देश

आई चैती छठिक संध्याकालीन अर्घ

जनकपुरधाम चैत २८ गते । चैती छठि जनकपुर सहित नेपाल तथा भारतक विभिन्न स्थानसभमे हर्षोल्लास एवम श्रद्धापूर्वक मनाओल जा रहल अछि । छठिक मुख्य विधि दु दिन पहिने शुरु भेलाक बादो आई डुबैत सुर्यके पुजा कऽ कऽ सन्ध्याकालिन अर्घ देल जाएत । चैती छठिक अवसर पर जनकपुरमे विशेष चहल पहल देखलगेल छल । जनकपुरक गंगासागर, धनुषसागर, अंगराजसर सहितक पोखरिसभमे चैती छठि श्रद्धापूर्वक मनाओल जाइत अछि । पोखरिके घाटसभ पर पहुँच कऽ दर्शन करबालेल श्रद्धालुसभक भिडभाड रहल करैत अछि । विगतमे जनकपुरक प्रमुख पोखरि गंगासागर आ धनुषसागरमे मात्र कएल जाएबला चैती छठि विगत किछु वर्षसँ अन्य पोखरिसभमे सेहो कएल जा रहल अछि । चैती छठि देखबालेल जनकपुरमे विदेशी पर्यटकसभ सेहो आएल करैत अछि । छठि ब्रत कएलासँ पापक क्षय हएबाक विश्वास रहलाक कारणेँ एहि पावनिमे ब्रतालु शुद्धताके विशेष ध्यान देल करैत छथि । पूजाके समाग्री तैयार करैतकाल अशुद्ध नहि हएबाक चाहि जनविश्वास अछि । ढाकीमे राखि कऽ पोखरिके घाट धरि पहुँचाओलगेल फलफुल, ठकुवा, भुसवा सहितक पुजन समाग्रीसँ पुजा करैत सन्ध्याकालिन अर्घ सम्पन्न भेल अछि । छठिके अन्तिम दिन जकरा पारन कहल जाति अछि आई उगैत सूर्यके अर्घ दऽ कऽ छठि पर्व सम्पन्न होएत । छठि पर्व कएलासँ दुस्ख दरिद्रता अन्त हएबाक संगहि सन्तान प्राप्तीके संगहि चर्म रोग सम्बन्धी रोग निक होइत छैक जनविश्वास अछि । एम्हर जनकपुरमे चैती छठि करएबला ब्रतालुसभक संख्या क्रमशः वृद्धि भेल अछि । अन्य वर्षसभक तुलनामे एहि वर्ष चैती छठि करएबला ब्रतालुसभक संख्यामे वृद्धि देखलगेल स्थानीय परमेश्वर साह बतओलन्हि अछि ।

Read More »

‘धार्मिक पर्यटकीय करिडर निर्माण होएत’

जनकपुरधाम चैत २७ गते ।मुख्यमन्त्री लालबाबु राउत प्रदेशक विकासके लेल प्रदेश सरकार धार्मिक पर्यटनकेँ प्राथमिकतामे राखि कऽ आगु बढि रहल बतओलन्हि अछि । सिरहाक लहानमे पाँचम पकडीया गढ महोत्सवके उद्घाटन करैत मुख्यमन्त्री राउत पकडिया गढक विकासके लेल प्रदेश सरकार हरसम्भव प्रयास करत प्रतिवद्धता व्यक्त कएलन्हि । पकडीया गढक विकासके लेल डीपीआर तैयार करबालेल संरक्षण समितिके ओ आग्रह सेहो कएलन्हि ।
आगामी आर्थिक वर्षमे प्रदेशक धार्मिक पर्यटकीय करिडर निर्माण कार्य शुरु होएत कहैत मुख्यमन्त्री राउत राजा सलहेसक गाथासँ जुडल पकडीया गढकेँ सेको करिडरभितर राखि कऽ विकास कार्य आगु बढाओल जाएत उल्लेख कएलन्हि ।
धार्मिक पर्यटकीय करिडर निर्माणके बाद लाखौं आन्तरिक तथा बाह्य पर्यटक लएबाक लक्ष्य सरकार लेने उल्लेख करैत ओ ओहिके बाद एहि क्षेत्रमे आर्थिक गतिविधि तीव्र होएत विश्वास व्यक्त कएलन्हि ।

Read More »

ट्रक आ मोटरसाइकलक ठोक्करमे तीनके मृत्यु

जनकपुरधाम चैत २७ गते ।ट्रक आ मोटरसाइकल एक आपसमे ठोक्कर लागि कऽ दुर्घटना भेलासँ सिरहामे तीन गोटेके मृत्यु भऽ गेल अछि । पूर्वपश्चिम राजमार्गस्थित सिरहाक लहान नगरपालिका–१३ भोटिया नजदिक ना ३ ख ७७७४ नम्बरक ट्रक आ स १ प ७३७८ नम्बरक मोटरसाइकल एक आपसमे ठोक्कर लगलानसँ दुर्घटना भेल बताओलगेल अछि ।दुर्घटनामे लहान नगरपालिका–४ क २६ वर्षीय कृष्णा सहनी, शिव सहनी आ २५ वर्षीय मनोज मण्डलके मृत्यु भेल प्रहरी जनओलक अछि । पूर्वसँ पश्चिमतर्फ आबि रहल ट्रक विपरित दिशासँ जा रहल मोटरसाइकलके ठोक्कर देलाकबाद दुर्घटना भेल बताओलगेल अछि ।
ठोक्कर देबएबला ट्रक आ चालककेँ नियन्त्रणमे लऽ कऽ आवश्यक अनुसन्धान चलि रहल ईलाका प्रहरी कार्यालय लहान जनओलक अछि ।

Read More »

गृह निकाललक हावाबिहारि प्रभावित क्षेत्रक पूर्ण विवरण

जनकपुरधाम चैत २७ गते ।गृह मन्त्रालय गत रविदिन आएल भीषण हावाबिहारिसँ भेल क्षतिके विवरण सार्वजनिक कएलक अछि । रविदिन साँझ बारा आ पर्सा जिल्लामे ७ः४५ सँ ८ ः१५ बजे धरि आएल हावाबिहारि तथा पाथरिके कारण ओहि जिल्लाक विभित्र स्थानसभमे जनधनके पैघ क्षति भेल मन्त्रालय जनओलक अछि ।बारा जिल्लामे २७ आ पर्सा जिल्लामे १ गोटेके निधन भेल गृह मन्त्रालय जनओने अछि । पुरुष ११, महिला ११, बालक २ आ बालिका ४ सहित २८ गोटेके निधन भेल गृह जारी कएने विवरणमे उल्लेख अछि । मृतक सभकेँ पहिचान खुजि चुकल गृह जनओलक अछि ।
तहिना हावाबिहारिक कारण बारामे १ हजार १२२ आ पर्सा जिल्लामे ३३ सहित १ हजार १५५ आदमी घायल भेल अछि । भौतिक एवं आर्थिक क्षतिके विस्तृत विवरण संकलनक क्रममे रहल गृह जनओने अछि । विपद् जोखिम न्यूनीकरण तथा व्यवस्थापन कार्यकारी समितिके बैठक पुनःस्थापना आ पुनर्निर्माणक सम्बन्धमे आवश्यक निर्देशन देलगेल मन्त्रालय जनओने अछि ।

Read More »

सर्वोच्चक आदेशविरुद्ध फोरम नेपाल सडक पर

जनकपुरधाम चैत २७ गते ।जन्मके आधार पर नागरिकता प्राप्त व्यक्तिक सन्तानकेँ वंशजके आधार पर नागरिकता देबाक गृह मन्त्रालयक निर्णय कार्यान्वयन नहि करबालेल सर्वोच्च अदालतक अन्तरिम आदेशविरुद्ध सत्तारुढ संघीय समाजवादी फोरम नेपाल आन्दोलनमे उतरल अछि ।वीरगंजमे मंगलदिन फोरम नेपालक नेता कार्यकर्ता सर्वोच्चक अन्तरिम आदेशक विरुद्ध प्रदर्शन करैत अदालतक आदेशके सांकेतिक प्रति सेहो जरओलक अछि ।फोरम नेपालक नगर अध्यक्ष ईश्वर यादवक अगुवाइमे घण्टाघर चौक पर जम्मा भेल फोरम नेपालक नेता तथा कार्यकर्ता सर्वोच्चक आदेश मधेश विरोधी रहल कहैत प्रदर्शन कएने छल । ओसभ सर्वोच्चक आदेश तत्काल सुधार करबाक माँग सेहो कएने छलथि ।
सर्वोच्चक आदेश अनुसार जन्मके आधार पर नागरिकता लेने व्यक्तिके सन्तानकेँ जिल्ला प्रशासन कार्यालय वंशजके आधार पर नागरिकता वितरण कऽ रहल समय सर्वोच्च अदालत निर्णय उन्टा कऽ निर्णय कार्यान्वयन नहि करबालेल आदेश देब दोहरा चरित्र रहल अध्यक्ष यादव बतओलन्हि ।
‘संविधान २०६३÷६४ मे जन्मके आधार पर नागरिकताप्राप्त व्यक्तिक सन्तानके वंशजके आधार पर नागरिकता वितरण करबालेल उल्लेख अछि’ यादव कहलन्हि,‘मुदा मधेश विरोधी मानसिकता रहल किछु वकील आ सर्वोच्च मधेशी युवायुवतीकेँ नागरिकताविहीन बना कऽ देशमे द्धन्द्धके बीजारोपण करए चाहि रहल अछि ।’
सर्वोच्च अपन आदेश तत्काल सुधार नहि कएलक तऽ आओर सशक्त रुपमेँ सडक पर उतरबाक चेतावनी दैत यादव एकर जिम्मेवार मधेशविरोधी मानसिकता रहलसभकेँ लेबए परत बतओलन्हि ।
जन्मके आधार पर नागरिकता लेने व्यक्तिसभक सन्तानकेँ वंशजके आधार पर नागरिकता प्रदान करबालेल गृह मन्त्रालय चैत १९ गते देशभरिके जिल्ला प्रशासन कार्यालयमे परिपत्र कएने छल ।
गृहके परिपत्रके बाद विभित्र जिल्लामे वंशजके आधार पर नागरिकता वितरण कार्य सेहो शुरु भऽ चुकल छल । मुदा सोमदिन अचानक सर्वोच्च अदालत जन्मके आधार पर नागरिकता लेने व्यक्तिसभक सन्तानकेँ वंशजके आधार पर नागरिकता देबाक गृह मन्त्रालयक परिपत्र कार्यान्वयन नहि करबालेल आदेश देने अछि ।
गृहमन्त्री रामबहादुर थापाक एकल निर्णयअनुसार कएलगेल परिपत्र संविधान आ नेपाल नागरिकता ऐनविरुद्ध रहल दावा करैत वरिष्ठ अधिवक्ता बालकृष्ण न्यौपाने सर्वोच्चमे रिट दायर कएने छलथि ।
रिट उपर सुनवाइ करैत सर्वोच्चक न्यायाधीश पुरुषोत्तम भण्डारीक एकल इजलास प्रधानमन्त्री तथा मन्त्रिपरिषद कार्यालय, गृह मन्त्रालय आ गृहमन्त्री रामबहादुर थापाक नाममे निर्णय कार्यान्वयन नहि करबालेल आदेश जारी कएने अछि ।

Read More »

चैती छठि शुरु

जनकपुरधाम चैत २७ गते ।चैती छठि जनकपुर सहित नेपाल तथा भारतक विभिन्न स्थानसभमे हर्षोल्लास एवम श्रद्धापूर्वक मनाओल जाइत अछि । एहि वर्ष चैती छठिक विधि मंगलदिनसँ शुरु भेल अछि । चैती छठि कएन्हिार ब्रतालुसभ मंगलदिन नहाय खाए कऽ बुधदिन खरना कऽ रहल छथि ।
छठिक मुख्य विधि दु दिन पहिने शुरु भेलाक बादो वृहस्पतिदिन डुबैत सुर्यके पुजा कऽ कऽ सन्ध्याकालिन अर्घ देल जाएत । तहिना शुक्रदिन उगैत सुर्यके अर्घ दऽ चैती छठिक समापन होएत ।
चैती छठिक अवसर पर जनकपुरमे विशेष चहल पहल देखल जाइत अछि । जनकपुरक गंगासागर, धनुषसागर, अंगराजसर सहितक पोखरिसभमे चैती छठि श्रद्धापूर्वक मनाओल जाइत अछि । पोखरिके घाटसभ पर पहुँच कऽ दर्शन करबालेल श्रद्धालुसभक भिडभाड रहल करैत अछि । विगतमे जनकपुरक प्रमुख पोखरि गंगासागर आ धनुषसागरमे मात्र कएल जाएबला चैती छठि विगत किछु वर्षसँ अन्य पोखरिसभमे सेहो कएल जा रहल अछि । चैती छठि देखबालेल जनकपुरमे विदेशी पर्यटकसभ सेहो आएल करैत अछि । छठि ब्रत कएलासँ पापक क्षय हएबाक विश्वास रहलाक कारणेँ एहि पावनिमे ब्रतालु शुद्धताके विशेष ध्यान देल करैत छथि । पूजाके समाग्री तैयार करैतकाल अशुद्ध नहि हएबाक चाहि जनविश्वास अछि । ढाकीमे राखि कऽ पोखरिके घाट धरि पहुँचाओलगेल फलफुल, ठकुवा, भुसवा सहितक पुजन समाग्रीसँ पुजा करैत सन्ध्याकालिन अर्घ सम्पन्न होइत अछि । छठिके अन्तिम दिन जकरा पारन कहल जाति अछि ओहि दिन उगैत सूर्यके अर्घ दऽ कऽ छठि पर्व सम्पन्न होएत । छठि पर्व कएलासँ दुःख दरिद्रता अन्त हएबाक संगहि सन्तान प्राप्तीके संगहि चर्म रोग सम्बन्धी रोग निक होइत छैक जनविश्वास अछि । एम्हर जनकपुरमे चैती छठि करएबला ब्रतालुसभक संख्या क्रमशः वृद्धि भेल अछि । अन्य वर्षसभक तुलनामे एहि वर्ष चैती छठि करएबला ब्रतालुसभक संख्यामे वृद्धि देखलगेल स्थानीयसभ बतबैत छथि ।

Read More »

एनप्याबसनद्धारा हावाबिहारि पीडितसभकेँ १ लाख १५ हजार सहयोग

जनकपुरधाम चैत २७ गते ।निजी विद्यालयसभक संगठन एनप्याबसन धनुषा बारा आ पर्साक हावाबिहारि पीडितसभकेँ आर्थिक सहयोग कएलक अछि । एनप्याबसन धनुषा हावाबिहारि पीडितसभकेँ लेल १ लाख १५ हजार रुपैयाँ आर्थिक सहयोग कएने अछि । सदस्य विद्यालयसभक सहयोगमे संकलन कएलगेल रकम एनप्याबसन मंगलदिन प्रदेश सरकारकेँ बुझओलक अछि ।
एनप्याबसन धनुषाक अध्यक्ष चन्द्रनारायण मण्डलक नेतृत्वमे गेल टोली प्रदेश सरकारक भौतिक विकास मन्त्री जितेन्द्र सोनलके रकम हस्तान्तरण कएलक अछि ।
एहिबीच बारा–पर्साक हावाबिहारि प्रभावितसभक सहयोग लेल मुख्यमन्त्री राहत कोषमे एखनि धरि १ करोड २१ लाख ४४ हजार ७ सय ६५ रुपैयाँ जम्मा भेल आन्तरिक मामिला तथा कानुन मन्त्री ज्ञानेन्द्र यादव जानकारी देलन्हि । विभित्र संघसंस्था तथा व्यक्तिमार्फत प्राप्त एहि परिणामक रकम कोषमे जम्मा भेल ओ बतओलन्हि । अन्य प्रदेश सरकारक तर्फसँ घोषणा कएलगेल सहयोग रकम कोषमे एखन जम्मा हएबाक बाँकी रहल मन्त्री यादव बतओलन्हि अछि । बारा आ पर्साक हावाबिहारि प्रभावितसभक लेल प्रदेश १, ३, ५ सुदुरपश्चिम आ कर्णाली प्रदेश सरकार १÷१ करोड आर्थिक सहयोग करबाक घोषणा कएने अछि ।

Read More »

राजपा बैठकः सर्वोच्चके आलोचना

जनकपुरधाम चैत २७ गते ।जन्मके आधार पर नागरिकताप्राप्त व्यक्तिक सन्तानकेँ वंशजके आधार पर नागरिकता नदि देबाक सर्वोच्च अदालतक आदेशप्रति राष्ट्रिय जनता पार्टी (राजपा) नेपाल आपत्ति जनओलक अछि ।
मंगलदिन बबर महलस्थित पार्टी कार्यालयमे बैसल राजपा अध्यक्षमण्डलके बैठक लाखौं नेपालीकेँ नागरिकतासँ बञ्चित करबालेल सर्वोच्चके आदेश आएल निष्कर्ष निकाललक अछि ।एहिसँ पहिने सर्वोच्चक आदेशअनुसार गृह मन्त्रालय ७७ ओ जिल्लास्थित जिल्ला प्रशासन कार्यालयकेँ परिपत्र कऽ जन्मके आधार पर नागरिकता भेटल व्यक्तिक सन्तानकेँ वंशजके आधार पर नागरिकता देबएलेल कहने छल । गृहके परिपत्रक संगहि जन्मसिद्ध नागरिकक सन्तान धमाधम वंशजके आधार पर नागरिकता लेबाक शुरु कएने छल । मुदा गृहक परिपत्रक विरोधमे सर्वोच्चमे रिट दायर भेलाकबाद परिपत्र कार्यान्वयन नहि करबाक आदेश देने अछि ।
तहिना बैठक संघीय समाजवादी फोरमसँगक एकीकरण प्रक्रियाले विमर्शके निरन्तरता देबाक निर्णय कएने राजपाक महासचिव केशव झा जानकारी देलन्हि । ‘बैठक फोरमसँग एकीकरण करबाक विषयमे सम्वाद प्रक्रियाकेँ निरन्तरता देबाक निर्णय कएने अछि,’ झा कहलन्हि,‘सम्वादलाई निरन्तरता देबएलेल हमस पत्राचार सेहो कएने छी ।’ एहिकेँ सँग राजपा एकीकरण प्रक्रियाके सम्बन्धमे फोरमके दोसरबेर पत्राचार कएने अछि ।
मंगलदिनके राजपा बैठक पेचिला बनैतगेल पार्टीक महाधिवेशनक सम्बन्धमे कोनो निर्णय नहि कऽ सकल अछि । वैशाख ७ गतेसँ ९ गते धरि महाधिवेशनक मिति एहिसँ पहिने तय भऽ गेलाक बादो आवश्यक तैयारी नहि भेलाक कारण महाधिवेशन अनिश्चिततामे परल अछि । अध्यक्षमण्डलक सदस्यसभ विशेष अधिवेशनसँ निर्णय करबाक मनसायमे देखलगेलाक बादो दोसर तहक नेतासभ एकर विरोधमे देखलगेल छथि । विशेष अधिवेशनक अर्थ ‘नो अधिवेशन’ रहल कहैत कानो हालतमे महाधिवेशन करबाक अडान ओसभ प्रस्तुत कएने छथि । बुधदिन दुपहर १ बजे बैसएबला बैठक महाधिवेशनक विषयमे निर्णय करबाक सम्भावना रहल महासचिव झा जानकारी देलन्हि ।

Read More »

पश्चिमी वायुको प्रभावले पुन : वर्षा

काठमाडौँ, चैत २६ गते । पश्चिमी वायुको प्रभावले आज बिहानैदेखि काठमाडौँ उपत्यकासहित देशका अधिकांश स्थानमा वर्षा भइरहेको छ । पश्चिमी वायु र स्थानीय वायुको सम्मिश्रणको प्रभावले पुनः वर्षा दोहोरिएको मौसमविद् मञ्जु बासीले बताउनुभयो । अहिले पूर्वी क्षेत्रमा बनेको न्यून चापीय रेखा र बङ्गालको खाडीबाट आएको जलवाष्पयुक्त हावा तथा स्थानीय वायुको प्रभावले बदलीसँगै हावाहुरी र वर्षा भइरहेको मौसमविद् बासीले भन्नुभयो ।आज देशभरि नै हल्कादेखि मध्यम खालको वर्षा हुने बताइएको छ । प्रिमनसुनको समयमा मध्याह्नपछि मेघगर्जन, हल्का वर्षा, हावाहुरी चल्ने र चट्याङ पर्ने सामान्य गतिविधि हो । तर अहिले विभिन्न प्रणाली मिसिएर मौसम प्रभावी भइरहेको मौसमविद्को भनाइ छ । यस प्रणालीको प्रभावले अझै केही दिन मौसम पूर्णरूपमा सफा हुने अवस्था नरहेको बताइएको छ ।भोलि देशका अधिकांश स्थानमा मौसम सामान्यतया सफा रही अपराह्नपश्चात् मेघगर्जनसहित हल्का वर्षाको सम्भावना रहेको जल तथा मौसम पूर्वनुमान महाशाखाले जनाएको छ । बिहीबार देशका पूर्वी र मध्य भूभागमा आंशिकदेखि सामान्य बदली रही बाँकी भूभागका केही स्थानमा हल्कादेखि मध्यम वर्षाको सम्भावना रहेको पनि महाशाखाले जनाएको छ ।

Read More »

देउवा–पौडेल सहमतिके बाधक सिटौला ?

काठमाण्डु चैत २५ गते ।कांग्रेस कार्यसम्पादन समिति गठनमे सभापति शेरबहादुर देउवा आ रामचन्द्र पौडेलबीच ६०–४० प्रतिशत भागबन्डा करबाक सहमति दोसर नेता कृष्णप्रसाद सिटौला तोडि देलन्हि अछि ।
शुक्रदिन सभापति देउवा आ पौडेलबीच कार्यसम्पादन समिति गठनमे ६०–४० के सहमति भेल छल । ओहि सहमतिप्रति असन्तुष्ट सिटौला रातारात तोडि देलाक बाद कार्यसम्पादन समिति गठन अनिश्चिततामे परल अछि । तहिना केन्द्रीय समिति बैठक सेहो अनिश्चितकालके लेल स्थगित भेल अछि ।
कार्यसम्पादन समितिमे सिटौला पक्षकेँ हिस्सा नहि भेटलाकबाद शनिदिनके लेल बजाआलगेल केन्द्रीय समितिके बैठक नहि भऽ सकल । कांग्रेसमे विगत लम्बा समयसँ संस्थापन आ गैर संस्थापन समूहके अलग अलग गुट अछि । १३ अम महाधिवेशनके बाद अलग गुटके नेतृत्व करैत आबि रहल सिटौला कार्यसम्पादन समितिमे हिस्सा नहि भेटलाक बाद अपन अस्तित्व संकटमे परि रहल कहैत असन्तुष्ट भेल छथि ।
गत शुक्रदिन राति देउवा निवास बुढानीलकण्ठमे भेल अनौपचारिक छलफलमे कार्यसम्पादन समिति गठन करबाक क्रममे देउवाकेँ ६० प्रतिशत आ पौडेलके ४० प्रतिशत सदस्य देबाक सहमति भेल छल । सभापति देउवा सिटौला पक्षकेँ पौडेलके भेटल ४० प्रतिशतसँ कार्यसम्पादन समितिमे प्रतिनिधित्व करएबाक पक्षमे देखलगेलाक बाद सिटौला असन्तुष्ट भेल रहथि ।
नेता पौडेल सेहो सिटौला पूर्ण रुपेँ अपन पक्षमे नहि रहलाक कारण हुनका भाग नहि देल जा सकैत अछि बतओने रहथि । सिटौला पक्षकेँ ६० प्रतिशतसँ कार्यसम्पादन समितिमे हिस्सा देबाक माँग पौडेल देउवासँ कएने रहथि । शुक्रदिन देउवा निवासमे भेल अनौपचारिक छलफलमे अपमानित भेल कहैत सिटौला बहराएल रहथि ।
कांग्रेस केन्द्रीय सदस्य मीन विश्वकर्मा सभ नेता उपत्यका बाहर रहल आ समयमे बैठकमे उपस्थित नहि भऽ सकलाक कारण बैठक स्थगित कएलगेल बतओलन्हि । ‘भागबन्डाक विवादक बात जेना बाहर आएल अछि ओ सत्य नहि अछि, सहमति जुटल अछि । आब होबएबला केन्द्रीय समिति कार्यसम्पादन समितिक निर्णय करत,’ विश्वकर्मा बतओलन्हि ।

Read More »
1 28 29 30 31 32 91