स्थानीय

बिहारिसँ प्रभावितकेँ १० लाख आर्थिक सहयोग करबाक नेता निधिके घोषणा

जनकपुरधाम चैत १९ गते ।नेपाली कांग्रेसक उपसभापति विमलेन्द्र निधि बारा आ पर्साक हावाबिहारिसँ प्रभावितसभकेँ १० लाख आर्थिक सहयोग करबाक घोषणा कएलन्हि अछि । हावाबिहारिसँ भेल धनजनके क्षति तथा पीडितसभक विषयमे जानकारी लेबएलेल बारा पहुँचल उपसभापति निधि ई घोषणा कएलन्हि अछि । बारा आ पर्साबाहेक प्रदेश २ क अन्य जिल्लाक सांसद, ओ स्वयं आ प्रदेश २ कांग्रेसकतर्फसँ ई रकम सहयोग कएल जाएत निधि बतओलन्हि ।
भीषण हावाबिहारिक कारण उत्पत्र परिस्थितिके सम्बन्धमे जानकारी लेबएलेल निधि सोमदिन काठमाण्डुसँ बारा पहुँचल छलथि । निधि कलैया अस्पताल तथा वीरगंज अस्पताल पहुँच कऽ घायल एवं पीडित परिवारसँ भेट कएने छलथि ।
निधिसहित नेपाली कांग्रेस प्रदेश २ क संसदीय दलक नेता रामसरोज यादव, केन्द्रीय सदस्य आनन्दप्रसाद ढ्ंगानासहितक नेतासभ हावाबिहारिक कारण प्रभावित बाराक पुरैनिया, फुलबरिया, भलइ, भरवलिया, धर्मनगरसहितक गाम पहुँच कऽ पीडित परिवारसँ भेटघाट कएने छलथि ।
तहिना मंगलदिन हावाबिहारिसँ प्रभावित क्षेत्रक निरीक्षण करबाक संगहि पीडित परिवारसँ भेट करबालेल नेपाली कांग्रेसक सभापति शेरबहादुर देउवा बारा पहुँच रहल जनाओलगेल अछि ।
सांसदद्धारा सहयोगक घोषणा
नेपाली कांग्रेसक संघीय सांसदसभ दु दिनके तलब हावाबिहारिक पीडितसभकेँ सहयोग करबाक निर्णय कएलन्हि अछि । रविदिन बारा आ पर्सा जिल्लामे भेल विनासकारी हावाबिहारिसँ घरबारबिहीन भेलसभके लेल कांग्रेसक सांसदसभ दु दिनके तलब सहयोग करबाक कांग्रेस संसदीय दल निर्णय कएलक अछि ।
तहिना नेकपाक संघीय सांसदसभ एक दिनक तलब देबाक निर्णय कएलन्हि अछि । नेकपा संसदीय दलक उपनेता सुवासचन्द्र नेम्वाङ विज्ञप्ति जारी करैत घायलसभक इलाज, राहत आ पुनस्र्थापनाके लेल एक दिनक तलब देबाक निर्णय भेल जनओने छथि ।

Read More »

मृतक परिवारकेँ ३-३ लाख सहयोग करबाक प्रदेश सरकारक घोषणा

जनकपुरधाम चैत १९ गते ।प्रदेश सरकार हावाबिहारिक कारण बारा आ पर्सामे मृत्यु भेल परिवारकेँ ३-३ लाख आर्थिक सहयोग करबाक घोषणा कएलक अछि । सोमदिन भिन्सर बैसल प्रदेश २ क मन्त्रिपरिषद्के आकस्मिक बैसार ई निर्णय कएने अछि ।
रविदिन राति अचानक तीव्र गतिमे आएल हावाबिहारिक कारण मृत्यु भेल सभ परिवारके ३÷३ लाख आर्थिक सहयोगक करबाक निर्णय भेल आन्तरिक मामिला तथा कानुनमन्त्री ज्ञानेन्द्र यादव जानकारी देलन्हि ।
तहिना घायलसभक इलाज खर्चक व्यवस्था सेहो प्रदेश सरकारक तर्फसँ करबाक निर्णय मन्त्रिपरिषद् बैठक कएने ओ बतओलन्हि । एहिके संगहि हावाबिहारिक कारण घरबारबिहीन भेलसभक खाना तथा लत्ताकपडाके व्यवस्था सेहो प्रदेश सरकार करत मन्त्री यादव जानकारी देलन्हि ।
मन्त्रिपरिषद् बैठकके तुरन्तबाद हावाबिहारिक कारण उत्पत्र परिस्थितिके विषयमे जानकारी लेबएलेल मुख्यमन्त्री लालबाबु राउतसहित मन्त्रिपरिषद्के सम्पूर्ण सदस्य जनकपुरसँ बारातर्फ प्रस्थान कएने छल ।
मुख्यमन्त्री राउतसहित भौतिक विकास मन्त्री जितेन्द्र सोनल, आन्तरिक मामिला तथा कानुनमन्त्री ज्ञानेन्द्र यादव, अर्थ मन्त्री विजय यादव, कृषिमन्त्री शैलेन्द्र साह, उद्योग मन्त्री रामनरेश राय, सामाजिक विकास मन्त्री नवलकिशोर साह तथा राज्यमन्त्रीसभ बाराक प्रभावित क्षेत्र पहुँचल छलथि ।
राउतसहितक मन्त्रिपरिषद्क सदस्यसभ बाराक कलैया अस्पताल पहुँच कऽ घायल तथा पीडित परिवारसँ भेट कएने छलथि । अस्पतालमे घायलसभसँ भेटक क्रममे मुख्यमन्त्री राउत इलाजमे कोनो प्रकारक कसर बाँकी नहि रखबालेल चिकित्सकसभकेँ निर्देशन देने छलथि ।
एहिबीच प्रदेश सरकार हावाबिहारिक प्रभावितसभक राहत एवं उद्धारके लेल आन्तरिक मामिला तथा कानुनमन्त्री ज्ञानेन्द्र यादवक संयोजकत्वमे पाँच सदस्यीय राहत था उद्धार व्यवस्थापन समिति गठन कएलक अछि । समितिमे समाजिक विकास मन्त्री साह, उद्योगमन्त्री राय, मुख्यन्यायाधीवक्ता दीपेन्द्र झा आ कानुन मन्त्रालयक अधिकृत सदस्य छथि ।
बारा आ पर्सामे भीषण हावाबिहारिसँ प्रभावित भेलसभकेँ सहयोग करबालेल प्रदेश सरकार विपद् व्यवस्थापनक क्षेत्रमे काज करएबला संस्थासभसँ आग्रह सेहो कएने अछि ।
प्रदेशसभा बैठक स्थगित
हावाबिहारिक कारण बारा आ पर्सामे आएल विपद्के देखैत सोमदिन होबएबला प्रदेशसभा बैठक स्थगित कएलगेल अछि । प्राकृतिक विपद्के अवस्था देखैत सरकारक आग्रहसँ प्रदेशसभा बैठक स्थगित कएलगेल कानुनमन्त्री यादव बतओलन्हि । प्रदेशसभाक संगहि सोमदिनक सम्पूर्ण कार्यक्रम स्थगित कएलगेल छल ।

Read More »

बिहारिक प्रभावितसँ भेट कऽ प्रधानमन्त्री ओली देलन्हि सान्त्वाना

जनकपुरधाम चैत १९ गते ।भीषण हावाबिहारिक कारण घायलभेल सभकेँ प्रधानमन्त्री केपी शर्मा ओली अस्पताल पहुँच कऽ भेँट कएलन्हि अछि । गृह जिल्ला झापाक कार्यक्रम रद्द कऽ सोमदिन अपरान्ह कलैया अस्पताल पहुँचल प्रधानमन्त्री ओली घायलसभसँ भेँट कएलन्हि ।
प्रधानमन्त्री ओली इलाज करा रहल घायल एवं पीडित परिवारकेँ भेँट कऽ सान्त्वाना देलन्हि अछि । ओलीसंगहि उपप्रधान तथा स्वास्थ्यमन्त्री उपेन्द्र यादव, भौतिक योजनामन्त्री रघुवीर महासेठ सेहो घायलसभसँ भेँट करबालेल कलैया अस्पताल पहुँचल छलथि ।
प्रधानमन्त्री ओली हावाबिहारिसँ बाराक प्रभावित क्षेत्रक निरीक्षण सेहो कएलन्हि अछि । निरीक्षणके क्रममे ओ राहत आ उद्धारमे कोनो समस्या नहि आबए देबएलेल निर्देशन देलन्हि । नेकपा संसदीय दलक नेता सेहो रहल प्रधानमन्त्री ओली राहत आ उद्धारमे खटबालेल पार्टीक नेता तथा कार्यकर्तासभसँ आग्रह कएलन्हि अछि ।
एहिबीच गृहमन्त्रालय बारा आ पर्सामे हावाबिहारिसँ क्षति पहुँचल सभ घर निर्माण करबाक घोषणा कएलक अछि । घटनास्थल निरीक्षण करबालेल बारा पहुँचल गृहसचिव प्रमेकुमार राई हावाबिहारिसँ क्षति भेल घरसभ सरकार निर्माण करत बतओलन्हि ।

Read More »

भीषण हावाबिहारिः किछुए देरमे लुटलक खुशी

जनकपुरधाम चैत १९ गते ।बारा आ पर्सामे रविदिन रात अचानक आएल हावाबिहारि किछुए देरमे सयौं परिवारक खुशी लुटिलेने अछि । ओसभ घरविहीन भेल अछि । नहि खएबाले किछु अछि आ नहि ओकरासभ लँग ओत लगबालेल बास ।रविदिन राति अचानक आएल हावाबिहरिक कारण बारा आ पर्सामे २७ गोटेक मृत्युके पुष्टि भऽ चुकल अछि तऽ पाँच सयसँ अधिक घायल अछि । घायलसभक इलाज कलैया आ वीरगंजक विभित्र अस्पतालमे चलि रहल अछि ।
घरे तोडि देबाक हिसाबसँ आएल हावाबिहारिक कारण बारा जिल्लाक सयकडौं परिवार खुल्ला आकाशक निचा राति बिताबएलेल बाध्य भेल अछि । घरबिहीन भेलाक बाद हुनकासभकेँ खानाके संगहि पिबएबला पानिक सेहो समस्या भेल अछि ।
घायलसभक अस्पतालमे इलाज चलि रहल अछि तऽ जान बँचाबएमे सफल भेलसभ अपनअपन गाममे अछि । विपद्के सामना कऽ रहल बाराक सयकडौं परिवारबीच सरकारी राहतके टाली नहि पहुँच सकलाक बाद ओसभ आओर समस्यामे देखलगेल अछि । सुरक्षाकर्मी उद्धार कार्यमे सहयोग कएलाक बादो क्षति पहुँचल गामसभमे स्वास्थ्यकर्मी नहि पहुँच सकल हुनकासभक शिकायत अछि । संघीय सरकार सेहो प्रभावित क्षेत्रमे स्वास्थ्यकर्मी नहि पठा सकल बताओलगेल अछि । एहि विपद्मे सभसँ अधिक वृद्धवृद्धा आ बालबालिका प्रभावित भेल अछि ।
घटनाक भेला लम्बा समय बितगेलाक बादो सरकारी राहत टोली प्रभावित क्षेत्रधरि नहि पहुँचलाक कारण पीडितसभ समस्यामे परल रविदिन रातिएसँ राहत एवं उद्धार कार्यमे जुटल खुल्ला दिसामुक्त अभियान बाराक आरएसएनके कार्यक्रम संयोजक विनोद महतो बतओलन्हि । घटनाक बाद लगातार बाराक सुवर्ण गामपालिकामे राहतकार्यमे जुटल महतो गामपालिका चुरा, मुरहीसहितक खाद्य सामग्री वितरण करए बाहेक सरकारक तर्फसँ राहतसम्बन्धी अन्य काज नहि भऽ सकल बतओलन्हि ।
हावाबिहारिक ताण्डवके बाद पैघ समस्यामे परल सुवर्ण गामपालिकाक अमरुल शेख बतओलन्हि ।
एहिसँ पहिने गर्मीके मौसममे हावाबिहारि अबैत रहलाक बादो रविदिन जँका भीषण हावाबिहारि जीवनमे कहियो नहि देखने प्रभावित क्षेत्रक स्थानीयसभ बतओलन्हि । बाल्यकालसँ एखनिधरि एहन भीषण हावाबिहारि कहियो नहि देखने बारा फेटाक उर्मिला सिंह बतओलीह । ‘हावाबिहारिक संगहि पाथर सेहो खसए लगलाक बाद सभगोटे घरभितर चलि गेल,’ उर्मिला कहलीह,‘घरक चार सेहो उडि गेलाक बाद कतौह जएबाक स्थान नहि रहिगेल ।’
घरसँ भागएलेल केबार खोललाक बाद चार खसि परल भरवलियाक ७० वर्षीया कुसmु कलु बतओलीह । भागएमे कनिको देर होइत तऽ एखनि जिवीत नहि रहितौंह हुनकर कहब छलन्हि ।

Read More »

कांग्रेसक चेतावनीके बाद सुनवाइ समितिक बैठक स्थगित

काठमाण्डु चैत १८ गते ।संवैधानिक परिषदसँ पार्टी सभापति एवं परिषद् सदस्य शेरबहादुर देउवाक अनुपस्थितिमे निर्वाचन आयोगक प्रमुख आ समावेशी आयोगक सदस्य सिफारिस कएनेप्रति कांग्रेस सांसदसभ बुझए परत कहैत आग्रह कएलाक बाद संसदीय सुनवाइ समितिक बैठक स्थगित भेल अछि ।
रविदिन बैसल समितिक बैठकमे कांग्रेस सांसद भिमसेनदास प्रधान चैत ११ गतेक परिषदके बैठकमे प्रमुख प्रतिपक्षी दलक नेता देउवा कार्यव्यस्तताक कारण परिषद बैठक किछुदिन आगु बढाबएलेल अनुरोध कएलाक बादो परिषद अध्यक्ष तथा प्रधानमन्त्री केपी शर्मा ओली अनसुना कएने आ ओहि विषयमे सभापति देउवासँ बुझब जरुरी रहल कहैत समिति बैठक आगु बढाबएलेल आग्रह कएने छलथि ।
समितिमे पार्टीक वरिष्ठ सदस्य ज्ञानेन्द्रबहादुर कार्की आ पुष्पा भुसाल सेहो अनुपस्थित रहलाक कारण पार्टीमे छलफल करबाक रहल प्रधानक कहब छल । ओ समितिके सहमतिएसँ समितिके आगु बढबा पर जोड देलन्हि ।
प्रतिपक्ष आ सत्तारुढ दल मिल कऽ आगु बढबाक आवश्यक्ता रहल आ ओना नहि भऽ सकल तऽ व्यवस्थाप्रति जनतामे वितृष्णा पैदा होएत हुनक कहब छल । समितिमे कांग्रेससँ प्रतिनिधित्व कएन्हिार सांसद जितेन्द्र देव संवैधानिक परिषद सिफारिस कएने व्यक्तिप्रति कांग्रेसक असहमति नहि रहल मुदा प्रक्रियामे असहमति रहल धारणा रखलन्हि ।
पार्टीमे छलफल करबालेल समय नहि देलगेल तऽ बहिष्कार करबाक अवस्था आबि सकत हुनकर चेतावनी छलन्हि । नेपाल कम्युनिस्ट पार्टीक सांसद योगेश भट्टराई कांग्रेक माँगके सम्मान करैत किछुदिन समिति बैठक आगु बढएबाक विषयमे सहमति जनओने छलथि । समिति सभापति लक्ष्मणलाल कर्ण समिति बैठक बहिष्कार करब ठिक नहि रहल बतओलन्हि ।
समितिकेँ छलफलके लेल व्यापक समय रहल मुदा बहिष्कार करब ठिक नहि रहल कर्ण बतओलन्हि । कर्ण संवैधानिक परिषदके निर्णय प्रक्रियामे समिति किछु नहि कऽ सकत कहैत सिफारिस गलत रहल अवस्थामे समिति अपन कार्यक्षेत्र अनुसार रद्द कऽ सकैत अछि बतओलन्हि । सभापति कर्ण कांग्रेसक आग्रहअनुसार बैठक १९ गते मंगलदिन दुपहर २ बजेके लेल बजाओलगेल अछि ।

Read More »

‘महिलाहिंसा पीडितके न्याय दिआबएमे न्यून सफलता’

जनकपुरधाम चैत १८ गते ।राष्ट्रिय मानव अधिकार आयोग मानव अधिकार सुधारक क्षेत्रमे अपेक्षाकृत सफलता प्राप्त नहि भऽ सकल जनओलक अछि । आयोगक सदस्य मोहना अन्सारी मुलतः महिला हिंसाक क्षेत्रमे अपेक्षाअनुसारक सफलता नहि भेटसकल बतओलीह अछि ।
महिला हिंसा तथा न्यूनिकरणमे सुरक्षा निकायक भूमिकाक विषयमे सोमदिन जनकपुरमे होबए जा रहल प्रदेश स्तरीय कार्यक्रमकेँ सम्बन्धमे आयोजना कएलगेल पत्रकार भेटघाट कार्यक्रममे अन्सारी ई बात बतओलीह अछि ।
महिलाहिंसा सम्बन्धमे प्रहरीमे उजुरी गेलाक बादो अभियोजन आ पीडितके सुरक्षा देबाक पक्ष कमजोर देखलगेल हुनकर कहब छलन्हि । विभित्र कारणसभसँ महिलाहिंसाक पीडितसभकेँ न्याय भेटबाक संख्या न्यून देखलगेल ओ बतओलीह अछि ।
कतेको महिलाहिंसा सम्बन्धी घटनामे महिलाक परिवारे विस्थापित भेल देखबामे आएल अछि बतबैत अन्सारी एहि प्रकारक घटना न्यूनिकरण करबामे सम्पूर्ण सरोकारबलासभक भूमिका पर जोड देलीह अछि ।
बलात्कार सन घटनाक पीडितके संरक्षण, पुनस्र्थापना, सुरक्षासहितक कार्यमे प्रहरीके अहम भूमिका रहलाक बादो न्यून सफलता देखलगेल आयोगक कहब अछि ।

Read More »

जनकपुरमे पहिलबेर खाद्य मेला

जनकपुरधाम चैत १८ गते ।जनकपुरमे पहिलबेर खाद्य मेलाके आयोजना होबए जा रहल अछि । संघीय सरकारक कृषि तथा पशुपंक्षी विकास मन्त्रालय अन्तर्गतके खाद्य प्रविधि तथा गुण नियन्त्रण कार्यालयक आयोजनामे तीन दिवसीय खाद्य मेलाक आयोजना होबए जा रहल छैक ।
‘परम्परागत, पोषणयुक्त एवं स्थानीय खाद्य पदार्थक प्रवद्र्धन करी, असल पोषणके लेल खानपीनमे सुधार करी’ नाराके सँग चैत २२ गतेसँ २४ गतेधरि खाद्य मेलाक आयोजना होबए जा रहल कार्यालयक प्रमुख ज्ञानेन्द्रकुमार मण्डल जानकारी देलन्हि । ओ अन्य प्रदेशसभमे एहि प्रकारक मेलाक आयोजन भऽ गेलाक बादो प्रदेश २ मे पहिलबेर होबए जा रहल बतओलन्हि ।
प्रमुख मण्डल अल्प प्रचलनमे रहल खाद्य पदार्थ एवं ओकर पौष्टिक महत्वके विषयमे जनचेतना अभिवृद्धि करबाक संगहि खाद्य उद्यमीसभकेँ बजारसँ सम्बन्ध स्थापित करएबाक उद्देश्यसँ मेलाक आयोजना कएलगेल बतओलन्हि अछि ।
खाद्य मेलामे आधुनिक नहि भऽ कऽ हिमाल, पहाड आ तराईक परम्परागत भोजन सामाग्री प्रदर्शनीमे रहल मण्डलके कहब छलन्हि । मण्डलक अनुसार मेलामे ७७ जिल्ला खाद्य उद्यमी तथा होटल व्यवसायीसभक सहभागी रहत ।
जनकपुरक तिरहुतिया गाछीमे तीन दिनधरि चलएबला मेलाक सम्पूर्ण तैयारी पुरा भऽ चुकल जानकारी दैत निःशुल्क प्रवेश आ निःशुल्क स्टलके व्यवस्था कएलगेल ओ बतओलन्हि ।
मेलामे स्थानीय स्तरमे अल्प प्रचलनमे रहल खाद्य पदार्थक विविधिकरण तथा पौष्टिक महत्व, विभित्र जातिसँ सम्बन्धित परम्परागत पोषणयुक्त खाद्य पदार्थ, अपन संस्कृति देखाबएबला खानपानसहितके होमस्टे, होटल, खाद्य व्यवसायीसहितक प्रदर्शनीके व्यवस्था कएलगेल खाद्य प्रविधि तथा गुण नियन्त्रण कार्यालयक प्रमुख मण्डल बतओलन्हि । होटल व्यवसायीसहित कूल ५० टा स्टल रहएबला मेलामे इलान इभेन्ट म्यानेजमेन्ट विभित्र स्थानीय कालाकारक सहयोगसँ मनोरञ्जनात्मक सांस्कृतिक कार्यक्रम सेहो प्रस्तुत करत बताओलगेल अछि ।

Read More »

एसइई स्थगित भेलाक बाद करिब १ करोडक आर्थिक घाटा

जनकपुरधाम चैत १८ गते ।माध्यमिक शिक्षा परीक्षा (एसइई) स्थगित भेलासँ प्रदेश २ क सरकारकेँ पेघ आर्थिक क्षति भेल अछि । शिक्षामे राज्यक लगानी पर्याप्त नहि रहल शिकायत आबि रहल समय एहि क्षतिके पूर्ति करबाक विषयमे शिक्षा मन्त्रालय आ प्रदेश सरकार गृहकार्यमे जुटल अछि ।
चैत १० गतेसँ शुरु भेल एसइई चारि दिन चललाक बाद प्रदेश २ मे स्थगित भेल । एक दिन परीक्षा शुरु भऽ गेलाकबाद प्रश्नपत्र आउट भेल जानकारी अओलाक बाद स्थगित कएलगेल । दोसर दिन परीक्षा शुरु हएबासँ पहिने प्रश्नपत्र आउट भेलाक बाद स्थगित कएलगेल । ई घटना छल गत वृहस्पति आ शुक्रदिनके ।
शनिदिन सेहो परीक्षासँ पहिने प्रश्नपत्र बजारमे आएल पुष्टि भेलाक बाद प्रदेश सरकारक सामाजिक विकास मन्त्री नवलकिशोर साहक अनुरोधसँ प्रदेश २ मे संघीय सरकार परीक्षा स्थगित कऽ देने अछि ।
एहि निर्णयके बाद प्रदेश २ मे पैघ तनाव उत्पत्र भेल अछि । विद्यार्थी न्याय चाही कहैत सडकमे विरोध कएलक । कतेको स्थानमे तोडफोड आ आगिजनीक घटना देखलगेल । प्रदेश २ मे कूल २ सय ६३ परीक्षा केन्द्र अछि । एहि सभ केन्द्रमे ओहि संख्यामे केन्द्राध्यक्ष छथि ।
सभ केन्द्रमे केन्द्राध्यक्षसहित कर्मचारी खटल अछि । कर्मचारी खटिचुकलाक कारण परीक्षा स्थगित भेलाक बादो दैनिक भत्ता देबए परैत अछि । केन्द्राध्यक्षके दैनिक ८ सय रुपैयाँ भत्ता देल जाइत अछि । एहि हिसाबसँ हुनकासभक भत्ता शीर्षकमे एक दिनमे राज्यके दु लाख १० हजार ६० रुपैयाँ फोकट खर्च अछि ।
एहि सभ केन्द्रके लेल ३ सय ४५ सहायक केन्द्राध्यक्ष खटल छथि । हुनकासभकेँ दैनिक पाँच सय रुपैयाँ भत्ता देबाक सरकारी नियम अछि । एहि हिसाबसँ हुनकासभक दैनिक भत्ता १ लाख ७२ हजार ५ सय रुपैयाँ होइत अछि ।
दोसरतर्फ ३ हजार ४ सय ४६ परीक्षा निरीक्षक एहि प्रदेशमे खटल छलथि । हुनकासभक दैनिक भत्ता ३ सय रुपैयाँ अछि । परीक्षा निरीक्षकके दैनिक भत्तामे १२ लाख २ हजार ६ सयँ रुपैयाँ खर्च होइत अछि । एहि प्रदेशमे खटल ५ सय ८६ परीक्षा सहायककेँ दैनिक ३ सय भत्ताके हिसाबसँ १५ लाख २५ हजार ८ सय रुपैयाँ खर्च होइत अछि ।
१ हजार २८१ कार्यालय सहायक आ १ लाख ५५ हजार २ सय ६३ सुरक्षाकर्मी परीक्षाक सुरक्षार्थ खटल छथि । एहिसभ कर्मचारीकेँ दैनिक १५० रुपैयाँ भत्ता देबए परैत अछि । एहिके लेल ७ लाख ८३ हजार ९ सय रुपैयाँ दैनिक खर्च होइत अछि ।
ई सभ हिसाब कएलासँ एक दिनमे ३८ लाख ९५ हजार २ सय रुपैयाँ खर्च भेल अछि ।
दु दिनके लेल ई सभ खर्च ७७ लाख ९० हजार ४ सय रुपैयाँ अछि । दुनु दिन परीक्षा स्थगित भेलाक बादो सभ कर्मचारी कार्यक्षेत्रमे खटल रहथि । कक्षा १० क परीक्षा नियन्त्रक विष्णु अधिकारीकेअ अनुसार एकटा प्रश्नपत्र छपाबएमे तीन रुपैयाँ ५५ पैसा खर्च होइत अछि । एहि प्रदेशमे रहल ७० हजार ५ सय परीक्षार्थीके तथ्यांक जोडि कऽ हिसाब कएलासँ १ दिन परीक्षा रद्द भेलासँ २ लाख ५० हजार ७५ रुपैयाँ प्रश्नपत्रके लेल मात्र खर्च भेल अछि ।
प्रदेश २ मे रद्द भेल दुटा परीक्षा आ बाँकी सम्पत्र करबाक तीनसहित पाँचदिनक प्रश्नपत्रलेल सरकारक १२ लाख ५१ हजार ३७५ रुपैयाँ बिना काजक खर्च भेल अछि । दैनिक भत्ता आ प्रश्नपत्रके लेल मात्र दु दिनक खर्च ८२ लाख ९० हजार ९५० रुपैयाँ होइत अछि । एहि बाहेक परीक्षार्थीके वितरण कएलगेल उत्तर पुस्तिकाक रकम, उत्तरपुस्तिका आ प्रश्नपत्र ढुवानीकेले अतिरिक्त खर्च होइत अछि ।
ओहि बाहेक पाँच दिनक परीक्षा रद्द भेलासँ परीक्षा हएबाक बाँकी विषयक परीक्षा लेल सेहो दोसर प्रश्नपत्र छपाओत । ई सभ हिसाब कएलासँ प्रदेश २ क परीक्षा रद्द भेलासँ करिब १ करोडक आर्थिक क्षति सरकारके भेल देखबामे अबैत अछि ।

Read More »

डाक्टर पतिके पिटाइसँ मृत्यु भेल सुनिताके अन्तेष्टि

वीरगंज चैत १८ गते ।‘घर परिवारक सदस्यसँ असुरक्षित छी’ कहैत शान्ति सुरक्षाक माँग करैत १३ वर्ष ९ महिना १३ दिन पहिने जिल्ला प्रशासन कार्यालय पर्सामे निवेदन देने सुनिता यादवक अन्ततः पति आ परिवारक सदस्यक निर्मम पिटाइके कारण शुक्रदिन निधन भेल अछि । नारायणी अस्पताल वीरगंजक डा.सचिदानन्द यादव आ परिवारक सदस्यके निर्मम पिटाइके बाद वीरगंजमे इलाज सम्भव नहि भेलाक बाद काठमाण्डुक शिक्षण अस्पतालक सघन उपचार कक्षमे इलाज करा रहल सुनिताके शुक्रदिन साँझ निधन भेल छल । हुनकर रविदिन बाराके दुधौरा नदीमे हिन्दु परम्पराअनुसार डाहसंस्कार कएलगेल अछि ।
डाक्टर यादव आ परिवार लोहा गर्म कऽ शरीरमे सटाएब, करेन्ट लगाएब आ निर्मत ढंगसँ मारिपिट करैत स्वास निकलबाक मात्र बाँकी रहल अवस्थामे नैहर पक्ष इलाजके लेल लऽ गेलाक बादो सुनिता नहि बाँचि सकलीह नैहर पक्षक दावा अछि । पर्सा प्रहरीके नियन्त्रणमे नारायणी अस्पताल वीरगंजमे कार्यरत मधुमेह तथा थाइराइड रोग विशेषज्ञ पति डा.यादव सुनिताक इलाजक क्रममे इन्कारी बयान देलाक बादो प्रहरी समक्ष किटानी जाहेरी अओलाक बाद नियन्त्रणमे रहल ओ सुनिताक मृत्युबाद कसुर कएने खुजि रहल प्रहरीके कहब अछि ।
डा.यादवक बाबु नागेन्द्र प्रसाद यादवसहित घर परिवारक अन्य सदस्य फरार रहल जिल्ला प्रहरी कार्यालय पर्साक प्रहरी नायब उपरीक्षक अनन्तराम शर्मा बतओलन्हि । १३ वर्ष पहिने सेहो मट्टितेल छिट कऽ मारएके प्रयास पति आ परिवारक सदस्य कएने प्रहरी जनओलक अछि ।
डा.यादवक जेठ पत्नी सुनिता १३ वर्ष ९ महिना १३ दिन पहिने जिल्ला प्रशासन कार्यालयमे शान्ति सुरक्षाके माँग करैत दर्ता कएने निवेदनमे सेहो पति, ससुर, साउस आशादेवी आ देवर अचुता यादवकेँ विपक्षी बनओने पत्र बरामद भेल अछि । ओहि पत्रमे डा.यादव एकटा मारुती गाडी आ वीरगंजमे एकटा घर पुनः दहेज स्वरुप माँग कएने आ नैहर पक्ष देबएलेल तैयार नहि भेलाक बाद सुनिताकेँ मानसिक आ शारीरि यातना देलगेल उल्लेख अछि ।
ओहि यातनाक क्रममे २०६२ साल जेठ २१ गते वीरगंजसँ पर्साक हरपतगञ्जस्थित गामक घरमे यातना दैत गाडी आ जमीन नहि लओने कहैत मट्टितेल छिट कऽ जरएबाक प्रयास कएलाक बादो भागएमे सफल भेल प्राप्त पत्रमे उल्लेख अछि । जानके खतरा रहल उल्लेखति पत्रके बोधार्थ तत्कालीन अञ्चल प्रशासक कार्यालय पथलैया, क्षेत्रीय प्रशासकके कार्यालय हेटौंडा आ महिला आयोगमे सेहो पठाओलगेल छल । ओहि पत्रके आधारमे २०६२ सालमे जिल्ला प्रशासन कार्यालय पर्सामे पञ्चयतीके क्रममे आइन्दा ऐना नहि करबाक सहमति भेलाक बाद पुनः ओहि घरमे पठओने मृतक सुनिताक सम्बन्धीत डा.भगवान यादव बतओलन्हि ।
वीरगंज महानगरपालिका–२० हरतपगंजमे रहल सुनिताकेँ गत चैत ६ गते रातिक समय डा.यादवसहित परिवारक सदस्य निर्घात मारिपिट कऽ अचेत अवस्थामे छोडने समय नैहर पक्ष वीरगंजक गण्डक अस्पतालमे भर्ना करअनेो भैया जयप्रकाश यादव बतओलन्हि । स्थानीय घटनाक विषयमे जानकारी देलाक बाद ओतह पहुँचल समय अचेत अवस्थामे रहल सुनिताकेँ पहिने गण्डक अस्पताल आ बादमे काठमाण्डुक शिक्षण अस्पतालमे इलाजके लेल भर्ना करओने सुनिताक भैया जयप्रकाश बतओलन्हि ।

Read More »

बार निर्वाचन सम्पत्र, १९ गतेसँ मतगणना

जनकपुरधाम १७ गते ।कानून व्यवसायीसभक छाता संगठन नेपाल बार एशोसिएसनक नयाँ नेतृत्व चयन करबालेल शनिदिन निर्वाचन सम्पत्र भेल अछि । २५ अम केन्द्रीय कार्यसमितिके लेल देशभरिके ३५ टा मतदान केन्द्रमे निर्वाचन सम्पत्र भेल निर्वाचन अधिकृत दामोदर खड्का जानकारी देलन्हि ।
शनिदिन भिन्सर ८ बजेसँ बेरिया ४ बजेधरि निर्वाचन भेल छल । बारके २५ अम कार्यसमितिके लेल ६३ गोटे उम्मेदवारी देने छथि । नयाँ नेतृत्वके लेल बृहत् लोकतान्त्रिक समूह, प्रगतिशील, पेशागत तथा समावेशी समूहबीच प्रतिस्पर्धा अछि ।अध्यक्षमे लोकतान्त्रिक समूहसँ सुनिलकुमार पोखरेल आ प्रगतिशील समूहसँ चण्डेश्वर श्रेष्ठ उम्मेदवार छथि । निर्वाचनसँ तीन वर्षक कार्यकालके लेल एक अध्यक्ष, एक महासचिव, एक कोषाध्यक्ष, महिला उपाध्यक्ष एक आ सातु प्रदेशसँ एक÷एक सहित आठटा उपाध्यक्ष आ १४ केन्द्रीय सदस्य निर्वाचित करत ।प्रमुख निर्वाचन अधिकृत खड्काके अनुसार सर्वोच्च अदालतक मतदान केन्द्रमे ४ हजार ८४३ मत खसल छल । हुनक अनुसार सर्वोच्च बारमे ६४४, उच्चबारमे १ हजार ६८८, काठमाण्डुमे एक हजार ५८० आ ललितपुर बारमे ५०२ आ भक्तपुर बारमे ४२९ मत खसल अछि । देशभरिके मतपेटिका संकलन भऽ गेलाक बाद एहि १९ गतेसँ काठमाण्डुमे मतगणना होएत ओ जानकारी देलन्हि । देशभरिके बारमे १० हजार ३१३ मतदाता छथि ।

Read More »
1 8 9 10 11 12 64