admin

बारा–पर्सा पीडितके लेल प्रदेश सरकार घर बनाओत

जनकपुरधाम चैत २१ गते ।हावाबिहारिसँ बारा आ पर्साक पीडितसभक लेल प्रदेश २ सरकार घर बनएबाक निर्णय कएलक अछि । बुधदिन प्रदेशसभा बैठककेँ सम्बोधन करैत आन्तरिक मामिला तथा कानूनमन्त्री ज्ञानेन्द्र यादव हावाबिहारिक कारण पूर्णरुपेँ घर क्षति भेल पीडितसभक लेल प्रदेश सरकारक तर्फसँ शौचालयसहितके चारि कोठलीक घर निर्माण करबाक घोषणा कएलन्हि अछि ।एहिसँ पहिने मंगलदिन राहत तथा उद्धार व्यवस्थापन उच्चस्तरीय समितिक बैसार बारा आ पर्साक हावाबिहारि प्रभावितसभकेँ प्रदेश सरकार ‘प्रि–फ्याव’ घर उपलब्ध करएबाक निर्णय कएने छल ।
कानूनमन्त्री यादव आगामी चारि महिनाभितर प्रभावितसभकेँ घर बना देत यादव दावा कएलन्हि अछि । मन्त्री यादव पीडितसभ कष्टकर जीवनयापन करबालेल बाध्य रहल कहैत एहिप्रति प्रदेश सरकार गम्भीर रहल बतओलन्हि । त्रिपालक निचा रहल पीडितस गर्मीके कारण समस्यामे रहल कहैत मन्त्री यादव किछुए दिनभितर टेन्टक पूर्ण व्यवस्था भऽ जाएत बतओलन्हि ।
तहिना प्रभावित क्षेत्रमे मच्छरकेँ प्रकोप बढलाक कारण झुल पठा देलगेल मन्त्री यादव जानकारी देलन्हि । उद्धार समाप्त होइते राहत वितरण प्रभावकारी रुपेँ सञ्चालन भऽ रहल कहैत ओ सहयोग कएन्हिारसभकेँ धन्यवाद देलन्हि ।
मन्त्री यादवक अनुसार हावाबिहारिक कारण बारामे २७ आ पर्सामे एक गोटेके मृत्यु भेल अछि । तहिना करिब एक हजार आदमी घायल भेल ओ बतओलन्हि । हावाबिहारिसँ बारामे ९ सय ५८ परिवारक घर पूर्ण रुपेँ आ ९ सय २२ आंशिक रुपेँ क्षतिग्रस्त भेल ओ बतओलन्हि । तहिना पर्सामे १ सय २२ घर पूर्णरुपेँ आ ३ सय ८७ घर आंशिक रुपेँ क्षतिग्रस्त भेल प्रारम्भिक तथ्यांक रहल मन्त्री यादव बतओलन्हि ।

Read More »

बारा आ पर्साक प्रभावितकेँ प्रदेश ३ सरकारक तर्फसँ एक करोड सहयोग

जनकपुरधाम चैत २० गते । बारा आ पर्साक हावाबिहारि प्रभावितकेँ प्रदेश ३ सरकार एक करोड रुपैयाँ आर्थिक सहयोग करबाक घोषणा कएलक अछि । मंगलदिन सम्पत्र प्रदेश ३ सरकारक मन्त्रिपरिषद् बैठक प्रदेश २ क बारा आ पर्सामे भीषण हावाबिहारिसँ प्रभावित भेलसभकेँ ई सहयोग करबाक निर्णय कएलक अछि ।
हावाबिहारिक कारण घरबारविहीन परिवारक आवास निर्माणके लेल एक करोड रुपैयाँ सहयोग करबाक निर्णय भेल प्रदेश सरकारक प्रवक्ता एवं आर्थिक मामिला मन्त्री कैलाशप्रसाद ढुंगेल बतओलन्हि ।
सोमदिन प्रदेश ३ क मुख्यमन्त्री आन्तरिक मामिला तथा कानुनमन्त्री, सामाजिक विकास मन्त्रीसहितक नेतासभ बारा आ पर्सा पहुँच कऽ प्रभावित क्षेत्रक स्थलगत निरीक्षण कएने छलथि ।
तहिना प्रदेश ३ क सांसदसभ सेहो पीडित परिवारकेँ सहयोग करबाक घोषणा कएलन्हि अछि । पडोसी प्रदेशमे समस्या अओलाक कारण चुपचाप रहब ठिक नहि रहल कहैत सोमदिन प्रदेशसभामे सांसदसभ आवाज उठओलाक बाद मंगलदिन प्रदेशसभाक कार्यव्यवस्था परामर्श समितिक बैठक सहयोगक निर्णय कएलक अछि । प्रदेशसभाक सभामुख सानुकुमार श्रेष्ठक अध्यक्षताम बैसल कार्यव्यवस्था परामर्श समितिक बैसार प्रदेशसभाक सभ सदस्यक तीन दिन बराबरकेँ तलब सहयोगस्वरुप प्रदान करबाक निर्णय कएलक अछि ।
तहिना बारा आ पर्साक हावाबिहारि पीडितसभकेँ उदयपुरक दुटा नगरपालिकाक जनप्रतिनिधि आ कर्मचारी एक दिनक तलब सहयोग करबाक घोषणा कएलन्हि अछि ।
उदयपुरक त्रियुगा आ बेलका नगरपालिकाक कर्मचारीसहित जनप्रतिनिधिसभ एक दिनक तलब देबाक घोषणा कएलन्हि अछि । बेलका नगरपालिकाक प्रमुख दुर्गाकुमार थापाक अनुसार कर्मचारी तथा जनप्रतिनिधिसभक एक दिनक तलब १ लाख ६० हजार अछि ।
तहिना त्रियुगा नगरपालिकाक निमित्त प्रमुख प्रशासकीय अधिकृत एकबहादुर राउत त्रियुगा नगरपालिकाक जनप्रनिधि आ कर्मचारीक तलब सहयोग करबाक निर्णय भेल जानकारी देलन्हि । त्रियुगा नगरपालिकामे जनप्रतिनधि आ कर्मचारीक एक दिनक तलब दु लाख होइत अछि ।

Read More »

मृतक परिवारकेँ पाँच लाख राहत देबाक प्रचण्डक घोषणा

जनकपुरधाम चैत २० गते ।नेकपा अध्यक्ष पुष्पकमल दहाल प्रचण्ड बारा आ पर्सामे हावाबिहारिक कारण मृत्यु भेल परिवारकेँ प्रति परिवार ५÷५ लाख रुपैयाँ सहयोग करबाक घोषणा कएलन्हि अछि ।
मंगलदिन बाराक फेटा गामपालिका पहुँचल प्रचण्ड मृतक परिवारकेँ ५÷५ लाख रुपैयाँ देबाक घोषणा कएलन्हि । हावाबिहारि प्रभावितसभकेँ भेट करबालेल बारा पहुँचल प्रचण्ड पर्साक वीरगंजस्थित नारायर्ण उपक्षेत्रीय अस्पताल पहुँच कऽ घायलसभसँ भेट सेहो कएलन्हि ।
प्रचण्ड मधेश शोकमे रहल समय पुरा देशके सहयोग करबाक चाही धारणा रखलन्हि । हावाबिहारिसँ प्रभावित भेलसभक राहत पहुँचएबामे सरकार कोनो कसर बाँकी नहि राखत प्रचण्ड आवश्वास सेहो देलन्हि ।

Read More »

कांग्रेस सभापति देउवा कएलन्हि २५ लाख सहयोगक घोषणा

जनकपुरधाम चैत २० गते ।नेपाली कांग्रेसक सभापति शेरबहादुर देउवा बाराक हावाबिहारिक प्रभावितसभकेँ २५ लाख नगद सहयोग करबाक घोषणा कएलन्हि अछि । हावाबिहारि पीडितसँ भेट करबालेल मंगलदिन बारा पहुँचल कांग्रेस सभापति देउवा राहतस्वरुप २५ लाख रुपैयाँ सहयोग करबाक घोषणा कएलन्हि ।
एहिसँ पहिने उपसभापति विमलेन्द्र निधि सोमदिन १० लाख रुपैयाँ सहयोगक घोषणा कएने रहथि । सभापति देउवा हावाबिहारिसँ मृत्यु भेल परिवारकेँ राहत तथा प्रभावितसभक उपचरा आ पुर्नस्थापना लेल यथाशीघ्र प्रभावकारी कदम उठाबएलेल सरकारसँ माँग सेहो कएलन्हि । मंगलदिन भिन्सर नारायणी अस्पतालमे घायलसभसँ भेट कएने देउवा बाराक भलुही, भरवलियामे हावाबिहारिक प्रभावितसभसँ भेँट कऽ कम्बल, बाल्टिनसहितक सामग्री वितरण कएने छलथि ।

Read More »

राष्ट्रिय शोक घोषणा करबालेल कांग्रेसक माँग

जनकपुरधाम चैत २० गते ।प्रमुख प्रतिपक्षी दल नेपाली कांग्रेस बारा आ पर्सामे आएल विपत्तिकेँ राष्ट्रिय शोक घोषणा करबालेल माँग कएलन्हि अछि । कांग्रेस सभापति शेरबहादुर देउवा हावाबिहारिक कारण बारा आ पर्सामे आएल विपत्तिकेँ राष्ट्रिय शोक घोषणा करबालेल सरकारसँ माँग कएने छथि ।
मंगलदिन बारा आ पर्साक हावाबिहारि प्रभावित क्षेत्र पहुँचल कांग्रेस सभापति देउवा पैघ मानवीय क्षति आ भौतिक क्षति भेल एहि विपत्तिकेँ राष्ट्रिय शोक घोषणा करबालेल सरकारसँ माँग कएलन्हि ।
‘हावाबिहारिसँ बारा आ पर्सामे पैघ मानवीय आ भौतिक क्षति पहुँचल अछि । २७ गोटेके मृत्यु आ चारि सयसँ अधिक आदमी घायल भेल प्राकृतिक विपत्तिसँ एहि क्षेत्रक अवस्था कठिन बनओने अछि,’ देउवा ट्विट करैत कहने छथि,‘हम सरकारकेँ एहि पैघ विपत्तिकेँ राष्ट्रिय शोकके रुपमे लेबएलेल आग्रह करैत छी ।’
सभापति देउवा मंगलदिन बाराक हावाबिहारि प्रभावित क्षेत्र फेटा गामपालिका पहुँच कऽ पीडितसभकेँ पार्टीक तर्फसँ २५ लाख आर्थिक सहयोगके घोषणा कएने छलथि । ओ वीरगंज अस्पताल पहुँच कऽ घायल सभक इलाजके लेल अतिरिक्त प्रबन्ध करबालेल सरकारसँ आग्रह कएने छलथि । घायलसभक इलाजमे आओर चुस्सत्तता आवश्यक रहल देउवा बतओने छलथि ।

Read More »

हावाबिहारि प्रभावितकेँ प्रदेश सरकारक ‘प्रि–फ्याव’ घर

जनकपुरधाम चैत २० गते ।बारा आ पर्साक हावाबिहारि प्रभावितसभकेँ प्रदेश सरकार ‘प्रि–फ्याव’ घर उपलब्ध कराबए जा रहल अछि । विनाशकारी हावाबिहारिसँ प्रभावित भेलसभक लेल राहत तथा पुर्नस्थापना करबाक सम्बन्धमे मंगलदिन सम्पत्र राहत तथा उद्धार व्यवस्थापन उच्चस्तरीय समितिक बैसार ई निर्णय कएलक अछि ।
समितिक बैसार हावाबिहारिसँ पूर्ण रुपेँ घर क्षति भेल पीडितसभकेँ दीर्घकालीन पुनस्र्थापनाके लेल वर्षा मौसम सुरु हएबासँपूर्व (४ महिनाभितर) एकहि रंगक ‘प्रि–फ्याव’ घर निर्माण करबाक निर्णय कएलक अछि ।
तत्काल रहबालेल त्रिपाल, टेन्टसहितक व्यवस्था कएलजाएत आन्तरिक मामिला तथा कानून मन्त्री एवं समितिक संयोजक ज्ञानेन्द्रकुमार यादव जानकारी देलन्हि । एहिसँ पहिने भूकम्प प्रभावितसभकेँ लेल सेहो ‘प्रि–फ्याव’ घर बनाओलगेल छल ।
राहत कार्यकेँ प्रभावकारी बनाबएलेल समिति हेल्प डेस्क स्थापना करबाक निर्णय कएलक अछि । हेल्प डेस्कमे आर्थिक मामिला, सामाजिक विकास राज्यमन्त्रीके संगहि सम्बन्धित जिल्लाक प्रमुख जिल्ला अधिकारी, सुरक्षा निकायक प्रमुख आ गैरसरकारी संस्थाक प्रतिनिधि अनिवार्य रुपेँ उपस्थित रहताह । हेल्प डेस्कक सदस्यसभ राहत संकलन तथा वितरण तथ्यांक अध्यावधिक करबाक संगहि राहत तथा वितरण कार्यमे समन्वय आ सहजिकरण करताह बताओलगेल अछि ।
हावाबिहारिक कारण प्रभावित भेल विद्यालय उमेरक बालबालिकाकेँ ध्यानमे रखैत गैरसरकारी संस्थासँ सेहो समन्वय कऽ अस्थायी सिखाइ केन्द्र स्थापना करबाक निर्णय समितिक बैठक कएने अछि । विपद्मे परल बालबालिकाके कपडा, शैक्षिक सामाग्री तथा खेल सामाग्री उपलब्ध करएबालेल प्रदेश सरकारक सामाजिक विकास मन्त्रालयसँ आग्रह करबाक निर्णय समितिक बैठक कएने अछि ।
तहिना विपद् व्यवस्थापन उच्च समितिमे प्राप्त जिन्सीसहितक सामाग्रीकेँ पारदर्शी बनएबालेल समितिक नाममे खाता सञ्चालन, विपद् पीडितसभक शिकायत सुनवाइ करबालेल फोकल पर्सन रखबाक निर्णय सेहो भेल मन्त्री यादव बतओलन्हि । प्रभावित क्षेत्रमे नियमित स्वास्थ्यकर्मी परिचानल, औषधि वितरण करबाक संगहि क्षति भेल विद्यालय तथा स्वास्थ्य केन्द्रसभक प्राथमिकताअनुसार पूनर्निर्माण करबाक बैठकके निर्णय अछि ।

Read More »

‘भीआइपी’ के लस्करसँ प्रभावितकेँ समस्या

जनकपुरधाम चैत २० गते । रविदिन राती अचानक आएल हावाबिहारिसँ बार आ पर्सामे २७ गोटेके मृत्यु भऽ गेल अछि तऽ करिब पाँच सय सर्वसाधारण घायल अछि ।भीषण हावाबिहारिक कारण सयौं परिवार घरबारबिहीन भेल अछि । हावाबिहारि घर उडा कऽ लऽ गेलाक बाद अपने घरक भग्नावशेषक आगु दिन राति बिताबए पर बाध्य अछि,पीडितसभ ।
खानपानक संगहि लत्ताकपडाके समस्या झेल रहल ओसभ आवश्यक्ताअनुसार राहत नहि पाबि सकल अछि । विभित्र संघसंस्थासभ सहयोग कऽ रहलाक बादो राहत तथा पीडितसभक पुर्नस्थापनामे समस्या देखलगेल अछि ।
एम्हर हावाबिहारिक कारण आएल विपद्केबाद बारा आ पर्सामे ‘भीआइपी’ पहुँचबाक क्रम निरन्तर जारी अछि । रविदिन राति घटना भेलाक बाद सोम आ मंगदिन तक एक दर्जनसँ अधिक ‘भीआइपी’ तथा नेतासभ बारा आ पर्सा पहुँच चुकल छथि । हावाबिहारिसँ भेल क्षतिक विषयमे बुझबालेल तथा पीडितसभसँ भेँट कऽ सान्त्वाना देबएलेल ओसभ लगातार प्रभावित क्षेत्र पहुँच रहल छथि ।
पछिला दु दिनमे प्रधानमन्त्री केपी शर्मा ओली, उपप्रधानमन्त्री उपेन्द्र यादव, गृहमन्त्री रामबहादुर थापा, भौतिक पूर्वाधार मन्त्री रघुवीर महासेठ, नेकपा अध्यक्ष पुष्पकमल दहाल प्रचण्ड, कांग्रेस सभापति शेरबहादुर देउवा, कांग्रेस उपसभापति विमलेन्द्र निधि, राजपा अध्यक्षमण्डकल सदस्य राजेन्द्र महतो, जनमत पार्टीक संयोजक सीके राउतसहितक दर्जनौं नेता बारा आ पर्सा पहुँचल छथि ।
अपने देशक कोनो जिल्ला आ आतुका सर्वसाधारण विपद्के सामना कऽ रहल समय नेतृत्ववर्ग पहुँचब स्वभाविक सेहो अछि । प्रभावित क्षेत्र पहुँचल नेतासभ पीडितकेँ राहतस्वरुप आर्थिक सहयोग करबाक घोषणा सेहो कएलन्हि अछि । नेकपा अध्यक्ष प्रचण्ड मृतक परिवारकेँ जनही ५ लाख, कांग्रेस सभापति देउवा २५ लाख, कांग्रेस उपसभापति निधि १० लाख आर्थिक सहयोगक घोषणा कएने छथि ।
मुदा ‘भीआइपी’ के अधिकतम आवतजावत भेलाक बाद पीडितसभकेँ राहत पहुँचएबाक काजमे कठिनाइ उन्तपत्र भेल अछि । ‘भीआइपी’ अएबाक क्रम बढलाक बाद प्रशासनिक अधिकारीसँ सुरक्षा सयन्त्र व्यस्त हएबाक संगहि प्रभावित क्षेमे सडक ‘जाम’ हएबाक समस्या देखलगेल स्थानीयसभ बतबैत छथि । सडक व्यस्त भेलाक बाद पीडितधरि राहत सामाग्री पहुँचएबाक काज सेहो प्रभावित भेल बताओलगेल अछि ।
वीरगंजक पत्रकार महेश दास ‘भीआइपी’ के आगमनसँ फायदासँ अधिक समस्या देखलगेल बतबैत छथि । ‘पछिला दु दिनसँ पैघ नेतासभक अएबाक क्रम बढल अछि,’ ओ कहलन्हि,‘मुदा हुनकासभकेँ अओलासँ लाभसँ अधि समस्या बढल जँका हमरा बुझि परैत अछि ।’
‘भीआइपी’ आएल समय प्रमुख जिल्ला अधिकारीसँ सुरक्षा निकायक प्रमुखसभ हुनकेसभक स्वागतमे व्यस्त देखलगेल छथि,’ पत्रकार दास कहलन्हि,‘प्रमुख जिल्ला अधिकारीसँ सुरक्षा निकायक प्रमुखसभ आगतस्वागतमे व्यस्त भेलाकबाद पीडितसभक तथ्यांक संकलन काज सेहो निकसँ नहि भऽ सकल अछि ।’ प्रभावकारी ढंगसँ तथ्यांक संकलन नहि भेलासँ पीडितसभ आवश्यक्ताअनुसार राहत सामग्री नहि पाबि सकल हुनकर कहब छन्हि ।
एम्हर बाराके प्रमुख जिल्ला अधिकारी सानुराम भट्टराई भीआइपीके कारण कोनो समस्या नहि देखलगेल बतओलन्हि । भट्टराई कहलन्हि,‘भीआइपीक सुरक्षा लेल अलग सयन्त्र खटल अछि । आ, राहतसहितक काजके लेल हमरासभकेँ अलग सयन्त्र छैक । बहुतबेसी समस्या नहि अछि ।’
‘हावाबिहारिक कारण विपद् आएल समय ओसभ आएब, निरीक्षण आ अवलोकन करब स्वभाविके अछि,’ प्रमुख जिल्ला अधिकारी भट्टराई कहलन्हि,‘निरीक्षण आ अवलोकन करए आएल समय ओसभ सहयोगक घोषणा सेहो कएने छथि ।’

Read More »

‘खुल्ला आकाशक निचा कहिया धरि ?’

जनकपुरधाम चैत २० गते । दैनिकी पुरा कऽ रविदिन राति बारावासीसभ अपन अपन घरमे आराम कऽ रहल छल । खाना खा कऽ कोई सुतिचुकल छल तऽ कोई सुतबाक तैयारीम छल । घरे तोडबाक हिसाबसँ हावाबिहारि आबि कऽ बितण्डा मचाओत केऊ सोचने तक नहि छल ।
मुदा रातिमे अचानक आएल भीषण हावाबिहारिसँ करिब पाँच मिनेट धरि मचओने ताण्डव कतेको बालबालिकाकेँ टुगर बनओने अछि तऽ कतेको अपन सन्तान गुमा चुकल अछि । हावाबिहारिक कहरसँ घायलसभकेँ कलैया आ वीरगंजक अस्पतालमे इलाज चलि रहल अछि । मुदा, घरद्धारक चिन्तामे अछि, ओसभ । तेज गतिसँ आएल हावाबिहारिमे जान बँचिगेलाक बादो परिवारक सदस्य एहि दुनियामे नहि रहल चिन्तामे अछि, अस्पतालमे इलाज करा रहल घायलसभ ।
पाथर आ पानिसँग आएल हावाबिहारि फेटा, सुवर्ण, प्रसौनी गामापलिका, गढीमाइ नगरपालिकाक कतेको वार्डक अधिकांश परिवारकेँ ओत लगबाक जगह सेहो नहि छोडने अछि । हावाबिहारिक सभसँ अधिक कहर देखलगेल अछि बाराक फेटा गामपालिकामे । फेटामे मात्र १४ गोटेके मृत्यु भेल अछि ।
ओत लगबाक जगह नहि रहलाक कारण खुल्ला आकाशक निचा राति बिताबएलेल बाध्य अछि, पीडितसभ । हावाबिहारि बितण्डा मचा कऽ घरबारविहीन भेला दु दिन बितगेलाक बादो सरकारी राहत पीडितधरि नहि पहुँच सकल अछि । सरकार किछुथान त्रिपाल पठओलाक बादो सुवर्ण गामपालिकाक पीडित धरि नहि पहुँच सकल अछि । सामान्य त्रिपाल सेहो नहि भेटलाकबाद अपने घरक भग्नावशेषक आगु राति बिताबए पर बाध्य अछि, सुवर्ण गामापालिकाक पीडतसभ । करिब ६÷७ घर प्रभावित रहल सुवर्ण गामपालिकाक पीडितसभ आओर कतेक दिन खुल्ला आकाशक निचा राति बिताबए परत कहैत सरकारसँ प्रश्न कऽ रहल अछि ।
‘घर हावबिहारि समाप्त कऽ देलक, आब तऽ रहबालेल जगह सेहो नहि अछि,’ सुवर्ण गामपालिकाक नसिमा कहलीह,‘आओर कतेक दिन आकाशक निचा रहए परत नहि मालुम ।’ ‘नेतासभ अबैत छथि, जाइत छथि मुदा केऊ किछु कएने जँका नहि बुझा रहल अछि,’ नसिमाक शिकायत अछि ।
नसिमाजँका ओतुका अधिकांश सर्वसाधारण एहि प्रकारक पीडा भोगि रहल अछि । दिन कहुना कटिगेलाक बादो राति कटबामे कठिनाइ भेल अछि, प्रभावितसभकेँ । खुल्ला आकाशक निचा दिनराति काटिरहल सभकेँ कमसँ कम एकटा त्रिपालक व्यवस्था भऽ जाइत जेना लागि रहल अछि ।
गामपालिका खानपानक व्यस्था तऽ कऽ देने अछि, मुदा राति काटएमे पैघ समस्या भेल अछि बतबैत छथि हमिम अन्सारी । ‘नहि रहबाक जगह अछि, आ नहि सुतएके, आब हमसभ कतह जाऊ,’ हमिम बतओलन्हि । आब तऽ दिनो काटएमे कठिनाइ भऽ रहल समिम अपन पीडा सुनओलन्हि ।
दातृ संस्थासभसँ आएल राहत सामग्री सेहो बाराक फेटामे मात्र केन्द्रीत भेल रविदिन रातिएसँ उद्धार एवं राहत कार्यमे खटल विनोद महतो बतबैत छथि । ‘एतुका करिब ६÷७ घरपरिवार प्रभावित अछि । मुदा सरकारी राहत एखनधरि नहि देखलगेल अछि,’ महतो कहलन्हि,‘सरकार पठओने त्रिपाल सेहो एतह नहि पहुँच सकल अछि ।’
गामपालिका दु साँझ खानाके व्यवस्था कऽ देने कहैत महतो स्थानीय तहक सहयोगबाहेक पीडितसभ आओर किछु नहि पाबि सकल बतओलन्हि । ‘गामपालिका अपन प्रयाससँ तीन स्थानमे मेस सञ्चालन कऽ देने अछि, प्रभावित परिवारक खानपीन ओतहि भऽ रहल,’ महतो बतबैत छथि ।
रविदिन राति अचानक आएल हावाबिहारिक कारण बारा आ पर्सामे २७ गोटेके मृत्यु भऽ गेल अछि तऽ करिब पाँच सय सर्वसाधारण घायल अछि । तीव्र गतिके हावाबिहारिसँ सयकडौं परिवार घरबारविहीन भेल अछि । पैघ विपत्तके सामना कऽ रहल बारामे सरकारी राहत कार्य तिव्रता नहि पाबि सकल अछि ।

Read More »

शहीद कप क्रिकेटः जनकपुर आ कानपुरबीच फाइनलमे

जनकपुरधाम चैत १९ गते ।जनकपुरमे जारी तेसर शहीद कप टी–२० क्रिकेट प्रतियोगिताक उपाधिके लेल जनकपुर आ भारत उत्तर प्रदेशक कानपुरबीच प्रतिस्पर्धा होबए जा रहल अछि ।स्थानीय रंगभूमि मैदानमे सोमदिन सम्पत्र दोसर सेमिफाइनलमे दरभंगा क्रिकेट क्लबके १२ रनसँ पराजित करैत कानपुर सोनेट क्रिकेट क्लब फाइनलमे प्रवेश कएलक अछि । एहिसँ पहिने सोमेदिन सम्पत्र पहिल सेमिफाइनल खेलमे वीरगंजकेँ ७ वीकेटसँ पराजित करैत जनकपुर फाइनलमे प्रवेश कएने छल ।
कानपुर देने १०३ रनक लक्ष्यके पाछु कएने दरभंगा १७.५ ओभरमे अपन सम्पूर्ण विकेटके क्षति पर मात्र ८९ रन बना सकल छल । दरभंगाके लेल आशु कन्डोल सर्वाधिक २६ रन बनओलन्हि । तहिना रजनीश गौरव १९ आ रानीव कुमार १० रनक योगदान देलन्हि । बलिङतर्फ कानपुरक शिवम दिक्षित ३.५ ओभरमे १६ रन दऽ कऽ तीन विकेट लेबएमे सफल भेल छलथि ।
एहिसँ पहिने टौस जीत कऽ पहिने बैटिङ कएने कानपुर निर्धारित २० ओभरमे १०२ रन बनओने छल । खेलमे कानपुरक शिवम दिक्षित मैनअफ द मैच घोषित भेल छलथि । फाइन खेल मंगलदनि खेलल जाएत ।

Read More »

कलेज क्रिकेट लिगमे ट्रिटन च्याम्पियन

जनकपुरधाम चैत १९ गते ।काठमाण्डुमे सम्पत्र कलेज क्रिकेट लिग (सिसिएल) टी–२० क्रिकेटक उपाधी ट्रिटन कलेज जितलक अछि । कीर्तिपुरस्थित टीयू क्रिकेट मैदामे सम्पत्र फाइनल खेलमे गोल्डेन गेट कलेजकेँ ५ विकेटसँ पराजित करैत ट्रिटन उपाधी जितने अछि ।गोल्डेन गेट देने १ सय २७ रनक लक्ष्य पाछु कएने ट्रिटन १९.२ ओभरमे मात्र ५ विकेटके क्षतिमे जीत हासिल कएने छल । ट्रिटनके जीतमे प्रदीप ऐरी अविजित ४५ रनक योगदान देलन्हि ।
एहिसँ पहिने गोल्डेन गेट २० ओभरमे ७ विकेटके क्षति पर १ सय २६ रन बनओने छल । टौस हारि कऽ पहिने बैटिङ कएने गोल्डेन गेट दिपेन्द्रसिंह ऐरीक अर्धशतकके मदतसँ १ सय २६ रन बनओने छल । जबाबमे प्रदीप ऐरी अविजित ४५ आ विक्रम सोब ६ बलमे महत्वपूर्ण १७ रनक योगदान देने छलथि ।
सामान्य लक्ष्यके पाछु करबाक क्रममे ट्रिटनके १६ रनमे दुटा विकेट खसि परल छल । मुदा प्रदीप आदिल खानसँगक तेसर विकेटके लेल ६५ रनक महत्वपूर्ण साझेदारी करैत टिमके खेलमे कायम रखलन्हि । राष्ट्रिय टिममे हालहि प्रवेश कएने अविनाश बोहोरा आदिल आ विनोद भण्डारीकेँ ११ रनमे आउट कएलन्हि तऽ किरण ठगुत्रा अमर सिंह रौटेलाक बलमे आउट भेलाक बाद गोल्डेन गेट खेलमे घुरल छल ।
अन्तिम ८ बलमे १५ रन आवश्यक रहल अवस्थामे विक्रम १९ अम ओभरके अन्तिम दु बलमे अविनाश छक्का प्रहार कएलाक बाद ट्रिटनके जीत सहज बनल छल । प्रतियोगिताक विजेता ट्रिटनके २ लाख २२ हजार २ सय २२ रुपैयाँ पुरस्कार देलगेल । तहिना उपविजेता गोल्डेन गेट १ लाख ११ हजार १ सय ११ रुपैयाँ पुरस्कार जितल ।

Read More »
1 31 32 33 34 35 138