News

गर्मीमे बृद्धिके संगहि सुखए लागल चापाकल

जनकपुरधाम जेठ ८ गते ।जनकपुरसहित धनुषाक विभित्र क्षेत्रमे पिबएला पानिक समस्या देखलगेल अछि । पिबएबला पानिक मुख्य स्रोत इनार आ चापाकल धमाधम सुखए लगलाक बाद पानिक समस्या उत्पत्र भेल अछि । विगत वर्ष चापाकल तथा इनारसभमे मध्य अषाढतर्फ सखबाक समस्या देखलगेलाक बादो एहि वर्ष जेष्ठ शुरु हएबाक संगहि ई समस्या देखल जा रहल अछि ।
विगतमे उत्तरी धनुषामे पानिक समस्या रहलाक बादो जनकपुर नगर क्षेत्र तथा जिल्लाक पूर्वी आ दक्षिणी भागमे बिरले एहि प्रकारक समस्या देखल जाइत छल । मुदा एखन आबि कऽ जनकपुरक संगहि जिल्लाक अधिकांश स्थानसभमे चापाकल सुखए लगलाक बाद सर्वसाधारणसभ कठिनाइमे परल अछि ।
१०÷१५ वर्ष पहिनेधरि डेढ सय फिटक गहिराईमे गारलगेल कलसँ सहजि पानि अबैत छल मुदा एखन ४ सय फिटक गहिराईमे गारलगेल कलसँ सेहो पानि आबएमे समस्या भऽ रहल स्थानीय प्रमोद ठाकुर बतओलन्हि ।
एहिसँ पहिने डेढ सयसँ अढाइ सय फिटक गहिराइमे गाडिक पानि प्रयोग करैत आबि रहल कलसँ पानि अओनाइ बन्द भेलाक बाद एक लाखसँ अधिक रुपैयाँ खर्च कऽ जनकपुरक अधिकांश स्थानीय चारि सय फिटक गरिहाइक चापाकल गराबए लागल अछि ।
कल सुखबाक संगहि विद्युतीय मोटरसँ पर्याप्त मात्रामे पानि नहि आबि रहल स्थानीयसभक कहब अछि । एहिसँ पहिने आधा हर्स पावरकेँ विद्युतीय मोटर प्रयोग कऽ पानि निकालैत आबि रहलाक बादो एखन न्यूनतम एक हर्स पावरके मोटरसँ मात्र पानि आबि रहल हुनकासभक कहब अछि ।
मोटरसँ सेहो पर्याप्त पानि नहि आबि रहलाक बाद पानिक बन्दोवस्त करबालेल बाल्टीन आ बोतल लऽ कऽ पानि खोजबाक अवस्था आएल जनकपुरक उपमहानगरपालिका वार्ड नम्बर १० क रोशन साह बतओलन्हि ।
‘दिनक समयमे मोटरसँ मुश्किलसँ पानि अबैत अछि, मध्यरातिमे मोटर चलाबए परैत अछि । मुदा पडोसीसभ सेहो ओहि समय मोटर चलओलाक कारण पानि आबएमे समस्या होइत अछि,’ साह कहलन्हि,‘जनकपुरसहित एहि क्षेत्रमे बढि रहल समस्या समाधान करबातर्फ सम्बन्धीत निकाय गम्भीर नहि देखलगेल अछि ।’ समयपर एहितर्फ ध्यान नहि देलगेल तऽ निकट भविष्यमे गम्भी समस्या आएब निश्चित रहल ओ बतओलन्हि ।
धनुषासहित प्रदेश २ क अन्य जिल्लासभमे एहि प्रकारक समस्या देखलगेल कहैत सोमदिनक प्रदेशसभा बैठकमे सेहो प्रदेशसभा सदस्यसभ पिबएबला पानिक समस्या समाधान करबातर्फ सरकारकेँ ध्यान देबएलेल आग्रह कएलन्हि ।
विगतमे जनकपुरक शहरी क्षेत्रक उत्तरी भागमे ई समस्या देखलगेलाक बादो विगत २÷३ वर्ष एम्हर प्रायः हरेक स्थानमे कल सुखबाक समस्या शुरु भेल अछि । तहिना जिल्लाक उत्तरी क्षेत्र वर्षौंसँ रहल पिबएबला पानिक समस्या समाधान नहि भऽ सकल अछि ।
राजमार्ग क्षेत्रक ढल्केबर, बटेश्वर, चित्रपुर, विजयपुर सहितक दर्जनौ गामसभमे पिबएबला पानिक समस्या जहिनाके तहिना रहल स्थानीयसभ बतबैत छथि । वन जंगल विनाश होइतगेलाक कारण खण्डवृष्टि, अल्पवृष्टि आ कुसमयके अतिवृष्टिके कारण पानिक स्रोत सुखि रहल विज्ञसभ बतबैत छथि ।

Read More »

‘मिडिया काउन्सिल विधेयक कोनो हालतमे पास नहि होबए देब’

विराटनगर जेठ ०५ गते ।नेपाली कांग्रेसक सभापति शेरबहादुर देउवा सरकार लओने मिडिया काउन्सिलसम्बन्धी विधेयक कांग्रेस कोनो हालतमे सदनसँ पास नहि होबए देत बतओलन्हि अछि ।
शनिदिन विराटनगर विमानस्थलमे सञ्चारकर्मीसभसँ बातचित करैत देउवा नेपालक संविधाने प्रेस स्वतन्त्रताकेँ सुरक्षित कएने अवस्थामे वर्तमान सरकार कानुन लाबि कऽ प्रेसकेँ नियन्त्रण करए चाहि रहल बतओलन्हि ।
देउवा कहलन्हि,‘प्रेस स्वतन्त्रतामे तऽ लिखबाक अधिकार तऽ रहैत अछि, पहिने सेहो लिखबाक क्रम छल, पत्रकारो जे मन लागल से लिखबालेल अपनो तऽ नहि चाहैत अछि नै ।’ जे मन लागल से लिखएबला पत्रकारकेँ समाज विश्वास नहि करत आ ओ अपने समाप्त भऽ जाएत देउवा बतओलन्हि ।
केपी शर्मा ओली नेतृत्वक सरकार देश आ जनताके लेल किछु नहि कऽ सकल सेहो बतओलन्हि । सरकार देश आ जनताक पक्षमे परिवर्तन देखाएबला कोनो काज करबाक पक्षमे नहि रहल देउवा बतओलन्हि । विपक्षी दलक सहमतिबिना आबएबला बजेट अपनासभके मान्य रहल ओ बतओलन्हि ।

Read More »

सर्लाहीसँ खुँखार डाँका गिरफ्तार

जनकपुरधाम जेठ ०५ गते ।खुनडाँका, संगठित अपराध आ फर्जी मुद्दामे फरार सर्लाहीक लालबन्दी नगरपालिकाक संजीव पसावानकेँ प्रहरी गिरफ्तार कएलक अछि । सर्लाही, महोत्तरी, सिन्धुली, सिरहा तथा भारतक विभित्र स्थानमे खुनडाँका तथा संगगिठत अपराध करैत नुकाए कऽ रहैत आएल ४५ वर्षीय पासवानके प्रहरी घरेसँ गिरफ्तारक कएलक अछि ।
अगहन २० गते सर्लाहीक इश्वरपुर नगरपालिका–१३ स्थित हरिपुरपुर नगरपालिका–७ क धनेश्वर महतोक पैसा लुटि कऽ फरार रहल पसावनकेँ ६ महिनासँ प्रहरी खोजी कऽ रहल छल । गोप्य सूचनाक आधार पर प्रहरी पासवानकेँ घरेसँ नियन्त्रणमे लेने जिल्ला प्रहरी कार्यालय सर्लाहीक प्रहरी नायब उपरीक्षक प्रतितसिंह राठौर जानकारी देलन्हि ।
डेढ वर्ष पहिने कविलासी नगरपालिका–२ क सुनिल साहक हत्या कऽ सोनचाँदीक गरगहना लुटबाक घटनामे सेहो पासवानक संलग्नता रहल प्रहरी जनओलक अछि । पासवानविरुद्ध महोत्तरीमे ुदटा डाँका आ एकटा सरकारी कागज फर्जी कएने मुद्दा दर्ता रहल प्रहरी जनओलक अछि । सिन्धुली आ सिरहामे १÷१ डाँका मुुद्दा पासवान विरुद्ध दर्ता अछि ।
२०५८ सालमे रुपन्देहीक भैरहवामे डाँका कएने आरोपमे पकरा कऽ साढे तीन वर्ष जेल सजाय काटि चुकल पासवान भारतक विभित्र शहरमे एक दर्जनसँ अधिक डाँका कएने प्रहरी जनओलक अछि ।

Read More »

बलिप्रदानक क्रममे एकके मृत्यु

जनकपुरधाम जेठ ०५ गते ।सिरहाक लहानमे बलिप्रदानक क्रममे एक गोटेके मृत्यु भेल अछि । लहान नगरपालिका–१७ ढोढनास्थित राजदेवी मन्दिरमे बलिप्रदानक क्रममे बेहोस भऽ कऽ एक गोटेके मृत्यु भेल इलाका प्रहरी कार्यालय लहान जनओलक अछि ।बलिप्रदानक लेल लाइनमे ठाढ सिरहा सुखीपुर नगरपालिका–२ क ४५ वर्षीय बालगोपाल यादवके बेहोस भऽ कऽ मृत्यु भेल प्रहरी जनओलक अछि । अत्याधिक गर्मीके कारण शरीरमे ऊर्जाक कमीसँ बेहोस भेल यादवके इलाजके लेल लहान लऽ जाइतकाल बाटेमे मृत्यु भेल प्रहरी जनओलक अछि ।
प्रत्येक वर्ष ओतुका पञ्चावती राजदेवी मन्दिरमे वैशाख पूर्णिमाके दिन बलिप्रदानक लेल पैघ संख्यामे भीड लागल करैत अछि । बलिप्रदानक लेल लाइनमे रहल अन्य चारि आदमी अत्याधिक गर्मीके कारण बेहोस भेलाक बादो सामान्य इलाजक बाद घर घुराओलगेल प्रहरी जनओलक अछि ।
वैशाख शुक्ल पूर्णिमाके दिन ओतह भाडी मेला लागल करैत अछि । ओतुका राजदेवी मन्दिरमे पशुपंक्षीके बलि चढाबएलेल सिरहा, सप्तरी, उदयपुर, धनुषा, काठमाण्डु, विराटनगरसहित भारतक विभित्र स्थानसँ श्रद्धालुसभ आएल करैत अछि ।

Read More »

‘कम्युनिस्ट लोकतान्त्रिक प्रणाली आत्मसात नहि कऽ सकल’

काठमाण्डु जेठ ५ गते ।नेपाली कांग्रेसक उपसभापति विमलेन्द्र निधि नेपालक कम्युनिस्ट लोकतान्त्रिक प्रणालीकेँ एखनो आत्मसात नहि कऽ सकल बतओलन्हि अछि ।
शनिदिन काठमाण्डुमे आयोजित एक कार्यक्रममे बजैत निधि कहलन्हि,‘कम्युनिस्ट रुपान्तरण भऽ कऽ लोकतान्त्रिक प्रणाली आत्मसात कएने हमरासभके बुझाएल छल, मुदा नहि भेल अछि ।’
सरकार संसदमे दर्ता करओने कतेको विधेयक देखलासँ ओसभ लोकतान्त्रिक प्रणालीकेँ आत्मसात नहि कऽ सकल प्रष्ट भेल अछि हुनकर कहब छल । कन्युनिस्ट सरकारके १४ महिनाक काज देखलासँ जनतामे निराशा भेल ओ उल्लेख कएलन्हि । अन्तर्राष्ट्रिय जगतमे नेपाल पहिचान लोकतान्त्रिक नेपालक रुपमे रहल कहैत विश्वमे असफल सिद्ध भऽ चुकल कम्युनिस्ट शासन नेपालमे आबहि नहि सकैत अछि ओ दावा कएलन्हि ।
२०६२÷६३ के आन्दोलनक समय एखनुक प्रधानमन्त्री केपी ओली ‘हमरासभकेँ संघीयता नहि चाहैत छल, आहाँसभकेँ कारण संघीयतामे जाए परल’ कहैत कांग्रेस नेतासभसँग कहने स्मरण करैत ओ नेकपाक नेतासभक एहि अभिव्यक्तिकेँ जनताबीच जा कऽ स्पष्ट रुपेँ कहबाक जरुरी रहल बतओलन्हि ।
‘कम्युनिस्ट संघीयता आ लोकतन्त्रमे विश्वास नहि करएबला दल अछि,’ निधि कहलन्हि,‘ओसभ कतबो राष्ट्रबादी बात कएलाक बादो राष्ट्रवादी आ देशभक्त नहि भऽ सकैत अछि ।’
कार्यक्रममे नेपाली कांग्रेसक केन्द्रीय सदस्य गुरुराज घिमिरे ओलीक कार्यशैलीकेँ हिटलरसँ तुलना कएलन्हि । हिटलर सेहो निर्वाचनेसँ आएल स्मरण करैत प्रधानमन्त्री ओलीक बोली आ व्यवहार हिटलरके स्मरण करओने बतओलन्हि ।
दोसर केन्द्रीय सदस्य प्रदीप पौडेल राजाद्धारा कएलगेल अभ्यास ओली कएने बतओलन्हि । संसदमे व्यक्त अभिव्यक्तिकेँ संसदके रेकर्डसँ हटाओलासँ मात्र नहि होएत कहैत ओ प्रधानमन्त्रीकेँ माफी माँगए परत बतओलन्हि ।

Read More »

प्रदेश सञ्चार विधेयक फिर्ता लेबएलेल महासंघक माँग

जनकपुरधाम जेठ ५ गते ।नेपाल पत्रकार महासंघ प्रदेश २ कार्यसमिति प्रदेश सरकार लओने सञ्चार विधेयक फिर्ता लेबएलेल माँग कएलक अछि । पूर्ण प्रेस स्वतन्त्रताक संवैधानिक अधिकारविपरित पत्रकार उपर अंकुश लगएबाक हिसाबसँ प्रदेश सरकार विधेयक लओने कहैत महासंघ फिर्ता लेबाक माँग कएलक अछि ।
महासंघक प्रदेश समिति महासचिव किरण कर्ण शनिदिन विज्ञप्ति जारी कएने विज्ञप्तिमे जरिवानाके प्रावधान राखि कऽ प्रदेश सरकार प्रेस तथा अभिव्यक्ति स्वतन्त्रताविरुद्ध हस्तक्षेप कऽ पत्रकार उपर अंकुश लगएबाक कोनो कसर बाँकी नहि रखने आरोप लगाओलगेल अछि ।
‘प्रदेश सरकारक आन्तरिक मामिला तथा कानूनमन्त्री ज्ञानेन्द्र यादव विज्ञप्तिमार्फत जरिवानासम्बन्धी प्रावधान सुधार करबाक प्रतिवद्धता जनओलाक बादो विधेयकके अधिकांश धारा आ परिच्छेदसभ सञ्चार तथा पत्रकारकेँ समाचार लिखबा पर बन्दहेज करबातर्फ अभिप्रेरित रहलाक कारण प्रदेशसभामे पेश भेल विधेयक फिर्ता लेबएलेल महासंघ माँग करैत अछि,’ महासचिव कर्ण जारी कएने विज्ञप्तिमे कहलगेल अछि ।
प्रदेश सञ्चार विधेकके दफा ५५, ६९, ७० आ ७१ सहित परिच्छेद १० मे कसुर सजाय तथा पुनरावेदनक व्यवस्थासँ पत्रकारिता क्षेत्रउपर बन्दहेज लगएबाक सरकारक कुनियत देखलगेल महासंघक निष्कर्ष अछि । विधेयकमे आमसञ्चार माध्यम प्राधिकरणक स्थापना, गठन, काम, कर्तव्य आ अधिकारसम्बन्धी व्यवस्था पूर्णतः गलत आ आपत्तिजनक रहल महासंघ जनओलक अछि ।
संघीय सरकार लाबि रहल मिडिया काउन्सिलसम्बन्धी विधेयकविरुद्ध महासंघ आन्दोलनमे रहल समय प्रदेश सरकार सेहो स्वतन्त्रताविरोधी प्रावधानसहितके विधेयक लओने कहैत महासंघ आपत्ति जनओलक अछि । सञ्चारकर्मीके कुंठित करबाक उद्देश्यससँ प्रदेश सरकार लओने विधेयक पत्रकारसभकेँ आओर आन्दोलित हएबा पर बाध्य बनओने विज्ञप्तिमे कहलगेल अछि । प्रदेशसभामे विचाराधीन अवस्थामे रहल विधेयक तत्काल फिर्ता नहि कएलगेल तऽ महासंघ प्रदेशस्तरीय आन्दोलनक घोषणा करबालेल बाध्य होएत महासंघ चेतावनी देलक अछि ।

Read More »

सीके राउतक कार्यकर्ताद्धारा मुख्यमन्त्री कार्यालय घेराव

जनकपुरधाम जेठ ०५ गते ।सीके राउत नेतृत्वक जनमत पार्टीक कार्यकर्तासभ मुख्यमन्त्री तथा मन्त्रिपरिषद् कार्यालय घेराव कएलक अछि । स्वतन्त्र पत्राकारिता उपर अंकुश लगएबाक हिसाबसँ प्रदेश सरकार लओनो सञ्चार विधेयकके विरोध करैत जनमत पार्टीक कार्यकर्तासभ शनिदिन मन्त्रिपरिषद् कार्यालय घेराव कएने छल ।
जनकपुर उद्योग वाणिज्य संघसँ नाराजुलुससहित निकलल जनमत पार्टीक ¥याली मुख्यमन्त्री कार्यालय आगु पहुँच कऽ सञ्चार विधेयक आ प्रदेश सरकारक विरोधमे नाराबाजी कएने छल । प्रदेश सरकार कऽ रहल भ्रष्टाचार नुकाबएलेल सञ्चारकर्मी उपर अंकुश लगाबएलेल १ करोडधरिके जरिवाना होबएबला विधेयक लओने जनतम पार्टीक कहब अछि । मुख्यमन्त्री कार्यालय घेरावके क्रममे नाराबाजी करैत ओसभ विधेयक फिर्ता लेबाक माँग कएने छलथि ।
जनतप्रतिनिधिसभ छोटे राजा बनल–राउत
एहिबीच जनमत पार्टीक अध्यक्ष सीके राउत एखनुक जनप्रतिनिधिसभ छोटे राजा बनल दावा कएलन्हि अछि । बुद्ध जयन्तीक अवसर पर शनिदिन जनकपुरमे आयोजित राजनैतिक तथा सामाजिक परिवर्तनमे युवा एवं विद्यार्थी नेतृत्वक भूमिका विषयक अन्तरक्रिया कार्यक्रममे बजैत राउत ई बात बतओलन्हि अछि ।
राउत जनप्रतिनिधिसभ शोषण, दमन आ भ्रष्टाचारमे लिप्त भऽ कऽ छोटे राजा बनि रहल आरोप लगओलन्हि । जनप्रतिनिधिएसभ भ्रष्टाचार करबालेल कर्मचारी उपरब दबाब सिर्जना कऽ रहल राउतक दावा अछि । माउस आ पैसा बाँटि कऽ चुनाव जितलसभ एखन पैसा लुटएमे व्यस्त रहल कहैत राजनीतिमे योग्य व्यक्ति नहि आबि सकलाक कारण भ्रष्टाचार हावी भेल ओ बतओलन्हि । मुदा एहिमे नेताके मात्र दोष नहि भऽ कऽ जनता सेहो दोषी रहल राउत बतओलन्हि ।
प्रदेश सरकारप्रति आक्रोशित देखलगेल राउत ‘बेटी पढाउ, बेटी बचाउ’ अभियान देखाबामात्र रहल बतओलन्हि । ‘प्रदेश सरकारक ई अभियान देखाबामात्र अछि,’ राउत कहलन्हि,‘वास्तवमे सरकार ई अभियान चलओने अछि तऽ प्रदेश २ क १ लाख ९० हजार बालबालिका कियाक विद्यालय नहि पहुँच सकल अछि ?’
संघीय सरकारक मिडिया काउन्सिल आ प्रदेश सरकार लओने सञ्चार विधेयकप्रति सेहो राउत आक्रोश व्यक्त कएलन्हि अछि । दुनु सरकार लओने विधेयक स्वतन्त्रता विरोधी रहल कहैत तत्काल फिर्ता लेबएलेल ओ माँग कएलन्हि ।
‘सञ्चारकर्मीसभक सवालमे संघसँ अधिक खतरनाक प्रदेश सरकार देखलगेल अछि,’ राउत कहलन्हि,‘पत्रकार स्वतन्त्रतापूर्वक लिखलासँ भ्रष्टाचार करबामे समस्या भेलाक कारण १ करोड जरिवानाक प्रावधान राखि कऽ प्रदेश सरकार ई विधेयक लओने अछि ।’

Read More »

व्यापार घाटा बढल

काठमाण्डु जेठ ३ गते । उत्पादनमूलक वस्तु प्रवद्र्धन कऽ निर्यामुखी अर्थतन्त्र अवलम्बन नहि कऽ सकलाक बाद नेपालकेँ वार्षीक अर्बौ रुपैयाँ व्यापार घाटा होइत आएल अछि । व्यापार तथा निकासी प्रवद्र्धन केन्द्रक प्रारम्भिक तथ्यांकअनुसार चालू आर्थिक वर्षक पहिल आठ महिनामे व्यापार घाटा करिब २४ प्रतिशतसँ वृद्धि भऽ ८७ अर्ब ८९ करोड रुपैयाँ पहुँचल अछि ।
पछिला समय देशमे विभित्र वस्तु तथा सेवाक आयात बढ्ैत गेल तथा ओहि अनुपातमे स्वेदशी उत्पादन निर्यात होबए नहि सकलाक कारण व्यापार घाटा बढल अछि । नेपालमे विदेशी वस्तु तथा सेवा मुख्य रुपेँ भारत, चीन तथा तेसर देशक आयात होइत आएल अछि । निकासी व्यापारमे फनि आयातित देशके अतिरिक्त बंगलादेश, बेलायत, संयुक्तराज्य अमेरिका, जर्मनी, टर्की, फ्रान्स, इटाली, जापान, क्यानाडा, अस्ट्रेलिया, डेनमार्कसहितक देशमे नेपाली उत्पादन आपूर्ति होइत आएल अछि । कूल व्यापारमे निकासी तथा पैठारीक योगदान क्रमशः ६ प्रतिशत आ ९४ प्रतिशत रहल अछि ।
समीक्षा अवधिमे देशक कूल निकासी १५.३ प्रतिशतसँ वृद्धि भऽ कऽ ६१ अर्ब २२ करोड तथा कूल पैठारी २२.९ प्रतिशसँ वृद्धि भऽ कऽ ९ खर्ब ४९ अर्ब ११ करोड पहुँचल अछि । गत आर्थिक वर्षक पहिल आठ महिनामे निकासी पैठारी व्यापारक अनुपात १.१५ प्रतिशत छल चालू आर्थिक वर्षक एहि अवधिमे एकर अनुपात १.१६ प्रतिशत पहुँचल अछि ।
चालू आर्थिक वर्षक आठ महिनामे नेपालसँ निकासी भेल प्रमुख वस्तुमे पोलिष्टर तथा अन्य धागा, लोहाजन्य उत्पादन, उनी गलैँचा, तयारी पोशाक, जुट तथा ओहिसँ बनल सामग्री, पश्मिना, चाय, जीआइ पाइप, जुस, अलौँची, जडीबुटीसहितक अछि ।
तहिना चालू आर्थिक वर्षक पहिल आठ महिनामे पेट्रोलियम पदार्थक आयातमे करिब ३६ प्रतिशसँ वृद्धि भऽ कऽ एक खर्ब ३७ अर्ब ६० करोड पहुँचल अछि । सवारी साधनक अतिरिक्त भौतिक पूर्वाधारक निर्माण तथा विकास परियोजनामे पेट्रोलियम पदार्थक प्रयोग बढलाक कारण एकर आयातसेहो बढल केन्द्र जनओलक अछि ।
अधिकांश आयातित वस्तु औद्योगिक उत्पादन, मालवस्तु ढुवानी तथा सार्वजनिक यातायातमे खर्च भऽ रहल सन्दर्भमे एहि वस्तुके आयात सेहो समग्र अर्थतन्त्रकेँ चलायमान बनाबएलेल महत्वपूर्ण योगदान कएने अर्थविद् राधेश्याम मलाकार बतओलन्हि ।
व्यापार घाटा न्यूनीकरण करबालेल वाणिज्य तथा औद्योगिक नीतिकेँ समयसापेक्ष परिमार्जन करबाक, उत्पादन बढाबएलेल आवश्यक व्यवस्थाकेँ नीतिमे समावेश कऽ कार्यान्वयन करबाक जरुरी देखलगेल अछि । करिब ५० लाख युवा जनशक्ति रोजगारीक खोजीमे विदेश जएबालेल बाध्य भेलाक कारण स्वेदशमे अधिकांश खेतबारी बाँझ अछि । जाहि कारणसँ स्वदेशमे उत्पादन होबएबला कृषिजन्य उपज आयात भेल आ विप्रेणसँ आबएबला रकमके अधिकांश हिस्सा उपभोग क्षेत्रमे खर्च भेल अछि । अपनासभक विकासोन्मुख देशमे उत्पादन भेल वस्तु तथा सामग्री लागत महँग भऽ आयातित सामग्री सस्ता भेलाक कारण सेहो व्यापार घाटा भेल अर्थविद् मालाकारक दावा अछि ।

Read More »

प्रधानमन्त्री सभामुखसँ असन्तुष्टः ‘रेकर्ड डिलिट’ भेलाक बाद सम्बन्धमे खटास

काठमाण्डु जेठ ३ गते ।प्रधानमन्त्री प्रयोग कएने असंसदीय शब्द हटाआलगेल विषयकेँ लऽ कऽ प्रधानमन्त्री केपी शर्मा ओली आ सभामुख कृष्णबहादुर महराबीचक सम्बन्धमे खटास उत्पत्र भेल अछि ।
प्रधानमन्त्री देशसँ बाहर रहल समय सभामुख महरा प्रधानमन्त्री ओली प्रयोग कएने असंसदीय शब्द संसदके रेकर्डसँ हटाबएलेल निर्देशन देने रहथि । मुदा प्रधानमन्त्री स्वेद घुरबाक संगहि ओ सभामुखक एहि कदप्रति आक्रोश व्यक्त कएलन्हि अछि । भियतनाम आ कम्बोडिया भ्रमणसँ स्वदेश घुरबाक संगहि त्रिभुवन विमानस्थलमे ओली कहलन्हि,‘हम असंसदीय शब्द बाजले नहि छी, कियाक हटत ?’
प्रधानमन्त्री अपन सहकर्मीसभसँग सभामुखक भूमिकाप्रति असन्तुष्टि व्यक्त कएलन्हि अछि । सभामुख अधिक बुझए लागल छथि प्रधानमन्त्री प्रतिक्रिया देने छथि । एहिसँ संसद आ सरकारबीच टकरावक अवस्था सिर्जना करबाक खतरा देखलगेल अछि ।
भियतनाम आ कम्बोडियाक एक सप्ताहक औपचारिक भ्रमण पुरा कऽ स्वदेश घुरलाकबाद आयोजित पत्रकार भेटघाटमे एक प्रश्नके उत्तर दैत ओ कोनो अमर्यादित शब्द प्रयोग नहि कएने आ हटएबाक आवश्यक्ता सेहो नहि रहल बतओलन्हि । ओ कहलन्हि,‘बल्कि संसदमे विपक्षी दल प्रयोग कएने शब्द अमर्यादित अछि । ओ शब्द हटाबए परत ।’
देशक सर्वोच्च संस्थाकेँ अपमान कऽ बहादुरी बुझएबला प्रवृत्ति गणतन्त्रउपर आक्रमण रहल कहैत प्रधानमन्त्री ओहिके संसदसँ सुधार करबा पर जोड देलन्हि । हुनकर शब्द रेकर्डसँ हटाओलगेलप्रति ओ अप्रत्यक्षरुपेँ असन्तुष्टि जनओलन्हि ।
सरकारक आर्थिक वर्ष २०७६÷७७ के नीति तथा कार्यक्रमउपर उठाओलगेल प्रश्नउपर प्रतिनिधिसभामे जबाब देबाक क्रममे गत वैशाख २४ गते प्रधानमन्त्री ओली आ प्रमुख प्रतिपक्षी सांसदबीच दुतर्फा सवाल जबाब चलल छल ।
सभामुख महरा वैशाख २७ गतेक बैठकमे ओहि क्रममे प्रयोग कएलगेल सभ असंसदीय अभिव्यक्ति अभिलेखसँ हटाबएलेल सचिवालयकेँ निर्देशन देने रहथि ।
राष्ट्रपति विद्यादेवी भण्डारी वैशाख २० गते नीति तथा कार्यक्रम प्रस्तुत करबाक क्रममे ‘हम्मर सरकार’ शब्दाबलीप्रति कतेको विपक्षी सांसदसभ व्यङुग्य कएनेप्रति प्रधानमन्त्री ओली अशोभनीय बतओने रहथि ।

Read More »

प्रहरीमे गृहके हस्तक्षेपः आइजीपीके चेनअफ कमान्ड बँचाबएमे कठिनाइ

जनकपुरधाम जेठ ३ गते ।गत सप्ताह नेपाल प्रहरीक विशिष्ट श्रेणीक एआइजी धिरु बस्नेतके पहिल श्रेणीके दरबन्दी रहल सुरक्षा परिषदमे बदली कएलगेल । त्रिभुवन विमानस्थल सुरक्षा प्रमुख शेरबहादुर बस्नेतसँ कनिष्ठ डीआइजी शैलेस थापा महानगरीय प्रहरी आयुक्त कार्यालय रानीपोखरीमे आनलगेलाकबाद विमानस्थल पहुँचल ४५ दिनभितरे डीआइजी बस्नेतके सुरक्षा परिषदमे बदली कएलगेल । प्रदेश २ क डीआइजी दिनेश आमात्यकेँ ४ महिनामे जनकपुरसँ साइबर क्राइम ब्युरोमे बदली कएलगेल । नेपाल प्रहरीके बदलीमे उपरका निकायमे भेल चलखेल ई प्रतिनिधि घटना अछि । कोनो प्रहरीके बदली सामान्य अवस्थामे १ वर्ष पहुँचलाक बादे करबाक प्रचलन प्रहरीमे अछि ।
२०७५ कार्तिकमे दाङके प्रहरी प्रमुख एसपी कृष्णहरी शर्माके तीन महिनामे बदली कएलगेल । प्राविधिक क्षेत्रक सिडिओ गजेन्द्रबहादुर श्रेष्ठ प्रहरी अनुसन्धानमे हस्तक्षेप कएलन्हि । एसपीसँग विवाद बढलाक बाद मन्त्रालयक निर्देशनमे एसपी शर्माके बदली कएलगेल ।
धनुषा प्रहरीके नेतृत्व कऽ रहल एसपी गोविन्द थपलियाके ५ महिनामे बदली भेल । सिन्धुली एसपी रामेश्वर यादव, धादिङके एसपी डम्बरबहादुर विक आ कपलिवस्तुक एसपी मनोजकुमार यादवकेँ जिल्ला पहुँचलाक ५ महिनामे हेडक्वार्टरमे बदली कएलगेल ।
समय अवधिसँ पहिने बदली कएलगेल प्रहरी अधिकारीकेँ कोनो नहि कोनो बहानामे बदली करब आ अपना इच्छाअनुसारक व्यक्तिकेँ ओहि स्थानमे पठएबाक चलखेल बढल शिकायत प्रहरीभितर बढैत गेल अछि तऽ संगठन लगओने आरोप सेहो पुष्टि नहि भऽ सकल अछि ।
नेपाल प्रहरीमे गृह मन्त्रालयक राजनीतिक आ प्रशासनिक दबाब बढलाक बाद मुख्यालयके भूमिका कमजोर बनैतगेल अछि । बदली, पदोन्नतीसहितक नियमित प्रक्रियामे सेहो गृहसँ हस्तक्षेप होबए लगलाक बाद प्रहरी नेतृत्वके चेन अफ कमान्ड बँचाबएमे समस्या होबए लागल अछि ।
प्रहरी प्रधान कार्यालयकेँ करएबला नियमित काजमे गृह सचिव प्रेमकुमार राईके हस्क्षेप बढलाक बाद प्रहरी भितरेसँ व्यापक शिकायत आबए लागल अछि । गृहमन्त्री रामबहादुर थापाक साथ पओने राई मन्त्रीके पावर सेहो अपने अभ्यास करए लगलाक बाद आइजिपी सर्वेन्द्र खनाल असन्तुष्ट बनल छथि ।
स्रोतक अनुसार सचिव राई जिल्ला प्रहरी प्रमुख तथा प्रहरीके अन्य युनिटक प्रमुखके सोझे फोन कऽ झपारल करैत छथि । ‘सरकार आ नेकपाकेँ सहयोग नहि करब तऽ आहाँके निक नहि होएत,’ ओ एहि भाषामे प्रहरी अधिकारीके झपारल कहैत छथि स्रोत जनओलक अछि । वरिष्ठ प्रहरी अधिकृतसभकेँ समयसँ पहिने बदली करब आ जिम्मेवारीमे बारम्बार फेरबदल करबाक काज एखन गृहक दबाब आ निर्देशनमे होइत आएल अछि ।
नेपाल प्रहरीक पूर्व डिआइजी हेमन्त मल्ल प्रहरीके आन्तरिक बदली पदोन्नतीमे गृहक राजनीतिक तथा प्रशासनिक हस्तक्षेप संगठनके लेल हितकर नहि होएत बतओलन्हि । ओ कहैत छथि,‘सरकारक सभ निकायमे पहुँचएबला प्रभावकारी संगठन प्रहरी अछि । प्रहरीमे अवस्वस्थ्य क्रियाकलाप भेल तऽ ओकर असर जनताधरि पहुँचत ।’
मल्लाके अनुसार नेपाल प्रहरीमे एहि प्रकारक विकृति विगतसँ एखन बढल अछि । २०६३ के जनआन्दोलनबाद नेता आ शक्तिमे पहुँचलसभ प्रहरी परिचालनमे सेहो अनावश्यक दबाब आ हस्तक्षेप कऽ रहल अछि । एहिकेँ संगठनके चिरबाक चाही । ओ कहलन्हि,‘कोनो अफिसर या प्रहरी केहन अछि, ओकर क्षमता केहन छैक ई संगठनके रेकर्डमे रहैत अछि आ कार्यक्षमताक आधार पर बदली तथा पदोन्नती होइत अछि ।’
संगठन उपयुक्त व्यक्ति चयन कऽ नहि खटओलक या दबाबमे फिर्ता कएने अवस्थामे ओकर असर संगठन आ सरकारकेँ परि सकैत अछि हुनकर कहब छन्हि । अस्वस्थ्य क्रियाकलाप रोकबाक जिम्मेवारी संगठन आ ओकर प्रमुखके रहल मल्ल बतओलन्हि ।
नेपाल प्रहरीके केन्द्रीय प्रवक्ता डिआइजी विश्वराज पोखरेल नेपाल प्रहरीके जिल्ला नेतृत्व नियमित रुपेँ एक वर्ष धरि नहि हटाओल जाएत बतओलन्हि । जिल्ला नेतृत्वक कार्यशैली निक नहि भेल, जिम्मेवारी पुरा नहि कऽ सकल, शान्तिसुरक्षा सुदृढ नहि बना सकल अवस्थामे मात्र बदली होएत ओ बतओलन्हि ।
हुनक अनुसार कार्यसम्पादनक हेडक्वार्टर नियमित निगरानी आ सूचना संकलन करैत अछि । ककरो दबाबामे जिल्ला कमान्डर परिवर्तन नहि होइत अछि ओ बतओलन्हि ।

Read More »
1 10 11 12 13 14 96