admin

बालुवाटारमे प्रधानमन्त्री ओली आ माधव नेपालबीच कहासुनी

काठमाण्डु भादव ६ गते ।स्वास्थ्य उपचारके सिंगापुर जएबासँपूर्व सत्तारुढ नेकपाक सचिवालय बैठकमे प्रधानमन्त्री केपी शर्मा ओली आ वरिष्ठ नेता माधवकुमार नेपालबीच कहासुनी भेल अछि ।
बालुवाटारमे वृहस्पतिदिन भिन्सर भेलाक बाद अध्यक्ष तथा प्रधानमन्त्री ओली एजेण्डामे प्रवेश करबाक समय नहि रहलाक कारण ओ स्वास्थ्यलाभके शुभकामना दऽ कऽ पठाबएलेल आग्रह कएलन्हि ।
ओ नहि रहलाक बादो बैठकसँ सहमतिके आधार पर निर्णय करबालेल दोसर अध्यक्ष प्रचण्डकेँ अधिकार देने जानकारी करओलन्हि । ओलीक कहब उदृत करैत एक नेता कहलन्हि,‘आजुक बैठकमे एजेण्डापर छलफल हएबाक अवस्था नहि रहल । हमरा बैठक स्वास्थ्य लाभक कामना करए, हम आहाँसभकेँ शुभकामना लऽ कऽ उपचारके लेल जाएब । एहिबीचमे हम नहि रहलाक बादो बैठक राखि कऽ सहमतिके आधारमे निर्णृय करु । आवश्यक परला पर हमरासँ फोनमे बात कएल जा सकैत अछि । पार्टी सर्वसम्मत ढंगसँ चलाएब ।’
ओलीके ई कहबाक संगहि वरिष्ठ नेता नेपाल ‘नहि होएत, आब कोनो हालतमे सर्वसम्मती नहि होएत’ कहैत प्रतिवाद कएलन्हि । ओ असहमति राखि कऽ बहुत निर्णय भेल कहैत नेपाल एखन कियाक सहमतिमे मात्र निर्णय होएत ? कहैत प्रश्न कएलन्हि । ओ केन्द्रीय सदस्य तथा सांसद राजेन्द्र गौतम सामाजिक सञ्जाल फेसबुकमे हुनकाविरुद्ध लिखने कहैत कारबाहीके माँग सेहो कएलन्हि ।
नेपाल आक्रोशित रुपेँ प्रस्तुत भेलाक बाद अध्यक्ष प्रचण्ड रोकबाक प्रयास कएने छलथि । ओ प्रधानमन्त्री एवं अध्यक्ष ओली सिंगापुरमे रहल समय महत्वपूर्ण निर्णय करएपरल तऽ फोनमे बात करब आ सहमतिएके आधार पर पार्टी सञ्चालन करब बतओलन्हि ।
सहमति नहि भऽ सकल विषयमे सेहो प्रचण्ड नेतासभसँ सल्लाह कऽ कऽ आगु बढब बतओने एक नेता जानकारी देलन्हि ।
बैठकमे नेपाल पुनः राजेन्द्र गौतम उपर कारबाहीके माँग कएलाक बाद ओली ‘बुधबार साप्ताहिक’ के प्रसंग लओलन्हि । पत्रिकाक समाचार देखबैत ओली ‘आहाँ फरक मत पार्टीमे नहि राखि कऽ मिडियामे रखैत छी । आहाँके कदम गलत भेल कहि कऽ दोसर आदमी फेसबुकमे नहि लिख सकैत अछि ?’ कहैत प्रश्न कएने छलथि ।
ओहि क्रममे ओली नेता नेपालकेँ ‘आहाँके शुभकामना हमरा नहि चाही आ आहाँके इच्छा की अछि हमरा बुझल अछि, आहाँके शुभकामना नहि देलासँ किछु नहि हएतैक,’ कहने एक नेता बतओलन्हि ।

Read More »

प्रधानमन्त्री ओली सिंगापुर प्रस्थान

काठमाण्डु भादव ६ गते ।प्रधानमन्त्री केपी शर्मा ओली स्वास्थ्य जाँच तथा उपचारक फलोअपके लेल सिंगापुर प्रस्थान कएलन्हि अछि । वृहस्पतिदिन दुपहर प्रधानमन्त्री ओली सिंगापुरतर्फ गेल छथि ।
स्वास्थ्य परीक्षणके लेल गत साउन १८ गते सिंगापुर गेल प्रधानमन्त्री ओली १० दिनबाद स्वदेश घुरल रहथि । एहिबेर सिंगापुरक नेशनल युनिभर्सिटी हस्पिटलमे हुनकर स्वास्थ्य जाँचके फलोअप होएत ।
प्रधानमन्त्रीक प्रेस संयोजक चेतन अधिकारी प्रधानमन्त्री कतेक दिन सिंगापुर रहताह तय नहि भेल जानकारी देलन्हि अछि । प्रधानमन्त्री पत्नी राधिका शाक्य, प्रमुख सल्लाहकार विष्णु रिमाल, प्रधानमन्त्रीक निजी चिकित्सक दिव्या सिंह आ प्रमुख स्वकीय सचिव राजेश बज्राचार्यसहितक टोली सिंगापुर गेल अछि ।
१२ वर्ष पहिने किडनी प्रत्यारोपण करओने ओली अपन स्वास्थ्य परीक्षणके पैघ महत्व दैत आबि रहल छथि । हुनकर दिल्लीस्थित अपोलो अस्पतालमे किडनी प्रत्यारोपण कएलाक बाद नियमित स्वास्थ्य परीक्षण काठमाण्डु, दिल्ली, बैंकक आ सिंगापुरमे होइत आएल छल ।

Read More »

भारतीय विदेशमन्त्री जयशंकर स्वदेश फिर्ता

जनकपुरधाम भादव ६ गते ।भारतीय विदेशमन्त्री एस जयशंकर दु दिनक नेपाल भ्रमण पुरा कऽ स्वदेश घुरल छथि । नेपाल–भारत संयुक्त आयोगक पाँचम बैठकमे भाग लेबएलेल बुधदिन नेपाल आएल ओ आयोगक बैठकमे सहभागी हएबाक संगहि नेपाली नेतासभसँ भेटवार्ता कऽ वृहस्पतिदिन स्वदेश घुरल छथि ।
हुनका त्रिभुवन विमानस्थलमे परराष्ट्र मन्त्रालयक सचिव शंकरदास वैरागी, नेपालके लेल भारतीय राजदूत मञ्जिवसिंह पुरी विदाइ कएने छलथि ।
बुधदिन दुपहर ओ प्रधानमन्त्री केपी शर्मा ओलीसँ भेट कएने छलथि तऽ साँझमे राजपा अध्यक्षमण्डलक नेतासभसभसँ भेट कएने रहथि । वृहस्पतदिन भिन्सर राष्ट्रपति विद्यादेवी भण्डारीसँ भेटवार्ता कएने जयशंकर पूर्वप्रधानमन्त्री शेरबहादुर देउवा आ डाक्टर बाबुराम भट्टराईसँ सेहो राजनीतिक भेट वार्ता कएने छलथि ।

Read More »

प्रदेश लोकसेवा आयोगक अध्यक्षमे यादव सिफारिस

जनकपुरधाम भादव ६ गते ।प्रदेश २ सरकार लोकसेवा आयोगक गठन प्रक्रिया शुरु भेल अछि । अध्यक्ष सिफारिस हएबाक संगहि प्रदेश लोकसेवा आयोग गठनके प्रक्रिया शुरु भेल अछि ।प्रदेश लोकसेवा आयोगक अध्यक्षमे डा.सुरेन्द्रप्रसाद यादव सिफारिस भेल छथि । मुख्यमन्त्री लालबाबु राउतक अध्यक्षतामे रहल तीन सदस्यीय सिफारिस समिति डा.यादवक नाम प्रदेश लोकसेवा आयोगक अध्यक्षमे सिफारिस कएलक अछि । अध्यक्षमे सिफारिस भेल यादवक सिरहा निवासी छथि ।
समितिमे सभामुख सरोजकुमार यादव आ प्रमुख प्रतिपक्षी दलक नेता सत्यनारायण मण्डल सदस्य छथि । यादव २९ वर्षसँ सिरहाक क्याम्पसमे अंग्रेजी विषय प्रध्यापन करबैत आबि रहल छथि । संगहि ओ नेपाल पत्रकार महासंघ सिरहा शाखाक सदस्य सेहो छथि ।
प्रदेश लोकसेवा आयोग अध्यक्षसहित तीन सदस्यीय रहबाक व्यवस्था अछि । आयोगक दुटा सदस्य आब बैसएबला मन्त्रिपरिषद् बैठकसँ नियुक्त करत मुख्यमन्त्री तथा मन्त्रिपरिषद् कार्यालय जनओलक अछि ।
लोकसेवा आयोग पूर्णता पएबाक संगहि प्रदेश कर्मचारी भर्नालेल विज्ञापन निकलबाक प्रदेश सरकारक तैयारी अछि । स्रोतक अनुसार आगामी आसिन महिनामे विभित्र पदमे कर्मचारी भर्ना सरकार विज्ञापन आव्हान करबाक तैयारी कएने अछि ।

Read More »

आई कृष्णाष्टमी, उल्लासपूर्वक मनाओल जा रहल

जनकपुरधाम भादव ६ गते ।भगवान श्री कृष्णक जन्मोत्सवके रुपमे मनाओल जाएबला कृष्णाष्टमीक रौनकता जनकपुर सहित अगल बगलक ग्रामीण क्षेत्रमे देखलगेल अछि ।
। कृष्णाष्टमीक अवसर पर जनकपुरक विषहरा पोखरि स्थित कृष्ण मन्दिर तथा विभित्र स्थान पर प्रतिमा स्थापना कऽ कऽ कएल जाइत अछि । कृष्णाष्टमीक अवसर पर पूजाअर्चना करबालेलश्रद्धालुसभक भिडभाड रहल करैत अछि ।
कृष्णाष्टमीक मेलाके देखैत सुरक्षा सतर्कता बढाओलगेल छल । जनकपुरक विषहरा पोखरि नजदिकक कृष्ण मन्दिर, रेलवे स्टेशन, सहित अगल बगल क्षेत्रमे धुमधामके सँग कृष्णाष्टमी मनाओल जाइत अछि । ज्ञानयोग, भक्तियोग आ कर्मयोगक प्रणेता कृष्ण भगवानक जन्मदिनक अवसर पर कृष्णाष्टमी मनएबाक परम्परा अछि । द्धापर युगक अन्त तर्फ भादव कृष्ण अष्टमीके मध्य रातिमे कृष्णके जन्म भेल जनविश्वासके आधार पर कृष्णाष्टमी मनएबाक परम्परा अछि ।
आई सार्वजनिक छुट्टी
कृष्णाष्टमीक अवसर पर प्रदेश सरकार आई सार्वजनिक छुट्टीके घोषणा कएलक अछि । हिन्दुसभक महान पर्व कृष्णाष्टमीक अवसर पर प्रदेश, देश तथा विदेशमे रहएबला सम्पूर्ण नेपालीकेँ मुख्यमन्त्री लालबाबु राउत शुभकामना सेहो देलन्हि अछि । राउतद्वारा जारी कएलगेल शुभकामना वक्तव्यमे शान्ति समृद्धिके कामना करैत एहि अवसर पर प्रदेश सरकार सार्वजनिक छुट्टी देबाक निर्णय कएने जनाओलगेल अछि ।

Read More »

राजधानी जनकपुर निश्चित, नाममे अलग अलग प्रस्ताव

जनकपुरधाम भादव ६ गते ।प्रदेश सरकार कार्यान्वयनमे अओलाक डेढ वर्षबाद प्रदेश २ अपन नाम आ स्थायी राजधानी पाबए जा रहल अछि । प्रदेशसभा सचिवालयमे दलसभ प्रदेशक नाम आ स्थायी राजधानी तय करबालेल वृहस्पति दिन दर्ता करएबाक संगहि प्रक्रिया आगु बढल अछि ।
प्रदेशक नाम आ राजधानीसम्बन्धी प्रस्ताव दर्ता करएबाक अन्तिम दिन वृहस्पति दिन प्रदेशसभा सचिवालयमे सभ दल स्थायी राजधानी आ नामाकरणसम्बन्धी प्रस्ताव दर्ता करओलक अछि ।
प्रदेशक राजधानी जनकपुरकेँ रखबालेल सभ दलक तर्फसँ समान प्रस्ताव अओलाक बादो नामाकरणमे फरक फरक प्रस्ताव दर्ता भेल अछि । राजधानी तय करबालेल सभ दलकतर्फसँ एकहि प्रकारक प्रस्ताव दर्ता भेलाक कारण स्थायी राजधानी जनकपुरे रहत लगभग पक्का भेल अछि । मुदा दलसभक फरक फरक प्रस्तावके कारण प्रदेशक नामाकरण करबामे झमेला निश्चित अछि ।
प्रदेशसभा सचिवालयमे प्रस्ताव दर्ता करबासँ पहिने सभ दलके अलग अगल बैठक बैसल छल । संसदीय दलक बैठकके निर्णयअनुसार दलसभ प्रदेशक नाम आ राजधानीक प्रस्ताव दर्ता करओने अछि ।
समाजवादी आ राजपाके संयुक्त प्रस्ताव
सरकारक नेतृत्व कऽ रहल समाजवादी पार्टी आ सरकारमे सहभागी राष्ट्रिय जनता पार्टी (राजपा) नेपाल संयुक्त रुपेँ प्रस्ताव दर्ता करओलक अछि । प्रदेशक नामाकरणसम्बन्धी समाजवादी पार्टीक प्रमुख सचेतक शैलेन्द्र यादव आ राजधानीक प्रस्ताव राजपाक प्रमुख सचेतक परमेश्वर साह दर्ता करओलन्हि अछि ।
समाजवादी आ राजपा प्रदेशक नामाकरण ‘मधेश प्रदेश’ आ जनकपुरसहित धनुषा जिल्ला तथा महोत्तरीक मिथिला मध्यमा परिक्रमा क्षेत्र समावेश कऽ राजधानी तय करबालेल प्रस्ताव दर्ता करओलक अछि । राजधानी तय करबाक क्रममे धनुषाक पूर्वमे कमला सीमा, दक्षिणमे नेपालक सीमा आ उत्तरमे ढल्केबरधरिके भूभाग समावेश करबाक दुनु दलक प्रस्ताव अछि ।
धनुषा आ महोत्तरीक भूभाग समावेश करबालेल कहलगेलाक बादो स्थायी राजधानीके नाम ‘जनकपुरधाम’ रखबाक समाजवादी आ राजपाक प्रस्ताव अछि । यद्यपि राजधानीक सीमाकंनमे धनुषाक लालगढ आ तुलसी समावेश नहि कएलगेल अछि ।
नेपाली कांग्रेसक प्रस्ताव–नाम ‘मिथिला भोजपुरा’, राजधानी ‘जनकपुरधाम’
एम्हर नेपाली कांग्रेस सेहो प्रदेशक स्थायी राजधानी जनकपुरधाम रखबाक प्रस्ताव दर्ता करओलक अछि । समाजवादी आ राजपा जनकपुरसहित धनुषा आ महोत्तरीक परिक्रमा क्षेत्र समावेश करबालेल प्रस्ताव कएलाक बादो कांग्रेस जनकपुरधाम उपमहानगरपालिका क्षेत्रकेँ मात्र राजधानी रखबाक प्रस्ताव दर्ता कएने अछि ।
तहिना कांग्रेस प्रदेशक नाम ‘मिथिला–भोजपुरा’ प्रस्ताव दर्ता करओने अछि । कांग्रेसक तर्फसँ जनकपुरकेँ राजधानी रखबाक प्र्रस्तावक संसदीय दलक नेता रामसरोज यादव छथि तऽ नामाकरणक प्रस्तावक प्रदेशसभा सदस्य रामनरेश यादव छथि ।
नेकपाक निर्णय– राजधानी ‘जनकपुरधाम’, नाम ‘जानकी’
प्रमुख प्रतिपक्षी दल नेपाल कम्युनिस्ट पार्टी (नेकपा) प्रदेशक नाम ‘जानकी’ प्रस्ताव कएलक अछि । प्रस्ताव दर्ता करएबासँ पूर्व बैसल संसदीय दलक बैसार ‘जानकी’ प्रदेश नामाकरण करबाक निर्णय सर्वसम्मतसँ कएलक अछि ।
तहिना बैठक प्रदेशक स्थायी राजधानी जनकपुरसहित मिथिला मध्यमा परिक्रमा क्षेत्रसहित सम्पूर्ण धनुषाकेँ समावेश करबाक प्रस्ताव कएने अछि । नेकपाक तर्फसँ राजधानी संसदीय दलक नेता सत्यनायारण मण्डल आ नामक प्रस्ताव प्रदेशसभा सदस्य रामकुमार यादव दर्ता करओलन्हि अछि ।
दलक निर्णयविपरित फरक प्रस्ताव दर्ता
स्थायी राजधानी आ नामाकरणक विषयमे संसदी दलक निर्णयविपरित किछु प्रदेशसभा सदस्यसभ अपन अपन फरक प्रस्ताव सेहो दर्ता करओलन्हि अछि । प्रस्ताव दर्ता कराबएबलामे नेपाली कांग्रेस आ समाजवादी पार्टीक प्रदेशसभा सदस्यसभ छथि ।
नेपाली कांग्रेसक संसदीय दल प्रदेशक राजधानी जनकपुरधाम आ नाम मिथिला–भोजपुरा रखबाक निर्णय कएलाक बादो कांग्रेसक प्रदेशसभा सदस्य राजेश्वर साह प्रदेशक नाम मध्य मधेश आ राजधानी वीरगंजके रखबाक प्रस्ताव दर्ता करओलन्हि अछि । साह पर्सा जिल्लासँ प्रतिनिधित्व करैत छथि । साहक प्रस्तावमे नेपाली कांग्रेसक प्रदेशसभा सदस्य ओमप्रकाश शर्मा समर्थन कएने छथि ।
तहिना जनकपुरके राजधानी बनएबाक समाजवादी पार्टीक निर्णयके विरोधमे ओहि दलक प्रदेशसभा सदस्य सिंगासन कलबार राजधानी वीरगंजसँ सिम्रौनगढ धरि बनएबाक प्रस्ताव दर्ता करओलन्हि अछि । कलबार दर्ता करओने प्रस्तावमे प्रल्हाद गिरी, करिमा बेगम, भिमा यादव, रागनी वणवाल, अन्जु यादव, जत्रत अन्सारी समर्थन जनओने अछि ।
एहन अछि प्रक्रिया
प्रदेशक स्थायी राजधानी आ नामाकरणसम्बन्धी प्रस्ताव दर्ता हएबाक संगहि शुक्रदिन कार्यव्यवस्था परामर्श समितिक होबए जा रहल अछि । बैठक दर्ता भेल प्रस्तावउपर प्रदेशसभा बैठकमे छलफल करबाक समय निर्धारण करत ।
प्रस्तावक सांसद सभामुखक अनुमतिसँ सभामे मन्तव्यसहित अपन प्रस्ताव प्रस्तुत करताह । प्रदेशसभा बैठकमे प्रस्तावउपर छलफल समाप्त भेलाक ७२ घन्टाभितर सदस्यसभ संशोधन दर्ता करा सकैत छथि ।
नामाकरणक प्रस्ताव आ संशोधन प्रस्ताव अध्ययन कऽ सरोकबारसभसँ छलफल कऽ सभामे प्रतिवेदन पेश करबालेल एक विशेष संसदीय समिति बनाओल जाएत । समिति एक महिनाभितर प्रदेशसभामे पेश करए परत । प्रदेशसभामे पेश पेश होबएबला प्रस्तावउपर गोप्य मतदान होएत । मतदानक बाद प्रस्तावके पक्षमे दु तिहाई मत अओलाक बाद प्रस्ताव पारित होएत ।

Read More »

एम्बुलेन्स चालक संघ धनुषाक नयाँ कार्यसमिति गठन

जनकपुरधाम भादव ५ गते ।संयुक्त एम्बुलेन्स चालक संघ धनुषाक नयाँ कार्यसमिति गठन कएलगेल अछि । अरमान कुमार साहक संयोजकत्वमे संघक ११ सदस्यीय नयाँ कार्यसमिति गठन कएलगेल अछि ।
समितिक उपाध्यक्षमे रामनाथ यादव, सचिवमे अनिलकुमार कर्ण, सहसचिवमे रोशनकुमार यादव, कोषाध्यक्षमे बैजनाथ साहके चयन कएलगेल अछि । तहिना प्रकाश मंगराती, मो.ताहिर राइन, विक्की तामाङ, मनिशंकर साह, अरुण कापड आ मो.मुस्तफा खानके सदस्यमे चयन कएलगेल अध्यक्ष अरमान साहद्वारा जारी विज्ञप्तिमे उल्लेख अछि ।
संगहि एहिसँ पहिने कार्यसमितिक कोषाध्यक्ष रहल अभिजित पुर्वे आ उपाध्यक्ष सुरेशकुमार महतोको संघक सदस्यसँ निष्कासन कएलगेल विज्ञप्तिमे उल्लेख अछि । दुनु गोटे पदीय मर्यादाविपरित काज कएने कहैत केन्द्रीय कार्यालयक निर्देशनअनुसार संघसँ निस्कासन कएलगेल विज्ञप्तिमे जनाओलगेल अछि ।

Read More »

विचौलिया प्रहरी फन्दामे

वीरगंज भादव ५ गते ।वीरगंजस्थित यातायात व्यवस्था कार्यालय नारयणीक ट्रायल सेन्टरमे विचौलियाक काज कएन्हिार चारिगोटेकेँ पर्सा प्रहरी नियन्त्रणमे लेलक अछि ।
प्रहरी विचौलियाक काज कएन्हिार पर्साक विन्दवासिनी गामपालिका–३ इटियाहीक २८ वर्षीय राजकुमार साह, ओहि गामपालिका–४ मधुवनके २८ वर्षीय अमलेशप्रसाद साह आ मकवानपुर हेटौंडा उपमहानगरपालिका–५ पिप्ले–५ क ४१ वर्षीय समर्थन न्यौपानकेँ नियन्त्रणमे लेलक अछि ।
चारु गोटेके विशेष सूचनाक आधार पर जिल्ला प्रहरी कार्यालय पर्सासँ खटल प्रहरी टोली वीरगंज महानगरपालिका–२३ स्थित यातायात कार्यालयक ट्रायल सेन्टरसँ नियन्त्रणमे लेलगेल पर्साक प्रहरी उपरीक्षक सोमन्द्रसिंह राठौर जानकारी देलन्हि ।
ओकरासभक सँगसँ प्रहरी ८२ हजार नगद तथा लाइसेन्ससम्बन्धी काजक विभित्र कागजात सेहो बरामद कएने अछि । चारु गोटेके हिरासतमे राखि कऽ आवश्यक अनुसन्धान चलि रहल प्रहरी उपरीक्षक राठौर बतओलन्हि ।

Read More »

डीपीआर स्वीकृति संगहि द्रुतमार्ग निर्माणमे तीव्रता

काठमाण्डु भादव ५ गते ।राष्ट्रिय गौरवक आयोजनाक रुपमे रहल काठमाण्डु–तराई–मधेश द्रुतमार्गक विस्तृत आयोजना प्रतिवेदन ९डीपीआर० स्वीकृत हएबाक संगहि आयोजनाक कामके तीव्रता भेटए जा रहल अछि । कोरियाक सुसुङ इन्जिनियिरङ एवं कन्सल्टिङ कम्पनी तैयार कएने डीपीआरकेँ सरोकारबला मन्त्रालयसँगक परामर्शमे संशोधनसहित भादव १ गते मन्त्रिपरिषद् स्वीकृत कएलक अछि ।
एसियाली राजमार्गक ‘क’ वर्गक डिजाइन मापदण्डक आधारमे बनएबला ई द्रुतमार्गक अनुमानित निर्माण लागत मूल्य अभिवृद्धिकरसहित १ खर्ब ७५ अर्ब १९ करोड ३५ लाख ७९ हजार अछि ।
नेपाल सरकारक प्रचलित दररेट आ नियमके संगहि अन्तर्राष्ट्रिय मापदण्डकेँ सेहो आधार मानि कऽ लागत अनुमान तैयार भेल जनाओलगेल अछि । सडक निर्माणके खास लागत १ खर्ब ५५ अर्ब ३ करोड ८५ लाख ६५ लाख रहल प्रारम्भिक अनुमान कएलगेल अछि ।
नेपाली सेनाक व्यवस्थापनमे उच्च प्राथमिकताके साथ द्रुतगतिमे कार्यान्वयन होबएबला एहि आयोजनाकेँ गुणस्तरसहित निर्धारित समयमे सम्पत्र करबालेल डीपीआरकेँ महत्वपूर्ण आ आधारभूत दस्तावेजके रुपमे लेल जाइत अछि ।
डीपीआर स्वीकृत हएबाक संगहि साबिकके ७६।२ किलोमिटरसँ ३।७ किमि कम भऽ कऽ ७२।५ किमि कायम भेल ई द्रुतमार्गमे महादेव डाँडा, धेद्रे डाँडा आ लेन डाँडामे तीनटा सुरुङ बनत नेपाली सेनाक प्रवक्ता विज्ञानदेव पाण्डे जानकारी देलन्हि ।
तीनटा सुरुङक लम्बाइ ६।४१ किमि अछि तऽ एहि मार्गमे ८७ टा पुल निर्माण करबाक अछि । पाँच महिनाधरि डीपीआर स्वीकृत नहि भेलासँ कामके तीव्रता नहि भेटबाक संगहि पछिला वर्ष विनियोजन कएलगेल १५ अर्बमेसँ ९ अर्ब रकम फिर्ता भेल छल ।
प्रारम्भिक चरणक काम एसियाली विकासबैंकद्वारा तय कएलगेल सम्भावित अध्ययन आ प्रारम्भिक डिजाइन तथा सेना बनओेने विस्तृृत इन्जिनियरिङ सर्भे आ अलाइटमेन्ट डिजाइनक आधार पर काज होइत आएल छल । चारि लेनमे निर्माणाधीन सडकके चौडाइ पहाडी भू–भागमे २५ मिटर आ समथलमे २७ मिटर रहत । खोकना, बुदुने आ निजगढसहित तीन स्थानमे विश्रामस्थल सेहो निर्माण कएल जाएत ओ बतओलन्हि ।
द्रुतमार्गके लेल एखनधरि जग्गा अधिग्रहणक कार्य ९६ प्रतिशत एवं गाछ कटान ९७ प्रतिशत प्रगति भऽ चुकल प्रवक्ता पाण्डे बतओलन्हि । एहि आयोजनाके लेल चालू आर्थिक वर्षमे १५ अर्ब बजेट विनियोजन भेल अछि । मन्त्रिपरिषदके बैठक द्रुतमार्गक निर्माण आगु बढाबएलेल नेपाली सेनाकेँ स्वीकृति देबाक आ आयोजनाक सडक रेखाङ्कनमे किछु परिवर्तन करबाक स्वीकृत देबाक निर्णय सेहो कएने छल । डीपीआर स्वीकृत हएबाक संगहि आयोजनाक काज तीव्रता पाओत नेपाली सेना जनओने अछि ।
दु्रतमार्ग निर्माणके लेल नेपाली सेना १० स्थानमे शिविर बना कऽ काज करैत आबि रहल अछि । एहिसँ पहिने द्रुतमार्गक ट्रयाक सेहो नेपाली सेना खनने छल । राष्ट्रिय गौरवक आयोजनामेसँ सर्वाधिक महत्वके आर्थिक रुपान्तरणकारी आयोजनाक रुपमे देखलगेल द्रुतमार्गक निर्माणसँ देशक विकासमे कायापलट करत विश्वास कएलगेल अछि ।

Read More »

पद दुरुपयोग कएने कहैत सांसद प्रभु साहकेँ कारबाहीके माँग

रौतहट भादव ५ गते ।नेकपाक असन्तुष्ट पक्षसभ नेकपा प्रदेश २ क अध्यक्ष तथा रौतहट क्षेत्र नम्बर ३ क सांसद प्रभु साह पदके दुरुपयोग कएने कहैत कारबाहीके माँग कएलन्हि अछि ।
रौतहटके गौरमे बुधदिन आयोजित पत्रकार सम्मेलनमे असन्तुष्ट पक्ष पदके दुरुपयोग कएने प्रदेश अध्यक्ष साहकेँ कारबाहीके माँग कएलन्हि अछि ।
नेकपाक पूर्वसभासद अशोक जयसवाल पत्रकार सम्मेलनमे बजैत सांसद साहक कारण विगत लम्बा समयसँ पार्टीमे योगदान देने साथीसभ बाध्य भऽ कऽ पार्टी छोडने बतओलन्हि । स्थानीय तहक निर्वाचनक समय मौलापुर नगरपालिकाक नगर प्रमुखक टिकट नहि भेटलाक बाद स्थानीय धिरज पटेल तत्कालीन माओवादी पार्टी छोडि कऽ राजपासँ टिकट लेने रहथि । पटेल भूमिगतकालसँ माओवादीमे छलथि ।
पछिलाबेर प्रदेश सदस्य, जिल्ला पदाधिकारी, जिल्ला सदस्यसभक नामावली आ गाम÷नगर कमिटीक पदाधिकारी चयनमे सेहो पुरा गुटबन्दी कएने पूर्वसभासद जयसवाल बतओलन्हि । सांसद साह पदके दुरुपयोग करैत विभित्र स्थानीय तहमे अपन आदमीके मात्र टिकट देने बतबैत जयसबाल दोसर पद लेबएलेल ओ अध्यक्ष पदसँ राजीनामा देने छथि ई सभ हुनकर नाटक मात्र रहल बतओलन्हि ।
‘हम विगत १० वर्षसँ रौतहट जिल्लाक पार्टी इन्चार्ज, केन्द्रीय सदस्य भेल आदमीके दु वर्षसँ दबा कऽ रखलन्हि । हमरा जँका बहुत कार्यकर्ताकेँ दबा कऽ रखने छथि,’ ओ कहलन्हि,‘बलिदानीक गरिमामय इतिहास रहल पार्टीकेँ रौतहटमे समाप्त कऽ साह अपन घरपरिवार आ दलालसभक पार्टी बनाबए चाहि रहल छथि ।’
पत्रकार सम्मेलनमे जयसवाल नगर÷गाम पालिकाक पदाधिकारी चयन, जिल्ला सदस्यसभक चयन यथाशीघ्र नहि सुधारलगेल तऽ जिल्ला भितर दोसर समानान्तर कमिटी गठन करबाक चेतावनी देलन्हि । हुनकासभक माँग यथाशीघ्र सम्बोधन करबालेल पत्रकार सम्मेलनक सहभागीसभ केन्द्रीय तहसँ आग्रह कएलन्हि अछि ।
पत्रकार सम्मेलनमे यमुनामाइ गामपालिकाक अध्यक्ष श्रीप्रसाद मुखिया, तत्कालीन नेकपा माओवादीक केन्द्रीय सदस्य विपिन जयसवाल, प्रदेश सदस्य, जिल्ला सदस्य, तत्कालीन माओवादीक तर्फसँ विजयी भेल विभित्र वार्डक अध्यक्षसहितक उपस्थिति छल ।

Read More »
1 2 3 142