देश

भारतसँ रेल सेवा सम्झौताक विस्तृत पुनरावलोकनके लेल ११ सदस्यीय वार्ता टोली

काठमाण्डु जेठ १७ गते । सरकार नेपाल–भारत रेल सेवा सम्झौताक विस्तृत पुनरावलोकनके तेसर बैठकमे भाग लेबएलेल उद्योग, वाणिज्य तथा आपूर्ति मन्त्रालयक सहसचिव नवराज ढकालक संयोजकत्वमे ११ सदस्यी वार्ता टोली गठन कएलक अछि ।
मन्त्रिपरिषद्के निर्णयक विषयमे जानकारी देबएलेल वृहस्पतिदिन सिंहदरबारमे पत्रकार सम्मेलन कऽ सरकारक प्रवक्ता गोकुल बाँस्कोटा रेलमार्गक सम्भाव्यता अध्ययनसहितक विषयमे छलफल करबालेल नेपाल सरकार वार्ता टोली गठन कएने बताओलन्हि ।
भारतक नयाँ दिल्लीमे आयोजना होबएबला तेसर बैठकमे सहभागी होबएलेल गठित वार्ता टोलीमे रेल विभाग, परराष्ट्र मन्त्रालय तथा अर्थमन्त्रालयक अधिकारीसभ छथि ।
बैठक नेपाली सैनिक चार्टर उडान विकास समितिकेँ कायम रखबाक निर्णय कएलक अछि । बैठक लुम्बिनी विकास परिषदके सदस्य सचिव विष्णुप्रसाद ढकालकेँ पदसँ हटएबाक निर्णय कएलक अछि तऽ गौतमबुद्ध अन्तर्राष्ट्रिय विमानस्थलके दीर्घकालीन आ व्यवसायिक सञ्चालनकेलेल सम्झौता करबाक कार्य आगु बढएबाक सैद्धान्तिक सहमति देलक अछि ।
भारतक नयाँदिल्लीस्थित नेपाली राजदूतावासमे मिनिस्टर (इकोनोमी) पदमे कार्यरत सहसचिव कृष्णहरी पुष्करके फिर्ता बजाबएलेल परराष्ट्र मन्त्रालयकेँ निर्देशन देबाक आ हुनका संघीय मामिला तथा सामान्य प्रशासन मन्त्रालयक अतिरिक्त समूहमे बदली करबाक निर्णय कएलगेल बाँस्कोटा बतआलन्हि ।
तहिना मुस्लिम आयोगक सिफारिसकेँ दृष्टिगत करैत मुस्लिमधर्मावलम्बीसभक पर्व ईदुलफित्रके दिन सार्वजनिक छुट्टी देबाक निर्णय सरकारक कएलक अछि । मन्त्रिपरिषद्के बैठक खाद्य संस्थान आ नेसनल ट्रेडिङ लिमिटेडकेँ समायोजन कऽ खाद्य व्यवस्था तथा व्यापार कम्पनी लिमिटेड गठन करबाक निर्णय कएलक अछि । बैठक अन्तर्राष्ट्रिय विकास सहायता परिचालननीति २०७६ स्वीकृत कएलक अछि तऽ व्यापार घाटा न्यूनीकरणसम्बन्धी राष्ट्रिय कार्ययोजना २०७५ स्वीकृत कएलक अछि ।

Read More »

‘प्रधानमन्त्रीद्धारा लोकतन्त्र उपर धावा’

काठमाण्डु जेठ १७ गते । नेपाली कांग्रेसक सभापति शेरबहादुर देउवा लोकतन्त्र उपर धावा बजलाक कारण केपी ओली नेतृत्वक कम्युनिस्ट शासनविरुद्ध दोसर लडाई करबाक अवस्था आबि सकैत अछि बतओलन्हि अछि ।
नेपाली कांग्रेसक केन्द्रीय नीति, अनुसन्धान तथा प्रशिक्षण प्रतिष्ठानद्धारा गणतन्त्र दिवसके अवसर पर वृहस्पतिदिन राजधानीमे आयोजित कार्यक्रममे देउवा लम्बा संघर्षकेबाद प्राप्त लोकतान्त्रिक शासन व्यवस्था कमजोर बनएबाक षडयन्त्रमे लागल ओली सरकारविरुद्ध आन्दोलन करबाक अवस्था आबि सकैत अछि बतओलन्हि । ओ एहिके लेल तैयारी अवस्थाम रहबालेल कार्यकर्तासभकेँ निर्देशन देलन्हि ।
संघीयता विरोधी वर्तमान सरकार बजेटमे सेहो संघीयताकेँ प्राथमिकतामे नहि रखने उल्लेख कएलन्हि । संविधान प्रदेशकेँ देने अधिकार सेहो छिन कऽ सरकार सिंहदरबारमे केन्द्रीकृत करए चाहि रहल ओ आरोप लगओलन्हि ।
कार्यक्रममे उपसभापति एवं केन्द्रीय नीति, अनुसन्धान तथा प्रशिक्षण प्रतिष्ठानक प्रमुख विमलेन्द्र निधि कम्युनिस्ट शासन प्रणाली आ संघीयता परस्पर विरोधी रहल कहैत ई ुदुनु एक साथ आगु नहि बढि सकत बतओलन्हि । उपसभापति निधि देश हाँकएबला ड्राइभरक सिट पर बैसल प्रधानमन्त्री ओली स्वयं संघीयता उपर विश्वास नहि करएबला व्यक्ति रहलाक कारण देश कोनो समय दुर्घटनामे फसि सकैत अछि बतओलन्हि ।
संघीयतामे विश्वास नहि कएलाक कारण प्रदेश सरकारके अधिकारविहीन बना कऽ प्रधानमन्त्री आली निचका तहक अधिकार सेहो सिंहदरबारमे केन्द्रीकृत कएने उल्लेख कएलन्हि ।
कार्यक्रममे महामन्त्री पूर्णबहादु खडका कम्युनिस्टसभ संघीय लोकतान्त्रिक गणतन्त्रकेँ सत्ताप्राप्तिके सिढीके रुपमे प्रयोग कएने बतओलन्हि ।
राजनीतिक शास्त्रक प्राध्यापक डा.लोकराज बराल संघीयता कार्यान्वयनके चुनौती विषयमे प्रस्तुतीकरण देने छलथि । हुनकर प्रस्तुतीमे डा.रुद्र शर्मा टिप्पणी कएने छलथि ।

Read More »

महोत्तरी कारागारसँ १३ कैदीके सजाय माफ

जनकपुरधाम जेठ १७ गते ।गणतन्त्र दिवसके अवसर पर वृहस्पतिदिन महोत्तरी जिल्ला कारागारसँ चौकीदार (मुख्यकैदी) सहित १३ कैदीके कैद माफ कएलगेल अछि ।कारागार कार्यालय महोत्तरी जलेश्वरक निमित्त जेलर प्रदीपकुमार साहक अनुसार गणतन्त्र दिवसके अवसर पर जलेश्वर कारागारमे कैदी जीवन बितबैत आबि रहल चौकीदार (मुख्यकैदी) श्रीनारायण महतोसहित १३ टा कैदीके कैद माफ कएलगेल छैक ।माफी पाबएबलामे कर्तव्य जान मुद्दाक ४, डाका मुद्दाक ३, मारिपिटसम्बन्धी मुद्दाक २, हत्याक प्रयाससम्बन्धी मुद्दाक २ आ सवारी जान मुद्दाक २ सहित १३ कैदी रहल निमित्त जेलर साह बतओलन्हि ।
कैद माफी पाबएबलामे चौकीदार कर्तव्य जान मुद्दामे २०६७ सालसँ कैदमे रहल महोत्तरी बनौटा ६ क श्रीनारायण महतो, ओहि मुद्दाक जनकपुरधाम–२३ क मकसुधन चौधरी, सिरहला जिल्ला लालपुर ७ क शेखर थापा आ महोत्तरी रामनगर ८ क मुनिलाल महतो अछि ।
तहिना डाका मुद्दा अन्तर्गत धनुषा जिल्ला पुष्पलपुरक उपेन्द्र साह, यज्ञभुमिक शम्भु कार्की आ नुवाकोट जिल्लाक राजकुमार अधिकारी अछि ।
तहिना हत्याक प्रयाससम्बन्धी मुद्दा अन्तर्गत जनकपुरधाम–१७ क चन्चला देवी मण्डल आ महोत्तरी सुन्दरपुरक अमरेशकमाुर यादव अछि ।
तहिना मारिपिट मुद्दा अन्तर्गत जनकपुरधाम–२३ क शम्भुाथ झा आ भिटयाहीक विष्णुदेव मण्डल केवट अछि । सवारी जान मुद्दा अन्तर्गत धनुषाक लक्ष्मिनियाक सत्यनारयण कुर्मी आ मकवानपरक सरोजप्रसाद चौलागाईंके सेहो कैद माफ कलगेल जेलर साह बतआलन्हि ।
नेपाल सरकारक मन्त्रिपरिषदके २०७६ जेठ १० गतेक निर्णयअनुसार गणतन्त्र दिवसके अवसर पर असल व्यवहार आ कमसँकम ५० प्रतिशत कैद भुक्तान कऽ चुकल ४ सय ३४ कैदीसभक कैद माफ कएलगेलमेसँ महोत्तरी कारागारसँ १३ कैदीके कैद माफ कएलगेल अछि ।

Read More »

रामराजा सिंहक शालिक निर्माण होएत

जनकपुरधाम जेठ १७ गते ।शहीदसभक स्मरण करैत प्रदेश सरकार आयोजना कएने तीन दिवसीय गणतन्त्र दिवस वृहस्पतिदिन सम्पत्र भेल अछि ।
गणतन्त्र दिवसके अवसर पर वृहस्पतिदिन आयोजना कएलगेल चायपान कार्यक्रममे मुख्यमन्त्री लालबाबु राउत गणतन्त्र स्थापनाके लेल बलिदानी देने शहीदसभक स्मरण करैत ओसभ देखने सपना पुरा करबाक अभिभारा अपनासभक उपर आएल बतओलन्हि ।
लोकतन्त्रक उच्चतम अभ्यासके रुपमे रहल गणतान्त्रिक व्यवस्थाक सफलताक लेल प्रदेश सरकार सुशासन आ समृद्धिकेँ मुल आधार बना कऽ आगु बढि रहल ओ दावा कएलन्हि ।
गणतन्त्र स्थापनार्थ अटुट संघर्ष कएने स्वर्गीय रामराजा प्रसाद सिंहकेँ स्मरणमे प्रदेश सरकार एहि वर्ष शालिक निर्माण करत राउत बतओलन्हि ।
प्रदेश प्रमुख रत्नेश्वरलाल कायस्थक प्रमुख आतिथ्यमे सम्पत्र कार्यक्रममे भौतिक पूर्वाधार विकास मन्त्री जितेन्द्र सोनल, आन्तरिक मामिला तथा कानुनमन्त्री ज्ञानेन्द्र यादवसहितक व्यक्तिसभक उपस्थिति छलन्हि । एहि अवसरमे नेपाली सेनाक टोली राष्ट्रिय झण्डाप्रति सलामी सेहो अर्पण कएने छल ।

Read More »

बजेट संघीय सिद्धान्तविपरित– प्रदेश सरकार

जनकपुरधाम जेठ १७ गते ।संघीय सरकार सार्वजनिक कएने बजेटप्रति प्रदेश २ सरकार असन्तुष्टि जनआलक अछि । बुधदिन संघीय सरकारक अर्थमन्त्री डा.युवराज खतिवडा प्रस्तुत कएने आर्थिक वर्ष २०७६÷७७ क बजेटप्रति प्रदेश सरकारक अर्थमन्त्री विजय यादव असन्तुष्टि जनओने छथि ।
अर्थमन्त्री यादव संघीय सरकार लओने बजेट संक्रमणकालीन शैलीसँ फरक नहि रहल प्रतिक्रिया देलन्हि अछि । सरकार प्रस्तुत कएने बजेट संघीयताक सिद्धान्त आ मूल्यमान्यताविपरित रहल कहैत ओ बजेटसँ संघीयता स्थापित हएबामे शंका उत्पत्र भेल बतओलन्हि अछि ।
‘बजेट लाबएसँ पहिने संविधान संशोधन हएबाक चाही छल,’ मिथिला डटकमसँ बातचित करैत मन्त्री यादव कहलन्हि,‘७५३ स्थानीय तह आ प्रदेश सरकारकेँ १५÷१५ प्रतिशत तथा सिंहदरबारकेँ ७० प्रतिशत बजेट विनियोजन करबाक सिद्धान्त संघीय मूल्यमान्यताविपरित अछि । ई प्रक्रिया समाप्त करब जरुरी अछि ।’
स्थानीय तह आ प्रदेश सरकारकेँ १५÷१५ प्रतिशत तथा सिंहदरबारकेँ ७० प्रतिशत बजेट ई कोन प्रकारक संघीयता रहल कहैत यादव प्रश्न कएलन्हि । संघीयता बँचाबएलेल संविधान संशोधन कऽ कऽ बजेट अएबाक चाही हुनकर तर्क छलन्हि । ‘पुराने परम्पराअनुसार बजेट आएल अछि,’ मन्त्री यादव कहलन्हि,‘तात्कलीन बहुदलकाल, संक्रमणकालक बजेटकेँ गणतान्त्रिक नेपालमे निरन्तरता देलगेल अछि । एहन बजेट देश आ प्रदेशक हित करएबला नहि छैक ।’
प्रदेश २ केँ एग्रीकल्चर जोनके रुपमे विकास करबातर्फ बजेट ध्यान नहि देने कहैत मन्त्री यादव सिंहदरबार केन्द्रीत सरकारकमातहत कृषि मन्त्रालय रखबाक कोनो तुक नहि रहल बतआलन्हि । कृषिकेँ स्थानीय पालिका अन्तर्गत लाबि कऽ अनुगमनक जिम्मा प्रदेशकेँ देबापर ओ जोड दलन्हि अछि ।
पुराने ढर्रा आ शैलीमे आएल बजेट संघीय सिद्धान्तविपरित रहल कहैत मन्त्री यादव एहि प्रकारक बजेटसँ संघीयता संस्थागत हएबामे शंका उत्पत्र कएने उल्लेख कएलन्हि ।

Read More »

शक्तिशाली बनबालेल बालकके निमर्मतापूर्वक हत्या

जनकपुरधाम जेठ १७ गते । धनुषाक मिथिला नगरपालिकामे एक बालकके निर्ममतापूर्वक कएलगेल हत्यासम्बन्धी घटनाके गुथ्थी प्रहरी सुलझओलक अछि । मिथिला नगरपालिका–६ क शम्भुकुमार साहक अढाई वर्षक बेटा आर्यन उपनामक समिरकुमार साहक हत्यासम्बन्धी घटनाक रहस्य प्रहरी पत्ता लगओलक अछि ।
अढाई वर्षीय आर्यनकेँ अपना शक्तिशाली बनबाक सोँचके साथ स्थानीय ५५ वर्षीय शत्र्ध्न महतो हत्या कएने प्रहरी जनओलक अछि । बालकके हत्या कएने आरोपमे महतोके नियन्त्रणमे लऽ कऽ प्रहरी वृहस्पतिदिन सार्वजनिक कएलक अछि । महतो अपनाकेँ धामी कहैत आएल प्रहरी जनओलक अछि ।
गत वैशाख २३ गते घरसँ हराएल आर्यनके शव २४ वैशाखमे स्थानीय कृष्णनानन्द महतोके बारीमे बरामद भेल छल । जिल्ला प्रहरी कार्यालय धनुषा, प्रदेश प्रहरी आ संघीय प्रहरी इकाइ संयुक्त रुपेँ ६५ गोटेकेँ नियन्त्रणमे लऽ कऽ घटनाक अन्ुन्धान कएने छल ।
अनुसन्धानक क्रममे ओझाभक्ता सिख रहल महतो बालक आर्यनके बली देने रहस्य खुजल अछि । धामीओझामे अपने शक्तिशाली बनबालेल अन्धविश्वासक कारण महतो बालक आर्यनके बली देने अनुसन्धानसँ खुजल पत्रकार सम्मेलनमे धनुषाक एसपी शेखर खनाल बतआलन्हि ।
महतोके गिरफ्तार कएलाक करिब तीन सप्ताहबाद प्रहरी वृहस्पतिदिन सार्वजनिक कएलक अछि । वैशाख २३ गते साँझ माय रेणुदेवी घास काटएगेल मौकाके फायदा उठबैत महतो आर्यनके अपहरण कएने छल । ओहि राति महतो करिब २ बजे सिद्धि प्राप्त करबाक अन्धविश्वासमे अपने आँगनमे धरगर हथियार प्रयोग कऽ आर्यनके गर्दन रेत कऽ हत्या कएने छल । महतोक घरपरिवारक अन्य सदस्यसभ बाहर गेल आ घरमे केऊ नहि रहल मौकामे बालकक बली देबाक उद्देश्यसँ आर्यनके हत्या कएने अनुसन्धानसँ खुजल एसपी खनाल बतओलन्हि ।
आर्यन बिमार भेल समय सेहो महतो झारफुक करैत आएल छल प्रहरी जनओलक अछि । महतोक घर आर्यनक घरसँ करिब सय मिटरके दुरी पर अछि । आर्यनक बाबु वैदेशिक रोजगारमे अछि । बालकक हत्यामे प्रयोग कएलगेल घरेलु हथियार आ लत्ताकपडा सेहो प्रहरी बरामद कएलक अछि ।
आर्यनक बाबा पिताम्बर साह महतेविरुद्ध दर्ता करओन किटानी जाहेरीके आधारपर करबाही आगु बढाआलगेल प्रहरी जनओलक अछि ।

Read More »

अपहरणके बाद बालकके हत्या

वीरगंज जेठ १६ गते ।वीरगंज उपमहानगरपालिकासँ पाँच दिन पहिने अपहरणमे परल ८ वर्षीय बालकके हत्या भेल अछि । वीरगंज महानगरपालिका–३ छपकैयाँ निवासी शम्भु साहक ८ वर्षीय बेटा करण साहक अपहरणकबाद हत्या भेल अछि ।
जिल्ला प्रहरी कार्यालय पर्साक अनुसार अपहरित बालकके शव कलैया उपमहानगरपालिकाक खैरहवास्थित नदीमे बरामद भेल अछि । गत शुक्रदिन भोरेसँ बेपत्ता भेल बालकक रिहाइक लेल अपहरणकारी फिरौती लेनदेनके लेल अभिभावकसँ मोलजोल कऽ रहल समय अचानक बालकक शव भेटलाक बाद अभिभावक स्तब्ध बनल अछि ।
अपहरणकारी ३० लाख रुपैयाँ फिरौती माँग कएने छल मुदा कमजोर आर्थिक अवस्थाक कारण ५ लाख रुपैयाँमात्र दऽ सकब कहैत अपहरणकारी समूहकेँ सहमत कराओने छल ।
फिरौती रकम लेबएलेल अपहरणकारी बजओने स्थानमे गेल समय ओसभ बालकके शव देखओलाक बाद सादा पोशाकमे रहल प्रहरी गोली प्रहार कऽ तीगोटेके नियन्त्रणमे लेलक अछि । अपहरणमे संलग्न रहल आरोपमे प्रहरी विकास शर्मा, सिकेन्द्र साह आ रामविनेश महतोकेँ गोली प्रहार कऽ नियन्त्रणमे लेने प्रहरी उपरीक्षक ढकाल जानकारी देलन्हि ।
बालक अपहरणक विषयमे देरसँ जानकारी अओलक कारण बालककेँ उद्धार नहि भऽ सकल प्रहरी अधिकारीके कहब अछि । नियन्त्रणमे लेलगेल भारतीय नागरिक शर्मा अपहरण आ हत्याक मुख्य योजनाकार रहल प्रहरीके दावा अछि । गत वर्षमात्र पडोसी जिल्ला बारामे अपहरणकारी दुटा बालकके अपहरणकबाद हत्या कएने छल ।

Read More »

प्रत्येक सांसदके ६ करोड

जनकपुरधाम जेठ १६ गते ।सरकार विकास कार्यमे संघीय सांसदसभक सहाभिगता करएबाक कहैत रकम विनियोजन कएलक अछि । सांसदके पैसा दऽ कऽ विकास नहि होएत कैत अर्थविज्ञसभक पैघ आलोचनाके बीच अर्थमन्त्री डा.युवराज खतिवडा सांसदसभकेँ ६ करोड रुपैयाँ बँटबाक निर्णय लेने छथि ।
बुधदिन सम्पत्र संघीय संसदके संयुक्त बैठकमे आगामी आर्थिक वर्ष २०७६÷ ७७ के बजेट सार्वजनिक करैत अर्थमन्त्री खतिवडा स्थानीय विकास साझेदार कार्यक्रमअन्तर्गत प्रति निर्वाचन क्षेत्र ६ करोड रुपैयाँक हिसाबसँ ९ अर्ब ९० करोड रुपैयाँ विनियोजन कएलगेल जानकारी देलन्हि ।
एहिसँ पहिने चालु आर्थिक वर्षक बजेटमे अर्थमन्त्री खतिवडा प्रति निर्वाचन क्षेत्र ४ करोड रुपैयाँक हिसाबसँ रकम विनियोजन कएने रहथि । सांसदकेँ पैसा बँटबाक काज संविधानक मूलमर्मविपरित रहल आ एहिसँ विकासमे खासे फरक नहि परत कहैत ४ करोड रुपैयाँ सेहो घटाबएलेल विज्ञसभ सुझाव देने रहथि ।
कतेको सांसदसभ स्वयं सेहो सांसदके काज कानुन बनएबाक रहल कहैत पैसा नहि बँटबालेल सुझाव देने रहथि । मुदा शीर्ष नेतासभक दबाबक कारण ई कार्यक्रम अर्थमन्त्री नहि हटा सकताह चर्चा चलैत आबि रहल छल ।
राष्ट्रिसभाक सासंद रामनारायण बिडारी सांसदकेँ रकम बँटबाक काज सैद्धान्तिक हिसाबेँ गलत रहल कहैत एकर विरोध करैत आबि रहल छलाह । सांसद अपने बजेट बनओलाक कारण कार्यकारी भूमिका सेहो अपने निर्वाह नहि करबाक चाही हुनकर कहब छलन्हि ।
पहिने स्थानीय तहमे जनप्रतिनिधि नहि रहल समय ई कार्यक्रम आवश्यक रहलाक बादो तीनु तहक सरकारमे जनप्रतिनिधि आबिगेलाक बाद ई कार्यक्रम हटएबालेल पूर्वअर्थमन्त्री डा.रामशरण महत बतबैत आबि रहल छलथि ।
ई कार्यक्रम संघीय सरकारक मात्र प्रदेश सरकारके सेहो अलग अछि । संघीय सरकारकेँ देखासिखी करैत गत वर्ष सेहो पाँचटा प्रदेश प्रदेश सांसदसभकेँ रकम बँटने छल । दुटा प्रदेश प्रदेश ३ आ गण्डकी प्रदेश गत वर्ष अपन सांसदसभकेँ रकम नहि बँटने छल ।
गत वर्ष प्रदेश २ प्रतिसांसद ५० लाख रुपैयाँ विनियोजन कएने छल । मुदा एहि वर्ष बढा कऽ १ करोड पहुँचएबाक सरकारक तैयारी अछि । मुदा एहिमे सेहो सांसदसभ असन्तुष्टि जनबैत २ करोड पहुँचएबाक माँग रखने छथि ।
वृद्धभत्तामे वृद्धि
सरकार ज्येष्ठ नागरिकक सामाजिक सुरक्षा भत्ता वृद्धि कएलक अछि । बजेट प्रस्तुत करैत अर्थमन्त्री खतिवडा सामाजिक सुरक्षा भत्ता मासिक एक हजार वृद्धि कएलगेल घोषणा कएलन्हि ।
ज्येष्ठ नागरिककेँ राज्यद्धारा संरक्षण करबाक नीतिअनुसार सरकार ७० वर्षसँ उपरके सभ ज्येष्ठ नागरिककेँ प्रदान करैत आबि रहल मासिक भत्ता दु हजारसँ बढा कऽ तीन हजार रुपैयाँ कएलक अछि । तहिना ६० वर्ष पहुँचल दलित, कर्णालीक ज्येष्ठ नागरिक एवं पूर्ण तथा आंशिक अपांगता भेल नागरिकके एहि सामाजिक सुरक्षा भत्तामे सेहो समावेश कएल जाएत । एहिसँ करिब १३ लाख ज्येष्ठ नागरिक प्रत्यक्ष लाभान्वित हएबाक अनुमान कएलगेल अछि ।
तहिना अतिअशक्त, अपाङ्ता भेल, एक महिला, लोपोन्मुख आदिवासी जनजातिकेँ प्रदान होइत आएल सामाजिक सुरक्षा भत्तामे सेहो मासिक एक हजार वृद्धि कएलगेल अछि ।
प्रधानमन्त्री रोजगार कार्यक्रमके लेल पाँच अर्ब
स्वदेशमे रोजगारी सिर्जना करबाक उद्देश्यसँ शुरु कएलगेल प्राधानमन्त्री रोजगार कार्यक्रम कार्यान्वयन करबालेल सरकार पाँच अर्ब एक करोड रुपैयाँ विनियोजन कएलक अछि । चालु आर्थिक वर्षमे शुरु कएलगेल एहि कार्यक्रमकेँ प्रभावकारी कार्यान्वयन करबालेल रोजगार सेवा केन्द्रमे सूचीकृत बेरोजगारकेँ सार्वजनिक विकास निर्माणमे परिचालन कएल जाएत खतिवडा बतओलन्हि ।
सरकार बेरोजगार युवाकेँ स्थानीयस्तरमे रोजगारीक अवसर उपलब्ध करएबाक उद्देश्यसँ एहि कार्यक्रमकेँ शुभारम्भ कएने छल । कार्यक्रमअन्तर्गत सरकार बेरोजगार नागरिककेँ प्रत्येक आर्थिक वर्षमे न्यूनतम सय दिनक रोजगारी उपलब्ध करएबाक व्यवस्था अछि ।
रेलमार्गके लेल ७ अर्ब ७० करोड
रेलमार्गसभक निर्माणकेँ प्रतिष्ठाके विषय बनओने सरकार एहि काजके लेल आगामी वर्षमे पौने ८ अर्ब बजेट विनियोजन कएलक अछि । चालु आर्थिक वर्षके लेल साढे ४ अर्ब बजेट पओने रेलमार्गके लेल आगामी वर्ष ७ अर्ब ७० करोड रुपैयाँ बजेट विनियोजन कएलगेल अछि । ई बजेट मुख्यरुपेँ रेलमार्गक जग्गा अधिग्रहणके लेल खर्च होएत । पूर्व–पश्चिमसहित अन्य रेलमार्गकेँ प्राथमिकतामे राखि कऽ बजेट आनलगेल अछि । रेल विभाग करिब २० अर्ब रुपैयाँ माँग कएने छल । सरकार चीन तथा भारतकेँ रेलमार्गसँ जोडएबला महत्वाकांक्षी आयोजना आगु बढाबएमे सेहो ई रकम उपयोग करत ।
रक्सौल–काठमाण्डु आ केरुङ–काठमाण्डु जोडएबला रेल अनुदानमे बनादेबएलेल नेपाल भारत आ चीनसमक्ष प्रस्ताव कएने अछि । दुनु अन्तरदेशीय रेलमार्गकेँ आगु बढाबएलेल डीपीआर तैयार करबामे एहि वर्ष बजेट खर्च करबाक योजना अछि ।
तहिना काठमाण्डु–लुम्बिनी आ काठमाण्डु–पोखरा रेल, काठमाण्डुमे मोनो या मेट्रो रेल सेहो सरकार अपन प्राथमिकतामे रखने अछि । बजेटमे जनकपुर–जयनगर आ जोगबनी–विराटनगर ब्रोडगेज रेलमार्ग चलएबाक हिसाबसँ आगामी वर्षमे काज होएत ।
हवाई पूर्वाधारमे पौने १६ अर्ब
सरकार आगामी आर्थिक वर्ष २०७६÷७७ मे राष्ट्रिय गौरवसहित हवाई आयोजनामे प्राथमिकताके साथ बजेट विनियोजन कएने अछि । सरकार हवाई आयोजनामे पौने १६ अर्ब बजेट विनियोजन कएने अछि ।
अर्थमन्त्री पेश कएने बजेटमे हवाई क्षेत्रकेँ १५ अर्ब ८५ करोड बजेट विनियोजन कएलगेल अछि । ई चालु आर्थिक वर्षसँ कम अछि । चालु आर्थिक वर्षमा हवाई पूर्वाधारका लागि १९ अर्ब ३५ करोड रुपैयाँ बजेट विनियोजन कएने छल ।
राष्ट्रिय गौरवक २१ आयोजनामेसँ भैरहवास्थित गौमबुद्ध अन्तर्राष्ट्रिय विमानस्थल आ पोखरा क्षेत्रीय अन्तर्राष्ट्रिय विमानस्थल एखन भौतिक प्रगतिक हिसाबसँ आगु अछि ।
सरकार गौमबुद्ध विमानस्थलके लेल ३ अर्ब ३४ करोड आ पोखरा विमानस्थलके लेल ८ अर्ब विनियोजन कएने अछि । सरकार दोसर अन्तर्राष्ट्रिय विमानस्थल निजगढकेँ सेहो बजेटमे निरन्तरता देलक अछि ।
शिक्षा तथा विज्ञानमे १ खर्ब ६३ अर्ब
आर्थिक वर्ष २०७६÷७७ के लेल शिक्षा तथा विज्ञान क्षेत्रमे बजेट शिक्षामे विशेष जोड देने अछि । एहि क्षेत्रमे १ खर्ब ६३ अर्ब ७६ करोड बजेट विनियोजन कएलगेल अछि ।
शिक्षा आ माध्यमिक तहधरि निशुल्क शिक्षा उपलब्ध करएबाक व्यवस्था बजेटमे कएलगेल अछि । सरकार ७० जिल्लाकेँ पूर्ण साक्षर घोषणा करबाक उद्दश्यसँ बजेट लओने खतिवडा बतओलन्हि । राष्ट्रपति शिक्षा सुधार कोष सञ्चालन कएलजाएत बजेटमे उल्लेख कएलगेल अछि । दिवा नास्ताके लेल ५ अर्ब ९५ करोड विनियोजन भेल अछि ।
प्राविधिक विषय आ गणित, अंग्रेजी आ विज्ञान विषयमे शिक्षक नहि पहुँचल स्थानमे स्नातक आ स्नातकोत्तर अध्ययन कऽ रहल विद्यार्थीकेँ शिक्षक स्वयंसेवकके रुपमे परिचालन कएलजाएत बजेटमे उल्लेख अछि । एहिके लेल एक अर्ब ५० करोड विनियोजन कएलगेल अछि ।

Read More »

गणतन्त्र दिवसके अवसर पर प्रभातफेरी

जनकपुरधाम जेठ १६ गते ।गणतन्त्र दिवस जनकपुरसहित देशभरिमे विभित्र कार्यक्रमसहित मनाओलगेल । एहि अवसर पर जनकपुरमे बुधदिन भिन्सर प्रभातफेरी निकाललगेल । तहिना गणतन्त्र दिवसक अवसर पर जानकी मन्दिर प्राङ्गणमे मानव श्रृंखला निर्माण कऽ एकताक सन्देश सेहो देलगेल ।
उपमहानगरपालिका कार्यालयसँ निकाललगेल प्रभातफेरीमे प्रदेश २ क मुख्यमन्त्रीसहित प्रदेश सरकारक मन्त्री, जनप्रतिनिधि, विभित्र विद्यालयक विद्यार्थीसभक सहभागिता छल । उपमहानगरपालिका कार्यालय आगुसँ निकलल प्रभातफेरी नगरक विभित्र भागक परिक्रमा कएने छल ।
मुख्यमन्त्री तथा मन्त्रिपरिषद् कार्यालय एहि वर्ष दु दिनक कार्यक्रमसहित गणतन्त्र दिवस मनएबाक निर्णय कएने अछि । गणतन्त्र दिवसक अवसर पर दोसर दिन अर्थात वृहस्पतिदिन मुख्यमन्त्री कार्यालय चायपानक कार्यक्रमके आयोजना करए जा रहल अछि ।

Read More »

गणतन्त्र घोषणा भेल ओ ‘दिग्विजयी क्षण’

जनकपुरधाम जेठ १६ गते ।ठीक ११ वर्ष पहिने संविधानसभाक पहिल बैठक गणतन्त्र घोषणा करबाक संगहि देशभरि उल्लास आ खुशीके माहौल छल । आ, एहि उल्लासमे जनकपुरकेँ पाछु रहबाक कोनो बाते नहि छल । १९ दिनधरि चलल दोसर जनआन्दोलन आ ओहिसँ पहिने विभित्र लोकतान्त्रिक आन्दोलन तथा मधेश आन्दोलनमे भरपुर शक्ति लगओने छल, जनकपुर ।
राजतन्त्रक अन्त कऽ देशमे जनताका पूर्ण शासनव्यवस्था स्थापित करबाक हिसाबसँ भेल आन्दोलनक परिणामस्वरुप संविधानसभासँ गणतन्त्रक घोषणा भेल दिन जनकपुरक कतेको घरसभमे दिपावली मनाओलगेल । आन्दोलनमे लागलसभक संगहि आमजनता घोषणा भेल राति खुशीयालीमे जुलुस निकाललक । नेपालसँ राजाक शासन सेहो अन्त भऽ सकैत अछि कहिँकतौह केउ नहि सोचने गणतन्त्रक ओसि घोषणासँ उल्लास आ उमंग लओने छल, जनकपुरवासीबीच ।
संविधानसभा बैठक देशसँ राजा फेक कऽ जनताक शासन आएल कहैत गणतन्त्र घोषणा भेल दिनकेँ जनकपुरक नागरिक दिग्विजयी’ क्षणके रुपमे लेने बतबैत छथि वरिष्ठ साहित्यका डा.राजेन्द्र विमल राजेन्द्र विमल ।
‘२००७ सालसँ वेदानन्द झा परिकल्पना कएने गणतन्त्रकेँ मूर्तरुप देबाक काज रामराजाप्रसाद सिंह कएलन्हि,’ डा.विमल कहैत छथि,‘संविधानसभासँ गणतन्त्र घोषणा भेल दिनके एतुका जनता भारी विजयके रुपमे लेने छल । खुशी आ उल्लासमे कोनो कमी नहि छल ओहि दिन ।’
मुदा नेपालमे गणतन्त्रात्मक शासन व्यवस्थाक विषयमे आमजनताक सोँचसँ फरक चिन्तन रहन्हि हुनकर । ओ कहैत छथि,‘गणतन्त्र अर्थात जनताक शासन आबिगेलाक बादो कतेह हदधरि सफल होएत एहि विषयमे हमर चिन्ता छल ।’
जनता उल्लसीत भऽ रहल समय राजाके हटा कऽ केहन गणतन्त्र आओत हुनकर दिमागमे प्रश्नसभ खेल रहल छल विमल बतबैत छथि । ‘गणतन्त्र आबि रहल समय नेताक चिन्तन, दृष्टि, आमजनताक चेतनासहितक सवाल हमर मानसपटलमे घुमि रहल छल,’ ओ कहैत छथि,‘जनताक हाथमे शासनव्यवस्था अओलासँ मात्र गणतन्त्र नहि आबि जाइत अछि । हिटलर सेहो जनताके बेटा रहथि । मुदा, ओ क्रुर तानशाही निकलथि ।’
‘सत्ता जनताके या राजाके हाथमे हुए पैघ विषय नहि छैक, आमजनताक गासवास, भौतिक पूर्वाधार, स्वास्थ्य, शिक्षासहित सुविधा भेटल या नहि ई अधिक महत्व रखैत अछि,’ विमल कहलन्हि ।
गणतन्त्र अओला एक दशकसँ अधिक भऽ गेलाक बादो आमजनता विगतसँ अधिक फरक अनुभव नहि कऽ सकब चिन्ताक विषय रहल ओ बतओलन्हि । आई आमजनताक अपेक्षा नष्टानाबुद भेल अछि आ किछु व्यक्तिमे मात्र सत्ता केन्द्रीत भेल ओ बतओलन्हि ।
‘करपर कर बढि रहल अछि, राष्ट्रिीय जीवनक आयामसभ विकृत होइत गेल अछि, भ्रष्टाचार बढल अछि,’ ओ कहलन्हि,‘गणतन्त्रमार्फत जनता एहि बातसभक अपेक्षा पक्के नहि कएने छल ।’ राजनीतिज्ञसभक चिन्तन आ व्यवहार गणतन्त्रप्रति विचलन लएबाक काज कऽ रहल कहैत डा.विमल गम्भीरतापूर्वक चिन्तन करबाक आवश्यकता रहल बतओलन्हि ।
संविधानसभासँ गणतन्त्र घोषणा भऽ गेलाक बादो जनकपुरक आमनागरिक विश्वास नहि कर सकै रहल छल बतबैत छथि प्राध्यापक डा.सुरेन्द्र लाभ । ‘गणतन्त्रक विषयमे संविधानसभामे छलफल चलि रहल समय दरबार या सेनासँ कतौह कोनो षडयन्त्र तऽ नहि होएत की एक प्रकारक त्रास छल,’ लाभ कहैत छथि,‘मुदा संविधानसभा बैठक गणतन्त्रक घोषणा करबाक संगहि सयौंके संख्यामे आमनागरिक खुशियाली मनएबालेल सडक पर निकलि गेल ।’
‘नेपालसँ राजा हटत अधिकांश आदमी कल्पना सेहो नहि कएने छल,’ ओ कहैत छथि,‘संविधानसभासँ गणतन्त्र घोषणा भेलाक बाद जनकपुरक नागरिकमे अद्धभूत प्रकारक खुशियाली छाएल छल ।’ गणतन्त्र घोषणा भेल ओहि दिन देखलगेल उल्लास आ उमंग आब स्मरणमे मात्र राखल जा सकैत अछि ओ बतओलन्हि ।
मुदा एक दशक पुरा कऽ चुकल गणतन्त्रसँ अपेक्षाअनुसार जनतामे निराशा उत्पत्र होइत आबि रहल हुनकर कहब छन्हि । गणतन्त्रक विषयमे आमजनतामे समान धारणा नहि बनि सकल ओ बतओलन्हि । आमजनता आ सचेत नागरिककेँ गणतन्त्रक विषयमे अलगअलग अनुभूति रहल लाभ बतबैत छथि ।
गणतन्त्र आबिगेलाक बाद कमसँकम राजा हटि कऽ जनताक शासन आएल सचेत तथा राजनीति करएबलासभक बुझाइ रहलाक बादो आमजनता फरक दृष्टिकोणसँ देख रहल हुनकर विश्लेषण अछि । पहिने एकटामात्र राजा रहल नेपालमे गणतन्त्र आबिगेलाक बादो कतेको राजासभ बनिगेल आमजनता बुझि रहल लाभ बतओलन्हि ।
राष्ट्रपति, प्रधानमन्त्री, मन्त्री, कतेको राजनीतिज्ञसभ देखा रहल तामझाम शोभनीय नहि रहलासँ आमनागरिकके मनमे एहि प्रकारक सोँच उत्पत्र भेल हुनकर कहब अछि । गणतन्त्र अओलाक बाद देशक राजनीतिक स्वरुप परिवर्तन भेलाक बादो आमनागरिक विगतसँ अधिक तात्वीक भित्रता महसुस नहि कऽ सकल लाभ बतबैत छथि ।
गणतन्त्र अएबाक संगहि समृद्धि आ विकास गतिलेल नेपाली जनताक आकांक्षा एखनो अधुरा अछि । देश गणतन्त्रात्मक व्यवस्थाके अभ्यास कऽ रहल समय आशाअनुसारक उपलिब्ध प्राप्त नहि भऽ सकल एहि यथार्थके अधिकांश जनता चर्चापरिचर्चा करैत आबि रहल अछि ।

Read More »
1 6 7 8 9 10 91