admin

छायाँ सरकार बनएबाक कांग्रेसक निर्णय

काठमाण्डू पुस २५ गते ।प्रमुख प्रतिपक्षी नेपाली कांग्रेस छायाँ सरकार बनाबएके निर्णय कएलक अछि । मंगलदिन बैसल संसदीय दलक बैठक छायाँ सरकार बनएबाक निर्णय कएने नेता गगन थापा जानकारी देलन्हि । कांग्रेस छायाँ सरकारक लेल मन्त्रालय चुनि कऽ नाम पेश करबालेल संसदसभकेँ आग्रह सेहो कएलक अछि । थापाके अनुसार एक गोटे सांसद तीनटा मन्त्रालय चुनि कऽ नाम दऽ सकैत छथि । ‘छायाँ सरकार बनाबएके निर्णय पहिनहिके अछि’, ओ कलहन्हि, एक गोटे तीनटा मन्त्रालय चुनि कऽ नाम देबाक आ छायाँ सरकार बनएबाक निर्णय भेल अछि ।’
पछिला सप्ताह शंखमूलके एक पार्टी प्यालेसमे कांग्रेस पदाधिकारी आयोजना कएने पत्रकार सम्मेलनमे बरिष्ठ नेता रामचन्द्र पौडेल शेरबहादुर देउवादिस देखैत सभापतिके छायाँ सरकार काज नहि कऽ सकल बतओने छलथि । नेता पौडेल छायाँ सरकार बनल मुदा ओ काज नहि कऽ सकल बतओने छलथि । पौडेल कहलन्हि, ‘प्रतिपक्षके भूमिका कमजोर भऽ गेल विषयमे सेहो प्रश्न उठल अछि । आब हमरासभक सभापतिजी संसदीय दलमे छायाँ सरकार बनओलक, ओ सरकार काज नहि कऽ सकल ।’

Read More »

‘सामाजिक विकृति अपराध बढओलक’

जनकपुरधाम पुस २५ गते ।नेपाल प्रहरीके प्रवक्ता उत्तमराज सुवेदी सामाजिक विकृतिके कारण आपराधिक घटनामे वृद्धि भेल बतओलन्हि अछि । समग्रमे देशक शान्ति सुरक्षाक अवस्था निक रहलाक बादो सामाजिक विकृतिके कारण सिर्जीत अपराध बढल सुवेदी उल्लेख कएलन्हि अछि ।
शान्तिपूर्ण एवम सुरक्षित सामाजके लेल नेपाल प्रहरी सञ्चालन कएने समुदाय–प्रहरी साझेदारी कार्यक्रम अन्तर्गत मंगलदिन जनकपुुरमे आयोजना कएलगेल गोष्ठीमे बजैत सुवेदी सामाजिक विकृति बढाबएमे सामाजिक सञ्जाल नाकारात्मक भूमिका खेलैत आबि रहल स्पष्ट कएलन्हि अछि ।
‘सामाजिक सञ्जालके अधिकतम प्रयोग विकृति बढओने अछि,’ प्रवक्ता सुवेदी कहलन्हि,‘सामाजिक सञ्जालक संगहि इन्टरनेट प्रयोग करबाक क्रममे अपनाओल जाएबला सावधानीक विषयमे धियापुताके जानकारी कराएब आवश्यक देखलगेल अछि ।’
‘बलात्कार घटनामे १५ वर्ष निचाके अधिकांश पीडित देखलगेल अछि । पीडकसभ सेहो १६ सँ २५ वर्ष उमेर समूहक अधिक अछि,’ ओ कहलन्हि,‘दुनु उमेर समूह देखलाक बाद पाठ्यक्रममे समावेश करा कऽ विद्यालय तहमे सेहो जानकारी देबाक आवश्यक्ता अछि ।’
‘सामाजिक परिवेशके कारण सेहो आपराधकि घटनासभ बढैतगेल अछि’ ओ कहलन्हि,‘सजाय काटि कऽ आएल व्यक्तिसभकेँ सामाजिक स्वीकृति नहि भेट रहल अछि । सामाजिक स्वीकृति नहि भेटलाक कारण ओसभ पुनः अपराधमे जएबा पर बाध्य भऽ रहल अछि ।’
महिला हिंसा, बलात्कारसहित आपराधिक घटनासभ सामाजिक सञ्जालक प्रयोगसँ बढल प्रहरीके अनुसन्धान देखओने सुवेदी बतओलन्हि । ‘सामाजिक विकृतिसँ सिर्जीत आपराधिक घटना न्यूनीकरण नहि भऽ सकल अछि,’ ओ कहलन्हि,‘एह घटनासभकेँ निरुत्साहीत करबालेल हमसभ समुदायसँग मिल कऽ काज करए जा रहल छी ।’ समुदायसँग मिल कऽ काज नहि कएने अवस्थामे प्रहरी कोनो हालतमे सफल नहि भऽ सकत हुनकर कहब छलन्हि ।
प्रवक्ता सुवेदी धनसम्पत्ती मात्र नहि नागरिकक एकीकृत सुरक्षाकेँ ध्यानमे राखि कऽ नेपाल प्रहरी समुदाय–प्रहरी साझेदारी कार्यक्रम सञ्चालनमे लओने जानकारी देलन्हि ।
देशक वर्तमान संरचना अनुसार शान्ति सुरक्षाक जिम्मेवारी स्थानीय तहधरि पहुँचल कहैत ओ समुदाय प्रहरी साझेदारी कार्यक्रम सफल करबामे स्थानीय तहक भूमिका महत्वपूर्ण रहत प्रष्ट कएलन्हि । कार्यक्रम कार्यान्वयन करबालेल ७५३ स्थानीय तहमेसँ ७४७ स्थानीय नेपाल प्रहरीसँग सम्झौता सेहो कऽ चुकल ओ जानकारी देलन्हि ।
नेपाल प्रहरीके सक्रियताक कारण ४÷५ वर्ष पहिने धरि सक्रिय रहल भूमिगत समूह, विभिन्न समूहक नाम पर होबएबला गुण्डागर्दीसहितक आपराधिक गतिविधिसभ करिब करिब समाप्त भऽ चुकल हुनकर दावा छलन्हि ।

Read More »

अख्तियारद्वारा गोपाल खड्काविरुद्ध भ्रष्टाचार मुद्दा दायर

काठमाण्डू पुस २४ गते ।अख्तियार दुरुपयोग अनुसन्धान आयोग नेपाल आयल निगमके पूर्व कार्यकारी निर्देशक गोपाल खड्काविरुद्ध भष्ट्राचार मुद्दा दायर कएलक अछि । गैरकानूनी रुपेँ १८ करोड ६६ लाख ५ हजार रुपैयाँ सम्पत्ति आर्जन कएने दावा सहित अख्तियार विशेष अदालतमे भ्रष्टाचार मुद्दा दायर कएने प्रवक्ता रामेश्वर दंगाल जानकारी देलन्हि। खड्कासहित हुनकर सम्पत्ति नुकाबएमे संलग्न अन्य किछु गोटे विरुद्ध सेहो मुद्दा दायर कएलगेल अख्तियार जनओलक अछि । खड्का नेपाल बयल निगमके कार्यकारी निर्देशक रहल आ ओहिसँ आगा सरकारी सेवामे रहल समय अपन वैध आयसँ १८ करोड ६६ लाख ५ हजार रुपैयाँसँ अधिक आर्जन कएने अख्तियारके कहब अछि ।

Read More »

‘अर्बोके योजना पर नजर’

काठमाण्डु पुस २४ गते । सूचना तथा सञ्चारमन्त्री गोकुल बाँस्कोटा योजनाबद्ध सेटिङमे नेपाल टेलिकमक प्रबन्धनिर्देशक नियुक्त करबामे सफल भेल छथि । अपने कहल व्यक्तिकेँ प्रबन्ध निर्देशकमे नियुक्त कएलाकबाद आब सञ्चारमन्त्री बाँस्कोटाक नजर एमडिएस खरिद प्रक्रिया पर अछि । मन्त्री बाँस्कोटा प्रधानमन्त्रीक सूचना प्रविधि (आइटी) सल्लाहकार असगर अलीसँ मिल कऽ एमडिएर खरिद करए जा रहल छथि ।
नेपालमे प्रयोग भऽ रहल फोनक विवरण रेकर्ड करएबला मोबाइल म्यानेजमेन्ट सिस्टम (एमडिएमएस) खरिदके लेल प्रक्रिया आगु बढि रहल अछि । नेपाल दूरसञ्चार प्राधिकरणमे एखन ई अ एहने अर्बौंके परियोजना पाइपलाइनमे अछि । ई परियोजनासभ नेपालक दूरसञ्चार क्षेत्रमे महत्वपूर्ण परिवर्तन लाओत अपेक्षा अछि । सञ्चारमन्त्री परिवर्तन आ विकाससँ अधिक कमिसनके चक्करमे लागल अछि ।
प्रधानमन्त्रीक विश्वासपात्र सञ्चारमन्त्री बाँस्कोटा आ प्रधानमन्त्रीक आइटी सल्लाहकार अली विभिन्न प्रपञ्च रचि कऽ एमडिएमएस खरिदमे कोना कऽ अधिक रकम उपर करब एकर तानाबाना बुनि रहल स्रोत जनओलक अछि ।
प्रतिस्पर्धासँ अपन कम्पनी बहरओलाक बादो अली प्रधानमन्त्री ओलीकेँ प्रभावमे लाबि कऽ प्राधिकरणस मोबाइल म्यानेजमेन्ट सिस्टमके विकास तथा सञ्चालनक जिम्मेवारी अपन नियन्त्रणमे लेबाक षडयन्त्र कऽ रहल छथि । मन्त्री बाँस्कोटा सेहे अलीके एकर जिम्मेवारी देबएलेल पैघ कसरतमे छथि । प्राधिकरण करिब एक अर्ब लगानीक ई सिस्टम विकास तथा सञ्चालनके लल गत वैशाख २८ गते बोलपत्र आह्वान कएने छल । जेठ २७ गते धरिके समयसीमा तय कऽ कऽ आह्वान कएलगेल अन्तर्राष्ट्रिय बोलपत्रमे स्वदेशी आ विदेशीसहित विभिन्न कम्पनी इच्छा देखओने छल । मुदा ओहिमेसँ प्राधिकरण तय कएन योग्यतामे ६ टा कम्पनीमात्र चयन भेल छल ।
चयन कएलगेल कम्पनीमे लेबनानक इनभिगो अफ–सोर एसएल तथा एफ वान सफ्ट इन्टरनेसनल प्रालि, मोबिलियन ट्रेड इन्टरनेसनल प्रालिसहित, स्विटजरल्यान्डक एसआइसीएपी स्विज एजी, नमस्ते ग्लोबल कम पिटी, मेभिनर सिस्टम युके आ पोर्टिङ एक्सेस बिभी नेदरल्यान्ड्स छल ।
चयनके पछिला सूचीमे परल ६ कम्पनीमेसँ एफवान सफ्ट इन्टरनेसनल प्रालिका मालिक प्रधानमन्त्री ओलीका सल्लाहकार अली छथि । प्राधिकरणक स्रोतके अनुसार चयन सूचीमे परलाक बादो अलीक कम्पनी एफवान सफ्ट टेन्डरमे एमडिएमएसके लेल तय कएलगेल शर्तअनुसार प्राविधिक प्रस्ताव बुझओलाक बादो बैंक ग्यारेन्टी नहि रखने अछि ।
सार्वजनिक खरिद एनेअनुसार बैंक ग्यारेन्टी पेश नहि कएने अवस्थामे स्वतः कम्पनी प्रतिस्पर्धासँ बाहर भऽ जाइत अछि । यहाय खेल उन्टाबएलेल एखन अली प्रधानमन्त्रीक पहुँच आ मन्त्री बाँस्कोटाकेँ प्रयोग कऽ रहल छथि । प्राधिकरणमे विभिन्न तरिकासँ प्रभावित करबाक काज भऽ रहल स्रोत जनओलक अछि । स्रोतक अनुसार अली विभिन्न बहानामे ई टेन्डर रद्द करा कऽ नयाँ टेन्डर आह्वान कराबए चाहि रहल छथि । टेन्डर रद्द करा कऽ फेर आह्वान भेल अवस्थामे ओहि अनुसारके तैयारी टेन्डर लेबाक ओ योजना बनओने प्राधिकरण स्रोत जनओलक अछि ।
मोबाइल व्यापार आ प्रयोग व्यापक दरमे बढैतगेलाक बाद सरकार सेटकेँ नियमन करबाकलेल एमडिएमएस सिस्टमे तैयार करए जा रहल अछि । विदेशमे प्रयोगमे रहलाक बादो नेपालमे एहि प्रकारक सिस्टम एखनधरि प्रयोगमे नहि अछि ।
ई प्रविधि लागू भेलाक बाद देशभरि सञ्चालित मोबाइल सेट सरकारी निगरानीमे रहत । मोबाइल आयात नियन्त्रणमे लेबएलेल सेहो ई सिस्टम उपयोगी होएत । अवैध रुपेँ आयात भेल मोबाइलकेँ ब्लक करबाक हिसाबसँ ई सिस्टम तैयार कएल जाएत । संगहि आपराधिक गतिविधिमे प्रयोग भेल मोबाइलक रेकर्ड लेबएलेल सेहो ई प्रविधि प्रयोग होएत । आइएमआई नम्बरके आधार पर ई प्रणाली काज करत । मोबाइल सेटसभकेँ अवैध आयात आ दुरुपयोग रोकबालेल सेहो ई महत्वपूर्ण योगदान करत ।

Read More »

महोत्तरीमे डकैती

महोत्तरी पुस २४ गते । महोत्तरीके मनराशिषवा नगरपालिका २ इटहर्वाकट्टीमे सोमक राति डकैती भेल अछि । स्थानीय रामसेवक यादवके घरमे डाकुसभ करिब ५ लाख मूल्य बराबरके नगद आ गरगहना लुटि कऽ फरार भेल प्रहरीले जनओलक अछि । करिब १० ÷१२ गोटेके समुहमे रहल समूहमे आएल डाकुसभ घरके गेट तोडि कऽ घरमे पसि कऽ लुटपाट कएने महोत्तरीके प्रहरी उपरिक्षक इश्वर कार्की जानकारी देलन्हि ।
घरमे डाकु आएल सूचना पीडितके पडोसी फोन कऽ कऽ प्रहरीके जानकारी करओला बाद तुरन्त स्थानीय प्रहरी चौकी इटहर्वाकट्टीसँ प्रहरी टोली पहुँचल छल । ओहिके बाद अवस्था नियन्त्रणमे लेबए एक राउण्ड हवाई फायर कएला बाद डाकुसभ भागल ओ बतओलन्हि । घटना विषयमे अनुसन्धान भऽ रहल आ डाकुसभक खोजी कार्य जारी रहल जिल्ला प्रहरी कार्यालय महोत्तरी जनओलक अछि ।

Read More »

आगिलगीमे लाखोके क्षति

जनकपुरधाम पुस २४ गते । सिरहाके नवराजपुर गामपालिका वार्ड नं. १ स्थित गेरुवामे आगिलगी भेलासँ लाखो मुल्य बराबरके क्षति भेल अछि । स्थानीय रामेश्वर यादबके फुसके घरमे चुलहीके आगिके राख बाहर फेकने स्थानमे अचानक आगिलगी भेलासँ हुनकर घर पुर्ण रुपेँ जरि कऽ नष्ट भेल अछि । सोमदिन भिन्सर करिब दु बजे भेल आगिलागीमे एकटा पाडी आ दुवटा खसी बकरीके मृत्यु भेल आ एकटा बयल, एकटा भैँसी जरि कऽ घायल भेल प्रहरी जनओलक अछि । आगिलगीमे ४० मन धान तथा अन्य भाडा वर्तन, लत्ताकपडा, फर्निचर, साईकल आ घर कऽ करिब रु.२ दु लाख २५ हजार मूल्य बराबरके क्षति भेल प्रदेश प्रहरी कार्यालय जनकपुर जनओलक अछि । ईलाका प्रहरी कार्यालय महेशवारी सिरहासँ खटल प्रहरी टोली तथा स्थानीय वासीसभक सहयोगमे आगिके पुर्ण रुपेँ नियन्त्रणमे लेलगेल छल । तहिना रविक साँझ महोत्तरीके औरही नगरपालिका ३ श्रीपुर रहन्हिार महेन्द्र यादबके घरमे भेल आगिलगीमे लाखो रुपैँया मूल्य बराबरके क्षति भेल अछि । फुसके घरमे आगि तापए लेल बारलगेल आगिसँ अचानक यादवके घर पुर्ण रुपेँ जरि कऽ नष्ट भेल प्रहरी जनओलक अछि । यादवके घर नजदिक रहल हुनकर दोसर घरमे सेहो आगिलगि भेलासँ टेलिभिजन १ थान, साईकल १ थान, एउटा मोटरसाईकल, घर भितर रहल नगद रु.१,५०,००० सेहो जरि कऽ नष्ट भेल अछि । ओहि आगिलगीमे करिब रु.३ लाख ३५ हजार मुल्य बराबरके क्षती भेल प्रदेश प्रहरी कार्यालय जनकपुरक प्रहरी प्रवक्त डिएसपी दानबहादुर थापा जानकारी देलन्हि । अस्थाई प्रहरी पोष्ट कठुधार महोत्तरीसँ खटल प्रहरी आ स्थानीयबासीके सहयोगमे आगि नियन्त्रणमे लेलगेल छल ।

Read More »

बुद्ध एयरद्धारा विमानस्थलमे ‘रि–फ्युलिङ’ के व्यवस्था करबाक माँग

जनकपुरधाम पुस २४ गते । विगत दु दशकसँ हवाइसेवा प्रदान करैत आबि रहल बुद्ध एयर प्रा.लि. प्रदेश २ क सम्पूर्ण विमानस्थलमे ‘रि–फ्युलिङ’ के व्यवस्था करबालेल प्रदेश सरकारकेँ ध्यानाकर्षण करओलक अछि ।
‘रि–फ्युलिङ’ के व्यवस्था नहि रहलाक कारण विमानसभ नियमित नहि होबए सकि रहल कहैत बुद्ध एयर एहितर्फ ध्यान देबालेल प्रदेश सरकारसँ माँग कएने अछि । प्रदेश २ मे तीनटा विमानस्थल रहलाक बादो एकौह हस्थामे ‘रि–फ्युलिङ’ के व्यवस्था नहि रहलासँ पैघ विमान कम्पनीसभ सेवा नहि दऽ रहल बुद्ध एयरके कहब अछि ।
बुद्ध एयरके जनकपुर प्रबन्धक विजयप्रसाद सिंह रविदिन प्रदेश २ क प्रमुख सचिव दीपक सुवेदीमार्फत मुख्यमन्त्री लालबाबु राउतके बुझओने ध्यानाकर्षण पत्रमे विमानस्थलसभकेँ स्तरोन्नती भेलाक बादो ‘रि–फ्युलिङ’ सुविधान नहि रहलाक कारण उडानसभ नियमितता नहि पाबि सकल उल्लेख अछि ।
राजविराजमे विभिन्न सम्भावना रहलाक बादो ‘रि–फ्युलिङ’ अभावक कारण पैघ विमान कम्पनीसभ जएबालेल इच्छुक नहि रहल कहैत ‘रि–फ्युलिङ’ के सुविधा भेलाकबाद आगामी मार्च १ तारिकसँ बुद्ध एयर सेवा सुचारु करबालेल तैयार रहल जनओलक अछि । विमानसेवा नियमित भेलाकबाद जनकपुर विराटनगरबीचक एकमात्र राजविराज विमानस्थलसँ ओहि क्षेत्रक जनताकेँ उल्लेखनीय सेवा भेटत बुद्ध एयर विश्वास व्यक्त कएने अछि ।
तहिना प्रदेश २ क राजधानी जनकपुरक विमानस्थलमे सेहो ‘रि–फ्युलिङ’ आ रात्रीकालीन उडान सुविधा नहि रहलाक कारण माँग अनुसार उडान नहि भऽ रहल बुद्ध एयर जनओलक अछि ।
‘‘रि–फ्युलिङ’ आ रात्रीकालीन उडान सुविधा भेल अवस्थामे अन्य सेक्टर जँका भाडा दरमे यात्रीके सहुलीयत हएबाक संगहि विमानसेवा बढाओल सेहो जा सकैत अछि,’ बुद्ध एयरद्धारा मुख्यमन्त्रीकेँ बुझाओलगेल ध्यानाकर्षण पत्रमे कहलगेल अछि,‘ई दुनु सेहो उपलब्ध भेल अवस्थामे जनकपुरमे आओर पर्यटकके आकर्षित कएल जा सकैत अछि ।’
तहिना प्रमुख व्यापारिक शहर वीरगंज नजदिक रहल सिमरा विमानस्थलमे सेहो ‘रि–फ्युलिङ’ के अवस्था नहि रहलाक कारण आवश्यक्ता अनुसार सेव प्रवाह नहि भऽ सकलाक कारण व्यापारी वर्गमे पैघ समस्या देखलगेल बुद्ध एयरके कहब अछि । एहि विमानस्थलमे सेहो ‘रि–फ्युलिङ’ के व्यवस्था भेल तऽ अतिरिक्त उडान करबामे सहज होएत ध्यानाकर्षण पत्रमे कहलगेल अछि ।

Read More »

रेशम चौधरीकेँ रिहा करबालेल सर्वोच्चद्वारा अस्वीकार

जनकपुरधाम पुस २४ गते ।सर्वोच्च अदालत कैलालीको टीकापुर घटनाक मुख्य अभियुक्त रेशम चौधरीकेँ छोड्बासँ अस्वीकार कएलक अछि । सर्वोच्चक ई आदेश सँगहि निलम्बित सांसद चौधरी कारागारमे रहताह । निलम्बित सांसद चौधरी जिल्ला अदालत कैलाली आ उच्च अदालत दिपालयके आदेश खारेजीके माँग करैत सर्वोच्चमे रिट दायर कएने रहथि । न्यायाधीशद्वय ईश्वरप्रसाद खतिवडा आ पुरुषोत्तम भण्डारीके संयुक्त इजलास सोमदिन चौधरी दायर कएने रिट उपर सुनुवाइ करैत जिल्ला अदालत आ उच्च अदालतके फैसलाकेँ सदर कएलक अछि । ‘अभियुक्त चौधरी कसुर कएने विश्वास करए सकबाक पर्याप्त आ मनासिव आधार विद्यामान रहल २०७४ फागुन १४ के जिल्ला अदालतके आदेश आ उच्च अदालत दिपायलके २०७४ चैत २२ के आदेश सही ठहर भेल अछि ,’ सर्वोच्चक आदेशमे कहलगेल अछि । चौधरी जिल्ला आ उच्च अदालतके आदेशविरुद्ध गत अषाढ ५ गते सर्वोच्च पहुँचल छलथि ।
गत २०७२ भादव ७ गते कैलालीके टीकापुरमे चौधरीके नेतृत्वमे भेल थारु आन्दोलनक क्रममे एक नाबालक, नेपाल प्रहरीके एसएसपी लक्ष्मण न्यौपानेसहित ८ गोटेके मृत्यु भेल छल । घटना बाद फरार भेल चौधरी किछु महिनासँ आगा कैलालीमे आत्मसमर्पण कएने रहथि । ओहिके बाद प्रहरी हुनकाँ नियन्त्रणमे लऽ कऽ पुर्पक्षक लेल कारागार चलान कएने छल । एहिसँ आगा पुस १९ गते प्रतिनिधिसभाक सभामुख कृष्णबहादुर महरा कैलाली क्षेत्र नम्बर १ सँ प्रतिनिधि सभा सदस्यमे निर्वाचित चौधरीकेँ सिंहदरबारमे सपथ खुवएने छलथि । सपथ ग्रहणके लेल प्रहरी चौधरीकेँ सिंहदरबार लाबि कऽ सपथके बाद डिल्लीबजारस्थित कारागारमे फिर्ता लऽ गेल छल ।

Read More »

‘लोकतन्त्रमे ’शाही आयोग’ गठन भेल’

काठमाण्डू पुस २३ गते ।प्रमुख प्रतिपक्षी दल नेपाली कांग्रेसक नेता गगन थापा वाइडबडी विमान खरिद प्रकरणमे सरकार ओझराएल टिप्पणी कएलन्हि अछि । कांग्रेस नेता थापा प्रधानमन्त्री केपी शर्मा ओली वाइडबडी विमान खरिद प्रकरणमे ओझराएल दावा करैत शाही आयोगके जेना ओहि सम्बन्धमे जाँचबुझ समिति गठन कएने उल्लेख करैत आपत्ति सेहो जनओलन्हि । रविदिन नयाँ बानेश्वरस्थित संघीय संसद भवन परिसरमे संचारकर्मीसभ रखने जिज्ञासाके जवाब देबएके क्रममे ओ संघीय संसदके सार्वजनिक लेखा समिति अन्तरगतके उपसमितिकेँ गालीगलौजके भाषा प्रयोग कऽ कऽ प्रधानमन्त्री ओली संसदके मर्यादाकेँ कायम नहि राखि सकल आरोप सेहो लगओलन्हि ।
प्रधानमन्त्री ओली उपसमिति समितिमे छलफल नहि कऽ ओहि सम्बन्धी प्रतिवेदन बाहर सार्वजनिक कएने कहैत असन्तुष्टि जनओलन्हि । प्रधानमन्त्रीके ओहि असन्तुष्टिसँ संसदीय समितिके मर्यादाकेँ उलंघन कएने कांग्रेस नेता थापाके आरोप अछि । कांग्रेस नेता थापा वाइडबडी विमान खरिद प्रकरणके सम्बन्धमे सभ बात बुझि कऽ आवश्यक निर्णय लेबए संघीय संसदके सार्वजनिक लेखा समितिकेँ सेहो आग्रह कएलन्हि । सार्वजनिक लेखा समितिअन्तर्गतक उपसमिति वाइडबडी विमान खरिद प्रकरणमे करिब चारि अर्ब ३५ करोड भ्रष्टाचार भेल आ ओहिमे संस्कृति, पर्यटन तथा नागरिक उडड्यनमन्त्री रवीन्द्र अधिकारी सेहो दोषी देखलगेल निष्कर्षसहितक प्रतिवेदन तैयार कऽ समितिकेँ बुझओने अछि ।

Read More »

दीपक मनाङ्गे सपथ लेबएमे बन्देज

काठमाण्डू पुस २३ गते ।गण्डकी प्रदेशसभा सदस्य राजीव गुरुङ (दीपक मनाङे) सपथ नहि लऽ सकैत छथि । रविदिन बैसल कार्यव्यवस्था परामर्श समितिके बैठक राजीवकेँ सपथ नहि खुवाबएके निर्णय कएलक अछि । गण्डकी प्रदेशक सभामुख नेत्रनाथ अधिकारी कानुनअनुसार सपथ नहि करए सकबाक बतओलन्हि ।
फौजदारी अभियोग लागल राजीव सपथ ग्रहणके लेल गण्डकी प्रदेश सभामे पुस १२ गते निवेदन देने छलथि । सर्वोच्चसँ थुनामुक्त भेला बाद प्रदेश सभा सचिवालयमे गुरुङके निवेदन पहुँचला बाद सभामुख अधिकारी विभिन्न व्यक्तिसँग छलफल तथा राय मँगने छलथि । ओ सर्वोच्चसँ मुद्दाके अन्त नहि होबए धरि सपथ नहि खुवाबए सकबाक बतओलन्हि ।

Read More »
1 18 19 20 21 22 91