admin

काँग्रेसद्वारा दुःख व्यक्त

काठमाडौँ– नेपाली काँग्रेसले बाढी, पहिरो र डुबानबाट मुलुकभर भएको जनधनको क्षतिप्रति दुःख व्यक्त गर्दै उचित राहत र व्यवस्थापन गर्नका लागि सरकारसँग आग्रह गरेको छ ।

काँग्रेसले आज एक विज्ञप्तिमार्फत भक्तपुरको चाँगुनारायणमा पहिरोले घर पुरिँदा एकै परिवारका तीनजनाको मृत्यु भएको घटनाप्रति दुःख व्यक्त गर्दै जीवन गुमाउनु भएकाहरुप्रति श्रद्धाञ्जली र उनीहरुका परिवारजनहरुमा समवेदना प्रकट गरेको छ ।

साथै, प्रभावित क्षेत्रमा राहत सामग्री लगायत अवरुद्ध सेवा सुविधाहरु यथाशीघ्र सुचारु गर्ने÷गराउने व्यवस्थाका लागि सरकार लगायत सम्वद्ध सबैसँग काँग्रेसले आग्रह गरेको मुख्य सचिव कृष्णप्रसाद पौडेलद्वारा जारी विज्ञप्तिमा उल्लेख छ ।

केही दिनदेखि परेको अविरल वर्षा पछि आएको वाढी, पहिरो र डुवानका कारणले देशका विभिन्न जिल्लामा धनजनको ठूलो क्षति भएको र जनजीवन अस्तव्यस्त भएको छ । गएराति परेको वर्षाले राजधानी नजिकैको जिल्ला भक्तपुर र काभ्रेलाई समेत प्रभावित पारेको छ । काठमाडौँ लगायत तीन जिल्लामा कैयौं घरहरु डुवानमा परेका छन् ।

यी तीन जिल्लामा खाद्य सामग्री भिजेर नष्ट भएको, विजुली बत्तिको असुविधा भएको र घरभित्रका व्यक्तिहरु बाहिर निस्कन नसक्ने अवस्थामा रहेका छन् ।

 

Read More »

नेविसंघका नेता पक्राउ, आफ्नै कार्यकर्तामाथि हातपात गरेको आरोप

काठमाडौं– कार्यकर्तामाथि  हातपात गरेको अभियोगमा नेपाली कांग्रेस निकट नेविसंघका एक  नेतालाई प्रहरीले नियन्त्रणमा लिएको छ । नेविसंघको केन्द्रीय सदस्य प्रेमबहादुर शाहीलाई  पीडितले दिएको उजुरीको आधारमा महानगरीय प्रहरी बृत्त कीर्तिपुरदले पक्राउ गरेको हो ।
सामान्य विवादमा  कार्यकर्ता प्रकाश खड्का र जगदिश भट्टमाथि हातपात गरेको अभियोग उनीमाथि छ । बुधबार राति पक्राउ परेका शाहीलाई सार्वजनिक मुद्दामा म्याद थप गरेर अनुसन्धान थालिएको प्रहरीले जनाएको छ ।
त्रिभुवन विश्वविद्यालय केन्द्रीय क्याम्पस कीर्तिपुरमा खड्का र भट्टमाथि शाहीले हातपात गरेको  नेविसंघकै एक नेताले जानकारी दिए । 

Read More »

इन्टरनेट कम्पनीका कर्मचारी काठमाडौं महानगरको नियन्त्रणमा

काठमाडौँ– जथाभावी तार टाँगेर शहरलाई कुरुप बनाएको भन्दै इन्टरनेट सेवा प्रदायक कम्पनीका कर्मचारीलाई काठमाडौँ महानगरपालिकाले नियन्त्रणमा लिई सचेत गराएको छ ।

तार जडान गर्ने क्रममा अरूको तार काट्ने र आफ्नो तार जडान गरेको, जथाभावी तार टाँगेर शहरलाई कुरुप र जोखिमपूर्ण बनाएको भन्दै कामपा–१६ ले तीन वटा इन्टरनेट सेवा प्रदायक कम्पनीका कर्मचारीलाई नियन्त्रणमा लिई आगामी दिनमा यसो नगर्न निर्देशन दिएको छ ।

बालाजु बाइपास क्षेत्रमा तारको काम गरिरहेको बेला कामपा–१६ का वडाध्यक्ष मुकुन्द रिजालको निर्देशनमा प्रतिनिधिमूलक तीन जना कर्मचारीलाई नियन्त्रणमा लिई आफ्नो काम गर्ने क्रममा अरूलाई असर नपु¥याई सुन्दर शहरलाई जोगाउन सचेत गरिएको छ । यसरी नियन्त्रणमा लिइएका कर्मचारी वल्र्ड लिंक, भायोनेट र नेट म्याक्सका थिए ।

आज बिहान ११ बजे, इन्टरनेट सर्भिस प्रोभाइडर एशोसिएशन अफ नेपालका कोअर्डिनेटर विनोद जोशीको नेतृत्वमा कम्पनीका प्रतिनिधि वडा कार्यालय पुगेर वडाध्यक्षसँग आफ्ना समस्या बुझिदिन आग्रह गर्दै आगामी दिनमा शहरको सन्दरतालाई जोगाउने कार्यमा आफूहरु लागिपर्ने बताएका थिए । आफू कहाँ आएका इन्टरनेट सेवा प्रदायकको कुरा सुनेपछि वडाध्यक्ष रिजालले शहरी सुरक्षाका लागि हामीले राखेको सिसिटिभी क्यामराको तार छुटेकाले यी सबै व्यवस्थापन गरेर मात्र काम अघि बढाउनुर्नेमा जोड दिए ।

 

Read More »

रोशी खोलाको बीचमा फसेका २ जनाको सेनाको हेलिकप्टरबाट उद्धार

बनेपा– खानेपानीको काम गरिरहँदा रोशी खोलको बीचमा फसेका दुईजनाई नेपाली सेनाको हेलिकोप्टरले उद्दार गरेको छ । जिल्लाको नमोबुद्ध नगरपालिका–६ खाक्सिस्थित खानेपानीको काम गरिरहेका बेला रोशी खोलाको बीचमा फसेका दुई जनालाई सेनाको हेलिकप्टरबाट उद्धार गरिएको हो ।

काभ्रेपलाञ्चोकका प्रहरी प्रमुख प्रहरी उपरीक्षक रविराज खड्काका अनुसार नमोबुद्ध नगरपालिका–६ खाक्सी र दाप्चाका लागि लिफ्टिङ खानेपानी आयोजनामा खोलामा इनार खनिरहेका डोजर अपरेटर नमोबुद्ध नगरपालिका–७ दाप्चाका नारायणगोपाल श्रेष्ठ र सहचालक धुलिखेल नगरपालिका–२ का कान्छा तामाङलाई सेनाको हेलिकप्टरबाट उद्धार गरिएको हो । दुवैजना खोलामा काम गरिरहेको अवस्थामा एक्कासि खोला बढेर दुवै तर्फबाट बाढी पसेपछि बीचको अग्लो ढुंगामा बसिरहेको अवस्थामा दुवैजनाको उद्धार गरिएको हो ।

 

Read More »

शुरु भयो डुबानको मौसम : सिरहा जलमग्न (फोटोफिचर)

सिरहा  । लागातारको वर्षाले मिर्चैयाको विभिन्न चोकमा पानी जमेकाले जनजीवन प्रभावित भएको छ । शनिबारदेखि भइरहेको बर्षाले मिर्चैयाको केन्दुबिन्दु मानिने थाना चौक, बजार एरिया र कटारी चौक लगायतका स्थानहरुमा पानी जमेकाले आवतजावतमा समस्या भइरहेको छ ।

नालाको उचित व्यवस्थापनको अभावमा मिर्चैयामा पानीको निकास नहुँदा पूर्व पश्चिम लोकमार्गमा समेत पानी जमेकोले सबारीसाधन आगमनमा समस्या भईरहेको छ । मिर्चैयामा नाला निर्माणका लागि खनिएका खाल्डोहरु अधुरै रहँदा स्थानीय व्यवसायीहरुको पसलको अगाडी पानी जमेकोले थप सकस भएको छ । मिर्चैयाको थाना चौक एरिया र बजार एरियाको अधिकांश घरमा पानी पसेको छ । वर्षाले मिर्चैयाका सडक तथा बाटोहरु जलमग्न र हिलाम्य भएको छ ।

मिर्चैया नगरपालिका अन्तर्गत रहेका जिर्ण एवम् कच्ची सडक तथा गल्लीको सडकहरु पनि वर्षाले हिलाम्य भएको हो ।

नगरभित्र ढल तथा पानी निकासको लागि नालाको उचित व्यवस्थापन नहुँदा समान्य वर्षा हुँदा पनि पानी सडकमै जम्ने गरेकाले हिलाम्य हुने गरेको छ ।

सडकमा पानी जमेर हिलाम्य हुँदा पैदल हिँडडुल गर्न समेत कठिनाई भएको छ । पटक–पटक यस्ता समस्याहरुले मिर्चैया नगरपालिकाबासी आजित भएपनि नगरपालिकाले समस्या समाधान गर्न खासै चासो देखाएको छैन ।

पानीको उचित निकास नहुँदा सर्बसाधारणको घर–घरमा पानी पसेपनि नगरपालिकाले कुनै चासो नदिएको राजपा नेपालका नेतृ चन्द्रकला साहले आरोप लगाइन् ।

वर्षाले जिल्ला मिर्चैयाको साथै, गोलबजार, लहान, सुखिपुर, कल्याणपुर, बस्तिपुर, धनगढीमाई, सिरहा सदरमुकाम लगायत ग्रामिण क्षेत्रको सडक प्रभावित बनेको छ ।

 

Read More »

किसानको पीडा : भारतले किन छाड्दैन नहरमा पानी ?

पर्सा । भारतको तर्फबाट गण्डक नहरमा पानी आउँदा नेपालको खेतीकिसानी प्रभावित भएको छ ।

गण्डकको नहर भारतीय भूमि, पर्साको जानकी टोल हुँदै रौतहटको बागमतीसम्म पुगेको छ । तर गत साउन २७, २८ र २९ गते आएको बाढीले नहरमा पुर्याएको क्षति हालसम्म मर्मत सम्पन्न नहुँदा किसान मर्कामा परेका छन् ।

भारत र नेपाल दुवैतर्फ गण्डक नहरको मर्मत कार्य भइरहेको नारायणी सिंचाइ व्यवस्थापन डिभिजन कार्यालयका प्रमुख राजेन्द्रप्रसाद साहले बताए । उनी भन्छन्, ‘भारतले पानी नदिएको होइन । गत वर्ष आएको बाढीका कारण नहरमा थुप्रै क्षति भएको छ । क्षति भएको ठाउँमा मर्मत भइरहेकोले पानी आउन ढिला भएको हो ।’

भारततिर १० भन्दा बढी ठाउँमा क्षति पुर्याएको छ । यही क्षतिका कारण गत गहुुँको सिजनमा पनि पानी दिएको थिएन । अहिले पनि मर्मत कार्य धमाधम भइरहेको भारतको रामनगरमा रहेका जल संसाधन विभागका प्रमुख शैलेन्द्र प्रसादले दाबी गरे ।

उनले रातोपाटीसँग फोनमा कुरा गर्दै भने, ‘आज पनि काम भइरहेको थियो तर पानी पर्न थालेपछि काम रोकिएको हो । मौसमले साथ दियो भने जुलाई १० तारिखभित्र पानी छाड्नेछौँ । यदि यस्तै पानी परिरह्यो भने नहरमा समयमा पानी छाड्न गाह्रो हुन्छ ।’

डिभिजन कार्यालयका प्रमुख साहले यदि नहर सञ्चालनमा आएन भने वैकल्पिक उपाय अपनाउने बताए । उनले भने, ‘मलाई विश्वास छ २५ देखि ३० गतेभित्रमा पानी आउँछ तर मौसम खराब भयो र ठेकेदारले काममा लापरवाही गरे भने ढिलो पनि हुनसक्छ । ढिलो भयो भने वैकल्पिक उपाय अपनाउनेछौँ ।’

किसानलाई मर्का परिरहेको कुरा आफूलाई पनि थाह भएको र अहिले त्यसको व्यवस्थापनमा लागेको बताउँदै उनले भारतीय पक्षलाई पनि काम छिटो सकियोस् र पानी छाड्न पाइयोस् भन्ने चाहना रहेको बताए ।
विहार सरकारले पनि त्यहाँका जल संसाधन विभागलाई छिटो मर्मत कार्य सकेर नेपाललाई पानी छाड्न निर्देशन दिएको प्रमुख साहले बताए ।

गण्डक सम्झौताअनुसार भारतले नेपालतर्फ आठ सय क्युसेक पानी छाड्नुपर्छ । तर केही वर्षयता मुस्किलले ५ सयदेखि ६ सय क्युसेक मात्रै पानी छाड्ने गरेको यहाँका किसान बताउँछन् । नहर दुई हजार छ सय क्युसेक क्षमताको रहेको छ ।

सन् १९७६ मा भारतले दुई चरणमा गण्डक नहर निर्माण सम्पन्न गरेर नेपाललाई हस्तान्तरण गरेको थियो । पर्साको जानकी टोलबाट नेपाल प्रवेश गर्ने र रौतहटको बागमतीमा गएर मिसिने नहरलाई पूर्वी नहर भन्ने गरिन्छ । यो नहर ९५ किलोमिटर लामो छ । पर्सादेखि रौतहटसम्मको ३१ हजार ४ सय हेक्टर जग्गालाई सिञ्चित गर्ने लक्ष्य रहेको सम्झौतामा उल्लेख छ । तर भारतले पर्याप्त मात्रमा पानी नछाडेका कारण रौतहटसम्म समेत पानी नपुगेको किसानहरूले पीडा सुनाए ।

 

Read More »

सरकारलाई १३ वटा विधेयक मस्यौदा हस्तान्तरण

धनुषा– प्रदेशका लागि आवश्यक कानून निर्माण गर्न सरकारले गठन गरेको विधेयक मस्यौदा सहजीकरण समितिले १३ वटा विधेयक निर्माणपछि प्रदेश सरकारलाई हस्तान्तरण गरेको छ ।

समितिका संयोजक एवं प्रदेश नं. २ का मुख्यन्यायधिवक्ता दिपेन्द्र झाले मुख्यमन्त्री लालबाबु राउतलाई सोमबार ति विधेयक मस्यौदाहरु हस्तान्तरण गरेका हुन् ।

यस अघि नै समितिले बुझाएको ८ वटा विधेयक मध्ये २ वटा प्रदेश सभाले पारित गरि सकेको छ भने अन्य ६ वटा विधेयक प्रदेश सभामा छलफलका क्रममा रहेका छन् ।

समितिले सोमबार हस्तान्तरण गरेको विधेयकहरुमा  लैङ्गिक तथा  घरेलु हिंसा नियन्त्रण गर्ने सम्बन्धमा व्यवस्था गर्न बनेको विधेयक २०७५, विद्युत प्राधिकरणको स्थापना र व्यवस्था गर्न बनेको विधेयक २०७५ , प्रदेशीय व्यवस्था बमोजिम वन जंगल संरक्षण र व्यवस्था गर्न बनेको विधेयक २०७५, प्रदेश नं. २ गुठी व्यवस्थापन विधेयक, २०७५, प्रदेश नं. २ को विश्वविद्यालयसम्बन्धी व्यवस्था गर्न बनेको ऐन २०७५,  प्रदेश नं. २ फ्रिक्वेन्सी मोडुलेशन (एफ. एम. रेडियो) सञ्चालन तथा नियमन गर्न बनेको विधेयक, २०७५, प्रदेश नं. २ वैदेशिक रोजगारीमा जाने व्यक्तिहरुको सामाजीक सुरक्षा सम्बन्धमा व्यवस्था गर्न बनेको विधयेक, २०७५, प्रदेश नं. २ प्रदेश लोक सेवा आयोग (कार्य्विधि) सम्बन्धमा व्यवस्था गर्न बनेको विधयेक, २०७५, प्रदेश २ शिक्षा ऐन , २०७५,  प्रादेशिक प्रशासनका लागी आवश्यक कर्मचारी भर्ना सम्बन्धि विधेयक, २०७५, गाउँ सभा र नगर सभाको कानून निर्माण प्रक्रियाका सम्बन्धमा व्यवस्था गर्न बनेको विधेयक २०७५ , प्रदेश नं २ कोप्रदेश सभासचिवालय सम्बन्धमा व्यवस्था गर्न बनेको विधेयक २०७५, प्रदेश प्राकृतिक प्रकोप व्यवस्थापन सम्बन्धि विधेयक २०७५  छन्  । यसअघि प्रदेश सभा दर्ता भएका विधेयकहरुमा मुख्यमन्त्री तथा मन्त्रीहरुको सेवा सुविधा सम्बन्धि विधेयक र प्रदेशसभा पदाधिकारी तथा सदस्यहरुको सेवा सुविधा सम्बन्धि विधेयक पारित भै सकेको छ भने, मुख्य न्यायाधिवक्ताको काम कर्तव्य तथा अधिकार सम्बन्धि विधेयक, नीति आयोगको  काम कर्तव्य तथा अधिकार सम्बन्धि विधेयक , प्रदेश प्रहरी ऐन २०७५, जिल्ला नगर तथा गाँउ सभा संचालन सम्बन्धि कार्य्विधि विधेयक , लिखत प्रमाणीकरण सम्बन्धि विधेयक २०७५ , स्थानीय तह पदाधिकारी तथा सदस्यको सेवा सुविधा सम्बन्धि विधेयकमाथि छलफल जारी छ ।

 

Read More »

महोत्तरी जिल्लामा सात हजार भन्दा बढी बालबालिका कुपोषणको शिकार

गौशाला ।  महोत्तरी जिल्लामा छ महिनादेखि ५९ महिनासम्मका सात हजार बढी बालबालिका कुपोषणको शिकार भएका छन् ।

जिल्ला अस्पताल महोत्तरीका चिकित्सक गिरेन्द्र झाले जिल्लाको दुई हजार २०० बालबालिकामा कडा कुपोषण र पाँच हजार दुई बालबालिकामा मध्यमखालका कुपोषण फेला परेको बताए।

चिकित्सक झाका अनुसार जिल्लाको ग्रामीण भेगमा बसोबास गर्ने बालबालिका गरिबीका कारण चाहिए जति खाना खान नपाएर कुपोषणका शिकार भएका छन् । त्यस्तै शहरी क्षेत्रका बालबालिका सन्तुलन मिलाएर खाना नखाएका कारण कुपोषणको शिकार भएका छन् ।

जिल्ला अस्पताल महोत्तरीले जिल्लाका बालबालिकामा फेला परेको कडा खालको र मध्यम खालको कुपोषण हटाउनका लागि जिल्ला अस्पताल जलेश्वरलगायत जिल्लाको अन्य करीब एक दर्जन विभिन्न अस्पताल तथा स्वास्थ्यचौकीमा विशेष कार्यक्रम लागू गरिएको छ ।

महोत्तरी जिल्लामा अहिले छ महिनादेखि ५९ महिना उमेर समूहका ७० हजार ६२५ जना बालबालिका रहेका छन् ।

 

Read More »

अभिभावक भन्छन्, ‘शिक्षिकाले पिट्दा छोराको अप्रेशन नै गर्नुपर्यो’

बीरगञ्ज । वीरगञ्जको गोल्डेन फ्युचर सेकेण्डरी स्कुलकी शिक्षिकाले विद्यार्थीलाई हिर्काउँदा विद्यार्थीको अपरेशन नै गर्नुपरेको हो ।

वीरगन्ज महानगरपालिका वडा नम्बर १० अशोक वाटिका बस्ने मनोज ठाकुरको छोरा आलोक शर्मालाई शिक्षिका सुमन झाले कुटपिट गर्दा उनको ढाँडमा चोट लागेर अपरेशन नै गर्नुपरेको पीडित परिवारले बताएका छन् ।

गएको जेठ २७ गते गोल्डेन फ्युचर सेकेण्डरी स्कुलमा अध्ययनरत विद्यार्थी आलोकलाई तेश्रो घण्टीमा शिक्षिका सुमनले व्याकरण पढाउने क्रममा प्लाष्टिकको पाइपले ढाँडमा हिर्काउदा चोट लागेको बालकले बताएका छन् ।

घरमा अभिभावकलाई भने विद्यालयमा शिक्षकबाट फेरी कुटाई खाने डरले आलोकले केही पनि नभनेको तर हिँड्नलाई पनि अप्ठ्यारो गर्ने, खाना पनि नखाने गरेपछि परिवारले उनलाई चिकित्सकलाई देखाएका थिए ।

चिकित्सकले औषधी लेखेर दिएपछि पनि ठीक नभएपछि पुन डा.रोशन अलीकोमा भर्ना गराएपछि एक्सरे गराउँदा डाक्टरले अपरेशन गर्नुपर्ने बताए । ढाँडामा लागेको चोटको बारेमा आलोकले शुरुमा नबताए पनि केही दिनपछि विद्यालयमा शिक्षकले कुटेको बताएका थिए ।

यस विषयमा विद्यालयमा पनि जानकारी गराउँदा समेत विद्यालयबाट कुनै किसिमको जवाफ नआएको पीडितका अभिभावकले बताए । उनीहरुले विद्यालयकी शिक्षिकाले नै लठ्ठीले हिर्काएको आरोप लगाएका छन् । तर, विद्यालयका प्रिन्सिपल डिजे गुरुङले भने विद्यालयमा २७ गते तीनजना विद्यार्थीहरुबीच झगडा भएपछि सामान्य सजाय मात्रै दिएको बताएका छन् । उनले २८ गतेदेखि विद्यालय बन्द भएपछि शिक्षिकाले त्यसरी कुटपिट गरेको आफूलाई कुनै जानकारी नभएको बताउदै यस विषयमा विद्यालय खुलेपछि छानविन गर्दा समेत त्यस्तो कुटपिट नभएको दावी गरे ।

उनले विद्यालय बन्द भएपछि पनि धेरै दिनपछि मात्रै अभिभावकहरुले आपूmलाई जानकारी दिएको र सोही अनुसार आपूm अस्पतालमा पुगेर घाइते बालक र अभिभावकहरुलाई भेट गरि आवश्यक उपचार खर्चको पनि व्यवस्था गरिदिएको बताए ।

अभिभावकका अनुसार अस्पताल प्रशासनले पनि बालकलाई लागेको चोट निकै गम्भीर भएकोले अपरेशन गर्नुपरेको र कुटपिट नै भएको हो भने कानुनी प्रक्रियामा जान समेत सुझाव दिएको अभिभावकले बताएका छन् ।

 

Read More »

सरकार किम जोङ उनको शैलीमा : कांग्रेस

काठमाडौँ — सरकारले नेपाल संस्कृत विश्वविद्यालयका उपकुलपति र ट्रमा सेन्टरका चिकित्सकलाई दुर्व्यवहार गरेर जनतालाई तर्साउन खोजेको भन्दै प्रमुख प्रतिपक्षी कांग्रेसले संसद्‍मा विरोध गरेका छन् ।

कांग्रेस नेता प्रदीप गिरीले क्यानाडा जान लागेका संस्कृत विश्वविद्यालयका उपकुलपति कुलप्रसाद कोइराला र ट्रमा सेन्टरका चिकित्सक डा. भोजराज अधिकारीलाई दुर्व्यवहार गरेर सरकारले तुजुक देखाएको बताए । ‘सरकारले जनतालाई तर्साउन खोजेको छ’ प्रतिनिधिसभाको बिहीबारको बैठकमा विशेष समयमा बोल्दै गिरीले भने, ‘हाम्रा प्रधानमन्त्री दक्षिण एसियाकै शक्तिशाली हुनुहुन्छ । अहिले प्रधानमन्त्रीले गरिमा देखाउने बेला हो । तुजुक र दम्भ देखाउने बेला होइन । उपकुलपतिमाथि भएको दुर्व्यवहारको घटना अन्जानमा भएको हो भने हुन्छ ।’
उनले सरकारले गरेको यी दुई दुर्व्यवहारको घटनाले लोकतन्त्र माथि नै प्रहार भएको आरोप लगाएका छन् । लोकतन्त्रमा जनतादेखि सरकार डराउने र तानाशाही व्यवस्थामा मात्र सरकारदेखि जनता डराउने गरेको उनले बताए ।
शून्य समयमा कांग्रेस सांसद अमरेशकुमार सिंहले ट्रमा सेन्टरका डा. अधिकारीलाई गृहमन्त्रीको आदेशमा अपरहण शैलीमा लगिएको भन्दै विरोध जनाए । सरकारले उत्तर कोरियाली नेता किमजोङ उनको शैलीमा बुद्धिजीवीलाई तसाईरहेको सिंहले बताए । कांग्रेस सांसद दिलेन्द्रप्रसाद बडुले उपकुलपति कोइरालालाई सम्मेलनमा पठाउन सरकारलाई आग्रह गरे । उपकुलपतिलाई क्यानडामा जान नदिएर मुलुकको स्वाभिमानमाथि क्षति भएको उनले बताए । ‘समापन समारोहमा भए पनि उपकुलपति कोइरालालाई पठाइयोस्,’ उनले भने, ‘नेपालको पहिचान, इज्जत र प्रतिष्ठामा आँच आउने काम नहोस् ।’
गिरीले डा.गोविन्द केसीले उठाएको मागमा सिंगो संसद् पार्टीको ह्वीपअनुसार पक्ष र विपक्षमा विभाजित भएकामा असन्तुष्टि जनाए । राजपाका सांसद अनिलकुमार झाले आफ्नो पार्टी केसीको सत्याग्रहको पक्षमा रहेको बताए । नेकपाका सांसद मोहन बानियाँले केसीको अनशनलाई बेमौसमी बाजा भन्दै कानुन हातमा लिने गरी अनशन बसेकोमा विरोध जनाए । ‘कसलाई के खान मन लाग्छ, उसलाई सरकारले पुर्‍याउन सक्दैन’ उनले भने ।
नेकपाका किसान श्रेष्ठले काठमाडौं उपत्यकाका सडक हिलाम्मे हुँदा पनि सरकारले नबनाएकोमा आपत्ति जनाए । सडकले नगरपालिका, नगरपालिकाले मेलम्ची आयोजनालाई दोष दिएर उम्कने गरेकोसमेत उनले बताए । सांसद कृष्णभक्त पोखरेलले नारायणघाट–मुङलिङ सडकमा भौगर्गिक अध्ययनबिनै अर्बौ रुपैयाँ खर्च गरेकोमा विरोध जनाए ।
सांसद खगराज अधिकारीले कास्की र म्याग्दीलाई हिमाली जिल्लामा राख्न माग गरे । नेकपाकै अर्का सांसद गणेश ठगुन्नाले दार्चुलालाई बाढीग्रस्त क्षेत्र घोषणा गर्न सरकारसंग माग राखे । नेकपाका सांसद गंगाबहादुर तामाङले बनेपा र पनौतीमा बाढी आउँदा किसानको धानबाली नष्ट भएकोले राहतको व्यवस्था गर्नु पर्ने बताए । उनले रोशी खोलाको क्रसर उद्योग नियमन गर्न सरकारसंग माग राखे । कांग्रेस सांसद जिपछिरिङ लामाले दोलखाका भूकम्पपीडितले तेस्रो किस्ता पाउन नसकेको बताए । भूकम्पले क्षति भएको गुम्बा अझै पनि त्रिपाल र जस्ता मुनी रहेको भन्दै उनले तत्काल पुनर्निर्माण गर्न सरकारलाई ध्यानाकर्षण गराए ।
साना दलको विरोध
राप्रपाले संसदीय सुनुवाई समितिमा साना दलबाट प्रतिनिधित्व गर्ने सांसदलाई सहभागी नगराएको विरोध जनाएको छन् । राप्रपाका सांसद राजेन्द्र लिङ्देनले समितिमा आफ्नो पार्टीलाई प्रतिनिधित्व नगराएर बिचारलाई निषेध गरिएको दाबी गरे । ‘विचारको आधारमा कसैलाई निषेध नहोस् । सुनुवाई समितिमा राप्रपालाई समावेश नगरेकामा हाम्रो असहमति छ,’उनले भने ।
मन्त्री नहुँदा विधेयक पेस भएन
शिक्षामन्त्री गिरिराजमणि पोखरेल संसद्‍मा नआएपछि चिकित्सा शिक्षा विधेयक बिहीबारको बैठकमा पेस हुन सकेन । कार्यसूचीको ४ नम्बरमा शिक्षामन्त्री पोखरेलले विधेयक पेस गर्ने उल्लेख थियो । मन्त्री बर्दिया गएको जानकारी पाएपछि कार्यसुचीबाट हटाइएको संसद् सचिवालयले जनाएको छ । ‘मन्त्री पनि नभएको र कांग्रेसले पनि विरोध गर्न सक्ने भएपछि कार्यसूचीबाट हटाइएको हो’ संसद् सचिवालय स्रोतले जनाएको छ ।
Read More »