स्थानीय

धनुषामे स्वस्थय विमा कार्यक्रमके शुभारम्भ

जनकपुरधाम, फागुन ०१ गते ।नेपाल सरकार तथा स्वास्थ्य विमा बोर्डद्धारा सञ्चालित स्वास्थ्य विमा कार्यक्रम धनुषामे सेहो लागु भेल अछि । उपप्रधान तथा स्वस्थ्यमन्त्री उपेन्द्र यादव पुर्वस्वास्थ्य राज्यमन्त्री रामसिंह यादव आ जनकपुर उपमहानगरपालिकाक प्रमुख लाल किशोर साहकेँ स्वास्थय विमा कार्ड वितरण करैत स्वास्थ्य विमा कार्यक्रम शुभारम्भ कएलन्हि अछि । मंगलदिन जनकपुरधाममे स्वास्थय विमा कार्यक्रमकेँ सम्बोधन करैत मन्त्री यादव हाल सरकारी अस्पतालसँग विमा सम्झौता भेला बादो निजी अस्पतालसँग सेहो विमा सम्झौता करबाक तैयारी भऽ रहल बतओलन्हि अछि । विमा कार्यक्रम लागु करबालेल किछु निजी अस्पतालसभ सेहो जोड दैत आएल बतबैत ओ सरकार कोअपरेटिभ पार्टनरसीपके रुपेँ निजी अस्पतालसँग विमा सम्झौता कएल जएबाक बतओलन्हि ।
नेपालजँका अल्पविकसित देशमे सभ गोटेके स्वास्थ्य उपचार पाएब चुनौती रहल बतबैत मन्त्री यादव सरकार गरिब तथा विपन्न परिवारके स्थास्थय उपचारक लेल प्रतिद्ध रहल बतओलन्हि । ‘अत्यन्त पैघ संख्यामे रोग फैलैत गेल अछि मुदा, सभ गोटे उपचार कराबए सकब सम्भव नहि अछि ,’ मन्त्री यादव कहलन्हि, स्वास्थय विमा कार्यक्रम अति गरिब विपन्न सहित सभ गोटेके उपचारमे सहयोग पहुँचाओत ।’ गुणस्तरीय स्वास्थ्य सेवामे सभ नागरिकके समान पहुँच सुनिश्चित करबालेल स्वास्थय विमा कार्यक्रम अनिवार्य रुपेँ तिब्र गतिमे आगा बढाबए परबामे जोड देलन्हि ।
एहिसँ आगा ३६ जिल्लामे लागु भऽ चुकल विमा कार्यक्रम ३७ अम जिल्लाके रुपेँ धनुषामे लागु भेल स्वाथ्य विमा बोर्डक कार्यकारी प्रमुख रमेश कुमार पोखरेल बतओलन्हि । परिचयपत्रके आधारमे बीमा करा चुकल सदस्यसभ सरकार तय कएने अस्पतालसँ ५० हजार रुपैयाँ धरिक निःशुल्क स्वास्थ्य उपचार सेवा प्राप्त कऽ सकैत अछि । पाँच गोटेसँ अधिकके परिवारके लेल प्रतिव्यक्ति दश हजारके दरसँ क्षतिपूर्ति देबएके व्यवस्था रहल अछि । पाँच गोटेके परिवार बीमा शुल्क वापत प्रत्येक वर्ष २५ सय रुपैयाँके दरसँ शुल्क बुझाबए परैत अछि ।
अतिरिक्त सदस्य ४२५ रुपैयाँके दरसँ शुल्क बुझाबए पडत । बीमा रकम तिरए नहि सकएबला विपन्न वर्गके लेल सरकार बीमा रकम वापतके शुल्क तिर देबएके व्यवस्था रहल अछि । सरकार अति विपन्न नागरिककेँ शतप्रतिशत, विपन्नकेँ ७५ प्रतिशत तथा गरिबीके रेखासँ निचा रहल नागरिककेँ ५० प्रतिशतके दरसँ बीमा रकम बापतके शुल्क तिर देबएके व्यवस्था अछि । स्वास्थ्य विमा कार्यक्रम बीमा करओन्हिार कोनो व्यक्ति कोनो सरकारी अस्पतालसँ ओपीडी सेवा, इमर्जेन्सी, ल्याब उपचार, सामान्य अपरेशन सहितक उपचार करा सकैत अछि ।

Read More »

जानकी आँखा अस्पतालमे तालाबन्दी

जनकपुरधाम फागुन ०१ गते । जनकपुरक जानकी आँखा अस्पतालमे इलाज कराबएबलासभके पैघ भीड रहल करैत अछि । रेडक्रस सोसाइटीमार्फत सञ्चालन होइत आबि रहल जानकी आँखा अस्पतालमे नेपाल तथा भारतसँ पैघ संख्यामे बिमारसभ पहुँचल करैत अछि । नीजि अस्पताल आ क्लिनिकसँ सस्ता आ गुणस्तरीय इलाज होइत अओलाक कारण एहि अस्पतालमे भीडभाड रहल करैत अछि । सन् २०१८ मे मात्र १ लाख १२ हजार १४४ बिमारसभ इलाज करओने अस्पतालक तथ्यांकमे उल्लेख अछि ।
मुदा पछिला किछुदिनसँ अस्पतालमे राजनीति हावी भेलाकबाद कामकाज अस्तव्यस्त अवस्थामे अछि । अस्पतालमे चिकित्सकबाहेक जम्मा २५ टा कर्मचारी कार्यरत अछि । मुदा दुटा युनियन सक्रिय अछि । युनियन आवद्ध कर्मचारीसभ अवकाश पाबि चुकल कर्मचारीसभकेँ बर्खास्त करबाक माँग करैत आन्दोलन करैत आबि रहल अछि ।
मुदा व्यक्तिगत स्वार्थपूर्ती करबालेल रहल आन्दोलनक माध्यमसँ कर्मचारीसभ राजनीतिमे उतरल कहैत नागरिस समाज उत्सुकता देखओलक अछि । अस्पतालक विधानविपरित कर्मचारीसभ गतिविधि करैत आबि रहल कहैत नागरिक समाज मंगलदिन अस्पतालक प्रशासनिक शाखामे ताला लगओलक अछि ।
नागरिक अगुवासभक एक समूह विभित्र माँग रखैत एक महिना पहिने सात दिनक समय दैत अस्पतालक निर्देशक डा.हेम झाकेँ ज्ञापन पत्र बुझओने छल । मुदा ज्ञापन पत्र बुझओला एक महिना बितगेलाक बादो अस्पताल प्रशासन कानो गम्भीरता नहि देखओलाक बाद ओसभ प्रशासन शाखामे तालाबन्दी कएलन्हि अछि ।
कर्मचारीसभ कामसँ अधिक राजनीति करबामे केन्द्रीत भेलाकबाद बाध्य भऽ कऽ तालाबन्दी कएने रामविनोद चौधरी बतओलन्हि । कर्मचारीसभ अपन व्यक्तिगत स्वार्थपूर्तीके लेल आन्दोलनक नामसँ अस्पतालके धाराशायी बनएबातर्फ उद्त रहल हुनकर आरोप छन्हि ।
नागरिक समाजक एक समूह बुझओने ज्ञापन पत्रक माँग सम्बोधन हएबाक बाँकीए रहल समय मंगलदिन फेर दोसर समूह ज्ञापन पत्र बुझओलक अछि । मंगलदिन ज्ञापन पत्र बुझओने नागरिक समाजक व्यक्तिसभ सेहो माँग सम्बोधन करबालेल अस्पतालके सात दिनक समयसीमा देलन्हि अछि ।
अस्पतालक कर्मचारी सेवा विनियममे राजनैतिक दलक सक्रिय सदस्य काज कएने अवस्थामे ओहि कर्मचारीकेँ बर्खास्त करबाक व्यवस्था अछि । मुदा राजपाक केन्द्रीय सदस्य अजय झा अस्पतालक प्रोजेक्ट अधिकृतके रुपमे कार्यरत छथि ।
ज्ञापन पत्र बुझाबएबला नागरिक समाजक दुनु समूह अस्पतालक ऐनविपरित कार्यरत झाकेँ तत्काल बर्खास्त करबाक माँग कएलक अछि । निर्वाचन आयोग जारी कएने राजपाक केन्द्रीय सदस्यसभक सूचीमे झाक नाम १२४ अम नम्बरमे अछि ।
तहिना कार्यरत सभ कर्मचारीकेँ पूर्ण रुपेँ अस्पताल सञ्चालनक समयमे सेवा प्रदान करबाक व्यवस्था रहलाक बादो युनियनक धाक लगा कऽ मनोमानी, उत्पीडन, मानसिक दबाब देबएबला कर्मचारीकेँ बर्खास्त करबालेल ओसभ माँग कएने छथि ।
कथित युनियनके अध्यक्ष नुतन झा आ मनोज तिवारी अपन व्यक्तिगत माँग पुरा करबालेल दैनिक दबाब देबाक काज करैत आबि रहल कहैत कारबाही कऽ बर्खास्त करबालेल ज्ञापन पत्रमे माँग कएलगेल अछि ।
तहिना अस्पतालक नियमविपरित किछु कर्मचारीसभ नीजि क्लिनिक सञ्चालन कऽ रहलाक कारण ओह कर्मचारीसभ उपर कारबाही करबालेल सेहो नागरिक समाज माँग कएने अछि ।
नेत्र अधिकृत रुदलप्रसाद साह, वृजकिशोर राउत, अरुणकुमार सिंह, ज्ञानेन्द्रप्रसाद विमलसहितक कर्मचारीसभक नामे किटान कऽ अस्पतालक नियमविपरित नीजि क्लिनिक आ दोकान सञ्चालन करैत आबि रहलाक कारण कारबाही करबालेल ज्ञापन पत्रमे माँग कएलगेल अछि ।
अस्पताल सन मानवीय सामाजिक संस्थामे गुटउपगुट, युनियन, अचारित्रीक क्रियाकलाप करएला उपर कारबाही, सेवाग्राहीसँग होबएबला दुव्र्यवहार बन्द करबाक, अस्पतालक सरसफाइ, अस्पतालक गुणस्तरीय सेवाक विकासमे ध्यान देबाक सहितक माँग आगु बढओने अछि ।
मंगलदिन नेपाल तरुण दलक नगर सभापति पंकज महतो, रामानन्द युवा क्लबक अध्यक्ष मनमोहन साह, उपसभापति आशुतोष झा, हजारी जनक क्याम्पसक पूर्व सभापति दिगम्बर पाठक, युवा अभियन्ता सुशील कर्ण, जनकपुर युथ क्लबक पूर्व अध्यक्ष चन्दन रायलगायतक व्यक्तिसभ अस्पतालर्केँ ज्ञापन पत्र बुझओलक अछि ।

Read More »

मधेसक नागरिकता समस्या अन्त भऽ रहल ः प्रचण्ड

सिरहा माघ २९ गते ।पूर्वप्रधानमन्त्री एवं नेपाल कम्युनिष्ट पार्टी (नेकपा) अध्यक्ष पुष्पकमल दाहाल ‘प्रचण्ड’ मधेसी जनताके हक, अधिकारक पक्षमे संविधान संशोधनके लेल लगातार पहल कऽ रहल बतओलन्हि अछि । सिरहाके अर्नमा गामपालिका वार्ड नम्बर–१ महनौरमे निर्मित स्वास्थ्य चौकीके सोमदिन उद्घाटन समारोहकेँ सम्बोधन करैत ओ इ बात बतओलन्हि अछि । ओ कहलन्हि, ‘संविधानकेँ मधेसी जनताके आवश्यकता अनुसार संशोधन करैत जएबाक कहि प्रधानमन्त्री केपी ओली, हम आ उपेन्द्र यादव हस्ताक्षर कएने छी ।’
ओ मधेसक विकास निर्माणमे सरकारके ध्यान कम होएत कहि शंका नहि करबालेल आग्रह करैत मधेसक विकास कऽ कऽ मात्र मधेसी जनताके आकांक्षाकेँ सम्बोधन करए सकबाक बतओलन्हि । सँगहि ओ मधेसमे देखलगेल नागरिकता सम्बन्धी समस्या समाधान होबए जा रहल बतओलन्हि । ओ संशोधन विधेयक संसदमे चलि गेलासँ किछु समय भितरे मधेसमे रहल नागरिकताके समस्या सेहो हल होएत बतओलन्हि । ‘नेकपा मधेशमे पूर्वाधार निर्माणक प्याकेज आगा बढओने अछि’ ओ कहलन्हि, ‘तराई मधेसक लेल करिब तीन अर्ब रुपैयाँके विशेष व्यवस्था भऽ गेल अछि ।’
सिँचाई आ खानेपानीके दीर्घकालीन ढंगसँ समस्या समाधानक लेल सम्बन्धित मन्त्रालयमे ओ बात रखने हुनकर कहब छन्हि । एखन भर्खर उद्घाटन भेल स्वास्थ्यचौकीमे एमबीबीएस डाक्टरके व्यवस्था हुए कहि अपनेसभक माँगमे हम सकारात्मक छी’ अध्यक्ष प्रचण्ड कहलन्हि, ‘डाक्टरसहितक आवश्यक जनशक्तिके लेल हमर तर्फसँ अपनेसभकेँ सहयोग रहत । सिराहा जिल्ला आम उत्पादनमे नेपालके अग्रणी जिल्ला अछि । एतुका आमके माँग विश्वभरि अछि । सिरहाकेँ आमके जोनके रुपेँ विकास करबालेल पहल करैत छी ।’
धानखेतीमे सेहो सिरहा उर्वर जिल्ला रहल बतबैत ओ एहिके धानके सुपरजोनके रुपेँ विकास करए लेल अपन दिससँ सहयोग करबाक प्रतिवद्धता व्यक्त कएलन्हि । ‘एखनुक संविधान जनताकेँ शिक्षा, स्वास्थ्य, रोजगारीकेँ मौलिक अधिकारक रुपेँ रखने छी’ ओ कहलन्हि, ‘एखन सरकार मौलिक अधिकार कार्यान्वयनके प्रकृया सुरु कएने अछि । उपचार नहि भेटलासँ गरिबीके कारण आब ककरो नहि मरए पडत । गरीबके उपचार सरकार करत । नहि कएलक तऽ अदालतमे मुद्दा देल जा सकैत अछि ।’ पूर्वाधार विकास, उत्पादन वृद्धि, रोजगारी सृष्टि, निर्यात बढएबाक आ आयात घटाबएके काजमे पार्टी आ सरकार लागि परल अध्यक्ष प्रचण्डके कहब छलन्हि ।

Read More »

‘केन्द्रीकृत मानसिकता संघीयता समाप्त करबातर्फ उद्त’

जनकपुरधाम माघ २९ गते ।प्रदेश २ क मुख्यमन्त्री लालबाबु राउत विगतके केन्द्रीकृत मानसिकता एखनो अन्त नहि भऽ सकल शिकायत कएलन्हि अछि । देश संघीयतामे चलिगेलाक बादो सत्ता सञ्चालन करबाक केन्द्रीकृत मानसिकता जहिनाके तहिना रहल राउत बतओलन्हि अछि ।
राष्ट्रिय योजना आयोग सोमदिन जनकपुरमे आयोजना कएने १५ अम योजनाक आधारपत्र सम्बन्धी प्रादेशीक परामर्श बैठकमे बजैत राउत ई बात बतओलन्हि अछि ।
केन्द्रीकृत मानसिकता एखनो संघीयताके संकटमे लऽ जएबातर्फ उद्त रहल बतबैत राउत संघीयता मजबुत बनएबाक जिम्मेबारी प्रदेश आ स्थानीय सरकारक हाथमे आएल उल्लेख कएलन्हि ।
‘केन्द्रीकृत शासन करबाक मानसिकताके अन्त नहि भऽ सकल अछि, संघीयताकेँ संकटमे लऽ जएबाक षडयन्त्र भऽ रहल अछि,’ मुख्यमन्त्री राउत कहलन्हि,‘प्रदेश सरकार आ स्थानीय सरकारकेँ मिल कऽ संघीयता मजबुत करबाक समय आएल अछि ।’
राउत समृद्धिके लेल नीति आ नियती दुनु स्पष्ट हएबाक चाही बतओलन्हि । नियत स्पष्ट नहि होबए धरि नीति सेहो कार्यान्वयन नहि भऽ सकत बतबैत नियती स्पष्ट नहि भेलाक कारण देशके एहिसँ पहिने १४ टा पञ्चवर्षीय योजना भेटगेलाक बादो उपलब्धि हासिल नहि भऽ सकल राउत दावा कएलन्हि ।
एखनधरि उपलब्धि हासिल नहि हएबाक कारण खोजबा पर ओ जोड देलन्हि अछि । उपरसँ निचाधरि व्याप्त कुशासन, भ्रष्टाचारसहितक समस्यासभक कारण लक्ष्य प्राप्तिके लेल अवरोध बनि रहल उल्लेख करैत कुशासन अन्त करबाक काज अपनेसँ शुरु करबालेल ओ आग्रह कएलन्हि ।
१३६ स्थानीय तहक प्रमुख तथा उपप्रमुख उपस्थित रहल बैठकमे मुख्यमन्त्री राउत संविधान देने अधिकारअनुसारे प्रदेश आ स्थानीय सरकार सहकार्य कऽ कऽ आगु बढल तऽ किछुए वर्षभितर प्रदेशकेँ समृद्ध बनाओल जा सकैत अछि दावा कएलन्हि ।
रकम छिटएबला छोट योजनासभसँ समृद्धि नहि आबि सकैत अछि कहैत मुख्यमन्त्री राउत आबके विकास ठोस प्रकारक हएबाक चाही उल्लेख कएलन्हि । कृषि, उद्योग आ पर्यटन प्रदेश २ के लेल मुख्य आधार रहल बतबैत ओहि अनुरुपकेँ योजनासभ निर्माण करबालेल राउत योजना आयोगसँ आग्रह कएलन्हि ।
प्रदेश २ क भौतिक पूर्वाधार तथा विकास मन्त्री जितेन्द्र सोनल विकासके संगहि व्यक्तिके मूल्यमान्यता पर सेहो जोड देब आवश्यक रहल बतओलन्हि । स्थानीय सरकार विकासके लेल पञ्चवर्षीय गुरु योजना तैयार कऽ कऽ आगु बढल अवस्थामे विकास निश्चित रहल हुनकर दावा छलन्हि । योजना आयोज तैयार कएने १५ अम योजनामे सिंचाई आ हुलाकी सडककेँ प्राथमिकतामे नहि राखलगेल कहैत सुधार करबालेल मन्त्री सोनल ध्यानाकर्षण करओलन्हि ।

Read More »

लोकसभा निर्वाचनकेँ मध्यनजर कऽ सीमामे सुरक्षा व्यवस्था कडा

जनकपुरधाम माघ २९ गते ।भारतक आसत्र लोकसभा निर्वाचनकेँ मध्यनजर करैत नेपाल–भारतक सुरक्षाकर्मी सीमा क्षेत्रमे संयुक्त गस्ती करत । सोमदिन जनकपुरमे सम्पत्र नेपाल–भारत सीमा सुरक्षासम्बन्धी बैठकमे एहन सहमति भेल अछि ।
प्रदेश २ क धनुषा, महोत्तरी, सिरहा आ सप्तरी जिल्ला तथा बिहार राज्यक मधुबनी जिल्लाक प्रशासनिक एवम सुरक्षा प्रमुखसभक संयुक्त बैठक भारतक लोकसभा निर्वाचनमे सीमा क्षेत्रमे कडाइके संगहि निगरानी बढएबाक निर्णय कएलक अछि ।
बैठकके बाद पत्रकारसभसँ बातचित करैत धनुषाक प्रमुख जिल्ला अधिकारी प्रदीपराज कणेल आगामी अप्रिल÷मे महिनामे भारतमे होबए जा रहल लोकसभा निर्वाचननके देखैत सीमा क्षेत्रमे संयुक्त सुरक्षा प्रदान करबाक निर्णय भेल जानकारी देलन्हि ।
एहिके संगहि सीमा क्षेत्रमे होबएबला विभिन्न प्रकारक अपराध नियन्त्रण करबालेल विगते जँका संयुक्त कारबाहीकेँ निरन्तरता देबाक निर्णय बैठक कएने ओ बतओलन्हि ।
कणेल नेपाली सीमासँ होबए सकएबला नक्कली रुपैयाँके तस्करी, मनाव बेचबिखन, मदिराके अवैध कारोबार, लागु औषधके तस्करीसहितक गतिविधिकेँ निस्तेज करबालेल ठोस रणनीति बनएबाक निर्णय भेल जानकारी देलन्हि ।
नेपाली सीमाके प्रयोग कऽ कऽ भारतमे भारतीय नक्कली रुपैयाँके तस्करी तथा भारतीय सीमासँ नेपालमे लागु औषध आ छोट हथियारक तस्करी नियन्त्रण करब पैघ चुनौतीके रुपमे देखलगेल अछि ।
भारत मधुबनीक डीएम श्रीसशक्त कपिल अशोक लोकसभा निर्वाचनकेँ मध्यनजर करैत दुनु देशक सुरक्षा अधिकारीसभक संयुक्त बैठक भेल बतबैत नेपालतर्फसँ प्राप्त भऽ रहल सहयोगके प्रशंसा कएलन्हि ।
बिहारमे मदिरा निषेध रहल अवस्थामे नेपालक प्रशासनिक तथा सुरक्षा निकाय पैघ सहयोग कऽ रहल ओ बतओलन्हि । लोकसभा निर्वाचनके देख कऽ संभावित समस्यासभक विषयमे बैठकमे गम्भीरतापूर्वक दुनुपक्षबीच विमर्श भेल डीएम अशोक बतओलन्हि ।
भारतीय सीमा प्रयोग कऽ कऽ भऽ रहल लागु औषध आ छोट हथियारक तस्करी नियन्त्रण करबाक विषयमे ओसभ गम्भीर रहल उल्लेख कएलन्हि अछि । एक देशमे अपराध कऽ दोसर देशमे अपराधी नुकाएब गम्भीर विषय बनैतगेल कहैत अशोक अपराधीसभक नामक विषयमे जानकारी करा कऽ हस्तान्तरण करबाक विषयमे सेहो सहमति भेल जानकारी देलन्हि ।

Read More »

प्रदेश–२ ः स्थानीय तहमे दु नम्बरी काम अधिक

जनकपुरधाम माघ २९ गते । अख्तियार दुरुपयोग अनुसन्धान आयोगक अनुसार देशभरिके सातु प्रदेशक स्थानीय तहमे भ्रष्टाचार सम्बन्धी सभसँ अधिक उजुरी प्रदेश २ सँ दर्ता भेल अछि ।चालू आर्थिक वर्षक पहिल ६ महिना (पूष मसाान्त) धरि देशभरिसँ स्थानीय तहक भ्रष्टाचार सम्बन्धी उजुरी प्राप्त भेलमेसँ सभसँ अधिक अर्थात ४० प्रतिशत उजुरी प्रदेश २ क स्थानीय तहसँ आएल अछि । प्रदेश २ सँ सय ५ सय २२ उजुरी प्राप्त भेल अख्तियारक सह प्रवक्ता मदन कोइराला जानकारी देलन्हि ।
मानव विकास सूचकांकमे कमजोर प्रदेशके रुपमे पहिचान बनओने प्रदेश–२ क जननिर्वाचित प्रतिनिधि नेतृत्वमे आबएसँ पहिने भ्रष्टाचारक दलदलमे फँसल कहैत सरोकारवाला चिन्ता व्यक्त कएलन्हि अछि । स्थानीय तहक जनप्रतिनिधि आ कर्मचारीक मिलिभगतसँ विकास निर्माणक बजेटके चरम दुरुपयोग भेल कहैत चौतर्फी आलोचना सेहो शुरु भेल अछि ।
भ्रष्टाचारक विषय एतेक जटिल बनल अछि की प्रदेश राजधानी जनकपुरमे प्रदेश मन्त्री आ सचिवबीच बजेट दुरुपयोगक विषयमे विवाद उत्पत्र भेलाकबाद हाथपातके स्थित सिर्जना भेल ।
स्थानीय तहमे भ्रष्टाचार बढलाकबाद पीडित बनल स्थानीयवासी आ प्रतिपक्षक हैसियतमे रहल राजनीतिक दलक कार्यकर्ता एकपरसँ दोसर करैत अख्तियार दुरुपयोग अनुसन्धान आयोगमे लिखित उजुरी दर्ता करओने छथि ।
जथाभावी सल्लाहकार नियुक्त कएने, अनावश्यक रुपेँ महँग सवारी साधन खरिद कएने, परामर्शके नाम पर जथाभावी रकम खर्च कएने, ऐन नियमविपरित ठेक्कापट्टा लगओने, नदीजन्य आ वन पैदावरके निकासीमे ठेकेदारसँ मिलिभगत कऽ राजश्व अनियमितता कएने विषयमे अधिकांश उजुरी परल अछि ।

Read More »

विकृत्त बनि रहल सरस्वती पूजा ?

जनकपुरधाम माघ २८ गते । श्रद्धा एवम आस्थापूर्वक मनाओल जाएबला विद्याक देवी सरस्वती पूजामे आधुनिकताके प्रभाव परैत जा रहल अछि । खास कऽ कऽ विद्यार्थीसभक लेल विशेष दिनके रुपमे मानलगेल सरस्वती पूजा पछिला किछु दिनसँ पूजा आराधनासँ अधिक मनोरञ्जनक माध्यम बनैत जा रहल स्थानीय शिक्षक तथा प्रध्यापकसभक अनूभूति अछि ।
विगतमे श्रद्धा एवम आस्थापूर्वक मनाओल जाएबला सरस्वती पूजा पछिला किछु वर्षसँ विद्यार्थीसभक मनोरञ्जनक माध्यम बनलाक कारण पैघ विकृतिसभ देखल जा रहल जनकपुरक एक प्राध्यापक बतओलन्हि । ओ कहलन्हि,‘श्रीपञ्चमी विद्यार्थीसभक लेल महत्वपूर्ण दिन अछि । आजुक दिन विद्यार्थीसभके सरस्वतीके पूजा आरधाना करब जरुरी अछि । मुदा, परिस्थित विपरित देखल जा रहल अछि ।’ विद्यार्थीसभ पूजा आराधनासँ अधिक होटल रेस्टुरेन्ट, पार्क सहितक स्थानमे अधिक समय बिताबएमे व्यस्त देखलगेल हुनकर कहब छन्हि ।
विद्यार्थीसभक हाथहाथमे रहल मोबाइल फोन, कपडाक पहिरन, बोली व्यवहारके कारण पौराणिक महत्व समाप्त होइत सरस्वती पूजा विकृत रुप लैत जा रहल जनकपुरक एक निजी उच्च माविमे अध्यापन करबैत आबि रहल प्राध्यापक बतओलन्हि अछि । ओ कहलन्हि,‘समय परिवर्तन भऽ रहल अछि । मुदा, एहि कारण अपन परम्परा आ संस्कृतिके बिसरब गलत अभ्यासके रुपमे स्थापित होइत जा रहल अछि ।’ यहि एहि प्रकारक अवस्था रहिगेल तऽ सरस्वती पूजाक समय समाप्त होएब निश्चित रहल कहैत एहि तर्फ सम्पूर्ण विद्यार्थी, अभिभावक तथा शिक्षक वर्गके गंभीर होएब आवश्यक रहल ओ बतओलन्हि ।
तहिना सरस्वती पूजाक अवसर पर जनकपुरक विभिन्न विद्यालय, कलेज तथा विभिन्न स्थानसभमे हिन्दी तथा भोजपुरी गीत प्राथमिकतामे परल अछि । धार्मिक आस्थाके साथ मनाओल जाएबला सरस्वती पूजामे धार्मिक तथा भक्तिभावक गीतके न्यून स्थान भेटल अछि । हिन्दी आ भोजपुरीमे बजएबला गीतमे युवासभ अधिक आनन्दित होइत देखलगेल अछि । सरस्वती पूजाके अवसर पर बजाओल जाएबला एहि प्रकारक गीतसँ पूजाके महत्व पर पैघ असर परि रहल जनकपुर–४ क मनोज राउत बतओलन्हि । विगत किछु वर्षसँ सरस्वती पूजामे धार्मिक आस्थासँ अधिक फेसन करबाक प्रवृत्ति हावी होइत देखलगेल मिश्रके कहब छन्हि ।
पूजाके बहानामे लागु पदार्थ आ मादक पदार्थ सेवन कएन्हिार युवासभ सेहो पैघ संख्यामे देखलगेल अछि । एक प्रहरी अधिकारी अनुसार पूजाके नाम पर बहुतरास युवासभकेँ मादक पदार्थ तथा लागु औषध सेवन कएने अवस्थामे सेहो देखलगेल अछि ।

Read More »

वार्ड अध्यक्ष आ सचिवकेँ कारबाही करबालेल कांग्रेसक माँग

जनकपुरधाम माघ २८ गते । नेपाली कांग्रेस नगर समिति राजश्व रकम अनियमितताक आरोप लागल जनकपुरधाम उपमहानगरपालिका वार्ड नम्बर ११ क वार्ड अध्यक्ष आ वार्ड सचिवकेँ कारबाही करबालेल माँग कएलक अछि ।
नागरिकसँ पैसा लेलाक बादो रसिद नहि काटि कऽ सरकारी राजश्व अनियमितता कएने कहैत कांग्रेस नगर समिति वार्ड अध्यक्ष रामचन्द्र साह आ वार्ड सचिव गौरीशंकर साह उपर कारबाही करबालेल माँग कएने अछि ।
उपमहानगरपालिकाक उपमेयर रीता झासहितक टोलीक अनुगमनक क्रममे जनतासँ असुल भेल राजश्वक रसीद नहि काटि कऽ रकम अनियमितता कएलगेल विभिन्न सञ्चार माध्यममार्फत बुझबामे आएल कहैत अपनासक ध्यानाकृष्ट भेल नगर सभापति मनोज साहद्धारा रविदिन जारी विज्ञप्तीमे उल्लेख अछि ।
जनतासँ असुल कएलगेल राजश्व रकम अनियमितता कऽ भ्रष्टाचार कएन्हिार वार्ड सचिव आ वार्ड अध्यक्ष उपर अविलम्व कारबाही प्रक्रिया आगु बढाबएलेल विज्ञप्तीमे सम्बन्धीत निकायसँ माँग कएलगेल अछि ।

Read More »

राम युवा कमिटीक कार्यकारी अधिकार संरक्षक समितिक जिम्मामे

जनकपुरधाम माघ २८ गते । लम्बा समयसँ विवाद चलैत आबि रहल जनकपुरक राम युवा कमिटीक सम्पूर्ण कार्यकारी अधिकार संरक्षक समिति अपन जिम्मा लेलक अछि । अध्यक्ष उपेन्द्र ठाकुर आ महासचिव, सचिव तथा कोषाध्यक्षसहितक पदाधिकारीबीचक विवादक अदालत धरि पहुँचल छल ।
पूर्वअध्यक्ष तथा पूर्ववरिष्ठ निर्देशक सम्मलित कमिटीक संरक्षक समिति सधारण सभासँ अध्यक्ष उपरके अविश्वास प्रस्ताव दु तिहाई बहुमतसँ पारित भऽ कऽ कार्यसमिति विघटन भऽ चुकल कहैत कार्यकारी अधिकार अपन जिम्मामे लेने अछि ।
संरक्षक समितिक संयोजक सोहन ठाकुर रविदिन विज्ञप्ती जारी कऽ दु तिहाई बहुमतसँ कार्यसमिति विघटन हएबाक संगहि कार्यसमितिद्धारा कएलगेल त्रुटीपूर्ण मनोनित समिति सेहो विघटन कएलगेल जनओलन्हि अछि ।
कार्यसमिति आ मनोनित समिति विघटन भऽ चुकल अवस्थामे कमिटीक संशोधित विधानक धारा परिक्षेद ५ क दफा १० (घ) अनुसार कमिटीक सम्पूर्ण कार्यकारी अधिकार संरक्षक समितिमे स्वतः हस्तान्तरण भेल ठाकुरद्धारा जारी विज्ञप्तीमे जनाओलगेल अछि ।
संगहि कमिटीक विधानअनुसार कार्यसमितिक अगिला निर्वाचनसम्बन्धी प्रक्रिया आगु बढाबाक संगहि अन्य काज करबालेल संरक्षक समितिक निर्णयअनुसार अधिकारसम्पन्न तीन सदस्यीय समिति सेहो गठन कएलगेल विज्ञप्तीमे जनाओलगेल अछि । तहिना आब कमिटीसम्बन्धी कानो प्रकारक काम कार्यवाही संरक्षक समितिक संयोजक तथा भूतपूर्व अध्यक्ष सोहन ठाकुरक नामसँ करबालेल विज्ञप्तीमे अनुरोध कएलगेल अछि ।

Read More »

उल्लासपूर्वक मनाओलगेल सरस्वती पूजा, आई विसर्जन

जनकपुरधाम माघ २८ गते । विद्याक देवी सरस्वतीके पुजा आराधना कऽ जनकपुर सहित तराईक विभिन्न जिल्लासभमे श्रद्धापूर्वक सरस्वती पूजा मनाओलगेल अछि । सरस्वती पूजाके धियापुताके अक्षर आरंभ कराबएबला सर्वोत्तम दिन सेहो मानल जाइत अछि । मंदिर, विधालय तथा घरमे सरस्वतीके पूजा आराधना कएलासँ विद्या प्राप्त हएबाक धार्मिक विश्वास अछि । एहि अवसर पर विशेष कऽ विद्यार्थी, शिक्षक, साहित्यकार, कलाकार, पत्रकार अपन अपन कला साधनाके उपदान कापी, कलम, वाद्ययन्त्र सहितकके श्रद्धापूर्वक पूजा कएल करैत अछि । सरस्वती पूजाके दिनसँ सूर्य उत्तर तर्फ गेलाक कारण दिन लम्बा हएबाक संगहि वसन्त ऋतुके सेहो सुरुवात होइत अछि । सरस्वती पूजाके अवसर पर जनकपुरमे छात्र छात्रासभमे विशेष रुपसँ उत्साह देखलगेल । विधालय आ कलेजमे अध्ययनरत छात्र छात्रासभ भिन्सरेसँ पूजा आराधनामे व्यस्त देखलगेल छलथि । सरस्वती पूजाके दिन जनकपुर बजारक सडक पर विद्यार्थीसभक पैघ संख्यामे चहलपहल देखलगेल । नयाँ नयाँ कपडा पहिर कऽ एक विद्यालयसँ दोसर विद्यालय जा कऽ घुमघाम करबाक परम्पराके सेहो जनकपुरमे विस्तार होइत देखलगेल अछि । एतुका सम्पूर्ण विद्यालयके संगहि प्रत्येक टोल टोलमे सरस्वतीके प्रतिमा स्थापना कऽ विद्यार्थीसभ पुजा कएल करैत छथि । जनकपुरमे एहि वर्ष ६ सयसँ अधिकके संख्यामे सरस्वतीके प्रतिमा बनाओलगेल एक मुर्तिकार बतओलन्हि अछि । एहिबीच दु दिन धरि होबएबला सरस्वती पूजाक आई अन्तिम दिन विसर्जन कएल जाएत । पूजाकेलेल स्थापना कएलगेल प्रतिमाके नदी, तलाव या सरोबरमे भसा कऽ सरस्वती पूजा विधिवत रुपेँ सम्पन्न कएल जाति अछि ।

Read More »