admin

विश्व हिन्दी दिवस मनाओलगेल

जनकपुरधाम पुस २७ गते ।भारतीय राजदूतावास आ त्रिभुवन विश्वविद्यालय अन्तर्गतके हिंदी केन्द्रीय विभागक सहकार्यमे विश्व हिन्दी दिवस मनाओलगेल अछि । संस्कृति, पर्यटन तथा नागरिक उड्डयन मन्त्री रविन्द्र अधिकारीक प्रमुख आतिथ्यमे आयोजना कएलगेल कार्यक्रममे नेपालके लेल भारतीय राजदूत मंजीवसिंह पुरी भारतीय प्रधानमन्त्रीक नरेन्द्र मोदीक सन्देश पढि कऽ सुनओने छलथि ।एहि अवसर पर केन्द्रीय हिन्दी विभागक वेवसाइटक लोकार्पण सेहो कएलगेल छल । तहिना राजदूत पुरी नेपालक आदिकवी भानुभक्त आचार्यके कवितासभकेँ हिन्दी अनुवादसहित दुटा हिन्दी पुस्तकके लोकार्पण सेहो कएलगेल । संगहि भारतक पूर्व प्रधामन्त्री अटल विहारी वाजपेयीक ५१ टा कवितासभक नेपाली अनुवाद कएने लेखक शिवदत्त ढकालके सम्मानित सेहो कएलगेल । कार्यक्रममे विभिन्न क्षेत्र दु सयसँ अधिक साहित्यक व्यक्तित्वसभक सहभागिता छल ।

Read More »

राम युवा कमिटीमे तालाबन्दी

जनकपुरधाम पुस २७ गते ।जनकपुरस्थित राम युवा कमिटीमे तालाबन्दी भेल अछि । कमिटीक महासचिव, सचिव, कोषाध्यक्ष तथा कार्यकारिणी सदस्यसभ कार्यालयमे तालाबन्दी कएलन्हि अछि ।
कमिटीक अध्यक्ष उपेन्द्र ठाकुरविरुद्ध दर्ता कराओलगेल अविश्वासक प्रस्ताव पारित भेलाक बादो पदीय जिम्मेवारी नहि छोडलाक कारण कार्यालयमे तालाबन्दी कएलगेल महासचिव सरोज कुमार साह दावा कएलन्हि अछि ।
महासचिव साह वृहस्पतिदिन विज्ञप्ती जारी करैत अगहन ८ गते अध्यक्ष ठाकुरविरुद्ध अविश्वासक प्रस्ताव दर्ता करा अगहन २१ गतेक साधारणसभासँ कार्यसमिति आ निर्देशन समिति विघटन कएलगेल दावा कएने छथि । कार्यसमिति आ निर्देशन समिति विघटन भल अवस्थामे कमिटी संरक्ष समितिक जिम्मेवारीमे आएल कहैत विज्ञप्तीमे निर्वाचन प्रक्रिया आगु बढाबएलेल संरक्षण समितिसँ आग्रह कएलगेल अछि ।

Read More »

प्रेष यूनियन धनुषाक अध्यक्षमे राजन

जनकपुरधाम पुस २७ गते । नेपाल प्रेष यूनियन धनुषाक ९ अम साधारणसभासँ आगामी ३ वर्षक लेल राजन सिंहके नेतृत्वमे १३ सदस्यीय नव कार्य समिति सर्वसम्मतिसँ गठन भेल अछि । नया कार्यसमितीक उपाध्यक्षमे अकुल साह, महिला उपाध्यक्षमे बिनीता ठाकुर, सचिवमे निरंजन साह, तथा सहसचिवमे नीतू झा, कोषाध्यक्षमे दिनेश साह सहित १३ सदस्यीय कमिटी गठन भेल छैक ।
तहिना केंद्रीय पार्षदमे माधव आचार्य, रामभरत साह, कमल साह, अजय कुमार झा, प्रफुल्ल राज घिमिरे, अनिल कर्ण, नवल किशोर शरण, रिंकू मिश्र (गायत्री), देवता झा, नीतू झाके चयन कएलगेल युनियन जनओलक अििछ ।
सँगहि प्रदेश पार्षदमे प्रवीण साह, अजय साह, कैलास दास, बबलू चौधरी, कुशेस्वर उपाध्याय, विजय यादव, हदीश खुद्दार, नविन कुमार साह, शुष्मा कर्ण, एलिना सिंह, बिनिता ठाकुर, उत्तिम लाल कापड, प्रभाष कर्ण आ राम वावु यादव चयन भेल छथि ।

Read More »

मरिच तस्कर पकराएल

जनकपुरधाम पुस २७ गते ।अवैध रुपेँ नेपालसँ भारततर्फ मरिच तस्करी कएन्हिार ६ गोटे पकराएल अछि । बुधदिन राति ६ टा मोटरसाइकलसँ तस्करी कऽ रहल १२ बोरा मरिच सहित धनुषाक नगराईन नगरपालिका वार्ड नम्बर ६ स्थित लगमा टोलसँ ओकरासभकेँ पुलिस नियन्त्रणमे लेलक अछि । गोप्य सुचनाके आधारमे जिल्ला प्रहरी कार्यालय धनुषासँ खटल बिषेश प्रहरी टोली करिब तीन सय किलो मरिच सहित ६ गोटेकेँ नियन्त्रणमे लेने जिल्ला प्रहरी कार्यालय धनुषा जनओलक अछि ।
पकराएबलासभमे नगराईन नगरपालिका वार्ड नं. १ रहन्हिार रजय यादव, लालु यादव, भारत मधुवनी घर रहल सुधिर यादव, मनिस कुमार महतो, राकेश महतो आ सन्तोष राम रहल पुलिस जनओलक अछि । बरामद भेल ६ टा मोटरसाइकल सहित मरिच नियन्त्रणमे लऽ आवश्यक कारवाहीके लेल जिल्ला भन्सार कार्यालाय पठाओलगेल धनुषाक प्रहरी नायव उपरिक्षक दिपेन्द्र शाही जानकारी देलन्हि ।
भारतसँ भन्सार छली कऽ अवैध रुपेँ नेपाल लओने कपडा जनकपुरसँ पुलिस बरामद कएने अछि । वृहस्पतिदिन भिन्सर करिब अढाइ बजे एक व्यक्ति भारतसँ अवैध रुपेँ लाबि रहल कपडा पुलिसकेँ देखने लगले छोडि कऽ फरार भेल प्रहरी जनओलक अछि । गोप्य सूचनाके आधारमे जिल्ला प्रहरी कार्यालय धनुषासँ खटल प्रहरी टोली जनकपुरधाम शिव चौक सडकमे पुलिसकेँ देख कऽ ज ९ प ६६४९ नम्बरके गाडी सेहो छोडि कऽ फरार भेल जिल्ला प्रहरी कार्यालय धनुषा जनओलक अछि । बरामद भेल बच्चाके जिन्स पेन्ट १७४ पीस, बच्चाको पेन्टी १०६८ पीस र लेडीज सल १० पीस रहल पोका सहित मोटरसाइकल नियन्त्रणमे लऽ आवश्यक कारवाहीके लेल भंसार कार्यालय पठाओलगेल प्रहरी नायव उपरिक्षक शाही बतओलन्हि ।

Read More »

फरार अभियुक्त नियन्त्रणमे

जनकपुरधाम पुस २७ गते । विषाक्त घरेलु मदिरा उत्पादन आ बिक्री वितरण कएने आरोपमे फरार दुइ गोटे पकराएल अछि । गत अषाढ १३ गते कमला नगरपालिकामे बिषादीयुक्त घरेलु मदीरा सेवनसँ ७ गोटेके मृत्यु भेल हत्या मुद्दामे फरार रहल दुनु गोटे पकराएल अछि । पकराएबलासभमे उत्पादक कमला नगरपालीका वार्ड नं. ७ जागीरटोल रहन्हिार राजेश कुमार चौधरी आ बिक्री वितरण कएन्हिार वडा नं. ६ मडान रहन्हिार वर्ष ३० क धर्मेन्द्र कुमार मण्डल रहल प्रहरी जनओलक अछि । अपने गाममे नुका कऽ रहि रहल गोप्य सुचनाके आधारमे बुधदिन ईलाका प्रहरी कार्यालय खजुरीके प्रहरी निरिक्षक राम थान्दारके नेतृत्वमे खटल प्रहरी टोली ओकरासभकेँ नियन्त्रणमे लेलक अछि ।
पकराएबलासभ उपर हत्या मुद्दामे म्याद बढा कऽ विशेष अनुसन्धान कार्य भऽ रहल धनुषाक प्रहरी नायव उपरिक्षक दिपेन्द्र शाही जानकारी देलन्हि । गत अषाढ १३ गते कमला नगरपालिका –६ सिंग्याही मडान स्थित बिषादीयुक्त घरेलु मदीरा सेवनसँ ७ गोटेके मृत्यु भेल छल । मृत्यु होबएबलासभमे कमला नगरपालीका वार्ड नं. ५ रहन्हिार रामचन्द्र पासवान, मनिक पासवान, वार्ड नं. ६ रहन्हिार रामनाथ पासवान, गंगा कुमार पासवान, राम कुमार पासवान, साबिर मिया अन्सारी आ राजभिर महतो रहल छल ।

Read More »

श्रम स्वीकृति लेबएलेल रातिभरि लाइन

जनकपुरधाम पुस २७ गते ।प्रदेशसँ पुनः श्रम स्वीकृति भेटए जा रहल जानकारी भेलाक बाद वैदेशिक रोजगारमे जाएबला कामदारसभ खुशी भेल छल । प्रदेश २ क राजधानी जनकपुरेसँ पुनः श्रम स्वीकृति भेटए जा रहल खबरसँ वैदेशिक रोजगारीमे जाएबला आठ जिल्लाक वैदेशिक कामदारसभबीच खुशीके लहर छल । आ, प्रमुख कारण छल श्रम स्वीकृति लेबएलेल काठमाण्डु पहुँचबाक झन्झटसँ छुटकारा पाएब ।
मुदा, श्रम स्वीकृति देबाक काज शुरु भेला किछुएदिन नहि बितबैत वैदेशिक कामदारसभ समस्या भोगए पर बाध्य भेल छथि । कार्यालयसँ भऽ रहल कार्य सम्पादनमे ढिलासुस्ती आ दलालकसभक चलखेलखेल बढए लगलाक बाद पुनः श्रम स्वीकृति लेबएलेल पहुँचएबला कामदारसभ रातिभरि कार्यालयके आगु सडक पर जागए पर बाध्य छथि ।
श्रम स्वीकृति लेबएलेल बारा जिल्ला रामनगरक उमेशप्रसाद सहनी जनकपुर अओलाह तीन दिन भऽ गेल अछि । क्याम्पस चौक नजदिक रहल प्रदेश श्रम तथा रोजगार कार्यालयक आगु ओ तीन दिनसँ भिन्सर १० बजेसँ लाइन लगैत आबि रहल छथि । मुदा, श्रम स्वीकृति नहि भेट सकल अछि ।
उमेश जँका सप्तरी महुलीसँ पुनः श्रम स्वीकृति लेबएलेल जनकपुर पहुँचल छलथि, नथुनी राय । नथुनी सेहो श्रम स्वीकृति लेबएलेल दु दिनसँ प्रयास कऽ रहल छथि । मुदा हुनका सेहो श्रम स्वीकृति नहि भेट सकल अछि ।
उमेश आ नथुनी जँका प्रदेश २ क धनुषा, महोत्तरी, सर्लाहीसहिक जिल्लासँ पुनः श्रम स्वीकृति लेबएलेल एतह पहुँचल वैदेशिक कामदारसभ दिनभरि लाइनमे रहलाक बादो सफल नहि भऽ सकलाक बाद जाढक समयमे सेहो रातिक समयमे लाइन लगबालेल कार्यालय आगु पहुँचल छलथि । वृहस्पतिदिन भिन्सर १० बजेसँ कार्यालय सञ्चालन भेलाक बादो बुधदिन राति ८ बजेसँ उमेश आ नथुनी जँका सयसँ अधिक कामदार कार्यालय आगु सडक पर लाइनमे ठाढ भऽ गेल रहथि । किछु गोटे कम्बल ओढि कऽ सडके पर सुतल रहथि तऽ किछु गोटे आगि बारि कऽ जाढसँ बँचबाक प्रयास कऽ रहल छलथि । पुषक जाढमे सेहो राति बिताएब हुनकासभक इच्छा नहि बाध्यता छल ।
वैदेशिक कामदारसभकेँ सहजता प्रदान करकबा उद्देश्यसँ प्रदेशसँ पुनः श्रम स्वीकृति देबाक आवधारणा लाबएलेल कार्यसम्पादन प्रभावकारी नहि होएब आ दलालसभक प्रभाव बढलाक बाद लाइनमे रहएबलासभ सुविधा नहि पाबि सकल श्रम स्वीकृति लेबए पहुँचल कामदारसभक शिकायत अछि ।
श्रम स्वीकृति दिआबएलेल प्रति पासपोर्ट ४ हजारसँ ५ हाजरधरि अतिरिक्त रुपैयाँ दलालसभ लैत आबि रहल ओसभ बतओलन्हि । दलालमार्फत काज कराबएबलासभके एक दिनम श्रम स्वीकृति भेट रहलाक बादो लाइनमे रहएबलासभकेँ पैघ समस्या रहल कामदारसभक कहब अछि ।
२÷३ दिन लगातार कार्यालय समयमे लाइनमे रहलाक बादो श्रम स्वीकृति नहि भेटलाक बाद बाध्य भऽ कऽ जाढक समय रातिमे लाइन लागए परल उमेश बतबैत छथि ।
‘तीन दिनसँ लाइन लगैत आबि रहल छी,’ उमेश कहलन्हि,‘मुदा हमरासभकेँ श्रम स्वीकृति नहि भेट सकल अछि । कार्यालयक अवस्था अव्यवस्थित अछि । कार्यालय सञ्चालन किछुएदिन भेल अछि । मुदा दलालसभक प्रभाव बढल अछि ।’
प्रदेशमे श्रम स्वीकृति भेटत कहलगेलाक बादो सोँचल जँका सहज नहि रहल सिरहाक धनगढी नगरपालिकस्थित सिमराक शहदेव राय बतओलन्हि । ‘लाइनमे रहलमेसँ ३०÷४० गोटेके मात्र श्रम स्वीकृति भेट रहल अछि,’ शहदेव कहलन्हि,‘एतह सक्रिय रहल दलालमार्फत तत्काल काज होइत अछि । मुदा, दिनभरि लाइनमे रहएबलासभक काज मुश्किलसँ होइत आएल अछि ।’
श्रम स्वीकृति लेबएबलासभक भीड रहलाक बादो कार्यालयमे कार्यालयमे रहएबला सुरक्षाकर्मीसभक काज सेहो प्रभावकारी नहि देखलगेल कहैत शहदेव कहलन्हि,‘भीड व्यवस्थापन करबालेल कार्यालयमे उपस्थित सुरक्षाकर्मीक भूमिका सेहो निक नहि देखलगेल अछि । ओसभ सेवाग्रहीसँग दुव्र्यवहार करैत लाठी चार्ज सेहो करैत आबि रहल छथि ।’ श्रम स्वीकृति लेबएलेल जनकपुरसँ निक काठमाण्डुए रहल ओ अपन अनुभव सुनओलन्हि । जाढक समयमे सेहो रातिमे लाइनमे ठाढ होएब प्रदेश सरकारक उपलब्धि रहल शहदेव व्यङ्ग कएलन्हि ।
वैदेशिक रोजगारमे जएबासँ पूर्व एहिसँ पहिने काठमाण्डुँसँ मात्र होबएबला पुनः श्रम स्वीकृति प्रदेशसँ उपलब्ध करएबालेल प्रदेश श्रम तथा रोजगार कार्यालयमार्फत पुष १५ सँ प्रदेश २ क जनकपुरसँ सेवा शुरु भेल अछि । मुदा सेवा प्रभावकारी नहि भेलाक बाद सेवाग्रहीसभ पैघ समस्यामे देखलगेल अछि ।

Read More »

१० वर्ष देशक लेल काज कऽ कऽ उपर जाएके मन अछि ः प्रचण्ड

चितवन पुस २६ गते ।नेपाल कम्युनिस्ट पार्टीक अध्यक्ष पुष्पकमल दाहाल प्रचण्ड दश बर्ष देशक समृद्धिके लेल काज कऽ कऽ ‘उपर जाएके’ विचार रहल बतओलन्हि अछि । १२ अम चितवन महोत्सवके उद्घाटन करैत अध्यक्ष प्रचण्ड देशक लेल आबके दश बहुत महत्वपूर्ण रहल कहैत अपन सपना पूरा कऽ कऽ उपर जाएके (हातथके इशारासँ आकाशदिस देखबैत) बतओलन्हि अछि । ‘आब १० वर्ष देशक लेल आ समृद्धिके लेल काज कऽ कऽ उपर जाएके विचार अछि, अपनेसभक सभके साथ सहयोग रहल तऽ हमसभ नमुनाके रुपेँ नेपाल आ चितवनकेँ बनाबि सकैत छी’ ओ कहलन्हि ।
चीनक एक नेता बिलाई कारि हुए या उजर मुसा मारक चाही कहने स्मरण करैत प्रचण्ड नेपालमे सेहो ओ कहब लागू हएबाक बतओलन्हि । ‘आइ काल्हि हम कि मानैत छी कि विलाई उजर रहए या कारी किछु नहि फरक परैत अछि, जहन विकास आ समृद्धिके जन इच्छा आ इतिहासक आवश्यकताकेँ हमसभ नहि करए सकलहुँ तऽ कम्युनिस्ट पार्टीके काज नहि अछि’ ओ कहलन्हि ।
विकासके मोडालिटीके विषयमे समस्या नहि रहल मुदा समस्या एक्सनमे मात्र रहल बतबैत अध्यक्ष प्रचण्ड कहलन्हि ‘जनताके अनुभुत होबएजँका विकास आ सम्वृद्धीके काज करब हमरासभक चुनौती अछि ।’

Read More »

यातायात विभागक पूर्वमहानिर्देशक श्रेष्ठविरुद्ध भ्रष्टाचारक मुद्दा

काठमाण्डू पुस २६ गते ।वन तथा वातावरण मन्त्रालयक सहसचिव तथा यातायात व्यवस्था विभागक पूर्वमहानिर्देशक चन्द्रमान श्रेष्ठविरुद्ध अकुत आर्जनके मुद्दा दायर भेल अछि । अख्तियार दुरुपयोग अनुसनधान आयोग आयोग विशेष अदालतमे हुनका विरुद्ध भ्रष्टाचारक मुद्दा दायर कएलक अछि । ओ यातायात व्यवस्था विभागमे कार्यरत रहल समय स्मार्ट लाइसेन्सर इम्बोस्ड नम्बर प्लेटके छपाइ करबाक प्रयोजन भेल ठेक्कामे पैघ रकम अनियमितता कएने आरोप लगबैत आरोप एहिसँ आगा लागल छल । हुनकर कार्यकालमे विभागसँ लाइसेन्सके गैरकानुनी धन्दा बढल छल ।
श्रेष्ठविरुद्ध अख्तियार १ करोड ३४ लाख रुपैयाँ बिगो दावी कएने अछि । ओ यातायात विभागमे कार्यरत रहल समय पदके दरुपयोग कऽ कऽ गैरकानुनी रुपेँ सम्पत्ति आर्जन कएने आरोप लगाओलगेल अछि । श्रेष्ठ सार्वजनिक पदमे बहाल रहल समय पद तथा अधिकारक दुरुपयोग कऽ गैरकानुनी सम्पत्ति आर्जन कएने अख्तियारक दावा अछि । २८ माघ ०३८ मे सरकारी सेवामे प्रवेश कएला बाद श्रेष्ठ २ करोड १० लाख रुपैयाँ कमएने देखलगेल अछि ।
मुदा, एहिमे अवोध आयके हिस्सा १ करोड ३४ लाख ५७६ रुपैयाँसँ अधिक रहल दावा अख्तियारक आरोपपत्रमे कएलगेल अछि । श्रेष्ठ ई सम्पत्ति परिवारक नाममे सेहो रखने देखलगेल अछि । कोन श्रोतसँ सम्पत्ति आर्जन कएने अछि ई पुष्टी नहि भऽ सकल अख्तियारक प्रवक्ता मदन कोइराला बतओलन्हि । मुद्दामे हुनकर पत्नी जमुना तन्डुकार आ नवलपरासी स्वँठीके भगवती योगीकेँ सेहो प्रतिवादी बनाओलगेल छन्हि । श्रेष्ठके अवैध सम्पत्ति हुनकासभक नाममे रखैत आएल अख्तियार जनओलक अछि ।
श्रेष्ठ अवैध रुपेँ चल अचल सम्पत्ति सिर्जना एवं सवारी खरिद, सेयर लगानी, शिक्षा, विदेश भ्रमण, बैंक मौज्दातमे सेहो ३ करोड ४४ लाख ७७ हजार ५८० रुपैयाँ खर्च कएने देखलगेल अछि । अवैध सम्पत्ति जफत कऽ कऽ हुनकासभकेँ कैद साजय करबालेल आरोपपत्रमे माँग कएलगेल अछि ।

Read More »

प्रदेश पत्रकार महासंघ बुझओलक प्रदेश आमसञ्चार ऐनके मस्यौदा

जनकपुरधाम पुस २६ गते ।प्रदेश २ सरकार लाबि रहल संचार नीतिमे सुझावक लेल नेपाल पत्रकार महासंघ प्रदेश २ प्रदेश आमसञ्चार ऐनके नमूना मस्यौदा सुझाव प्रदेश सरकारकेँ हस्तान्तरण कएलक अछि । महासंघक महासचिव किरण कर्ण बुधदिन आन्तरिक मामिला तथा कानून मन्त्री ज्ञानेन्द्र कुमार यादवकेँ प्रदेश आमसंचार ऐन सम्बन्धी मस्यौदा बुझओलन्हि अछि ।
पत्रकार महासंघ प्रदेश समिति बुझओने आमसंचार ऐनके मस्यौदा २०७५ पत्रकार मैत्रीपूर्ण रहल बताओलगेल अछि । प्रेस तथा अभिव्यक्ति स्वतन्त्रता सम्बन्धी विश्वव्यापी मान्यता, नेपालके संविधानके व्यवस्था आ नेपालमे कार्यान्वयनममे रहल ३ तहक सरकारक मूल मर्म अनुरुप ई मस्यौदा तैयार कएने महासचिव कर्ण जानकारी देलन्हि ।
स्वतन्त्र मिडिया उपर राज्यके कोनो तहक निकायसँ हस्तक्षेप नहि होबाकचाही मान्यता अनुरुप मिडिया सम्वन्धी स्वतन्त्र आ स्वायत्त संरचनाके कल्पना कएलगेल ओ बतओलन्हि । मस्यौदामे मिडियाके कन्टेन वाहेक अन्य नियमन करबालेल तथा हाल केन्द्रमे सूचना विभाग, प्रेस काउन्सिल आ संचार मन्त्रालय सेहो कऽ रहल मिडियाके वर्गीकरण, प्रशिक्षण, लोककल्याणकारी विज्ञापन वितरण, मिडियाके अभिलेखीकरण आ लाइसेन्स वितरण सहितक काजक लेल प्रदेश स्तरमे स्वतन्त्र आ स्वायत्त किसीमक प्रदेश संचार प्राधिकरण स्थापना करबाक प्रस्ताव कएलगेल मस्यौदामे उल्लेख अछि । मिडियाके कन्टेन अनुगमन, उजुरी सुनुवाई आ कारवाही तथा प्रेस पास वितरणके लेल केन्द्रके प्रेस काउन्सिल (काउन्सिलके पुर्नसंरचना आ प्रदेशस्तरमे कार्यालय स्थापनाके माँग एहिसँ आगुए कएलगेल आ अदालतसभक अधिकार रहबाक महासंघ एहिसँ आगुए स्पष्ट कऽ चुकल मस्यौदामे उल्लेख अछि ।

Read More »

हिमालयके साधारणसभामे भव्य सप्ताहव्यापी कार्यक्रम

जनकपुरधाम पुस २६ गते ।मिथिला नगरपालिकाक नक्टाझिजमे अवस्थित हिमालय युवा क्लव अपन २८ अम आ हिमालय बहु उद्येश्य सहकारी संस्था लि. १३ अम साधारणसभा भव्यताके साथ मनाबि रहल अछि । दुनु संस्था संयुक्तरुपेँ सप्ताहव्यापी कार्यक्रमके आयोजना कऽ साधारणसभा मना रहल छैक । सामाजिक, धार्मिक तथा सांस्कृतिक क्षेत्रमे निरन्तर काज करैत आएल क्लब विभिन्न कार्यक्रम कऽ साधारणसभा मनाबि रहल क्लब जनओलक अछि ।
कार्यक्रमके पहिल दिन श्री राम जानकी विद्या आश्रम नक्टाझिजके प्राङ्गणमे छात्रा÷छात्र दौड आ स्लोह साइकल प्रतियोगिता सम्पन्न भेल छल तऽ दोसर दिन हाजिरीजवाफ प्रतिायेगिता जनता मा.वि.नक्टाझिजमा आयोजना कएलगेल छल । कार्यक्रमके तेसर दिन श्री राम जानकी विद्या आश्रम नक्टाझिजके प्राङ्गणमे चित्रकला प्रतियोगिता आयोजना कएने छल । तहिना बुधदिन छात्र, छात्रा सिङ्गल ब्याडमिन्टन प्रतियोगिता क्लव भवनके प्राङ्गणमे सम्पन्न कएलक अछि ।
जाहिमे छात्रा दिस बाल क्लव मि.न.पा. २ क मनिषा कुमारी राय प्रथम आ न्यू दुर्गा नेशनल एकेडमी नक्टाझिजके तुलसि कुमारी महतो द्घितिय स्थान प्राप्त कएने अछि । छात्र दिससँ हिमालय यूवा क्लवके अमित कुमार महतो प्रथम आ गंगा.त्री आवश्य मा.वि. महेन्द्रनगरके महादेव सिंह द्घितिय स्थान हासिल कएने अछि ।
तहिना पाँचम दिन श्री राष्ट्रिय आधारभूत विद्यालय सुग्जोर नक्टाझिजमे वृक्षारोप्न कार्यक्रम, छटम दिन विश्वकर्मा चौक सरसफाइ आ अन्तिम तथा सातम दिन पुस २८ गते क्लव भवनके प्रङ्गणमे रत्तदान कार्यक्रम , साँस्कृति कार्यक्रम , अतिरिक्त क्रियाकलापके आयोजना कएल जएबाक क्लबक अध्यक्ष अरुण कुशवाहा जानकारी देलन्हि ।

Read More »
1 6 7 8 9 10 81