स्थानीय

‘निर्माणमे ढिलाइके कारण व्यवसाय प्रभावित’

जनकपुरधाम माघ ०८ गते ।जनकपुर उद्योग वाणिज्य संघ जनकपुरमे चलि रहल निर्माण कार्यक ढिलाइके कारण उद्योग व्यवसाय प्रभावित भेल कहैत यथाशीघ्र निर्माण कार्य पुरा करबाक माँग कएलक अछि ।
नगर क्षेत्रक सडक तथा नालासभक निर्माणमे भऽ रहल ढिलाइसँ आम नागरिकके संगहि उद्योगी व्यवसायी मार्कामे रहला कारण निर्माण कार्यकेँ तिव्रता देबाक माँग करैत वाणिज्य संघ जनकपुरधाम उपमहानगरपालिकाकेँ सोमदिन ज्ञापन पत्र बुझओलक अछि ।अध्यक्ष ललितकुमार साहक नेतृत्वमे गेल वाणिज्य संघक पदाधिकारीसभ जनकपुरधाम उपमहानगरपालिकाक प्रमुख लालकिशोरके ज्ञापन पत्र बुझबैत यथाशीघ्र निर्माण कार्य पुरा करबालेल ध्यानाकर्षण करओलक अछि ।निर्माण कार्यके तिव्रता देबाक संगहि वाणिज्य संघ घर जग्गा कर, सम्पत्ति कर, व्यवसाय करक सम्बन्धमे परिमार्जन कएलगेल निर्णय सेहो लागु कराबएलेल उपमहानगरपालिकासँ माँग कएलक अछि । तहिना सडक निर्माणक क्रममे जग्गा आ घर अतिक्रमण कएलगेल व्यक्तिके न्यूनतम दु वर्ष धरि जग्गा आ घरभाडा कर मिन्हाके व्यवस्था करबालेल उपमहानगरपालिकासँ अनुरोध कएलक अछि ।
एहिके संगहि सडक निर्माणक क्रममे अतिक्रमण कएलगेल जमीन आ घरक तथ्यांक राखि कऽ अदालतक आदेशके पालना करबालेल ज्ञापन पत्रमे अनुरोध कएलगेल अछि ।

Read More »

वडा अध्यक्षद्धारा आन्दोलनक घोषणा

जनकपुरधाम माघ ०८ गते ।जनकपुरधाम उपमहानगरपालिकाक वार्ड अध्यक्षसभ आन्दोलनक घोषणा कएलन्हि अछि । पुष २५ गते १६ सुत्रीय माँग रखैत बुझाओलगेल ज्ञापन पत्र उपर एखनधरि कोनो सुनवाई नहि भेल कहैत असन्तुष्ट वार्ड अध्यक्षसभ आन्दोलनक घोषणा कएने छथि ।
पुष मसान्तधरि माँग पुरा करबाक अल्टिमेटम दैत माँग पुरा नहि भेल माघसँ चरणवद्ध आन्दोलन करबाक चेतावनी दैत वार्ड अध्यक्षसभ जनकपुर उपमहानगरपालिका कार्यालयमे ज्ञापन पत्र बुझओने छल ।
असन्तुष्ट वार्ड अध्यक्षसभ माँग पुरा करबालेल उपमहानगरपालिकाकेँ माघ १३ गते धरिके समयसीमा दैत समय सीमाभितर माँग सम्बोधन नहि भेल तऽ पुष १४ गतेसँ चरणवद्ध आन्दोलन करबाक घोषणा कएलन्हि अछि ।
उपमहानगरपालिका माँग सम्बोधन नहि भेल तऽ वार्ड अध्यक्षसभ १४ आ १५ गते हाथमे कारीपट्टी बान्हि कऽ अपन अपन वार्ड कार्यालयमे काज करबाक, १८ गते पेन डाउन, २० गते भिन्सर १० बजेसँ एक घन्टा धर्ना देबाक आन्दोलनक कार्यक्रमके घोषणा कएलन्हि अछि ।
तहिना माघ २१ गतेसँ दैनिक १÷१ घण्टा धर्नाक अवधि बढबैत माघ २७ गते भिन्सर १० बजेसँ ६ घन्टा धरि धर्ना देबाक कार्यक्रम ओसभ घोषणा कएने छथि । एहि अवधिमे सेहो माँग सम्बोधन नहि भेल तऽ २८ आ २९ गते ओसभ २४ घण्टा रिले अनशनमे बैसबा पर बाध्य होएब वार्ड अध्यक्षसभ जनओलन्हि अछि ।
संवैधानिक व्यवस्थाअनुसार अपनासभकेँ अधिकार प्रत्योजन नहि कएलगेल कहैत २५ मेसँ १६ वार्ड अध्यक्षसभ १६ सुत्रीय माँग रखैत उपमहानगरपालिका कार्यालयकेँ ज्ञापन पत्र बुझओने रहथि । ओसभ संवैधानिक व्यवस्थाअनुसार अधिकार प्रत्यायोजन करबाक संगहि वृद्धि कएलगेल स्थानीय कर विगतके अवस्थामे लएबाक, दैनिक काज, अतिआवश्यक काजके लेल स्वायत्त व्यवस्था, वार्ड कार्यालयमे आवश्यक मानवीय, भौतिक, आर्थिक संशाधनके स्वायत्त परिचालनक व्यवस्थासहितक माँग रखैत ओसभ आन्दोलनक घोषणा कएने छथि ।

Read More »

मधेसी आयोगक अध्यक्षमे विजय दत्त

जनकपुरधाम माघ ०७ गते ।संवैधानिक परिषद ५ आयोगक अध्यक्ष नियुक्त करबालेल सिफारिस कएलक अछि । प्रधानमन्त्री केपी ओलीके अध्यक्षतामे बैलल परिषद् बैठक चारि समावेशीसहित ५ आयोगक अध्यक्ष नियुक्तिके सिफारिस कएलक अछि । संविधान निर्माण भेल तीन वर्ष पहुँच चुकला बादो आयोगमे रहएबला अध्यक्षके नाम सिफारिस भेल अछि ।
बैठकले पूर्वसचिव बालानन्द पौडेलकेँ राष्ट्रिय प्राकृतिक स्रोत तथा वित्त आयोग, पूर्वसचिव शान्तराज सुवेदीकेँ राष्ट्रिय समावेशी आयोग, विजयकुमार दत्तकेँ मधेसी आयोग, विष्णुकुमार चौधरीकेँ थारू आयोगमे आ समिम अन्सारीकेँ मुस्लिम आयोगक अध्यक्ष नियुक्त करबालेल सिफारिस कएने बैठक बाद राष्ट्रियसभा अध्यक्ष गणेशप्रसाद तिमिल्सीना जानकारी देलन्हि ।
आयोगमे विभिन्न ४ गोटे सदस्य सेहो रहलासँ बाँकी सदस्यके नाम विषयमे एखनो निष्कर्ष नहि लागि सकल अछि । बैठकमे प्रमुख प्रतिपक्षी दलक नेता शेरबहादुर देउवा अनुपस्थित छलथि ।
सरकार गत ५ भादवमे रिक्त रहल विभिन्न ८ टा संवैधानिक आयोगमे अध्यक्षसहित चारि–चारि सदस्यके पद पूर्ति करबालेल सूचना निकालने छल । संवैधानिक व्यवस्थाअनुसार आयोगक अध्यक्ष या सदस्य पदसँग सम्बन्धित क्षेत्रमे कमसँकम १० वर्षक अनुभव रहल, मान्यताप्राप्त शिक्षण संस्थासँ कमसँकम स्नातक उत्तीर्ण कएने, ४५ वर्ष उमेर पहुँचला, नियुक्ति भेल समय कोनो राजीतिक दलक सदस्यता नहि लेने होबए पडत सहितक प्रावधानसभ रहल अछि ।संवैधानिक परिषद् सचिवालय ओकरासभक नाम संसदीय सुनुवाइके लेल रविदिन संघीय संसद् सचिवालयमे पठओने अछि । सुनुवाइसँ अनुमोदन भेला बाद राष्ट्रपति ५ ओ आयोगमे अध्यक्ष नियुक्त करत । अध्यक्ष तथा सदस्यके पदावधी ६ वर्षक लेल तय कएलगेल ई आयोग संविधान प्रारम्भ भेल मितिसँ १० वर्षक बाद संघीय संसद पुनरावलोकन करबाक संविधानके धारा–२६५ मे व्यवस्था अछि ।

Read More »

प्राधिकरणक लापारबाहीसँ दु गोटेके मृत्यु भेल कहैत प्राधिकरण घेराव

जनकपुरधाम माघ ०७ गते ।विद्युत प्राधिकरणक लापरबाहीसँ करेन्ट लागि कऽ दु गोटेके मृत्यु भेल कहैत स्थानीयवासी कार्यालय घेराव कऽ कऽ प्रदर्शन कएलक अछि । प्राधिकरणक लापारबाहीसँ मोटरसाइलकमे सवार दु गोटेके मृत्यु भेल कहैत रविदिन स्थानीयवासी कार्यालय घेराव कएलक अछि ।
पछिला तीन दिनसँ विजलीके तार शर्ट भऽ रहलाक बादो प्राधिकरणक कर्मचारी ओहिकेँ बेवास्ता कएने स्थानीयवासीसभक कहब अछि । तार शर्ट भऽ रहल विषयमे जानकारी करओलाक बादो प्राधिकरण कार्यालय मरम्मत करबातर्फ कोनो ध्यान नहि देने स्थानीयवासीके कहब अछि ।
स्थानीयवासीसभ लापारबाही कएन्हिहार कर्मचारी उपर कारबाही, पीडितके उचित क्षतिपूर्ति, मृतकके पत्नीके नोकरी, धियापुताके निःशुल्क पढाई तथा बिगरल अवस्थामे रहल तार मरम्मतके माँग कएने अछि ।
शनिदिन जमीन देखए जा रहल समय मिथिला विहारी नगरपालिका–३ क २८ वर्षीय परमेश्वर मण्डलक मोटरसाइकल कुवा रामपुर नजदिक दुर्घटना भऽ कऽ पोलक अर्थिङ्गबाला तारमे सटल छल । करेन्ट लागल परमेश्वरकेँ बचाबएगेल सिरहाक विष्णुपुरा गामपालिका–४ क २७ वर्षीय जगन्नाथ साहके सेहो करेन्ट लागल छल । दुनु गोटेके घटनास्थले पर मृत्यु भऽ गेल छल ।

Read More »

‘कर्मचारी पिटएबला सरकार मधेश विरोधी’

जनकपुरधाम माघ ०७ गते ।नेपाली काँग्रेसक केन्द्रीय सदस्य महेन्द्र यादव कर्मचारीके पिटएबला सरकार मधेश विरोधी रहल आरोप लगओलन्हि अछि । प्रदेश सरकारक अर्थमन्त्री विजय यादव पर्यटन, वन तथा वातावरण मन्त्रालयक सचिव विद्यानाथ झा उपर कएने मारिपिटक प्रसंग पर नेता यादव ई बात बतओलन्हि अछि ।
धनुषाक बनिगामास्थित दिवश दीप दलित प्राथमिक विद्यालयमे रविदिन कम्बल वितरण कार्यक्रममे बजैत पूर्वमन्त्री सेहो रहल यादव कर्मचारीके मारिपिट करएबला सरकार मधेशी जनताके नहि चाही बतओलन्हि अछि ।
‘लोकतन्त्रमे सभके अपन बात कहबाक अधिकार अछि,’ नेता यादव कहलन्हि,‘मुदा प्रदेश २ क अर्थमन्त्रीजी अपन बात कहलाक कारण सचिव उपर हाथपाथ करैत छथि । जर्बजस्ती लादए चाहएबला सरकार लोकतन्त्रमे कियाक चाही ?’
मन्त्री यादव सचिवकेँ मारिपिट कऽ कानुनी राज्यके धज्जी उडएबाक काज काज कएने कहैत ओ हुनका नैतिकताके आधार पर सेहो पदसँ राजीनामा दऽ देबाक चाही बतओलन्हि ।
‘गणतन्त्रमे जनताके शासन होइत अछि, जनतामात्र नहि कर्मचारीकेँ सेहो मारिपिट करबाक छुट ककरो नहि अछि,’ नेता यादव कहलन्हि,‘कर्मचारीके पिटबाक अधिकार मन्त्रीजीके के देलक? विधिके शासनविपरित काज भेल अछि । एहि प्रकारक काज हमरासभकेँ स्वीकार्य नहि भऽ सकैत अछि ।’
अपने मन्त्री एक कर्मचारीकेँ मारिपिट कएलाक बादो मुख्यमन्त्री एखनधरि किछु नहि कऽ कऽ निरिहिता प्रदर्शन कएने हुनकर आरोप छलन्हि । कर्मचारी उपर हाथपाथ कऽ कऽ कानुनविपरित काज कएन्हिार मन्त्रीकेँ तत्काल कारबाही हएबाक चाही यादवक कहब छलन्हि ।
नेपाली काँग्रेस लक्ष्मिनियाँ गामपालिकाक संयोजनमे आयोजना कएलगेल कार्यक्रममे ७० विपन्न परिवारकेँ कम्बल वितरण कएलगेल छल । तहिना जनकपुरक जानकी वृद्धाश्रममे सेहो २२ टा कम्बल वितरण कएलगेल छल । कार्यक्रममे नपाली काँग्रेस धनुषाक उपसभापति सन्तोष यादव, पूर्व नगरसभापति धिरेन्द्र मोहन झा, मैथिली विकास कोषक अध्यक्ष जीवनाथ चौधरीसहितक व्यक्तिके उपस्थिति छल ।

Read More »

मध्य रातिमे विद्यानाथके दोसर थप्पड, कर्मचारीसभक आन्दोलन स्थगित

जनकपुरधाम माघ ०७ गते । सचिव उपर मारिपिट कएन्हिार मन्त्रीके कारबाहीके माँग रखैत आन्दोलनमे उतरल कर्मचारीसभ आन्दोलन स्थगित करबाक घोषणा कएलन्हि अछि ।
प्रदेश सरकार घटनाक छानबिन करबालेल समिति गठन कऽ चुकल आ समितिक प्रतिवेदनअनुसार दोषीकेँ निमानुसार कारबाही तथा पीडितकेँ न्याय देबाक प्रतिवद्धता जनओने कहैत निजामती कर्मचारीसभक आधिकारिक ट्रेड युनियन धनुषा आन्दोलन स्थगित कएलक अछि ।
आधिकारिक ट्रेड युनियन धनुषाक अध्यक्ष रामबाबु साह जारी कएने विज्ञप्तीमे प्रदेश सरकार सकारात्मक जबाफदेहिता देखओने कहैत सरकारक एहि निर्णयकेँ स्वागत सेहो कएलगेल अछि ।
प्रदेश २ क आर्थिक मामिला तथा योजनामन्त्री विजय यादव उद्योग, वन तथा वातावरण मन्त्रालयक सचिव विद्यानाथ झाकेँ अपने कार्यकक्षमे बजा कऽ मारिपिट कएने कहैत मन्त्री उपर कारबाहीकेँ माँग करैत कर्मचारीसभ आन्दोलनमे उतरल छल ।
घटनाक ६ दिनबान उद्योग, वन तथा वातावरण मन्त्री रामनरेश राय पहिलबेर शुक्रदिन अपन धारण सार्वजनिक कएने रहथि । मन्त्री राय शुक्रदिन अबेर साँझ विज्ञप्ती जारी करैत छानबिन समितिक प्रतिवेदनअनुसार दोषीकेँ कारबाही कएल जाएत कहैत कर्मचारीसभकेँ उच्च मनोबलके साथ काजमे घुरबालेल आग्रह कएने रहथि ।
मन्त्री राय जारी कएने विज्ञप्तीके हवाला दैत आधिकारिक ट्रेड युनियन धनुषा आन्दोलनक सम्पूर्ण कार्यक्रम स्थगित कएलगेल जनओलक अछि । प्रदेश सरकारक अनुरोधात्मक भावार्थकेँ आत्मसात करैत तत्काल आन्दोलनक सम्पूर्ण कार्यक्रम स्थगित कएलगेल निजामती कर्मचारीक आधिकारिक ट्रेड युनियनद्धारा जारी विज्ञप्तीमे उल्लेख अछि ।
‘प्रदेश सरकारक अनुरोधात्मक भावार्थकेँ आत्मसात करैत सेवाग्रहीक सरकरी सेवा उपरकेँ पहुँच तथा सहज उपलब्धताके नैसर्गिक अधिकारकेँ उच्च सम्मान करैत छानबिन समितिक तथ्यपरक प्रतिवेदन आ प्रतिवेदनअनुसार दोषीकेँ कारबाही तथा पीडितकेँ न्यायक अपेक्षासहित आजुके मितिसँ आन्दोलन स्थगित कएलगेल,’ विज्ञप्तीमे कहलगेल अछि ।
संगहि धरातलीय यर्थातसँ अन्यथा होबएबला शासकीय पूर्वाग्रहके साथ आबएबला प्रतिवेदन अपनासभकेँ स्वीकार्य नहि रहल विज्ञप्तीमे उल्लेख अछि ।
फेर दोसर थप्पड लागल–विद्यानाथ
आधिकारिक ट्रेड युनियनक आन्दोलन स्थगित करबाक निर्णयप्रति सचिव विद्यानाथ झा असन्तुष्ट देखलगेल छथि । ट्रेड युनियनक निर्णय पर टिप्पणी करैत सचिव झा मध्य रातिमे फेर दोसर थप्पड लागल प्रतिक्रिया देलन्हि अछि । सचिव झा सामाजिक सञ्जाल फेसबुकमार्फत ट्रेड युनियनक एहि निर्णयप्रति आपत्ति जनबैत शक्ति आगु ठेहुन रोपने प्रतिक्रिया देलन्हि अछि ।
हुनकासँग भेल घटना आ विज्ञप्तीक भाषाके कतौह मेल नहि रहल कहैत झा कहने छथि,‘आहाँसभ शक्तिके आगु नहि टिकब हमरा बुझल छल । मुदा, हम हारल नहि छी । हमर संघर्ष जारी अछि । हमरा हारएके अर्थ एहि घटनामे सत्य आ सदाचार हारब अछि ।’
‘आहाँसभक आन्दोलनसँ अधिक उपलब्धि हम अपन असगरके संघर्षसँ प्राप्त कऽ चुकल छी,’ झा आगु कहने छथि,‘आहाँसँग अन्याय भेल घटनाक पहिलका दिन मुख्यमन्त्रीज हमरा कहि चुकल छथि ।’

Read More »

दहेज बनल सीमा आ बेटी गौरीक मृत्युके कारण

जनकपुरधाम माघ ०७ गते । समाज हरेक दृष्टिकोणसँ विकसित भऽ रहल अछि । समाजमे विगतसँ रहैत आएल कुरिती, कु–प्रथासभ समयक्रमक संगहि न्यूनिकरण भऽ रहल अछि । मुदा वर्षौंसँ तराई मधेशमे जकडल अवस्थामे रहल दहेज प्रथा एखनो अन्त नहि भऽ सकल अछि ।
दहेज प्रथाक कारण मधेशक समाजिक परिवेशमे बेटीक जन्मके एखनो अभिषाप मानल जाइत अछि । सम्पन्न परिवारके अधिक समस्या नहि रहलाक बादो कमजोर आर्थिक अवस्था रहलसभके लेल बेटीके विवाह करबालेल दहेज प्रथा पैघ चुनौतीके रुपमे देखलगेल अछि ।
दहेज प्रथा अन्त करबालेल कानुन सेहो बनल अछि । विगतके मुलुकी ऐन आ एखनुक अपराध संहितासेहो दहेज लेबए आ देबएबला दुुनु कारबाहीके भागिदार होएत कहने अछि । मुदा, उजुरी आ प्रमाणक अभावमे कानुन प्रभावकारी सिद्ध नहि भऽ सकल अछि ।
पछिलाबेर जनकपुरधाम उपमहानगरपालिका–४ क सीमा शर्माके सेहो दहेजक कारण अपन जान गुमाबए परल अछि । सीमामात्र नहि हुनक २ वर्षीया अवोध बेटी सेहो आब एहि दुनियाँमे नहि अछि ।
महोत्तरीक लोहारपट्टी नगरपालिका–७ भ्रमरपुरा घर रहल सीमाके २०७० वैशाख ११ गते महोत्तरीक हलखोरी गामक समीर मिश्रसँग परिवारक राजीखुशीसँ विवाह भेल छल ।
समिरक बाबुके जनकपुरमे सेहो घर रहलाक कारण विवाहकबाद सीमासेहो जनकपुरेमे रहैत आबि रहल छलीह । विवाहक एक वर्षधरि सभकिछु सामान्य रहलाक बादो दोसर वर्षसँ सीमा उपर दहेज लएबाक दबाब बढए लागल ।
नैहरसँ दहेज लएबाक सासुर पक्षक दबाब बर्दास्त नहि कऽ सकलाक कारण अन्ततः सीमा मृत्यु चयन कएलीह । आ, पुष ३० गते अपन दु वर्षीया बेटी गौरीकेँ विष खुआ कऽ अपने सेहो विष सेहो सेवन कएलीह । सीमा आ गौरी आब एहि संसारमे नहि अछि । इलाजके लेल अस्पतालमे भर्ना कएलगेलाक बादो डाक्टर माय आ बेटीके जान बँचाबएमे असफल रहल ।
सीमाके पति समिर एरिस्टो नामक कम्पनीमे ‘मेडिकल रिप्रजेन्टेटिव’ के रुपमे काज करैत छलाह । छुट्टी भेल समय ओ जनकपुर आएल करैत छलथि । विगत किछुदिनसँ समिर नोकरी छोडि देने बताओलगेल अछि । सीमा आ बेटी गौरीके मृत्यु भेलाक बादसँ ओ फरार रहल बुझबामे आएल अछि ।
सामान्य आर्थिक अवस्था रहल सीमाक बाबु जयनारायण शर्मा वैदेशिक रोगजारक सिलसिलामे खाडी देश छलथि । एकमात्र बेटी सीमाक विवाह ओ धुमधामसँग कएने रहथि ।
सीमाक विवाह करबालेल ओ गामक सात कठ्ठा जमीन बेच कऽ ८ लाख नगद, २ लाख २५ हजार मूल्य बराबरके मोटरसाइकलसहित सोनचाँदीके गरगहना दहेज देने सीमाक भाय सुजित शर्मा बतओलन्हि अछि । विवाहक समय सीमाक सासुर पक्षक माँगअनुसार दहेज देलाक बादो ओसभ आओर समान लाबएलेल सीमापर दबाब दैत आएल सुजितक कहब अछि ।
सीमाक विवाह एक वर्षबाद भाइ सुजितक विवाह भेल छल । विवाहमे आबएलेल सीमाके कहलाक बाद सीमाक साउस सीमालाई डेढ तोलाक सिक्री देलाकबादे जएबाक अडान रखने छलीह । सिक्री देबएलेल राजी भेलाकबाद सीमाके ओसभ विवाहमे जाएदेबएलेल तैयार भेल सुजित बतओलन्हि ।
भाय सुजितक विवाह भेलाक एक वर्षबाद सीमाक बेटी गौरीके जन्म भेल छल । गौरी तीन महिनाक रहल समय विदेशसँ घुरल सीमाक बाबु नैहर आबएलेल कहने छलाह । मुदा सीमाक साउस अपनालेल पायल बेटी गौरीके लेल सोनक माला, चाँदीके बालासहितक गहना लाबएलेल दबाब दैत नहि लओला पर घरमे नहि रहए देबाक चेतावनी देने सुजित सुओलन्हि ।
एहिबाहेक सीमाक साउस बेरबेर नैहरसँ समान लाबएलेल दबाब दैत सीमाकेँ शारीरि आ मानसि यातना दैत आएल छल हुनकर कहब छलन्हि । ‘बेरबेर दहेज लएबाक दबाब सहए नहि सकलाक बाद प्रहरीमे उजुरी देबाक सोँच बनओने छलौंह,’ सुजित कहलन्हि,‘मुदा, सीमा उजुरी देबएलेल तैयार नहि भेल । धिरेधिरे सभ ठिक भऽ जएतैक कहैत रहैत छल । उजुरी देलाक बाद परिवारक बदनामी होएत ओकरा बुझाइत छल ।’
दहेजक लेल बेहाल सीमाक सासुर पक्ष किछुदिन पहिने नैहरसँ वाशिङ मेसिन लाबएलेल यातना दैत आबि रहल छल नैहर पक्षक आरोप अछि । एहिके संगहि व्यापार व्यवसाय करबालेल समिर सेहो २÷३ लाख रुपैयाँ मँगैत आबि रहल छल सुजित बतओलन्हि ।
मुदा अपनासभक आर्थिक अवस्थासेहो सामान्य रहलाक कारण माँगअनुसारकेँ नगद आ समान देबएलेल अस्वीकार कएलाकबाद सीमाक मृत्यु हएबासँ एकदिन पहिने मारिपिट कऽ दाँत सेहो तोडि देने सुजित बतओलन्हि ।
मुदा सीमाक नैहर पक्षद्धारा लगाओलगेल एहि सभ आरोपकेँ सासुर पक्ष अस्वीकार कएलक अछि । नोकरी छोड्ने समिर काज करबालेल बाहर जएबाक सोँच बनओने आ एहि विषयमे दुनु गोटेबीच सामान्य विवाद भेलाक कारण आवेशमे आबि कऽ सीमा विष सेवन कएने समिरक भाय शशी मिश्र दावा कएलन्हि अछि । रक्तचाप कम रहलाक कारण सिढीसँ खसि कऽ सीमाके दाँत टुटल मिश्र बतओलन्हि ।
गौरीसहित सीमाक आत्महत्या कारण घरेलु हिंसा रहल प्रारम्भिक अनुसन्धानसँ देखलगेल धनुषाक प्रहरी उपरीक्षक गोविन्द थपलिया बतओलन्हि । सीमाके आत्महत्या करबालेल बाध्य बनाओलगेल अनुसन्धानसँ देखबामे आएल अछि हुनकर कहब छलन्हि । आत्महत्या करबालेल बाध्य बनाओलगेल अभियोगमे प्रहरी सीमाक ससुर श्यामसुन्दर मिश्र आ साउस किरण मिश्रकेँ नियन्त्रणमे लेने ओ बतओलन्हि । फरार रहल समिरक खोजी कार्य जारी रहल ओ जानकारी देलन्हि ।

Read More »

भानुचौकके नाम ‘रमेश चौक’ रखबालेल माँग

जनकपुरधाम माघ ०६ गते । प्रथम मधेस आन्दोलनक पहिल शहिद रमेश महतोके स्मृतिमे जनकपुरमे युवासभ भव्य रुपेँ बलिदानी दिवस मनओलन्हि अछि । ओहि अवसरमे आयोजित कवि गोष्ठिमे सहभागीसभ भानु चौककेँ आब रमेश चौक नामाकरण करबामे जोड देलन्हि अछि । राजपाक युवा नेता प्रशान्त झाक अध्यक्षता आ युवा कवि समाज जनकपुरधाम एवं जिल्ला युवा संजाल धनुषाक सहकार्यमे आयोजित कवि गोष्ठिमे सहभागि युवा कवि तथा साहित्यकारसभ शहिद रमेश महतोके शहादतकेँ सार्थक बनाबए भानु चौकके नाम परिवर्तन कऽ कऽ शहिद रमेश चौक रखबालेल सम्बन्धित पक्षसंग माँंग कएलन्हि अछि । मधेस आन्दोलनक सुरुवाती चरणमे भानु चौकके नाम रमेश चौक घोषणा कएल गेला बादो कार्यन्वयनमे कमजोर देखलगेलासँ जनकपुरधाम उपमहानगरपालिका आ प्रदेश सरकारकेँ ध्यानाकर्षण करओलन्हि ।
कार्यक्रमके प्रमुख अतिथि राजपाका प्रदेश सांसद सुरिता साह मधेसक अधिकार एखनो पुरा नहि भऽ सकल कहैत युवासभकेँ एहिकेलेल सचेत भऽ कऽ आगा बढबालेल आग्रह कएलन्हि । भानु चौकके नाम आब रमेश चौक रखबालेल उपमहानगरपालिका तथा प्रदेश सरकारकेँ युवा नेता प्रशान्त झा आग्रह कएलन्हि । रमेश महताकँे बलिदानीकेँ युवासभ उर्जाके रुपेँ लऽ कऽ एहि प्रदेशक शासन, प्रशासन तथा विकासमे सहभागिता बढ्ैत गेल बतओलन्हि । यद्यपी, संविधानमे मधेसक अधिकारी एखनो बढाएब बाँकी रहल कहैत केन्द्रिय नेतृत्वके ध्यानाकर्षण कराओलगेल अछि । ‘सत्ता परिवर्तन भऽ गेल, व्यवस्था परिवर्तन भऽ गेल मुदा, अवस्था परिवर्तन नहि भेल’ युवा कवि फुलगेन महतो कहलन्हि ,‘आब युवासभके अग्रगामि आ अवस्था होबए पडत । जनताकेँ विकास आ अधिकारीके अनुभूति दियाबए पडत ।
कार्यक्रममे कवि सत्रुधन मुखिया, फुलगेन महतो, उदय यादव, अरविन्द यादव, राजकुमार साह, रामशरण मण्डल लगायतका कवि तथा साहित्यकारहरुले आ—आप्mनो कविता, मुक्ततक, गजलभि प्रस्तुत कएने छलथि । तहिना, कार्यक्रममे राजपाक केन्द्रिय सदस्य संजय चौधरी, संघिय समाजवादी फोरमक युवा नेता रविन्द्र अरगडिया, राजपाका मनोज साह, किशन साह आ युवा संजालका सचिव कुलदिप साह सहितक युवासभ सहभागि छलथि ।

Read More »

राहत शिक्षककेँ तीन वर्षभितर स्थायी करबाक प्रस्ताव

जनकपुरधाम माघ ०६ ।उच्चस्तरीय राष्ट्रिय शिक्षा आयोग राहत आ अनुदान कोटाक शिक्षककेँ स्थायी दरबन्दीमे रुपान्तरण करबाक प्रस्ताव कएलक अछि ।
हालहि प्रधानमन्त्री केपी शर्मा ओलीकेँ बुझाओलगेल प्रतिवेदनमे शिक्षक सेवा आयोगसँ प्रतिस्पर्धात्मक परीक्षातर्फ चयन कऽ दक्ष आ उत्प्रेरित सभकेँ आगामी तीन वर्षभितर स्थायी शिक्षक दरबन्दीमे रुपान्तरित करबाक नीति अबलम्बन करबाक सिफारिस कएलगेल अछि ।
तहिना तत्कालीन आवश्यक्ता पूर्तिके लेल अधिकतम एक शैक्षिक सत्र अवधिके लेल मात्र करारमे शिक्षक लेबाक तथा शिक्षक सेवा आयोगसँ स्थायी विज्ञापनके नतिजा प्रकाशन करैत वैकल्पिक सूची सेहो प्रकाशन करबाक आ वैकल्पिक सूचीमे परलसभकेँ मात्र करार शिक्षक भर्ना करबाक व्यवस्था करबालेल सेहो आयोग सुझाव देलक अछि ।
प्रतिस्पर्धामे उच्च अंक लओने उम्मेदवारकेँ प्रधानाध्यापक स्थानीय सरकार आ विद्यालय व्यवस्थापन समितिक परामर्शमे रिक्त दरबन्दीमे साझे अधिकतम एक वर्षके लेल करारमे नियुक्त करबाक नीतिगत व्यवस्था करबालेल आयोग कहने अछि ।
तहिना शिक्षक चयन करबालेल लेबएबला परीक्षा सेहो परिवर्तन करबालेल प्रतिवेदन सुझाव देलक अछि । विगतमे शिक्षकके कक्षा प्रदर्शनके ऐच्छिक बनाओलगेल छल । मुदा आबसँ व्यवहारिक कक्षा प्रदर्शनकेँ अनिवार्य बनाबएलेल कहलगेल अछि । प्रतिवेदनमे कहलगेल अछि,‘आधुनिक प्रविधि अपना कऽ शिक्षकके शिक्षण प्रतिभा आ उत्प्रेरणास्तर जाँच सक्षमता, प्रतिभा तथा उत्प्रेरणा परीक्षण लेबाक व्यवस्था अनिवार्य बनाओल जाएत ।’

Read More »

‘संविधान संशोधन नहि भेल तऽ संघर्ष’

सिरहा माघ ०६ गते ।संघीय समाजवादी फोरमक अध्यक्ष तथा उपप्रधान एवं स्वास्थ्यमन्त्री उपेन्द्र यादव संविधान संशोधन नहि भेल तऽ संघर्षमे जएबाक चेतावनी देलन्हि अछि ।१२ हम हम बलिदानी दिवसके अवसर पर सिरहाक लहानमे शनिदिन आयोजना कएलगेल कार्यक्रममे ओ सभ वर्ग समुदायक चेहरा देखएबाक हिसाबसँ संविधान संशोधन हएबाक चाही बतओलन्हि अछि ।
उपप्रधानमन्त्री यादव संघीयता, गणतन्त्र आ समावेशिता काँग्रेस–कम्युनिस्ट नहि पचा रहल आरोप लगओलन्हि । ‘ओकरासभकेँ संघीय गणतन्त्र माथ पर लादल जँका महसुस भऽ रहल अछि,’ ओ कहलन्हि,‘अपने बनओने संविधानमे ओसभ इमान्दार नहि अछि ।’
मन्त्री यादव सरकारमे गेल विषयमे सेहो अपन धारणा रखलन्हि अछि । ‘बहुत आदमी कहैत अछि सरकारमे गेल, मुदा हमसभ संविधान संशोधनके लेल सरकारमे गेल छी,’ ओ कहलन्हि,‘मतसँ दु तिहाइके सरकार बनल अछि, संविधान संशोधनके लेल सेहो दु तिहाई चाही ।’ संघीयता भाँडएके षडयन्त्र भऽ रहल हुनकर कहब छन्हि ।
प्रदेश सरकार नामांकनके लेल सुझाव संकलन कऽ रहल समय ओ प्रदेश २ क नाम जल्दिए मधेश प्रदेश होएत दावा कएलन्हि ।

Read More »
1 2 3 35