admin

राजपा सरकारसँ समर्थन फिर्ता लऽ रहल

काठमाण्डू १९ गते ।राजपा नेपालक नेता लक्ष्मणलाल कर्ण आब चारि दिनक सरकारकेँ देने समर्थन फिर्ता लेबाक स्पष्ट कएलन्हि अछि । ओ कहलन्हि,‘ आब एहि सरकारकेँ समर्थन जारी राखएके औचित्य नहि अछि । हमरासभक पार्टीके आब बैसएबला बैठक समर्थन फिर्ता लेबएके निर्णय करत ।’ नेता कर्ण अपनेसभ सरकारमे जाए लेल एहि सरकारकेँ समर्थन नहि कएने सेहो स्पष्ट कएलन्हि । ंमगलदिन रिपोर्टर्स क्लब नेपाल आयोजना कएने साक्षात्कारमे ओ कहलन्हि,‘हमसभ तऽ संविधान संशोधन आ आन्दोलनक समय हमरासभक नेता तथा कार्यकर्ता उपर लगाओलगेल मुद्दा फिर्ता कराबए लेल एहि सरकारकेँ समर्थन देने छी । मुदा, दुनु विषयमे एखन धरि सरकार हमरासभसँग कोनो छलफल नहि कएने अछि । ताहिसँ आब समर्थन कायम राखएके औचित्य नहि अछि ।’
ओ वर्तमान सरकार पूर्ण रुपेँ असफल भऽ गेल सेहो आरोप लगओलन्हि । ओ कहलन्हि,‘सरकार कोनो निक काज नहि कऽ सकल अछि । स्थानीय सरकारमे एखन विकास रकमके चरम दुरुपयोग भेल अछि । वास्तवमे कहल जाए तऽ ई सरकार निक काज किछु नहि कऽ सकल अछि ।’
सरकार देशमे शान्ति, सुरक्षा आ अमनचयन सेहो कायम करए नहि सकल हुनकर आरोप छन्हि । कर्ण वर्तमान प्रधानमन्त्री केपी शर्मा ओली क्रिश्चियन धर्म प्रचार करबालेल योगदान देने आरोप लगओलन्हि ।

Read More »

अशक्तसभ एखनो सरकारी सेवासुविधासँ वञ्चित

जनकपुरधाम १९ गते । धनुषाक क्षिरेश्वरनाथ नगरपालिका–५ क श्याम यादवके दाढीसँ कम्मरसँ सेहो निचा धरि मांस बढि कऽ आएल अछि । हुनकर मुहभरि छोट छोट फोका अछि । केऊ कनिक बेसी समय धरि देखैत रहब हुनका निक नहि लगैत तऽ हुनका अकक्ष लागि जाति अछि । नहि तऽ अधिक चलबुल कऽ सकैत छथि श्याम, नहि तऽ हुनका अधिक चलएमे निक लगैत अछि । ‘हमरा देख कऽ घुरि घुरि कऽ देखब, हमरा विषयमे बात करैत चलब हमरा निक नहि लगैय, धियापुता सेहो हमरा देख कऽ डराइत रहैत अछि ,’ओ कहलन्हि,’ काज करब तऽ बहुत दुर दुरके बात अछि चलफिर सेहो नहि कऽ सकैत छी हम ।’ श्यामके जन्मके समय हुनकर दाढीके निचा एकटा छोट फोका छल । आ पाछा उमेर बढैतगेल सँगहि दाढीके निचा मांस बढैत गेल । सामान्य अवस्थामे हुनका ओ ओ मांस नहि दुखएला बादो हल्का चोट लगला बाद खुन आबए लगैत अछि आ दुःखाइके पीडासँ ओ छटपटाए लगैत छथि ।
गाम नजदिकक बजार गेलापर, गाडीपर चढलापर आदमीसभ डरा लगैत छथि ओ बतओलन्हि । ‘बसके सिटमे बैसलसँगक यात्री सिट छोडि कऽ चलि जाइत अछि । ‘किछु गोटे नहि निक बातसभ बाजए लगैत अछि तऽ धियापुता डरा कऽ भागि जाइत अछि,’ ओ कहलन्हि, ‘हमराजँका पीडा आओर किनको नहि भोगए परए ।’ आदमीसभक एहन व्यवहारसँ ओ रातिभरि घरमे सोंचैत छथि । ‘हमर पीडा बुझएबला एहि संसारमे भगवान् तऽ नहि अछि ,’ श्याम कहैत छथि ,‘बाबु तऽ स्वर्गवास भऽ गेलन्हि, माय आ मामाके साथ आ सहयोगसँ जिव रहल छी ।’
शारिरीकरूपँे सामान्य चलफिर बाहेक किछु नहि कऽ सकला बादो ओ अपाङ्गता भेल व्यक्तिके सूचीमे नहि अछि । ‘एकटा अँगुरी काटलगेल व्यक्तिसँग अपाङ्गता भेल कार्ड रहैत अछि । हुनकासभकेँ सरकारी सुविधा आ भत्ता भेटैत अछि मुदा, हम किछु काज नहि कऽ सकला बादो सरकारी सुविधा आ भत्ता नहि पाबि रहल छी,’ ओ अपन दुःख व्यक्त कएलन्हि । ओ मानसिक रूपँे सेहो पूर्णरूपेँ सक्षम नहि छथि । मुदा, छोट घाव चोट लागल व्यक्ति पहुँचक आधारमे अपाङ्गता भेल कार्ड लऽ कऽ तलव तथा सरकारी सुविधा लेलापर ओ देखैत रहि जाइत छथि । ४५ वर्षीय श्याम धनुषाक लक्ष्मिनिया गामपालिकास्थित निकालमे अपन मामाके घरपर रहैत छथि ।
श्यामएजँका दुःख व्यक्त कऽ रहल छथि मिथिला विहारी नगरपालिका–७ क दृष्टिविहीन परिवारक रामसती साह । ओ तीन भाइबहिन छथि । तिनु भाइबहिन दृष्टिविहीन छथि । ओ जेनातेना गाम पडोसमे दोसरके घरपर काज कऽ गुजर चलाबि रहल छथि । ‘हमसभ घरमे तीनु भाइबहीन दृष्टिविहीन छी । दोसर गोटेके दाया लागि कऽ कोनो काज देला बाद हमसभ खाइत छी, गुजर चलाबि रहल छी,’ ओ कहलीह,‘ मुदा, हमसभ सरकारसँ अपाङ्गता भत्ता सहितक सेवा सुविधा नहि पाबि रहल छी ।’ मिथिलाविहारी नगरपालिका–७ क दृष्टिवीहीन मन्तोरीया कुमारी स्थानीय तहक चुनावसँ आगा एक वर्ष धरि तीन सय रूपैयाँके दरसँ मासिक भत्ता पएलहुँ ।
मुदा, स्थानीय जनप्रतिनिधि आबि गेला बाद अपाङ्ग भत्ता देबए बन्द कएला बाद जीविका जलाबए समस्या भऽ रहल मन्तोरीया दुःख व्यक्त कएलीह । मिथिला नगरपालिकामे मात्र करिब ४०० अपाङ्गता भेल व्यक्ति रहल आ ओसभ पाबएबला सेवा सुविधासँ वञ्चित रहल तराई अपाङ्ग संघक अध्यक्ष विन्दुकुमार यादव बतओलन्हि । ‘तत्कालीन गाविस विघठन भऽ गेला बाद स्थानीय निर्वाचनक बाद अपाङ्गता भेल व्यक्तिसभ पाबएबला सेवा सुविधासँ वञ्चित भेल अछि,’ अध्यक्ष यादव कहलन्हि ,‘हमसभ नगर प्रमुखकेँ भेंट कऽ अपाङ्ग भत्ता विषयमे माँग कएलाबादो सुनुवाई नहि भेल अछि ।’ देश नयाँ संरचनामे गेला बाद एहिसँ आगा महिला विकाससँ अपाङ्गता भेलसभक लेल आएल भत्ता देबएबला अधिकार स्थानीय तहकेँ देलगेल अछि । मुदा, नगर प्रमुख अनिल यादव स्थानीय तहके भत्ता देबए परैत अछि एहि विषयमे अपनाकेँ जानकारी नहि रहल प्रतिक्रिया देलन्हि ।

Read More »

श्रृंखला खतिवडा मिस वर्ल्ड के फाइनलमे

काठमाण्डू १८ गते ।मिस वर्ल्ड २०१८ मे प्रतिस्पर्धा कऽ रहल श्रृंखला खतिवडा मल्टिमिडिया अवार्ड जित निकालैत अन्तिम ३० मे अपन स्थान सुरक्षित बनाबए सफल भेली अछि । मल्टिमिडिया अवार्डके विजेता एकटा मात्र रहालासँ ई तीन फाइनालिस्टमेसँ केन्या आ मेक्सिकोकेँ पाछा करैत नेपालक श्रृंखला मल्टिमिडिया अवार्ड जितएमे सफल भेली अछि । नेपाल ई अवार्ड जितल पहिल बेर अछ । मल्टिमिडिया अवार्डक लेल नेपालसहित केन्या, चीन, पोर्टो रिको आ बेलायत सान्या टुरिजम भिडियो च्यालेञ्जके उत्कृष्ट ५ मे परल छल । ओहिमेसँ ओभरअल मल्टिमिडिया फाइनालिस्टमे नेपाल, मेक्सिको आ केन्या स्थान बनओलक । एहिके सँगहि श्रृंखला मिस वल्ड २०१८ के फाइनमे प्रवेश कएली अछि ।

Read More »

सीके राउतके बन्दी प्रत्यक्षीकरण रिट खारेज

काठमाण्डू १८ गते ।सर्वोच्च अदालत राज्यविरुद्धक सङ्गठित कसुर मुद्दामे पकराएल सिके राउत (चन्द्रकान्त) के बन्दीप्रत्यक्षीकरण निवेदन खारेज कएलक अछि । न्यायाधीशद्वय दीपकराज जोशी आ बमकुमार श्रेष्ठके इजलाससँ सोमदिन राउतसम्बन्धी बन्दीप्रत्यक्षीकरणके निवेदन खारेज कएलक अछि । न्यायाधीशद्वयके आदेशमे कहलगेल अछि, ‘राउतविरुद्ध रौतहट जिल्लामे दर्ता भऽ विचाराधीन रहल राज्यविरुद्धके सङ्गठित कसुर अपराधके मुद्दामे बयानक लेल उपस्थित कराएब ।’ सर्वोच्च अदालत राउतकेँ थप बयानक लेल रौतहट पठाओलगेल अछि । स्वतन्त्र मेधशक विषयमे राज्यविरुद्धक वक्तव्य देने कहैत प्रहरी निन्त्रणमे लऽ राउतविरुद्ध रौतहटमे मुद्दा चलओने छल । ओही क्रममे राउत धरौटी या साधारण तारेखमे थुनामुक्त करबालेल माँग करैत गत कात्तिक १२ गते सर्वोच्च अदालतमे बन्दीप्रत्यक्षीकरणके रिट निवेदन दर्ता कएने छल ।

Read More »

सातु प्रदेशमे नेकपाके पुर्णता भेटल

काठमाण्डू १८ गते ।सत्तारुढ नेकपा सातु प्रदेशक कमिटीकेँ पूर्णता देलगेल अछि । प्रदेश कमिटीके सम्पूर्ण सदस्यसभक नाम सार्वजनिक कएलक अछि । महासचिव बिष्णु पौडेल सोमदिन जारी कएने विज्ञप्तीमे पूर्णता भेटल सभ प्रदेश कमिटीके सदस्यसभक नाम सार्वजनिक कएलगेल अछि । नेकपाक अध्यक्षद्वय केपी ओली आ पुष्पकमल दाहाल प्रदेश कमिटिमे रहएबला सदस्यसभक सूचीकेँ अन्तिम रुप देला बाद महासचिव पौडेल नाम सार्वजनिक कएने अछि । पूर्व एमाले आ पूर्व माओवादी केन्द्रबीच भागबण्डाके आधारमे प्रदेश कमिटीकेँ पूर्णता देलगेल अछि ।
प्रदेश कमिटिमे प्रदेश–१ क २०७ गोटेमे एमाले–१२२ आ माओवादी केन्द्र–८५, प्रदेश–२ क २१५ मे एमाले–१०६, माओवादी केन्द्र–१०६ आ पार्टी एकता बाद नेकपा प्रवेश कएने ३, प्रदेश–३ क २१७ मे एमाले–११६ आ माओवादी केन्द्र–१०१, गण्डकी प्रदेशक १८७ मे एमाले–१०२ आ माओवादी केन्द्र–८५ अछि । तहिना प्रदेश–५ क २०३ मे एमाले–१०६ आ माओवादी केन्द्र–९७, कर्णाली प्रदेशक १७५ मे एमाले–८७ आ माओवादी केन्द्र–८८, सुदुरपश्चिम प्रदेशक १८३ मे एमाले–१०० आ माओवादी केन्द्र–८३ रहल अछि ।

Read More »

प्रधानन्यायाधीश सिफारिसमे फेरसँ चलखेल

काठमाण्डू १८ गते ।विशेष आन्तरिक परामर्श आ गृहकार्यके बाद अगहन २२ गते बैसएजँका प्रधानन्यायाधीस सिफारिसके बैठक स्थगित भेल अछि । नेपाली कांग्रेसक सभापति तथा प्रमुख प्रतिपक्षी दलका नेता शेरबहादुर देउवा आन्तरिक परामर्श आ छलफलके लेल थप समय मँगला बाद बैठक स्थगित भेल अछि । कांग्रेस संवैधानिक परिषद्के सिफारिसकेँ बहुमतके आडमे उन्टा कऽ न्यायालयकेँ राजनीतिक प्रभावमे रखबाक प्रयास कएलगेल विषयकेँ महत्वके साथ उठबैत आएल अछि । एहिसँ आगा संवैधानिक परिषद् दीपकराज जोशीके नाम प्रधानन्यायाधीशमे सिफारिस भेला बादो संसदीय सुनुवाइ समितिमे बहुमतसँ ओहिकेँ अस्वीकृत कएलगेल छल ।
बैठक बैसएके सूचना भेटला बाद सभामुख, राष्ट्रिय सभाक अध्यक्ष, प्रधानन्यायाधीश, प्रमुख प्रतिपक्षी दलका नेता आ कानुनमन्त्री प्रधानमन्त्री कार्यालय पहुँचल छलथि । बैठकमे सहभागी होबएके साथ विपक्षी नेता देउवा थप समय मँगला बाद बैठक स्थगित कएलगेल परिषद् सदस्य तथा राष्ट्रियसभा अध्यक्ष गाणेशप्रसाद तिमिल्सिना बतओलन्हि । प्रधानन्यायाधीश ओमप्रकाश मिश्र आगामी पुस १७ गते उमेर हदके कारण अवकाश प्राप्त करए जा रहल छथि । प्रधानन्यायाधीश ओमप्रकाश मिश्र अवकाश होबएसँ एक महिना आगा नयाँ प्रधानन्यायाधीश नियुक्तके प्रकिया आगा बढाओलगेल अछि ।
न्यायपरिषद प्रधानन्यायाधीशके लेल योग्यता पहुँचल न्यायाधीशसभक रोस्टर संवैधानिक परिषदके सचिवालयमे पठओला बाद परिषद्के बैठक बजाओलगेल अछि । न्यायपरिषद् सचिवालय प्रधानन्यायाधीशके लेल सर्वोच्च अदालतक वरिष्ठतम न्यायाधीश दिपकराज जोशी आ चोलेन्द्रशमसेर जबराके नाम सिफारिस कएने अछि । प्रधानन्यायाधीशमे प्रस्तावित दीपकराज जोशीके नियुक्तिके लेल संवैधानिक परिषद्के सिफारिसकेँ उन्टओला बाद कांग्रेस ओहिकेँ निर्णय प्रक्रिया बहिष्कार कएने छल ।
बहुमतके आडमे संवैधानिक निकायकेँ अपन प्रभावमे रखबाक प्रयास कएलगेल कहैत कांग्रेस विरोध करैत आएल अछि । ओहिसँ एहि बेर सेहो सतापक्षक इच्छा अनुसार प्रधानन्यायाधीश नियुक्ति प्रक्रियाकेँ सहज रुपेँ आगा बढए नहि देबाक रणनीतिमे कांग्रेस अछि । एहिबेर सेहो प्रधानन्यायाधीशके स्वभाविक रोलक्रमके पहिल नम्बरमे दीपकराज जोशी छथि । संसदीय सुनुवाइमे अस्वीकृत भेला बादो हुनका उपर कोनो अभियोग लागल पुष्टि नहि भेल अछि । ओ वरिष्ठ न्यायाधीशके हैसियतमे काज कऽ रहल अछि ।
प्रधानन्यायाधीशके लेल प्रस्तावित दोसर न्यायाधीश चालेन्द्र शम्शेर राणा सेहो विवादमुक्त नहि छथि । हुकर किछु फैसला विवादमे अछि तऽ बेन्च बहिष्कार कएने आ न्यायालय भितर गुटबन्दी करबाक सहितक आरोप हुनका उपर अछि । चोलेन्द्र करिब साढे चारि वर्ष प्रधानन्यायाधीश हएबाक तय भेला बाद किछु समय जोशीकेँ अवसर देबएके पक्षमे पहल भऽ रहल अछि । एहिमे कांग्रेस अडान लऽ रहल अछि तऽ प्रधानमन्त्री ओली सेहो एहिमे नकारात्मक नहि छथि ।
नेकपाक दोसर अध्यक्ष पुष्पकमल दाहाल प्रचण्ड जोशीके छोट इन्ट्रीके लेल ग्रिन सिग्नल दऽ चुकल छथि । सोमदिन बैठक स्थगित होएब सेहो याह संकेत देने अछि । संविधानमे प्रधानन्यायाधीश अवकाश होबएसँ एक महिना आगा संवैधानिक परिषद् नयाँ प्रधानन्यायाधिशके नाम सिफारिस करए परबाक संवैधानिक व्यवस्थाके पालना नहि भऽ सकल अछि । लम्बा समय कामु प्रधानन्यायाधीश सर्वोच्च अदालतक नेतृत्व कएला बादे संवैधानिक परिषद नाम सिफारिस कऽ संसदीय सुनुवाईके प्रक्रिया पूरा करबाक प्रचलनसँ न्यायालयमे अनिश्चितताके स्थिति सेहो पैदा भेल अछि ।

Read More »

पेट्रोलियम पदार्थक मुल्य घटल

जनकपुरधाम १८ गते । सरकार पेट्रोल, डिजेल आ मटियातेलके मूल्य घटओलक अछि । सोमदिन राति १२ बजेसँ लागू होबएजँका प्रतिलिटर २÷२ रुपैयाँ घटओने निगम सञ्चालक समितिक सदस्य अरिबन्द अग्रवाल जानकारी देलन्हि । भारतीय आयल निगम रविदिन पठओने नयाँ मुल्य सूचीअनुसार नेपाल आयल निगम पेट्रोलियम पदार्थक मूल्य समायोजन भेल अछि । नयाँ मूल्य अनुसार आब पेट्रोल प्रतिलिटर ११२ रुपैयाँमे किनल जा सकैत अछि । तहिना डिजेल आ मटितेलके मूल्य प्रतिलिटर ९९ रुपैयाँमे आएल अछि । निगम हवाई इन्धन आ खाना बनाबएबला ग्यासके मूल्य यथावत राखलगेल अछि । ई समायोजन पश्चात सेहो भारतक रक्सौलसँ अधिक नेपालक वीरगंजतर्फक सीमा मूल्यमे पेट्रोलमे १२.३२ रुपैयाँ प्रतिलिटरसँ आ डिजेलमे १५.७१ रुपैयाँसँ सस्ता भेल अछि ।
निगमकेँ एहि आथिर्क वर्षमे मात्र ३ अर्व ८४ करोड घाटा भऽ चुकल निगमके प्रवक्ता विरेन्द्र गोइत बतओलन्हि । खरिद मूल्य अत्याधिक बढल समय सेहो नेपाल सरकार तथा सम्बन्धित संसदिय समितीके पावनि तिहारक समय पेट्रोलियम पदार्थके मूल्य नहि बढाबए अनुरोध कएला बादो निगम मूल्यवृद्धि नहि कएने छल ।
आब निगमकेँ पेट्रोलमे प्रतिलिटर ११.४४ रुपैयाँ नाफा अछि । डिजेलमे प्रतिलिटर ५.८१ रुपैयाँ अछि । ग्याँसमे प्रति सिलिण्डर २८४.८३ रुपैयाँ घाटा अछि । समग्रमे निगमकेँ आगामी १५ दिनमे करीब ५६ करोड ५८ लाख नाफा होएत ।

Read More »

क्याम्पस प्रमुख लालकेँ कार्यकक्षएमे थुनलगेल

जनकपुरधाम १८ गते । जनकपुरस्थित रारा बहुमुखी क्याम्पसके प्रमुखके कार्यकक्षमे थुनलगेल छन्हि । क्याम्पसके पठनपाठन सुधार करर्बातर्फ उत्सुक्त नहि देखओने कहैत नेवि संघआवद्ध विद्यार्थीसभ क्याम्पस प्रमुख डा। विजयकुमार लालकेँ कार्यकक्षमे थुनलगेल अछि ।
एहि क्षेत्रक सभसँ पुरान क्याम्पस रहला बादो प्रशासकीय कमजोरीके कारण धाराशायी बनैत गेल नेवि संघ आरोप लगओलक अछि । क्याम्पसके शैक्षिक अवस्था सुधार करए, नियमित कक्षा सञ्चालनके व्यवस्था करए सहितक माँग रखैत चारि महिना आगा ज्ञापनपत्र बुझओला बादो प्रमुख लाल उत्सुक्ता नहि देखओला बाद बाध्य भऽ कार्यकक्षमे थुनए परल नेवि संघ धनुषाक सभापति सुजित मिश्र बतओलन्हि ।
क्याम्पसमे नियमित पठनपाठन नहि भेलासँ विद्यार्थीसभक भविष्य अनिश्चिततामे परला बादो सामाधान करबालेल प्रमुख गम्भीरता देखाबए नहि सकल विद्यार्थीसभक आरोप अछि । प्राध्यापकसभ क्याम्पस नहि आएब, सम्बन्धित विषयक प्राध्यापकसभक अभाव आ कार्यरत अधिकांश प्राध्यापक निजी शैक्षिक संस्थासभमे व्यस्त रहला बादो क्याम्पस प्रशासन सामाधान करए नहि सकल विद्यार्थीसभ बतबैत छथि । क्याम्पस नियमित रुपेँ सञ्चालनमे रहला बादो क्याम्पस प्रमुख लाल पठनपाठन व्यवस्थित करबातर्फ ध्यान नहि देने नेवि संघआवद्ध विद्यार्थीसभक आरोप अछि । विगत किछु वर्ष आगा धरि हजारोके संख्यामे विद्यार्थीसभ अध्ययन कऽ रहल रारा बहुमुखी क्याम्पसमे शैक्षिक गुणस्तर कमजोर होइत गेला बाद विद्यार्थीके संख्यामे सेहो कमी होइत आएल अछि ।

Read More »

निर्मलाकेँ न्यायके माँग करैत जनकपुरमे प्रदर्शन

जनकपुरधाम १८ गते ।बलात्कारक बाद हत्या भेल निर्मला पन्तकेँ न्यायके माँग करैत पुनः जनकपुरमे प्रदर्शन भेल अछि । नेपाली कांग्रेसक युवा संगठन नेपाल तरुण दल निर्मलाके हत्या भेल चारि महिना बित गेला बादो अपराधी कानुनी दायरमे नहि आबि सकल कहैत जनकपुरमे प्रदर्शन कएलक अछि । बलात्कारक बाद हत्या जेहन जघन्य अपराधिक घटनामे संलग्न अपराधीकेँ नुकाबए आ बँचाबए कतहु सरकारे तऽ नहि लागल अछि तरुण दल प्रश्न सेहो कएलक अछि ।
जनकपुरधाम–४ पिडडिया माइस्थानस्थित कांग्रेस पार्टी कार्यालयसँ निकलल तरुण दलके विरोध जुलुस नगरके विभिन्न क्षेत्रक परिक्रमा कऽ जिल्ला प्रशासन कार्यालय जा कऽ प्रमुख जिल्ला अधिकारीकेँ ज्ञापनपत्र सेहो बुझओलक अछि । निर्मला हत्यामे संलग्न व्यक्तिकेँ यथाशीघ्र कारबाहीके दायरमे लाबए माँग करैत ज्ञापनपत्रमे सशक्त आन्दोलनके चेतावनी सेहो देलगेल अछि ।
एहिके सँगहि तरुण दल चरम महँगीके कारण सर्वसाधारणकेँ कष्ठ भोगए परि रहल कहैत सरकारके ध्यानाकर्षण करओलक अछि । दैनिक उपभोग्य वस्तुसँ अन्य सामग्रीसभमे मूल्यवृद्धि कऽ कऽ सरकार शोषणमे उतरल हुनकासभक आरोप अछि । दैनिक उपभोग्य वस्तु एवं निर्माण सामग्री सहितमे कएलगेल मूल्यवृद्धि तत्काल फिर्ता लेबए तरुण दल माँग कएलक अछि ।
सभ तह आ तप्कामे भऽ रहल भ्रष्टाचारक कारण जनताकेँ समस्या भोगए परि रहल यथार्थसँ सरकार अवगत रहला बादो नियन्त्रण करबामे असफल रहल तरुण दल बुझओने ज्ञापनमे आरोप लगाओलगेल अछि । नेपाल वायुसेवा निगमके ‘वाइड बडी’ विमान खरिदमे भेल भ्रष्टाचार विषयमे सत्यतथ्य सार्वजनिक करबालेल सेहो ओ माँग कएलक अछि । सँगहि राष्ट्रपतिके लेल १८ करोडके गाडी खरिद करब राष्ट्रहितविपरित कार्य रहल कहैत ई कार्य नहि करबालेल तरुण दल सरकारके ध्यानाकर्षण करओलक अछि । नेपाल तरुण दल धनुषाक अध्यक्ष संजय लाभ कर्णक नेतृत्वमे जिल्ला प्रशासन पहुँचल टोली प्रमुख जिल्ला अधिकारीकेँ ज्ञापनपत्र बुझओने छल ।

Read More »

यातायात कार्यालय बर्दिवास घुसकाबएके विरोधमे घेराव

जनकपुरधाम १८ गते ।यातायात व्यवस्था कार्यालयके प्रमुख कामकाज बर्दिवास घुसकाबएके चलखेल सुरु भेल अछि । भौतिक पूर्वाधार एवं यातायात व्यवस्थामन्त्री रघुवीर महासेठ निर्वाचित धनुषा क्षेत्र नम्बर ४ जनकपुरधाम–१४ मुजेलियास्थित यातायात व्यवस्था कार्यालयके मुख्य कामकाज बर्दिवास घुसकाओल जा रहल अछि । प्रदेश सरकार जनकपुरस्थित यातायात कार्यालय अपन अधिनमे लाबए लेल पहल कऽ रहल अवस्थामे संघीय सरकारक भौतिक पूर्वाधार तथा यातायात मन्त्रालय एतुका कार्यालय बर्दिवास घुसकाबएके चलखेल सुरु कएने स्थानीयसभ आरोप लगओलन्हि अछि । मन्त्री महासेठ आन्तरिक चलखेलक कारण यातायात कार्यालयक प्रमुख कामकाज बर्दिवास घुसकाओल जा रहल कहैत सर्वसाधारणसभ विरोध कएने अछि । ओसभ सोमदिन कार्यालय घेराव कऽ दु घण्टा कामकाज ठप्प कएने अछि । संघीय सरकार प्रदेश सरकार अधिनमे आबि चुकल यातायात कार्यालयकेँ पंगु बनाबएके षडयन्त्र कएने हुनकासभक आरोप छन्हि ।
जनकपुरक शाखा कार्यालयके रुपेँ रहल बर्दिवासस्थित यातायात कार्यालयकेँ दैनिक ३ सय ६० थान सवारी चालक अनुमतिमपत्र जारी करबालेल यातायात व्यवस्था विभाग अनुमति देलक अछि । मुदा, एहिसँ आगा दैनिक पाँच सय सवारी अनुमतिपत्र जारी करैत आबि रहल जनकपुरस्थित कार्यालयकेँ दु पहिया तथा चारि पहिया कऽ दैनिक जम्मा १८० सवारी अनुमतिपत्र जारी करबालेल स्वीकृति दऽ चुकल अछि ।
जनकपुर कार्यालय वितरण करैत आबि रहल सवारी अनुमतिपत्रके कोटा घटाओल गेला बाद कार्यालयके प्रमुख कामकाज बर्दिवास घुसकाबएके चलखेल भऽ रहल रहस्य सार्वजनिक भेल अछि । जनकपुर कार्यालयक निमित्त प्रमुख अजिम मन्सुर सेहो सवारी अनुमतिपत्रके कोटामे कटौती कएलगेल स्वीकार कएलन्हि अछि । सवारी अनुमतिपत्रके कोटा कटौती कएल गेला बादो कार्यालय घुसकाबएके हल्ला निराधार रहल हुनकासभक दावा अछि ।

Read More »
1 31 32 33 34 35 91