admin

खसीकेँ माउसके नामपर उपभोक्तासँग ठगी

जनकपुरधाम १२ गते । बकरीकेँ माउसके खसीके माउसके नामपर उपभोक्ताकेँ बेचैत आएल एक गोटे जनकपुरसँ पकराएल अछि । पकराए बलामे उमगाउँ–११ बिहार स्थायी रहल करिव २४ वर्षिय असलम राईन रहल अछि । संयुक्त बजार अनुगमन समिति धनुषा मंगलदिन अनुगमनके क्रममे राइनकेँ नियन्त्रणमे लेलगेल अनुगमन टोलीके सदस्य घरेलु तथा साना उद्योग कार्यालय धनुषाक जितेन्द्र प्रसाद सिंह जानकारी देलन्हि । स्थानियसभक उपरागक आधारमे माउस दोकानमे अनुगमन कएला बाद खशीके माउसके नाम पर बकरीके माउस बिक्रिबितरण कऽ रहल अवस्थामे अ‍ोकरा नियन्त्रणमे लेलगेल छल । होटल तथा भोजभतेरमे खशीके माउस अर्डर कएलापर बकरीके माउस मिसावट कऽ कऽ खसीके माउस बिक्री करैत आएल एक मजदुर पत्रकार समक्ष स्वीकार कएलन्हि ।
पकराएल असलमकेँ जिल्ला प्रहरी कार्यालयकेँ जिम्मा लगाओलगेल अछि । दोकान संचालक अमिन राईन जनकपुरसँ बाहर रहल आ सम्पर्कमे अएला बाद विशेष अनुसन्धान कऽ कारवाही प्रक्रिया आगा बढाओल जएबाक अनुगमन टोली जनओलक अछि । माछ बजारमे एहिसँ आगा करिव ३ महिना आगा सेहो बकरीके माउस बेच रहल एक व्यापारी पकराएल छल । जिल्ला अनुगमन समिति बजार अनुगमनकेँ तिव्रता दैत मंगलदिन सेहो पानि उद्योग आ दोकानकेँ केन्द्रित कऽ अनुगमन कएने छल ।
अनुगमनके क्रममे जनकपुरक थापा चौकमे रहल जनकनन्दिनी पानि उद्योग आ महुवा कपलेश्वरमे रहल आर.एम.सी.पानि उद्योगमे ताला लागल देखलगेल । दुनु उद्योग पानि जाँच करा कऽ लेबएबला अनुज्ञापत्र नवीकरण नहि करओने अनुगमन टोली जनओलक अछि । दुनु उद्योग संचालककेँ कागजपत्र सहित हाजिर होबए फोन मार्फत निर्देशन देलगेल बताओलगेल अछि । तहिना जनकपुर–१३ स्थित बिजय साह संचालन कएने विशाल फिङगर उद्योग अव्यवस्थित होबएके सँगहि कागजपत्र दुरुस्त नहि रहलासँ सात दिन भितर व्यवस्थित करबालेल सेहो निर्देशन देलगेल अछि । तहिना, जनकपुरक पिडारी चौक आ रामानन्द चौकमे रहल दोकानसभमे सेहो अनुगमन कएलगेल छल । दर्ता प्रमाणपत्र, सामाग्रीके म्याद सहितमे केन्द्रित कऽ अनुगमन कएलगेल अनुगमन टोली सदस्य घरेलु तथा साना उद्योग कार्यालयक जितेन्द्र प्रसाद सिंह बतओलन्हि ।

Read More »

पत्नीकेँ विभत्स हत्या कऽ फरार साह नियन्त्रणमे

जनकपुरधाम १२ गते ।पत्नीके विभत्स रुपेँ हत्या कऽ फरार रहल एक व्यक्ति ५ वर्षक बाद पकराएल अछि । अपने पत्नी सन्जु देवी साहकेँ हत्या कऽ फरार रहल महोत्तरीके भंगहा नगरपालिका रहन्हिार कौशल किशोर साह पकराएल अछि । ओकरा महोत्तरीसँ खटल विशेष अपराध अनुसन्धान प्रहरी टोली रविदिन जनकपुरक जिरोमाइलसँ टेम्पो चला रहल अवस्थामे नियन्त्रणमे लेलगेल अछि । १८ भादव २०७० मे कौशल धनुषाक सिनरजोडा आ महोत्तरीके हरिनमरिके बीचमे अवस्थित बिगही नदीमे सन्जुकके गर्दन, हाथ, पोखरा, काटि कऽ जमिनमे गाडि कऽ फरार भेल प्रहरी जनओलक अछि । प्रहरी कौशलकेँ नियन्त्रणमे लऽ कानुन अनुसार अनुसन्धान कार्य जारी रखने महोत्तरीके प्रहरी नायव उपरिक्षक खगेन्द्र बहादुर खडका जानकारी देलन्हि ।

Read More »

सरसफाई तथा पोखरि सम्बद्र्धनक लेल २ अर्ब १० करोडक सम्झौता

जनकपुरधाम १२ गते ।सरसफाई तथा पोखरि सम्बद्र्धनक लेल जनकपुरधाम उप–महानगरपालिका आ खानेपानी मन्त्रालयबीच २ अर्ब १० करोड रुपैयाँके सम्झौँता भेल अछि । उपमहानगरपालिका आ खानेपानी मन्त्रालयक पदाधिकारीसभबीच ३१ टा पोखरिकेँ सम्बद्र्धन तथा रंगभूमी मैदान(वाह्र विघा) केँ अन्तर्राष्ट्रिय स्तरके मैदानके रुपेँ विकास करबालेल सम्झौँता भेल अछि । मंगलदिन भेल सम्झाँैतामे जनकपुरधाम उप–महानगरपालिकाक प्रमुख प्रशासकीय अधिकृत, वार्ड नम्बर २५ क वार्डध्यक्ष उमेश यादव, खानेपानी मन्त्रालयक सिडिइ रामकुमार श्रेष्ठ, महानिर्देशक सुनिलकुमार दास आ आयोजना तर्फसँ इन्जिनियर सुधिरकुमार साह हस्ताक्षर कएलन्हि अछि । सम्झौतामे आयोजना प्रमुख विद्यानाथ भट्टराई आ उपमहानगर प्रमुख लाल किशोर साह प्रमाणिकरण कएने छलथि ।
वैठकमे खानेपानी मन्त्रालयक सचिव गजेन्द्रकुमार ठाकुर, उप–महानगरपालिकाक मेयर साह, खानेपानी तथा ढल व्यवस्थापन विभागक मिना श्रेष्ठ सहितक उपस्थिति छलन्हि ।

Read More »

आब सभ श्रमिकके पेन्सन

जनकपुरधाम १२ गते । आब निजी क्षेत्रमे काज करएबला श्रमिकके सेहो अवकाशके बाद आजीवन पेन्सन उपलब्ध होबए जा रहल अछि । सरकार मंगलदिनसँ लागू कएने सामाजिक सुरक्षा कार्यक्रम अन्तर्गत आब ६० वर्ष उमेर पुरा कऽ चुकल श्रमिकके पेन्सन देबाक व्यवस्था कएलगेल अछि । सामाजिक सुरक्षा कार्यक्रमसँ कमसँ कम ३५ लाख श्रमिक लाभान्वित होएत अनुमान कएलगेल अछि । श्रम, रोजगार तथा सामाजिक सुरक्षा मन्त्रालय रोजगारदाता आ श्रमिकके योगदानमे स्थापना कएने सामाजिक सुरक्षा कोषसँ श्रमिकके पेन्सनके संगहि औषधि उपचार, स्वास्थ्य तथा मातृत्व, दुर्घटना तथा अशक्तता आ आश्रित परिवार सुरक्षा कार्यक्रम अन्तर्गत सेहो रकम उपलब्ध कराओल जाएत ।
मुदा, सामाजिक सुरक्षा कोषसँ आजीवन पेन्सनसहितक सुविधा प्राप्त करबालेल श्रमिक आ रोजगारदाता कम्पनीकेँ कोषमे नोकरी अवधिभरि निश्चित रकम योगदान देबए परत । पेन्सनके लेल श्रमिकके न्यूनतम दरम्हामेसँ ११ प्रतिशत काटल जाएत तऽ रोजगारदाताके २० प्रतिशत रकम कोषमे जम्मा करए परत ।
कोषमे करिब १९ अर्ब ३३ करोड रुपैयाँ जम्मा भऽ चुकल अछि । अर्थ मन्त्रालय सामाजिक सुरक्षा लेल निजी आ सार्वजनिक क्षेत्रक सम्पूर्ण कामदारक मासिक दरम्हासँ एक प्रतिशत रकम कोषमे जम्मा करैत आबि रहल अछि । श्रमिसचिव महेशप्रसाद दहालक अनुसार कोषमे प्रतिमहिना डेढ अर्ब बढैत जाएत । ई सभसँ पैघ कोष होएत । सञ्चयकोषमे योगदान करएबला ६ लाख अछि । एहिमे एकबेर ३५ लाखक योगदान होएत ।
‘सामाजिक सुरक्षा योजना सञ्चालन कार्यविधि’ २०७५ अनुसार सामाजिक सुरक्षा कोषमे योगदान करएबला श्रमिकके चारि प्रकारक सामाजिक सुरक्षा सुविधा प्राप्त होएत । श्रमिककेँ कोषसँ औषधि उपचार, स्वास्थ्य तथा मातृत्व सुरक्षा, दुर्घटना अशक्तता सुरक्षा, आश्रित परिवार सुरक्षा आ वृद्धावस्था सुरक्षा योजनाअनुसारके सामाजिक सुरक्षा देल जाएत ।
औषधोपचार, स्वास्थ्य तथा मातृत्व सुरक्षा योजनाअन्तर्गत योगदानकर्ता चिकित्सकके परामर्श सेवा, अस्पताल भर्ना तथा शल्यक्रियाक शुल्क, रोगक परीक्षण तथा उपचार खर्च, औषधिक बिल अनुसार खर्च प्राप्त करत ।
योगदानकर्ता या योगदानकर्ताक पत्नीके नियमित गर्भ परीक्षण, अस्पताल भर्ना, शल्यक्रिया तथा तीन महिनाधरि शिशुके इलाज खर्च, अस्पताल भर्ना नहि भेल मुदा इलाजके लेल आवतजावत करबाक अवस्था नहि भऽ घरेमे इलाज करओला पर चिकित्सक या स्वास्थ्यकर्मी बिमारीके घरेमे जा कऽ प्रदान कएने परामर्श सेवालेल निश्चित सीमाभितर शुल्क उपलब्ध कराओल जाएत ।
दुर्घटनामे परल श्रमिकके दुर्घटना तथा अशक्तता सुरक्षा योजनाक सुविधा योगदान कएने मितिसँ सुविधा प्राप्त कऽ सकैत अछि । रोजगारीजन्य दुर्घटना तथा व्यवसायजन्य रोगक उपचारमे लागएबला सम्पूर्ण खर्च योजनामे समावेश कएलगेल अछि । तहिना व्यवसायजन्य रोगक उपचार करबालेल दु वर्षधरि योगदान करबाक व्यवस्था कएलगेल अछि ।
रोजगारजन्य दुर्घटनाबाहेक अन्य दुर्घटना भेल अवस्थामे सात लाखधरिके उपचार खर्च योजनासँ प्राप्त भऽ सकैत अछि । प्राकृतिक विपत्ति या सडक दुर्घटना भेल या अन्य विमा प्रणालीसँ सुविधा पएबाक अवस्थामे कोषक योजनासँ ई सुविधा प्राप्त नहि हएतैक ।
योगदानकर्ताके मृत्यु भेल अवस्थामे आश्रित परिवारकेँ प्राप्त होबएबला सुविधाअन्तर्गत पति या पत्नीके योगदानकर्ताक अन्तिम आधारभूत पारिश्रमिकके ६० प्रतिशतके दरसँ मासिक रुपेँ जीवित रहएधरि निवृत्तिभरण आ १८ वर्ष उमेर पुरा नहि भेल सन्तानके १८ वर्षक उमेरधरि ४० प्रतिशत सन्तति शैक्षिक वृत्ति प्रदान करबाक व्यवस्था अछि ।
योगदानकर्ताक पति या पत्नी तथा सन्तान नहि रहल अवस्थामे आश्रित बाबुमायके मासिक रुपेँ ६० प्रतिशत रकम जीवित रहएधरि प्रदान करबाक व्यवस्था योजनामे समावेश कएलगेल अछि । योगदानकर्ताक अवशकाशके बाद प्राप्त होबएबला वृद्ध अवस्था सुरक्षा अन्तर्गत योगदानकर्ता जीवित रहएधरि निवृत्तिभरणक व्यवस्था सेहो कएलगेल अछि ।
ई सुविधा प्राप्त करबालेल श्रमिकके योगदानमे आधारित सामाजिक सुरक्षा योजनामे सहभागी होबए परत । योजना कार्यान्वयनमे अओलाक बाद पहिल चरणमे प्रतिष्ठानक श्रमिक योगदानमे आधारित सामाजिक सुरक्षा योजनासँ लाभ हासिल कऽ सकैत अछि ।
सामाजिक सुरक्षा योजनामे योगदानके लेल रोजगारदाता श्रमिकके आधारभूत पारिश्रमिकमेसँ ११ प्रतिशत कट्टी कऽ ओहि रकममे श्रमिकके आधारभूत पारिश्रमिकके २० प्रतिशत रकमसहित कुल ३१ प्रतिशत बराबरके रकम कोषमे जम्मा करए परत ।
रकम जम्मा करबासँ पूर्व रोजगारदाा आ श्रमिककेँ योगदानमे आधारित सामाजिक सुरक्षा योजनामे सूचीकृत होबए परत । श्रम मन्त्रालय समयसीमा तय कऽ रोजगारदाता आ श्रमिककेँ अनिवार्य सूचीकृत होबएलेल सूचित कऽ चुकल अछि । काठमाण्डु उपत्यका भितरके रोजगारदाता आ श्रमिकक आपूतिर्ककर्ताकेँ अगहन ६ गते भितर कोषमे सूचीकृत होबएलेल आग्रह कएने छल ।

Read More »

‘बेटी पढाउ, बेटी बचाउ’ अभियानकेँ नायिका रेखा थापाके सहयोग

जनकपुरधाम १२ गते ।बेटीके लक्षित कऽ प्रदेश २ सरकार सञ्चालन कएने ‘बेटी पढाउ, बेटी बचाउ’ अभियानकेँ नेपालक चर्चित नायिका रेखा थापा सहयोग करए जा रहल छथि । नायिका थापा प्रदेश सरकारक एहि कार्यक्रममे अभियन्ता बनि कऽ सहयोगके लेल आगु अढलीह अछि ।मुख्यमन्त्री लालबाबु राउत नायिका थापा अपन ‘रेखा फाउन्डेसन’ नामक संस्थामार्फत ‘बेटी पढाउ, बेटी बचाउ’ अभियानक अभियन्ता बनि कऽ सहयोग करतीह जानकारी देलन्हि अछि ।
‘बेटीसभक लेल रेखाजी ‘स्वर्णीम’ अभियान चला रहल छथि,’ मंगलदिन मुख्यमन्त्री तथा मन्त्रिपरिषद कार्यालयमे पत्रकार सम्मेलन कऽ कऽ राउत कहलन्हि,‘बेटीसभकेँ लक्षित कऽ प्रदेश सरकारक अभियानसँ प्रभावित भऽ कऽ ओ सहयोग करबाक इच्छा व्यक्त कएने छथि ।’
‘बेटी पढाउ, बेटी बचाउ’ अभियानकेँ प्रभावकारी बनाबएलेल नायिका थापा अभियन्ताके रुपमे सहयोग करतीह मुख्यमन्त्री राउत जानकारी देलन्हि । बेटीकेँ जन्मे नहि देबएबला मानसिकता समाजमे व्याप्त रहल कहैत राउत सामाजिक रुपान्तरण पैघ चुनौती बनल उल्लेख कएलन्हि ।
बेटीप्रति होबएबला भेदभावपूर्ण व्यवहारक परिवर्तन शिक्षाके माध्यमसँ मात्र संभव रहलाक कारण अभियानअन्तर्गत शिक्षा उपर विशेष जोड देल जा रहल राउत बतओलन्हि । शिक्षाके अभाव, दहेज, बालविवाहसहितक विकृति विसंगति नहि हटाबएधरि समाज आ देश विकसित नहि भऽ सकत हुनकर कहब छलन्हि ।
पत्रकार सम्मेलनमे नायिका थापा विगत तीन वर्षसँ फाउन्डेसनमार्फत बेटीसभके लेल सञ्चालन भऽ रहल ‘स्वर्णीम’ अभियान अन्तर्गत प्रदेश २ क सभ जिल्लामे अभियन्ताके रुपमे काज करए जा रहल जानकारी देलीह ।
बेटीसभ आत्मनिर्भर बनए अपन इच्छा अछि मुदा ओकरासभ उपर भऽ रहल भेदभावपूर्ण व्यवहार व्याप्त अछि कहैत थापा प्रदेश सरकारक कार्यक्रमसँ प्रभावित भऽ कऽ अभियानसँ जुडल ओ बतओलीह ।
‘चलचित्रमे अभिनय कऽ कऽ समाज रुपान्तरण करबाक पैघ इच्छा छल । मुदा सफल नहि भऽ सकलौँह,’ नायिका थापा कहलीह,‘चलचित्रमे हमरा देखलगेलाक बादो हमर विचार नहि बुझलगेल । ओहि कारण गामगाम पहुँच कऽ एहि अभियानमे सहयोग करबाक इच्छा जागल अछि ।’ ओ सेहो मधेशक बेटी रहल कहैत बेटीप्रति सुतल आत्माकेँ जगाबक उद्देश्यसँ अभियानमे जुटल बतओलीह अछि ।
अभियान अन्तर्गत नायिका थापा बुधदिन प्रदेश २ का रौतहट पहुँच रहल छथि । रौतहटमे गामपालिका आ नगरपालिकासँ सहकार्यमे बेटीसभकेँ लक्षित कऽ नमूना कार्यक्रम करबाक हुनकर योजना अछि ।
‘बेटी पढाउ, बेटी बचाउ’ कार्यक्रम अन्तर्गत प्रदेश २ सरकार किछुएदिन भितर विद्यालयमे अध्ययनरत छात्रासभकेँ साइकल वितरण कार्यक्रम शुरु करए जा रहल अछि । तहिना बेटी जन्म लेलाक तुरन्तबाद विमा, निःशुल्क शिक्षासहितक कार्यक्रम एहि अभियानमे समेटलगेल अछि ।

Read More »

प्रदेश सरकार मोदी भ्रमणके झुठ खर्च विवरण बुझओलक

जनकपुरधाम ११ गते । भारतीय प्रधानमन्त्री नरेन्द्र मोदीके जनकपुर भ्रमणके क्रममे भेल खर्च विवरण प्रदेश सरकार सार्वजनिक कएलक अछि । जनकपुरक पत्रकार शैलेन्द्र महतो सूचनाके हक प्रयोग कऽ खर्च विवरण माँग करैत प्रदेश २ क मुख्यमन्त्री तथा मन्त्री परिषद कार्यालयविरुद्ध राष्ट्रिय सूचना आयोगमे उजुरी देला बाद सरकार खर्च विवरण सार्वजनिक कएलक अछि ।
राष्ट्रिय सूचना आयोगक आदेशक बाद प्रदेश २ सरकार पत्रकार महतोके उजुरी उपर सुनुवाई करैत आयोग विपक्षी प्रदेश २ क मुख्यमन्त्री तथा मन्त्री परिषद कार्यालयकेँ पत्र पठा कऽ ७ दिन भितर लिखित विवरण आयोग आ सूचना माँग कर्ताकेँ पठाबए आदेश देने छल । ओहि आदेश अनुसार प्रदेश २ मुख्यमन्त्री तथा मन्त्री परिषदके कार्यालय मोदी भ्रमण खर्चके सूचना उपलब्ध करओने अछि । उपलब्ध करओने सूचना अनुसार भारतीय प्रधानमन्त्री मोदीके जनकपुरमे स्वागत सत्कारमे प्रदेश प्रदेश २ सरकार विभिन्न ६ टा समिति मार्फत २ करोड ७६ लाख ४१ हजार ९ सय ९ रुपैयाँ खर्च कएने जनओने अछि ।
सूचना पत्रमे पण्डाल, पाल, अस्थायी शौचालय निर्माण एवं सांस्कृतिक कार्यक्रम शीर्षकमे १ करोड ४९ लाख ७२ हजार २ सय २९ रुपैया, जनपरिचालनमे ८ ओ जिल्ला कऽ ७४ लाख ६८ हजार ७ सय ४४ रुपैयाँ, प्रचारप्रसारमे २० लाख ६२ हजार १३ रुपैया खर्च कएने उल्लेख अछि । तहिना वुलेटिन, स्वागतद्वार, फ्लेक्स, अतिथि स्वागत, सूचना प्रकाशन, प्रसारण आ उपहार शिर्षकमे २५ लाख ६ हजार ५५ रुपैयाँ, नगर सरसरफाईमे ५७ हजार ५ सय २२ रुपैयाँ आ सुरक्षा व्यवस्थापनमे ५ लाख ७५ हजार २ सय २१ रुपैया खर्च भेल मुख्यमन्त्री तथा मन्त्रिपरिषद्के कार्यालय प्रदेश नम्बर २ क सूचना अधिकारी एवं शाखा अधिकृत पदम प्रसाद पोखरेलद्वारा हस्ताक्षिरत सूचना पत्रमे उल्लेख अछि ।
तहिना समयमे पत्रकार महतोकेँ सूचना नहि देबएके कारण आयोग माँग कएने जबाब पत्र आ सूचना पत्रमे मुख्यमन्त्री तथा मन्त्री परिषद कार्यालय झुठ व्यहोरा उल्लख कएने तथ्य सेहो भेटल अछि । गत अषाढ मसान्त धरि सेहो मोदी भ्रमण खर्चके विवरण सार्वजनिक करए नहि सकल प्रदेश २ सरकारक मन्त्री परिषद कार्यालयक मुख्य सचिव राजेश्वरमान सिंह आयोगकेँ लिख कऽ पठओने जबाबमे मोदी भ्रमण खर्चक विवरण जेठ १८ गते सूचना साटि कऽ सार्वजनिक कऽ चुकल उल्लेख अछि । सूचना पत्रमे सेहो जेठ १८ मे सूचना जारी कएने उल्लेख कऽ कऽ झुक्योने अछि ।
जहन कि मोदी भ्रमणके लम्बा समय धरि खर्च सार्वजनि नहि कएलापर प्रदेश २ सभामे विपक्षी दल नेपाली काँग्रेस आ नेकपा प्रदेश सरकारके पैघ आलोचन करबाक सँगहि बेरबेर प्रदेशसभा बैठक सेहो अवरुद्ध कएने छल । गत वैशाख २८ गते जनकपुरमे भेल भारतीय प्रधानमन्त्री मोदीके स्वागत खर्च जेठ मासान्त धरि खर्च पारदर्शी नहि कएला बाद पत्रकार महतो जेठ २९ गते सूचनाके हक प्रयोग कऽ मुख्यमन्त्री तथा मन्त्री परिषद कार्यालयमे मोदी भ्रमण खर्चके सूचना माँग करैत निवेदन दर्ता करओने छलथि । तय कएलगेल भितर प्रदेश सरकार सूचना उपलब्ध नहि करओला बाद पत्रकार महतो सूचनाके हक प्रयोग कऽ प्रदेश २ क मुख्यमन्त्री तथा मन्त्री परिषदके कार्यालय विरुद्ध गत साउन ८ गते राष्ट्रिय सूचना आयोगमे उजुरी देने छलथि । रररररर

Read More »

घेराबन्दीमे ओली–प्रचण्ड

जनकपुरधाम ११ गते । पार्टी भातृ संगठनसहित निचका निकायधरि एकीकरणक निर्णय करबालेल नेकपा सचिवालयक बैठक मंगलदिन होबए जा रहल अछि । बैठकमे पार्टीक केन्द्रीय सदस्यसभक जिम्मेवारी तय करबाक तैयारी अछि ।
पार्टी महासचिव विष्णु पौडेल आ सचिवालय सदस्य रामबहादुर थापाकेँ केन्द्रीय सदस्यक जिम्मेवारीक विषयमे गृहकार्य करबाक जिम्मा देने छल । पौडेल आ थापा कार्यदलक आवश्यक गृहकार्य कऽ प्रतिवेदन अध्यक्षद्धय केपी शर्मा ओली आ पुष्पकमल दहाल प्रचण्डकेँ बुझा चुकल छथि ।
एहिसँ पहिने नेतासभकबीच केन्द्रीय सदस्यसभक जिम्मेवारी तय करबासँ पहिने पोलिटब्युरो गठन करबाक सहमति भेल छल । मुदा प्रधानमन्त्री एवम अध्यक्ष ओली आ दोसर अध्यक्ष प्रण्ड सहमतिविपरित केन्द्रीय सदस्यक जिम्मेवारी तय कएलाक बादे पोलिटब्युरो गठन करबाक तैयारी कएने छथि । हुनकासभक एहि तैयारीप्रति पार्टीक वरिष्ठ नेता माधवकुमार नेपाल, सचिवालय सदस्य झलनाथ खनाल, वामदेव गौतम आ नारायणकाजी श्रेष्ठ असन्तुष्ट भेल छथि ।
अध्यक्ष ओली आ प्रचण्ड गत सप्ताह पार्टी बैठक बजएबाक माँग करैत ज्ञापनपत्र बुझओने २१ टा केन्द्रीय सदस्य उपर कारबाही करबाक सोँचमे रहल एक नेता बतओलन्हि अछि । मुदा अध्यक्षद्धयके धारणासँ नेपाल, खनाल, गौतम आ श्रेष्ठ असहमत अछि । अध्यक्षद्धय पार्टीभितर विधिविपरित एकलौटी कएलगेलाक बाद नयाँ मोर्चा बनबाक अवस्था उत्पन्न भेल स्रोत जनओलक अछि । नेपाल, खनाल, गौतम आ श्रेष्ठबीच मोर्चा बनबाक कारण सेहो यहाय रहल बताओलगेल अछि ।
नेताद्धय माधवकुमार नेपाल आ झलनाथ खनाल पोलिटब्युरो गठनके प्रस्ताव आगु बढओलाक बादो अध्यक्षद्धय ओली आ प्रचण्ड केन्द्रीय सदस्यक कार्य विभाजनपूर्व पोलिटब्युरो गठन नहि करबाक अडान लेलाक पोलिटब्युरो गठन प्रक्रिया पाछु धकेलल गेल अछि ।
नेकपाक विधानमे केन्द्रीय सदस्यक एक तिहाई संख्या पोलिटब्युरो रहबाक प्रावधान अछि । केन्द्रीय कमिटी ४४१ सदस्यीय अछि । जाहि अनुसार १४७ पोलिटब्युरो बनि जएबाक चाही छल । मुदा, एकीकरण भेलाक सात महिनामे सेहो पोलिटब्युरो गठन नहि भेल कहैत नेकपा भितर असन्तुष्टि बढैत गेल अछि । ४५ सदस्यीय स्थायी समिति एहिसँ पहिने गठन भऽ चुकल अछि ।
प्रदेश १ मे २०७ सदस्यीय प्रदेश कमिटी प्रस्तावित अछि । तहिना प्रदेश २ मे दु सय सदस्यीय कमिटी प्रस्ताव कएलगेल अछि । प्रदेश ३ मे २१७ आ गण्डकी प्रदेशमे १८७ सदस्यीय प्रदेश कमिटी प्रस्तावित अछि । प्रदेश ५ मे २०३ आ कर्णाली प्रदेश कमिटीके संख्या १७५ रहत नेतासभ जानकारी देने छथि । तहिना सुदूरपश्चिम प्रदेशमे १८३ सदस्यीय प्रदेश कमिटी प्रस्तावित अछि ।
एहिसँ पहिने सचिवालयक बैठक प्रदेश कमिटी तथा जिल्ला ईन्चार्जक विषयमे मापदण्ड तैयार कएने छल । मुदा ओहिके विपरित गण्डकी प्रदेश ईन्चार्जमे ओहि प्रदेशक मुख्यमन्त्रीक जिम्मेवारीमे रहल पृथ्वीसुब्बा गुरुङ आ प्रदेश पाँचक मुख्यमन्त्री शंकर पोखरेलके सेहो प्रदेश ईन्चार्ज बनाओलगेल । ओहि विषयमे सेहो नेपाल पक्ष आपत्ति जनओने छल । नेपाल सार्वजनिक रुपेँ दोहरा जिम्मेवारीक आलोचना कएने रहथि । मुदा वृहस्पति दिनके सचिवलाय बैठक दोहरा जिम्मेवारी नहि हटएबाक निर्णय कएलाक बाद प्रतिनिधिसभा तथा प्रदेशसभा सांसद आ मन्त्रीसभकेँ सेहो जिल्ला ईन्चार्ज आ सहईन्चार्जक भूमिका भेटबाक संभावना मजबुत बनल अछि ।

Read More »

जनकपुरक तीन पानि उद्योगमे शिल

जनकपुरधाम ११ गते । उपभोक्तास स्वास्थ्यमे प्रतिकूल असर परबाक हिसाबसँ मापदण्डविपरित सञ्चालन भऽ रहल कहैत जनकपुरक तीनटा पानि उद्योगमे शिलबन्दी कएलगेल अछि । जिल्ला प्रशासन कार्यालय धनुषाक नेतृत्वमे भेल संयुक्त अनुगमन टोली जनकपुरस्थित तीनटा पानि उद्योगमे सोमदिन शिलबन्दी कएलक अछि । संयुक्त अनुगमनक क्रममे जनकपुरधाम–७ मे जयप्रकाश चौधरी सञ्चालन कएने अम्बर धारा, जनकपुरधाम–८ मे प्रभुनन्दन साह सञ्चालन कएने महामाया धारा प्रा.लि. आ जनकपुरधाम–४ मे अजितकुमार राय सञ्चालन कएने ग्लोबल एकता पानि उद्योगमे उत्पादन बन्द करबाक निर्देशन दैत शिलबन्दी कएने अछि ।
जाँच करा कऽ लेल जाएबला अनुज्ञापन नवीकरण नहि करओलाक कारण पानिक उत्पादन बन्द करबाक निर्देशन दैत ओहि उद्योगसभमे शिलबन्दी कएलगेल अनुगमन समितिक सदस्य घरेलु तथा साना उद्योग कार्यालयक जितेन्द्रप्रसाद सिंह जानकारी देलन्हि । एहिसँ पहिने रविदिन अनुगमन टोली जनकपुरधाम–७ जिरोमाइलस्थित मो.कमाल सञ्चालन कएने गंगाजल पानि उद्योगमे शिलबन्दी कएने छल ।
जिल्ला प्रशासन कार्यालयक प्रशासकीय अधिकृत दिने साहक नेतृत्वमे गेल अनुगमन टोलीमे खाद्य प्रविधि तथा गुण नियन्त्रण कार्यालय धनुषाक खाद्य निरीक्षक प्रवीणकुमार तिवारी, जिल्ला प्रहरी कार्यालयक प्रतिनिधिसहितकके सहभागिता छल ।

Read More »

नेकपाकेँ मुख्यमन्त्री राउतक जबाब,‘अपन शासन, अपन प्रशासन’

जनकपुरधाम ११ गते । प्रदेश २ क मुख्यमन्त्री लालबाबु राउत ‘अपन शासन, अपन प्रशासन’ बनाबएलेल करार कर्मचारी विधेयक आनलगेल बतओलन्हि अछि । शासन आ प्रशासन प्रदेशक युवासभमे नहि आबएधरि संघीयता कार्यान्वयन नहि भऽ सकत राउत बतओलन्हि । प्रदेश आ देशप्रति अपनत्व जगाबएलेल युवासभकेँ प्रशासनमे लाएब आवश्यक रहल हुनकर कहब छन्हि ।
संघीय सरकार समयमे कर्मचारी नहि पठा कऽ असहयोग कएलाक कारण कर्मचारी भर्ना करबालेल बाध्यतावश विधेयक लाबए परल राउत बतओलन्हि ।
‘करार कर्मचारीसम्बन्धी विधेयक हमरासभक इच्छा नहि बाध्यता अछि,’ विधेयक उपर उठल प्रश्नके सोमदिन प्रदेशसभा बैठकमे जबाब दैत राउत कहलन्हि,‘कर्मचारी अभावमे प्रथम चौमासिक बितगेलाक बादो बजेट खर्च नहि भऽ सकल अछि । संभावित खतरा टारएलेल विधेयक लाबए परल अछि ।’
कर्मचारी समायोजन करबालेल संघीय सरकार लाबि रहल अध्यादेशप्रति सेहो राउत आक्रोश व्यक्त कएलन्हि अछि । अध्यादेशकेँ असंवैधानिक कहैत राउत प्रदेश सरकारकेँ उपेक्षा करबाक उद्देश्यसँ संघीय सरकार ई अध्यादेश लाबि रहल आरोप लगओलन्हि ।
राउत कहलन्हि,‘संघीय सरकार असंवैधानिक अध्यादेश लाबि कऽ कर्मचारी समायोजन करए चाहि रहल अछि । प्रदेश सरकारकेँ उपेक्षा कऽ केन्द्र सरकार संघीयताविपरित काज करए चाहि रहल अछि ।’
प्रदेश सरकार करार कर्मचारी भर्नासम्बन्धी विधेयक लएबाक क्रममे संघीय सरकारक सत्तारुढ तथा प्रदेशक विपक्षी दल नेकपा अवरोध सृजना कएने हुनकर शिकायत छलन्हि ।
संघीय सरकार कर्मचारी नहि पठओलाक कारण प्रदेशमे विकासक कार्यक्रमसभ सञ्चालन नहि भऽ सकलाक कारण करार विधेयक लाबए परल राउत उल्लेख कएलन्हि । संघीय सरकारक असहयोगके कारण प्रदेशक कानुन निर्माणसम्बन्धी काज सेहो वाधित भेल राउत बतओलन्हि ।
‘संघीय सरकार सुस्त गतिमे आगु बढि रहल अछि । संविधान जारी भेला तीन वर्ष बितगेलाक बादो लोकसेवा आयोगक मापदण्ड तैयार नहि कऽ सकल अछि । हमसभ लोकसेवा विधेयक तैयार कऽ चुकल छी,’ राउत बतओलन्हि ।

Read More »

प्रदेशसँ पहिलबेर प्रहरी भर्ना प्रक्रिया शुरु

जनकपुरधाम ११ गते । देश संघीयतामे गेलाक बाद प्रदेशसँ पहिल बेर प्रहरी भर्ना प्रक्रिया शुरु भेल अछि । प्रदेश २ मे सोमदिनसँ प्रहरी भर्ना प्रक्रिया शुरु भेल अछि । नेपाल प्रहरी अन्तर्गत प्रहरी सहायक निरीक्षक ९सई० पदमे रिक्त पदपूर्तिके लेल भर्ना प्रक्रिया शुरु कएलगेल प्रदेश प्रहरी कार्यालय जनओलक अछि । प्रहरी प्रधान कार्यालय सई पदपूर्तिके लेल आशिन १५ गते दरखास्त आह्वान कएने छल । प्रदेश २ सँ सई पदके लेल १ हजार ६ सय ६१ गोटे आवेदन देने छथि । जाहिमेसँ ५९ महिला आ बाँकी पुरुष छथि ।
सई पदके लेल प्रदेश २ सँ आवेदन देबएबला परीक्षार्थीसभक प्रारम्भिक स्वास्थ्य परीक्षण आ बाधा पारसम्बन्धी परीक्षा जनकपुरस्थित संघीय प्रहरी इकाई कार्यालयमे शुरु भेल प्रदेश प्रहरी कार्यालयक प्रवक्ता डीएसपी दानबहादुर थापा जानकारी देलन्हि ।
थापाक अनुसार प्रधान कार्यालय देशभरि १०८ प्रहरी निरीक्षक, ५२४ सई, ६ हजार २४४ प्रहरी जवान आ ३२० प्रहरी कार्यालय सहयोगीके लेल दरखास्त आह्वान कएने छल । जाहिमेसँ प्रहरी निरीक्षकसभक परीक्षा केन्द्रमे चलि रहल अछि तऽ सईके लेल सभ प्रदेशमे सोमदिनसँ परीक्षा सुरु भेल ओ बतओलन्हि ।
तहिना प्रहरी जवान आ प्रहरी कार्यालय सहयोगीके परीक्षा सेहो प्रदेशमे सञ्चालन कएल जाएत थापा जानकारी देलन्हि । प्रदेश २ मे प्रतिस्पर्धीसभक अत्याधिक चापके देखैत प्रत्येक दिन दु सय परीक्षार्थीके हिसाबसँ १९ गते धरि परीक्षण कार्य सञ्चालन होएत ओ बतओलन्हि ।
प्रहरी भर्ना तथा पदोन्नतीमे लोकसेवा आयोगक सिद्धान्त २०६९ के दफा १० अनुसार परीक्षा सञ्चालन भऽ रहल जनाओलगेल अछि । प्रदेशस्तरमे प्रदेश प्रहरी प्रमुखकक नेतृत्वमे पाँच सदस्यीय प्रदेश प्रहरी आपूर्ति उपसमिति गठन कएलगेल अछि ।
समितिमे प्रदेश प्रहरी प्रमुख डीआईजीसहित प्रहरी प्रधान कार्यालयक एक प्रतिनिधि, लोकसेवा आयोगक एक प्रतिनिधि, जिल्ला प्रशासन कार्यालयक सहायक प्रमुख जिल्ला अधिकारी प्रतिनिधि रहबाक व्यवस्था अछि ।

Read More »
1 86 87 88 89 90 142