स्थानीय

बारा आ पर्साक हावाबिहारि प्रभावितके घर निर्माणक जिम्मा सेनाकेँ

जनकपुरधाम चैत २२ गते ।प्रदेश सरकार भीषण हावाबिहारिक कारण बारा आ पर्साक प्रभावितसभक घर निर्माण करबाक घोषणा कएलाक एक दिनबाद संघीय सरकार सेहो घर निर्माण करबाक घोषणा कएने अछि । बुधदिन प्रदेशसभाक बैठकमे प्रदेशक आन्तरिक मामिला तथा कानूनमन्त्री ज्ञानेन्द्र यादव पूर्ण रुपेँ क्षतिभेल परिवारके चारि कोठलीक घर प्रदेश सरकार निर्माण करत घोषणा कएने रहथि ।मुदा संघीय सरकार बारा आ पर्साक प्रभावितसभक घर निर्माणक जिम्मा नेपाली सेनाके देलक अछि । वृहस्पतिदिन साँझ सम्पत्र मन्त्रिपरिषद्के बैसार वर्षात महिना सुरु हएबासँ पहिने प्रभावितसभक घर निर्माण कार्य पुरा करबालेल सेनाके जिम्मा देबाक निर्णय कएलक अछि ।
घर निर्माणके लेल प्रदेश २ क प्रमुख सचिवक संयोजकत्वमे बारा आ पर्साक प्रमुख जिल्ला अधिकारी, सहरी विकास आ रक्षामन्त्रालय प्रतिनिधि सम्मलित समिति सेहो गठन कएलगेल सञ्चार तथा सूचना प्रविधिमन्त्री एवं सरकारक प्रवक्ता गोकुल बाँस्कोटा जानकारी देलन्हि ।
प्रभावितसभक घर निर्माणक सम्पूर्ण खर्च सरकार करत । तत्काल वर्षाक मौसम आबि रहलाक कारण यथाशीघ्र निर्माण कार्य पुरा करबालेल सेनाके जिम्मा देलगेल अछि ।
वृहस्पतिदिन भिन्सर सातु प्रदेशक मुख्यमन्त्रीसँ प्रधानमन्त्री एहि विषयमे बात कएने छलथि । प्रधानमन्त्रीसहितक बातचितमे प्रदेश २ क मुख्यमन्त्री लालबाबु राउत सेहो छलथि । राउत सेहो अविलम्व घर निर्माणक आयश्यक्ता पर जोड दैत विशेष व्यवस्था करबालेल प्रधानमन्त्रीकेँ सुझाव देने छलथि ।
वृहस्पपति दिन भिन्सरके बैठकमे सेनाके जिम्मेवारी देबाक विषयमे छलफल भेल छल । ओहि छलफलके आधार पर साँझमे मन्त्रिपरिषद्के बैठक ई निर्णय कएलक अछि । प्रभावितसभकेँ घर निर्माणसहित इलाज खर्च सेहो सरकारक तर्फसँ देबाक निर्णय एहिसँ पहिने भऽ चुकल अछि । प्रदेश आ केन्द्र सरकार समन्वयात्मक रुपेँ प्रभावित क्षेत्रमे पुनस्र्थापनाक कार्यक्रम सेहो सञ्चालन करत ।

Read More »

बाराके वेदनाः कठिन बनल दिनचर्या

जनकपुरधाम चैत २२ गते ।बाराबासी भीषण हावाबिहारि मचओने वितण्डाक वेदनामे अछि । रविदिन साँझ किछु मिनेटके हावाबिहारिक कारण बारामे सयौं घरपरिवार विस्थापित भऽ चुकल अछि तऽ कतेको आदमी परिवारक सदस्य गुमओने अछि ।फेटा गामपालिका–१ क रामसुरत दास जिल्ला बाहर छलथि । गाममे भीषण अन्हरबिहारि आएल मालुम भेलाक बाद दोसरदिन ओ गाम घुरलथि । मुदा ओ घर पहुँचल समय पत्नी मतिश्वरी देवी आ पुतहु रीना देवी संसारसँ बिदा भऽ गेल रहथि ।१ वर्षक पोती आ ९ महिनाक पोताके देखभाल करबाक जिम्मेवारी एखन रामसुरत आ हुनकर बेटा पर आएल अछि । ‘हमसभ घर भितरे छलौंह, पैघ हावाबिहारि आएल,’ ९ महिनाक बेटाके कोरामे लेने रामसुरतके बेटा कहलन्हि,‘अपन जान बचाउ की मायकेँ, सोचएके समय तक नहि छल ।’ दुनु बच्चाके चौकीके निचा नुका कऽ जान बचाबएमे सफल भेलाक बादो माय आ पत्नीकेँ नहि बँचा सकल ओ अपन वेदना सुनओलन्हि ।
‘दुनु बच्चाके चौकीकेँ निचा नुका कऽ सामानसभ बाहर निकालि रहल छलौंह, किछुए देरमे माय निचामे खसल घरक चारके निचा दबाएल अवस्थामे देखलौंह,’ ओ कहैत छथि,‘ बाहर निकलबाक प्रयास कएलाक बाद दुनुगोटे मृत्यु भऽ गेल छल ।’
घरद्धारक संगहि माय आ पत्नी एकहिसाथ मृत्यु भेल दृष्य कहियो नहि बिसरि सकब ओ बतबैत छथि । हुनका माय आ पत्नीक काजकिरिया करबामे समस्या भेल अछि । घरद्धारक संगहि सभकिछु हावाबिहारि लऽ गेलाक बाद पैघ विपत्तमे अछि दास परिवार ।
फेटाक ३२ वर्षीय राजेश दास उपर सेहो वज्रपात परल अछि । हावाबिहारि अओलाक बाद घरक चारसँ पिचओलाक बाद ओ अपन ६५ वर्षीय बाबु हरिनारायण दासके गुमा चुकल छथि । ‘अपनासभक पीडा आ समस्या बुझि कऽ राहत सामग्री पहुँचाबएलेल दैनिक दर्जनौं संघसंस्थाक व्यक्तिसभ अबैत छथि मुदा बाबुके किरिया करबामे समस्या भऽ रहल ओ बतओलन्हि । ‘घरमे रहल थोरबहुत पैसा हावाबिहारि उडा कऽ लऽ गेल, हिन्दु संस्कृतिअनुसार काजकिरिया करहि परत । मुदा एकहौ रुपैयाँ सँगमे नहि अछि । बाबुके किरिया कोना करु ?’ राजेशक प्रश्न छल ।
सरकारी राहतके विषयमे अपनासभकेँ एखनधरि कोनो जानकारी नहि रहल कहैत किरिया खर्चक विषयमे केऊ पुछताछ तक नहि कएने राजेशक बतओलन्हि । मंगलदिनधरि खुला आकाशक निचा राति बितबैत अओलाक बादो बुधदिन सेना टेन्ट लगा देने हुनकर कहब छलन्हि ।
सेना बनल सहारा
हावाबिहारिक कारण पीडायम जीवनयापन कऽ रहल बाराक पीडितसभके लेल नेपाली सेना सहारा बनल अछि । घरद्धारविहीन भऽ चुकल पीडितसभकेँ ओत लगबाक जगह सेहो नहि रहल अवस्थामे नेपाली सेना पैघ सहारा बनल अछि । नेपाली सेनाक टोली रातिदिन खटि कऽ पीडितसभकेँ टेन्ट आ पालक व्यवस्था कऽ देने अछि ।
अपने घरक भग्नावशेष आगु सेना बासके लेल टेन्ट लगादेलाक बाद हावाबिहारिक वेदना भोगैत आबि रहल पीडितके किछु हदधरि राहत भेटल अछि । नेपाली सेना अस्थायी बासके व्यवस्था कऽ देने अछि तऽ सशस्त्र प्रहरी राहत वितरणमे तथा नेपाल प्रहरी स्वास्थ्य शिविर सञ्चालन कऽ कऽ स्वास्थ्यसम्बन्धी सेवा प्रवाह कऽ रहल अछि ।
राहत सामग्रीमे पैघ सहयोग
बाराक हावाबिहारि प्रभावित क्षेत्रमे सयौं घरपरिवार विस्थापित भेलाक बाद राहत सामग्री पहुँचाबएलेल पैघ संख्यामे सहयोगी हाथ आगु आएल अछि । प्रभावितसभकेँ सहयोग करबाक उद्देश्यसँ नेपालक विभित्र जिल्लासँ संघसंस्था राहत सामग्री लऽ कऽ प्रभावित क्षेत्र पहुँच रहल अछि ।
फेटा गामपालिका–१ क वार्डअध्यक्ष जयप्रकाश दास राहत सामग्रीके अधिक समस्या नहि देखलगेल बतओलन्हि । गामपालिकाक संगहि विभित्र संघसंस्थामार्फत खाद्यात्र, लत्ताकपडासहितक सामग्री सहयोग भेट रहल बतबैत दास प्रभावितसभक पुनस्र्थापना प्रमुख चुनौती देखलगेल बतओलन्हि । तहिना समयमे शौचालयक व्यवस्था नहि कएलगेल तऽ महामारी फैलबाक चिन्ता अपनासभकेँ सता रहल ओ बतओलन्हि अछि ।

Read More »

प्रश्नपत्र आउट करबामे प्रहरी दोषी

जनकपुरधाम चैत २२ गते ।प्रदेश २ मे प्रश्नपत्र बहराएल घटनासम्बन्धी गुत्थी अन्ततः समाधान भेल अछि । एसइई प्रश्नपत्र आउट करबाक सम्बन्धी घटनामे सुरक्षाक जिम्मेवारी रहल प्रहरीए संलग्न रहल देखलगेल अछि ।
प्रदेश २ मे चैत १४ आ १५ क एसइईक प्रश्नपत्र परीक्षासँ पहिने सार्वजनिक भऽ गेल छल । प्रश्नपत्र आउट करबाक घटनामे संलग्न दु प्रहरीसहित ६ गोटेके वृहस्पतिदिन सार्वजनिक कएलगेल अछि ।वृहस्पतिदिन सीआईबी आ प्रदेश प्रहरी जिल्ला प्रहरी कार्यालय सप्तरीमे संयुक्त पत्रकार सम्मेलन कऽ आरोपित दु प्रहरीसहित ६ गोटेके सार्वजनिक कएलक अछि ।
पकराएबला प्रहरीमे सप्तरी राजविराज–१० क ब्रम्हदेव सुनरैत आ कञ्चनरुप–६ क दीपेन्द्र मण्डल अछि । दुनु गोटे सिरहाक इलाका प्रहरी कार्यालय कल्यापुरमे कार्यरत जवान छल ।
सिरहाक जनता मावि बनिया आ रादु मावि कल्याणपुरक प्रश्पत्र इलाका प्रहरी कार्यालय कल्याणपुरमे राखलगेल छल । प्रश्नपत्रक सुरक्षार्थ खटल सुनरैत आ मण्डल प्रश्नपत्र आउट करबाक कार्यमे संलग्न देखलगेल सीआईबीक अनुसन्धानसँ पुष्टि भेल अछि ।
एहिसँ पहिने सामाजिक सञ्जालमे बहराएल प्रश्नपत्रक कातमे ब्लेड देखलगेलाक बाद प्रश्नपत्रक बण्डल काटि कऽ प्रश्नपत्र निकाललगेल भऽ सकैत अछि आशंका कएलगेल छल । बण्डलमेसँ प्रश्नपत्र निकालि कऽ ओसभ सप्तरी पठओने प्रहरी जनओलक अछि । परीक्षासँ पहिने प्रश्नपत्र सप्तरी पहुँचलाक बाद किनबेच शुरु भेल प्रहरीके अनुसन्धानसँ खुजल अछि । प्रश्नपत्र आउट करबाक घटनामे प्रहरी विष्णुदेव यादव, शिक्षक मनोज यादव, राजेश यादव आ उमेश यादवकेँ नियन्त्रणमे लेने अछि ।
फाटो खिच कऽ सप्तरी पठाओलगेल छल प्रश्नपत्र
१४ गतेक सामाजिक आ १५ गतेक विज्ञान विषयक प्रश्नपत्र प्रहरी जवान ब्रम्हदेव सुनरैतमार्फत बाहर आएल छल । सुनरैत बण्डलमेसँ प्रश्नपत्र निकालि कऽ फोटो खिच कऽ भैया विष्णुदेवके पठओने छल । विष्णुदेव सामाजिक सञ्जालमार्फत प्रश्नक फोटो शिक्षक मनोज यादवकेँ पठओने छल । आ, मनोजसँ उमेश होइत अन्य व्यक्तिधरि प्रश्नपत्र पहुँचल प्रहरी जनओलक अछि । प्रश्नपत्रक खरिद बिक्रि एक हजारसँ ४ हजार रुपैयाँ धरिमे भेल प्रहरीके कहब अछि ।
एहि क्रममे एकगोटे सामाजिक सञ्जालमे प्रश्नपत्र अपलोड कएलाक बाद प्रकरण सार्वजनिक भेल छल । ओसभ प्रयोग कएने मोबाइलक प्राविधिक जाँच भऽ रहल प्रहरी जनओलक अछि ।
प्रश्नपत्र बाहर अओलाक बाद संघीय सरकारक शिक्षा मन्त्री गिरिराजमणि पोखरेल प्रदेश २ मे परीक्षा स्थगित करबाक निर्णय कएने रहथि । परीक्षा स्थगित कऽ घटनाक अनुसन्धान करबालेल सीआईबीके जिम्मेवारी देलगेल छल । तहिना परीक्षा नियन्त्रण कार्यालय सेहो परीक्षा बोर्डक सदस्य अमुदा श्रेष्टक संयोजकत्वमे छानबिन समिति गठन कएने अछि ।

Read More »

रेडियो नेपालके एक वर्षमे सार्वजनिक प्रशारण संस्थामे रुपान्तरण हएत

काठमाण्डु, चैत्त २० ।सञ्चार तथा सूचना प्रविधिमन्त्री गोकुल बास्कोटारेडियो नेपालके एक वर्ष भित्तरमे सार्वजनिक प्रशारण संस्थामे रुपान्तरण करएके घोषणा कएलन्हि अछि ।मन्त्री बास्कोटा रेडियो नेपालक जनशक्ति, भौतिक पूर्वाधार आ प्रविधिक प्रयोगमे आमुल परिवर्तन होबए जँका सार्वजनिक प्रशारण संस्थाक रुपमे विकास करए लागल सेहो स्पष्ट कएलन्हि ।
बुधदिन रेडियो नेपालक ६९अम वार्षिकोत्सव कार्यक्रममेओ रेडियो नेपालकेदेशक कानाकोनाधरिक जनताक आवाज बनएके आवश्यक्ता रहल उल्लेख कएलन्हि अछि ।मन्त्री बास्कोटा रेडियो नेपाल स्थानीय भाषाक समाचार स्थानीय तहेसँ प्रशारण करएके व्यवस्था करए परत सेहो ओ बतौलन्हि ।
मन्त्री बास्कोटा रेडियो नेपालक जमिनलगायतक सम्पत्तिसभके सदुपयोग कऽ कऽ आगु बढएके योजना सेहो आगा अन्ने् छथि ।
कार्यक्रममे वरिष्ठ गायक भजन शिरोमणि भक्तराज आचार्य, जनवादी गायक जेबी टुहुरेके ५१ हजार नगदसहित ‘रेडियो नेपाल राष्ट्रिय स्रष्टा सम्मान’ पुरस्कार सेहो प्रदान कएल गेल छल ।मन्त्री बास्कोटा नेपाली गीत, संगीत आ संस्कृतिक क्षेत्रके आगु बढाबएके लेल नव पुस्ताके प्राथमिकता देबएपर सेहो रेडियो नेपालक पदाधिकारीसभके सचेत करौने छथि ।

Read More »

त्रिविद्वारा (ट्रान्सक्रिप्ट) आब २४ घण्टामे उपलब्ध हएत

काठमाण्डु, चैत्त २१ ।त्रिभुवन विश्वविद्यालय (त्रिवि) अबदेखि स्नातक तहक सब संकायक लब्धाङ्क पत्र (ट्रान्सक्रिप्ट) २४ घण्टामे उपलब्धकरेबाक जनौलक अछि ।शुरुमे शिक्षाशास्त्र सङ्कायक ट्रान्सक्रिप्ट उपलब्ध करबैत आएल त्रिवि आबसँ स्नातक तहक सब संकायक ट्रान्सक्रिप्ट २४ घण्टामे उपलब्ध कराओत ।त्रिविक परीक्षा नियन्त्रण कार्यालयक परीक्षा नियन्त्रक पुष्पराज जोशी आबएबला नयाँ वर्षसँ स्नातक तहके सब सङ्कायके ट्रान्सक्रिप्ट विद्यार्थी निवेदन देलाक २४ घण्टाभित्र उपलब्ध करेबाक जानकारी करौलक अछि ।त्रिविले ‘टीयु एक्जामिनेशन इन्फरमेशन म्यानेजमेन्ट सिस्टम’ नामक सफ्टवेयरमार्फत निवेदन देलाक २४ घण्टाभित्तर विद्यार्थीके ट्रान्सक्रिप्ट उपलब्ध करबए लागल अछि ।ट्रान्सक्रिप्टक लेल सब विद्यार्थीक तथ्याङ्कके ‘डाटा सेन्टर स्टोर’ मे राखएके काज अन्तिम चरणमे पहँुचल अछि । परीक्षा नियन्त्रक जोशीक अनुसार कानून आ विज्ञान सङ्कायक विद्यार्थीक तथ्याङ्क राखएके काम अन्तिम चरणमे अछि । त्रिवि विद्यार्थीके २०५४ सालसँलऽ कऽ एखनधरिक तथ्याङ्क ‘डाटा सेन्टर स्टोर’मे राखए लागल अछि ।एहिसँ पहिने त्रिवि हस्तलिखित ट्रान्सक्रिप्ट उपलब्ध करबैत आएल छल । त्रिवि शिक्षाशास्त्र सङ्कायक ट्रान्सक्रिप्ट देबएके शुरु कएलाक एक वर्षक बाद अन्य सब सङ्कायके ट्रान्सक्रिप्ट देबएके शुरु कएने अछि ।विसं २०७५ जेठ १२ गते शिक्षाशास्त्र सङ्कायके ट्रान्सक्रिप्ट पहिलबेर २४ घण्टाभित्तरमे देल जाए जनाओल गेल अछि । ‘‘अपनेसभ एक वर्ष आगुएसँ शिक्षाशास्त्र सङ्कायक ट्रान्सक्रिप्ट देबएके शुरु कएने छलहुँ मुदा, प्राविधिक कारणसँ अन्य सङ्कायके देबएमे अबेर भेल’’ जोशीकहलन्हि, ‘‘अब प्राविधिक समस्या हटाकऽ सब सङ्कायक ट्रान्सक्रिप्ट देब।’’त्रिवि मानविकी सङ्काय (बिए) के इएहहप्तासँ ट्रान्सक्रिप्ट देबए लागल अछि तऽ व्यवस्थापन आ विज्ञान सङ्कायक ट्रान्सक्रिप्ट जल्दिए देबाक तैयारी शुरु कएल गेल परीक्षा नियन्त्रक जोशी जानकारी करौने छथि ।त्रिवि आब सँ सब सङ्कायके ट्रान्सक्रिप्टक लेल एकद्वार प्रणालीमार्फत विवरण करत । एखन प्रत्येक सङ्कायके अलग अलग ठामसँ ट्रान्सक्रिप्ट दैत आएल त्रिवि आबसँ ‘ट्रान्सक्रिप्ट युनिट’ राखिकऽ एकद्वार प्रणालीसँ सब सङ्कायक ट्रान्सक्रिप्ट देत जोशीक कहब छन्हि ।त्रिवि स्नातककेबाद स्नातकोत्तर तहके ट्रान्सक्रिप्ट देबएके सेहो तैयारी कएने अछि ।

परीक्षाफल तीन महिनामे

तहिना, त्रिवि परीक्षाफल तीन महिनाभित्तरमे प्रकाशित करबाक तैयारी कएने अछि । एहसिँ पहिने परीक्षा देलाक ९ महिनापर परीक्षाफल प्रकाशित करैत आएल छल तऽ आब सँ तीन महिनामे परीक्षाफल प्रकाशित कएल जाएत । एखन परीक्षा देलाक पाँच महिनामे परीक्षाफल प्रकाशित करैत आएल छी कहैत जोशीले कहलन्हि, ‘‘आब हमसभ परीक्षाफल तीन महिनामे प्रकाशित करबाक काज सेहो कऽ रहल छी ।’’

जनशक्तिक अभाव

परीक्षा नियन्त्रक जोशी कार्यालयमे कम जनशक्ति भेलाक कारणसँ काजमे सहजता नहि भेल बतौलनिह अछि । ओ पहिनहिके जनशक्तिसभके काजकरए परलासँ काजमे अबेरभऽ रहल स्वीकार कएलन्हि अछि ।“क्याम्पसके संख्या बढिकऽएखन करिब एक हजार २ सय २४ अछि, ओ क्याम्पसके सब परीक्षाक ट्रान्सक्रिप्ट देबएके काज हमरासभके करए परैत अछि” जोशीले कहलन्हि, मुदा हमसभ पुराने जनशक्तिक भरमे काजकऽ रहल छी, जाहिसँ काजजल्दि होबए नहि सकि रहल अछि ।”प्रादेशिक कार्यालय स्थापना कएल जाएत
तहिना, परीक्षा नियन्त्रण कार्यालय प्रादेशिक तहमे जएबाक सेहो बताओल गेल अछि ।एखन विराटनगर, पोखरा, नेपालगंञ्ज आ अत्तरियामे क्षेत्रीय कार्यालयमार्फत काज भऽ रहल कार्यालय आ आब प्रादेशिक तहमे सातु प्रदेशमे कार्यालय स्थापना कएल जाएत परीक्षा नियन्त्रक जोशी बतौलन्हि अछि।

Read More »

नेविसंघ कांग्रेस धनुषाक नेतृत्वमे राहत सामग्री पठाओल गेल

जनकपुरधाम, चैत्त २१ ।नेपाली कांग्रेसक भातृ संगठन नेपाल बिद्यार्थी संघ घनुषाद्धारा बारा र पर्सा जिल्लाका हावाविहारिसँसँ प्रभावितसभके राहत बितरण पठौलक अछि ।हावाविहारिसँ प्रभावितके राहात लऽ कऽ घनुषाक सभापती सुजित मिश्रक अगुवाइमे बुधदिन प्रभाबित क्षेत्रमेराहतसामग्री पठाओल गेल अछि ।रारा बहुमुखी क्याम्पस एकाई कमिटीके बिशेष पहलमे हावाविहारिसँ प्रभावित स्थलमे चुरा १७ बोरा, मुरहि १५ बोरा, दालमोठ १० डिब्बा, चाउचाउ १०० काटुन, पानी ३८ काटुृन, बिस्कुट २५ काटुन बितरण करबा लेल पठाओल गेल सभापति मिश्र जानकारी देने छथि ।हुनक अनुसार बृहस्पतिदिन बाराके कलैयाक सभापतिक नेतृत्वमे ओ समानसभ वितरण कएल जाएत । राहत बितरण कार्यक्रममे सुमनत यादब, राकेश बिक्रम, सुमन ठाकुर सहितक नेबिसंघ अन्य बिद्यार्थीसभक सहभागिता अछि ।एहिसँ पहिने नेपाली काङग्रेसक उपसभापति विमलेन्द्र निधि १० लाख रुपैयाँ उपलब्ध करेबाक घोषणा कएने छल ।तहिना, सभापति देउवा मंगलदिन भोरे नारायणी अञ्चल अस्पतालमे घाइल भेलसभके भेटने छलाह । ओ बाराक भलुही भरवलियामे हावाहुरीसँप्रभावितके ब्याल्ङकेट, बाल्टिनलगायतक सामग्री वितरण कएने छल तऽ २५ लाख देबाक घोषणा सेहो कएने अछि ।

Read More »

एसइई प्रश्नपत्र आउट प्रकरणः सिरहामे फोटो खिचाएल, सप्तरीमे बेचलगेल !

जनकपुरधाम चैत २१ गते ।प्रदेश २ मे माध्यमिक शिक्षा परीक्षा (एसइई) क प्रश्नपत्र प्रहरीएसँ बाहराएल निष्कर्षके नजदिक अनुसन्धान अधिकारीसभ पहुँचलन्हि अछि ।विज्ञान आ सामाजिक विषयक प्रश्नपत्र बहराएल विषयमे प्रहरीके केन्द्रीय अनुसन्धान ब्यूरो (सीआइबी) अनुसन्धान कऽ रहल अछि । स्रोतक अनुसार १४ आ १५ गते भेल विज्ञान आ सामाजिक विषयक प्रश्नपत्र प्रहरीएके संलग्नतामे किनबेच भेल निष्कर्षसहित अनुसन्धान अन्तिम चरणमे पहुँचल अछि । आब गिरफ्तार भेलसभसँ बरामद मोबाइलक प्राविधिक विश्लेषण रिपोर्टक प्रतिक्षा कएल जा रहल अछि ।
ब्यूरोक एक उच्च् अधिकारीके अनुसार घटनामे संलग्न रहल आशंकामे दुटा प्रहरीसहित ८ गोटेके नियन्त्रणमे लेलगेल अछि । नियन्त्रणमे लेलगेल इलाका प्रहरी कार्यालय कल्याणपुरमे कार्यरत जवान बम्हदेव सुनरैत आ दीपेन्द्रकुमार मण्डलक प्रत्यक्ष संलग्नतामे प्रश्नपत्र आउट भेल सीआइबीक अनुसन्धान देखओने अछि ।
ओकरासभमेँसँ एकगोटेके भैया एसइईके परीक्षार्थी छल । भैयाके सहयोगक करबाक उद्देश्यसँ सुरक्षार्थ खटल परीक्षा केन्द्रसँ ओसभ प्रश्नपत्र आउट कएने छल ।
इलाका प्रहरी कार्यालय कल्याणपुर जनता मावि बनिया आ रादु मावि कल्याणपुरमे प्रश्नपत्र राखलगेल छल । एहिसँ पहिने सामाजिक सञ्जालमे सार्वजनिक भेल प्रश्नपत्रक कातमे ब्लेड देखलगेलाक बाद प्रश्नपत्र रहल प्याकेटके निचासँ काटि कऽ प्रश्नपत्र निकाललगेल आशंका कएलगेल छल । प्रश्नपत्र निकालि कऽ फोटो खिचलाक बाद ओसभ सप्तरी पठओने छल । ओतहिसँ प्रश्नपत्रक किनबेच शुरु भेल प्रहरीके आशंका अछि ।
‘जवान एतहसँ प्रश्नपत्र पठओलाक बाद सप्तरीमे प्रलोभनमे परि कऽ प्रश्नपत्र किनबेच कएलगेल देखबामे आएल अछि,’ ब्यूरोक एक अनुसन्धान अधिकारी कहलन्हि,‘मुदा बिक्री कऽ पैघ परिणाममे रकम लेने नहि देखलगेल अछि ।’
एखनुक घटना अनुसन्धानमे ब्युरोक एक प्रहरी नायब उपरीक्षक नेतृत्वक टोली खटल छथि तऽ परीक्षा नियन्त्रण कार्यालय सेहो परीक्षा बोर्डक सदस्य प्राध्यापक अमुदा श्रेष्ठक संयोजकत्वमे छानबिन समिति गठन कएने अछि ।
प्रहरी सप्तरीक शंकास्पद ६ टा विद्यार्थीके नियन्त्रणमे लऽ कऽ अनुसन्धान शुरु कएने छल । ओकरासभसँ अनुसन्धान करैतगेलाक बाद सिरहाक प्रहरीधरि कनेक्सन पहुँचल छल । ओहि विद्यार्थीसभक माध्यमसँ विभित्र व्यक्तिक फेसबुक, भाइबर, ह्वाट्स एपसहितकसँ प्रश्नपत्र पठाओलगेल खुजल अछि । प्रहरी ओकरासभसँ बरामद मोबाइल आ प्रश्नपत्रक फोटोकेँ केन्द्रीय विधि विज्ञान प्रयोगशाला सामाखुशी पठओने अछि । ‘हमसभ ल्याबक रिपोर्टके प्रतिक्षामे छी,’ ब्युरोक एक अधिकारी कहलन्हि,‘रिपोर्ट अओलाक बाद घटना प्रमाणित भऽ जाएत ।’
ब्युरोक निर्देशन नायब महानिरीक्षक (डीआईजी) निरज शाही घटनाक अनुसन्धान चलि रहल बतओलन्हि । तत्काल किछु कहबाक अवस्था नहि रहल ओ बतओलन्हि । नियन्त्रणमे लेलगेल विद्यार्थीसभकेँ जिल्ला प्रहरी कार्यालय सप्तरीक हिरासतमे राखलगेल अछि ।

Read More »

बारा–पर्सा पीडितके लेल प्रदेश सरकार घर बनाओत

जनकपुरधाम चैत २१ गते ।हावाबिहारिसँ बारा आ पर्साक पीडितसभक लेल प्रदेश २ सरकार घर बनएबाक निर्णय कएलक अछि । बुधदिन प्रदेशसभा बैठककेँ सम्बोधन करैत आन्तरिक मामिला तथा कानूनमन्त्री ज्ञानेन्द्र यादव हावाबिहारिक कारण पूर्णरुपेँ घर क्षति भेल पीडितसभक लेल प्रदेश सरकारक तर्फसँ शौचालयसहितके चारि कोठलीक घर निर्माण करबाक घोषणा कएलन्हि अछि ।एहिसँ पहिने मंगलदिन राहत तथा उद्धार व्यवस्थापन उच्चस्तरीय समितिक बैसार बारा आ पर्साक हावाबिहारि प्रभावितसभकेँ प्रदेश सरकार ‘प्रि–फ्याव’ घर उपलब्ध करएबाक निर्णय कएने छल ।
कानूनमन्त्री यादव आगामी चारि महिनाभितर प्रभावितसभकेँ घर बना देत यादव दावा कएलन्हि अछि । मन्त्री यादव पीडितसभ कष्टकर जीवनयापन करबालेल बाध्य रहल कहैत एहिप्रति प्रदेश सरकार गम्भीर रहल बतओलन्हि । त्रिपालक निचा रहल पीडितस गर्मीके कारण समस्यामे रहल कहैत मन्त्री यादव किछुए दिनभितर टेन्टक पूर्ण व्यवस्था भऽ जाएत बतओलन्हि ।
तहिना प्रभावित क्षेत्रमे मच्छरकेँ प्रकोप बढलाक कारण झुल पठा देलगेल मन्त्री यादव जानकारी देलन्हि । उद्धार समाप्त होइते राहत वितरण प्रभावकारी रुपेँ सञ्चालन भऽ रहल कहैत ओ सहयोग कएन्हिारसभकेँ धन्यवाद देलन्हि ।
मन्त्री यादवक अनुसार हावाबिहारिक कारण बारामे २७ आ पर्सामे एक गोटेके मृत्यु भेल अछि । तहिना करिब एक हजार आदमी घायल भेल ओ बतओलन्हि । हावाबिहारिसँ बारामे ९ सय ५८ परिवारक घर पूर्ण रुपेँ आ ९ सय २२ आंशिक रुपेँ क्षतिग्रस्त भेल ओ बतओलन्हि । तहिना पर्सामे १ सय २२ घर पूर्णरुपेँ आ ३ सय ८७ घर आंशिक रुपेँ क्षतिग्रस्त भेल प्रारम्भिक तथ्यांक रहल मन्त्री यादव बतओलन्हि ।

Read More »

बारा आ पर्साक प्रभावितकेँ प्रदेश ३ सरकारक तर्फसँ एक करोड सहयोग

जनकपुरधाम चैत २० गते । बारा आ पर्साक हावाबिहारि प्रभावितकेँ प्रदेश ३ सरकार एक करोड रुपैयाँ आर्थिक सहयोग करबाक घोषणा कएलक अछि । मंगलदिन सम्पत्र प्रदेश ३ सरकारक मन्त्रिपरिषद् बैठक प्रदेश २ क बारा आ पर्सामे भीषण हावाबिहारिसँ प्रभावित भेलसभकेँ ई सहयोग करबाक निर्णय कएलक अछि ।
हावाबिहारिक कारण घरबारविहीन परिवारक आवास निर्माणके लेल एक करोड रुपैयाँ सहयोग करबाक निर्णय भेल प्रदेश सरकारक प्रवक्ता एवं आर्थिक मामिला मन्त्री कैलाशप्रसाद ढुंगेल बतओलन्हि ।
सोमदिन प्रदेश ३ क मुख्यमन्त्री आन्तरिक मामिला तथा कानुनमन्त्री, सामाजिक विकास मन्त्रीसहितक नेतासभ बारा आ पर्सा पहुँच कऽ प्रभावित क्षेत्रक स्थलगत निरीक्षण कएने छलथि ।
तहिना प्रदेश ३ क सांसदसभ सेहो पीडित परिवारकेँ सहयोग करबाक घोषणा कएलन्हि अछि । पडोसी प्रदेशमे समस्या अओलाक कारण चुपचाप रहब ठिक नहि रहल कहैत सोमदिन प्रदेशसभामे सांसदसभ आवाज उठओलाक बाद मंगलदिन प्रदेशसभाक कार्यव्यवस्था परामर्श समितिक बैठक सहयोगक निर्णय कएलक अछि । प्रदेशसभाक सभामुख सानुकुमार श्रेष्ठक अध्यक्षताम बैसल कार्यव्यवस्था परामर्श समितिक बैसार प्रदेशसभाक सभ सदस्यक तीन दिन बराबरकेँ तलब सहयोगस्वरुप प्रदान करबाक निर्णय कएलक अछि ।
तहिना बारा आ पर्साक हावाबिहारि पीडितसभकेँ उदयपुरक दुटा नगरपालिकाक जनप्रतिनिधि आ कर्मचारी एक दिनक तलब सहयोग करबाक घोषणा कएलन्हि अछि ।
उदयपुरक त्रियुगा आ बेलका नगरपालिकाक कर्मचारीसहित जनप्रतिनिधिसभ एक दिनक तलब देबाक घोषणा कएलन्हि अछि । बेलका नगरपालिकाक प्रमुख दुर्गाकुमार थापाक अनुसार कर्मचारी तथा जनप्रतिनिधिसभक एक दिनक तलब १ लाख ६० हजार अछि ।
तहिना त्रियुगा नगरपालिकाक निमित्त प्रमुख प्रशासकीय अधिकृत एकबहादुर राउत त्रियुगा नगरपालिकाक जनप्रनिधि आ कर्मचारीक तलब सहयोग करबाक निर्णय भेल जानकारी देलन्हि । त्रियुगा नगरपालिकामे जनप्रतिनधि आ कर्मचारीक एक दिनक तलब दु लाख होइत अछि ।

Read More »

मृतक परिवारकेँ पाँच लाख राहत देबाक प्रचण्डक घोषणा

जनकपुरधाम चैत २० गते ।नेकपा अध्यक्ष पुष्पकमल दहाल प्रचण्ड बारा आ पर्सामे हावाबिहारिक कारण मृत्यु भेल परिवारकेँ प्रति परिवार ५÷५ लाख रुपैयाँ सहयोग करबाक घोषणा कएलन्हि अछि ।
मंगलदिन बाराक फेटा गामपालिका पहुँचल प्रचण्ड मृतक परिवारकेँ ५÷५ लाख रुपैयाँ देबाक घोषणा कएलन्हि । हावाबिहारि प्रभावितसभकेँ भेट करबालेल बारा पहुँचल प्रचण्ड पर्साक वीरगंजस्थित नारायर्ण उपक्षेत्रीय अस्पताल पहुँच कऽ घायलसभसँ भेट सेहो कएलन्हि ।
प्रचण्ड मधेश शोकमे रहल समय पुरा देशके सहयोग करबाक चाही धारणा रखलन्हि । हावाबिहारिसँ प्रभावित भेलसभक राहत पहुँचएबामे सरकार कोनो कसर बाँकी नहि राखत प्रचण्ड आवश्वास सेहो देलन्हि ।

Read More »
1 19 20 21 22 23 77