनिवार्य हाजिर करएबालेल निर्देशन देलक अछि । प्रधानमन्त्री कार्यालय, सातु प्रदेश आ सात सय ५३ स्थानीय तहकेँ परिपत्र जारी करैत मन्त्रालय कर्मचारी समायोजन ऐन २०७५ अनुसार समायोजन भेल कर्मचारीकेँ अनिवार्य हाजिर होबएलेल कहने अछि ।
कतेको स्थानीय तह हाजिर नहि करा कऽ फिर्ता पठओलाक बाद सभ प्रदेश प्रमुख, नगर कार्यपालिका आ गामपालिका कार्यालयकेँ अनिवार्य रुपेँ हाजिर करएबालेल पत्र पठाओलगेल कर्मचारी प्रशासन महाशाखा प्रमुख सहसचिव रुद्रसिंह तामाङ जानकारी देलन्हि ।
मन्त्रालय रविदिन एक विज्ञप्ति जारी करैत समायोजन भेल कर्मचारीसभकेँ ऐनके व्यवस्थाअनुसार हाजिर करा जिम्मेवारी देबाक व्यवस्था करबालेल समायोजन ऐनके दफा १७ अनुसार निर्देशन तथा समन्वय समितिसँ निर्णय भेल जनाओलगेल अछि ।
कर्मचारी समायोजन ऐन, २०७५ के दफा १३ के उपदफा ७ मे सम्बन्धित निकायक प्रशासकीय प्रमुख या अधिकारी एहि ऐन अनुसार प्रदेश या स्थानीय तहमे समायोजन होबएबला कर्मचारीकेँ हाजिर करा जिम्मेवारी देबाक व्यवस्था अछि । ओहि दफालके उपदफा ८ मे उपदफा ७ अनुसार हाजिर नहि कराबएबला आ जिम्मेवारी नहि देबएबला अधिकारीकेँ प्रचलित कानुनअनुसार कारबाही करबाक व्यवस्था अछि ।

Read More »

स्थायी कमिटीसँ पार्ट एकताक निर्णय करबालेल ओली–प्रचण्डकेँ दबाब

काठमाण्डु वैशाख ९ गते ।पार्टी एकताक अन्तिम निर्णय कमसँ कम स्थायी समितिमार्फत करबालेल नेपाल कम्युनिस्ट पार्टी (नेकपा) भितर उठल अछि । नेकपा अध्यक्ष पुष्पकमल दहाल प्रचण्ड पार्टी एकताक निर्णय सोमदिन करबालेल अध्यक्ष केपी शर्मा ओली आ हुनकाबीच बेरबेर छलफल भेल बतओलन्हि अछि ।
प्रचण्ड पार्टी एकताक एक वर्ष पुरा भऽ रहलाक बादो पुरा नहि भऽ सकलप्रति चिन्ता व्यक्त करैत कहने रहथि,‘पार्टी एकताक बाँकी काम जिल्ला कमिर्टी निर्माण आ जनसंगठनक एकतासम्बन्धी कामसभकेँ काहिल्ए सम्पत्र करबाक तैयारी बैठक (प्रधानमन्त्री निवास बालुवाटार) सँ आएल छी ।’ प्रचण्ड एकताक मोडालिटीके विषयमे कहलन्हि,‘मुहँ देख कऽ मूल्यांकन करबाक स्थिति नहि अछि, एकटा सिद्धान्तमे आधारित रहि कऽ पार्टी एकताक प्रयास भेल जानकारी करबैत छी ।’
नेकपा एकता सचिवालय, केन्द्रीय कमिटी, प्रदेश कमिटीधरि पहुँचल अछि । किछु जिल्ला आ किछु स्थानीय तहमे एकताके पूर्णता भेटल अछि । घोषित कमिटीक विषयमे ओली, प्रचण्ड आ नेता माधवकुमार नेपालबीच विवाद रहल बताओलगेल अछि । नेकपाक केन्द्रीय सदस्यक जिम्मेवारी विभाजन, पोलिटब्युरो कमिटिी गठन, पार्टीक विभाग, जनवर्गीय संगठनमे एकता, जिल्लासँ स्थानीय तहधरिके एकता अन्तिम रुप लेबाक बाँकी अछि ।
७७ जिल्ला कमिटीमेसँ ४५ जिल्लाक नेतृत्व तत्कालीन एमाले आ ३२ जिल्लाक नेतृत्व तत्कालीन माओवादी केन्द्रके लेबाक समझदारी भेलाक बादो मूर्तरुप नहि लऽ सकल अछि । एहि विषयकेँ निष्कर्षमे पहुँचएबालेल नेतृत्व तहमे व्यापक छलफल चलि रहल समय नेकपाक स्थायी कमिटी सदस्यसभ स्थायी कमिटीके बैठक बजएबाक माँग कएलन्हि अछि ।
स्थायी समिति सदस्य भीम रावल पुष महिनाके बाद स्थायी कमिटीक बैठक नहि भेल बतओलन्हि अछि । बेरबेर आग्रह कएलाक बादो अध्यक्षद्धय ओली आ प्रचण्ड नहि सुनने हुनकर कहब छलन्हि । रावल कहलन्हि,‘हमसभ स्थायी कमिटीक बैठक बजएबालेल बेरबेर कहैत आबि रहल छी । मुदा खबर नहि अछि । पुष महिनासँ महत्वपूर्ण निर्णय करबालेल स्थायी कमिटीक बैठक बजएबाक माँग करतै आबि रहल छी ,’ असन्तुष्टिके स्वरमे रावल कहलन्हि,‘हमसभ कहि मात्र सकैत छी, सुनएबला निकायके सुनबाक चाही ।’ स्थायी कमिटीसँ निर्णय कएलाक बाद पैघ हिस्सा अपनत्व ग्रहण करत तत्कालीन एमालेक उपाध्यक्ष रहल रावलक धारणा छल ।
नेकपाक स्थायी कमिटी सदस्य घनश्याम भुषाल पार्टी एकता निष्कर्षमे पहुँच रहल बातक जानकारी सञ्चारमाध्यमसँ भेल बतओलन्हि । औपचारिक रुपेँ हुनका कोनो जानकारी नहि रहल भुषाल बतओलन्हि । पार्टी एकता निष्कर्षमे पहुँच रहल विषयक जिज्ञासा पर ओ कहलन्हि,‘किछु नहि बुझल अछि । सचिवालयक दु गोटे कऽ रहल छथि, सुनबामे आएल अछि ।’
तत्कालीन एमालेक उपमहासचिव रहल भुषाल एकताक निर्णय दु व्यक्ति नहि स्थायी कमिटीसँ हएबाक माँग रखलन्हि । ‘स्थायी कमिटी बैठक अनिवार्य बजाबए परत हमरासभक माँग अछि । स्थायी कमिटीमे जे बात होइत अछि ओ सभकेँ जानकारी हएबाक चाही,’ दुटा अध्यक्षकेँ देलगेल सुविधासँ पार्टी समस्यामे परल बतबैत ओ कहलन्हि,‘दुनु अध्यक्षकेँ खास समयमे जे अधिकार देलगेल छल ओ विशेष अधिकार नहि सुविधा मात्र अछि । हमरासभक तर्फसँ देलगेल सुविधाकेँ विशेष अधिकार बुझल गेल ।’ स्थायी कमिटीसँ एकताक निर्णय करब बाध्यकारी रहल हुनकर कहब छलन्हि ।
अधिकांश स्थायी कमिटी सदस्यसभ पार्टी एकताक निर्णय करबालेल स्थायी कमिटी बैठकके माँग कएने ओ बतओलन्हि अछि । ओ कहलन्हि,‘स्थायी कमिटीक विषयमे लिखित नहि मौखिक माँग कएलगेल अछि । एकताक विषयमे स्थायी कमिटी सदस्यसभकेँ औपचारिक रुपेँ जानकारीए नहि देलगेल अछि,’ ओ कहलन्हि,‘नेतृत्व विधान आ कमिटी पद्दती नहि मानैत अछि, ककरो निक नहि करत, पार्टीकेँ सेहो निक नहि होएत ।’
स्थायी कमिटी सदस्य देवेन्द्र पौडेल स्थायी कमिटी बैठकके माँग भेलाक बादो तत्काल सम्भव नहि रहल बतओलन्हि । तत्कालीन माओवादी केन्द्रक नेता पौडेल कहलन्हि,‘स्थायी कमिटी बैठकसँ एकताक निर्णय करबालेल मौखिक रुपेँ जानकारी करा रहल छी । सचिवालय सदस्य आ अध्यक्षद्धयसमक्ष व्यक्तिगत रुपेँ ई माँग रखैत आबि रहल छी ।’
स्थायी कमिटी बैठकके सम्भावनाक विषयमे पौडेल कहलन्हि,‘आई काल्हि तऽ नहि होएत मुदा भविष्यमे एकर सम्भावना अछि ।’ तत्कालीन माओवादीक अधिकांश स्थायी कमिटी सदस्य अध्यक्षद्वयसमक्ष स्थायी कमिटी बैठकके माँग कएलन्हि अछि ।
नेकपा सचिवायल सदस्य सेहो रहल उपप्रधान तथा रक्षामन्त्री ईश्वर पोखरेल पार्टी सही दिशामे जा रहलाक कारण ओहिमे ‘इफ’ आ ‘बट’ लगा कऽ विवादमे नहि लाबएलेल धारणा रखलन्हि अछि । ओ कार्यकर्ता आ जनता पार्टी एकताक प्रतिक्षा कऽ रहल कहैत ओ ई माँग पुरा करबालेल नेतृत्व लागि परल जानकारी देलन्हि । ओ कहलन्हि,‘पार्टी एकता राष्ट्रिय आवश्यक्तासँ निर्देशित अछि । इफ आ बट कहैत एकविरुद्ध आगु नहि बढबाक चाही । कार्यकर्ता, जनता आ राष्ट्रके आवश्यक्ता रहला कारण एकताक विषयमे अन्यथा नहि सोचबाक चाही ।’

Read More »

राजा घुराबएलेल आन्दोलित राप्रपाकेँ ओली सिंहदरबार बजओलन्हि

काठमाण्डु वैशाख ९ गते ।हिन्दु राज्य तथा राजसंस्था पुनरस्थापनाके लेल आन्दोलनरत राष्ट्रिय प्रजातन्त्र पार्टीकेँ वार्ताके लेल सरकार औपचारिक पत्र पठओलक अछि । प्रधानमन्त्री केपी शर्मा ओली राप्रपा सरकारकेँ बुझओने २२ सुत्रीय माँग सम्बोधनके लेल वार्ता करबालेल कानुनमन्त्री भानुभक्त ढकालकेँ जिम्मेवारी देलक अछि ।मन्त्री ढकाल राप्रपा अध्यक्ष कमल थापाकेँ सम्बोधन करैत वैशाख १० गते एक बजे वार्ताके लेल सिंहदरबारमे आमन्त्रण करैत पत्र पठओने राप्रपाक सहायकमहामन्त्री राजाराम बर्तौला जानकारी देलन्हि ।
बर्तौला सरकार वार्ताके लेल आह्वान करब सकारात्मक रहल आ राप्रपा वार्तामे सहभागी होएत जानकारी देलन्हि । हिन्दु राज्य आ राज संस्था घुरएबाक मिसनसहति पहिल चरणक जनसंघर्ष कएने राप्रपा दोसर चरणक कडा आन्दोलनक तैयारी कऽ रहल समय सरकार वार्ताके लेल बजओने अछि ।
फागुन ७ गते कमल थापा नेतृत्वक राष्ट्रिय प्रजातन्त्र पार्टी केपी शर्मा ओलीकेँ २२ सुत्रीय माँगपत्र बुझओने छल । माँगपत्रमे राजसंस्था स्थापनासँ भ्रष्टाचारीकेँ कारबाहीधरिके विषय समावेश कएलगेल अछि ।
राप्रपा २०४७ सालक बाद उच्च पदस्थ व्यक्तिसभक छानबिन करबाक माँग कएने अछि तऽ राजसंस्थासहित सभ राजनीतिक शक्तिसम्मलित गोलमेच सम्मेलन करबाक माँग सेहो कएने अछि ।
२२ सुत्रीय माँगपत्रके बँुदा नम्बर ७ (छ) मे लिखल अछि,‘२०४७ साल बादके उच्चपदस्थ व्यक्तिभक सम्पत्ति छानबिन करबालेल न्यायिक छानबिन आयोग गठन कएल जाए ।’ तहिना जबर्जजस्ती धर्म परिवर्तन करएबाक कार्य नियन्त्रण करबालेल आ धर्म परिवर्तनमे संलग्न गैरसरकारी संस्थासभकेँ बन्द करबालेल राप्रपा माँग कएने अछि । धर्मनिरपेक्षता खारिज कऽ हिन्दुराष्ट्र घोषणा, संघीयतामे जनमतसंग्रह, मेलम्ची आ वाइडबडी जहाजमे भेल अनियमितता छानबिन कऽ दोषी उपर कारवाहीसहितक विषय सेहो राप्रपा बुझओने माँगपत्रमे उल्लेख अछि । तहिना राजसंस्थासहित सभ राजनीतिक शक्ति अँटएबला नेपाली संस्करणक मौलिक प्रजातन्त्र कायम करबालेल अविलम्व सर्वपक्षीय गोलमेच सम्मेलन करबालेल राप्रपा माँग कएने अछि ।

Read More »

पिपरा गामपालिकाक अध्यक्ष चौधरीके निधन

जनकपुरधाम वैशाख ९ गते ।महोत्तरीक पिपरा गामपालिकाक अध्यक्ष विनोद चौधरीके निधन भऽ गेल छन्हि । मधुमेह, थाइराइडसहितक समस्याके कारण पछिला एक सप्ताहसँ काठमाण्डुक मेडिसिटी अस्पतालमे इलाज करा रहल चौधरीके रविदिन निधन भेल छन्हि । लम्बा समयसँ बिमार रहल चौधरी भारतक मेदान्द अस्पतालसँ इलाज करा कऽ करिब तीन महिना पहिनेमात्र घुरल छलथि । चौधरी राजपासँ गामपालिका अध्यक्षमे निर्वाचित भेल रहथि ।
एहिबीच राजपा नेपाल अध्यक्ष चौधरीक निधनप्रति दुःख व्यक्त करैत शोक प्रस्ताव पारित कएलक अछि । राजपा नेपालक रविदिन काठमाण्डुमे सम्पत्र पार्टी पदाधिकारी बैसार पार्टीक तर्फसँ गामपालिका अध्यक्षमे निर्वाचित अध्यक्ष चौधरीक अल्पआयूमे असमायिक निधनप्रति शोक प्रस्ताव पारित कएने अछि । हुनक निधनसँ पार्टीके पैघ क्षति पहुँचल राजपा जनओने अछि ।

Read More »

राजपाके दु वर्षः महाधिवेशन अनिश्चित

जनकपुरधाम, वैशाख ९ गते । वैशाख ७ सँ ९ गतेधरि राष्ट्रिय जनता पार्टी (राजपा) नेपालक पहिल महाधिवेशनक मिति तय कएलगेल छल । ६ टा मधेश केन्द्रीत दल मिल कऽ बनल राजपा वैशाख ७ गते महाधिवेशन होएत बतओने छल ।
मुदा महाधिवेशनक मिति तय कएलगेल वैशाख ७ गते राजपा अपन स्थापना दिवस मनओने अछि । २०७४ वैशाख ७ गते ६ दल मिल कऽ बनल राजपा एक वर्षभितर महाधिवेशन करबाक निर्णय कएने छल । मुदा स्थापनाक दु वर्ष बितगेलाक बादो राजपाक पहिल अधिवेशन नहि भऽ सकल अछि ।
बारा आ पर्सामे आएल हावाबिहारिक कारण निर्धारित मितिमे महाधिवेशन नहि भऽ सकल दावा पार्टी नेतृत्वके अछि । मुदा आवश्यक तैयारी नहि भऽ सकलाक कारण तय मितिभितर महाधिवेशन नहि भऽ सकल पार्टी निकट स्रोतक दावा अछि ।
एहिसँ पहिने तय कएगलगेल मितिमे महाधिवेशन नहि भऽ सकलाक बाद नयाँ मिति तय करबालेल राजपाक केन्द्रीय पदाधिकारीसभक बैठक बजाओलगेल अछि । वैशाख ८ गतेसँ १० गते धरि चलएबला पदाधिकारी बैठक महाधिवेशनक मिति आ प्रक्रियाक विषयमे निर्णय करत बताओलगेल अछि ।
तय मितिमे महाधिवेशन नहि भऽ सकलाक बाद राजपाभितर तीनटा विकल्प आगु बाढाओलगेल अछि । पार्टीक नयाँ नेतृत्व चयन करबालेल विशेष अधिवेशन, संक्षिप्त अधिवेशन आ पूर्ण अधिवेशनसहित तीनटा विकल्प उपर छलफल चलि रहल राजपाक महासचिव केशव झा जानकारी देलन्हि ।
‘महाधिवेशनके लेल तीनटा विकल्प उपर चर्चा शुरु भेल अछि,’ झा कहलन्हि,‘पदाधिकारी बैठक कोनो एक विकल्पके विषयमे निर्णय करत ।’
महासचिव झाक अनुसार विशेष अधिवेशन कएलासँ अधिकतम एक महिनाभितर महाधिवेश कएल जा सकैत अछि । विशेष अधिवेशनमे गेलासँ नयाँ नेतृत्व चयन करबालेल पार्टीके निचका कोनो अधिवेशन करब आवश्यक नहि रहलाक कारण कम समय लागि सकैत अछि ।
मुदा राजपाक दोसर तहक नेतासभ विशेष अधिवेशनके विरोधमे देखलगेल छथि । पार्टीक सहअध्यक्ष लक्ष्मणलाल कर्ण, उपाध्यक्ष वृषेशचन्द्र लाल, सर्वेन्द्रनाथ शुक्लसहितक नेतासभ चैत ४ गते अध्यक्षण्डलक संयोजक शरतसिंह भण्डारीसँ भेट कऽ लोकतान्त्रिक विधिअनुसार महाधिवेशन करबाक माँग कएने रहथि । लोकतन्त्रविपरित होबएबला महाधिवेशन पार्टीक हितमे नहि रहल ओसभ बतओने रहथि ।
तहिना वार्ड आ क्षेत्रीय अधिवेशन सम्पत्र नहि कऽ सोझे केन्द्रीय महाधिवेशन करबाक दोसर विकल्पके रुपमे आगु बढाओलगेल महासचिव झा जानकारी देलन्हि । एहिकेँ संगहि वार्डसँ जिल्ला अधिवेशनक संगहि निचका तहके सभ अधिवेशन सम्पत्र कऽ पूर्ण अधिवेशन करबाक राजपाक दोसर विकल्प अछि । पूर्ण अधिवेशन करबामे अधिक समय लगबाक सम्भावनाके देखैत पहिल या दोसर विकल्प उपर सहमति जुटबाक अधिक सम्भावना देखलगेल अछि ।
राजपा महासचिव झा बारा आ पर्सामे आएल हावाबिहारि तथा फागुन २४ गते राष्ट्रिय जनमुक्ति पार्टीसँ एकीकरण भेलाक बाद महाधिवेशनक समय आगुु बढल बतओलन्हि ।
‘निर्धारित मितिमे महाधिवेशन करबाक सोँच छल,’ झा कहलन्हि,‘हावाबिहारिक कारण नेता कार्यकर्ता ओम्हरे व्यस्त भऽ गेलन्हि । तहिना हमरासभसँ एकीकरण कएने राष्ट्रिय जनमुक्ति पार्टी सेहो समयके माँग कएलक । ओहि कारण समय पर महाधिवेशन नहि भऽ सकल अछि ।’
एकताक एक वर्षभितर महाधिवेशन नहि करा सकलाक बाद निर्वाचन आयोग तगेदा कएलाक बाद राजपा विधान संशोधन कऽ दु वर्षभितर महाधिवेशन सम्पत्र करबाक निर्णय कएने छल । आ, ओहि अनुसार वैशाखमे महाधिवेशनक मिति घोषणा कएलगेल छल ।
राजपा अध्यक्षमण्डलक बैठक १५ चैतधरि साधारण सदस्यता वितरण करबाक समयसीमा तय कएने छल । साधारण सदस्यता वितरण करबाक समयसीमा बितचुकलाक बादो प्रतिवेदन केन्द्रधरि नहि पहुँचल बताओलगेल अछि । केन्द्र स्वीकृत नहि करएधरि सदस्यताके आधिकारितकता नहि भेट सकत ।
महासचिव झा सदस्यता प्रमाणित करबामे अधिक समय नहि लागत दावा कएलन्हि अछि । सदस्यता वितरण कार्य सम्पत्र भऽ गेलाक कारण एक सप्ताहभितर अधावधिकके काज पुरा भऽ जाएत हुनकर कहब छलन्हि ।
एम्हर महाधिवेशनके बाद एकल नेतृत्व या सामुहिक नेतृत्वक विषयमे शुरु भेल विवाद राजपाभितर यथावत अछि । अध्यक्षमण्डलक सदस्यसभ अपन कार्यकर्ताके साथ छल करबालेल दु प्रकारक विधान तैयार कएने छथि । अध्यक्षमण्डल निर्वाचन आयोगमे बुझओने विधानमे सामूहिक नेतृत्वक बात कएलगेल अछि । मुदा कार्यकर्ताके वितरण कएलगेल विधानमे एकल नेतृत्वक व्यवस्था कएलगेल अछि । राजपाक दोसर तहक नेतासँ अधिकांश कार्यकर्ता एकल नेतृत्वके पक्षमे देखलगेल छथि ।

Read More »

कोलम्बोस्थित ३ चर्च र ३ होटलमा बिस्फोट, मृत्यु हुनेको संख्या १३८ पुग्यो, ४ सय बढी घाइते

कोलम्बो — श्रीलंकाको राजधानी कोलम्बोस्थित ३ गिरिजाघर र ३ ठूला पर्यटकीय होटलमा भएको श्रृंखलावद्ध बम बिस्फोटमा परी हालसम्म १३८ जनाको मृत्यु हुनुका साथै ४०० जनाभन्दा बढी घाइते भएको सुरक्षा निकाय तथा अस्पतालले जानकारी दिएको छ । श्रीलंकामा १० वर्ष अघि सकिएको गृहयुद्ध पछि भएको यो सबैभन्दा ठूलो विस्फोट हो ।इसाई धर्मावलम्बीहरुले इस्टर पर्व मनाइरहँदा राजधानी कोलम्बोस्थित कोचीकाडे, नेगम्बो र बाट्टीकालोवामा रहेका तीनवटा चर्च तथा सांग्रिला, सिनामोन ग्राण्ड र किंग्सबरी होटलमा बम विस्फोट भएको हो।कोलम्बोको कोचीकाडे गिरिजाघरमा भएको विस्फोटमा मात्रै ५० जनाको मृत्यु भएको बताइएको छ।

यस्तै बाट्टीकालोवास्थित चर्चमा भएको विस्फोटमा मर्नेको संख्या २५ रहेको स्थानीय सञ्चार माध्यमले जनाएका छन्। होटलमा भएको विस्फोटमा परी कतिजना हताहत भए भन्ने खुलाइएको छैन। यद्यपी मर्नेहरुमा ९ जना विदेशी रहेको सुरक्षा निकायले पुष्टि गरेको छ।

आक्रमणको जिम्म कसैले नलिएको पनि सुरक्षा निकायले जनाएको छ।

विस्फोट लगत्तै प्रधानमन्त्री रनील विक्रमासिंघेले सुरक्षा परिषदको आपत्कालिन बैठक बोलाएका छन्।
Read More »

नेपाली यू–१९ क्रिकेट टोलीके सपना अधुरा

काठमाण्डु, बैशाख ५ ।नेपाली यू–१९ क्रिकेट टोलीक दोसर बेर विश्वकप खेलएके सपना पुरा होबए नहि सकल अछि । मलेसियामे भेल यू–१९ विश्वकप छनोटमे नेपाल दोसर स्थानमे रहलाकबादो दोसर बेर विश्वकप खेलएके नेपालके सपना अधुरा अछि । छनोटमे पाँच खेल खेलने यूएइ सब खेलमे जित निकालैत छनोटके विजेता टोली बनल तऽ नोपल पाँच खेल मध्यमे चारि टा खेलमे जित आ एकटा खेलमे पराजित भेल छल । नेपाल युएईसँगक खेलमे एक रनसँ पराजित भेल छल । नेपाल आ यूएईबीचक खेलमे नेपाल देने लक्ष्य युएई के पाछा करबाक क्रममे बर्षा बाधक बनलाक बाद खेल डकवर्थ लुई (डिएल) मेथडके आधारमे यूएई एक रनसँ जितल छल । ओहिके बाद नेपालके विश्वकपमे पहुँचएके आसा युएई कोनो एकटा खेलमे पराजित भेनाई आ नेपाल बाँकी सब खेलमे जित हासिल करबाक छल ।
मुदा, यूएई अप्पन अन्तिम खेलधरि निरन्तर विजयी भेल । बृहस्पतिदिन भेल अप्पन अन्तिम खेलमे यूएई ओमानके १० विकेटसँ पराजित कएलाक संगे नेपालके विश्वकपमे छनोट होबएके सपना अधुरा रहि गेल अछि ।
जारी विश्वकपके एसिया छनोटसँ अपराजित रहैत यूएई १० अंकक संग विश्वकपमे छनोट भेल अछि । ६ टोली सहभागी प्रतियोगिताके अंकतालिकाके शीर्ष स्थानमे रहएबला टोली सन् २०२० मे दक्षिण अफ्रिकामे होबएबला विश्वकपमे छनोट होएबाक प्रावधान छल ।

Read More »

बालुवाटार जमिनकाण्डसँ पार्टीभित्तर पैघ भुईकम्पके सम्भावना

काठमाण्डु, बैशाख ५ । नेकपाक महासचिव विष्णु पौडेल बालुवाटार जमिनकाण्डमे फसलाकबाद एहिसँ पार्टीभितर पैघ भुईकम्प अएबाक संकेत देखल गेल अछि ।पौडल उपर नैतिक प्रश्न उठलासँ हुनका निलम्बन कऽ छानबिन करएके दबाब बढल अछि । प्रधानमन्त्री केपी शर्मा ओली पौडेलके बचावमे देखल गेलाक बादो दोसर अध्यक्ष प्रचण्ड मौन अछि ।
पार्टीक वरिष्ठ नेता माधव नेपाल सेहो मौन अछि तऽ दोसर वरिष्ठ नेता झलनाथ खनाल आ वामदेव गौतम पौडलके कारबाही करबाक पक्षमे अछि । पौडेल एखन चीन भ्रमणमे छथि ।
नेकपाभित्तर एहि प्रकरणके लऽ कऽ हल्ला मचल अछि । एहि प्रकरणसँ वैशाख ९ गते सम्पन्न होएबाक कहल गेल एकीकरण प्रक्रिया सेहो प्रभावित होएबाक सम्भावना बढल अछि ।
कतए पहुँचल एकीकरण ?
प्रधानमन्त्री एवं नेकपा अध्यक्ष केपी ओली आ दोसर अध्यक्ष पुष्पकमल दाहाल ‘प्रचण्ड’ पार्टी समायोजनक विषयमे सहमति जुटेबाक प्रयास सफल होबए नहि सकल अछि । नेकपाक किछु शीर्ष नेतासभ रुष्ट भेलाकबादो ओली–दाहाल जवरजस्ती जएबाक तैयारीमे अछि ।
एकताक निष्कर्ष लगाबए ओली–दाहाल आ वरिष्ठ नेता माधवकुमार नेपालबीच सोमदिन छलफल भेल छल । प्रधानमन्त्री निवास बालुवाटारमे भेल बैसारमे निचका तहके कमिटीके निष्कर्ष लगेबाक विषयमे छलफल भेलाकबादो सहमति जुटए नहि सकल उच्च स्रोत जनौने अछि ।
छलफलमे ओली–दाहालके नेता नेपाल मापदण्ड, विधि, प्रक्रिया आ आधारक विषयमे नेतृत्वके निष्कर्ष लगाबए पर सुझाव देने छल ।
ओली–दाहाल वैशाखक पहिल हप्ताधरिमे सहमति करए, नहि भेल तऽ जवरजस्ती हएत तहनो नेतृत्वके घोषणा करबाक निष्कर्षमे पहुँचल स्रोत जनौलक अछि ।
नेकपाक एखनधरिमे सचिवालय, केन्द्रीय कमिटी आ प्रदेश कमिटी मात्रे गठन भेल अछि । घोषणा भऽ चुकल प्रदेश कमिटीक विषयमे ओली, दाहाल आ नेपालबीच विवाद अछि ।

Read More »

पत्रकार गिरी रिहा

जनकपुरधाम वैशाख ६ गते ।पोखराक पत्रकार अर्जुन गिरी काठमाण्डु जिल्ला अदालतसँ साधारण तारिखमे रिहा भेल छथि । जिल्ला न्यायाधीश अम्बरराज पौडेलक एकल इजलास पत्रकार गिरीके रिहा करबाक आदेश देलक अछि ।
पोखरासँ प्रकाशित होबएबला ताण्डव साप्ताहिक तथा ताण्डव न्यूज डट कमक सम्पादक गिरीकेँ व्यवसायी विपेन्द्रराज बतासक विषयमे समाचार लिखने आरोपमे गिरफ्तार कएलगेल छल । हुनका साइबर क्राइमअन्तर्गत गिरफ्तार कएलगेल छल ।
मुदा एक व्यापारीक ठगीके विषयमे समाचार लिखने भरमे गिरीके गिरफ्तार कएलगेल कहैत नेपाल पत्रकार महासंघक नेतृत्वमे देशभरि हुनकर रिहाइक माँग करैत प्रदर्शन भेल छल ।
गिरीके रिहाइ तथा पत्रकारिता साइबर अपराध नहि अछि कहैत वृहस्पतिदिन देशभरिके पत्रकारसभ जिल्ला प्रशासन कार्यालयके आगु एक घन्टा धर्ना देलक अछि । नेपाल पत्रकार महासंघक शाखा कार्यालयके अगुवाइमे धनुषासहित विभित्र जिल्लाक प्रशासन कार्यालयमे पत्रकासभ धर्ना देने छल ।
एहिसँ पहिने पत्रकार महासंघ सञ्चारमन्त्री गोकुलप्रसाद बाँस्कोटासँ भेट ऽ समाचार लिखलाक कारण साइबर क्राइमक मुद्दामे पत्रकारकेँ गिरफ्तार कएलगेल घटनाप्रति खेद व्यक्त कएने छल । पत्रकारसँगक भेटमे मन्त्री बाँस्कोटा गिरी पकराएब दुःखद रहल बतबैत बतओने रहथि । प्राविधिक कमजोरीके कारण गिरीके गिरफ्तार कएलगेल कहैत मन्त्री बाँस्कोटा आइन्दा एहिप्रकारक घटना नहि दोहराओत प्रतिवद्धता व्यक्त कएने रहथि ।

Read More »

‘मधेशी दलक नेता दलाल’

जनकपुरधाम वैशाख ६ गते ।राष्ट्रिय जनमत पार्टीक अध्यक्ष सीके राउत प्रदेश २ सरकारक नेतृत्व कऽ रहल संघीय समाजवादी फोरम आ राजपा नेपालप्रति आक्रमक देखलगेल छथि ।स्वतन्त्र मधेशक माँग करैत आन्दोलन कएने राउत मूलधारक राजनीतिमे अओलाक बादसँ मधेश केन्द्रीत दलउपर आक्रमक बनल छथि । राउत मधेशवादी दलक नेतासभकेँ ‘दलाल’ कहि कऽ सम्बोधन कएने छथि ।ओसभ मधेशसँ मत लऽ कऽ ओली नेतृत्वक सरकारमे सहभागी भेल कहैत राउत अपन फेसबुकमे लिखने छथि,‘६० टा मधेशीकेँ हत्या करा कऽ जाहि एमाले÷ओलीके विरुद्धमे मधेशी जनतासँ दलाल पार्टी मत मँगलक, ओहि एमाले÷ओलीके प्रधानमन्त्री बनएबालेल हाथ नहि कापल ?’
‘६० शहीदक हत्यारा आ मधेश विरोधी ओलीकेँ मतदान नहि करबालेल कहैत मधेशी नेता एमालेकेँ मधेशसँ साफ कऽ एमालेमुक्त मधेश बनएबालेल जनतासँ मत लेलक,’ राउत लिखने छथि,‘ओसभ जनताके ठगि कऽ ओली सरकारकेँ मत देलक ।’
प्रधानमन्त्री केपी शर्मा ओलीकेँ जनकपुरमे स्वागत कएलगेल विषयमे सेहो राउत विरोध कएने छथि । माँग पुरा नहि होबएधरि काठमाण्डु नहि घुरब आ वार्ता मधेशेमे होएत कहएबला मधेशवादी दलक नेतासभ ओलीक एक फोनमे काठमाण्डु घुरल विषयमे ओ टिप्पणी कएने छथि ।
स्वतन्त्र मधेश गठबन्धन ओलीसँग नहि, सरकारसँ सम्झौता कएने दावा करैत राउत दलाल पार्टीजँका गुपचुप अन्हार कोठलीमे सम्झौता नहि कएने आरोप लगओने छथि । प्रधानमन्त्री ओली मधेशवादी दलक नेताकेँ नहि बजओलाक कारण हुनकाउपर आक्रोश व्यक्त कऽ रहल राउतक दावा अछि ।

Read More »