admin

पहिलो महिला सीईओको सङ्घर्ष : मेरो स्ट्रेन्थ नै मेरो टिम

कुनै समय थियो महिलालाई दोस्रो दर्जाको मानिन्थ्यो । आज उनीहरू पुरुषसँग बराबरीमा उभिइसकेका छन् । समाज र सोच परिवर्तन भएको छ, हरेक क्षेत्रमा महिलाहरू पनि समान हैसियतमा आफूलाई उभ्याउन सफल छन् । पदराष्ट्रपति, सभामुख, प्रधान न्यायाधीशजस्ता सर्वोच्च पदमा महिलाले नेतृत्व गरिसकेका छन् । हाल बैङ्क तथा वित्तीय क्षेत्रमा पनि महिलाहरू उच्च तहमा पुगेका छन् । सामान्यतः महिलाप्रतिको कमजोर सोचको उपज महिलालाई नेतृत्वमा जान नदिने प्रवृत्ति हो, जुन समाजमा अद्यपि हावी छ तर क्षमता देखाउने अवसर पाए असम्भव केही पनि छैन भन्ने तथ्य मेगा बैङ्ककी कार्यकारी अधिकृत अनुपमा खुञ्जेलीको सफलताले देखाउँछ ।

सानामा लाग्थ्यो, किन पढ्नु परेको होला ? पढ्न नपरे पनि कस्तो हुन्थ्यो ? पढ्नु त आमा बुबाको लागि हो जस्तो लाग्ने । स्कुलमा पनि कहाँ कहिले गेम होला र खेल्न जाने होला भन्दै दाउ खोज्ने थिइन् अनुपमा । स्कुल होस् कि घर कसरी खेल्न भाग्ने होला भन्ने उपाय नै खोजिरहन्थिन् उनी ।

पढाइमा भन्दा ज्यादा ध्यान उनको खेलकुदमा हुन्थ्यो । अझ फुटबल निकै मन पर्ने खेल । खेलाडी त बनिनन् तर अनुपमालाई समयले बैङ्कको यस्तो व्यावसायिक खेलाडी बनाइदियो, जसले आज उनलाई कमैले ताक्न सक्ने पदमा पुर्याइदिएको छ ।

खेलमा रुचि भएर नै होला खेलभित्रका नियम र अनुशासनले उनलाई व्यावसायिक जीवनमा पनि अनुशासित र मेहनती हुन उत्प्रेरित गर्यो । उनले जीवनमा सिकेको पाठ नै के हो भने नियमभित्र रहेर अनुशासित ढङ्गले काम गर्ने हो भने टपमा पुग्न कसैले रोक्न सक्दैन ।

 

Read More »

सिन्धुपाल्चोकमा बोलेरो दुर्घटना, पाँच जनाको मृत्यु, ८ जना गम्भिर

सिन्धुपाल्चोक — सिन्धुपाल्चोक थाङकपाल गाउँपालिका ४ सल्लेडाँडास्थित मेलम्ची मानेखर्क सडकमा बिहीबार बेलुका ८ः१५ बजे दुर्घटना हुँदा ५ जनाको मृत्यु भएको छ भने ८ जना गम्भिर घाइते भएका छन् ।

किटेनीबाट मानेखर्कतर्फ जाँदै गरेको लु १ ख ९९९ नम्बरको बोलेरो (जीप)  ४ सय मिटर तल खस्दा ५ जनाको मृत्य भएको जिल्ला प्रहरी कार्यालयका प्रहरी उपरीक्षक मोहनप्रसाद पोखरेलले जानकारी दिए ।

मृत्यु हुनेमा पाँचपोखरी थाङ्पाल गाउँपालिका–३ भोटाङका ६५ वर्षीय भीमबहादुर तामाङ, ६० वर्षीया जयरानी तामाङ, ५६ वर्षीय पोदोम तामाङ, ५३ वर्षीया नानी तामाङ र २५ वर्षीया सुनमाया तामाङ छन् ।

घाईते हुनेहरुमा रामबहादुर लामा (चालक), अश्मि श्रेष्ठ, मनमाया तामाङ, खुशि तामाङ, सुस्मिता वाईबा, शिर्षानी वाईवा , जिमी तामाङ र भिमजुनी तामाङ रहेका छन ।

दुर्घटनामा सबै घाइतेहरुको अवस्था गम्भिर रहेका छन् भने उनीहरुको मेलम्ची प्राथमिक स्वास्थ्य केन्द्रमा उपचार भईरहेको प्रहरीले जनाएका छन् ।

सिन्धुपाल्चोक, थाङकपाल गाउँपालिका ४ सल्लेस्थित मेलम्ची मानेखर्क कच्ची सकडमा  किटेनीबाट मानेखर्कतर्फ जाँदै गरेको उक्त बोलेरो (जीप) सडकबाट करीब ४०० मिटर तल खसेर दुर्घटनामा परेको प्रहरी उपरीक्षक पोखरेलले जानकारी दिए ।

 

Read More »

कुल ग्राहस्थ उत्पादनमा फ्रान्सलाई उछिने पनि भारत किन यति दरिद्र ?

एजेन्सी । विश्व बैंकको एक नयाँ रिपोर्ट अनुसार भारतीय अर्थतन्त्र विश्वमा छैटौँ स्थान पुगेको छ ।आर्थिक रुपमा भारतले फ्रान्सलाई सातौँ स्थानमा पछाडी धकेलेर संसारको छैटौँ सबैभन्दा ठूलो अर्थतन्त्र भएको हो ।भारतभन्दा अगाडि संयुक्त अधिराज्य, जर्मनी, जापान, चीन र संयुक्त राज्य अमेरिका मात्र छन् ।

विश्व बैंकको २०१७ को प्रतिवेदनअनुसार भारतको कुल ग्राहस्थ उत्पादन  गत वर्षको अन्त्यमा २५ खर्ब ९७ अर्ब डलर थियो भने फ्रान्सको २५ खर्ब ८२ अर्ब डलर थियो ।

आर्थिक विश्लेषकहरूको अनुसार लामो समयको सुस्तता पछि भारतको अर्थव्यवस्थाले जुलाई २०१७ पछि फेरि बृद्धीको बाटो समातेको छ ।

भारतको जनसङ्ख्या अहिले करीब १ अर्ब ३४ करोड छ । छिट्टै यो संसारको सबैभन्दा धेरै जनसंख्या भएको देश बन्न गइरहेको छ ।

जनसंख्याको आधारमा फ्रान्सले उत्तर प्रदेश, मध्य प्रदेश जस्ता भारतका राज्यहरूसँग पनि प्रतिस्पर्धा गर्न सक्दैन । फ्रान्सको जनसंख्या लगभग ६.७ करोड छ ।

आईएमएफ र विश्व बैंकका तथ्याङ्कहरूले एक दशकअघि भारतको कुल ग्राहस्थ उत्पादन फ्रान्सको भन्दा लगभग आधा रहेको देखाउँछ ।

मोदीको सरकारले नोटबन्दी र ‘वस्तु तथा सेवा कर (जीएसटी)’ लागु गरेपछि भारतीय अर्थव्यवस्था मा केही स्थिरता आएको थियो, तर पछिल्लो समय निर्माण क्षेत्रले लिएको रफ्तारले भारतीय अर्थव्यवस्थालाई पुनः ठीक ठाँउमा ल्यायो ।

तथ्याङ्कहरुको कुरा गर्ने हो भने गएको एक दशकमा भारतको कुल ग्राहस्थ उत्पादन दुई गुणा भइसकेको छ । हाल आर्थिक रुपमा चीनसँग हारहारीमा अघि बढीरहेको भारतीय अर्थव्यवस्थाले केही समयपछि चीनलाई समेत विकासमा पछि पार्ने सम्भवाना व्यक्त गरिदैँछ ।

के यो साँच्चै ठूलो उपलब्धि हो?

पछिल्ला दिनमा अन्तर्राष्ट्रिय मुद्रा कोषले पनि सन् २०१८ मा भारतको ७.४ प्रतिशत अर्थिक बृद्धी हुनसक्ने बताएको थियो । कर सुधार र घरेलु व्ययमा वृद्धिको कारणले सन् २०१९ मा भारतको आर्थिक बृद्धी दर ७.८ प्रतिशत पुग्न सक्ने बताएको छ । जब कि यो अवधिमा विश्वको औसत आर्थिक वृद्धी दर ३.९ प्रतिशत हुने अनुमान गरिएको छ ।

तर, यहाँ प्रश्न खडा हुन्छ, जीडीपीमा फ्रान्सलाई उछिन्नु के साच्चै ठूलो उपलब्धि हो वा केवल तथ्याङ्क हेरेर आनन्द लिने बाटो मात्र हो ? यस प्रश्नको जवाफ खोज्नु अघि कुल ग्राहस्थ उत्पादन(जीडीपी) खासमा के हो जान्नु फलदायी हुन्छ ।

कुनै पनि देशको आर्थिक स्वास्थ्य मापन गर्नको लागि जीडीपी सबैभन्दा महत्वपूर्ण मापदण्ड हो । यो एक विशेष अवधिमा उत्पादन भएका सामान र सेवाहरूको मूल्यको योग हो । जीडीपी दुई तरिकामा प्रस्तुत गरिएको छ । किनकी उत्पादनको मूल्य मुद्रास्फीतिको साथ घटने बढ्ने गर्छ, यो मात्रा हो स्थीर मूल्य ।

भारतको स्थीर मूल्य

यस अन्तर्गत जीडीपी को दर र उत्पादनको मूल्य एक आधार वर्षको उत्पादनको मूल्यमा निश्चित छ ।

उदाहरणको लागि यदि आधार वर्ष सन् २०१० हो भने त्यसको आधारमा मूल्यमा वृद्धि वा गिरावटको आधारमा त्यो हो ।

जीडीपीलाई प्रस्तुत गर्ने अर्को तरिका, वर्तमान मूल्य हो । यसले उत्पादन मूल्यमा मुद्रास्फीति दर पनि समावेश गर्दछ ।

भारतको स्थीर मूल्य गणनाको आधार वर्ष अहिले सन् २०११–१२ हो ।

उदाहरणका लागि, सन् २०११ मा भारतमा यदी १०० भारुको मात्र तीन वस्तुहरू बनाइयो भने कुल जीडीपी ३०० भारु हुन्छ । सन् २०१७ सम्म, यो वस्तुको उत्पादन दुई भयो तर मूल्य १५० भारु भयो भने नोमिनल जीडीपी ३०० भारु भयो ।

तर यथार्थमा भने भारतले प्रगति भयो या भएन ? यो प्रश्न मुख्य हो ।

भारतको तुलनात्मक तुलना
यही आधार वर्षको सूत्र काममा आउँछ । सन् २०११ को स्थीर मूल्य (१०० भारु) अनुसार, वास्तविक जीडीपी २०० हुन्छ । अब स्पष्ट रूपमा जीडीपीमा गिरावट आएको देखिन्छ ।

यो सत्य हो कि भारतमा निर्माण गतिविधिहरू बढ्दै गइरहेको छ, तर मानिसहरूको जीवनको स्तरमा भारतको फ्रान्ससँग तुलना गर्नु बेकार हुन्छ । फ्रान्समा जीवनस्तरको मानकको अगाडी भारतको अवस्था निक्कै दयनीय छ ।

मानिसहरुको प्रति व्यक्ति आयको कुरा गर्ने हो भने एक औसत भारतीयको आय १९४० डलर छ, जबकि औसत फ्रान्सेलीको आय ३८,४७७ डलर छ । यो २० गुणा बढी भयो ।
यस सूचीमा संयुक्त राज्य अमेरिका ५९,५३२ डलरसहित पहिलो स्थानमा छ, त्यस्तै क्यानाडा (४५,०३२ डलर सहित) दोस्रोमा छ भने जर्मनी (४४,४७० डलर सहित) तेस्रो स्थानमा रहेको छ । यस अन्तर्गत चीनको औसत प्रति व्यक्ति वार्षिक कमाई ८,८२७ डलर छ ।

विश्व बैंकको वेबसाइटमा उपलब्ध डाटा अनुसार भारतको औसत प्रति व्यक्ति आय ७,०६० डलर रहेको छ, जबकि फ्रान्सको ४३,७२० डलर छ । (सामान किन्न सक्ने आधारमा नापिने पीपीपीको आधारमा) ।

यो सूचिमा भारत विश्वमा १२३ औं स्थानमा छ, जबकी फ्रान्स २५ औं स्थानमा छ ।

 

Read More »

रोनाल्डो भित्रिएलगत्तै किन ठप्प भयो युभेन्टस क्लबको वेबसाइट ?

रियल मेड्रिडबाट इटालीको क्लब युभेन्टसमा भित्रिएका सुपरस्टार स्ट्राइकर क्रिस्टियानो रोनाल्डोको नयाँ जर्सीबारे मानिसहरुमा भारी उत्साह छ । युभेन्टसले बुधबार रोनाल्डोको जर्सी नम्बर–७ आफ्नो अनलाइन सपिङ साइटमा राखेको केही बेरपछि नै साइट क्र्यास भएको छ ।

३३ वर्षका यी स्ट्राइकरले नौ वर्ष रियल म्याड्रिडमा बिताएपछि युभेन्टसमा पनि नम्बर सातलाई आफूसँगै राखे । उनलाई युभेन्टसले ८.८ करोड पाउन्डमा पाँच वर्षका लागि सम्झौता गरेको बताइन्छ ।

युभेन्टसको साइट ठप्प भएपनि प्रशंसकले टुरिनस्थित क्लबको आधिकारिक स्टोरबाट रोनाल्डाको जर्सी खरिद गर्न सक्नेछन् । पोर्तुगाली स्ट्राइकरले सन् २०१७ को च्याम्पियन्स लिगको फाइनलमा मेड्रिडको तर्फबाट युभेन्टसविरुद्ध दुई गोल गरेका थिए र म्याड्रिडले यो खेल ४–१ ले जितेको थियोरोनाल्डो सन् २००९ मा म्यान्चेस्टर युनाइटेडबाट रियल म्याड्रिड आएका थिए । रियल म्याड्रिडले त्यतिबेला विश्व रेकर्ड ८० मिलियन पाउन्डमा रोनाल्डोलाई आफूसँग अनुबन्ध गरेको थियो । रियल म्याड्रिडले भनेको छ, ‘रोनाल्डो हाम्रो लागि सधैं एक दिग्गज रहनेछन् र अबको पिढिका लागि आदर्श हुनेछन् । रियल म्याड्रिड सधैं उनको घर रहनेछ । ’

 

Read More »

विश्वकप–सेमिफाइनलमा आज बेलुकी क्रोएसिया र इङ्ग्ल्याण्ड भिड्दै

काठमाडौँ– फिफा विश्वकप–२०१८ अन्तर्गतको दोस्रो सेमिफाइन खेलमा क्रोएसिया र इङ्ग्ल्याण्ड आमने सामने हुँदैछन् ।

रसियामा जारी विश्वकपमा दुवै टोली विजय लक्ष्यका साथ आज राति ११ः४५ बजे भिड्दैछन् । सेमिफाइनलसम्मको यात्रा तय गर्दा क्रोएसिया अपराजित छ भने इङ्ग्ल्याण्ड समूह चरणमा बेल्जियमसँग पराजित भैसकेको छ ।

क्वाटरफाइनलमा क्रोएसियाले आयोजक रसियालाई ट्राइब्रेकरमा ४–३ गोलअन्तरले पराजित गरिसकेको छ भने इङ्ग्ल्याण्डले स्विडेनलाई २–० ले पाखा लगाउँदै सेमिफाइनलको यात्रा तय गरेको हो ।

सन् १९९८ को विश्वकपमा प्रवेश गरेको क्रोएसिया त्यतिबेला नै सेमिफाइनलसम्म पुगेको थियो । त्यसयता क्रोएसिया सेमिफाइनलमा पुग्न सकेको छैन । विश्वकपमा क्रोएसियाले दोस्रो पटक सेमिफाइनल खेल्दैछ ।

सन् १९९० मा पछिल्लो पटक सेमिफाइनल खेलेको इङ्ग्ल्याण्ड सन् १९६६ को विश्वकप विजेता हो भने इङ्ग्ल्याण्डको यो तेस्रो सेमिफाइनल खेल हो ।

अहिले विश्वकपमा क्रोएसिया र इङ्ग्याण्ड पहिलो पटक भिड्न लागेको हो । यसअघि सन् २००४ को भएको युरोकपमा इङ्ग्ल्याण्डले क्रोएसियालाई ४–२ गोलअन्तरले पराजित गरेको थियो ।

यी दुई टोलीले अहिलेसम्म सात खेल खेलेकामा इङ्ग्ल्याण्डले ४ खेल जितेको छ भने क्रोएसियाले दुई खेल जितेको छ ।

मंगलबार भएको पहिलो सेमिफाइनल खेलमा फ्रान्सले बेल्जियमलाई १–० गोलअन्तरले पराजित गर्दै फाइनलमा प्रवेश गरिसकेको छ । यी दुई टोली क्रोएसिया र इङ्ग्लयाण्डका विजेताले फाइलनमा फ्रान्ससंग सामना गर्नेछन् ।

 

Read More »

कामपाले विद्यालयको अभिलेख अझै पाएन, शिक्षा कार्यालय भन्छ दिन तयार छौँ

शर्मिला पाठक 

काठमाडौँ– जिल्ला शिक्षा कार्यालय, काठमाडौँले अहिलेसम्म पनि महानगरपालिकालाई विद्यालयको अभिलेख हस्तान्तरण नगर्दा विद्यालय क्षेत्रको अध्ययन गर्न समस्या भएको छ ।  अघिल्लो वैशाखमा स्थानीय तहको निर्वाचन भएसँगै माध्यमिकस्तरको शिक्षा हेर्ने जिम्मा स्थानीय तहलाई दिइए तापनि शिक्षा कार्यालयले कामपालाई अहिलेसम्म पनि अभिलेख हस्तान्तरण गरेको छैन ।  यसका कारण विद्यालयसम्बन्धी दैनिक कामकाज गर्न र समग्र पक्षको जानकारी राख्नका लागि कामपालाई समस्या भइरहेको कामपाको शिक्षा विभागका प्रमुख प्रह्लाद अर्यालले जानकारी दिए ।

अर्यालका अनुसार विद्यालयका बारेमा समग्र जानकारी, आवश्यक दरबन्दी, विद्यार्थी संख्या शिक्षकको संख्या, गाभिएका विद्यालयको जानकारीजस्ता समग्र विषय अभिलेखमा हुनुपर्छ । कामपा शिक्षा विभागले पटक पटक शिक्षा कार्यालयलाई अभिलेख दिनका लागि आग्रह गरे पनि सुनुवाइ नभएको बताउँछन् ।

उता जिल्ला शिक्षा अधिकारी नन्दलाल पौडेल भने कामपा विद्यालयको अभिलेख लिन आए आफूहरु दिन तयार रहेको बताउँछन् ।  ‘कानूनले नै यस विषयमा स्थानीय तहलाई जिम्मा दिएकाले शिक्षा कार्यालयले रोक्ने त कुरै भएन, अभिलेख धेरै छन्, त्यसैले राख्नका लागि प्रशस्त स्थानको आवश्यकता पर्छ, लिन बोलाउँदा कामपा प्रतिनिधि आउँदैनन्’, अधिकारी पौडेलले भने ।

पौडेल भन्छन्, ‘कामपाले शिक्षा कार्यालयको भवनमा नै आफ्नो शिक्षा विभागको कामकाजका लागि स्थान मिलाइदिनुपर्यो भन्दै आएको छ, त्यो सम्भव छैन । अभिलेख दिन्छौँ, व्यवस्थापन गर्ने काम कामपाको हो । जिम्मेवारी हस्तान्तरण गर्न नपाउँदा हामीलाई पनि समस्या भएको छ ।’

हाल कामपामा १०० सार्वजनिक र करीब ७०० निजी विद्यालय सञ्चालन हुँदै आएका छन् । तिनमा एक लाख ६५ हजार बालबालिकाले अध्ययन गर्दै आएकामा ३८ हजारले सामुदायिक विद्यालयमा अध्ययन गर्छन् भने अन्य निजी विद्यालयमा छन् ।

गोर्खा भूकम्पका कारण विद्यालयको भौतिक संरचनामा क्षति पुगेपछि कतिपय विद्यालय एउटै भवनमा बिहान र दिउँसो गरी दुई समयमा सञ्चालन हुँदै आएका छन् ।  निजी विद्यालयले जुन समयमा पनि विद्यार्थी भर्ना लिने गरेको र सार्वजनिक विद्यालयका हकमा हरेक वर्ष चैत १५ गतेअगावै विद्यालयको विज्ञापन गर्न नपाइने र वैशाख पहिलो साता अर्थात् नतिजा प्रकाशन भइसकेपछि मात्र भर्ना लिन पाउने नीतिका कारणले पछिल्लो समय सार्वजनिक विद्यालयमा विद्यार्थीको संख्यामा कमी आएको छ ।

वि.सं २०११ देखि नक्साङ्कनका आधारमा विद्यालय खोल्न दिनुपर्छ भन्ने अवधारणाका साथ विद्यालय सञ्चालन हुँदै आए तापनि वि.सं २०२८ मा आएको शिक्षा ऐनको आधारमा विद्यालयको अनुमति दिने गरिँदै आएको छ ।

गतबर्ष २०७४ असोजदेखि विद्यालय गाभ्ने र नयाँका लागि अनुमति दिने विषयलाई लिएर विद्यालय निरीक्षक र स्रोतव्यक्तिले अनुगमन गरिरहेका छन् । सो कार्यका लागि पनि अभिलेख नहुँदा समस्या भएको छ ।

प्रचलित शिक्षा ऐन, नियमावली र निर्देशिकामा रहेर कामपाले नयाँ विद्यालय खोल्न आवश्यक छ कि छैन, भौतिक संरचना, आवश्यक कागजातसहित स्थलगत अनुगमनका आधारमा विद्यालय थप र नयाँ खोल्नेबारेमा स्पष्ट हुन सकिनेछ जसका लागि अभिलेख अत्यावश्यक हुन्

छ । 

Read More »

खेलकुद क्षेत्रको पनि सिन्डिकेट हटाइन्छ : गृहमन्त्री थापा

काठमाडौँ । गृहमन्त्री रामबहादुर थापाले खेलकुद क्षेत्रमा समेत सिन्डिकेट रहेको भन्दै त्यसलाई हटाइने बताएका छन् ।

नेपाल मगर खेलकुद संघले आज यहाँ आयोजना गरेको मगर खेलाडी सम्मान तथा सांस्कृतिक कार्यक्रममा गृहमन्त्री थापाले केही व्यक्ति र समूहले खेलकुद क्षेत्रमा सिन्डिकेट चलाउन खोजेको भन्दै त्यो स्वीकार्य नहुने बताए ।

उनले राजनीतिक र खेलकुद क्षेत्रमा मगर समुदायको विशिष्ट योगदान रहेको बताए ।

गृहमन्त्री थापाले शान्ति, सुशासन कायम हुनका साथै अपराधिक गतिविधिमाथि नियन्त्रण गर्नसके देशको आर्थिक विकास हुने भएकाले यस क्षेत्रमा सरकारलाई सहयोग गर्न सबैसँग आग्रह गरे ।

संघका उपाध्यक्ष तथा भेरी नगरपालिकाका प्रमुख चन्द्रप्रकाश घर्तीमगरले मगरजातिको कला तथा संस्कृति सबै नेपाली जनताको सम्पत्तिका रुपमा रहेको बताउँदै यसको संरक्षण गर्न राज्यले ध्यान दिनुपर्ने बताए ।

नेपाल मगर संघका अध्यक्ष नविन रोक्का मगरले मगरात र तमुवानको छुट्टै गौरवशाली इतिहास रहेको चर्चा गरे ।

 

Read More »

२० सदस्यीय नेपाली क्रिकेट टोली छनोट, को–को परे ?

काठमाडौँ । बेलायतको लर्ड्समा हुने मेरिलोबन क्रिकेट क्लब (एमसिसी) र नेदरल्याण्ड्ससँग खेल्नका लागि आज २० सदस्यीय राष्ट्रिय क्रिकेट टोलीको छनोट भएको छ ।

आइसिसीका प्रतिनिधि अमिनुल इस्लाम, राष्ट्रिय क्रिकेट टोलीका मुख्य प्रशिक्षक जगत टमाटा र कप्तान पारस खड्काको छनोट समितिले २० सदस्यीय टोलीको घोषणा गरेको हो । छनोट हुनेमा कप्तान खड्कासहित विनोद भण्डारी, सुवास खकुरेल र प्रदीप ऐरी छन् । उनीहरुले पुनरागमन गरेका हुन् ।

त्यसैगरी हरि क्षेत्री नयाँ अनुहारका रुपमा छनोट भएका छन् । प्रधानमन्त्री कप एकदिवसीय क्रिकेट प्रतियोगितामा हरिले उदीयमान खेलाडीको उपाधि जितेका थिए । त्यस्तै छनोट हुने अन्य खेलाडीमा सन्दीप लामिछाने, अनिलकुमार साह, ललित राजवंशी, वसन्त रेग्मी, दीपेन्द्रसिंह ऐरी, ज्ञानेन्द्र मल्ल, करण केसी, ललित भण्डारी, रोहितकुमार पौडेल, शक्ति गौचन, शरद भेषवाकर, सोमपाल कामी, सुशान भारी र सुनिल धमला छन् ।

नेपालले आगामी साउन १३ गते टी ट्वान्टी फरम्याटमा लर्ड्समा एमसिसी र नेदरल्याड्ससँग खेल्नेछ । उक्त प्रतियोगिताका लागि शनिबारदेखि बन्द प्रशिक्षण शुरु हुनेछ ।

 

Read More »

अन्तर्राष्ट्रिय नेपाली एकता समाजले बुझायो दुई मन्त्रालयमा ज्ञापनपत्र

काठमाडौँ– अन्तर्राष्ट्रिय नेपाली एकता समाजले श्रम, रोजगार तथा सामाजिक सुरक्षा मन्त्री गोकर्ण विष्ट र परराष्ट्र मन्त्री प्रदीप ज्ञवालीलाई ज्ञापन बुझाएको छ । समाजले असार बिहिबार सिंहदरवारस्थित दुवै मन्त्रालयमा पुगी सो ज्ञापन पत्र बुझाएको हो ।

एकता समाजका अध्यक्ष गङ्गा पौडेल, महासचिव शोभाकान्त लामिछाने, राष्ट्रिय जनमोर्चाकी केन्द्रीय उपाध्यक्ष, प्रवक्ता तथा प्रतिनिधि सभाकी सांसद दुर्गा पौडेल, मूल प्रवाह अखिल भारत नेपाली एकता समाजका संस्थापक सभापति गोविन्द सिंह थापा, ओमन नेपाली एकता समाजका केन्द्रीय सदस्य श्यामलाल रेग्मी, ओमन नेपाली एकता समाजका पूर्व उपाध्यक्षहरु घन बहादुर लामा र नारायण ज्ञवाली तथा राजमो नेता कृष्ण आचार्य सम्मिलित प्रतिनिधि मण्डलको सहभागितामा ज्ञापनपत्र बुझाइएको हो ।

श्रम, रोजगार तथा सामाजिक सुरक्षा मन्त्रालयमा बुझाइएको ज्ञापन पत्रमा एकता समाजले ओमनबाट विदामा घर फर्केका नेपाली घरेलु महिला कामदारलाई पुनः सोही रोजगारीमा जान पाउनुपर्ने, सरकारको प्रत्यक्ष निगरानीमा वैदेशिक रोजगारी सञ्चालन गर्नुपर्ने, विदेशस्थित नेपाली नागरिकहरुलाई मतदान र प्रतिनिधित्वको अधिकार दिनुपर्ने र गैरकानुनी ढङ्गले युरोप, अमेरिका लगायतका देशमा पठाउने नाममा भएका विकृतिको अन्त्य गर्नु पर्ने मागहरु समेटिएका छन् ।

 

Read More »

काँग्रेसद्वारा दुःख व्यक्त

काठमाडौँ– नेपाली काँग्रेसले बाढी, पहिरो र डुबानबाट मुलुकभर भएको जनधनको क्षतिप्रति दुःख व्यक्त गर्दै उचित राहत र व्यवस्थापन गर्नका लागि सरकारसँग आग्रह गरेको छ ।

काँग्रेसले आज एक विज्ञप्तिमार्फत भक्तपुरको चाँगुनारायणमा पहिरोले घर पुरिँदा एकै परिवारका तीनजनाको मृत्यु भएको घटनाप्रति दुःख व्यक्त गर्दै जीवन गुमाउनु भएकाहरुप्रति श्रद्धाञ्जली र उनीहरुका परिवारजनहरुमा समवेदना प्रकट गरेको छ ।

साथै, प्रभावित क्षेत्रमा राहत सामग्री लगायत अवरुद्ध सेवा सुविधाहरु यथाशीघ्र सुचारु गर्ने÷गराउने व्यवस्थाका लागि सरकार लगायत सम्वद्ध सबैसँग काँग्रेसले आग्रह गरेको मुख्य सचिव कृष्णप्रसाद पौडेलद्वारा जारी विज्ञप्तिमा उल्लेख छ ।

केही दिनदेखि परेको अविरल वर्षा पछि आएको वाढी, पहिरो र डुवानका कारणले देशका विभिन्न जिल्लामा धनजनको ठूलो क्षति भएको र जनजीवन अस्तव्यस्त भएको छ । गएराति परेको वर्षाले राजधानी नजिकैको जिल्ला भक्तपुर र काभ्रेलाई समेत प्रभावित पारेको छ । काठमाडौँ लगायत तीन जिल्लामा कैयौं घरहरु डुवानमा परेका छन् ।

यी तीन जिल्लामा खाद्य सामग्री भिजेर नष्ट भएको, विजुली बत्तिको असुविधा भएको र घरभित्रका व्यक्तिहरु बाहिर निस्कन नसक्ने अवस्थामा रहेका छन् ।

 

Read More »