News

बलात्कारीलाई मृत्युदण्ड दिन कांग्रेसको माग

१३ साउन, काठमाडौं । नेपाली कांग्रेसले बलात्कारीलाई मृत्युदण्डको कानून बनाउन माग गरेको छ । आइतबार संसदको शून्य समयमा बोल्दै कांग्रेस नेतृ उमा रेग्मीले भारत र अमेरिकामा पनि बलात्कारीलाई मृत्युदण्डको सजायको व्यवस्था रहेको जानकारी दिँदै नेपालमा पनि त्यस्तै व्यवस्था गर्नुपर्ने बताइन् ।कञ्चनपुरको भिमदत्तनगरमा १३ वर्षीया बालिका निर्मला पन्तको हत्या भएको प्रसंग उठाउँदै रेग्मीले भनिन्, ‘७७ वर्षीया वृद्धादेखि साढे दुई वर्षीया बालिकासम्म श्रृंखलावद्ध बलात्कृत भइरहेका छन् । यसै सिलसिलामा निर्मला पन्तको बलात्कार भएको छ । कानुन संशोधन गरेर मृत्युदण्डकोसम्म कारवाही गर्नुपर्छ बलात्कारीलाई ।’ Read More »

Read More »

राजविराज नगरपालिकामा नागरिकता सिफारिस निःशुल्क

१३ साउन, सप्तरी । राजविराज नगरपालिकाले नागरिकता सिफारिस निःशुल्क गर्ने निर्णय गरेको छ ।चालू आर्थिक बर्षदेखि नागरिकता सिफारिस वापत लाग्ने दस्तुर पुरै मिनाहा गरिएको नगरपालिकाका प्रमुख शम्भु यादवले बताए । उनले नागरिकको मौलिक हक भएकाले नागरिकता सिफारिस दस्तुर पुरै मिनाहा गरिएको बताए ।यसैगरी नगरपालिकाले सडक अतिक्रमण गरी कठघरा राखेमा १ हजार ५ सय, ठेला राखेमा एक हजार र अन्य सामग्री राखेमा ५ सय रुपैयाँ जरिवाना लिने निर्णय पनि गरेको छ । Read More »

Read More »

इण्डोनेसियामा शक्तिशाली भूकम्प, १० जनाको मृत्यु

१३ साउन, काठमाडौं । इण्डोनेसियामा गएको शक्तिशाली भूकम्पमा परी १० जनाको मृत्यु भएको छ ।स्थानीय समयअनुसार विहान ७ बजे ६.४ रेक्टर स्केलको भूकम्प गएको हो । भूकम्पको केन्द्र चर्चित पर्यटकीय क्षेत्र लोमबोक रहेको स्थानीय सञ्चार माध्यमहरुले जनाएका छन् ।  भूकम्पका कारण धेरै घरमा क्षति पुगेको छ भने थुप्रै मानिस घाइते भएको सरकारी अधिकारीहरुले बताएका छन् । उद्दार कार्य सुरु भएको छ र मृतकको संख्या बढ्ने सक्ने बताइएको छ ।

Read More »

एक लाख १० हजार घुससहित धोबिनी गाउँपालिकाका लेखापाल र नायबसुब्बा पक्राउ

११ साउन, पर्सा । अख्तियारले पर्साको धोबिनी गाउँपालिकाका लेखापाल र नायबसुब्बालाई एक लाख १० हजार घुससहित रंगेहात नियन्त्राणमा लिएको छ ।अख्तियार दुरुपयोग अनुसन्धान आयोगको कार्यालय हेटौडाले लेखापाल कृष्णनन्दन राय यादव र नायबसुब्बा अनमोल हक अन्सारीलाई घुससहित रंगेहात पक्राउ गरेको हो ।

Read More »

काठमाडौंबाट पोखरा जाँदै गरेको बस त्रिशुलीमा खस्यो, १८ जनाको उद्दार

११ साउन, चितवन । काठमाडौंबाट पोखरा जाँदै गरेको बस त्रिशुली नदीमा खसेको छ ।शुक्रबार दिउँसो चितवनको इच्छाकामना गाउँपालिका, तुम्लिङटारस्थित सडकखण्डमा करिब १ सय मिटर तल बस खसेको हो ।  Read More »

Read More »

अहंकारको सिंहासनमा बसेको सरकार जनतासामू झुक्यो : कांग्रेस

११ साउन, काठमाडौं । प्रमुख विपक्षी कांग्रेसले सरकार र डा. गोविन्द केसीबीच भएको नौबुँदे सहमति नेपाली जनताको जित भएको बताएको छ ।संसदको शुक्रबारको बैठकको सुरुमै सम्बोधन गर्दै कांग्रेस नेता मिनेन्द्र रिजालले सरकार र डा. केसीबीच भएको सहमतिबारे संसदलाई जानकारी गराउन माग गरे ।

Read More »

Read More »

सरकार र केसी पक्षबीच सात बुँदे सहमति

प्रधानमन्त्री निवास बालुवाटारमा भएको वार्तामा दुवै पक्षबीच सहमति भएको स्रोतले जनाएको छ। अहिले केहीबेरमा सरकारी वार्ता टोली र डा केसी पक्षबीच सिंहदरबारमा हुने वार्तामा हस्ताक्षर गरिने भएको छ।  डा केसीको १५ औं अनशनको २७ औं दिनमा सहमति भएको हो। डा केसीलार्इ काठमाडौं ल्याइसकेपछि पाँचौं दिनमा नेकपा संसदीय दलका उपनेता सुवास नेम्वाङको विशेष पहलमा बनेको वार्ताको वातावरण अनरुप मंगलबार दुवै पक्षबीचको संवाहिनता तोडिएको थियो। मंगलबार साँझ बसेको वार्तामा छ वटा बुँदामा सहमति नजिक पुगेको बताए पनि बुधबारको वार्ता भने सफल हुन सकेन।

डा केसीले अघि सारेको मुल विषय माफिया पोष्ने विवादित विधेयक फिर्ताको विषयमा सरकारी पक्ष सकारात्मक नहुँदा वार्ता विफल भएको जनाइएको थियो। बुधबारको वार्तामा सरकारी पक्षले छलकपट गरेको भन्दै केसी पक्षका वार्ताकारहरुले वार्ता छाडेका थिए। उनीहरुले बिज्ञप्ति जारी गरेर सरकार संवेदनहिन बनेकोसमेत आरोप लगाएका थिए।
Read More »

Read More »

इमरान खान : प्रधानमन्त्री पद सम्हाल्ने संघारमा क्रिकेट कप्तान

इमरान खानको नाम सुन्नेबित्तिकै विश्वभरका क्रिकेटप्रेमीको मष्तिस्कमा त्यो अनुहार आउँछ, जसले पाकिस्तानलाई १९९२ को विश्वकप जिताए ।करीब दुई दशकसम्म क्रिकेटमा राज गरेपछि इमरान खानले सन्यास लिए र फेरि राजनीतिमा कदम राखे ।  २२ वर्ष पहिले पाकिस्तानको राजनीतिमा पनि पाइला टेकेका यी सफल क्रिकेटरलाई सुरुमा राजनेताको रुपमा त्यति समर्थन मिलेन । तर आज, उनी पाकिस्तानमा सत्ताको कमाण्ड सम्हाल्ने ऐतिहासिक मोडमा खडा भएका छन् ।राजनीतिक पारीको सुरुवातामा जुन इमरान खानलाई पाकिस्तानी मिडिया र आम सर्वसाधारणले खासै महत्व दिएका थिएनन्, आज उनैलाई २० करोड जनसङ्ख्या भएको देशको महिला र युवाको एक ठूलो वर्गले समर्थन गरिरहेको छ ।यसको पछाडिको मुख्य कारण आम रुपमा राजनीतिक र सार्वजनिक जीवनमा विवादहरु भन्दा टाढा रहनुलाई मानिएको छ ।तर, २०१८ को चुनाव प्रचार प्रसारको क्रममा उनीमाथि अमर्यादित भाषा प्रयोग गरेको आरोप लागेको थियो र निर्वाचन आयोगले उनलाई यस्तो नगर्न निर्देशनसमेत दियो । Read More »

Read More »

दोस्रो वाइडबडी विमान नेपाल भित्रियो

काठमाडौँ- मकालु नामको नेपाल वायुसेवा निगमको दोस्रो वाइडबडी विमान त्रिभुवन अन्तर्राष्ट्रिय विमानस्थलमा  अवतरण गरेको छ । विमान निर्माण भएको फ्रान्सको तुलुज शहरबाट करीब नौ घण्टाको उडानपछि अन्तर्राष्ट्रिय मानस्थलमा अवतरण भएको हो । निगमका महाप्रबन्धक सुगतरत्न कंसाकारसहितको टोली विमानमा आएका थिए ।  विमानस्थलमा विमानलाई पानीको फोहोराले भव्य स्वागत गरिएको थियो । संस्कृति पर्यटन तथा नागरिक उड्डयन मन्त्रालयलका सचिव कृष्णप्रसाद देवकोटा, निगमका उच्च अधिकारीलगायतले स्वागत गरेका हुन् ।

Read More »

पार्टीको आन्तरिक समस्या भद्रगोल र असरल्ल छोडेर आन्दोलन

काठमाडौं- मुलुक संघीय संरचनामा गएको करिब तीन वर्ष भए पनि मुलुकको सबैभन्दा पुरानो र लोकतान्त्रिक पार्टी कांग्रेस भने आन्तरिक संगठनलाई असरल्ल छाडेर विषयान्तर भएको छ।
केदारभक्त माथेमा नेतृत्वको आयोगले चिकित्सा शिक्षा सुधारको विषयमा दिएको प्रतिवेदनका सुझावबमोजिम विधेयक ल्याउन माग गर्दै आमरण अनशनमा बसेका डा. गोविन्द केसीको मागलाई एजेन्डा बनाएर कांग्रेस आन्दोलनमा होमिएको छ । पार्टीका समस्या ज्यूँका त्यूँ छन् ।
‘डा. केसीको मागप्रति पार्टीले ऐक्यबद्धता जनाएको हो। त्यसैलाई लिएर हामी आन्दोलनमै जानुपर्छ भन्ने छैन,’ पूर्वसहमहामन्त्री अर्जुननरसिंह केसीले नेपाल समयसँग भने, ‘आन्दोलनको नाममा पार्टीको आन्तरिक जीवनमा सम्पादन गर्नुपर्ने महत्वपूर्ण कामलाई पन्छाउनु उचित होइन।’
एक वर्षअघि भएको स्थानीय तहको निर्वाचनको समीक्षा गर्न बसेको पार्टी केन्द्रीय कार्यसमिति बैठकले ती विषयको निष्कर्ष निकाल्न महासमिति बैठक बोलाउने निर्णय गरेको थियो। आगामी भदौभित्र महासमिति बैठक आयोजना गर्ने निर्णय गरे पनि नेतृत्वले हालसम्म स्थान र मिति तोक्न सकेको छैन।
बैठकमा पेश गर्ने प्रतिवेदन र संघीय संरचनाबमोजिम पार्टी विधानलाई परिमार्जन गर्न मस्यौदा समिति गठन हुन नसक्दा भेला अन्योलमा परेको छ। पार्टी सभापति शेरबहादुर देउवा र संस्थापन पक्षले विधान मस्यौदा समितिमा बस्ने सदस्यको नाम असन्तुष्ट नेता रामचन्द्र पौडेलले नदिएका कारण गठनमा ढिलाइ भएको जनाउँदै आएको छ।

 ‘डा. गोविन्द केसीको मागप्रति कांग्रेसले ऐक्यबद्धता जनाएको हो। त्यसैलाई लिएर हामी आन्दोलनमै जानुपर्छ भन्ने छैन।’

पौडेल पक्षधर नेताहरूले भने सभापति देउवाले नै विधान मस्यौदा समिति गठनमा चासो नदिएको, भेला आयोजना स्थल र मिति नतोकिएको तथा जथाभावी सदस्यता वितरण थालेको दाबी गरेको छ।
‘रूपन्देही, सर्लाहीलगायत जिल्लामा आफूखुशी र विधि-विधानविपरित सदस्यता वितरण हुन थालेको सूचना हामीलाई आएको छ,’ नेता केसीले भने, ‘भातृ संस्थाको कार्यकाल सकिए पनि महाधिवेशन गर्नेतर्फ ध्यान गएको छैन।’
नैनसिंह महर नेतृत्वको नेपाल विद्यार्थी संघको दुई वर्षे कार्यकाल साउनमा सकिँदैछ। नेविसंघमा अल्पमतमा परेपछि अध्यक्ष महरले विगत एक वर्षदेखि केन्द्रीय कार्यसमितिको बैठकसमेत गर्न सकेका छैनन्। असन्तुष्ट नेविसंघ महामन्त्री कुन्दनराज काफ्ले नेतृत्वका बहुमत केन्द्रीय सदस्यले महाधिवेशन आयोजक समिति घोषणा गरिसकेका छन्।
नेविसंघभित्रको विवाद समाधान गर्न सहमहामन्त्री डा. प्रकाशशरण महतले पहल गरे पनि निकास निकाल्न सकेका छैनन्। पार्टीको अर्को शुभेच्छुक संस्था नेपाल प्रेस युनियनको पनि दुई वर्षे कार्यकाल आगामी भदौमा सकिँदैछ। तर, युनियनले पनि महाधिवेशन मिति घोषणा गर्न सकेको छैन।
विधानबमोजिम सात वटा प्रदेश समिति गठन गर्न असन्तुष्ट नेता रामचन्द्र पौडेल, कृष्णप्रसाद सिटौला र केसीलगायतले सभापति देउवालाई दबाब दिए पनि उनी टसको मस हुने पक्षमा छैनन्। प्रदेशमा हाल कायम रहेका महाधिवेशन प्रतिनिधिबाट प्रदेश कार्यसमितिको निर्वाचन गर्दा पराजय हुने त्रासले पार्टी संस्थापन पक्ष सर्वसम्मतको प्रयासमा छ।
नेता पौडेललाई दुई साताअघि सभापति देउवाले प्रदेश समिति गठन सर्वसम्मतिले गर्न तीन वटा प्रदेश प्रमुख दिने आकर्षक प्रस्ताव राखेका थिए। तर, पौडेलले निर्वाचन प्रक्रियाबाट मात्र प्रदेश कार्यसमिति गठनको पक्षमा उभिएपछि सभापति देउवा प्रदेश समिति गठनबाट टाढिएको एक केन्द्रीय सदस्य बताउँछन्।
पार्टीका ४२ वटा विभाग र अन्य समिति गठन नभएको र गठन भएको अनुशासन समिति पनि संयोजक रमेश रिजालले राजिनामा दिएसँगै भंग भएको बताउँदै असन्तुष्ट पौडेल र सिटौला समूहले प्याकेजमा सहमति गर्न सभापति देउवालाई दबाब दिइरहेको छ।
सभापति देउवाले भने अहिले विभाग गठनमा लाग्नुभन्दा नेकपाका अध्यक्ष केपी ओलीविरुद्ध आन्दोलनमा लाग्नुपर्नेमा जोड दिइरहेका छन्। पौडेल र सिटौलाले भने प्याकेजमा सहमति नभए निर्वाचन गर्न, महासमिति बैठकको तयारी गर्न संस्थापन पक्षलाई दबाब दिइरहेका छन्।
पार्टी नेतृत्वले भने आगामी १५ साउनमा सरकारविरुद्ध देशव्यापी आन्दोलन  गर्न सबै ७७ जिल्ला कार्यसमितिलाई पत्राचार गरिसकेको छ। तर, नेतृत्वले महासमिति भेलाको तयारी नगरेको गुनासो पौडेल पक्षधर नेताको छ।
उनीहरूले डा. गोविन्द केसीको माग टुंगिएको भोलिपल्ट आन्दोलनको एजेन्डा स्थायी नहुने बताउँदै अरूको एजेन्डामा आन्दोलन गर्न नहुने बताइसकेका छन्।
केन्द्रीय सदस्य एनपी साउदले पनि डा. केसीको माग कांग्रेसको माग नभएको बताउँदै विवेकशील साझा पार्टीले बोकेको एजेन्डालाई कांग्रेसले लिन नहुने बताइसकेका छन्।

Read More »

Read More »